"ᑐᕌᒐᖃᐃᓐᓇᐅᔭᖅᑐᖓ ᐃᖅᑲᓇᐃᔭᕐᓂᕐᒥᒃ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓂ ᓇᖕᒥᓂᕐᓗ ᐱᔪᒪᓂᖃᕐᓂᕐᒥᒃ, ᐃᓚᐅᖃᑕᐅᓗᓂ ᒪᑭᐅᒪᐃᓐᓇᕈᑎᒃᓴᓄᑦ, ᐃᒡᓗᓕᐅᕐᓂᕐᓂ ᓇᖕᒥᓂᕆᔭᕐᓂ, ᓇᖕᒥᓂᖅ ᑮᓇᐅᔭᓕᐅᕐᕕᖃᕐᓂᖅ, ᐲᑐᐃᓐᓇᕐᖢᓂ ᐊᓪᓚᓄᑦ ᐱᖁᔭᕐᒥ ᐊᒻᒪ ᑎᑕᒃᑎᐅᑉ ᑎᑎᕋᕐᕕᖓᑕ ᐋᖅᑭᒃᓯᒪᓂᖓᓂᒃ," ᐃᐅᕆᑲ ᓗᐃ ᓇᓗᓇᐃᔭᐃᔪᖅ. 

"ᐱᔾᔪᑎᒋᓪᓗᐊᑕᖅᑕᕋ ᖃᐅᔨᖃᑦᑕᖅᓯᒪᔭᕋ, ᐃᓕᓐᓂᐊᖅᖢᖓ, ᐊᔾᔨᒌᙱᑦᑐᓂᒃ ᐱᓕᕆᖃᑦᑕᖅᓯᒪᓪᓗᖓ ᐱᓕᕆᖃᑎᖃᖅᖢᖓ ᐊᔾᔨᒌᙱᑦᑐᓂᒃ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓂᒃ ᐊᒻᒪ ᓇᖕᒥᓂᖃᕐᕕᐅᔪᓂᒃ ᑕᑯᑐᐃᓐᓇᖅᖢᖓ ᓇᐅᒃᑯᑦ ᐃᑲᔪᕈᓐᓇᕐᒪᖔᕐᒪ ᓅᑦᑐᓐᓇᖅᑕᓐᓂᒃ ᐊᒻᒪ ᓂᕆᐅᓇᖅᐳᖅ ᐅᓪᓗᕐᒥᒃ ᐊᑕᐅᓯᕐᒥᒃ ᐊᓪᓚᐃᑦ ᐱᖁᔭᖓᓂᒃ ᕿᒪᐃᓯᒪᑎᓪᓗᖓ ᓄᓇᓕᓕᒫᑲᓴᖕᓄᑦ ᐳᕆᑎᔅ ᑲᓚᒻᐱᐊᒥ," ᑲᔪᓯᓗᓂ.

ᐃᐅᕆᑲ ᓗᐃ ᑎᐅᕈᔅ, ᐳᕆᑎᔅ ᑲᓚᒻᐱᐊᒥᐅᑕᐅᓯᒪᓕᖅᑐᖅ, ᐊᕐᕌᒍᓄᑦ 7-ᓄᑦ ᑭᓯᐊᓂ ᕼᐋᔾᓕᑕᓐᒥᐅᑕᒃᓴᔭᐅᓪᓗᓂ. ᐊᑖᑕᖓ ᖃᐅᓯᕐᒧᑦ ᐃᓚᒋᔭᐅᒻᒪᑦ ᐊᒻᒪᓗ ᐃᓚᒋᔭᐅᖃᑕᐅᓪᓗᑎᒃ ᒍᑕᒻᑕᓐ ᒃᓛᓐᒧᑦ. ᐱᓕᕆᖃᑎᖃᖃᑦᑕᖅᑐᖅ ᓄᓇᖃᖅᑳᖅᓯᒪᔪᑦ ᐳᓚᕋᖅᑐᓕᕆᓂᕐᒥᑦ ᐳᕆᑎᔅ ᑲᓚᒻᐱᐊᒥ ᐃᓂᒋᔭᐅᔪᓐᓇᕐᓂᖓᓄᑦ ᐱᕙᓪᓕᐊᑎᑦᓯᓂᕐᒧᑦ ᐊᖅᑯᑎᓄᓪᓗ ᐊᐅᓚᑦᓯᔨ. ᐃᓚᒋᔭᐅᔪᖅ ᐊᕐᕌᒎᓐᓄᑦ ᒪᕐᕉᓐᓄᑦ ᐱᓕᕆᐊᒧᑦ ᑕᐃᔭᐅᔪᖅ ᐃᓂᒋᔭᐅᔪᔅᓴᓂᑦ ᐱᕙᓪᓕᐊᑎᑦᓯᓂᕐᒥᑦ ᒪᑭᒪᒍᓐᓇᕐᓂᕐᒧᓪᓗ ᐱᓕᕆᐊᒥᑦ, ᐃᑲᔪᖃᑦᑕᖅᑐᖅ ᓄᓇᖃᖅᑳᖅᓯᒪᔪᓂᑦ ᓄᓇᓕᓐᓂᑦ ᐳᓚᕋᖅᑐᓕᕆᓂᕐᒥᑦ.

ᓄᓇᖃᖅᑳᖅᓯᒪᔪᑦ ᐳᓚᕋᖅᑐᓕᕆᓂᖅ ᐊᔾᔨᒋᙱᐊᕐᔪᒃᐸᐅᒃ ᓇᓃᒻᒪᖔᖅᐱᑦ, ᓇᓗᓇᐃᖅᓯᓪᓗᓂ, ᐅᖃᖅᖢᓂ, "ᕚᓐᑰᕗᒥ ᐱᓕᕆᔪᒻᒪᕆᐅᖕᒪᑕ ᐆᒪᔪᓂᒃ ᐳᓚᕋᖅᑎᑦᑎᕙᒃᖢᑎᒃ ᐊᒻᒪ ᕿᓚᓗᒐᕐᓂᒃ ᖁᙱᐊᖅᐸᒃᖢᑎᒃ. ᐅᑭᐅᖅᑕᖅᑐᒥ, ᐊᒥᓱᒻᒪᕆᐅᕗᑦ ᐊᔾᔨᒌᙱᑦᑐᑦ ᐅᐸᒐᓱᑦᑕᐃᑦ, ᓲᕐᓗ ᐃᓪᓗᑯᑖᑦ ᐊᒻᒪᓗ ᐱᖅᑯᓯᓕᕆᕖᑦ. ᑐᓐᖓᕕᖃᓪᓚᕆᑦᑐᖅ ᑲᓇᑕᒥ ᐊᒻᒪᓗ ᐳᓚᕋᖅᑐᓕᕆᓂᕐᒧᑦ ᐸᕐᓇᒍᑎᖓᓂᒃ." ᐱᓕᕆᐊᖅ ᑮᓇᐅᔭᖃᖅᑎᑦᑎᔪᖅ ᐳᓚᕋᖅᑐᓕᕆᓂᕐᒧᑦ ᐸᕐᓇᒍᑎᒥᒃ ᐅᕝᕙᓘᓐᓃᑦ ᐸᕐᓇᑎᕆᓂᕐᒥᒃ, ᑲᑎᓯᓗᑎᒃ ᓄᓇᓕᓐᓂᑦ ᓇᒦᒻᒪᖔᑕ ᓇᓗᓇᐃᖅᓯᓗᑎᒃ ᑭᓱᒥᒃ ᑲᑐᔾᔨᔪᒪᒻᒪᖔᑕ ᐊᒻᒪᓗ ᑭᓱᒥᒃ ᑲᑐᔾᔨᔪᒪᒻᒪᖔᑕ.

ᐱᓕᕆᖃᑎᖃᖅᑎᓪᓗᒍ ᑭᑦᓯᓚᔅ ᓄᓇᖃᖅᑳᖅᓯᒪᔪᓂᑦ, ᓄᓇᒥᑦ ᐊᑐᖅᑐᒻᒪᕆᐅᓚᐅᖅᑐᖅ ᐊᒻᒪ ᐱᕙᓪᓕᐊᔪᓕᕆᓂᕐᒧᑦ ᐸᕐᓇᐅᑎᓂᑦ. ᐃᓚᖏᑦ ᑖᒃᑯᐊ ᐸᕐᓇᐅᑏᑦ ᐃᓚᖃᓚᐅᖅᑐᑦ ᑕᐅᑐᓐᖑᐊᖅᑕᒥᓂᒃ RV-ᒥ ᒥᕐᖑᐃᓯᕐᕕᓐᓄᑦ ᐊᒻᒪᓗ ᐅᐊᑦᑎᐊᕈᓐᓂᓴᑐᖃᒥᓂᖏᓐᓂᒃ ᐆᒻᒪᖅᑎᑦᑎᑲᓐᓂᕋᓱᐊᕐᓂᕐᒥᒃ, ᐊᖏᔪᓂᒃ ᐱᓕᕆᐊᒃᓴᓂᒃ ᐱᕚᓪᓕᑎᑦᑎᑲᓐᓂᕈᒪᓪᓗᑎᒃ ᐳᓚᕋᑦᑐᓕᕆᓂᕐᒥᒃ. ᑕᐃᔅᓱᒪᓂ ᐅᖃᖃᑎᖃᖃᑦᑕᓕᓚᐅᖅᑐᖅ ᓄᓇᖃᖅᑳᖅᓯᒪᔪᑦ ᐳᓚᕋᖅᑐᓕᕆᔨᑦ ᐳᕆᑎᔅ ᑲᓚᒻᐱᐊᒥ ᐃᑲᔪᖅᑕᐅᔪᒪᓪᓗᓂᓗ ᐱᕙᓪᓕᐊᑎᑦᑎᑎᓪᓗᒋᑦ ᐳᓚᕋᖅᑐᓕᕆᓂᕐᒧᑦ ᑐᕌᖓᔪᓂᒃ ᖃᓄᐃᓕᐅᕈᑕᐅᔪᒪᔪᓂᒃ ᓄᓇᖃᖅᑳᖅᓯᒪᔪᓄᑦ.

ᐱᕈᖅᐸᓪᓕᐊᖃᑎᒋᓪᓗᒋᑦ ᐊᖓᔪᖅᑳᑦ ᖃᑕᙳᑎᖏᓪᓗ ᓯᕗᓕᖅᓯᓂᕐᒥᒃ, ᐃᖅᑲᓇᐃᔮᑦ ᐊᕙᑎᖏᓐᓂ ᓄᓇᐅᓪᓗ ᐱᑎᖦᖢᓂᒋᑦ. ᓯᓚᑦᑐᖅᓴᕐᕕᖕᒥ ᐃᓕᓐᓂᐊᓯᒋᐊᓚᐅᖅᓯᒪᕗᖅ ᓇᐹᖅᑐᓂᒃ ᐱᓕᕆᔾᔪᑎᓂᒃ ᐱᓕᕆᓪᓗᓂ ᑭᓯᐊᓂ ᐊᕐᕌᒍᒥᑐᐊᖅ ᐃᓕᓐᓂᐊᖅᑕᒥᓂᒃ ᐊᓂᒍᐃᑐᐃᓐᓇᓚᐅᖅᐳᖅ ᐱᔾᔪᑎᒋᓪᓗᒍ ᑲᒪᒋᔭᐅᓪᓗᐊᑕᖃᑦᑕᕐᓂᖓᓄᑦ ᐃᓯᖅᐸᓪᓕᐊᔪᓄᑦ ᓴᓇᕝᕕᖕᓄᑦ. ᓅᖦᖢᓂ ᓯᓚᑦᑐᖅᓴᕐᕕᒡᔪᐊᒧᑦ ᐅᑭᐅᖅᑕᖅᑐᒥ ᐳᕆᑎᔅ ᑲᓚᒻᐱᐊᒥ ᐱᔭᕇᖅᓯᔾᔪᓯᐊᖅ ᓯᕗᓪᓕᖅ ᐊᕙᑎᓕᕆᓂᕐᒧᑦ ᖃᐅᔨᓴᕐᓂᕐᓂ, ᐃᓚᐅᖃᑕᐅᓪᓗᓂ ᐅᑭᐅᖅᑕᖅᑐᒥ ᓯᕗᒻᒧᐊᒍᑎᒃᓴᓄᑦ ᐱᓕᕆᐊᒃᓴᒥ, ᑐᕌᕆᓗᒍ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑎᑦ. ᐱᔭᕇᖅᑎᓪᓗᒍ, ᐱᔭᕇᖅᓯᓪᓗᓂ ᐊᕙᑎᓕᕆᓂᕐᒧᑦ ᐱᕙᒌᔭᐃᓂᕐᒧᑦ ᐃᓕᓐᓂᐊᕌᓂᒍᓯᐊᕐᒥᒃ ᐱᔪᓐᓇᖁᓪᓗᒍ ᐱᓕᕆᔨᒻᒪᕆᐅᓂᕐᒧᑦ ᑎᒃᑯᐊᖅᑕᐅᓂᕐᒥᒃ ᐃᓚᒋᓗᓂᐅᒃ ᐃᓕᓐᓂᐊᒐᒃᓴᒧᑦ.

UNBC-ᒦᑎᓪᓗᒍ, ᓗᐃ ᓇᓂᓯᓚᐅᖅᑐᖅ ᐃᑲᔪᖅᓱᖅᑕᐅᑦᑎᐊᕐᓂᖓᓂᒃ ᐃᖅᑭᓖᑦ ᐃᒡᓗᖁᑎᖓᓂ. ᐃᓕᓐᓂᐊᖅᑎᐊᖅᓯᒪᑦᑎᐊᕐᓂᕐᒧᑦ ᐃᑲᔪᖅᑐᖅᑕᐅᓂᖅ, ᑎᑎᕋᕐᓂᖅ, ᐃᓕᓴᐃᓂᖅ, ᐊᒻᒪᓗ ᑭᓱᑐᐃᓐᓇᖅ ᐃᓕᓐᓂᐊᖅᑏᑦ ᒪᑭᑕᔪᓐᓇᖅᑎᖦᖢᒋᑦ ᒪᓂᒪᓚᐅᖅᑐᑦ ᑕᐃᑲᓂ ᐃᓂᒥ ᑕᐃᒪᐃᒻᒪᓐ ᑕᐃᑲᓃᔅᓱᕈᓘᔭᓚᐅᖅᑐᖅ. ᐊᐅᓪᓚᖅᓯᒪᑎᓪᓗᒍ, ᐃᑲᔪᖅᑐᖅᑕᐅᓚᐅᖅᑐᖅ ᐱᖃᓐᓇᕆᔭᖓᓄᑦ ᐃᓕᓐᓂᐊᕐᕕᖕᒥᑦ ᐃᓚᖏᓐᓂᒡᓗ ᐱᖃᓐᓇᕆᔭᖏᓐᓂᒡᓗ ᐊᖏᕐᕋᒥᓄᑦ.

ᒫᓐᓇ ᐊᓂᒍᐃᓯᒪᓕᕐᓂᖓᓄᑦ ᐃᖅᑲᓇᐃᔭᓕᖅᖢᓂᓗ ᐳᓚᕋᖅᑐᓕᕆᓂᕐᒥ, ᐱᓕᕆᖃᑎᖃᖅᐸᒃᖢᓂ 7−ᓂᒃ ᐱᑐᐃᓐᓇᐅᙱᑦᑐᓕᕆᔨᓂᒃ ᑕᒫᓂᓕᒫᖅ ᐊᕕᒃᓯᒪᓂᕆᔭᐅᔪᒥ, ᐱᓕᕆᖃᑎᖃᖅᐸᒃᖢᓂ ᓄᓇᖃᖅᑳᖅᑐᑦ ᓄᓇᓕᖏᓐᓂᒃ, ᓇᖕᒥᓂᖃᖅᑎᐅᔪᓂᒃ, ᓄᓇᖃᖅᑳᖅᑐᓂᒡᓗ ᓇᖕᒥᓂᕆᔭᐅᔪᓂᒃ ᓇᖕᒥᓂᕆᔭᐅᔪᓄᑦ ᐱᕙᓪᓕᐊᓂᕆᔭᐅᔪᒧᑦ ᐊᓂᒍᐃᕙᓪᓕᐊᓂᕐᒧᓪᓗ ᐊᔭᖅᑭᑦᑕᕈᑕᐅᓕᖅᑐᓂᒃ. ᖁᕕᐊᒋᑦᑎᐊᖅᑕᖓ.

ᐊᐅᔭᒃᑯᑦ, ᓄᓇᓕᕋᓛᖃᓚᐅᖅᑐᖅ ᐊᒻᒪᓗ ᓂᐅᕕᕋᑖᓚᐅᖅᑐᖅ RV-ᒥᒃ. ᐃᖅᑲᓇᐃᔭᕈᓐᓇᖅᑐᖅ ᓇᑭᑐᐃᓐᓇᖅ ᐊᓪᓚᕈᑎᑕᖃᑦᑎᓪᓗᒍ ᐊᒻᒪᓗ ᐱᓇᓱᐊᕈᓯᕐᒥ ᐱᓱᖃᑎᖃᕆᐊᖅᑐᐸᑦᑐᖅ ᕿᒻᒥᒥᓂᒃ ᕿᒪᐃᓇᓱᐊᖅᑐᓂ ᖃᕋᓴᐅᔭᕐᒥᒃ. ᐊᖏᕐᕋᒥᓂᒃ ᐃᖅᑲᓇᐃᔭᖅᑎᓪᓗᒍ, ᖃᐅᑕᒫᑦ ᐊᓂᓇᓱᖃᑦᑕᖅᑐᖅ. ᓇᓂᓯᖃᑦᑕᖅᑐᖅ ᐊᑐᒐᒃᓴᓂᒃ ᐋᖅᑭᒃᓯᓗᓂ ᐃᖅᑲᓇᐃᔭᕐᕕᖕᒥ−ᐃᓅᓯᕐᒥ ᓇᓕᒧᒌᒃᑎᑦᑎᓂᕐᒥᒃ, ᖁᕕᐊᒋᒐᓗᐊᕐᖢᓂᐅᒃ ᖃᓄᐃᓕᐅᖃᑦᑕᖅᑕᖓ.

ᓗᐃ ᖃᐅᔨᒪᖁᔨᔪᖅ ᐃᓄᓐᓂᒃ ᐃᓘᓐᓇᖏᓐᓂᒃ ᐱᕕᑦᓴᖃᕐᓂᐅᔪᓂᒃ ᑕᖅᑳᓂ. ᐃᓚᐅᖃᑕᐅᔪᓐᓇᓚᐅᖅᑐᖅ ᓄᓇᖃᖅᑳᖅᓯᒪᔪᑦ ᐱᕙᓪᓕᐊᔪᓕᕆᓂᕐᒧᑦ ᐱᓕᕆᐊᒃᓴᒥ ᕈᐃᐅᓪ ᐊᖅᑯᑎᖏᓐᓂ ᐊᑭᖃᙱᖦᖢᑎᒃ ᐃᓚᐅᑎᑦᑎᑎᓪᓗᒋᑦ ᐊᓯᖏᓐᓂᒃ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑎᓂᒃ ᓄᓇᓕᖏᑕ ᓯᓚᑖᓂ. "ᑕᑯᖃᑦᑕᖅᑐᖓ ᐊᒥᓱᓂᑦ ᐱᕕᓴᖃᕐᓂᐅᔪᓂᑦ ᑕᖅᑳᓂ ᐃᓕᓐᓂᐊᖅᑎᓪᓗ ᒪᒃᑯᑦᑐᐃᓪᓗ ᕿᓂᕆᐊᖃᑐᐃᓐᓇᖅᑐᑦ ᐱᕕᖃᕐᓂᐅᔪᓂᑦ ᑎᒍᓗᒋᓪᓗ," ᖁᖓᑦᑐᖅ.

ᐃᖅᑭᓖᑦ ᐱᖁᔭᖓᓂᒃ ᕿᒪᐃᕙᓪᓕᐊᓪᓗᓂ ᐊᒻᒪ ᐃᒻᒥᓂᒃ−ᐱᔪᒪᓕᖅᐸᓪᓕᐊᓪᓗᓂ, ᐃᐅᕆᑲ ᓗᐃ ᑕᓯᐅᖅᑎᐅᕗᖅ ᓄᓇᓕᖕᓂ ᐳᓚᕋᖅᑐᓕᕆᓂᕐᒧᑦ ᐊᓯᔾᔨᕈᑕᐅᓪᓗᓂ. ᐃᓚᒋᔭᐅᔪᖅ ᑕᐅᑐᙳᐊᖅᑕᐅᔪᒧᑦ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓄᑦ ᐃᓱᒪᖅᓱᖅᑰᔨᔪᓄᑦ ᐊᔪᖅᓴᙱᓐᓂᕐᓄᓪᓗ, ᐱᒋᐊᕐᓂᖃᕐᖢᓂᓗ ᓄᓇᒥ ᑐᙵᓱᒃᑎᑦᑎᓪᓗᓂᓗ ᐃᓄᖕᓂᒃ ᐳᓛᕐᓗᑎᒃ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.

ᓄᕕᐱᕆ 2023−ᒥ ᓄᑖᙳᕆᐊᖅᓯᒪᔪᑦ: ᐃᐅᕆᑲ ᒫᓐᓇ ᐱᐊᓂᒃᓯᕙᓪᓕᐊᕗᖅ Master's−ᒥᒃ ᓇᖕᒥᓂᖃᕐᓂᕐᒧᑦ ᐊᐅᓚᑦᑎᓂᕐᒥᒃ − ᓯᕗᓕᖅᑎᓄᑦ ᐊᐅᓚᑦᑎᕝᕕᖃᖅᐸᖕᓂᕐᒥᒃ ᐅᕙᓂ, Royal Roads ᓯᓚᑦᑐᖅᓴᕐᕕᒡᔪᐊᒥ ᓂᕆᐅᒋᔭᐅᓪᓗᓂᓗ ᐊᓂᒍᐃᓛᕋᓱᒋᔭᐅᓪᓗᓂ ᔫᓂ 2024−ᒥ. ᓱᓕ ᐱᓕᕆᖃᑎᖃᖅᐸᒃᐳᖅ ITBC−ᑯᓐᓂᒃ ᐃᑲᔪᖅᑐᐃᖏᓐᓇᖅᖢᓂᓗ ᓄᓇᖃᖅᑳᖅᑐᑦ ᓄᓇᓕᖏᓐᓂᒃ, ᓇᖕᒥᓂᕆᔭᐅᔪᓂᒃ, ᓇᖕᒥᓂᖃᖅᑎᐅᔪᓂᒡᓗ ᐳᓚᕋᖅᑐᓕᕆᓂᕐᒧᑦ ᐱᓕᕆᓂᕆᔭᐅᕙᒃᑐᒥ.