"ᐊᒃᓱᕉᑎᖃᐃᓐᓇᐅᔭᖅᑐᖓ ᓂᕈᐊᕋᓱᒃᖢᖓ ᓇᓕᐊᖕᓄᑦ ᐊᖅᑯᑎᒋᓂᐊᖅᑕᓐᓄᑦ. ᑭᓯᐊᓂ ᑖᓐᓇ ᐅᕙᓐᓄᑦ ᐱᐅᓛᖑᖅᑰᔨᔪᖅ," ᐲᒻᔅ ᑕᐃᓐᓯ ᓂᐱᓇᒃ. ᖃᑕᙳᑎᖏᑦ ᐸᐃᓐ ᑯᕇᒃ ᓄᓇᖃᖅᑳᖅᑐᓃᙶᖅᑐᑦ 18-ᖑᕋᑖᓚᐅᖅᑐᓂᓗ. ᐃᓅᓂᑰᓪᓗᓂ ᐱᕈᖅᓴᓂᑰᓪᓗᓂᓗ ᐅᐃᓂᐹᒡᒥ, ᓯᓚᑦᑐᖅᓴᕐᕕᒡᔪᐊᒥ ᒫᓂᑑᐸᒥ ᐃᓕᓐᓂᐊᖅᑎᐅᔪᖅ ᓯᓐᓇᑦᑑᒪᓪᓗᓂ ᐊᓐᓄᕋᔾᔨᐅᕐᓂᕐᒧᑦ. ᕙᓯᒥᒃ ᐃᓕᓐᓂᐊᕐᕕᖕᒧᐊᕈᔾᔨᕙᒃᖢᓂ ᐅᖓᓯᒋᙱᖦᖢᒍ ᐃᓅᓯᕆᓚᐅᖅᑕᖓᓂ ᐊᒻᒪ ᑭᒡᒐᖅᑐᐃᓪᓗᓂ ᓯᕗᓂᒃᓴᑦᑎᐊᕙᖕᒧᑦ ᖃᐅᑕᒫᑦ. 

"ᐊᒃᓱᕉᑎᖃᐃᓐᓇᐅᔭᖅᑐᖓ ᓂᕈᐊᕋᓱᒃᖢᖓ ᓇᓕᐊᖕᓄᑦ ᐊᖅᑯᑎᒋᓂᐊᖅᑕᓐᓄᑦ. ᑭᓯᐊᓂ ᑖᓐᓇ ᐅᕙᓐᓄᑦ ᐱᐅᓛᖑᖅᑰᔨᔪᖅ."

ᑭᒍᑎᓕᕆᔨ ᐃᑲᔪᕐᔪᐊᓚᐅᖅᑐᖅ ᐱᕈᖅᐸᓪᓕᐊᓪᓗᓂ ᑲᑉᐱᐊᓱᓚᐅᖅᓯᒪᙱᖦᖢᓂᓗ ᑭᒍᑎᓕᕆᔨᒥᒃ ᓲᕐᓗ ᐃᓕᓐᓂᐊᖃᑎᖏᑦ ᐅᓄᖅᑐᐊᓘᑎᓪᓗᒋᑦ. ᓯᓂᓕᕈᓐᓇᓚᐅᖅᑐᖅ ᑭᒍᑎᓕᕆᔨᒃᑯᑦ ᐃᒃᓯᕙᐅᑕᖓᓂ ᑭᒍᑎᓕᕆᑎᓪᓗᒍ. ᐃᓱᒪᓚᐅᖅᑐᖅ ᐃᖅᑲᓇᐃᔮᑦᑎᐊᕙᐅᓇᔭᕐᓂᖓᓂᒃ ᐊᒻᒪᓗ ᑕᐃᒪᙵᓕᒫᖅ ᖃᓂᕐᒧᑦ ᑕᑖᑦᑎᐊᓚᐅᖅᖢᓂ, ᐃᓕᑦᑎᓯᒪᕐᔪᐊᖅᑐᖅ ᓴᖅᑭᔮᕐᓂᒃᑯᑦ. 

ᓯᓚᑦᑐᓴᕐᕕᕐᔪᐊᕐᒨᕐᓗᓂ ᐱᓕᕆᐊᕆᔪᒪᐃᓐᓇᖅᐸᓚᐅᖅᑕᖓ ᐱᓪᓗᒍ ᖃᑦᑏᓐᓇᐃᑦ ᐃᓚᖏᑦ ᐱᔭᕇᖅᓯᓚᐅᕐᒪᑕ ᐃᓕᓐᓂᐊᕐᕕᕐᔪᐊᕐᒥᑦ ᐃᓄᑑᓪᓗᑎᒃ ᐃᓕᓐᓂᐊᕆᐊᒃᑲᓐᓂᖅᑐᑎᒃ. ᐃᓚᒥᓂᒃ ᐅᐱᒍᓱᒍᒪᓚᐅᖅᑐᖅ ᐊᒻᒪᓗ ᐅᐱᒍᓱᒍᒪᓪᓗᓂ ᓯᕗᓪᓕᖅᐹᖑᓪᓗᓂ ᐃᓚᒥᓄᑦ. ᓄᑕᕋᐅᓂᖓ ᑭᒍᑕᐃᔭᖅᓯᒪᔪᖅ ᑐᑭᓕᐊᑦᑎᐊᕐᖢᓂ ᐃᖅᑲᓇᐃᔮᖓᓄᑦ ᖁᖓᖦᖢᓂ ᐃᓱᒪᑐᐃᓐᓇᕐᖢᓂ. ᐊᕐᕌᒍᓄᑦ ᐱᖓᓱᓄᑦ ᑐᖅᑐᐊᖏᑦ ᐊᒻᒪᓗ ᐅᔾᔨᕐᓇᑦᑎᐊᖅᑐᑦ ᓴᖅᑭᑦᑐᑦ ᐱᑎᑦᑎᓯᒪᔪᑦ ᐱᔪᒃᓯᑎᑦᑎᓪᓗᑎᒃ ᐊᒻᒪᓗ ᑲᔪᖏᖅᓴᐃᓪᓗᑎᒃ ᐱᓇᓱᖕᓂᕐᒧᑦ ᓯᓚᑦᑐᖅᓴᕐᕕᒡᔪᐊᒥ ᐱᔪᒪᔭᖏᓐᓂᒃ ᖁᓱᙱᖦᖢᑎᒃ. 

ᐃᓚᖓ ᐊᖏᓛᖑᓪᓗᓂ ᑐᓗᕈᑎᖏᓐᓂ ᐅᑎᕐᖢᓂ ᐃᓗᕕᖅᑕᐅᓂᕐᒧᑦ ᖁᑦᑎᖕᓂᖅᓴᒥ ᐊᕐᕌᒍᒥ ᑕᑯᓪᓗᓂᓗ ᐊᒃᑑᑎᔪᒥᒃ ᐃᓅᔪᓐᓃᖅᑐᒥᒃ ᖁᕕᐊᓱᒃᓗᓂ, ᑲᔫᓪᓗᓂ, ᑎᑦᑎᓇᕐᖢᓂ ᖁᕕᐊᓱᒃᑎᑦᑎᓪᓗᓂᓗ ᐃᓄᖕᓂᒃ. ᑕᑯᓪᓗᓂ ᖃᓄᖅ ᐱᐅᙱᓛᖑᖕᒪᖔᑦ ᖃᐅᔨᓪᓗᓂᓗ ᓄᒫᓱᖕᓂᖏᓐᓂ. ᑕᒪᓐᓇ ᐊᑐᓚᐅᖅᑕᖓᑦ ᐃᓕᓐᓂᐊᕐᕕᖕᒧᑦ ᐅᑎᕐᒪᑦ ᐊᒻᒪᓗ ᐊᖑᒻᒪᑎᓇᓱᒃᖢᓂ. ᐃᒃᐱᒋᔭᓕᒫᖏᑦ ᑲᒪᒋᔭᐃᓐᓇᕆᓪᓗᒋᑦ ᐊᒃᓱᕈᕐᓇᓚᐅᖅᑐᖅ ᑭᓯᐊᓂ ᐊᓂᒍᐃᔪᓐᓇᓚᐅᖅᑐᖅ ᐊᒃᓱᕈᕐᓇᖅᑐᓂᒃ. 

ᑐᓴᖅᑎᑦᑎᔪᓐᓇᕈᓂ ᒪᒃᑯᖕᓂᖅᓴᒧᑦ, ᖁᔭᓕᓇᔭᖅᑐᖅ ᐱᓯᒪᔭᖓᓂᑦ ᒫᓐᓇᐅᔪᖅ. ᒫᓐᓇ ᐃᓐᓇᐅᓂᖅᓴᐅᓕᕋᒥ ᐊᒻᒪ ᐱᓕᕆᐊᒃᓴᖃᕐᔪᐊᖅᖢᓂ ᐃᓅᓯᕐᒥᓂ ᐃᓱᓕᕝᕕᖃᑦᑎᐊᖅᖢᓂ, ᐊᒃᓱᕈᕐᓇᖅᑐᖅᓯᐅᖅᖢᓂ ᐊᒻᒪ ᐃᓱᒫᓗᖕᓇᖅᖢᓂ, ᐊᑯᓂᐊᓗᒃ ᒪᒃᑯᖕᓂᖅᓴᐅᑎᓪᓗᒍ ᐊᒻᒪ ᑲᒪᒋᔭᒃᓴᖃᙱᓐᓂᖅᓴᐅᓪᓗᓂ ᐃᓱᒫᓘᑎᖃᖅᖢᓂᓗ. ᐅᖃᐅᔾᔨᓯᒪᖁᔨᔪᖅ ᐅᖃᐅᔾᔭᐅᓪᓗᓂ ᖁᕕᐊᒋᔭᖃᖁᔨᓪᓗᓂ ᒪᒃᑯᑦᑐᖁᑎᒥᓂᒃ. 

ᑭᓱᑭᐊᖅ ᐊᔪᕐᓇᕐᓂᖅᓴᐅᑎᑦᑎᓪᓗᓂ ᐱᕈᖅᐸᓪᓕᐊᑎᓪᓗᒍ ᖁᕕᐊᒋᑦᑎᐊᓚᐅᖅᑕᖓ. ᖁᕕᐊᒋᔭᖃᕐᓂᖅ ᖁᕕᐊᒋᓪᓗᒍ ᐃᒃᐱᒋᔭᖓ ᐃᑲᔪᖅᓱᐃᑦᑎᐊᓲᖅ ᐃᓱᒪᒃᑯᑦ ᖃᓄᐃᙱᑦᑎᐊᕐᓂᕐᒥᒃ. ᑎᑎᕋᖅᓯᕙᓪᓕᐊᓂᖅ ᐱᓕᕆᐊᕆᕙᒃᐸᐅᒃ ᑲᔪᓯᑎᑦᑎᓂᐊᕐᓗᓂ ᐃᓱᒪᒃᑯᑦ ᖃᓄᐃᙱᑦᑐᓐᓇᕐᓂᕐᒥᒃ, ᑎᑎᕋᖅᑕᐃᓐᓇᕆᕙᒃᓗᒋᑦ ᐃᓱᒪᒋᔭᓕᒫᖏᑦ ᓲᕐᓗ ᐃᓱᒪᖅᓱᕐᓗᓂ ᑲᒪᒋᔭᐅᓂᖅ ᖁᕕᐊᓇᕈᓐᓇᖅᖢᓂᓗ ᐃᓛᓐᓂᒃᑯᑦ. ᐊᒃᓱᕈᕐᓂᖓ ᒪᒃᐱᕐᓗᒍ ᐊᑲᐅᓯᕚᓪᓕᕐᓇᖅᐳᖅ ᑎᑎᕋᕈᓐᓇᖅᖢᓂᓗ ᓂᕆᐅᒋᔭᖃᕐᓂᕐᒧᑦ ᐅᓪᓗᖅ ᐊᓂᒍᖅᑎᓪᓗᒍ ᐱᓕᕆᐊᒃᓴᖏᓐᓂ ᐊᑲᐅᓯᕚᓪᓕᕈᑕᐅᓪᓚᕆᒃᐳᖅ ᐃᒃᐱᒋᔭᖓᓄᑦ. 

ᑲᔪᖏᖅᓴᐃᓂᕐᒧᑦ, ᓂᐱᓇᒃ ᐊᓈᓇᒥᓄᑦ ᑕᐅᑐᖃᑦᑕᖅᑐᖅ ᐊᒻᒪ ᐊᑕᖏᑦᑎᐊᖅᓯᒪᔪᖅ ᐱᔭᕇᖅᓯᓚᐅᖅᓯᒪᖏᑦᑐᖅ ᐃᓕᓐᓂᐊᕐᕕᐊᓗᒻᒥᑦ ᐊᒻᒪ ᐊᔅᓱᕈᕈᑎᖃᖃᑦᑕᖅᑐᖅ ᐅᐃᕆᓯᒪᓂᕐᒧᑦ ᐊᒻᒪ ᐃᓱᒪᓕᕆᓂᕐᒧᑦ ᐊᔅᓱᕈᕈᑕᐅᔪᓂᑦ. ᖃᐅᔨᒪᓪᓗᒍ ᐊᓈᓇᖓ ᐃᓅᔪᓐᓇᓚᐅᖅᓯᒪᙱᑦᑐᖅ ᐃᓅᓯᖓᓂ ᑭᓯᐊᓂ ᓇᖏᖅᓯᒪᔪᖅ, ᐊᔪᕆᖅᓯᐅᔾᔨᓪᓗᓂ ᑎᓕᐅᕆᓪᓗᓂᓗ ᐱᔪᒃᓯᑎᑦᑎᑦᑎᐊᕐᖢᓂ. ᐃᓄᑦᑎᐊᕙᖃᕐᖢᓂ ᓴᓂᑦᑎᐊᖓᓂ ᐃᑲᔪᖅᑐᖅ ᑲᔪᓯᑎᓪᓗᒍ, ᖁᔭᓕᑦᑎᐊᕐᖢᓂ. 

ᐊᒃᓱᕈᓚᐅᖅᑐᖅ ᐊᖅᑯᑎᑦᑎᐊᕙᖕᒥᒃ ᓇᓂᓯᓇᓱᒃᖢᓂ, ᑭᓯᐊᓂ ᑕᓐᓯ ᓂᑉᓇᒃ ᐃᖅᑲᓇᐃᔮᖃᓕᓚᐅᖅᑐᖅ ᖁᖓᖦᖢᓂ ᐃᓕᓐᓂᐊᕆᐊᖅᑎᓪᓗᒍ ᓂᕆᐅᒃᖢᓂ ᐊᓐᓄᕋᔾᔨᐅᕈᒪᓂᕐᒥᒃ. ᖃᐅᔨᒪᓪᓗᓂ ᖃᓄᖅ ᐊᓯᔾᔨᕈᓐᓇᕐᓂᖃᕐᒪᖔᑦ ᑭᒍᑎᓕᕆᓂᖅ, ᓇᓂᓯᓪᓗᓂ ᐃᓂᒥᒃ ᖃᐅᔨᓴᕐᓂᕐᒥᒃ ᑭᒍᑕᐃᖅᓯᔪᓐᓇᑦᑎᐊᖅᑐᖅ ᑭᒍᑎᖏᓐᓂᒃ. ᓯᕗᓪᓕᖅᐹᑦᑎᐊᖑᓪᓗᓂ ᐃᓚᒥᓄᑦ ᕿᒃᓵᒃᓯᒪᔪᖅ ᓯᓚᑦᑐᖅᓴᕐᕕᒡᔪᐊᕐᒥ ᐊᓂᒍᐃᔪᓂᒃ ᐊᔾᔨᙳᐊᓂᒃ, ᐃᓕᓐᓂᐊᖅᑕᒥᓂᒃ ᑲᔪᓯᑎᑦᑏᓐᓇᖅᐳᖅ ᐱᔪᒃᓯᑦᑎᐊᖅᐸᒃᖢᓂ ᐱᔪᒃᓯᑦᑎᐊᖅᖢᓂᓗ ᑲᔪᓯᑦᑎᐊᕈᒪᓪᓗᓂ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.