ᐅᑭᐅᑦ ᖁᓕᑦ ᐊᓂᒍᖅᓯᒪᓕᖅᑐᑦ ᐅᖃᐅᓯᖃᖃᑦᑕᖅᓯᒪᖕᒪᑦ ᖃᓄᖅ ᑐᑭᖃᕐᒪᖔᑦ ᐊᓪᓚᖓᔪᑦ ᑎᑎᕋᐅᔭᖅᑎ, ᐊᐱᖅᑯᑕᐅᓗᐊᓚᐅᖅᓯᒪᙱᑦᑐᖅ ᐃᓕᓐᓂᐊᖅᑎᓪᓗᒍ. ᒫᓐᓇᓕ ᐱᕕᖃᓕᖅᐳᖅ ᑭᐅᓇᓱᐊᕈᓐᓇᖅᑐᓂᐅᒃ. ᑕᐃᕕᑦ ᕗᐊᑎᓐ ᐊᓪᓚᓄᑦ ᑎᑎᖅᑐᒐᖅᑎᐅᓪᓗᓂ ᐃᓅᓚᐅᖅᓯᒪᔪᖅ ᑳᓪᒍᕆᒥ, ᐱᕈᖅᓴᓚᐅᖅᓯᒪᔪᖅ ᐳᕆᓐᔅ ᐋᓪᐳᑦᒥ, ᓴᔅᑳᑦᓱᐋᓐᒥ ᐊᒻᒪᓗ ᒫᓐᓇ ᓄᓇᖃᓕᖅᑐᖅ ᐃᖃᓗᒃᑑᑦᑎᐊᕐᒥ, ᐋᓐᑎᐅᕆᐅᒥ. ᐊᖓᔪᖅᑳᖏᒃ ᐃᓕᓴᐃᔨᐅᓚᐅᖅᐳᑦ ᐃᓚᖏᓪᓗ ᕿᓚᒥᕈᓗᒃ 3 Hills ᐊᒻᒪ ᓚᑦᐳᕆᔾ, ᐋᓪᕘᑕᒥᑦᑕᐅᖅ. ᐊᓈᓇᖓᑕ ᖃᑕᙳᑎᖏᑦ ᐋᔅᑐᕆᐊᓐᒥ ᓄᓇᖃᖃᑕᐅᓚᐅᖅᐳᑦ ᐊᑖᑕᖓᑕᓗ ᖃᑕᙳᑎᖏᑦ ᕋᑦ ᕆᕗᒥ ᐊᓪᓚᖓᓪᓗᑎᒃ ᓯᐊᒻᒪᒃᓯᒪᓪᓗᑎᒃ.

ᐊᒥᓱᑎᑐᑦ ᓱᕈᓯᑎᑐᑦ ᓄᓇᒥᓂᒃ, ᕗᐊᑎᓐ ᓯᓚᑦᑐᓴᕐᕕᕐᔪᐊᕐᒨᓚᐅᖅᑐᖅ ᓵᔅᑲᑑᓐᒥ ᑕᐃᑲᓂᓗ ᐆᒪᔪᓕᕆᓂᕐᒥᒃ ᐃᓕᓐᓂᐊᖅᑐᓂ ᐊᒻᒪᓗ ᐃᓕᓐᓂᐊᖅᑐᓂ ᖃᐅᔨᓴᕐᓂᐅᔪᒥᒃ ᐊᑯᓐᓂᖓᒍᑦ ᑎᑎᖅᑐᒐᐃᑦ ᐊᒻᒪᓗ ᐆᒪᔪᐃᑦ ᓇᔪᒐᖏᑕ ᓯᓚᑎᖏᑕᓗ ᖃᓄᐃᑦᑑᓂᖏᑦ. ᐃᑎᓂᖅᓴᒥᑦ, ᖁᕕᐊᒋᔭᖃᓚᐅᖅᑐᖅ ᑎᑎᖅᑐᒐᕐᓂᑦ ᓄᓇᕐᔪᐊᕐᒥᐅᓂᑦ. ᕿᒥᕐᕈᖃᑦᑕᓕᓚᐅᖅᑐᖅ ᑎᑎᖅᑐᒐᐅᔭᕐᓂᕐᒧᑦ ᐊᒻᒪᓗ ᐃᓕᓐᓂᐊᕆᐊᕋᓱᐊᖅᑐᓂ ᑳᓪᒍᕆ ᓯᓚᑦᑐᓴᕐᕕᔾᔪᐊᖓᓂ ᐱᔭᕇᓚᐅᖅᑎᓪᓗᒍ. PhD-ᒥᒃ ᐱᓕᕆᐊᖃᓚᐅᕐᒥᔪᖅ.

"ᑎᑎᖅᑐᒐᕐᓂᖅ ᑐᓴᕈᒥᓇᖅᑑᕗᖅ, ᑐᑭᖃᖅᖢᓂ, ᓲᖃᐃᒻᒪ ᐃᓱᒪᑐᔫᓂᖓᓄᑦ. ᑭᓯᐊᓂ ᑐᙵᕕᖃᕐᒥᔪᖅ ᐱᓪᓚᕆᐊᓗᓐᓂᒃ ᐊᒻᒪᓗ ᐱᓪᓚᕆᐊᓗᓐᓂᒃ ᖃᓄᖅ ᓱᓴᐃᔭᑎᕗᑦ ᐊᐅᓚᓂᖃᓲᖑᒻᒪᖔᑕ ᐊᒻᒪᓗ ᖃᓄᐃᑦᑐᓂᒃ ᐃᓪᓗᓂᒃ ᒪᑭᑉᐸᓪᓕᐊᒻᒪᖔᑕ," ᐅᖃᖅᑐᖅ. ᐃᓚᒋᔭᐅᓕᖃᑕᐅᕗᖅ ᓄᓇᕐᔪᐊᓕᒫᒥ ᓄᓇᓕᖕᓂ ᓄᓇᖃᖅᑳᖅᑐᓄᑦ ᑎᑎᕋᐅᔭᖅᑎᓄᑦ ᑕᑯᒃᓴᐅᑎᑦᑎᓪᓗᓂ ᓇᑭᙶᖅᓯᒪᓂᖏᓐᓂᒃ ᖃᓪᓗᓈᙳᖅᑎᑕᐅᓂᑯᓂ ᓴᓇᔭᐅᓂᑯᓂ ᐊᕙᑎᒋᔭᐅᔪᒥ, ᑕᒪᒃᑯᐊᓗ ᐊᐱᖅᓱᖅᖢᑎᒃ ᖃᓄᐃᒻᒪᑦ ᖃᓄᕐᓗ ᑕᒪᒃᑯᐊ ᓄᓇᖃᖅᑳᖅᑐᑦ ᓂᐱᖏᑦ ᐅᖃᐅᓯᐅᓚᐅᕐᒪᖔᑕ. ᐃᓱᒪᒋᔭᖃᕐᒥᔪᑦ ᐱᑕᖃᑦᓯᐊᖏᓐᓂᖓᓂᒃ ᐱᖅᑯᓯᕐᒥᒃ ᖁᕕᐊᓲᑎᖃᕐᓂᕐᒥᒃ ᑕᑯᑦᓴᐅᑦᓯᐊᖅᑐᒥᒃ ᓄᓇᓕᖅᐸᐅᔭᖏᓐᓂ.

ᖃᐅᔨᓴᖅᑐᓕᕆᓂᖅ ᐊᒻᒪ ᐊᓐᓄᕋᔾᔨᐅᕐᓂᖅ ᖁᕕᐊᒋᔭᖃᖃᑦᑕᖅᓯᒪᕗᖅ ᑭᓯᐊᓂ ᐃᓕᓴᐃᖃᑦᑕᓕᕋᒥ ᑎᑎᕋᐅᔭᖅᓯᒪᔪᓂᒃ, ᑭᐊᔭ ᐊᒻᒪ ᒪᓐᑖᓇ ᐃᒡᓗᓕᐅᖃᑕᐅᓚᐅᖅᓯᒪᓪᓗᓂ ᓄᓇᓕᖕᓂ ᓄᓇᖃᖅᑳᖅᓯᒪᔪᓂᒃ ᐃᓄᖃᖅᖢᓂ. ᐃᓕᓴᐃᔨᐅᓪᓗᓂ ᒪᓐᑖᓇᒥ, ᖃᐅᔨᓚᐅᖅᑐᖅ ᐃᓕᓐᓂᐊᕈᑎᒃᓴᖃᑦᑎᐊᖏᓐᓂᖓᓂᒃ ᓄᓇᖃᖅᑳᖅᓯᒪᔪᑦ ᐊᒥᐊᕆᑲᒥ ᑎᑎᖅᑐᒐᐅᔭᖅᓯᒪᓂᖏᓐᓂᒃ, ᑕᐃᒪᓕ ᓴᓇᓕᓚᐅᖅᑐᖅ ᐊᒻᒪᓗ ᐅᖃᐅᓯᖃᓕᓚᐅᖅᓯᒪᔪᖅ ᓇᖕᒥᓂᖅ ᐱᐅᓯᑐᖃᕐᒥᓂᒃ.

ᑭᖑᓂᐊᒍᑦ, ᐃᖅᑲᓇᐃᔮᒃᓴᒥᒃ ᓴᖅᑭᑦᑎᔪᖃᓚᐅᖅᐳᖅ ᓗᐊᕋᓐᑎᐊᓐ ᓯᓚᑦᑐᖅᓴᕐᕕᒡᔪᐊᖓᓂ ᑐᙵᕕᖃᖅᖢᑎᒃ ᑎᑎᕋᐅᔭᖅᓯᒪᔪᓂᒃ ᐃᓕᓐᓂᐊᕈᑎᒃᓴᓂᒃ ᓄᓇᖃᖅᑳᖅᓯᒪᔪᑦ ᐃᓕᓴᐃᔾᔪᓯᖏᓐᓂᒃ ᐃᓐᓇᕐᓂᒃ ᐃᓕᓐᓂᐊᕐᕕᖕᒥ ᑕᐃᑲᓂᓗ ᐃᓕᓴᐃᓕᓚᐅᖅᖢᓂ. ᑮᓇᐅᔭᓂᒃ ᑐᒃᓯᕋᓚᐅᖅᐳᖅ ᖃᐅᔨᓇᓱᒍᒪᓪᓗᓂ ᖃᓄᖅ ᑐᑭᖃᕐᒪᖔᑦ ᐊᓪᓚᖓᔪᑦ ᑎᑎᕋᐅᔭᖅᑎᑦ ᐊᒻᒪ ᖃᐅᔨᓴᖅᑎᓪᓗᒍ ᖃᐅᔨᓚᐅᖅᐳᖅ ᐅᖃᓕᒫᒐᕐᓂᒃ ᓄᓇᖃᖅᑳᖅᓯᒪᔪᑦ ᑎᑎᖅᑐᒐᖅᑎᑦ ᒥᒃᓵᓄᑦ ᐅᖃᐅᓯᖃᓚᐅᙱᖦᖢᓂ ᐊᓪᓚᖓᔪᑦ ᒥᒃᓵᓄᑦ. ᑕᐃᑲᙵᑦ, ᕗᐊᑎᓐ ᐱᓇᓱᐊᓚᐅᖅᑐᖅ ᐃᖅᑲᓇᐃᔭᖅᑎᑦᑎᓇᓱᐊᖅᑐᓂ ᐊᓪᓚᖓᔪᓂ ᐃᓕᓐᓂᐊᖅᑎᓂ ᐊᒻᒪ ᑲᑎᖃᑎᖃᖅᑐᓂ ᐊᓪᓚᖓᔪᓂ ᓄᓇᓕᓐᓂ ᐱᓂᐊᕐᓂᕋᖅᑐᓂ.

ᐃᖏᕐᕋᖃᑕᐅᑎᓪᓗᒍ, ᐊᓪᓚᑦ ᓄᓇᓕᖏᓐᓄᐊᓚᐅᖅᑐᖅ ᐊᑖᑕᒥᓂᒃ ᐱᖃᑎᖃᖅᖢᓂ ᐃᓚᒥᓂᒡᓗ ᑲᑎᖃᑎᖃᒃᑲᓐᓂᖅᖢᓂ. ᐅᖃᐅᓯᖃᖅᐸᓚᐅᖅᐳᑦ ᐃᓪᓗᓂᒃ ᐃᓄᓐᓄᑦ ᑲᑎᑕᒥᓂᖏᓐᓄᑦ, ᐊᑕᐅᓯᕐᒥᑦ ᐊᕐᕌᒍᒥᑦ ᐋᓪᕘᑕᒥᑦ, ᓴᔅᑳᑦᓱᐋᓐᒥ ᑭᖑᓪᓕᕐᒥ ᐊᒻᒪ ᒫᓂᑑᕙᒧᑦ. ᑎᑎᕋᓚᐅᖅᑐᑦ ᐅᖃᐅᓯᖃᖅᖢᑎᒡᓗ ᑎᑎᕋᐅᔭᒐᓂᑦ ᓇᒧᙵᐅᒐᓗᐊᕈᑎᒃ ᓴᓇᓪᓗᑎᒡᓗ ᐊᑐᒐᒃᓴᒥᑦ ᒪᒃᑯᒃᑐᑦ ᐊᓪᓚᖓᔪᑦ ᕿᒥᕐᕈᔪᓐᓇᖕᓂᐊᖕᒪᑕ. ᑕᑯᓯᒪᔭᖓ ᐊᐅᓪᓚᖃᑦᑕᖅᑐᓂ ᐱᔭᕆᐊᑐᔪᒻᒪᕆᐅᒻᒪᑦ ᐃᓕᑕᕆᔭᐅᑦᑎᐊᖅᓯᒪᒐᓂᓗ ᑎᑎᕋᖅᑕᐅᑦᑎᐊᖅᓯᒪᒐᓂᓗ. ᐱᓕᕆᖃᑎᖃᖅᖢᓂ ᐊᔾᔨᒌᙱᑦᑐᓂᒃ ᐊᓪᓚᖓᔪᓂᒃ ᑲᑐᔾᔨᖃᑎᒌᓂᒃ ᐊᒥᓱᓂᒃ ᐱᓕᕆᐊᖑᔪᓂᒃ, ᓈᓚᖃᑦᑕᖅᐳᖅ ᓄᓇᓕᖕᓄᑦ ᑭᓱᓂᒡᓗ ᐱᔪᒪᖕᒪᖔᑕ ᑕᒪᓐᓇ ᖃᐅᔨᓴᕐᓂᕆᔭᐅᔪᖅ ᐊᒃᑐᐊᓂᖃᖅᐳᖅ ᐊᓪᓚᖓᔪᐃᑦ ᐅᖃᕈᓯᖏᓐᓂᒃ.

ᖃᑯᖅᑕᐅᓪᓗᓂ ᐊᓪᓚᖑᐊᖅᑎᐅᓪᓗᓂ, ᐱᔪᓐᓇᕐᓂᖃᖅᓯᒪᔪᒻᒪᕆᐅᕗᖅ ᑭᓯᐊᓂ ᓈᒻᒪᔅᓴᐃᓐᓇᖅᐸᓚᐅᓐᖏᓚᖅ ᑎᑎᖅᑐᒐᕐᓂᕐᒧᑦ ᐃᓕᓐᓂᐊᕐᕕᒻᒥᑦ, ᐊᕙᓗᔭᐅᓯᒪᓪᓗᓂ ᐃᓕᓐᓂᐊᖅᑎᓄᑦ ᓴᓇᙳᐊᕐᓂᕐᒧᑦ ᑕᑯᔭᒐᖃᕐᕕᒻᒧᑦ ᑕᕆᐅᑉ ᐊᑭᐊᓄᑦ ᐊᒻᒪ ᐃᓕᓐᓂᐊᖅᑐᓂ ᐊᑦᑐᖅᑕᐅᓂᖃᖅᑐᒻᒪᕆᐅᔪᒥᑦ ᓴᓈᓄᑦ ᑕᑯᔭᒐᖃᕐᕕᒻᒥᑦ ᐃᓕᖅᑯᓯᑐᖃᖅᑎᓐᓄᑦ ᐱᕈᕐᐸᓪᓕᐊᓂᖓ ᒥᑭᔫᓂᖅᓴᐅᑎᓪᓗᒍ. ᐃᖅᑲᓇᐃᔭᖅᖢᓂ ᐊᔪᖅᓴᙱᖦᖢᓂ ᑎᔅᓯᓈᕿᔭᕌᖓᒥ ᐊᒃᓱᕈᕐᓇᖅᑑᓯᒪᖕᒥᔪᖅ ᐊᒻᒪ ᐃᓛᓐᓂᒃᑯᑦ ᐊᒃᑐᖅᑕᐅᖃᑦᑕᙱᖦᖢᓂ. ᐃᓕᓴᐃᔨᐅᓂᕐᒥᒃ ᖃᐅᔨᒪᓕᖅᑎᑦᑎᒃᑲᓐᓂᕐᓂᕐᓗ ᑕᒪᒃᑯᐊ ᑎᑎᕋᐅᔭᖅᓯᒪᓃᑦ ᐃᓅᖃᑎᒌᒃᐸᖕᓂᕐᒧᑦ ᐱᓕᕆᔨᐅᔪᓐᓇᕐᓂᖏᓐᓂᒃ ᐱᐅᓯᒋᐊᖅᑎᑦᑎᔪᓐᓇᖅᑐᓂᒃ ᐃᓅᓯᑦᑎᐊᕙᖕᒥᒃ ᐃᑲᔪᓚᐅᖅᐳᖅ ᓇᓂᓯᓂᕐᒥᒃ ᑐᑭᖃᕐᓂᖅᓴᐅᔪᒥᒃ ᐱᓕᕆᐊᕆᔭᒥᓂ. ᖁᕕᐊᒋᔭᖃᖅᑎᓪᓗᒍ ᐊᑐᕐᓂᑯᒥᒃ ᓴᓇᓂᕐᒥᒃ ᐱᐅᔪᐊᓗᖕᒥᒃ ᐊᖏᕐᕋᒥᒃ ᕕᒃᑑᕆᐊᒥ, ᖁᕕᐊᒋᑦᑎᐊᖅᑕᖓ ᒫᓐᓇ ᖃᓄᐃᓕᐅᖃᑦᑕᕐᓂᕐᒥᓂᒃ.

‍

ᑐᓴᖅᑎᑦᑎᒍᓐᓇᕈᓂ ᓄᑲᖅᑎᐅᓂᖅᓴᓄᑦ ᓇᒻᒥᓂᖅ ᐅᑉᐱᕈᓱᒃᑲᔭᖅᑐᖅ ᐃᓚᖏᑦ ᐊᓂᒍᖅᑕᐅᕙᑦᑐᑦ ᐃᓅᓯᖅ ᓴᖅᑭᕋᔭᕆᐊᖓ, ᓲᕐᓗ ᐃᓕᓐᓂᐊᕐᓂᕐᒥᓂᒃ ᐱᔭᕇᖅᓯᓂᖅ ᐃᓕᓐᓂᐊᕐᕕᕐᔪᐊᕐᒥᑦ ᐅᕝᕙᓘᓐᓃᑦ ᓯᓚᑦᑐᓴᕐᕕᕐᔪᐊᕐᒥᑦ. ᓱᓕᕗᖅ ᐱᓇᓱᐊᖅᑎᓪᓗᒋᑦ ᑕᒪᒃᑯᓂᖓ ᓄᓇᓂᒃ ᓇᓗᓇᐃᒃᑯᑕᓂᒃ, ᐅᓚᕕᑕᐅᔪᖃᖃᑦᑕᕐᒪᑦ ᓴᖅᑭᔮᖏᓐᓇᕈᓐᓇᕐᓂᕐᒥᑦ. ᐅᖃᕋᔭᖅᑐᖅ, "ᒫᓐᓇ ᐱᕕᖃᓕᖅᐳᑎᑦ ᓈᒻᒪᒐᓱᒋᓗᑎᑦ ᖁᕕᐊᓱᒡᓗᑎᓪᓗ. ᖃᓄᐃᑦᑐᖃᕋᓗᐊᖅᐸᑦ ᐊᒻᒪᓗ ᓴᖅᑭᖅᑐᖃᖃᑦᑕᑎᓪᓗᒍ, ᑕᐃᒪᐃᒃᑲᔭᖅᑐᖅ. ᑭᓯᐊᓂ ᐃᓕᖕᓂᒃ ᑕᐅᑐᓪᓗᐊᑕᙱᓪᓗᑎᑦ ᑕᒪᑐᒧᖓ ᐱᔪᒪᔭᕐᓄᑦ ᓯᕗᓂᑦᑎᓐᓂ. ᐱᕕᖃᖅᑎᓪᓗᑎᑦ ᒫᓐᓇ ᑕᒪᒃᑯᓂᖓ ᐱᓕᕆᓗᑎᑦ ᐅᒃᐱᕐᓂᕆᔭᕐᓂᒃ ᑐᙵᕕᖃᕐᓗᑎᑦ." ᓇᓂᓯᔪᒪᓚᐅᖅᑐᖅ ᓇᓕᒧᒌᒃᑐᒥᒃ ᓱᕋᐃᓪᓗᓂ ᐃᓕᖅᑯᓯᑐᖃᕐᒥᓂᒃ ᓯᓐᓇᑦᑑᒪᒋᔭᖏᓐᓂ ᑐᙵᑦᑎᐊᕐᖢᓂᓗ ᐅᒃᐱᕐᓂᒃᑯᑦ ᑐᑭᓯᓪᓗᓂᓗ ᑖᒃᑯᐊ ᒪᕐᕉᒃ ᐃᓱᒪᒥᐅᑕᑦ ᐊᑲᐅᙱᓕᐅᕈᑎᖃᙱᓐᓂᖏᓐᓂᒃ. "ᓯᓐᓇᑦᑑᒪᒋᔭᑎᑦ ᓯᓐᓇᒃᑐᕈᓐᓇᖅᑕᑎᑦ ᑐᙵᕕᖃᑦᑎᐊᕐᓂᖅᓴᐅᓕᕐᓗᑎᑦ ᐅᒃᐱᕐᓂᖃᕐᓂᖅᓴᐅᓗᑎᑦ," ᐅᖃᑦᑎᐊᙱᖦᖢᓂ.

ᖃᓄᐃᙱᑦᑎᐊᖏᓐᓇᕋᓱᒃᓗᓂ ᓇᓕᒧᒌᒃᑎᑦᑎᓗᓂᓗ ᐃᓅᓯᖓᓂ, ᐃᖅᑲᓇᐃᔭᖃᑦᑕᖅᑐᖅ ᐊᒃᑐᐊᓂᖃᐃᓐᓇᕋᓱᒃᓗᓂ ᐊᓪᓚᖓᔪᓄᑦ ᓄᓇᓕᖕᒥᓗ ᓄᓇᖃᖅᑳᖅᓯᒪᔪᓄᑦ ᓄᓇᓕᖕᓄᑦ. ᖁᕕᐊᓱᖃᑕᐅᖃᑦᑕᖅᑐᖅ, ᐃᓚᒥᓂᒃ ᐱᖃᑎᖃᖅᖢᓂ, ᐃᖃᐃᓕᓴᖅᖢᓂ, ᑎᒥᒥᓂᒃ ᑲᒪᕙᒃᖢᓂ, ᐊᒻᒪ ᓇᓕᒧᒌᒃᑎᓐᓇᓱᒃᖢᒋᑦ ᐃᓂᒃᓴᒥᓂᒃ. ᐱᕕᖃᖅᑎᑦᑎᓂᖅ ᐃᓐᓇᑐᖃᕐᓂᒃ, ᐱᓕᕆᐊᖃᕐᓂᖅ ᓇᖕᒥᓂᖅ−ᐱᐅᓯᒋᐊᖅᑎᑦᑎᓂᕐᒥᒃ ᐊᔪᕈᓐᓃᖅᓴᕐᓂᕐᒥᒡᓗ ᐱᓗᐊᖅᑎᑦᑎᑦᑕᐃᓕᒪᓂᕐᒥᒃ ᐃᒥᐊᓗᖕᒧᑦ ᐱᓕᕆᐊᕆᓇᓱᒃᐸᖕᒥᔭᖓᑦᑕᐅᖅ.

ᐅᖃᐅᔾᔪᐃᓂᖓ ᒪᒃᑯᒃᑐᓄᑦ ᓄᓇᖃᖅᑳᖅᓯᒪᔪᓄᑦ ᓂᕆᐅᖕᓂᐅᕗᖅ.

"ᓄᓇᕐᔪᐊᖅ ᐊᒥᓱᓂᑦ ᐱᕕᖃᖅᑐᖅ ᒫᓐᓇᐅᔪᖅ ᓄᓇᖃᖅᑳᖅᓯᒪᔪᓄᑦ ᒪᒃᑯᑦᑐᓄᑦ... ᓄᓇᓕᓯ ᐃᓕᖕᓂᒃ ᐃᑲᔪᖅᑐᐃᓂᐊᖅᐳᑦ. ᓯᕗᓕᕕᓂᓯ ᐃᓕᖕᓂᒃ ᐃᑲᔪᖅᑐᐃᓂᐊᖅᐳᑦ ᖁᓱᙱᓪᓗᑎᒡᓗ ᑕᒪᑐᒥᖓ. ᐱᓕᕆᔪᒻᒪᕆᐅᔪᓐᓇᖅᑐᓯ ᒫᓐᓇᐅᔪᖅ. ᐱᕕᒃᓴᐃᑦ ᑕᐃᑲᓃᑦᑐᑦ," ᓇᓗᓇᐃᖅᐳᖅ.

ᑕᑯᓛᕈᒪᔪᖅ 100-ᖏᓐᓃᑦᑐᓂᑦ ᓄᓇᖃᖅᑳᖅᓯᒪᔪᓂᑦ ᑎᑎᖅᑐᒐᖅᑎᓂᑦ ᓯᕗᓂᒃᓴᑦᑎᓐᓂᑦ. ᓂᕆᐅᒋᔭᖃᖅᐳᖅ ᒪᒃᑯᒃᑐᑦ ᐃᓱᒪᒋᔭᖃᕐᓂᐊᕐᓂᖏᓐᓂᒃ ᐊᐱᖅᑯᑎᒃᓴᒥᒃ, "ᑭᓱᒥᒃ ᐱᔾᔪᑎᖃᖅᐱᑦ?" ᓇᒧᙵᐅᕙᓪᓕᐊᓕᖅᑎᓪᓗᒋᑦ ᐊᖏᒡᓕᕙᓪᓕᐊᔪᒥᒃ ᐅᓚᕕᓴᕐᓂᕐᒥᒃ ᓄᓇᕐᔪᐊᕐᒥᒃ. ᑕᑯᔪᖅ ᐅᓄᖅᑐᓂᒃ ᐱᓯᓂᓯᓂᑦ ᕿᓂᖅᑐᓂᒃ ᐃᖅᑲᓇᐃᔭᓕᖅᑎᑦᑎᓂᕐᒥᒃ ᓄᓇᖃᖅᑳᖅᓯᒪᔪᓂᒃ ᐃᓄᖕᓂᒃ ᐱᑐᐃᓐᓇᕆᐊᖃᕐᔪᐊᕐᖢᓂᓗ ᒪᑭᑎᑕᐅᓂᕐᒥᒃ. ᑕᓐ ᑕᑯᖃᑦᑕᖅᑐᖅ ᑐᑦᑎᐊᕐᓂᕐᒥᑦ ᐱᑦᑕᐃᓕᓂᕐᒥᑦ ᐱᔾᔪᑎᒋᑦᓱᒍ ᖃᐅᔨᒪᔪᑎᑦ ᑭᓇᐅᒻᒪᖔᖅᐱᑦ.

ᑕᐃᕕᑦ ᕗᐊᑎᓐ ᐊᕐᕌᒍᓄᑦ ᖁᓕᓄᑦ ᐊᑐᖅᓯᒪᔪᖅ ᖃᓄᖅ ᑐᑭᖃᕐᒪᖔᖅ ᐊᓪᓚᖓᔪᓕᕆᓂᕐᒧᑦ ᑎᑎᖅᑐᒐᖅᑎᐅᓂᖅ, ᐊᐱᖅᑯᑕᐅᓚᐅᖅᓯᒪᙱᑦᑐᖅ ᐃᓕᓐᓂᐊᖅᑎᓪᓗᖑ. ᒫᓐᓇᓕ ᐱᕕᖃᓕᕋᒥ ᑭᐅᓇᓱᐊᕐᓗᒍ, ᐃᑲᔪᕐᔪᐊᖅᐳᖅ ᐃᖅᑲᓇᐃᔮᖓᓄᑦ ᐃᑲᔫᑎᖃᕐᓂᐊᖅᑐᒥᑦ ᑭᖑᕚᒃᓴᑦᑎᓐᓄᑦ. ᑐᙵᕕᓕᐅᕐᓂᕐᒥᑦ ᖃᐅᔨᒪᓂᕐᒥᑦ, ᐃᓕᓐᓂᐊᖅᑐᖅ ᐃᓕᓐᓂᐊᑎᑦᓯᑦᓱᓂᓗ ᖃᓄᖅ ᐊᓪᓚᖓᔪᑦ-ᓴᓇᔭᐅᓯᒪᓂᖏᓐᓂᑦ ᓴᓇᒻᒪᖏᓐᓂᓪᓗ ᖃᓄᖅ ᑐᑭᖃᕐᒪᖔᑦ ᐃᓕᓐᓂᐊᕐᓂᕐᒧᑦ ᖃᐅᔨᓴᕐᓂᕐᒧᑦ ᐱᕕᖃᕐᓂᕐᒥᑦ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᑎᑎᕋᓵᕋᕕᑦ ᑖᔅᓱᒥᖓ ᑎᑎᕋᖅᓯᒪᔪᒥᒃ!