The Sweet Future of Digital Marketing: Jelly Marketing Founder Darian Kovacs Dishes on the Industry
ᓯᕗᓂᒃᓴᖓ ᖃᕆᑕᐅᔭᒃᑯᑦ ᓂᐅᕐᕈᑎᖃᕋᓱᐊᕐᓂᐅᑉ "sweet" ᐊᒻᒪ ᔨᓕ ᓂᐅᕐᕈᑎᖃᕋᓱᐊᖅᑎ ᑎᐅᕋᓐ ᑯᕙᔅ ᖃᐅᔨᒪᓇᔭᖅᑐᖅ. ᐱᒋᐊᓚᐅᖅᓯᒪᔪᖅ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑲᒪᒋᔭᐅᕙᖕᓂᕐᒧᑦ ᓴᓇᙳᐊᕐᓂᕐᒧᓪᓗ ᐃᓕᓐᓂᐊᖅᑎᑦᑎᓂᕐᒥᒃ ᑭᓯᐊᓂ ᖃᐅᔨᓕᓚᐅᖅᑐᖅ ᓴᖅᑭᑎᑦᑎᓂᕐᒥᒃ, ᐱᓕᕆᐊᖑᔪᓂᒃ ᓴᖅᑭᑎᑦᑎᓂᕐᒥᒃ, ᖃᕆᑕᐅᔭᒃᑯᑦ ᓂᐅᕐᕈᑎᖃᕐᓂᕐᒥᒃ ᐊᒻᒪᓗ PR−ᒥ. ᒫᓐᓇ ᓇᖕᒥᓂᖅ ᖃᕆᓴᐅᔭᒃᑯᑦ ᓂᐅᕐᕈᑎᖃᕈᓐᓇᖅᓯᕗᖅ, ᐱᓕᕆᖃᑎᖃᖅᖢᓂ 60-70-ᓂᒃ ᑲᓇᑕᒥ ᓇᓗᓇᐃᒃᑯᑕᓂᒃ ᓇᓗᓇᐃᒃᑯᑕᓂᒃ ᐊᒻᒪ ᒪᓂᓴᐅᑎᓂᒃ, 24-ᑲᓴᑦᑎᐊᑦ ᐃᖅᑲᓇᐃᔭᖅᑎᑦ.
ᔅᐳᕉᔅ ᒍᕉᕝ, ᐋᓪᕘᑕᒥ ᐃᓅᓚᐅᖅᓯᒪᔪᖅ ᐊᒻᒪᓗ ᓯᕗᓪᓕᖅᐹᓂᒃ 7-ᓂᒃ ᐊᕐᕌᒍᓂᒃ ᐊᖓᔪᖅᑳᒥᓂᒃ ᐱᖃᑎᖃᖅᑐᓂ ᐊᒻᒪᓗ ᒪᕐᕉᓐᓂᒃ ᐊᖏᔪᖏᓐᓂᒃ. ᐊᑖᑕᖓ 1956-ᒥᙶᓚᐅᖅᓯᒪᔪᖅ ᐊᓈᓇᖓᓗ ᐊᓪᓚᖓᓪᓗᓂ ᓴᐃᑦ ᕘᓂᕙᔅ-ᒥᙶᖅᑐᖅ ᒫᓂᑑᐸᒥ. ᖃᑕᙳᑎᖏᑦ ᓅᓚᐅᖅᑐᑦ ᐊᑦᑎᖕᓂᖅᓴᒧᑦ ᓄᓇᐃᓐᓇᕐᒧᑦ ᐳᕆᑎᔅ ᑲᓚᒻᐱᐊᒥ ᐃᓕᓐᓂᐊᕆᐊᕐᖢᓂ ᓯᓚᑦᑐᖅᓴᕐᕕᒡᔪᐊᒧᓪᓗ.
ᑯᕙᒃᑯᑦ ᐱᒋᐊᕋᑖᖅᑎᓪᓗᒋᑦ ᐃᓕᓐᓂᐊᕆᐊᒃᑲᓂᖅᑐᓂ, ᖃᕋᓴᐅᔭᒃᑯᑦ ᓯᓚᕐᔪᐊᖅ ᐅᖅᑰᓯᑐᐃᓐᓇᓚᐅᖅᑐᖅ ᐊᒻᒪᓗ ᖁᕕᐊᓇᕈᓐᓃᖅᑐᓂ ᐱᕈᓚᐅᖅᑎᓪᓗᒍ ᖃᕋᓴᐅᔭᒃᑯᑦ. ᖃᐅᔨᒐᒥ ᐱᕕᒃᓴᐅᔪᓂᑦ ᐊᒻᒪᓗ ᖁᕕᐊᓇᖅᑐᓂᑦ ᓴᖅᑭᑎᑦᑎᓂᕐᒥᑦ ᖃᓄᐃᓕᐅᕐᓂᐅᔪᓂᑦ ᒪᒃᑯᒃᑐᓄᑦ, ᐃᓕᑦᑎᕐᔪᐊᓚᐅᖅᑐᖅ ᓂᐅᕕᐊᒃᓴᖃᕐᓂᕐᒥᑦ ᐊᒻᒪᓗ ᐊᑐᖅᑎᑦᑎᓪᓗᓂ ᑖᒃᑯᓂᖓ ᐃᓕᓐᓂᐊᒐᒃᓴᓂᑦ ᐅᖃᓕᒫᒐᕐᓂᑦ ᓴᖅᑭᑎᑦᑎᓂᕐᒥᑦ ᐊᒻᒪᓗ ᖃᓄᐃᓕᐅᕐᓂᐅᔪᓂᑦ ᓂᐅᕕᐊᒃᓴᖃᕐᓂᕐᒧᑦ ᐱᓕᕆᓂᐅᔪᓂᑦ ᐊᒻᒪᓗ ᐱᕈᖅᐸᓪᓕᐊᖏᓐᓇᖅᑐᒧᑦ ᖃᕋᓴᐅᔭᒃᑯᑦ ᐃᓂᐅᔪᓂᑦ.
ᓂᐅᕐᕈᑎᖃᕋᓱᐊᕐᓂᖅ ᓅᓚᐅᖅᑐᖅ ᓈᓚᐅᑎᒃᑯᑦ ᑐᓴᐅᒪᖃᑦᑕᐅᑎᓂᒃᑯᑦ ᖁᕕᐊᓇᖅᑑᓪᓗᓂ. ᓄᓇᕐᔪᐊᕐᒥ ᓄᑖᓂᒃ ᑐᓴᒐᒃᓴᓄᑦ ᒪᓂᓴᐅᑎᓂᒃ, ᐃᓕᑦᑎᓚᐅᖅᐳᖅ ᓇᖏᖅᓯᔭᕆᐊᖃᕐᓇᕐᓂᖓᓂᒃ − ᐱᓕᕆᖃᑎᒋᔭᖏᑦ ᐊᒃᓱᕈᖅᖢᑎᒃ ᐱᓕᕆᓇᓱᒃᐸᒃᖢᑎᒃ ᐱᔨᑦᑎᕋᖅᐸᒃᑕᒥᓄᑦ. ᐃᖅᑲᓇᐃᔭᕐᓇᐅᑎᓪᓗᒍ, ᑰᕙᒃᑯᑦ ᖃᐅᔨᖃᑦᑕᖅᑐᑦ ᓇᒻᒥᓂᖅ ᑲᑐᔾᔨᖃᑎᒥᓂᒃ ᑎᑭᑉᐸᑦᑐᓂᒃ ᑎᒥᐅᔪᒧᑦ ᓈᒻᒪᒻᒪᖔᑕ, ᐱᔨᑦᑎᖅᑕᐅᔭᕆᐊᖃᒻᒪᖔᑕ, ᐅᕝᕙᓘᓐᓃᑦ ᐃᓕᓐᓂᐊᖅᑎᑕᐅᒍᓐᓇᕐᒪᖔᑕ ᓇᒻᒥᓂᖅ ᐱᓕᕆᒍᓐᓇᓂᕐᒥᒃ ᔮᓕ ᐃᓕᓐᓂᐊᕐᕕᖓᒍᑦ. ᓱᓕ ᕿᒡᒋᖃᑦᑕᖅᑐᖅ ᐊᒻᒪᓗ ᐱᙳᐊᖃᑕᐅᓪᓗᓂ ᓂᐅᕐᕈᑎᖃᕋᓱᐊᕐᓂᕐᒧᑦ ᐳᐃᔾᔪᕋᕐᕕᒻᒥ ᑭᓯᐊᓂ ᓴᓐᖏᔪᒥᒃ ᑕᐱᖃᑦᑐᖅ ᐱᓕᕆᓪᓗᓂ ᐃᓱᒪᓚᐅᖅᓯᒪᖏᑕᒥᓂᒃ ᐱᒋᐊᕋᑖᖅᑎᓪᓗᒍ.
ᖃᖓᑦᑎᐊᓵᒃᑯᑦ, ᔭᐃᓕ ᐃᓕᓐᓂᐊᕐᕕᖕᒥᐅᑦ ᐱᓕᕆᐊᖓ ᐊᖏᖅᑕᐅᓚᐅᖅᐳᖅ ᐃᓕᓐᓂᐊᕈᑎᓕᖕᓄᑦ 11/12-ᒧᑦ ᑎᓴᒪᓄᑦ ᖁᕝᕙᕆᐊᕈᑎᓄᑦ ᐃᓕᓐᓂᐊᖅᑕᐅᔪᓐᓇᕐᓗᓂ ᐊᖓᔪᒃᖡᑦ ᐃᓕᓐᓂᐊᕐᕕᖕᒥ ᐃᓕᓐᓂᐊᖅᑎᑦ ᐱᓕᕆᔪᓐᓇᖁᓪᓗᒋᑦ ᐃᓕᓐᓂᐊᖅᑕᒥᓂᒃ ᐊᓂᒍᐃᓂᕐᒧᑦ ᐊᒻᒪ ᖃᕋᓴᐅᔭᒃᑯᑦ ᓂᐅᕐᕈᑎᖃᕈᓐᓇᖅᓯᓗᑎᒃ ᐊᑕᐅᑦᑎᒃᑯᑦ. ᐃᖅᑲᓇᐃᔮᖑᔪᖅ ᐃᓱᒪᒋᔭᖓ "ᐱᒻᒪᕆᐅᓛᖑᔪᖅ ᐃᖅᑲᓇᐃᔮᖅ", ᓲᖃᐃᒻᒪ ᐱᓕᕆᐊᖑᔪᓐᓇᕐᓂᖓᓄᑦ ᓇᓂᑐᐃᓐᓇᖅ, ᐱᕕᖃᖅᑎᑦᑎᔪᖅ ᓄᓇᖃᖅᑳᖅᓯᒪᔪᑦ ᒪᒃᑯᒃᑐᑦ ᐊᑐᕈᓐᓇᕐᓗᑎᒃ ᓴᙱᓂᖃᕐᔪᐊᖅᑐᓂᒃ ᐅᓂᒃᑳᕐᓂ ᐱᕈᕐᕕᒋᓚᐅᖅᑕᖏᓐᓂ ᐱᔭᕆᐊᖃᕐᓂᕐᓗ ᑖᒃᑯᓂᖓ ᐱᓕᕆᐊᒃᓴᓂᑦ ᐱᕈᖅᐸᓪᓕᐊᖏᓐᓇᐅᔭᖅᑐᖅ ᑕᐃᒪᙵᓕᒫᖅ. ᒫᓐᓇᕋᑖᖅ, ᑕᑯᓚᐅᕐᒪᑦ 73,000-ᓂᒃ ᖃᕋᓴᐅᔭᒃᑯᑦ ᓂᐅᕐᕈᑎᖃᕋᓱᐊᕐᓂᕐᒥᒃ ᐃᖅᑲᓇᐃᔮᓂᒃ ᑲᓇᑕᒥ. ᑕᑯᓪᓗᓂ ᐃᖅᑲᓇᐃᔮᒃᓴᐅᓂᖓᓂᒃ ᐃᓄᖕᓄᑦ ᐊᒃᑐᖅᑕᐅᓐᓇᙱᖦᖢᓂ ᕐᑳᖏᐅᑎᔪᓐᓇᙱᖦᖢᓂ. "ᐃᓱᒪᒋᔭᕋᓕ ᐃᖅᑲᓇᐃᔮᖑᓂᐊᕐᓂᖓᓂᒃ ᐊᑯᓂᐅᔪᒃᑯᑦ, ᓱᒃᑲᐃᒡᓕᕙᓪᓕᐊᙱᖦᖢᓂᓗ," ᒥᑕᐅᑎᖓ.
ᐅᖃᐅᔾᔪᐃᓂᖓ ᑕᐃᒃᑯᓄᖓ ᕿᓂᖅᑐᓄᑦ ᓅᑦᑐᒪᔪᓄᑦ ᐱᓕᕆᕝᕕᖕᒧᑦ ᕿᒥᕐᕈᔪᒪᓂᐅᕗᖅ ᑭᓱᓂᒃ ᐱᓕᕆᕝᕕᒋᔭᐅᕙᒃᑐᓂᒃ ᐊᐱᕆᔪᖃᕐᒪᖔᑦ ᐅᑯᓄᖓ: ᓴᓇᕝᕕᖕᓂ ᐃᓕᓴᕆᔭᐅᓯᒪᔪᓂᒃ ᓇᓗᓇᐃᒃᑯᑕᕐᓂᒃ, Facebook−ᑯᑦ ᑎᑎᕋᐅᔭᖅᓯᒪᔪᓂᒃ, Google−ᒧᑦ ᓇᓗᓇᐃᒃᑯᑕᖃᕐᓂᕐᒥᒃ, Hootsuite−ᒧᑦ ᑭᒃᑯᑐᐃᓐᓇᓄᑦ ᑐᓴᐅᒪᑎᑦᑎᓂᕐᒧᑦ ᓂᐅᕐᕈᑎᖃᖅᐸᖕᓂᕐᒧᑦ ᓇᓗᓇᐃᒃᑯᑕᖅᑖᕐᓂᕐᒥᒃ, ᑕᒪᕐᒥᑦᑎᐊᖅ ᐃᓱᒪᖅᓱᕐᓗᑎᒃ ᐱᔭᕆᐊᒃᓴᖅ ᓄᓇᕐᔪᐊᓕᒫᒥᓗ ᐃᓕᓴᕆᔭᐅᓯᒪᔪᒥᒃ. ᐊᑐᖁᔨᔪᖅ ᐃᓱᒪᖅᓱᕐᓗᓂ ᐱᓗᓂ ᑖᒃᑯᓂᖓ ᓇᓗᓇᐃᒃᑯᑕᓂᑦ ᒪᒪᖅᓯᑎᓪᓗᒍ (ᐊᒻᒪᓗ ᓂᒡᓚᓇᕐᔪᐊᖅᑐᖅ ᓕᖕᒃᓕᓐᒧᑦ, ᖃᓄᖅ ᐅᖃᐅᓯᖃᕐᒪᖔᑦ "ᐃᖅᑲᓇᐃᔮᕆᓯᒪᔭᖏᑦ ᑎᑎᕋᖅᓯᒪᔪᑦ ᓯᕗᓂᒃᓴᒧᑦ.")
"ᑕᒪᕐᒥᑦᑎᐊᖅ ᑕᐃᒃᑯᐊ ᓇᓗᓇᐃᒃᑯᑕᐃᑦ, ᑕᒪᕐᒥᑦᑎᐊᖅ ᐱᐅᙱᑦᑐᑦ, ᑕᐃᔪᒪᒐᑦᑎᒍᑦ, ᒥᑭᑦᑐᑯᓗᐃᑦ, ᐃᓕᖕᓄᑐᐊᖅ ᐃᓅᓯᓕᒫᕐᓄᑦ."
ᐃᓚᖏᑦ ᐊᒃᓱᕈᕐᓇᖅᑐᑦ ᑕᑯᕙᒃᑕᖏᑦ ᓇᓂᓯᓇᓱᒃᓗᓂ ᑕᒻᒪᖓᙱᑦᑐᒥᒃ ᐃᓕᓐᓂᐊᕐᓂᕐᒥᒃ ᓇᓕᒧᒌᒃᓗᓂ ᐊᑐᕐᓂᑯᓪᓚᑦᑖᖓᒍᑦ. "ᖃᕆᑕᐅᔭᒃᑯᑦ ᓂᐅᕐᕈᑎᖃᕋᓱᐊᕐᓂᖅ, ᐅᖃᕋᔭᖅᑐᖓ ᐊᒃᓱᕈᕐᓇᕐᓂᖓᓂᒃ ᖃᐅᔨᖃᑦᑕᕐᓂᐅᔪᖅ ᐊᒻᒪᓗ ᐃᓄᖕᓂᒃ ᐅᒃᐱᕈᓱᓕᖅᑎᑦᑎᓂᕐᒥᒃ ᐃᓕᖕᓂᒃ ᓯᕗᓪᓕᖅᐹᑦᑎᐊᒥ," ᐅᖃᐅᓯᖃᖅᑐᖅ. ᑕᒪᓐᓇ ᐱᑕᖃᙱᓐᓂᐅᔪᖅ ᐋᖅᑭᒐᓱᐊᕐᓗᒍ, ᐃᒪᐃᖁᔨᕗᖅ ᐊᑭᓕᖅᓱᖅᑕᐅᓇᓂ ᐱᓕᕆᔪᖅ ᖃᐅᔨᕙᓪᓕᐊᖁᓪᓗᒍ ᑭᓱᑦ ᐊᔪᙱᒻᒪᖔᑕ ᐊᒻᒪᓗ ᐃᑲᔪᕈᓐᓇᕐᓗᑎᒃ ᓇᒻᒥᓂᖃᕐᓂᕐᒥᒃ.
ᐊᐱᕆᔭᐅᔪᖃᕋᔪᖕᒪᑦ ᐊᖏᔪᓂᑦ ᑲᑐᔾᔨᖃᑎᒌᓂᑦ ᑐᓴᖅᑎᑦᑎᓂᐊᕐᓗᑎᒃ ᓄᓇᖃᖅᑳᖅᓯᒪᔪᑦ ᐱᒋᐊᖅᓯᒪᔭᖏᓐᓂᑦ, ᓂᕆᐅᒃᑐᖅ ᑖᒃᑯᐊ ᑲᒻᐸᓃᑦ ᐱᕕᖃᑦᑎᐊᖕᓂᐊᖕᓂᖏᓐᓂᑦ ᓄᓇᖃᖅᑳᖅᓯᒪᔪᓂᑦ ᐃᖅᑲᓇᐃᔭᖅᑎᓂᑦ ᐃᓱᒪᒋᔭᓂᑦ ᑐᓴᖅᑎᑦᑎᔭᕆᐊᖃᔾᔮᙱᒻᒪᑕ. ᑕᑯᒃᑲᓐᓂᕈᒪᔪᖅ ᓄᓇᖃᖅᑳᖅᓯᒪᔪᓂᒃ ᓂᐅᕐᕈᑎᖃᕋᓱᐊᕐᓂᕐᒧᑦ ᓯᕗᓕᖅᑎᓂᒃ ᐅᕝᕙᓘᓐᓃᑦ ᓄᓇᖃᖅᑳᖅᓯᒪᔪᓂᒃ ᓇᖕᒥᓂᖃᖅᑎᐅᔪᒥᒃ Dragon's Den-ᒥ "ᑲᔪᓯᓗᓂ ᑎᓕᐅᕆᓂᕐᒥᒃ ᐊᒻᒪᓗ ᑕᑯᒃᓴᐅᑎᑦᑎᓂᕐᒥᒃ ᐃᓄᖕᓂᒃ ᐃᓱᒪᒥᐅᑕᖃᕈᓐᓇᕐᓂᑦᑎᓐᓂᒃ ᐊᒻᒪᓗ ᓂᐱᒥᒃ, ᐊᒻᒪᓗ ᐃᓱᒪᒋᕙᕋ ᓴᙱᓂᖃᑦᑎᐊᖅᑐᒻᒪᕆᐊᓗᖕᒥᒃ ᐅᓂᒃᑳᕐᓂᕐᒥᒃ ᐊᒻᒪᓗ ᐃᒃᐱᒍᓱᖕᓂᑦᑎᓐᓂᒃ ᐊᒻᒪᓗ ᑐᑭᓯᐅᒪᓂᕐᒥᒃ ᓄᓇᑦᑎᐊᕚᓗᑦᑎᓐᓂᒃ ᐃᓱᒪᒋᔭᒃᑯᑦ ᓇᓗᓇᐃᒃᑯᑕᐅᔪᑦ ᐱᔭᕆᐊᖃᖅᑕᕗᑦ ᐊᒻᒪᓗ ᓇᓗᓇᐃᒃᑯᑕᐃᑦ ᐱᔪᒪᔭᖏᑦ."
ᑕᑯᕙᓪᓕᐊᑐᐃᓐᓇᖅᐳᖅ ᓄᓇᖃᖅᑳᖅᓯᒪᔪᑦ ᓂᐱᖏᓐᓂᒃ ᓂᐅᕐᕈᑎᖃᕐᕕᐅᕙᒃᑐᒥ ᐱᔪᒃᓯᑦᑎᐊᖅᖢᓂᓗ ᓇᒧᙵᐅᑎᑦᑎᓇᔭᕐᓂᖓᓂᒃ. ᐅᐱᒍᓱᒃᑭᕗᖅᑕᐅᖅ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑎᑦ ᐃᓕᓐᓂᐊᖅᑎᑕᐅᖕᒪᑕ ᓄᓇᖃᖅᑳᖅᓯᒪᔪᑦ ᐃᓕᓴᐃᔨᖏᓐᓂᒃ ᔭᐃᓕ ᐃᓕᓐᓂᐊᕐᕕᖕᒥ. ᑰᕙᔅ ᑕᑯᖃᑦᑕᖅᑐᖅ ᖃᓄᖅ ᑲᓇᑕᒥ ᓂᐅᕐᕈᑎᖃᕐᓂᕐᒧᑦ ᑲᑐᔾᔨᖃᑎᒌᑦ ᐊᒻᒪᓗ ᑕᑯᒃᓴᐅᑎᑦᑎᓂᕐᒧᑦ ᐱᓕᕆᕝᕕᒃ ᐱᓕᕆᕙᓪᓕᐊᖕᒪᖔᑕ ᓴᖅᑭᑦᑎᓂᕐᒧᑦ ᐊᔾᔨᒌᙱᕈᓘᔭᖅᑐᓂᒃ ᓂᐱᓂᒃ ᓂᐅᕕᐊᒃᓴᖃᕐᓂᕐᒧᑦ ᐊᒻᒪᓗ ᓂᕆᐅᖕᓂᖃᖅᖢᑎᒃ ᓯᕗᓂᒃᓴᒧᑦ.
ᐅᖃᐅᔾᔪᐃᓂᖓ ᓄᓇᖃᖅᑳᖅᓯᒪᔪᓄᑦ ᒪᒃᑯᒃᑐᓄᑦ ᑮᓇᐅᔭᙳᖅᑎᑦᑎᔪᒪᓂᐅᕗᖅ ᐱᕕᒃᓴᓄᑦ ᖃᕆᑕᐅᔭᒃᑯᑦ ᓂᐅᕐᕈᑎᖃᖅᐸᖕᓂᕐᒧᑦ ᒪᓂᒪᑎᑕᐅᕙᒃᑐᓄᑦ. "ᐃᓱᒪᒋᔭᕋ ᐃᖅᑯᒻᒪᖅᑐᖃᖃᑦᑕᖅᓯᒪᓂᖓᓂᒃ ᐊᕐᕌᒎᓵᖅᑐᓂ, ᐹᑕᖃᖅᖢᓂᓗ ᒪᑐᐃᙶᖅᑐᓂᒃ. ᑖᒃᑯᐊ ᕿᒥᕐᕈᓗᒋᑦ ᐱᕕᖃᕐᓗᑎᓪᓗ ᑎᓕᐅᕆᓂᕐᒥᒃ ᖃᓄᖅ ᑕᐅᑦᑐᖃᕐᒪᖔᑦ, ᐃᒃᐱᖕᓂᐊᖕᒪᖔᑦ, ᑎᐱᖃᕐᒪᖔᑦ, ᐅᖃᓪᓚᖕᓂᖅ, ᖃᕋᓴᐅᔭᒃᑯᑦ, ᒪᓂᓴᐅᑎᒃᑯᑦ, ᐊᒻᒪ ᐃᓱᒪᔪᖓ ᐊᒃᑐᐃᕐᔪᐊᓲᖅ ᐊᓯᒥᒃ ᐊᒃᑐᐃᓪᓗᓂᓗ ᐃᓕᖅᑯᓯᒥᒃ," ᑎᓕᐅᕆᔪᖅ.
ᑎᐅᕋᓐ ᑯᕙᔅ, ᐱᒋᐊᖅᑎᑦᑎᖃᑕᐅᓚᐅᖅᑐᖅ ᔨᓕ ᕕᐅᕆᖕ−ᒧᑦ, ᖃᐅᔨᒪᔪᖅ ᓯᕗᓂᒃᓴᖓ ᖃᕋᓴᐅᔭᒃᑯᑦ ᓂᐅᕐᕈᑎᖃᕐᓂᖅ "sweet"−ᖑᓂᖓᓂᒃ ᐊᒻᒪ ᓴᓇᕝᕕᖕᓂᙶᖅᑐᓂᒃ ᐃᓕᓐᓂᐊᖅᑎᑦᑎᓪᓗᓂ ᐱᓕᕆᔨᖏᓐᓂᒃ, ᐃᑲᔪᖅᑐᖅ ᓄᓇᖃᖅᑳᖅᓯᒪᔪᓂᒃ ᒪᒃᑯᒃᑐᓂᒃ ᐃᒻᒥᓂᒃ ᑮᔭᐅᓪᓗᑎᒃ. ᖃᐅᔨᒪᔪᖅ ᓂᐅᕐᕈᑎᖃᕋᓱᐊᕐᓂᖅ ᓄᓇᕐᔪᐊᖅ ᐃᓚᐅᖃᑕᐅᓂᖓᓄᑦ ᐱᔪᓐᓇᖅᑐᓕᒫᓄᑦ ᓄᓇᖃᖅᑳᖅᓯᒪᔪᓄᑦ ᒪᒃᑯᒃᑐᓄᑦ ᓇᒃᓴᕐᓗᓂ ᑭᐳᒧᑦ ᐊᓕᐊᓇᐃᒍᓱᒃᖢᓂᓗ ᐃᓚᓯᒃᑲᓐᓂᕆᐊᒃᓴᖅ ᐃᒃᓯᕙᐅᑕᓂᑦ ᑲᑎᒪᔪᓄᑦ.
ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.
