"ᐃᑉᐱᒍᓱᒃᑐᖓ ᐊᑐᖅᓯᒪᔭᓐᓂᒃ 60−ᓂᒃ ᓯᑲᑉ−ᖑᓪᓗᖓ ᐱᕈᖅᐸᓪᓕᐊᓪᓗᖓᓗ ᓄᓇᖃᖅᑳᖅᓯᒪᙱᓪᓗᓂ ᐊᖏᕐᕋᖓᓂ ᖃᐅᔨᒪᙱᖦᖢᖓ ᓇᓂ ᓄᓇᖃᕐᒪᖔᕐᒪ ᐱᓱᒃᖢᖓᓗ ᒪᕐᕉᖕᓂᒃ ᓄᓇᕐᔪᐊᓂᒃ. ᐃᖅᑲᓇᐃᔮᖅᑖᓚᐅᖅᑐᖓ, ᑐᑭᓕᐅᕆᓪᓗᖓ ᐊᒻᒪ ᐃᓄᖕᓂᒃ ᑲᑎᑎᑦᑎᓇᓱᒃᖢᖓ," ᓇᓗᓇᐃᖅᓯᕗᖅ ᓵᓚ ᕼᐋᐳ. ᑎᒍᐊᕆᔭᐅᔪᖅ ᐃᓅᓵᖅᑎᓪᓗᒍ ᐱᕈᖅᓴᓪᓗᓂᓗ ᓄᓇᖃᖅᑳᖅᓯᒪᙱᓪᓗᓂ ᐊᖏᕐᕋᖓᓂ, ᑲᑎᖃᑎᖃᕋᓱᒃᓯᒪᔪᖅ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓂ ᑕᒪᒃᑭᑲᓴᖕᓄᑦ ᐃᓐᓇᐅᑉ ᐃᓅᓯᖓᓄᑦ. ᐊᓈᓇᖓ ᕗᐊᑦ ᓯᐳᐃᔭᓐᒦᙶᓚᐅᖅᐳᖅ ᐊᑖᑕᖓᓗ ᕘᓱᓪ ᓄᓇᖃᖅᑳᖅᓯᒪᔪᓂᑦ ᐋᓐᑎᐅᕆᐅᒥ.

ᕼᐋᐳ ᕕᒃᑑᕆᐊᒥ ᓄᓇᖃᖅᓯᒪᓕᖅᑐᖅ ᐊᕐᕌᒍᓄᑦ 20-ᓄᑦ, ᓯᕗᓪᓕᖅᐹᒥ ᑎᑭᓚᐅᖅᓯᒪᓪᓗᓂ ᐊᐅᓪᓛᖅᓯᒪᓪᓗᓂ 19-ᓂᒃ ᐅᑭᐅᖃᖅᑎᓪᓗᒍ. ᐊᓐᓄᕌᖃᕐᖢᓂ, ᐱᒋᐊᕐᖢᓂ ᐃᓅᓯᖓᓂ ᐊᑕᐅᓯᖅ ᓄᓇᓕᕐᔪᐊᖑᓂᖅᓴᖅ ᐊᖏᕐᕋᖓᓂ ᐋᓪᐴᑕᒥ. ᐃᓅᓪᓗᓂ ᐊᐅᓚᑦᑎᔪᖅ ᓇᖕᒥᓂᖅ ᓄᓇᖃᖅᑳᖅᓯᒪᔪᑦ ᑐᓴᐅᒪᔪᓕᕆᓂᕐᒥ ᓇᖕᒥᓂᕆᔭᖓᓂ ᐊᑐᕐᓂᑰᓪᓗᓂ ᐱᕙᓪᓕᐊᔪᓕᕆᓂᕐᓂ ᑐᓴᐅᒪᔪᓕᕆᓂᕐᓂᒃᓗ. ᐋᖅᑭᒃᓯᓪᓗᓂ ᐊᕐᕌᒎᓵᖅᑐᓂ ᐱᑎᑦᑎᔪᒪᓪᓗᓂ ᓇᖕᒥᓂᖃᕐᓂᕐᒥᒃ ᐱᓇᓱᖕᓂᕐᒥᒃ ᐊᒥᖅᑳᕈᑎᖃᕐᓗᓂ ᓄᓇᖃᖅᑳᖅᓯᒪᔪᑦ ᐅᓂᒃᑳᖏᓐᓂᒃ ᑕᐅᑐᒃᑕᖏᓐᓂᒃᓗ ᐱᒃᑯᒋᔭᖃᕐᓗᑎᒃ ᓄᓇᖃᖅᑳᖅᓯᒪᔪᑦ ᐃᓕᖅᑯᓯᖏᓐᓂ ᐱᒻᒪᕆᐅᒋᔭᖏᓐᓂᒃᓗ. ᐃᑲᔪᖃᑦᑕᖅᑕᖏᑦ ᐃᓚᐅᑎᑦᑎᔪᑦ ᒐᕙᒪᓂᑦ ᓄᓇᖃᖅᑳᖅᓯᒪᔪᓂᒃᓗ ᑲᑐᔾᔨᖃᑎᒌᓂᑦ ᐱᓕᕆᑦᑎᐊᒃᑲᓐᓂᕈᒪᔪᑦ ᐱᓕᕆᖃᑎᖃᕈᒪᔪᓪᓘᓐᓃᑦ ᓄᓇᖃᖅᑳᖅᓯᒪᔪᓂᑦ ᐃᓄᖕᓂᑦ.

ᑐᓴᒐᒃᓴᓕᕆᔩᑦ ᑐᑭᖃᑦᑎᐊᓚᐅᖅᑐᑦ ᐃᖅᑲᓇᐃᔮᖃᕐᓂᕐᒥᒃ ᓲᖃᐃᒻᒪ Huber−ᑯᑦ ᑎᑎᕋᕐᓂᕐᒥᒃ ᖁᕕᐊᒋᔭᖃᐃᓐᓇᐅᔭᕐᒪᑕ ᐊᒻᒪ ᐅᓂᒃᑳᑲᑕᒃᐸᒃᖢᑎᒃ. ᐃᓕᓐᓂᐊᕆᐊᓚᐅᖅᓯᒪᔪᖅ ᐱᕙᓪᓕᐊᔪᓕᕆᔨᕈᖅᑐᓂᓗ ᑭᓯᐊᓂ ᖃᐅᔨᓚᐅᖅᑐᖅ ᐊᑭᓖᑦᑎᐊᖏᓐᓂᖓᓂᑦ ᐊᒻᒪ ᐅᓪᓗᖏᑕ ᐋᖅᑭᓱᖅᓯᒪᓂᖏᑦ ᓂᕆᐅᒋᔭᐅᓚᐅᖅᑐᖅ ᓈᒻᒪᖏᑦᑑᖏᓐᓇᕐᓂᐊᕐᓂᖓᓄᑦ ᐊᖏᔪᖅᑳᕆᔭᐅᓂᕐᒧᑦ ᑲᒪᒋᔭᕆᐊᓕᖏᓐᓂᑦ ᐊᐃᑉᐸᖃᖏᓪᓗᓂ ᐊᓈᓇᐅᓪᓗᓂ. ᓅᑉᐸᓪᓕᐊᓕᓚᐅᖅᑐᖅ ᑐᓴᐅᒪᔪᓕᕆᓂᖕᒧᑦ, ᑐᑭᒧᐊᒃᑎᑦᑎᔨᐅᓪᓗᓂ ᑐᓴᐅᒪᔪᓕᕆᓂᖕᓄᑦ ᓄᓇᖃᖅᑳᖅᓯᒪᔪᓄᓪᓗ ᐃᒡᓗᓕᕆᔨᒃᑯᓐᓄᑦ ᓄᓇᖃᖅᑳᖅᓯᒪᔪᓄᑦ ᐃᒡᓗᓕᕆᔨᐅᓂᖕᒧᑦ. ᐱᓕᕆᐊᖓ ᕿᒥᕐᕈᓚᐅᖅᑐᖅ ᑐᓴᐅᒪᔾᔪᑎᓂᑦ ᐅᐱᒍᓱᑦᑐᓂᑦ ᓄᓇᖃᖅᑳᖅᓯᒪᔪᑦ ᐱᒻᒪᕆᐅᒋᔭᖏᓐᓂᑦ ᐊᒻᒪᓗ ᖃᐅᔨᒋᐊᖃᑦᑕᕆᓪᓗᓂ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓂᑦ ᐃᓪᓗᓕᕆᓂᕐᒧᑦ ᐱᓕᕆᐊᑦ ᑲᒪᒋᔭᐅᒐᓗᐊᕐᒪᖔᑕ ᐅᐱᒋᔭᐅᓪᓗᑎᒃ ᐊᕕᑦᑐᖅᓯᒪᓂᖏᑦ ᐊᒻᒪᓗ ᐃᓕᖅᑯᓯᖏᑎᒍᑦ ᐱᓕᕆᔾᔪᓯᖏᑦ.

"ᒪᑐᐃᖓᐃᓐᓇᐅᔭᖅᑐᖓ ᑎᒍᐊᖅᑕᐅᓂᕐᒧᑦ ᖃᐅᔨᒪᙱᖦᖢᖓᓗ ᓇᑭᙶᕐᒪᖔᕐᒪ ᐃᓕᖅᑯᓯᓐᓂᓘᓐᓃᑦ. ᑕᒪᓐᓇ ᐱᔾᔪᑎᒋᓪᓗᒍ, ᐅᓄᖅᑐᓂᒃ ᐊᔾᔨᒌᙱᑦᑐᓂᒃ ᓄᓇᖃᖅᑳᖅᓯᒪᔪᓂᒃ ᓯᕗᓕᖅᑎᖃᖃᑦᑕᖅᓯᒪᕗᖓ ᐊᒻᒪ ᐃᓐᓇᕐᓂᒃ ᐅᕙᓐᓂᒃ ᓇᒃᓴᖃᑦᑕᖅᓯᒪᕗᖓ ᐃᓕᖅᑯᓯᕐᒥᓂᒃ ᐃᓕᓴᐃᖃᑎᖃᖅᐸᒃᖢᑎᒡᓗ ᐅᕙᓐᓂᒃ, ᐅᐱᒋᔭᐅᑦᑎᐊᖅᓯᒪᔪᖅ," ᕼᐋᐳ ᑕᑯᒃᓴᐅᑎᑦᑎᕗᖅ.

ᐅᖃᐅᔾᔪᐃᓂᖓ ᒪᒃᑯᒃᑐᓄᑦ ᐃᓕᓐᓂᐊᖅᑎᓄᓪᓘᓐᓃᑦ ᐃᓱᒪᑐᐃᓐᓇᕆᐊᓕᖕᓄᑦ ᐊᐅᓪᓚᕈᒪᓪᓗᑎᒃ ᓄᓇᒥᓂᒃ ᐃᓕᑦᑎᔭᖅᑐᕐᓗᑎᒃ ᐊᓯᐊᓄᑦ ᐅᕝᕙᓘᓐᓃᑦ ᐊᐅᓪᓚᑐᐃᓐᓇᕐᓗᑎᒃ ᐊᓯᒥᓄᑦ ᐊᓯᔾᔨᕆᐊᖃᖅᑰᔨᙱᖦᖢᑎᒃ. ᓱᓕᓗᑎᑦ ᐃᓕᖕᓄᑦ ᐃᓕᓴᐃᔾᔪᑎᑎᓪᓗ ᑭᒡᒐᖅᑐᐃᔨᒋᕙᖏᑦ, ᐱᓪᓚᑦᑖᖑᓗᓂ ᓇᒧᙵᐅᒐᓗᐊᕈᕕᑦ ᐊᐅᓚᓪᓗᒍᓗ ᓇᖕᒥᓂᖅ ᐅᓂᒃᑳᕆᔭᑦ. ᒪᒃᑯᖕᓂᖅᓴᓂᒃ ᐅᖃᐅᔾᔪᐃᔪᓐᓇᕈᓂ, ᐃᒪᐃᑦᑑᓇᔭᖅᐳᖅ, "ᓱᓕᓗᑎᑦ ᑭᓇᐅᓂᕐᓂᒃ, ᖃᐅᔨᒪᓗᑎᓪᓗ ᐊᔪᙱᓐᓂᖃᕐᓂᕐᓂᒃ, ᐊᔪᙱᓐᓂᕐᓂᒃ ᐊᒻᒪ ᐊᑑᑎᖃᕐᓂᕐᒥᒃ, ᐊᓯᑎᑦ ᐃᓄᐃᑦ ᖃᓂᒋᔭᕐᓃᑦᑐᑦ ᐅᖃᐅᑎᒐᓗᐊᕈᕕᒋᑦ ᑕᐃᒪᐃᙱᓐᓂᕋᐃᓗᑎᒃ."

ᐊᖏᓛᖅ ᐊᔭᖅᑭᑦᑕᕈᑕᐅᕙᒃᑐᑦ ᓵᑦᑎᐊᕐᒥᐅᑕᖃᖃᑦᑕᖅᓯᒪᕗᖅ ᐃᓄᖕᓂᒃ ᐱᕕᒃᓴᖃᖅᑎᑦᑎᔪᒪᙱᖦᖢᑎᒃ ᐅᕝᕙᓘᓐᓃᑦ ᐋᖅᑭᒃᓯᒪᓕᖅᑎᑦᑎᔪᒪᙱᖦᖢᑎᒃ ᖃᓄᖅ ᐊᑯᓂᐅᑎᒋᔪᖅ ᓇᒧᙵᐅᔪᓐᓇᕐᒪᖔᕐᒥᓂ ᑲᑐᔾᔨᖃᑎᒌᒧᑦ. ᓂᕈᐊᖅᓯᒪᔪᖅ ᐃᒻᒥᓂᒃ ᐃᓱᒪᓕᐅᕈᒪᓪᓗᓂ ᓇᒧᓐᖓᕐᓂᐊᕐᒪᖔᕐᒥ ᐃᖅᑲᓇᐃᔮᖓᓄᑦ ᐊᒻᒪᓗ ᓄᖅᑲᖓᑎᑕᐅᖏᓪᓗᓂ. "ᐊᒃᓱᕈᕐᓇᖅᑐᖅ ᑖᓐᓇᑐᐊᑦᑎᐊᖅ ᐃᓕᖕᓂᒃ ᐅᒃᐱᕆᔪᖅ. ᑭᓯᐊᓂ ᐱᒻᒪᕆᐅᓇᓱᒋᔭᕋ ᐃᓄᐃᑦ ᐅᖃᐅᑎᖃᑦᑕᙱᓪᓗᒋᑦ ᑭᓇᐅᖕᒪᖔᖅᐱᑦ, ᐅᕝᕙᓘᓐᓃᑦ ᖃᓄᖅ ᐊᔪᙱᓐᓂᖃᕐᒪᖔᖅᐱᑦ, ᐅᕝᕙᓘᓐᓃᑦ ᖃᓄᖅ ᐅᖓᓯᒃᑎᒋᔪᓐᓇᕐᒪᖔᖅᐱᑦ," ᒪᓂᒪᑎᑦᑎᔪᖅ. ᐱᓕᕆᐊᒥᖕᓂ, ᕿᓃᓐᓇᐅᔭᖅᑐᖅ ᐱᕕᒃᓴᓂᑦ ᐃᖅᑲᓇᐃᔭᓕᖅᑎᑦᑎᒃᑲᓐᓂᕐᓂᕐᓂ ᓄᓇᖃᖅᑳᖅᓯᒪᔪᓂᑦ ᐊᒥᖅᑳᕈᑎᖃᕐᓗᑎᒃ ᐊᔪᖅᓴᙱᓐᓂᕐᓂ. "ᖃᓪᓗᓈᑦ ᐱᐅᓯᕆᖅᑰᕐᒪᒍ ᐊᑭᓖᓗᓂ ᐊᑭᓕᕆᐊᓕᖕᓂᑦ, ᐅᕝᕙᓘᓐᓃᑦ ᑕᐃᒪᐃᓕᐅᕆᐊᖃᖅᖢᑎᑦ. ᑕᒪᒃᑯᐊ ᒪᓕᒋᐊᖃᖅᑐᒋᙱᓐᓇᑦᑎᒍᑦ ᐅᓂᒃᑳᖅᑕᐅᔪᑦ. ᐃᓄᑦᑎᐊᕙᐅᑐᐃᓐᓇᕈᓐᓇᖅᐳᒍᑦ ᐱᕕᒃᓴᖃᕈᑦᑕᓗ, ᐊᓯᑦᑎᓐᓄᑦ ᑕᑯᔭᐅᑎᑦᑐᓐᓇᖅᑕᕗᑦ," ᑲᔪᓰᓐᓇᖅᐳᖅ.

ᐃᓱᒪᖓᑕ ᖃᓄᐃᙱᑦᑎᐊᕐᓂᖓᓃᖏᓐᓇᕋᓱᒃᓗᓂ, Huber−ᑯᑦ ᐊᑐᖃᑦᑕᖅᑐᑦ ᐃᓱᒪᒥᐅᑕᖃᑦᑎᐊᕐᓂᕐᒥᒃ ᓴᐸᖓᒃᑯᑦ, ᐱᖅᑯᓯᑐᖃᒃᑯᑦ ᐊᑐᕋᓲᑎ ᐱᑎᑦᑎᓪᓗᓂ ᐃᓗᐊᕆᔭᖓᓂᒃ ᖃᐅᔨᒪᓪᓗᓂ ᓯᕗᓕᖏᑦ ᑕᐃᒪᐃᓚᐅᕐᓂᖏᓐᓂᒃ. "ᑐᓴᐃᓐᓇᐅᔭᖅᑐᒍᑦ ᐃᓱᒪᒃᓴᖅᓯᐅᕐᓂᕐᒥᒃ ᐊᒻᒪ ᔫᒐᒥᒃ, ᑭᓯᐊᓂ ᐅᓄᖅᑐᓂᒃ ᓄᓇᖃᖅᑳᖅᓯᒪᔪᑦ ᐃᓕᖅᑯᓯᖏᓐᓄᑦ ᐱᓕᕆᔾᔪᓯᖅᑕᖃᖅᑰᕐᒪᑦ ᐃᓱᒪᒥᐅᑕᖃᑦᑎᐊᖅᑐᓂᒃ, ᐊᒻᒪ ᐃᓕᔅᓯᓐᓄᑦ ᐊᑦᑕᑕᖅᑎᑦᑎᓲᖑᒋᓪᓗᓂ ᓯᕗᕚᑦᑎᓐᓄᑦ ᐊᒻᒪ ᖃᐅᔨᒪᓪᓗᑎᒃ ᖃᓄᖅ ᖃᑕᙳᑎᑎᑦ ᑲᒪᒋᔭᖃᖃᑦᑕᖅᓯᒪᓂᖏᓐᓂᒃ ᐃᓱᒪᒥᒍᑦ ᖃᓄᐃᙱᑦᑎᐊᕐᓂᕐᒥᒃ ᐊᕐᕌᒍᒐᓴᖕᓄᑦ," ᑐᓴᖅᑎᑦᑎᖃᑕᐅᕗᖅ.

ᐃᓱᒪᖅᓱᕐᓂᖅ ᐃᖅᑲᓇᐃᔭᕐᓂᕐᒥᒃ ᐃᒻᒥᓂᒃ ᑲᔪᖏᖅᓴᐃᔪᖅ, ᖃᐅᔨᒪᓪᓗᓂ ᐱᓕᕆᐊᖃᕆᐊᖃᖏᓐᓂᖓᓂᒃ ᐊᓪᓚᒡᕕᒻᒥᒃ ᒐᕙᒪᓕᕆᓂᕐᒥᒃ ᐅᕝᕙᓘᓐᓃᑦ ᒥᑭᔪᒥᒃ ᐱᑲᒻᒪᓐᓂᐅᔪᒥᒃ ᐊᒻᒪᓗ ᓇᒻᒥᓂᖅ ᐊᐅᓚᑦᑎᓪᓗᓂ ᐃᓅᓯᕐᒥᓂᒃ. ᐱᔪᒃᓯᑎᑕᐅᑦᑎᐊᕐᒥᔪᖅ ᓄᓇᖃᖅᑳᖅᓯᒪᔪᑦ ᒪᒃᑯᒃᑐᓄᑦ ᓯᕗᓕᖅᑎᓄᑦ ᐊᓯᖏᓐᓄᓪᓗ ᓄᓇᖃᖅᑳᖅᓯᒪᔪᑦ ᓇᖕᒥᓂᖃᖅᑎᖏᓐᓄᑦ. ᓇᖕᒥᓂᖅ ᑲᔪᖏᖅᓴᐃᓗᓂ, ᓄᓇᖃᖅᑳᖅᓯᒪᔪᑦ ᒪᒃᑯᒃᑐᖏᑦ ᐅᖃᐅᑎᔪᒪᕙᖏᑦ, "ᐃᓱᒪᒋᔭᖃᑦᑎᐊᕈᕕᑦ ᐅᕝᕙᓘᓐᓃᑦ ᐃᓱᒪᒋᔭᖃᑦᑎᐊᕈᕕᑦ, ᑐᓴᖅᑎᑦᑎᔪᓐᓇᕐᓗᓂ ᐊᓯᒥᓄᑦ ᐃᓄᖕᓄᑦ ᐱᕈᖅᐸᓪᓕᐊᑎᓪᓗᒍ ᐊᒻᒪ ᑭᓱᒥᑭᐊᖅ... ᐊᒻᒪᓗ ᐃᒃᐱᒍᓱᒃᑯᕕᑦ ᐆᒻᒪᑎᖕᓂ, ᑕᐃᒪᐃᓕᐅᓪᓗᐊᖅᑐᑎᑦ."

ᐱᕈᖅᓴᓚᐅᖅᑎᓪᓗᒍ 60-ᓂᒃ ᓯᑰᑉ ᐃᓅᓂᑯᒥᒃ, ᐱᕈᖅᓴᓪᓗᓂ ᓄᓇᖃᖅᑳᖅᓯᒪᖏᑦᑐᒥ ᐊᖏᕐᕋᖓᓂ, ᖃᐅᔨᒪᓗᐊᕋᓂ ᓇᒥ ᓄᓇᖃᕐᒪᖔᖅ ᐊᒻᒪᓗ ᐱᓱᑦᑐᓂ ᒪᕐᕉᓐᓂᒃ ᓄᓇᕐᔪᐊᓂ, ᓵᓚ ᕼᐊᐳ ᐃᖅᑲᓇᐃᔮᖃᓕᓚᐅᖅᑐᖅ, ᑐᑭᓕᐅᕆᓪᓗᓂ ᐊᒻᒪᓗ ᐃᓄᓐᓂᒃ ᑲᑎᑎᑦᑎᓪᓗᓂ. ᓇᓂᓯᓂᖅ ᐊᑐᒐᒃᓴᓂᒃ ᑐᓴᐅᒪᔪᓕᕆᓂᕐᓂ ᐅᐱᒍᓱᖕᓂᕐᓂ ᓄᓇᖃᖅᑳᖅᓯᒪᔪᑦ ᐱᒻᒪᕆᐅᒋᔭᖏᓐᓂ ᖃᐅᔨᒋᐊᕐᓗᓂᓗ ᓇᓂᓯᓇᓱᒃᓗᓂ ᐃᓄᖁᑎᖏᓐᓂ, ᐱᕈᖅᐸᓪᓕᐊᑎᑦᑎᔪᖅ ᐊᒃᑐᐊᓂᕐᓂ ᐃᖕᒥᖕᓄᑦ ᐊᓯᖏᓐᓄᓪᓗ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᑦᓵᑦ ᑎᑎᕋᓚᐅᕐᒪᑦ ᑕᒪᑐᒥᖓ.