ᕌᐸᑦ ᕗᕌᔅᑦ ᐅᖃᐅᓯᖃᖅᑐᖅ ᒪᕐᕉᓐᓂᒃ ᐊᖅᑯᑎᐅᔫᓐᓂᒃ ᖁᖅᓱᖅᑕᓂᒃ ᕿᔪᓐᓂᒃ, ᐊᒻᒪᓗ ᒪᒥᐊᓐᓂᕆᓚᐅᖅᑕᖓ ᑕᒪᒃᑮᓐᓄᑦ ᐊᐅᓪᓚᕈᓐᓇᓚᐅᙱᒻᒪᑦ. ᖃᓄᐃᓐᓇᔭᖅᐸᓕ ᐊᖅᑯᑎᒃᓴᖅ ᓂᕈᐊᓕᕌᖓᕕᑦ ᑭᖑᓂᐊᒍᓪᓗ ᐊᓯᐊᓂᒃ ᓂᕈᐊᖁᔨᓕᕈᕕᑦ? ᒪᒃᑯᒃᑐᓕᕆᔨ ᔪᐊᔾᑎ ᐋᕐᑳᓐ ᐱᒋᐊᕈᒪᓕᓚᐅᖅᑐᖅ ᐃᖅᑲᓇᐃᔮᒥᓂᒃ ᐃᓕᓐᓂᐊᕆᐊᑲᐅᑎᒋᙱᖔᕐᓗᓂ, ᑭᖑᓂᖓᒍᑦ ᐅᒡᒍᐊᓕᓚᐅᖅᑐᖅ. ᐊᖅᑯᑎᐅᔪᖅ ᐅᑎᒧᑦ ᓯᓚᑦᑐᖅᓴᕐᕕᖕᒧᑦ. 

ᒥᔅᑖᕙᔅ ᓄᓇᖃᖅᑳᖅᓯᒪᔪᓂᑦ, ᐋᕐᑲᓐ ᐱᕈᖅᓴᓚᐅᖅᓯᒪᕗᖅ ᐳᕆᓐᔅ ᐋᓪᐳᑦ, ᓴᔅᑳᑦᓱᐋᓐᒥ, ᖃᑕᙳᑎᒌᓂᒃ 12-ᓂᒃ ᐊᒻᒪ ᐃᓕᑦᑎᓯᒪᓪᓗᓂ ᖃᓄᖅ ᐱᒻᒪᕆᐅᑎᒋᖕᒪᖔᑦ ᐃᓕᓐᓂᐊᕐᓂᖅ ᐊᒻᒪ ᐃᓕᑕᕆᔭᐅᔾᔪᑎᑖᖅᓯᒪᓪᓗᓂ. ᐃᓕᑉᐸᓪᓕᐊᑐᐃᓐᓇᖅᑐᓂ, ᐃᖅᑲᓇᐃᔭᖅᓯᓐᓈᑦ ᐃᓕᓐᓂᐊᕐᓂᖅ ᐊᒻᒪᓗ ᖃᐅᔨᔪᓐᓇᕐᓂᖅ ᑭᒃᑯᓕᒫᓄᑦ ᐃᓕᓴᕆᔭᐅᓯᒪᖏᒻᒪᑦ ᓯᕗᒧᐊᑉᐸᓪᓕᐊᓂᕐᒧᑦ, 1999-ᒥ ᖃᐅᔨᓚᐅᖅᑐᑦ ᐱᐊᓂᒃᓯᓯᒪᖏᓐᓂᖓᓂᒃ ᐃᓕᑕᕆᔭᐅᔾᔪᑎᒥᒃ ᐊᒃᓱᕈᕐᓇᖅᑑᓂᖓᓂᒃ. ᑕᐃᒪᐃᒻᒪᑦ ᒪᒃᑯᒃᑐᓄᑦ ᐃᖅᑲᓇᐃᔭᖅᑎᐅᓪᓗᓂ 17-ᓂᒃ ᐊᕐᕌᒍᓂᒃ ᐱᓕᕆᓂᑰᓪᓗᓂ, ᐃᓕᓐᓂᐊᕐᕕᖕᒧᑦ ᐅᑎᖅᐳᖅ ᐃᓅᓯᖃᑦᑎᐊᒃᑲᓐᓂᕈᒪᓪᓗᓂ ᐃᓚᒥᓄᑦ.

Arcand−ᑯᑦ ᐱᓕᕆᖃᑎᖃᐃᓐᓇᐅᔭᖅᐳᑦ ᓄᑕᖅᑲᓂᒃ ᑮᓇᐅᔭᓕᐅᕋᓱᒃᑎᐅᙱᑦᑐᓄᑦ ᑲᑐᔾᔨᖃᑎᒌᓄᑦ. ᐃᓕᓐᓂᐊᕐᓂᖓ ᑐᕌᖓᒋᐊᙵᓚᐅᖅᓯᒪᔪᖅ ᖃᕆᑕᐅᔭᕐᓄᑦ ᓴᓇᒻᒪᐅᓯᑦᓴᓄᓪᓗ, ᓄᓇᓕᓐᓂ ᓴᓇᓂᕐᒨᖏᑦᑐᖅ, ᐊᒻᒪᓗ ᒫᓐᓇᐅᔪᖅ ᐱᔪᓐᓇᕐᓂᖏᑦ ᐃᓕᓯᒪᔭᖏᑦ ᐊᑐᕈᓐᓃᖅᑐᑦ ᖃᕆᑕᐅᔭᐃᑦ ᐊᓯᔾᔨᖅᓯᒪᔪᐹᓘᒻᒪᑕ. ᖃᕋᓴᐅᔭᕐᒦᖏᓐᓇᓚᐅᙱᑦᑐᖅ ᓲᖃᐃᒻᒪ ᓇᓂᓯᓚᐅᕐᒪᑦ ᓇᒡᓕᒋᔭᒥᓂᒃ ᖃᕋᓴᐅᔭᓂᒃ: ᓄᓇᓕᖕᓂ ᐱᓕᕆᖃᑎᖃᖅᖢᓂ ᓄᑕᖅᑲᓂᒃ ᒪᒃᑯᒃᑐᓂᒡᓗ.

18-ᖑᖅᑎᓪᓗᒍ ᒪᒃᑯᒃᑐᓄᑦ ᐃᖅᑲᓇᐃᔭᖅᑎᐅᓚᐅᖅᐳᖅ ᑕᐃᑲᓃᖏᓐᓇᖅᖢᓂᓗ 17-ᓄᑦ ᐊᕐᕌᒍᓄᑦ. "ᐱᕕᒃᓴᐅᓕᖅᑎᓪᓗᒍ ᐊᒻᒪ ᑐᑭᒧᐊᒃᑎᑦᑎᔨ ᓄᖅᑲᖅᑎᓪᓗᒍ ᐃᖅᑲᓇᐃᔮᖅᑖᕈᓐᓇᓚᐅᙱᓐᓇᒪ ᐃᓕᑕᕆᔭᐅᔾᔪᑎᑖᖅᓯᒪᓚᐅᙱᓐᓇᒪ, ᓄᒫᓱᖕᓇᖅᖢᓂ ᓲᖃᐃᒻᒪ ᐃᖅᑲᓇᐃᔮᕋ ᒪᑐᓯᒪᑎᓪᓗᒍ. ᐱᔪᓐᓇᕐᓂᖃᖅᑐᐃᓐᓇᐅᒐᒪ. ᑕᐃᒪᐃᒍᓐᓇᖅᑐᖓ. ᐸᐃᑉᐹᖃᙱᓪᓗᓂ, ᑖᓐᓇ ᓇᓗᓇᐃᒃᑯᑕᖅ ᑐᓗᕈᑎᕐᔪᐊᖑᔪᖅ ᐃᓅᓯᓐᓂ," ᓇᓗᓇᐃᖅᓯᓪᓗᓂ.

ᒫᓐᓇ ᐱᓕᕆᐊᖃᓕᖅᑐᖅ ᐊᓂᒍᐃᓇᓱᒃᖢᓂ ᐃᓕᑕᕆᔭᐅᔾᔪᑎᑖᕆᔭᐅᔭᕆᐊᓕᖕᓂᒃ ᐅᑎᖅᑎᑦᑐᓐᓇᖅᑕᒥᓂᒃ ᐃᓂᖃᑦᑎᐊᕐᓂᖅᓴᐅᖁᓪᓗᒍ ᐊᑐᐃᓐᓇᕈᖅᑎᑦᑎᔪᓐᓇᕐᓗᓂ ᐃᖏᕐᕋᑦᑎᐊᖅᑐᒥᒃ, ᖃᓄᐃᙱᑦᑎᐊᖅᑐᒥᒃ, ᖁᕕᐊᓱᒡᓗᓂ ᐃᓅᓯᖃᕐᓂᕐᒥᒃ ᒪᕐᕉᖕᓄᑦ ᓄᑕᕋᖏᓐᓄᑦ. ᑕᒪᓐᓇ ᐱᓕᕆᐊᕆᑦᑕᐅᑎᒋᔪᒪᓚᐅᖅᐹ. ᐃᓯᖅᐸᓪᓕᐊᓕᖅᑎᓪᓗᒍ, ᐊᓕᐊᓇᐃᒍᓱᓚᐅᖅᑐᖅ ᑮᓇᐅᔭᖃᕆᐊᒃᓴᖅ ᑭᓯᐊᓂ ᒫᓐᓇ ᑕᑯᓕᖅᑐᖅ ᐱᕕᒃᓴᒥᑦ ᐊᑭᓂᑦ ᐱᐊᓂᒃᓯᙱᖦᖢᓂ ᐃᓕᓐᓂᐊᕐᓂᖓᓂᑦ.

Arcand−ᑯᑦ ᐃᖅᑲᓇᐃᔮᒥᓂᒃ ᖁᕕᐊᒋᔭᖃᖅᐳᑦ, ᑭᓯᐊᓂ ᓂᕆᐅᒃᐳᑦ ᓯᕗᒻᒧᐊᒍᓐᓇᕐᓂᐊᕐᓂᕐᒥᓂᒃ ᐃᖅᑲᓇᐃᔮᒥᓂᒃ ᐊᒻᒪ ᑮᓇᐅᔭᓕᐅᑦᑎᐊᙱᖦᖢᓂ ᓯᕗᓕᖅᑎᐅᓕᕐᓗᓂ. "ᓯᕗᓕᐅᖅᑎᑦᑎᐊᕙᐅᔪᖓ ᑭᓯᐊᓂ ᐃᓕᓐᓂᐊᖅᓯᒪᑦᑎᐊᙱᖦᖢᖓ ᑐᓗᖅᑕᕈᑎᒋᒐᒃᑯ," ᐅᖃᑦᑎᐊᓲᖅ. ᑖᓐᓇ ᐃᓕᓐᓂᐊᕈᑕᐅᔪᖅ ᕿᑐᕐᖓᒥᓄᑦ ᑐᓂᓯᖃᑦᑕᕐᒪᑦ ᐊᔾᔨᒌᓐᖏᑦᑐᓂᒃ ᐃᓱᒪᓕᐅᕈᓐᓇᖃᑦᑕᕐᓂᐊᕐᒪᑕ.

ᐃᓱᒪᒋᓗᒍ ᐃᓅᓯᖓ ᒫᓐᓇ, ᐅᖃᐅᔾᔨᒋᐊᕈᓐᓇᕈᓂ ᒪᒃᑯᖕᓂᖅᓴᓄᑦ, ᐃᒪᓐᓇᐅᓇᔭᖅᑐᖅ "ᐃᓕᓐᓂᐊᕆᐊᕐᓗᓂ. ᑮᓇᐅᔭᐃᑦ ᑕᐃᑲᓃᓐᓂᐊᖅᑐᑦ ᐱᔭᕇᕈᕕᑦ. ᐊᓐᓇᐅᒪᓂᐊᖅᑐᑎᑦ. ᑕᐃᒪᐃᓕᐅᑐᐃᓐᓇᕆᑦ. ᐱᔭᕇᕈᓐᓇᕐᓂᓕᒫᕐᓂᒃ ᐱᓗᑎᑦ, ᒪᒃᑯᒃᑎᓪᓗᑎᑦ." ᖃᐅᔨᒐᒥ ᐆᒻᒪᕆᓗᐊᙱᓐᓂᖓᓂᑦ ᑭᖑᕙᕐᓗᓂ ᐃᓕᓐᓂᐊᕆᐊᒃᓴᖅ ᒪᒃᑯᖕᓂᖅᓴᐅᑎᓪᓗᒍ ᐊᔪᕐᓇᕐᓂᖅᓴᐅᓪᓗᓂᓗ ᐅᑎᕆᐊᒃᓴᖅ ᐃᓕᓐᓂᐊᕆᐊᕆᐊᒃᓴᖅ. ᑮᓇᐅᔭᑭᔅᓴᓗᐊᕋᔭᓚᐅᖅᑐᖅ ᒪᒃᑯᓐᓂᖅᓴᐅᑎᓪᓗᒍ ᐊᒻᒪᓗ ᐃᓕᓐᓂᐊᖅᑐᓂ ᒫᓐᓇ ᑕᐃᒪᐃᒐᓱᐊᓐᖏᖔᖅᑐᓂ.

ᐅᖃᐅᔾᔪᐃᓂᖓ ᐃᓕᓐᓂᐊᖅᑎᓄᑦ ᐃᓱᒪᒋᔭᖃᖅᑐᓄᑦ ᓄᓇᒥᓂᒃ ᕿᒪᐃᔪᒪᓂᕐᒥᒃ ᐃᖅᑲᓇᐃᔭᕆᐊᕈᒪᓪᓗᑎᒃ ᐃᓕᓐᓂᐊᕐᕕᖕᓂᒡᓘᓐᓃᑦ ᐱᔾᔪᑎᖃᖅᐳᑦ ᐃᓅᖃᑎᒌᖕᓂᕐᒥᒃ. "ᐅᖃᐅᔾᔨᒋᐊᕋᔭᖅᐳᖓ ᑕᒪᓐᓇ ᐊᒃᑐᐊᓂᖃᐃᓐᓇᖁᓪᓗᒍ ᐊᖏᕐᕋᕆᔭᒥᓄᑦ. ᐊᓯᐅᔨᔪᓐᓇᖅᑐᑎᑦ ᓅᑉᐸᓪᓕᐊᓂᕐᒧᑦ ᓴᓂᕐᕙᒃᑕᐅᓯᒪᔪᓂᑦ/ᓴᓂᕐᕙᒃᑕᐅᓯᒪᔪᓂᑦ ᓄᓇᓕᓐᓂᑦ, ᐅᑎᕐᓗᑎᑦ ᐊᖏᓂᖅᓴᒧᑦ ᓄᓇᓕᐸᐅᔭᕐᒧᑦ ᐊᓯᐅᔨᓗᑎᓪᓗ ᐃᑲᔪᖅᑐᓂᕐᒥᑦ ᐊᒻᒪᓗ ᐃᓚᒌᑦ ᐃᓅᓯᖏᓐᓂᑦ. ᐱᒻᒪᕆᐅᓱᒋᒐᒃᑯᓕ ᐊᖏᕐᕋᓯ ᑲᑎᙵᖃᑎᒋᖃᑦᑕᕐᓗᒍ, ᐊᖓᔪᖅᑳᓯ ᐅᕝᕙᓘᓐᓃᑦ ᖃᑕᙳᑎᑎᑦ, ᓲᖃᐃᒻᒪ ᐃᑲᔪᖅᑕᐅᓂᕆᔭᐃᑦ ᑕᕝᕙᙶᕐᓂᐊᕐᒪᑦ. ᑕᑯᒃᓴᐅᓐᖏᑐᐃᓐᓇᕆᐊᓕᒃ, ᑭᓯᐊᓂ ᑕᐃᑲᓃᖏᓐᓇᕐᓂᐊᖅᑐᖅ. ᑐᓄᑦᑎᐊᖓᓃᖏᓐᓇᕐᓂᐊᕐᒪᑕ. ᐊᖏᕐᕋᕐᓄᑦ ᐊᒃᑐᐊᖃᑎᒌᖏᓐᓇᕐᓗᑎᑦ," ᐅᖃᖅᐳᖅ.

ᐊᒻᒪᓗᑦᑕᐅᖅ ᐃᖅᑲᓇᐃᔮᖓᓄᑦ ᐊᖓᔪᖅᑳᑦᑎᐊᕙᐅᓂᕐᒧᓪᓗ ᑲᒪᒋᔭᕆᐊᖃᖅᐸᒃᑕᖏᓐᓄᑦ, ᐊᑖᑕᖓᑕ ᑲᒪᔨᒋᖕᒪᒍ ᐊᒻᒪᓗ ᐃᑲᕐᕋᓄᑦ 24-ᓄᑦ ᑲᒪᒋᔭᐅᔭᕆᐊᖃᖅᖢᓂ. ᐃᒻᒥᓂᒃ ᑲᒪᒋᑦᑎᐊᕈᒪᒧᑦ ᑕᒪᒃᑯᓂᖓᓕᒫᖅ ᐱᓕᕆᐊᖃᓪᓚᕆᒍᒪᕙᖕᓂᕐᓂᒃ, ᐱᕕᒃᓴᖃᕈᒪᕙᒃᐳᖅ ᓴᐃᓕᓂᕐᒥᒃ ᓯᓚᒥ ᐊᐅᓪᓚᕐᓗᓂᓗ ᐊᑕᐅᓯᐊᕐᓗᓂ ᐱᓇᓱᐊᕈᓯᕐᒥ ᐱᙳᐊᕆᐊᖅᑐᕐᓗᓂ ᐱᙴᕆᐊᖅᑐᕐᓗᓂ ᐅᕝᕙᓘᓐᓃᑦ ᐊᖁᖃᑎᖃᕆᐊᖅᑐᕐᓗᓂ ᓄᑕᖅᑲᒥᓂᒃ. ᑕᒪᓐᓇ ᐊᒃᑐᐊᓂᖃᕐᓂᖅ ᐊᖏᕐᕋᒧᑦ, ᐃᓚᒌᓄᑦ ᐊᕐᕌᒍᖃᑎᒌᓄᓪᓗ ᑲᒪᒋᔭᐅᕙᖕᓂᕐᒧᑦ ᑲᔪᓯᑎᑦᑎᕗᖅ ᐱᓯᒪᓕᕐᓂᕐᒥᒃ ᓯᕗᓂᒃᓴᑦᑎᐊᕙᖕᒥᒃ ᓯᕗᓂᒃᓴᑦᑎᐊᕙᖕᒧᑦ ᖃᐅᒃᐸᒧᑦ. 

ᓲᕐᓗ Frost's poem-ᑎᑐᑦ, ᐊᑕᐅᓯᐊᕐᓗᑎᑦ ᐊᖅᑯᑎᖃᕈᓐᓇᖅᑐᑎᑦ. ᑭᓯᐊᓂ ᖃᐅᔨᒍᕕᑦ ᐊᔾᔨᒋᙱᑕᖓᓂᒃ ᐊᖅᑯᑎᒥᒃ ᐊᑐᖁᒍᕕᐅᒃ, ᐅᑎᕈᓐᓇᖅᑐᑎᑦ ᐆᒃᑐᒃᑲᓐᓂᕐᓗᑎᓪᓗ. ᔪᐊᔾᔨ ᐋᕐᑳᓐᒧᑦ, ᐊᖅᑯᑎᐅᔪᖅ ᑐᕌᕐᓂᐊᖅᑐᖅ ᐱᔭᕇᕈᓯᐊᕐᒧᑦ, ᓂᕆᐅᒋᔭᖃᕐᓂᖅ ᐱᔪᓐᓇᕐᓂᕐᒥᑦ ᓯᕗᓕᖅᑎᐅᓂᕐᒧᑦ ᐃᖅᑲᓇᐃᔮᖏᓐᓂᑦ ᐊᑯᓂ ᐃᖅᑲᓇᐃᔭᕐᕕᒋᔭᖏᓐᓂᑦ, ᑲᔪᓰᓐᓇᕈᓐᓇᕐᓂᖅᓴᐅᓗᓂᓗ ᐃᓅᓂᕐᒥᑦ ᐊᖏᕐᕋᕐᒥᑦ. ᔪᐊᔾᔨ ᐋᕐᑳᓐ, ᒪᒃᑯᒃᑐᓕᕆᔨ, ᐊᓈᓇ, ᐸᓂᖓ ᐊᒻᒪ ᓯᕗᓕᖅᑎ ᒪᑭᑉᐸᓪᓕᐊᑎᓪᓗᒍ ᑕᐃᒎᓯᖅᑖᖅᑎᑦᑎᕗᖅ "ᐃᓕᓐᓂᐊᖅᑎ ᐃᖅᑲᓇᐃᔮᕆᓯᒪᔭᖏᑦ ᑎᑎᕋᖅᓯᒪᔪᑦ", ᐊᒻᒪ ᐃᓅᓯᕐᒥᓂ ᐱᕕᒃᓴᖃᕐᓂᖅᓴᐅᓕᖅᖢᓂ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.