ᐅᓂᒃᑳᖅᑐᐊᕐᓂᖅ ᐃᓚᒥᓄᑦ ᐊᑐᖅᑕᐅᕙᒃᐳᖅ ᑭᓯᐊᓂ ᐅᓂᒃᑳᖅᑐᐊᕈᒪᓪᓚᕆᓕᕌᖓᒥ, ᐱᓱᔪᒋᐊᖅᑐᖅᐸᒃᐳᖅ ᓯᐊᕐᕆᔮᕆᐊᖅᑐᖅᐸᒃᖢᓂᓘᓐᓃᑦ. ᑕᓐᑲᓐ ᕗᐊᑦᔅ ᐱᕈᖅᓴᓚᐅᖅᓯᒪᔪᖅ Grand Rapids-ᒥ ᓄᓇᖃᓚᐅᖅᓯᒪᓪᓗᓂ ᑭᓯᐊᓂ ᐊᐅᓪᓚᕆᐊᖃᓕᕋᒥ ᐃᓕᓐᓂᐊᕐᕕᐊᓗᖕᒧᑦ Cranberry Portage-ᒧᑦ. "ᑕᒪᕐᒥᑲᓴᒃ ᐃᓕᓐᓂᐊᓚᐅᖅᓯᒪᔭᕋ ᓄᑲᑉᐱᐊᖑᓪᓗᖓ ᓄᓇᖃᖅᖢᖓ ᑕᐃᑲᓂ ᓄᓇᓕᒡᔪᐊᒥ ᖃᓄᖅ ᐃᓄᖕᓂ ᑲᒪᒋᔭᖃᕆᐊᖃᕐᒪᖔᑦᑕ, ᐃᓱᒪᓪᓗᖓ ᐊᒥᖅᑳᖃᑎᖃᕐᓂᑦᑎᓐᓂᒃ ᐱᓯᒪᔭᑦᑎᓐᓂᒃ ᐊᒻᒪᓗ ᐃᓕᓐᓂᐊᕐᕕᒃ ᒪᕐᕉᖕᓂᒃ ᐃᒡᓗᕈᓯᖃᑐᐃᓐᓇᖅᖢᓂ, ᖁᑦᑎᖕᓂᓕᖕᓂ 1-ᒥᑦ 8-ᒧᑦ," ᐅᓂᒃᑳᕆᓪᓗᓂ. ᐋᖅᑭᒃᓯᒪᓂᖓ ᓱᒃᑲᓕᒋᐊᖅᑎᑦᑎᓚᐅᖅᐳᖅ ᐃᓕᑦᑎᕙᓪᓕᐊᓂᖓᓂᒃ.

ᐅᖃᐅᔾᔨᒋᐊᕈᑎᒋᔭᖓ ᐃᓕᓐᓂᐊᖅᑎᓄᑦ ᐊᐅᓪᓚᕆᐊᖃᖅᐸᒃᑐᓄᑦ ᓄᓇᒋᔭᒥᓂᑦ ᐃᓕᓐᓂᐊᕆᐊᕐᓗᑎᒃ ᐃᒪᓐᓇᐅᕗᖅ, "ᓇᒧᙵᐅᓗᑎᑦ ᐃᓕᓐᓂᐊᕆᐊᕐᓗᑎᑦ ᐊᑕᐅᑦᑎᒃᑯᑦ, ᐳᐃᒍᖅᑕᐃᓕᓗᑎᑦ ᓇᑭᙶᖅᓯᒪᖕᒪᖔᖅᐱᑦ". ᐅᖃᐅᔾᔨᕙᒃᐳᖅ ᐃᓕᓐᓂᐊᖅᑎᓂᒃ ᐃᒻᒥᓂᒃ ᓇᓗᓇᐃᖅᓯᒑᖓᒥᒃ ᑭᓇᐅᓂᕐᒥᓂᒃ ᓇᓗᓇᐃᖅᓯᑐᐃᓐᓇᖃᑦᑕᖁᔨᙱᖦᖢᓂ ᑭᓯᐊᓂ ᑭᒃᑰᖕᒪᖔᑕ ᖃᑕᙳᑎᖏᑦ, ᑭᓲᖕᒪᖔᑕ ᐅᖃᐅᓯᖏᑦ, ᐊᒻᒪ ᓇᑭᙶᖅᓯᒪᖕᒪᖔᑕ.

ᐱᖓᔪᐊᑦ ᒫᓐᓇ ᓄᖅᑲᖓᓕᖅᐳᖅ ᑭᓯᐊᓂ ᓱᓕ ᐅᓂᒃᑳᖅᑐᐊᕈᓘᔭᖅᐸᒃᐳᖅ ᐃᓕᓐᓂᐊᕐᕕᖕᓂ ᑎᑎᕋᕈᓘᔭᖅᐸᒃᖢᓂᓗ. ᐅᖃᓕᒫᕈᒻᒪᐅᑦᑎᐊᖅᑐᖅ, ᐊᓈᓇᒥᓄᑦ ᐱᓚᐅᖅᓯᒪᔭᖓ. ᓴᓇᔨᙳᓚᐅᖅᓯᒪᔪᖅ ᐃᓕᓐᓂᐊᕇᕋᒥ ᐊᓪᓚᐃᑦ ᐊᓪᓚᖓᔪᓕᕆᔨᐅᓂᕐᒥᓄᑦ. ᐃᓕᑕᕆᔭᐅᔾᔪᑎᖃᓚᐅᙱᑦᑐᖅ ᖃᑕᙳᑎᖏᓪᓗ ᑭᓯᐊᓂ ᖃᑕᙳᑎᖏᑦ ᐃᓕᓐᓂᐊᕆᐊᖅᑎᑦᑎᔪᓐᓇᑐᐃᓐᓇᖅᖢᑎᒃ ᓯᓚᑦᑐᖅᓴᕐᕕᒡᔪᐊᒧᑦ. ᐊᓈᓇᖓ ᐊᓪᓚᓄᑦ ᐊᕐᓇᐅᔪᓐᓃᓚᐅᖅᐳᖅ ᑲᑎᑎᑕᐅᒐᒥ ᐊᑖᑕᒥᓂᒃ ᐊᓪᓚᖓᔪᒥᒃ.  

23-ᓂᒃ ᐊᕐᕌᒍᓂᒃ ᐱᖓᔪᐊᑦ ᐃᖅᑲᓇᐃᔭᓚᐅᕐᓯᒪᔪᖅ ᓴᓇᔨᐅᖃᑎᒌᓂᒃ, ᐊᒻᒪ ᐊᒃᓱᕉᑎᖃᓚᐅᕐᑐᖅ ᐱᐅᓯᕆᔭᐅᔪᓂᒃ ᐃᓄᖕᓂ ᐊᔾᔨᒋᔭᐅᙱᑦᑐᓂᒃ, ᓱᒃᑲᐃᑦᑐᒥᒃ ᐊᑐᓕᓚᐅᕐᓯᒪᔭᖓ, ᐱᕈᖅᓴᔭᐅᓚᐅᕐᓯᒪᒐᓗᐊᖅᖢᓂ ᓈᒻᒪᒃᓴᕐᓂᕐᒥᒃ ᐃᓄᖕᓂ ᐊᒻᒪ ᐃᓚᐃᓐᓇᖅᓯᐅᙱᓪᓗᓂ. ᐅᖃᐅᔾᔨᔪᒪᓲᖑᕗᖅ ᐃᓄᖕᓂ ᐃᓕᓐᓂᐊᕆᐊᖅᓯᒪᓂᕐᒥᓂᒃ Blue Collar ᓯᓚᑦᑐᖅᓴᕐᕕᒡᔪᐊᕐᒥ ᐅᕝᕙᓘᓐᓃᑦ PhD-ᑖᖅᓯᒪᓂᕋᖅᖢᓂ Redneck ᓯᓚᑦᑐᖅᓴᕐᕕᒡᔪᐊᕐᒥ. ᐅᓂᒃᑲᐅᓯᖃᖅᐳᖅ ᐃᓕᑕᒥᓂᒃ 'ᐃᒡᓗᖔᖓᓂ', ᖃᓪᓗᓈᓂᑦ ᐅᖃᐅᓯᖃᖅᖢᓂᓗ ᑲᑎᙵᓂᕆᓚᐅᖅᑕᖏᓐᓂᒃ ᐃᓕᓚᐅᖅᑕᒥᓂᒃ ᓄᑲᑉᐱᐊᖑᓪᓗᓂ ᐊᒻᒪ ᐃᓕᓚᐅᖅᑕᒥᓂᒃ ᐃᖅᑲᓇᐃᔭᕐᕕᖕᒥ. ᐅᓂᒃᑲᐅᓯᖃᖅᐳᖅ ᒪᕐᕉᒃ ᑰᒃ ᑲᑎᙵᔫᒃ ᑭᓯᐊᓂ ᑕᐅᑦᑐᖏᑦ ᐊᔾᔨᒌᙱᑦᑑᒃ.

ᑭᖑᓂᐊᒍᑦ, ᐱᖓᔪᐊᑦ ᓅᓕᓚᐅᖅᐳᖅ ᖃᑯᖅᑕᓂ ᓴᓇᕙᒃᑐᓂ ᐊᒻᒪ ᓇᓂᓯᓪᓗᓂ ᐊᔾᔨᖏᓐᓂᒃ ᐊᑭᕋᖅᑐᕐᓂᐅᔪᓂᒃ. ᐃᓕᑦᑎᔭᕆᐊᖃᓚᐅᖅᐳᖅ ᖃᓄᖅ ᑲᒪᒋᔭᖃᕈᓐᓇᕐᓂᕐᒥᒃ ᖃᓄᐃᓕᖓᓂᕆᔭᐅᔪᓂᒃ ᐃᓄᐃᑦ ᐅᖃᐅᓯᖃᖅᑎᓪᓗᒋᑦ ᐊᔾᔨᒌᙱᑎᑦᑎᓂᕐᒥᒃ ᑕᐅᑐᖅᑰᖅᑕᒥᓂᒃ ᕿᒪᐃᑐᐃᓐᓇᖅᐸᒃᖢᓂᓗ ᑭᓯᐊᓂ ᑕᒪᓐᓇ ᐅᖃᐅᓯᐅᔪᖅ ᖄᖏᐅᑎᓯᒪᙱᒃᑯᓂ. ᖃᑯᖅᑕᓂ ᖁᖓᓯᕈᓕᖕᓂ ᓄᓇᕐᔪᐊᒥ ᐃᓂᖃᓚᐅᙱᓚᖅ.

ᐱᕈᖅᓴᓪᓗᓂ, ᑯᑯᒻ ᐅᓂᒃᑳᖅᑎᒋᔭᐅᓚᐅᖅᐳᖅ ᐃᓚᒌᓄᑦ, ᐊᒻᒪ ᐅᖃᓗᐊᕌᓗᙱᖦᖢᓂ ᐃᓕᓐᓂᐊᖅᑎᖦᖢᓂᐅᒃ ᑕᐃᒪᐃᑦᑐᙳᖅᑎᖦᖢᒍ. ᖃᐅᔨᒪᓚᐅᖅᑐᖅ ᐅᓂᒃᑳᖅᑐᐊᕈᓯᖓ ᐊᔾᔨᒋᔾᔮᙱᓐᓂᖓᓂᒃ, ᑎᑎᕋᖃᑦᑕᕋᔭᖅᑐᖅ ᓂᐱᖅᑯᖅᑐᙱᖔᕐᓗᓂ ᐅᓂᒃᑳᖅᑐᐊᓂᒃ, ᐃᓄᐃᑦ ᑕᑯᔭᖅᑐᖃᑦᑕᕋᔭᖅᑕᖏᓐᓂᒃ ᑐᓵᔭᖅᑐᕐᓗᑎᒃ ᐅᓂᒃᑳᖏᓐᓂᒃ.

ᓯᕗᓪᓕᕐᒥ, ᑎᑎᕋᕐᓂᖅ ᐊᖏᕐᕋᖅᓯᖃᑦᑕᓚᐅᖅᐳᖅ ᐃᓕᓐᓂᐊᕆᐊᓕᕋᒥ. ᑎᑎᕋᕈᓯᖓ ᐱᐅᒋᔭᐅᓚᐅᙱᑦᑐᖅ ᓴᓇᔨᓄᑦ ᐃᓕᓐᓂᐊᕇᕋᒥ. ᒫᓐᓇᓕ ᑎᑎᕋᖃᑦᑕᓕᖅᐳᖅ ᓄᖅᑲᖓᙱᖦᖢᓂ ᐊᒻᒪ ᑕᓪᓕᒪᓂᒃ ᐅᖃᓕᒫᒐᓕᐅᖅᓯᒪᓕᖅᖢᓂ 6-ᒋᔭᖓᓂᒃ ᓴᖅᑭᑦᑐᖃᓛᖅᖢᓂ. ᐊᕙᓗᔭᐅᓯᒪᓪᓗᓂ ᕿᑐᑦᑐᒐᐅᔭᕐᓂᒃ ᓄᑕᐅᙱᑦᑐᓂᒃ ᑎᑎᕋᐅᓯᕐᓂᒃ, ᐋᖅᑭᒃᓱᐃᕙᓪᓕᐊᕗᖅ ᓄᑖᓂᒃ ᑎᑎᕋᖅᓯᒪᔪᓂᒃ ᑭᖑᓂᑦᑎᓐᓂ ᐱᓕᕆᐊᕆᓯᒪᔭᖏᓐᓂᒃ ᑎᓴᒪᐅᓕᖅᑲᖓᔪᓂᒃ ᐃᓅᓯᕆᔭᒥᓂ. ᐊᓯᓕᒫᖏᑦ ᐸᕐᓇᒃᓯᒪᔭᖏᑦ ᐃᓄᖕᓂ ᐃᑭᑎᑦᑎᓛᕈᒪᓪᓗᑎᒃ ᐃᓅᔪᓐᓃᓚᐅᖅᑎᓪᓗᒍ.

ᐱᔪᒃᓯᑎᑦᑎᓂᒃᑯᓪᓕ ᑎᑎᕋᖅᑕᒥᓄᑦ, ᐱᔪᒃᓯᑎᑕᐅᕙᒃᐳᖅ ᓄᓇᕐᔪᐊᕐᒥᐅᓂᒃ, ᐅᖃᓕᒫᖅᑕᒥᓄᑦ ᖃᓄᐃᓕᐅᖅᐸᓪᓕᐊᓂᖏᓐᓂᒃ. ᑎᑎᕋᕈᓘᔭᖅᐸᒃᐳᖅ ᓱᕈᓯᐅᓂᕐᒥᓂᒃ, ᖁᖓᓯᕈᓕᖅᓯᒪᓂᕆᓚᐅᖅᑕᖏᓐᓂᒃ, ᕿᒻᒥᖓᑕ ᒥᒃᓵᓄᑦ ᐊᒻᒪ ᐅᖃᐅᓯᕐᓂᒃ ᑐᓵᕙᒃᑕᒥᓂᒃ ᐃᒃᐱᒋᕙᒃᑕᒥᓂᒃ ᐃᓛᓐᓂᒃᑯᓪᓗ ᐅᓂᒃᑳᖅᑐᐊᙳᖅᑎᑕᐅᕙᒃᖢᑎᒃ. ᐊᔪᖅᓯᒑᖓᒥ ᐊᐅᔭᒃᑯᑦ ᐱᓱᔪᒃᐸᒃᐳᖅ ᐊᒻᒪ ᐅᑭᐅᒃᑯᑦ, ᓯᐊᕐᕆᔮᕆᐊᖅᑐᖅᐸᒃᖢᓂ. ᓯᐊᕐᕆᔮᕐᓂᖅ ᐃᖅᑲᐅᒪᔭᒥᓂᒃ ᒪᑐᐃᖅᓯᕙᒃᐳᖅ, ᐃᖅᑲᐃᔾᔪᑎᒋᕙᒃᖢᓂᐅᒃ ᓱᕈᓯᐅᓂᕐᒥᓂᒃ, ᐅᒥᐊᖅᑐᖅᐸᓚᐅᕐᓂᕐᒥᓂᒃ, ᐃᖃᓪᓕᐊᖅᐸᓚᐅᕐᓂᕐᒥᓂᒃ, ᐊᑖᑕᒥᓂᒃ ᐃᑲᔪᖅᐸᒃᖢᓂ ᕿᒧᒃᓯᐅᑎᓂᒃ, ᑯᑯᒻ ᐅᓂᒃᑳᖏᓐᓂᒃ, ᐳᓛᕆᐊᖅᐸᓚᐅᕐᓂᕐᒥᓂᒃ ᐊᖏᕐᕋᖓᓄᑦ, ᐊᒻᒪᓗ ᓯᐊᕐᕆᔮᖅᐸᓚᐅᖅᓯᒪᓂᕐᒥᓂᒃ ᓱᕈᓯᐅᓪᓗᓂ. ᑎᑎᕋᖅᐸᙱᑦᑎᐊᖅᑐᖅ ᖃᑯᖅᑕᓂᒃ ᐃᖅᑲᓇᐃᔭᕐᓇᐅᑎᓪᓗᒍ.

ᓯᐊᕐᕆᔮᕐᓂᐅᑉ ᐊᓯᐊᒍᑦ, ᐱᐊᕋᐃᑦ ᐃᒥᖃᑦᑕᕈᓐᓃᓚᐅᕐᓯᒪᔪᖅ ᐊᕐᕌᒍᑦ ᐊᕐᕕᓂᓕᑦ ᐊᓂᒍᕐᓯᒪᓕᕐᑐᑦ ᖃᓄᐃᙱᓐᓂᖅᓴᐅᔪᒪᓪᓗᓂ ᐊᕐᕌᒍᒐᓴᖕᓄᑦ ᐃᒥᐊᓗᓗᐊᖃᑦᑕᓚᐅᖅᖢᓂ. ᑕᐃᒪᙵᑦ ᓄᖅᑲᓚᐅᖅᑎᓪᓗᒍ, ᐃᓄᑑᒐᔪᒃᐳᖅ, ᐊᑐᓚᐅᖅᓯᒪᔭᖓ ᓄᓇᖃᖅᑳᖅᑐᑐᐊᖑᓪᓗᓂ ᐃᖅᑲᓇᐃᔭᖅᖢᓂ ᖃᓪᓗᓈᓂ ᓄᓇᑐᐃᓐᓇᕐᒥ ᓄᓇᓕᕋᓛᓂ. ᐊᒃᓱᕈᓗᐊᓕᕋᒥ, ᓂᐱᑭᑦᑐᒥ ᐃᒃᓯᕚᕐᕕᒋᓂᐊᖅᑕᒥᓂᒃ ᓇᓂᓯᕙᒃᐳᖅ ᐅᑕᖅᑭᓪᓗᓂᓗ ᐃᒃᐱᖕᓂᐊᓂᖓ ᐊᓂᒍᕋᓱᖕᓂᖓᓂ. ᑎᑎᕋᕐᓂᖅ ᐃᑲᔪᖅᐸᒃᑭᕗᖅ ᐃᒻᒥᓂᒃ ᒪᑭᑕᑦᑎᐊᕈᓐᓇᕐᓂᕐᒥᒃ, ᐊᒻᒪᓗᑦᑕᐅᖅ ᓈᓚᒃᐸᒃᖢᓂ ᑐᖑᔪᖅᑐᓂᒃ ᐅᕝᕙᓘᓐᓃᑦ country ᑐᓴᕐᓈᒐᒃᓴᓂᒃ. ᐱᖃᓐᓇᕆᔭᕐᓄᑦ ᐅᖃᓪᓚᖃᑎᖃᕐᓂᖅ ᕙᐃᔅᐳᒃᑯᑦ ᐃᑲᔫᑎᖃᕐᒥᔪᖅ.

ᒪᒃᑯᒃᑐᓄᑦ ᐊᒃᓱᕈᖅᑐᓄᑦ, ᐱᖓᔪᐊᑦ ᐅᖃᐅᔾᔪᖅᓱᐃᕗᖅ ᐃᒪᓐᓇ, "ᑭᓇᒧᑦ ᐅᖃᓪᓚᒡᕕᒃᓴᖃᙱᒃᑯᕕᑦ, ᐃᓕᖕᓂᒃ ᐅᖃᓪᓚᖃᑎᖃᕐᓗᑎᑦ. ᐃᓕᖕᓂᒃ ᐊᐱᕆᓗᑎᑦ, ᖃᓄᐃᒻᒪᑦ ᑕᐃᒪᓐᓇ ᐃᒃᐱᒋᔭᖃᖅᐳᖓ? ᑭᓇᐅᕗᖓ?" ᐃᒪᓐᓇᐅᖁᔨᓇᔭᖅᐳᖅ, ᑎᑎᕋᕐᓗᓂ ᑎᑎᕋᐅᔭᕐᓗᓂᓘᓐᓃᑦ ᐱᐅᙱᑦᑐᓕᒫᓂᒃ ᐃᓱᒪᒋᔭᕐᓂᒃ ᐊᓕᓚᔪᕐᒧᑦ ᑎᑎᕋᓕᕐᒥᓗᒍᓗ ᑭᓱᑦ ᐃᓕᖕᓄᑦ ᐊᑲᐅᒋᔭᖃᕐᒪᖔᖅᐱᑦ ᑭᓯᐊᓂ ᑖᒃᑯᐊ ᒪᕐᕉᒃ ᓇᓕᒧᒌᓕᖅᐸᑕ. ᖃᐅᔨᕙᒃᐳᖅ ᐅᖃᓕᒫᕈᕕᐅᒃ, ᐊᑲᐅᓯᕚᓪᓕᕐᓂᐊᖅᐳᑎᑦ.

ᐅᓂᒃᑳᖅᑐᐊᕐᓂᖅ ᐃᖏᕐᕋᓂᖃᖅᐳᖅ ᑕᓐᑲᓐ ᐱᐊᔅᑦ ᖃᑕᙳᑎᖏᓐᓂ ᑭᓯᐊᓂ ᐅᓂᒃᑳᖅᑐᐊᕈᒪᓪᓚᕆᓕᕌᖓᒥ, ᐱᓱᔪᒍᒪᓲᖑᕗᖅ ᓯᐊᕐᕆᔮᕈᒪᕙᒃᖢᓂᓘᓐᓃᑦ. ᑎᑎᕋᕐᓂᖅ ᓯᕗᓪᓕᕐᒥ ᐃᓅᓕᓴᐅᑎᐅᓚᐅᖅᐳᖅ ᐃᓄᑑᓗᐊᕐᓂᕐᒧᑦ ᒫᓐᓇᓗ ᑎᑎᕋᐃᓐᓇᐅᔭᓕᖅᖢᓂ, ᑭᓯᐊᓂ ᓄᖅᑲᖓᓕᕋᓗᐊᖅᖢᓂ. ᐃᓕᓐᓂᐊᖅᑎᑕᐅᓪᓗᓂ ᐊᓈᓇᑦᑎᐊᒥᓄᑦ, ᓴᓇᙳᐊᕈᓯᖓ ᐊᔾᔨᒋᙱᒻᒪᒍ ᑭᓯᐊᓂ ᐊᔪᙱᓐᓂᖓ ᖃᐅᒪᑦᑎᐊᖅᐳᖅ ᑐᓐᓂᖅᑯᓯᐊᖅ ᑐᓂᔭᐅᕙᓪᓕᐊᑎᓪᓗᒍ ᑭᖑᕚᕇᓄᑦ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.