ᖃᐅᔨᓴᕐᓂᖅ ᑲᔪᓯᑦᑎᐊᕐᓂᕐᒧᑦ: ᑖᓚᔅ ᐱᐊᓕ Inspires STEM Dreams
"ᐸᓯᒃᑰᓚᐅᖅᑐᖓ ᑳᓕᕗᐊᓂᐊᒧᑦ ᖃᐅᔨᒪᓚᐅᖅᑐᖓᓗ, ᐃᓂᑐᐊᕋᓅᑐᐃᓐᓇᔾᔮᙱᑦᑐᖓ, ᓄᓇᓕᒐ. ᑕᖅᑲᐅᖓᕐᓂᐊᕋᒪ. ᓄᓇᕐᔪᐊᕐᒧᑦ ᓇᓗᓇᐃᒃᑯᑕᓕᐅᕐᓂᐊᕋᒪ." ᑖᓐᓇ ᓇᓗᓇᐃᖅᑕᐅᓵᓕᓚᐅᖅᑐᖅ ᑖᓚᔅ ᐱᐊᓕᒧᑦ, ᐊᑎᖓ ᓕᑐ ᐅᐊᐃᑦ ᐄᒍᓪ. ᓇᓄᕐᒥᑦ ᒃᓛᖕ, ᐊᓈᓇᖓ ᑰᑎ ᓄᓇᖃᖅᑳᖅᓯᒪᔪᓂᙶᖅᑐᖅ ᐊᑖᑕᖓᓗ ᐱᐅᑎᐅᑉ ᐊᒻᒪ ᐆᒃᒪᔅ ᑯᕇᔅ ᑲᓇᑕᒥᙶᖅᑐᖅ. ᐃᓅᓂᑰᓪᓗᓂ ᓵᔅᑲᑑᓐᒥ ᒫᓐᓇ ᓄᓇᖃᓕᖅᑐᖅ, ᓄᓇᖃᓚᐅᖅᑐᖅ ᓴᓂᕐᕙᒃᑕᐅᒪᔪᓂ ᑭᓯᐊᓂ ᐃᓱᒪᓪᓗᓂ ᓇᖕᒥᓂᖅ ᓄᓇᓕᐸᐅᔭᕐᒥ ᓄᓇᖃᕐᓂᖓᓂᒃ. ᐃᖅᑲᓇᐃᔭᖃᑦᑕᖅᑐᖅ ᑲᓇᑕᒥ ᓚᐃᑦᔅ-ᑯᓐᓄᑦ, ᑲᓇᑕᒥ ᖃᐅᔨᓴᕐᕕᒻᒥᑦ.
ᐃᓕᓐᓂᐊᕐᕕᐊᓗᒻᒥ ᐃᓕᓐᓂᐊᖅᑎᐅᑎᓪᓗᒍ, ᐱᐊᓕ ᐊᔪᓚᐅᖅᑐᖅ ᐃᓕᓐᓂᐊᖅᑕᒥᓂᒃ ᐅᕝᕙᓘᓐᓃᑦ ᓇᒻᒥᓂᖅ ᐱᓇᓱᐊᖅᑐᓂ. ᐱᔭᕇᕋᒥ, ᐃᖅᑲᓇᐃᔭᖃᑎᖃᓚᐅᖅᑐᖅ ᐃᓅᓱᒃᑐᓂᒃ ᐊᕐᕌᒍᕋᓴᓐᓂᒃ ᓄᓕᐊᖓ ᑎᓕᐅᕆᓪᓗᓂ ᐸᐃᑉᐹᑖᖁᔨᓪᓗᓂ. ᐱᓇᔪᓚᐅᖅᑐᖅ ᐃᓐᓇᐅᓪᓗᓂ ᐃᓕᓐᓂᐊᖅᑎᐅᓪᓗᓂ ᓄᓇᖃᖅᑳᖅᓯᒪᔪᑦ ᐃᓕᓴᐃᔨᒃᓴᓄᑦ ᐃᓕᓐᓂᐊᕐᓂᕐᒧᑦ ᓵᔅᑳᑦᓱᐊᓐᒥ ᓯᓚᑦᑐᖅᓴᕐᕕᔾᔪᐊᖓᓂ ᐃᓯᖅᖢᓂᓗ.
ᑕᐃᑲᓂ ᑲᔪᓯᑦᑎᐊᓚᐅᖅᑐᖅ ᐊᒻᒪᓗ ᑎᑎᕋᖅᑐᓂ ᐃᓕᓐᓂᐊᑎᐊᖅᑐᓂ. ᐱᔭᕇᖅᓯᓚᐅᖅᑐᖅ ᐃᓕᓐᓂᐊᕌᓂᒍᓯᐊᖓᓂ ᐃᓕᓐᓂᐊᕐᓂᓕᕆᓂᕐᒥ ᑭᓯᐊᓂ ᖃᐅᔨᓪᓗᓂ ᐃᖅᑲᓇᐃᔭᖅᓯᓐᓈᑦ ᐃᓕᓐᓂᐊᖅᑎᓪᓗᒍ ᐃᓕᓐᓂᐊᕐᕕᐊᕈᓯᕐᒥ ᐊᕙᑎᖓ ᐊᒃᓱᕈᕐᓇᓗᐊᕐᓂᖓᓂᒃ ᑖᔅᓱᒧᖓ. ᐃᒪᓐᓇᖔᕐᓕ, ᐱᓕᕆᖃᑎᖃᓚᐅᖅᐳᖅ TakingITGlobal−ᑯᓐᓂ ᐃᑲᔪᖅᖢᓂᓗ ᐋᖅᑭᒃᓱᐃᕙᓪᓕᐊᓂᕐᒥᒃ ᐃᓕᑦᑎᕙᓪᓕᐊᓂᕐᒧᑦ ᐱᓕᕆᐊᖑᕙᒃᑐᒥᒃ. ᑭᖑᓂᐊᒍᑦ, ᐱᓇᔪᓕᓚᐅᖅᑐᖅ ᑲᓇᑕᒥ ᖃᐅᒻᒪᖅᑯᑎᓕᕆᔨᒃᑯᓐᓄᑦ, ᐅᒃᐱᕈᓱᙱᖦᖢᓂ ᐃᓱᒪᑦᑎᐊᕐᓂᖓᓂᒃ ᐃᖅᑲᓇᐃᔮᖅᑖᕆᐊᒃᓴᖅ ᐃᓱᒪᓪᓗᓂᓗ ᐊᑦᑎᒃᑐᒥ ᖁᑦᑎᖕᓂᖅᓴᒥ ᐃᓕᓐᓂᐊᕐᕕᖕᒥ ᑭᒃᓕᓯᓂᐊᕈᑎᓄᑦ ᐃᓕᓐᓂᐊᕈᑎᖏᓐᓂ ᐃᖅᑲᓇᐃᔭᕋᔭᕐᓂᖓᓂᒃ ᐊᑭᕋᖅᑐᕐᓗᒍ.
"ᐃᓕᑦᑎᓯᒪᕐᔪᐊᖅᑐᖓ ᖃᐅᔨᓴᖅᑐᓕᕆᓂᕐᒥᒃ ᑭᓯᐊᓂ ᖃᓄᐃᓕᐅᕐᔪᐊᖅᑐᖓ ᑲᑎᙵᖃᑎᖃᕐᓂᕐᒥᒃ ᓄᓇᖃᖅᑳᖅᓯᒪᔪᓂᒃ ᐃᓄᖕᓂᒃ, ᐊᒻᒪ ᓄᓇᖃᖅᑳᖅᓯᒪᔪᑦ ᖃᐅᔨᓴᖅᑐᓕᕆᓂᕐᒥᒃ ᐅᔾᔨᕈᓱᒃᖢᖓᓗ ᖃᐅᔨᓴᖅᑎᒻᒪᕆᐅᓂᓐᓂᒃ, ᑕᐃᒪᐃᙱᒃᑲᓗᐊᖅᑎᓪᓗᖓ, ᖃᓪᓗᓈᑦ ᐱᐅᓯᖓᒍᑦ, ᐅᕙᓐᓂᒃ ᐃᓱᒪᓪᓗᖓ ᖃᐅᔨᓴᖅᑎᐅᓪᓗᖓ. ᐅᕙᒍᑦ, ᓄᓇᖃᖅᑳᖅᓯᒪᓪᓗᑕ, ᖃᐅᔨᓴᖃᑦᑕᖅᓯᒪᕗᒍᑦ ᑕᐃᒪᙵᓂᑦ Columbus ᑎᑭᓚᐅᖅᓯᒪᑎᓪᓗᑕ ᓯᒡᔭᑦᑎᓐᓄᑦ, ᖃᐅᔨᓴᖅᑎᒻᒪᕆᐅᓚᐅᖅᓯᒪᕗᒍᑦ," ᑕᑯᒃᓴᐅᑎᑦᑎᓪᓗᓂ. ᐃᖅᑲᓇᐃᔮᖓᒍᑦ, ᖃᐅᔨᒃᑲᓐᓂᕐᖢᓂᐅᒃ ᖃᐅᔨᓴᖅᑎᒻᒪᕆᖏᑦ ᓯᕗᓕᕕᓂᖏᓐᓂᒃ ᓯᕗᒻᒧᐊᒃᑎᖦᖢᓂᐅᒡᓗ ᖃᐅᑕᒫᑦ ᐃᓅᓯᖓᓄᑦ.
"ᐅᕙᒍᑦ, ᓄᓇᖃᖅᑳᖅᓯᒪᓪᓗᑕ, ᖃᐅᔨᓴᖃᑦᑕᖅᓯᒪᔪᒍᑦ ᑕᐃᒪᙵᓂᑦ ᑰᒻᐸᔅ ᑎᑭᓚᐅᖅᑎᓐᓇᒍ ᓯᒡᔭᑦᑎᓐᓄᑦ, ᖃᐅᔨᓴᖅᑎᒻᒪᕆᐅᓚᐅᖅᑐᒍᑦ"
ᐃᖅᑲᓇᐃᔮᖓᓂ, ᐱᐊᓕ ᐱᓕᕆᔪᖅ. "ᖁᕕᐊᓱᒃᑎᑦᑎᔪᒪᕗᖓ ᐊᒥᓱᓂᑦ ᓄᓇᖃᖅᑳᖅᓯᒪᔪᓂᑦ ᒪᒃᑯᒃᑐᓂᑦ ᐃᓱᒪᒃᓴᖅᓯᐅᖁᓪᓗᒋᑦ STEM ᐃᓕᓐᓂᐊᕐᓂᓕᕆᓂᐅᑉ ᒥᒃᓵᓄᑦ, STEM−ᒧᑦ ᐃᓕᓐᓂᐊᒐᒃᓴᓂᑦ, ᖃᐅᔨᓴᖕᓂᖕᒥᑦ... ᐱᔾᔪᑎᒋᓪᓗᒍ ᓂᐅᕐᕈᑎᖃᕐᔪᐊᕐᓇᕐᒪᑦ, ᐱᔭᕆᐊᖃᕐᔪᐊᖅᖢᓂᓗ ᓄᓇᖃᖅᑳᖅᓯᒪᔪᓂᒃ... ᑕᒪᓐᓇ ᑐᓴᖅᑕᐅᖁᔭᕗᑦ ᑕᖅᑲᐅᖓ, ᐃᓂᖃᖅᑑᔮᖏᒃᑲᓗᐊᖅᑎᓪᓗᒍ, ᑕᐃᒪᐃᖃᑦᑕᕋᕕᑦ ᐊᒻᒪᓗ ᐱᕈᕐᕕᔅᓴᖃᑦᑎᐊᖅᑐᑎᑦ ᑕᐃᒫᒃ," ᑎᓕᐅᕆᔪᖅ.
ᐃᓱᒪᒋᓪᓗᒍ ᐅᖃᐅᔾᔪᐃᓂᖓ ᐃᓕᓐᓂᐊᖅᑎᓄᑦ ᐃᓱᒪᔪᓄᑦ ᕿᒪᐃᔪᒪᓪᓗᑎᒃ ᓄᓇᒥᓂᒃ ᐃᓕᓐᓂᐊᕆᐊᕐᓗᑎᒃ ᓄᒃᑕᕆᐊᖅᑐᕐᓗᑎᒃᓘᓐᓃᑦ, ᐃᓱᒪᒃᓴᖅᓯᐅᑦᑎᐊᓚᐅᖅᐳᑦ ᖃᓄᖅ ᐊᕐᕌᒍᒐᓵᓗᖕᓄᑦ ᑐᙵᕕᖃᖅᓯᒪᓕᕐᓂᕐᒥᓂᒃ ᐊᖓᔪᖅᑳᖏᑕ ᓄᓇᒋᔭᖏᓐᓂ, ᐅᑎᕐᓂᖅ ᓄᓇᓕᐸᐅᔭᕐᓄᑦ ᐱᐅᓚᐅᙱᓚᖅ. ᓅᑉᐸᓪᓕᐊᓂᖅ ᑐᑭᓯᐊᔭᒥᖕᓂᑦ ᖃᓪᓗᓈᖑᖃᑎᒌᓄᑦ ᐃᓂᐅᔪᓄᑦ ᓂᑲᓇᖅᑑᓚᐅᖅᑐᖅ ᐅᖃᖅᖢᓂᓗ, "ᐃᖅᑲᐅᒪᓚᐅᖅᓯᒪᙱᖦᖢᑎᑦ ᓇᑭᙶᕐᒪᖔᖅᐱᑦ." ᐱᐊᓕ ᑲᙳᓲᑎᖃᓚᐅᖅᑐᖅ ᓯᕗᓕᕕᓂᓂᐅᑉ ᒥᒃᓵᓄᑦ ᐱᕈᖅᓴᓂᖓᓂᒃ ᑭᓯᐊᓂ ᐅᐱᒍᓱᓕᓚᐅᖅᑐᖅ ᑭᓇᐅᓂᕐᒥᓂᒃ. ᐃᓐᓇᕐᓂᒃ ᐱᖃᑎᖃᖁᔨᕗᖅ ᐊᒻᒪ ᖃᐅᔨᒪᔪᓂᒃ ᐅᓂᒃᑳᒥᓂᒃ ᐊᒻᒪ ᐅᖃᐅᔾᔪᐃᔾᔪᑎᓂᒃ ᓈᓚᖃᑦᑕᖁᔨᓪᓗᓂ.
ᐅᖃᐅᔾᔨᖃᑦᑕᕐᒥᔪᖅ "ᐱᓗᒍ ᑭᓯᐊᓂ" ᐊᒻᒪᓗ ᐊᖏᔪᒧᑦ ᐱᕕᒃᓴᓄᑦ. ᐊᔪᕐᓇᙱᑦᑐᑯᓘᓪᓗᓂ ᐱᓕᕆᐊᖃᕆᐊᒃᓴᖅ ᖃᐅᔨᔪᒪᓂᒃᑯᓪᓗ ᐊᑐᖅᑕᐅᕙᒃᐳᑦ ᐃᑲᔪᕈᓐᓇᖅᖢᑎᒃ ᐊᓂᒍᖅᑎᑦᑎᓂᐊᕐᓗᓂ ᐊᓂᒍᖅᑎᓐᓇᓱᒋᐊᓕᖕᓂᒃ ᓲᕐᓗ ᐱᑕᖃᙱᑦᑐᓂᒃ ᐊᔪᙱᔾᔪᑎᓂᒃ. "ᐃᓱᒪᒋᔭᕋ ᓄᓇᖃᖅᑳᖅᓯᒪᔪᑦ ᐃᓄᐃᑦ ᐱᔭᕆᐊᖃᒻᒪᕆᖕᓂᑦᑎᓐᓂ ᓇᐅᒃᑯᑐᐃᓐᓇᖅ ᐃᖅᑲᓇᐃᔭᕐᕕᑦᑎᓐᓂ ᐊᓱᐃᓛᒃ ᐃᓕᖕᓂᒃ ᑕᖅᑲᐅᖓᖅᑎᑦᑎᑐᐃᓐᓇᕐᓗᑎᑦ," ᑎᓕᐅᕆᔪᖅ, ᐱᖁᔨᓪᓗᓂ ᖁᓱᙱᓪᓗᓂ ᐅᐸᒃᓯᓗᓂ ᐊᐱᖅᓱᕐᓂᕐᓂ ᐃᓕᑦᑎᓂᕐᒧᑦ ᐊᑐᕐᓂᑯᓂᑦ.
ᐊᖅᑯᑎᒃᑯᑦ, ᐱᐊᓕ ᐃᓕᑦᑎᓪᓗᓂ ᐊᔾᔨᒌᖏᑦᑐᓂᒃ ᐃᓕᖅᑯᓯᕐᓂᒃ ᐊᒥᖅᑳᕈᑎᒋᓕᕐᖢᓂᐅᒡᓗ ᓇᖕᒥᓂᖅ. ᐃᓕᑦᑎᓚᐅᖅᑐᖅ ᐊᑲᐅᙱᓕᐅᕈᑎᓂᒃ ᐋᖅᑭᒃᓯᓂᕐᒥᒃ ᖃᖓᑕᓪᓗᓂ ᓄᓇᓕᕋᓛᖑᓂᖅᓴᓄᑦ, ᐃᖕᒥᓂᒃ ᐊᐅᓪᓚᖃᑎᒋᖃᑦᑕᖅᑕᖏᓐᓂᒃᓗ. "ᐊᐅᓪᓚᕐᓂᖅ ᐱᐅᓛᖑᖃᑕᐅᕗᖅ ᐱᓕᕆᐊᕆᓚᐅᖅᓯᒪᔭᕐᓂᒃ ᒪᒃᑯᒃᑎᓪᓗᖓ," ᑕᐃᒪᓐᓇ ᐅᖃᖅᖢᓂ.
ᓯᓚᑦᑐᓴᕐᕕᕐᔪᐊᕐᒨᖅᑐᓂ ᐊᖏᔪᖅᑳᖑᓪᓗᓂ, ᐊᔅᓱᕈᖃᑦᑕᓚᐅᖅᐳᖅ ᑮᓇᐅᔭᑎᒍᑦ ᐊᒻᒪ ᐃᓱᒫᓘᑎᖃᖅᑐᓂ ᐱᔭᕇᖅᓯᒋᐊᖓ ᐊᔅᓱᕈᕈᑎᒋᕙᑦᑕᖏᓐᓂᑦ ᐃᓕᓴᕕᒻᒥᑦ ᐊᒻᒪ ᐊᖏᔪᖅᑳᖑᓂᕐᒥᑦ. ᓄᓇᔅᓯᓐᓄᐊᖃᑦᑕᓚᐅᖅᐳᖅ ᐊᒃᓱᕈᕐᓇᖅᑐᒃᑰᖅᖢᓂ, ᕿᑐᕐᖓᓂ ᐃᓕᓐᓂᐊᕐᕕᓕᐊᕈᔾᔨᓪᓗᓂ ᑕᐃᒪᐃᑦᑕᕆᐊᖃᕌᖓᑦ. "ᓄᓇᓕᒃᑕᕆᐊᖃᓲᖅ. ᐃᑲᔪᖅᑕᐅᔪᒪᓗᑎᑦ ᐱᔭᕆᐊᖃᕌᖓᕕᑦ," ᐅᖃᖅᖢᓂ. ᐅᖓᕙᕆᐊᖅᑕᐅᒻᒪᕆᓚᐅᖅᑐᖅ ᑐᓂᓯᓚᐅᖏᑎᓪᓗᒍ ᐱᓕᕆᐊᒃᓴᕐᔪᐊᒥᒃ ᑭᖑᕙᕋᓂ ᐊᒻᒪᓗ ᐃᒻᒥᓂᒃ ᐃᓕᓐᓂᐊᕈᑎᒥᓂᒃ ᐊᑐᖏᖦᖢᓂ ᐃᓕᓐᓂᐊᒃᑲᓐᓂᕐᓂᕐᒧᑦ.
ᒪᒃᑯᓐᓂᖅᓴᓂᒃ ᐅᖃᐅᔾᔨᒋᐊᕈᓐᓇᕈᓂ ᓇᒻᒥᓂᖅ ᐊᑐᕋᓱᐊᕋᔭᖅᐳᖅ ᐃᓕᓐᓂᐊᕐᕕᕐᔪᐊᕐᒥᑦ ᐊᒻᒪ ᐃᓕᓐᓂᐊᕐᓗᓂ ᐊᔅᓱᕈᕈᑎᖃᙱᓪᓗᓂ ᐊᑭᓕᕋᔅᓴᓂᒃ ᐊᒻᒪ ᐃᓐᓇᐅᑉ ᐃᓅᓯᖓᓂᑦ. ᐃᒪᐃᖁᔨᒐᔭᕐᒥᔪᖅ ᐱᓇᓱᐊᕐᓗᓂ ᐃᓕᓐᓂᐊᕆᐊᒃᑲᓐᓂᕈᓯᐊᓂᒃ ᐱᔪᓐᓇᕋᔭᓚᐅᕐᒪᑦ ᑕᐅᓴᖏᓐᓃᑦᑐᓂᒃ ᑮᓇᐅᔭᓂᒃ ᐆᑦᑐᖅᑐᒥᓂᐅᑉᐸᑦ.
ᐋᖅᑭᒃᓯᒪᐃᓐᓇᖅᑎᓪᓗᒍ ᐃᓱᒪᖓ, ᐅᕕᓂᒃᑯᑦ ᐋᓐᓂᐊᕈᑎᒋᕙᒃᑕᖓ. ᐅᓪᓗᐃᓐᓇᖓᓂ ᐃᓚᒥᓂᒃ ᐃᑉᐱᒍᓱᑦᑎᐊᕐᓂᖅ ᐊᒻᒪᓗ ᑮᓇᐅᔭᓕᐅᕐᓂᖅ ᑭᓯᐊᓂ ᑲᒪᒋᔭᖃᓕᕋᐃᒐᒥ ᐅᕕᓂᒻᒥᓂᒃ, ᑕᒪᐅᓇᑐᐊᖅ. ᖁᓱᙱᖦᖢᓂ ᓂᕆᑎᖦᖢᓂᐅᒡᓗ ᐃᓗᖓᓂ ᕿᑐᕐᖓᓂ ᐃᖕᒥᓂᒃ ᑲᒪᒋᓪᓗᓂ ᐅᕕᓂᓕᕆᑦᑎᐊᕐᖢᓂ. "ᐃᓕᓐᓂᐊᖅᑎᑕᐅᖏᓐᓇᐅᔭᖅᑐᒍᑦ ᑐᓂᓯᓂᕐᒥᒃ ᑐᓂᓯᓂᕐᒥᒡᓗ ᑐᓂᓯᓂᕐᒥᒡᓗ, ᑭᓯᐊᓂ ᑐᓂᓯᔪᓐᓇᑐᐃᓐᓇᖅᑐᑎᑦ, ᒥᑭᑦᑐᒥᒃ ᐱᓗᑎᑦ. ᐃᓕᖕᓂᒃ ᑲᒪᒋᑦᑎᐊᕆᐊᖃᖅᑐᑎᑦ," ᐅᖃᐅᓯᖃᖅᐳᖅ.
ᐱᔪᒃᓯᑎᑦᑎᓂᐊᕐᓗᓂ, ᐱᐊᓕ ᑕᐅᑐᒃᐳᖅ ᐱᖓᓱᓂᒃ ᖃᐅᔨᔪᒪᔭᖏᓐᓂᒃ ᓄᑕᖅᑲᓂᒃ ᐃᓕᑦᑎᕙᓪᓕᐊᖏᓐᓇᐅᔭᖅᑐᓂᒃ, ᐊᐱᖅᓱᖅᐸᒃᖢᑎᒃ ᐃᓱᒪᖅᓱᖅᖢᑎᒡᓗ ᐃᒃᐱᒋᔭᒥᓂᒃ ᐅᖃᐅᓯᖃᕈᓐᓇᖅᖢᑎᒃ. ᐆᒃᑐᕋᕋᓱᓲᖅ ᖃᓄᐃᓐᖏᓐᓂᕋᐃᓪᓗᓂ ᐃᒃᐱᒋᔭᖏᑦ ᐊᓃᖅᑎᓪᓗᒋᑦ ᑲᑎᖦᖢᒋᓪᓗ ᕿᒥᕐᕈᓪᓗᑎᒃ ᑭᐅᔾᔪᑎᓂᒃ ᐊᐱᖅᑯᑎᖏᓐᓄᑦ ᓄᓇᕐᔪᐊᑉ ᒥᒃᓵᓄᑦ. ᑕᑯᓐᓇᓚᐅᓐᖏᓚᖅ ᐱᕈᖅᓴᔪᓂᒃ ᐊᒻᒪ ᐊᔾᔨᒋᙱᑕᖓᓂᒃ ᐱᓕᕆᐊᖃᕋᓱᐊᖅᑐᓂ.
ᑐᓴᖃᑎᒌᒃᓗᑎᒃ ᑲᔪᖏᖅᓴᐃᓂᖕᒥᑦ ᓄᓇᖃᖅᑳᖅᓯᒪᔪᓂᑦ ᒪᒃᑯᒃᑐᓂᑦ, ᐸᐃᓕ ᖃᐅᔨᒪᖁᔨᕗᖅ ᒫᓐᓇ ᐅᐱᒍᓱᒋᐊᖃᓕᖕᒪᑕ ᓄᓇᖃᖅᑳᖅᓯᒪᔪᓂᑦ ᐊᒻᒪᓗ ᒫᓐᓇ ᓂᕆᔪᒪᑦᑎᐊᓕᖕᒪᑕ ᓄᓇᖃᖅᑳᖅᓯᒪᔪᓂᑦ ᐃᓕᑦᑎᒃᑲᓐᓂᕐᓗᑎᒃ ᑭᓇᐅᓂᑦᑎᓐᓂᑦ. "ᖁᕕᐊᓱᒃᑎᑕᐅᒋᑦ ᐃᓕᔭᐅᓚᐅᕐᓂᕐᓄᑦ ᑖᔅᓱᒧᖓ ᓄᓇᕐᔪᐊᒧᑦ ᐱᔾᔪᑎᖃᕐᓗᑎᑦ, Creator ᓴᓇᓚᐅᖅᑖᑎᑦ ᐃᓕᖕᓂᑦ. ᑐᓐᓂᖅᑯᓯᐊᒃᓴᖃᖅᑐᑎᑦ, ᐱᔪᓐᓇᕐᓂᖃᖅᑐᑎᑦ ᐃᖅᑲᓇᐃᔭᓕᖅᖢᑎᓪᓗ ᓇᓗᓇᐃᖅᑐᒥᒃ," ᐅᖃᖅᑐᖅ. ᐃᖅᑲᓇᐃᔭᕐᕕᖓᓂ, ᐱᐊᓕ ᐱᕕᖃᖅᐳᖅ ᖁᕕᐊᓲᑎᖃᖃᑕᐅᓗᓂ ᐃᓚᒋᔭᐅᓗᓂ ᐃᖅᑲᓇᐃᔮᒧᑦ ᐱᕚᓪᓕᕈᑎᒃᓴᓄᑦ ᐊᒻᒪ ᕿᓂᕐᓂᖅ ᐅᖃᐅᓯᕐᒥᑦ ᐃᓕᖅᑯᓯᕐᓂᒡᓗ ᐱᒻᒪᕆᐅᒋᔭᐅᔪᖅ ᑲᓇᑕᒥ ᖃᐅᔨᓴᖅᑐᓕᕆᕝᕕᖕᒥᑦ.
"ᖁᕕᐊᓱᑦᑎᐊᖅᑐᖓ ᑭᖑᕚᒃᓴᑦᑎᓐᓄᑦ ᓲᖃᐃᒻᒪ ᐱᓱᒡᕕᖕᒧᐊᖅᐸᓪᓕᐊᖕᒪᑕ ᒪᕐᕉᖕᓂ ᓄᓇᕐᔪᐊᕐᒥ ᐱᒻᒪᕆᐅᒋᔭᐅᔪᓂᒃ ᑐᑭᓯᐊᔭᐅᓪᓗᑎᒡᓗ, ᐃᓅᔪᓐᓇᖅᖢᑎᒡᓗ ᑕᒪᐃᓐᓂᒃ ᓄᓇᖃᖅᑳᖅᓯᒪᔪᓂᒃ ᑭᓯᐊᓂ ᖃᓪᓗᓈᑦ ᐱᐅᓯᖏᓐᓂᒃ, ᐱᓱᒍᓐᓇᖅᖢᑎᒡᓗ ᐱᐅᓯᒃᑯᑦ ᐱᐅᔪᒃᑯᑦ," ᐱᙳᐊᒐᒃᓴᑦᑎᐊᕙᒃᑯᑦ.
14-ᖑᑎᓪᓗᖑ, ᑖᓚᔅ ᐱᐊᓕ ᕙᓯᒨᓚᐅᖅᑐᖅ ᑳᓕᕗᐊᓂᐊᒧᑦ ᖃᐅᔨᒪᓪᓗᓂ ᓇᓗᓇᐃᒃᑯᑎᓕᐅᕐᓂᐊᕐᒪᑦ ᓯᓚᕐᔪᐊᕐᒥ ᑕᐃᒪᐃᓕᐅᖅᑐᓂᓗ. ᑎᓕᐅᕐᓗᒋᑦ ᓄᓇᖃᖅᑳᖅᓯᒪᔪᑦ ᒪᒃᑯᒃᑐᑦ ᐃᖅᑲᓇᐃᔮᖅᑖᕋᓱᖁᓗᒋᑦ STEM−ᒥ, ᐊᓯᔾᔩᕙᓪᓕᐊᕗᖅ. ᐊᒃᓱᕈᖅᖢᓂ ᖃᐅᔨᓴᖅᑐᓕᕆᓂᕐᒥᒃ ᓇᓂᓯᓇᓱᒃᖢᓂ ᐃᓂᒋᓂᐊᖅᑕᒥᓂᒃ ᓄᓇᖃᖅᑳᖅᑐᓄᑦ ᖃᐅᔨᓴᖅᑐᓕᕆᓂᕐᒥᒃ, ᐃᓅᓯᓕᒫᒧᑦ ᐃᓕᑦᑎᕙᓪᓕᐊᕗᖅ ᐃᖅᑲᓇᐃᔭᕐᕕᖕᒥ ᐊᖏᕐᕋᕆᔭᒥᓂᓗ.
ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.
