"ᖁᕕᐊᒋᔭᖃᐃᓐᓇᐅᔭᖅᑐᖓ ᐃᖃᐃᓕᓴᕐᓂᕐᒥᒃ," ᐅᖃᖅᑐᖅ ᓵᓖᓐ ᒧᔅᑰᒍ, ᑎᓚ'ᑲᒥᓐ ᐊᓈᓇᐅᔪᖅ ᒪᕐᕉᖕᓄᑦ ᓇᖕᒥᓂᕐᓗ ᐱᓕᒻᒪᒃᓴᓂᕐᒥ ᐃᓕᓐᓂᐊᖅᑎ ᑕᐃᑲᓂ ᐅᐊᖕᓇᖅᐸᓯᐊᓂ ᐃᐅᓪᐴᑕ ᐃᓕᓐᓂᐊᕐᕕᒃ ᓄᑖᙳᖅᐸᓪᓕᐊᔪᓄᑦ. ᐸᕐᓇᒃᑐᖅ ᓄᓇᕐᔪᐊᒥ ᓄᓇᒥᙶᖅᑐᓂᒃ ᑎᒥᓕᐅᕐᓗᓂ ᒥᑭᑦᑐᒥᒃ ᑐᒃᑲᕆᐊᓕᖕᒥ, ᑐᑭᖃᕐᖢᓂ ᒥᑭᓐᓂᖅᓴᒥᒃ ᑐᑭᖓᓂᒃ ᓄᑭᖓᑕ ᐊᖏᓂᖓᓂᒃ. ᐊᑐᖅᓯᒪᔪᖅ ᐊᓯᔾᔨᕐᔪᐊᕐᓂᕐᒥᒃ ᐃᖃᐃᓕᓴᕐᓂᒃᑯᑦ, ᑕᓪᓕᒪᖓᓄᐊᖅᓯᓪᓗᓂ ᓄᓇᕐᔪᐊᕐᒧᑦ ᐃᓕᑦᑎᓚᐅᖅᑎᓪᓗᒍ ᓴᓗᒃᑎᓴᕐᓂᕐᒥᒃ ᓴᕕᕋᔭᒃᓴᒥᒃ ᐃᑲᔪᕈᓐᓇᖅᑐᖅ ᐋᖅᑭᒃᓯᓗᓂ ᐃᒃᐱᖕᓂᐊᓂᒃᑯᑦ ᐅᖁᒪᐃᓐᓂᖓᓂᒃ ᐊᑐᕐᓂᑯᖏᓐᓂ. 

ᒧᔅᑰᑉ ᖁᕕᐊᒋᔭᖃᕐᓂᖓ ᐆᒻᒪᕆᖕᓂᕐᒥᒃ ᐱᒋᐊᕐᖢᓂ ᒪᒃᑯᒃᑎᓪᓗᒍ ᐃᑦᑐᖓᓗ ᐊᕿᔨᐅᓪᓗᓂ. ᐱᕈᖅᓴᓪᓗᓂ, ᑎᒍᐊᓐᖑᐊᖃᖅᐸᓚᐅᖅᑐᖅ ᐊᖓᔪᖅᑳᖏᒃ ᒪᒃᑯᓗᐊᓚᐅᕐᒪᑕ ᐊᒻᒪᓗ ᐱᓂᕐᓗᑦᑕᐅᖃᑦᑕᓚᐅᕐᒪᑦ. ᓂᖏᐅᖓ ᑎᒍᐊᖑᐊᖑᔪᓐᓃᓚᐅᖅᑐᖅ ᐊᒻᒪᓗ ᐱᕈᖅᓴᓪᓗᓂᐅᒃ, ᒧᒥᖅᑎᖦᖢᒍ ᐊᒻᒪᓗ ᐊᕿᓪᓗᓂ.  

ᐊᖅᓴᕐᓂᕐᒥᒃ ᖁᕕᐊᒋᔭᖃᓕᓚᐅᖅᑐᖅ ᐊᒻᒪ ᐊᔪᙱᖦᖢᓂ, ᐱᙳᐊᖅᑎᑦᑎᐊᕙᐅᓪᓗᓂ 12-ᖑᖅᖢᓂ. ᐃᖃᐃᓕᓴᓕᕋᒥ, ᐆᒻᒪᑎᒃᑯᑦ ᑕᐅᑐᓪᓗᐊᑕᓚᐅᖅᑐᖅ ᐊᒻᒪ ᐅᖁᒪᐃᓐᓂᖅᓯᐅᓗᐊᕋᓂ ᐃᓕᓐᓂᐊᓚᐅᖅᓯᒪᙱᖦᖢᓂ ᑕᐃᒪᐃᖁᓚᐅᖅᑕᒥᓂᒃ. ᒧᔅᑭᒍ ᐅᓪᓚᓚᐅᖅᑐᖅ, ᐱᓕᕆᓪᓗᓂ ᐃᐸᕋᒥᓂᒃ ᐊᒻᒪᓗ ᓂᑲᒍᓱᑦᑎᐊᕐᖢᓂ, ᑎᒥᒥᒃ ᐱᕈᖅᓴᐃᓪᓗᓂ ᐊᒃᓱᕈᕐᓇᒃᑲᓐᓂᕐᖢᓂ ᑖᔅᓱᒧᖓ. 

"ᖃᐅᔨᒪᑐᐃᓐᓇᓚᐅᖅᑐᖓ ᐊᓕᐊᓇᐃᒋᓚᐅᖅᑕᕋ ᐃᖅᑲᓇᐃᔭᕆᐊᒃᓴᖅ. ᐋᖅᑭᒍᒪᖅᑲᐅᒐᒪ. ᑲᐳᔾᔭᕐᕕᒋᓚᐅᖅᑕᓕᒫᓐᓄᑦ, ᐃᓅᓯᓕᒫᓐᓄᑦ."

ᑕᒪᓐᓇ ᑎᑭᓚᐅᖅᑕᖓ ᐸᓂᖓ ᐊᒻᒪᓗ ᑕᑯᓪᓗᓂ ᐱᖃᓐᓇᕆᔭᒥᓂᒃ ᓴᓗᑦᑎᔪᒻᒪᕆᐅᔪᒥᒃ ᐊᒻᒪᓗ ᓄᑭᖃᒻᒪᕆᓕᖅᑐᓂ. ᒧᔅᑭᒍ ᕿᒡᒋᕈᒪᓕᓚᐅᖅᑐᖅ ᐆᒃᑐᖅᖢᒍᓗ ᐊᒻᒪᓗ ᐃᖅᑲᓇᐃᔭᖅᑎᑖᖅᖢᓂ ᑲᒪᔨᒃᓴᒥᒃ. ᐊᒃᓱᕈᕐᓇᖅᑑᓯᒪᔪᖅ ᑭᓯᐊᓂ ᖁᕕᐊᒋᑦᑎᐊᖅᑕᖓ. 

ᐊᓯᐊᑎᒍᑦ ᐊᒃᓱᕈᕐᓇᓚᐅᖅᑐᖅ ᑲᓇᑕᒨᕈᓐᓇᓚᐅᖅᓯᒪᙱᖦᖢᓂ ᓄᓇᓕᖕᒦᖃᑕᐅᓚᐅᖅᓯᒪᙱᖦᖢᓂ. ᐃᓚᒥᓄᑦ ᐊᒃᑐᐊᓂᖃᓚᐅᙱᑦᑐᖅ ᑕᑯᓪᓗᓂᓗ ᐃᒥᐊᓗᖕᒥᒃ ᐋᖓᔮᕐᓇᖅᑐᓂᒡᓗ ᐃᓚᓪᓚᕆᖏᓐᓂᒃ, ᐊᓈᓇᖓᑕ ᓄᑲᖓᓗ ᓄᑲᖓ ᐃᓅᔪᓐᓃᖅᖢᓂ. ᒧᔅᑭᒍ ᓱᓕ ᐊᑕᐅᓯᕐᒥᒃ ᓇᔭᖃᖅᑐᖅ. ᐃᓚᒥᓂᒃ ᐊᓯᐅᔨᓪᓗᓂ ᑕᐃᒪᓐᓇ ᑐᑭᖃᖅᐳᖅ ᐱᓕᕆᖃᑎᖃᕈᒪᓂᖓᓂᒃ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓂᒃ ᖃᓄᐃᙱᑦᑎᐊᖅᑐᓂᒃ ᑎᒥᖏᓐᓂᒃ ᑲᒪᔪᓐᓇᖁᓪᓗᒋᑦ ᐊᒃᓱᕈᕐᓇᖅᑐᒃᑰᖅᑎᓪᓗᒋᑦ ᐃᖃᐃᓕᓴᕐᓂᒃᑯᑦ.  

ᕿᒃᓵᒃᑎᓪᓗᒍ ᐊᓈᓇᖓ ᓇᔭᖓᓗ ᐃᓅᔪᓐᓃᖅᑎᓪᓗᒍ, ᐱᕙᒌᔭᓚᐅᖅᑐᖅ ᐱᓂᑭᓴᐅᑎᓂᕐᒧᑦ ᐊᒻᒪ ᓄᒫᓱᖕᓂᖅ ᐊᔪᕐᓇᕐᓂᖅᓴᐅᑎᑦᑎᓪᓗᓂ. ᖁᖓᓯᕐᒧᐊᖅᑎᖦᖢᓂᒋᑦ ᐊᑐᓚᐅᖅᓯᒪᓪᓗᓂᒋᑦ ᖁᖓᓯᖓᓄᐊᕋᒥ ᑕᓪᓕᒪᓂᒃ, ᐊᓈᓇᒋᓚᐅᖅᑕᓂ ᓇᓪᓕᐅᑎᑎᓪᓗᒍ. ᐃᒃᐱᖕᓂᐊᓂᒃᑯᑦ ᐊᑐᕐᓂᑯᑦ ᑐᕌᕐᖢᑎᒃ ᓵᓚᖃᕋᓱᒃᓗᓂ ᐊᒃᓱᕈᕐᓇᖅᑐᖅ ᑭᓯᐊᓂ ᐆᒻᒪᕆᒃᖢᓂ ᐃᑲᔪᖅᑕᐅᓂᖅ. "ᐱᓕᕆᓂᖅ ᐃᑲᔪᓚᐅᖅᑐᖅ ᐅᕙᓐᓂᒃ ᓴᖅᑭᑎᑦᑎᓪᓗᓂ ᑖᒃᑯᓂᖓ ᐃᒃᐱᖕᓂᐊᓂᕐᓂ. ᐋᓐᓂᕐᔪᐊᓚᐅᖅᑐᖓ ᓂᙵᐅᒪᓪᓗᖓᓗ ᓄᒫᓱᒃᖢᖓᓗ," ᐃᖅᑲᐅᒪᔪᖅ.  

"ᑐᑭᓯᐅᒪᓕᖅᑎᓪᓗᖓ ᐃᓕᓐᓂᐊᕐᓗᖓᓗ ᖃᓄᖅ ᐊᑐᕈᓐᓇᕐᒪᖔᑦ ᐃᖃᐃᓕᓴᕐᕕᐅᑉ ᐱᖁᑎᖏᑦ, ᑕᒪᓐᓇ ᐅᖃᐅᓯᕆᔪᓐᓇᖅᑕᕋ ᐊᓯᓐᓄᑦ ᐃᓄᖕᓄᑦ." 

ᐃᓚᒌᑦ ᐃᓅᓯᖏᑦ ᐅᓪᓗᒥ ᐃᓚᖃᖅᑐᑦ ᐅᐃᒥᓂᒃ 16-ᓂᒃ ᐊᕐᕌᒍᓂᒃ ᐊᒻᒪᓗ 10-ᓂᒃ 13-ᓂᒃ ᐅᑭᐅᓕᒃ ᐸᓂᖏᑦ ᓵᓚᖃᕋᓱᐊᖃᑕᐅᓪᓗᑎᒃ ᐃᖃᐃᓕᓴᕐᕕᓐᓂᒃ, ᒫᓐᓇᕋᑖᖑᓂᖅᐹᖅ ᐊᐅᓪᓚᖃᑦᑕᖅᑐᑦ ᓛᔅ ᕕᒐᔅᒧᑦ ᐊᑭᑦᑐᕋᐅᑎᖃᑕᐅᔭᖅᑐᖅᑐᑎᒃ. ᐊᖓᔪᒃᖠᖅᐹᖅ ᓯᕗᓪᓕᖅᐸᐅᓪᓗᓂ ᓄᑲᖅᖠᖅᐹᖅ ᐸᓂᖓ 9-ᒋᔭᐅᑎᓪᓗᒍ. 2600-ᖑᓚᐅᖅᐳᑦ ᐱᙳᐊᖅᑏᑦ ᐱᓂᑭᓴᐅᑎᑎᓪᓗᒋᑦ. 

ᒧᔅᑭᒍ ᐃᒻᒥᓂᒃ ᐃᓕᓯᒪᔪᖅ ᖁᓛᓂ, ᒥᖦᖢᓂ ᐅᐱᒋᔭᐅᔪᒧᑦ, ᐊᐅᓚᑕᐅᓪᓗᓂ ᖁᕕᐊᒋᑦᑎᐊᖅᑕᖓᓄᑦ ᖃᓄᐃᓕᐅᕐᓂᖓᓄᑦ. ᐱᔪᒃᓯᐃᓐᓇᕆᐊᖃᓕᕌᖓᑦ, ᕿᑐᕐᖓᒥᓂᒃ ᑕᐅᑐᓕᓲᖅ. "ᑭᓱᓕᒫᓂᒃ ᐱᔪᒪᑐᐃᓐᓇᓚᐅᖅᑐᖓ ᐊᓈᓇᐅᑎᓪᓗᖓ ᐸᓂᓐᓄᑦ," ᓄᓕᐊᓗᒃ. ᑕᐃᒪᐃᖁᓪᓗᒍ ᕿᓂᖅᐳᖅ ᐆᑦᑑᑎᒥᒃ ᐊᓈᓇᑦᑎᐊᖓᑕ ᒥᒃᓵᓄᑦ ᐊᒻᒪᓗ ᑐᑭᓯᒋᐊᕈᑎᒥᒃ ᐃᓕᑕᒥᓂᒃ ᓱᕈᓯᕐᓄᑦ ᐃᓱᒪᓕᕆᓂᕐᒥᒃ. ᒪᒥᓴᕆᐊᖅᐸᒃᑭᓪᓗᓂ. 

ᐊᓈᓇᒥᓂᒃ ᑲᑎᖃᑎᖃᖃᑦᑕᓚᐅᖅᐳᖅ ᐅᐊᑲᓪᓚᒻᒪᕆᐅᓚᐅᖅᐳᖅ, ᑕᑯᓪᓗᓂ ᑭᓇᒥᑭᐊᖅ ᑲᑎᑦᑐᒪᐃᓐᓇᐅᔭᖅᑕᒥᓂᒃ ᓇᒡᓕᒋᔭᒥᓂᒡᓗ ᐋᓪᓚᐅᖅᑰᔨᔪᒥᒃ. ᐊᓈᓇᖓᑕ ᐊᖏᕐᕋᖓ ᓄᓇᖃᖅᑳᖅᓯᒪᔪᓄᑦ ᓴᓇᐅᒐᖃᓚᐅᖅᐳᖅ ᑕᐃᑲᓂᓗ ᕿᓚᐅᔾᔭᕆᐅᖅᓴᓪᓗᓂ ᐊᒻᒪ ᒧᒥᕆᐅᖅᓴᓪᓗᓂ. ᐊᓈᓇᖓᑕ ᐱᐅᓯᕆᕙᓚᐅᖅᑕᖏᓐᓂᒃ ᐃᓕᑦᑎᓚᐅᕐᒥᔪᖅ, ᐱᒻᒪᕆᐅᔪᓂᒃ ᐱᔾᔪᑎᖃᕈᓐᓇᖅᖢᓂ, ᐊᒻᒪ ᐃᑲᔪᕈᓐᓇᙱᖦᖢᓂ ᐃᑲᔪᖅᑕᐅᔪᒪᙱᑦᑐᒥᒃ, ᐊᔪᕐᓇᖅᑐᒥᒃ ᐃᓕᓐᓂᐊᖅᑎᑦᑎᓪᓗᓂ. ᒧᔅᑭᒍ ᓅᓚᐅᖅᑐᖅ ᐋᓪᐴᑕᒧᑦ ᕿᓂᖅᑎᓪᓗᒍ ᐊᓯᔾᔨᕈᑎᒥᒃ. 

ᒧᔅᑰᑉ ᑕᐅᑐᖅᑰᖅᑕᖓ ᓯᕗᓂᒃᓴᒧᑦ ᓂᕆᐅᖕᓂᖃᑦᑎᐊᕐᓂᖅ ᓇᒡᓕᖕᓂᕐᓗ. "ᕿᑐᕐᖓᒃᑲ ᓇᒡᓕᒋᔭᐅᖁᑐᐃᓐᓇᖅᑕᒃᑲ ᐃᓅᓯᖃᑦᑎᐊᖁᑐᐃᓐᓇᖅᑕᒃᑲ ᐊᒻᒪ ᐃᑲᔪᕈᒪᑐᐃᓐᓇᖅᑕᒃᑲ ᓯᓐᓇᒃᑑᒪᔭᖏᓐᓄᑦ," ᖁᖓᑉᐸᒃᖢᓂ. ᓇᖕᒥᓂᖅ ᐱᔪᒪᔭᖏᓐᓄᑦ, ᓂᕆᐅᒃᑐᖅ ᑕᒪᒃᑭᕐᓗᓂ WNBF−ᒧᑦ ᐱᓯᑎᐅᓛᖑᓗᓂ ᓄᓇᕐᔪᐊᒥ. ᓂᕆᐅᒃᐳᖅ ᐃᑲᔪᕈᒪᓪᓗᓂ ᐱᕙᓪᓕᐊᔪᒃᑰᖅᑎᑦᑎᓗᓂ ᐊᓯᐊᓂᒃ ᑲᐳᔾᔭᕐᕕᖃᕐᓂᖓᓂᒃ ᐅᕝᕙᓘᓐᓃᑦ ᖃᓄᖅ ᕿᓄᐃᓵᕈᑎᖃᕈᓐᓇᕐᒪᖔᑦ ᐱᓕᕆᐊᒥᑎᒍᑦ, ᖃᐅᔨᑎᑦᑎᓗᓂ ᐅᓄᕐᓂᖅᓴᓂᒃ ᐃᓄᖕᓂᒃ ᐃᖃᐃᓕᓴᕐᓂᕐᒥᒃ. 

ᐅᖃᐅᑎᔪᒪᕙᖓ ᓄᓇᖃᖅᑳᖅᓯᒪᔪᑦ ᒪᒃᑯᒃᑐᑦ "ᓴᐱᓕᖅᑕᐃᓕᒋᑦ. ᐊᔭᐅᖅᑐᐃᖏᓐᓇᕆᑦ. ᐃᓕᖕᓂᒃ ᐅᒃᐱᕆᓗᑎᑦ ᑲᑉᐱᐊᓱᙱᓪᓗᑎᓪᓗ ᐃᑲᔪᖅᑕᐅᔪᒪᔭᕆᐊᒃᓴᖅ. ᓵᓖᓐ ᒧᔅᑰ ᖁᕕᐊᒋᔭᖃᐃᓐᓇᐅᔭᖅᑐᖅ ᐃᖃᐃᓕᓴᕐᓂᕐᒥᒃ ᐊᒻᒪᓗ ᑕᒪᓐᓇ ᖁᕕᐊᒋᑦᑎᐊᖅᑕᖓ ᓇᖕᒥᓂᖅ ᐃᖏᕐᕋᓂᓂᕆᓚᐅᖅᑕᖓᓄᑦ ᐱᓂᑭᓴᐅᑎᓂᕐᒧᑦ. ᖃᐅᔨᓚᐅᖅᑐᖅ ᓴᓗᒃᑎᓴᕐᓂᖅ ᐊᐅᒃᓯᐅᑎᒥᒃ ᐃᑲᔪᕈᓐᓇᕐᓂᖓᓂᒃ ᐋᖅᑭᒃᓯᓂᕐᒥᒃ ᐃᒃᐱᖕᓂᐊᓂᒃᑯᑦ ᐅᖁᒪᐃᓐᓂᖓᓂᒃ ᑭᖑᓂᑦᑎᓐᓂᑦ ᓴᙱᓂᖅᓴᐅᓗᓂᓗ ᐃᓱᒪᒋᓚᐅᖅᑕᒥᓂᒃ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.