ᑖᕝᓐ ᐊᓈᓇᒋᔭᐅᔪᖅ ᒪᕐᕉᖕᓄᑦ ᐃᓐᓇᐅᔫᖕᓄᑦ ᕿᑐᕐᖓᖏᓐᓄᑦ, ᓯᑏᕙᓐ ᐊᒻᒪ ᐅᓖᐱᑲ. ᓄᓇᖃᖅᑳᖅᓯᒪᔪᓂ ᓇᖕᒥᓂᖃᖅᑐᖅ ᐱᓕᕆᐊᖃᖃᑦᑕᖅᑐᖅ ᑐᙵᓇᕐᓂᕐᒥᒃ, ᐋᓐᓂᐊᖃᕐᓇᙱᑦᑐᓕᕆᓂᕐᒥᒃ ᖃᓄᐃᙱᑦᑎᐊᕐᓂᕐᒥᒃᓗ. ᓇᒻᒥᓂᓕᒃ ᐊᒻᒪᓗ ᐊᐅᓚᑦᑎᔨᐅᓪᓗᓂ, ᓯᑕᒪᓂᒃ ᐅᓪᓗᕆᐊᓂᒃ ᑐᔪᕐᒥᕕᑦᓴᖃᖅᓱᓂ. ᐱᒋᐊᖅᑎᑦᑎᔨᐅᕗᖅ ᓵᒫᓴᒥᑦ, ᑲᒻᐸᓂᐅᔪᖅ ᐱᓕᕆᐊᖃᓪᓚᕆᒍᒪᕙᒃᖢᓂ ᓴᓇᙳᐊᕐᓂᕐᒧᑦ ᒪᒥᓴᕐᓂᕐᒥᒃ ᐱᑎᑦᑎᕙᒃᖢᓂ ᐃᓄᖕᓂᒃ ᓄᓇᒥᒃ ᐱᓕᕆᖃᑦᑕᖅᓯᒪᓂᑰᔪᓂᒃ, ᐅᓪᓗᓄᑦ ᐊᒥᓱᓄᑦ ᑕᑯᔭᖅᑐᖅᑎᑕᐅᕙᒃᖢᓂ ᑲᑎᓐᓂᕆᔭᐅᕙᒃᑐᓂᒡᓗ. ᐊᑐᖃᑦᑕᖅᑐᖅ ᐃᓅᓕᓴᐅᑎᓂᒃ, ᐊᓂᖅᑎᕆᑦᑎᐊᕐᓇᖅᑐᓂᒃ ᐊᒻᒪ ᔫᒐᒥᒃ ᐱᐅᓯᒋᐊᖁᓪᓗᒍ ᐃᓅᓯᑦᑎᐊᕙᖏᑦ.
ᑖᕝ ᖁᕕᐊᒋᔭᖃᑦᑎᐊᖅᑐᖅ ᓄᓇᓕᖕᓂ ᑭᒡᒐᖅᑐᐃᔨᐅᓪᓗᓂ ᓯᕗᓪᓕᕐᒥ ᓂᐱᒧᑦ. ᐃᒃᓯᕙᐅᑕᐅᖃᑕᐅᓚᐅᑲᒃᑐᖅ ᓂᐅᕙᓐᓛᓐ ᓛᐸᑐᐊᒥ ᓄᓇᖃᖅᑳᖅᓯᒪᔪᑦ ᐳᓚᕋᖅᑐᓕᕆᓂᕐᒧᑦ ᑲᑐᔾᔨᖃᑎᒌᓄᑦ ᐃᑲᔪᖅᐸᒃᖢᓂᓗ ᐱᕙᓪᓕᐊᑎᑦᑎᓂᕐᒧᑦ ᑕᓪᓕᒪᓄᑦ ᐊᕐᕌᒍᓄᑦ ᖃᓄᐃᓕᐅᕈᑕᐅᔪᒪᔪᓄᑦ ᐸᕐᓇᐅᑎᒥᒃ ᔭᒐᑎᑦᑎᑦᑕᐃᓕᒪᓂᕐᒥᒃ, ᐃᑲᔪᖅᓱᐃᓂᕐᒥᒃ ᐊᒻᒪ ᓴᖅᑭᔮᖅᑎᑦᑎᓂᕐᒥᒃ ᓄᓇᖃᖅᑳᖅᓯᒪᔪᑦ ᐃᓕᖅᑯᓯᖏᓐᓂᒃ ᑲᓇᑕᒥ ᐊᕕᒃᑐᖅᓯᒪᓂᕆᔭᖓᓂ.
ᑖᕝᓂ ᓇᓗᓇᐃᒃᑯᑕᖃᖅᑐᖅ ᓇᖕᒥᓂᖃᕐᓂᕐᒧᑦ ᐊᐅᓚᑦᑎᓂᕐᒥᒃ, ᔫᒐ ᑲᑐᔾᔨᖃᑎᒌᑦ ᐊᒻᒪ ᐅᑎᖅᑎᑦᑎᓂᖅ 2.0-ᒥ ᒪᒥᑉᐸᓪᓕᐊᓂᕐᒧᑦ, ᓄᓇᖃᖅᑳᖅᓯᒪᔪᖅ ᐊᕐᓇᖅ ᓯᕗᓕᖅᑎᐅᓂᕐᒧᑦ, ᐊᒻᒪ ᐱᔭᕇᔭᖅᐸᓪᓕᐊᓪᓗᓂ Pow-Wow Pitch-ᒥ ᑑᑐᓪ ᕿᑭᖅᑕᒥ ᐃᓕᓐᓂᐊᖅᑎᐅᖏᓐᓇᖅᖢᓂᓗ ᐃᓅᓯᖓᓂ.
