"ᐱᒻᒪᕆᐅᓂᖓ, ᐃᓚᒋᔭᐅᔪᖅ ᐊᑐᕐᓂᖅᓴᐅᓗᒍ, ᐱᓯᒪᓂᖅᓴᐅᒍᕕᐅᒃ," ᓇᓗᓇᐃᖅᐳᖅ ᑕᑰᑕ ᐳᕆᓐᑦ, ᐃᓚᒋᔭᐅᔪᖅ ᒧᕼᐋᒃ ᒃᓛᓐᑦ 6-ᓂᑦ ᑲᑐᔾᔨᖃᑎᒌᓂᙶᖅᑐᖅ ᒍᕌᓐ ᑰᖕᒥᑦ. ᓇᒻᒥᓂᖃᖅᑎᐅᓪᓗᓂ ᐊᒻᒪᓗ ᑎᑎᖅᑐᒐᖅᑎᐅᓪᓗᓂ ᐱᒋᐊᖅᑎᑦᑎᖃᑕᐅᓯᒪᔪᖅ ᓯᑉᓕᖕ ᐊᒻᒪᓗ ᕝᓕᓐᑦ, ᓂᐅᕕᐊᒃᓴᖃᓲᖅ ᐱᐅᓴᐅᑎᓂᒃ ᓴᓇᕙᑦᑐᑦ ᒎᓗᒥᒃ ᐊᒻᒪᓗ ᓯᐅᕗᑖᖅᑐᑎᒃ, ᒪᕐᕈᓕᐊᖓ ᔭᓯ.

ᓯᑉᓕᖕ ᐊᒻᒪ ᕝᓕᓐᑦ, BA−ᒥᑦ ᐱᓚᐅᖅᑐᖅ ᓄᓇᖃᖅᑳᖅᓯᒪᔪᑦ ᐊᕙᑎᓕᕆᓂᕐᒥᑦ ᐃᓕᓐᓂᐊᕐᓂᕐᒥᑦ ᐊᒻᒪ ᖁᑦᑎᓂᖅᐹᒥᑦ ᐱᔭᕇᕈᓯᐊᕐᒥᑦ ᓄᓇᓕᓐᓂᑦ ᐸᕐᓇᐃᓂᕐᒥᑦ UBC−ᑯᓐᓂᑦ. ᕚᓐᑰᕗᒥ, ᐃᓕᓴᐃᓚᐅᖅᑐᖅ ᐅᖃᐅᓯᕐᒥᓂᒃ ᐊᒻᒪᓗ ᒧᒥᖅᑎᑦᑎᖃᑦᑕᖅᑐᓂ ᐊᓯᖏᓐᓂᒃ ᒧᕼᐊᒃ ᕼᐊᑎᓅᓂ ᐃᓄᓐᓂᒃ ᐃᓕᖅᑯᓯᕐᒥᓂᒃ ᑲᑐᔾᔨᖃᑎᖃᖅᑐᓂ, ᐃᓕᓐᓂᐊᓯᓐᓈᑦ ᓇᒻᒥᓂᖃᕐᓂᕐᒥᒃ ᐊᐅᓚᑦᑎᓂᕐᒥᒃ ᒧᒥᖅᑎᓂᒃ. ᒫᓐᓇᓕ, ᓇᔭᖓ ᐃᓕᓐᓂᐊᓚᐅᖅᑐᖅ ᓴᕕᕋᔭᖕᓂᒃ ᑕᑯᒥᓴᐅᑎᓂᒃ ᔪᐊᔾ ᐳᕋᐅᓐ ᓯᓚᑦᑐᖅᓴᕐᕕᖕᒥ.

ᐊᖏᕐᕋᕋᒥ, ᑲᑐᔾᔨᖃᑎᖃᓚᐅᖅᑐᑦ ᑎᑎᕋᐅᔭᖅᓯᒪᓂᖓᓄᑦ, ᐳᕆᐊᓐᑦ ᓴᓇᓪᓗᓂ ᖃᓪᓗᓈᖅᑕᓂᒃ ᐊᒻᒪᓗ ᑎᑎᖅᑐᒐᐅᔭᖅᓯᒪᔭᖏᓐᓂᒃ ᐃᓕᓯᓪᓗᑎᒃ ᓂᐅᖏᓐᓄᑦ ᐊᒻᒪᓗ ᐅᕕᓂᕈᖏᓐᓄᑦ. ᐱᒋᐊᕈᑎᑦᑎᐊᕙᐅᓚᐅᖅᑐᖅ, ᑭᓯᐊᓂ ᐃᓱᒪᓚᐅᖅᑐᖅ, "ᕿᓂᕈᒪᙱᓐᓇᒪ ᐅᕕᓂᕈᕐᓂᑦ ᐃᓅᓇᓱᓪᓗᖓ. ᑕᐃᒪᐃᓕᐅᕈᒪᙱᑦᑐᖓ." ᕿᑐᕐᖓᖃᓚᐅᖅᑎᓪᓗᒋᑦ, ᐃᓱᒪᓚᐅᕐᒪᑕ ᑕᒪᓐᓇ ᖁᕕᐊᓱᒍᑕᐅᓂᐊᕐᒪᖔᖅ ᐅᕝᕙᓘᓐᓃᑦ ᐱᒻᒪᕆᐅᓂᕐᓴᐅᓂᐊᕐᒪᖔᖅ.

"ᖃᐅᔨᒪᑦᑎᐊᕋᓱᒃᑲᓗᐊᖅᑐᖓ [ᐃᕐᓂᕐᒪ ᐃᕐᓂᖓ] ᑭᖑᕚᒃᑲ ᐊᖓᔪᖅᑳᒃᑲᓗ; ᑭᖑᕚᕇᑦ ᐊᒃᓱᕈᕆᐊᖃᓚᐅᖅᑐᑦ."

ᐃᓯᖅᑐᐃᓐᓇᐅᓚᐅᖅᑐᑦ, ᐊᑐᖅᑐᐊᖅᑐᑎᒃ ᐊᑐᐃᓐᓇᐅᓗᐊᙱᑦᑐᒥᒃ ᓂᐅᕕᕐᕕᐅᔪᒥᒃ ᐊᒻᒪᓗ ᑕᐃᑲᓂ ᓂᐅᕐᕈᑎᖃᖅᐸᓕᖅᑐᑎᒃ ᐱᐅᓴᐅᑎᓂᒃ. "ᐊᓕᐊᓇᐃᒍᓱᒃᐳᒍᑦ ᓴᓇᔪᓐᓇᕋᑦᑎᒍᑦ ᓂᐅᕕᐊᒃᓴᕗᑦ ᓄᓇᕗᒻᒥᑦ. ᓯᐅᕗᓕᐅᕐᔪᐊᖅᑐᒍᑦ ᓲᖃᐃᒻᒪ 400-ᓂᒃ ᐊᕐᕌᒍᓂᒃ ᐱᖅᑯᓯᖃᓕᕋᑦᑕ ᖃᑯᓪᓕᕐᒥᒃ," ᐳᕆᐊᓐᑦ-ᓂᒃ.

ᓂᐅᕕᐊᒃᓴᑦ ᓄᓇᕐᔪᐊᕐᒥ ᖃᕋᓴᐅᔭᒃᑯᑦ ᐊᒻᒪ ᓄᓇᓕᖕᓂ ᓂᐅᕕᕐᕕᖕᒦᑦᑐᑦ ᐋᖅᑭᒃᑕᐅᓯᒪᕗᑦ ᓇᔭᖓᑕ ᖃᐅᔨᖃᑦᑕᖅᓯᒪᔭᖏᓐᓂᒃ ᐱᓕᒻᒪᒃᓴᖅᑎᓪᓗᒋᑦ ᐱᖅᑯᓯᒃᑯᑦ Silversmiths−ᓂᒃ, wampum jewelry−ᓕᐅᖅᖢᑎᒃ, ᐊᒻᒪ ᐃᓕᓐᓂᐊᖅᖢᑎᒃ ᐊᑐᕆᐊᒃᓴᖅ ᐱᓕᕆᔾᔪᑎᕐᔪᐊᓂᒃ, ᓴᓇᕝᕕᐊᓗᖕᓂ ᐱᖁᑎᓂᒃ. ᐃᓕᓐᓂᐊᖅᑎᑕᐅᓪᓗᑎᒃ ᐃᖅᑲᓇᐃᔭᖅᑎᖏᑦ, ᑐᓂᓯᕙᓪᓕᐊᕗᑦ ᐃᓕᖅᑯᓯᑐᖃᖅᑎᒍᑦ ᓴᓇᙳᐊᕐᓂᕐᒧᑦ ᑕᑕᑎᕆᐊᓕᒻᒥᑦ ᐆᒻᒪᖅᑎᑦᑎᒃᑲᓐᓂᕋᓱᐊᖅᑐᑎᒃ ᓄᓇᓕᓐᓂᑦ ᒪᑭᒪᒐᓱᐊᕐᓂᕐᒥᑦ. 

"ᐊᖏᓛᕆᓚᐅᖅᑕᕋ ᑐᓗᖅᑕᕈᑎᒐ ᑐᑭᓯᐅᒪᐃᓐᓇᐅᔭᖅᑐᖅ ᖃᓄᖅ ᐊᐅᓚᑦᑎᔭᕆᐊᒃᓴᖅ ᐱᓯᓂᓯᒥᒃ ᓲᖃᐃᒻᒪ ᐱᓯᓂᓯᒧᑦ ᐃᓕᓐᓂᐊᕐᕕᓕᐊᓚᐅᖅᓯᒪᙱᓐᓇᒪ."

ᑉᕋᑦ ᑭᒡᒐᖅᑐᐃᔨᐅᕗᖅ ᓇᖕᒥᓂᖃᖕᓂᖕᒧᑦ ᐃᓕᓐᓂᐊᕐᓂᖕᒥᑦ ᐃᓕᑦᑎᖁᓪᓗᒋᑦ ᑮᓇᐅᔭᓕᕆᓂᖕᒥᑦ ᓈᒻᒪᓛᓂᒡᓗ ᐊᑑᑎᖃᖅᑐᓂᑦ ᓂᐅᕕᐊᒃᓴᓂᑦ ᐊᔪᙱᓐᓂᖕᓂᓪᓗ, ᐃᑲᔫᑕᐅᓲᖅ ᓴᓇᕝᕕᐅᔪᓂᑦ ᐃᓗᐃᑦᑑᓪᓗᓂ. ᓇᖕᒥᓂᖃᕐᕖᑦ ᐊᑭᓕᒐᒃᓴᓕᐅᓲᑦ ᑲᔪᓰᓐᓇᕈᓐᓇᖅᑐᓂᒃ ᐊᑭᓕᖅᓱᐃᓂᕐᒧᑦ ᐊᒃᑐᖅᑕᐅᓲᖑᕗᑦ ᑕᐃᒃᑯᓄᖓ ᓂᐅᕐᕈᑎᖃᓲᓄᑦ ᓇᐃᑦᑐᓂᒃ. ᐃᓕᑦᑎᕙᓪᓕᐊᓂᖅ ᐃᑭᐊᖅᑭᕕᖕᒥᒃ ᑭᒃᑯᑐᐃᓐᓇᓂᒡᓗ ᑐᓴᐅᒪᑎᑦᑎᓂᕐᒧᑦ ᐊᐅᓚᑦᑎᕙᖕᓂᕐᒥᒃ ᑐᑭᓯᐅᒪᓂᕐᒥᒡᓗ ᖃᐅᔨᓴᖅᓯᓂᕐᒥᒃ ᑮᓇᐅᔭᓂᒃ ᐊᑐᙱᓐᓂᖅᓴᐅᑎᑦᑎᓚᐅᖅᐳᖅ ᐱᒋᐊᓕᓵᕐᓂᖓᓂ ᑕᐃᒪᙵᓪᓗ, ᐳᕆᐊᓐᑦ ᐃᓕᑦᑎᕙᓪᓕᐊᓯᒪᕗᖅ ᐊᑭᓕᖅᓱᖅᑕᐅᓂᕐᒥᒃ, ᑮᓇᐅᔭᓕᕆᓂᕐᒧᑦ ᐅᓂᒃᑲᐅᓯᖃᕐᓂᕐᒥᒃ, ᐃᓄᖕᓂᒃ ᐊᐅᓚᑦᑎᕝᕕᖃᕐᓂᕐᒥᒃ, ᖃᓄᕐᓗ ᐋᖅᑭᒃᓱᐃᕙᓪᓕᐊᔪᓐᓇᕐᓂᕐᒥᒃ ᓇᖕᒥᓂᕆᔭᐅᔪᒥᒃ ᐊᑐᕈᓐᓇᖅᑐᒥᒃ ᑖᔅᓱᒧᖓ ᐃᓅᓯᖓᓄᓪᓗ.

"ᐃᓅᓯᐃᑦ ᖃᐅᔨᖅᑳᕐᓗᒍ ᐃᖅᑲᓇᐃᔮᖅᑖᕆᓚᐅᙱᓂᕐᓂᑦ. ᐃᓅᓯᐃᑦ ᐅᖃᐅᓯᐅᑎᑦᑕᐃᓕᒍᒃ ᐃᖅᑲᓇᐃᔮᕐᓄᑦ, ᐃᒡᓗᖔᖓᓄᐊᕐᓗᑎᑦ ᑕᐃᒪᐃᓕᐅᕐᓗᑎᓪᓗ ᒪᒃᑯᒃᑎᓪᓗᑎᑦ."

ᐃᕐᓂᖓ ᒧᕼᐊᒃ ᐃᓚᐅᖃᑦᑕᖅᑐᖅ ᐅᓪᓗᓄᑦ ᑎᓴᒪᓄᑦ ᐱᓇᓱᐊᕈᓯᕐᒥ ᐊᒻᒪᓗ ᓇᒻᒥᓂᖁᑎᒥᓂᒃ ᐱᕕᖃᖁᔨᓪᓗᓂ ᐃᓚᒥᓂᒃ, ᐊᒻᒪᓗ ᓂᐅᕕᖃᑦᑕᖅᑐᑦ ᐱᔪᒪᔭᖏᓐᓂᒃ.  "ᓄᓇᖃᖅᑳᖅᓯᒪᔪᑦ ᓇᓗᓇᐃᒃᑯᑕᕆᒐᑦᑎᒍᑦ, ᑭᓯᐊᓂ ᐋᖅᑭᒃᓯᔭᕆᐊᖃᖅᐳᒍᑦ ᓇᓕᒧᒌᒃᑐᒥᒃ ᐅᕙᑦᑎᓐᓄᑦ ᐅᖃᖅᑕᑦᑎᓐᓂ ᕼᐊᑦᓇᐅᓐ−ᖑᓪᓗᑕ, ᑭᓯᐊᓂᑦᑕᐅᖅ ᓂᐅᕐᕈᑕᐅᔪᓐᓇᕆᓪᓗᓂ. ᐅᓪᓗᖅ ᐊᓂᒍᖅᑎᓪᓗᒍ, ᓂᐅᕐᕈᑎᖃᕈᓐᓇᕐᓂᕆᔭᕋ ᑲᓇᑕᓕᒫᒥ, ᓄᓇᖃᖅᑳᖅᑐᑐᐊᖑᙱᑦᑐᖅ. ᑮᓇᐅᔭᓕᐅᕈᒪᒍᕕᑦ, ᓴᓇᔭᕆᐊᖃᖅᑐᑎᑦ ᐊᖏᓂᖅᓴᒧᑦ ᓄᓇᓕᔅᓯᓐᓄᑦ," ᓇᓗᓇᐃᖅᓯᔪᖅ. 

ᐊᐅᓚᑦᑎᓂᖅ ᓇᖕᒥᓂᕆᔭᐅᔪᒥᒃ ᑭᒃᑯᑐᐃᓐᓇᕐᒨᖓᙱᓚᖅ, ᕝᕋᓐᑦ ᖃᐅᔨᒪᕗᖅ. "ᐃᕐᙲᓐᓈᖅᑕᐅᒃᑯᑦ ᑭᐅᔪᓐᓇᐃᓪᓕᒍᕕᑦ, ᓇᖕᒥᓂᖃᕐᕕᒋᔭᕐᓂᒃ ᐊᐅᓚᑦᑎᒍᕕᑦ ᐃᓕᖕᓄᑦ ᐊᑲᐅᓛᖑᓇᔭᖅᑰᙱᑦᑐᖅ, ᖃᐅᔨᒪᔭᕆᐊᖃᕋᕕᑦ ᖃᓄᖅ ᑲᒪᒋᔭᖃᕆᐊᒃᓴᖅ ᐊᑭᓕᖅᓱᐃᔨᑦ ᐱᔨᑦᑎᕋᐅᑎᖏᓐᓂᒃ, ᐃᓄᐃᑦ ᐅᖄᓚᕝᕕᒋᓗᒋᑦ ᐅᕝᕙᓘᓐᓃᑦ ᐃᕐᖐᓐᓈᖅᑕᐅᒃᑯᑦ ᑎᑎᕋᕐᓗᑎᒃ ᐅᖃᐅᑎᓗᑎᓪᓗ ᑭᓱᓂᒃ ᐱᐅᒃᓴᕐᒪᖔᑕ ᓂᐅᕕᐊᒃᓴᒥᒃ ᐊᒻᒪ ᑭᓱᓂᒃ ᐱᐅᒃᓴᙱᒻᒪᖔᑕ," ᐊᒃᑐᐊᓂᖃᖅᐳᖅ. 

ᐃᓱᒪᔪᖅ ᓈᒻᒪᒍᓱᙱᓐᓂᕐᒥᓂᒃ ᐃᓱᒪᖅᓱᕐᓗᓂ ᓂᐅᕕᐊᒃᓴᖃᕐᓂᕐᒧᑦ ᖃᐅᔨᓴᕐᓂᕐᒥᒃ. ᓂᐅᕕᖅᐸᒃᑐᑦ ᑭᐅᖃᑦᑕᖅᑕᖏᑦ ᐊᒃᑐᐃᓯᒪᕗᑦ ᐴᖏᓐᓂᒃ, ᓂᐅᕕᐊᒃᓴᑦ ᓇᓗᓇᐃᖅᓯᒪᓂᖏᓐᓂᒃ ᐊᒻᒪ ᖃᓄᖅ ᓴᖅᑭᑎᑦᑎᕙᖕᒪᖔᑦ ᓂᐅᕕᐊᒃᓴᒥᓂᒃ, ᐅᖃᖅᖢᓂ "ᐱᕕᒃᓴᖃᓚᐅᖅᐳᖅ ᖃᐅᔨᓇᓱᒃᖢᓂ ᓂᐅᕕᖅᐸᒃᑐᑦ ᑭᓱᓂᒃ ᐱᔪᒪᓪᓚᑦᑖᕐᒪᖔᑕ ᐊᒻᒪ ᐱᕈᖅᐸᓪᓕᐊᑎᑦᑎᓪᓗᑎᒃ ᐊᒻᒪ ᐱᐅᓂᖅᓴᓂᒃ ᓴᖅᑭᑦᑎᕙᓪᓕᐊᖏᓐᓇᖅᖢᑕ, ᐱᐅᓂᖅᓵᓗᖕᓂᒃ ᓴᖅᑭᑦᑎᓇᓱᒃᖢᑕ." 

ᐃᓄᐃᑦ ᐊᐱᕆᔭᕌᖓᒥ ᑭᓱ ᐱᐅᓛᖑᖕᒪᖔᑦ ᓇᖕᒥᓂᖃᕐᓗᓂ, ᐅᖃᕐᖢᓂ, "ᓴᓇᓯᒪᕗᖓ ᓂᐅᕕᐊᒃᓴᒥᑦ ᐃᓄᐃᑦ ᓂᐅᕕᕈᒪᔭᖏᓐᓂᑦ." ᑐᓴᕆᐊᒃᓴᖅ ᑐᓴᕆᐊᒃᓴᖅ ᖃᕋᓴᐅᔭᒃᑯᑦ ᑐᓴᖅᑎᑦᑎᔾᔪᑎᓂᒃ ᑕᑯᙱᖦᖢᓂᓗ ᓇᖕᒥᓂᖃᕐᓂᕐᒥᒃ ᓇᖕᒥᓂᖅ ᐊᖓᔪᖅᑳᕆᒋᐊᒃᓴᖅ, ᑭᓯᐊᓂ ᑲᒪᒋᔭᒃᓴᕆᖔᖅᑕᖏᑦ ᐃᓄᐃᑦ ᒪᓕᒃᓗᒍ ᐃᓅᓯᖏᓐᓄᑦ. 

ᐳᕆᐊᓐᑦ ᑎᓕᐅᕆᔪᒪᕗᖅ ᐱᔪᒃᓯᑎᑦᑎᔪᒪᓂᕐᒥᒃ ᓄᓇᖃᖅᑳᖅᑐᓂᒃ ᓇᖕᒥᓂᖃᖅᑎᐅᔪᓂᒃ. "ᑭᓱᑐᐃᓐᓇᑦ ᐊᓯᔾᔨᐃᓐᓇᖃᑦᑕᖕᓂᐊᖕᒪᑕ. ᐊᒥᓱᑦ ᓇᒻᒥᓂᖃᖅᑎᐅᔪᑦ ᓇᒻᒥᓂᖅ ᐊᐱᖅᑯᑎᖃᖃᑦᑕᖅᑐᑦ ᐊᑕᐅᓯᐊᖅᑐᑎᒃ ᓱᒻᒪᑦ ᑕᐃᒪᐃᒻᒪᖔᑦᑕ. ᑕᒪᒃᑯᐊ ᐱᓪᓚᕆᑐᐃᓐᓇᐅᔪᑦ, ᑭᓯᐊᓂ ᐃᓚᒋᒻᒪᐅᒃ ᐃᖏᕐᕋᓂᐅᔫᑉ ᖁᓅᕐᒥᖃᑦᑕᖏᓪᓗᓂ ᐃᓚᖏᓐᓄᑦ ᐅᑎᕆᐊᕈᑎᐅᔪᓄᑦ. ᐊᑯᓂᐊᓘᓲᖅ ᓴᓇᓇᓱᒃᓗᓂ ᓴᓇᓯᒪᔭᕐᓂᒃ. ᕿᓚᒻᒥᐅᓗᐊᓐᖏᑦᑐᖅ, ᐱᓗᐊᖅᑐᒥᒃ ᐃᓄᖁᑎᑦᑎᓐᓄᑦ, ᑭᖑᕚᕇᓄᑦ ᐊᔪᖅᓴᖏᓐᓂᕗᑦ. ᓄᓇᖃᖅᑳᖅᓯᒪᓪᓗᑕ, ᐊᒥᓱᑎᒍᑦ ᐱᒋᐊᓕᑕᐃᓐᓇᕋᑦᑕ ᕿᑦᓵᓇᖅᑐᓂᒃ. ᓯᕗᓪᓕᖅᐸᐅᓂᐊᖅᑐᒍᑦ ᐊᔪᖅᓴᙱᓪᓗᑕ ᐃᓚᑦᑎᓐᓂ, ᑕᐃᒪᓐᓇᓗ ᐅᓄᕐᓂᖅᓴᐅᓪᓗᑕ ᐱᓕᕆᖃᑎᖃᖅᑐᒍᑦ," ᐅᖃᖅᖢᓂ. 

ᓂᕆᐅᖕᓂᖃᕈᓐᓃᖁᔨᙱᑦᑐᖅ. "ᐊᒃᓱᕈᖅᑕᐅᑦᑕᐃᓕᓗᑎᑦ ᐊᓯᕕᑦ ᐊᑐᖅᓯᒪᔭᖏᓐᓂᒃ ᓇᖕᒥᓂᖃᕐᓂᕐᒥᒃ, ᓲᖃᐃᒻᒪ ᐃᓅᒐᕕᑦ ᐊᒻᒪ ᓇᖕᒥᓂᖅ ᐃᖏᕐᕋᓗᑎᑦ. ᓴᓇᓗᒍ ᐱᖁᑎ ᕿᓂᖅᑕᐃᑦ, ᑐᙵᕕᒋᓗᒍ ᑭᓱᓂᒃ ᐱᔭᕆᐊᖃᕐᒪᖔᖅᐱᑦ, ᐃᓅᓯᐃᓪᓗ ᑭᓲᓂᐊᕐᒪᖔᑦ. ᑭᓇᑐᐃᓐᓇᖅ 100% ᐅᖃᐅᔾᔨᔪᓐᓇᙱᓚᖅ ᖃᓄᐃᓕᐅᕆᐊᖃᕐᒪᖔᖅᐱᑦ ᓇᒻᒥᓂᖃᕐᓂᕐᒥᑦ. ᓇᖕᒥᓂᖅ ᖃᐅᔨᓇᓱᒋᐊᖃᑐᐃᓐᓇᖅᑐᑎᑦ ᑭᓱᓂᒡᓗ ᐊᔪᙱᓐᓂᖃᕆᐊᖃᕐᒪᖔᖅᐱᑦ," ᑲᔪᓯᓗᓂ.

ᓯᕗᓂᒃᓴᖅ ᑕᐅᑐᓪᓗᒍ, ᐳᕆᓐᑦ ᐃᒡᓗᓕᐅᕈᒪᕗᖅ. ᑕᐃᒪᓕ ᐊᑲᐅᒃᓴᖅᑐᔭᓕᖅᑐᓂ ᐃᓪᓗᒨᕋᓱᐊᕆᐊᒃᓴᖅ ᐊᒻᒪᓗ ᐃᒻᒥᓂᒃ ᐊᑭᓕᕐᓱᓂ ᐃᓅᓯᕆᔪᒪᔭᒥᓂᒃ ᐅᐊᑦᑎᐊᕈᐊᓗᒃ.

ᐃᓱᒪᑐᓂᖅ ᐃᓚᒋᔭᐅᒻᒪᑦ ᐊᑐᕐᓂᖅᓴᐅᓗᒍ, ᐱᑕᖃᕐᓂᖅᓴᐅᑉᐸᑦ, ᐊᒻᒪᓗ ᑖᑯᑕ ᐳᕆᐊᓐᑦ ᐊᒻᒪᓗ ᓇᔭᖓ ᐊᑐᑦᑎᐊᖅᓯᒪᓪᓗᓂᐅᒃ. ᓴᓇᓂᖅ ᓇᒻᒥᓂᕆᔭᒥᒃ, ᐃᓅᓯᖃᕐᓂᖅ ᐃᓚᒥᓄᑦ, ᐱᔪᓐᓇᕐᓂᖏᓐᓄᑦ ᓄᓇᓕᖏᑕ, ᐊᒻᒪᓗ ᓄᓇᓕᖏᑕ ᑮᓇᐅᔭᓕᐅᕈᑎᖏᑦ, ᖃᐅᔨᒪᕗᑦ ᑭᓱᓕᒫᑦ ᒎᓕᖑᖏᒻᒪᑕ. ᐃᓚᖏᑦ ᓯᐅᕗᑖᖅᑐᑦ, ᓇᓪᓕᒋᔭᐅᓪᓗᑎᒃ, ᓯᕗᓕᕕᓂᖅᐳᑦ ᐊᒻᒪ ᓂᕆᐅᒃᖢᑎᒃ ᖃᐅᒃᐸᒧᑦ ᓴᕕᕋᔭᑦᑎᐊᕙᐅᓂᖏᓐᓂᒃ ᓴᕕᕋᔭᐅᓂᖏᓐᓂᒃ ᓯᕙᓕᖕ ᐊᒻᒪ ᕝᓕᓐᑦᒥ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.