"ᐊᕐᕌᒍᑦ 14 ᐊᓂᒍᖅᓯᒪᓕᖅᑐᑦ, ᐊᐃᑉᐸᖃᓚᐅᖅᓯᒪᙱᑦᑐᖓ ᐱᖓᓱᓂᒃ ᕿᑐᕐᖓᖃᖅᖢᖓ ᐊᒻᒪ ᐃᒪᓐᓇ, 'ᐃᓅᓯᕋ ᖃᓄᐃᓕᖓᓂᐊᖅᐸ?" ᑲᔪᓯᓂᖃᑦᑎᐊᓚᐅᖅᑐᖅ," ᕼᐃᐊᑐ ᓛᒻᑉ. ᐱᕈᖅᓴᓚᐅᖅᓯᒪᔪᖅ ᓄᓇᑦᓯᐊᕐᒥ, ᐃᓚᒋᔭᐅᔪᖅ ᖂᔪ ᖦᖡᑦ ᓄᓇᖃᖅᑳᖅᓯᒪᔪᓄᑦ, ᐊᒻᒪ ᐃᖅᑲᓇᐃᔭᖃᑦᑕᖅᓯᒪᓪᓗᓂ Bow Valley ᓯᓚᑦᑐᖅᓴᕐᕕᖕᒥ ᓄᓇᖃᖅᑳᖅᓯᒪᔪᓂᒃ ᐃᓕᓐᓂᐊᖅᑎᓄᑦ ᐊᓂᒍᐃᑦᑎᐊᖃᑦᑕᕐᓂᖓᓄᑦ ᐅᖃᐅᔾᔨᒋᐊᖅᑎᐅᓪᓗᓂ ᐊᕐᕌᒍᓕᒫᒧᑦ. 

ᐅᐸᓗᖓᐃᔭᖅᑐᓂ ᑕᒪᑐᒧᖓ ᐱᓕᕆᐊᒧᑦ, ᓯᓚᑦᑐᓴᕐᕕᓕᐊᓚᐅᖅᑐᖅ ᕗᐊᑦ ᓯᒥᑦ-ᒥ ᐊᐅᓚᑦᓯᔨᐅᓂᕐᒧᑦ ᐃᓕᑕᕆᔭᐅᔾᔪᑎᑖᖅᑐᓂ, ᐊᒻᒪᓗ ᓯᓚᑦᑐᓴᕐᕕᔾᔪᐊᖓᓄᑦ ᓚᑦᐳᕆᔾ ᐊᐅᓚᑦᓯᔨᐅᓂᕐᒧᑦ ᐸᐃᑉᐹᑖᕆᐊᖅᑐᖅᑐᓂ. ᕿᑐᕐᖓᖏᑦ ᐅᕕᒃᑲᐅᓚᐅᕐᒪᑕ ᑕᐃᒃᓱᒪᓂ ᐊᒻᒪᓗ ᐊᖓᔪᖅᑳᖏᑦ ᓚᑦᐳᕆᔾᒥ ᓄᓇᖃᖅᑐᑎᒃ ᑕᐃᒪᓕ ᑕᒪᓐᓇ ᑐᑭᖃᑦᑎᐊᓚᐅᖅᑐᖅ. ᐃᖅᑲᓇᐃᔭᖅᑐᓕᕆᓂᕐᒧᑦ ᐃᓕᓐᓂᐊᓚᐅᖅᑐᖅ ᐃᓚᒋᔭᐅᓪᓗᓂ ᐃᓕᑕᕆᔭᐅᔾᔪᑎᑖᕈᑎᖓᓄᑦ ᖃᐅᔨᓪᓗᓂᓗ ᐱᐅᒋᙱᖦᖢᓂᐅᒃ. ᑕᐃᑲᙵᑦ, ᓄᓇᖃᖅᑳᖅᑐᑦ ᐃᓕᓐᓂᐊᕐᓂᕐᒧᑦ ᐅᖃᐅᔾᔨᒋᐊᖅᑎᙳᓚᐅᖅᑐᖅ ᓚᑦᐳᕆᔾ ᓯᓚᑦᑐᖅᓴᕐᕕᖕᒥ, ᓇᒡᓕᒋᔭᖓ. ᐃᖅᑲᓇᐃᔭᓚᐅᕐᒥᔪᖅ ᓚᑦᐳᕆᔾ ᐃᓕᓐᓂᐊᕐᕕᐊᓂ, ᐃᑲᔪᖅᖢᓂ ᓄᓇᖃᖅᑳᖅᓯᒪᔪᑦ ᒪᒃᑯᒃᑐᖏᓐᓂ ᐱᓇᓱᐊᖅᑎᓪᓗᒋᑦ ᐃᓕᓐᓂᐊᕈᑎᒃᓴᖅᑖᕋᓱᐊᖅᑎᓪᓗᒋᑦ, ᑐᓗᖅᑕᕈᑎᓂᒃ ᐊᓂᒍᐃᓇᓱᐊᖅᖢᓂ ᐊᒻᒪ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᒃᑲᓐᓂᕈᒪᔪᓄᑦ ᐱᕙᒌᔭᖅᖢᓂ. 

"ᖁᕕᐊᒋᑦᑎᐊᖅᑕᕋ ᐱᓕᕆᖃᑎᖃᕆᐊᒃᓴᖅ ᓄᓇᖃᖅᑳᖅᓯᒪᔪᓂᒃ. ᓴᐱᓕᖅᓴᕋᐃᙱᓗᐊᕋᑦᑕ. ᓴᙱᔫᒐᑦᑕ. ᐃᓱᒪᔪᖓ ᓯᕗᓕᕕᓂᕗᑦ ᐊᒃᓱᕈᖅᓯᒪᖅᑰᔨᖕᒪᑕ ᑭᓱᓕᒫᓄᑦ ᐱᓯᒪᔭᑦᑎᓐᓄᑦ ᖁᕕᐊᒋᑐᐃᓐᓇᕐᖢᒍᓗ ᐱᓕᕆᖃᑎᒋᓪᓗᒋᑦ ᐃᓄᖁᑎᕗᑦ."

ᒫᓐᓇ ᕚᓕ ᓯᓚᑦᑐᖅᓴᕐᕕᖕᒥ, ᐃᑲᔪᖃᑦᑕᖅᑐᖅ ᓄᓇᖃᖅᑳᖅᓯᒪᔪᓂᒃ ᐃᓕᓐᓂᐊᖅᑎᓂᒃ ᐊᓂᒍᐃᑎᑦᑎᓪᓗᓂ ᑐᓗᖅᑕᕈᑎᓂᒃ ᐃᓕᓐᓂᐊᑦᑎᐊᕐᓂᕐᒧᑦ, ᐃᓱᒪᓕᕆᓂᕐᒧᑦ, ᐅᐃᕆᓯᒪᔭᖃᕐᓂᕐᒧᑦ, ᐸᐃᕆᕝᕕᖕᒧᑦ, ᑮᓇᐅᔭᑎᒍᑦ ᐊᔪᖅᓴᕐᓂᕐᒧᑦ, ᑭᓱᑐᐃᓐᓇᓄᓪᓗ ᑐᓗᕈᑎᖃᖅᑐᓄᑦ ᐃᓕᓐᓂᐊᑦᑎᐊᕐᓂᕐᒧᑦ ᑲᔪᓯᑦᑎᐊᕐᓂᕐᒧᑦ. ᓛᒻ ᐱᓕᕆᐊᖃᖃᑦᑕᖅᓯᒪᔪᒻᒪᕆᐅᕗᖅ ᐃᑲᔪᕐᓂᕐᒥᒃ ᐃᓄᓐᓂᒃ, ᐃᖅᑲᓇᐃᔭᖃᑦᑕᖅᓯᒪᓪᓗᓂ ᐃᓪᓗᓕᕆᓂᕐᒥᑦ, ᐃᓱᒪᒋᔭᐅᓪᓗᓂ ᑭᒃᑯᓕᒫᑦ ᐃᓪᓗᑖᕈᓐᓇᕆᐊᖏᓐᓂᑦ ᖃᓄᑐᐃᓐᓇᖅ. ᐱᓕᕆᖃᑎᖃᖃᑦᑕᓚᐅᖅᐳᖅ ᐃᓄᖕᓂᒃ ᐊᖏᕐᕋᖃᙱᑦᑐᓂᒃ ᐊᒻᒪ ᐃᓱᒪᒃᑯᑦ ᐊᒃᓱᕈᕐᓇᖅᑐᖅᓯᐅᖅᑐᓂᒃ ᐃᑲᔪᖅᐸᒃᖢᑎᒡᓗ ᐃᒡᓗᑖᖅᑎᖦᖢᒋᑦ. 

ᖃᐅᔨᒪᔪᖅ ᖃᓄᖅ ᐊᔪᕐᓇᖅᑎᒋᔪᒥᒃ ᐅᐃᕆᓯᒪᓂᖅ ᐊᓂᒍᖅᑎᑦᑐᓐᓇᕐᒪᖔᕐᒥᐅᒃ ᓲᖃᐃᒻᒪ ᐊᕐᕌᒍᓄᑦ 8-ᓄᑦ ᓴᓗᒪᖕᒪᑦ ᐃᖕᒥᓂᒃᓗ ᐱᙱᖦᖢᓂ. ᒪᒥᓴᖅᑕᐅᔭᖅᑐᓚᐅᖅᑐᖅ ᐱᔭᕇᖅᓯᓪᓗᓂᓗ ᐱᔭᕇᖅᓯᔾᔪᓯᐊᖅ ᓯᕗᓪᓕᖅ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᐅᔨᓴᖅᑐᓕᕆᓂᕐᒥᒃ ᐅᐃᕆᓯᒪᔭᖃᖅᑐᓕᕆᓂᕐᒧᑦ ᐃᓅᓯᓕᕆᓂᕐᒥᒃ ᓯᓚᑦᑐᖅᓴᕐᕕᒡᔪᐊᖓᓂ ᓚᑦᐳᕆᔾ. ᓛᒻᑉ ᐃᖅᑲᓇᐃᔭᓚᐅᖅᑐᖅ ᐸᓂᖅᓰᕕᓐᓂ ᐊᒻᒪᓗ ᒪᒥᓴᕐᕕᓐᓂ ᓯᕗᓂᐊᓃᑦᑐᑦ ᑭᓯᐊᓂ ᐊᒃᓱᕈᖅᑎᑕᐅᓚᐅᖅᑐᖅ ᐃᑭᒻᒪᑦ ᐊᒻᒪᓗ ᐊᓯᔾᔩᔭᕆᐊᖃᑦᑐᓂ. 

"ᖃᐅᔨᓇᓱᓚᐅᖅᑐᖓ ᖃᓄᖅ ᓱᓕ ᐃᑲᔪᕈᓐᓇᕐᒪᖔᕐᒪ ᐃᓄᖕᓂᒃ ᑭᓯᐊᓂ ᑕᖃᙱᓪᓗᖓ ᓇᓂᓪᓗᒍᓗ ᑖᓐᓇ ᐃᖅᑲᓇᐃᔮᒃᓴᖅ. ᐊᓕᐊᓇᐃᒋᑦᑎᐊᓚᐅᖅᑕᕋ ᐊᒻᒪ ᐃᖅᑲᓇᐃᔮᖃᑦᑎᐊᓛᖑᓪᓗᖓ ᓄᓇᕐᔪᐊᕐᒥ," ᖁᖓᖦᖢᓂ. ᑕᐃᑲᓂ ᐃᓂᒥ, ᐃᓕᓐᓂᐊᖅᑏᑦ ᓂᒐᕈᓐᓇᖅᐳᑦ ᐊᑕᖃᑎᖃᕈᓐᓇᖅᖢᑎᒡᓗ ᐃᓕᖅᑯᓯᕆᔭᐅᔪᒥᒃ. 

ᐃᓕᓐᓂᐊᖅᑎᓪᓗᒍ, ᓛᒻ ᐊᒃᓱᕈᓗᐊᖅᖢᓂ ᓇᖕᒥᓂᖅ. ᐃᕐᓂᖓ ᐊᕐᕌᓂ ᐱᔭᕇᖅᓯᔾᔪᓯᐊᖅ ᓯᕗᓪᓕᖅ ᐊᐅᓚᑦᑎᓂᕐᒧᑦ ᐃᓕᓐᓂᐊᒐᒃᓴᖓᓂ. ᐅᑎᕋᒥ ᐱᔭᕇᖅᓯᔾᔪᓯᐊᖅ ᓯᕗᓪᓕᖅ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᑭᒃᓕᓯᓂᐊᕈᑎᓄᑦ, ᐃᓄᑑᓪᓗᓂ ᐊᓈᓇᐅᓚᐅᖅᐳᖅ. ᕿᑐᕐᖓᖏᑦ ᐊᓇᐅᓕᒑᑦᑎᐊᖃᑦᑕᖅᑐᑦ ᐊᒻᒪᓗ ᖁᕕᐊᓱᒃᖢᑎᒃ ᐊᒻᒪᓗ ᐃᓕᓐᓂᐊᕆᐊᖅᐸᓚᐅᖅᑐᓂ ᐊᒻᒪᓗ ᐱᓕᒻᒪᒃᓴᕆᐊᖅᑐᖅᖢᓂ. ᐊᒃᓱᕈᕐᓇᓚᐅᖅᑐᖅ, ᑭᓯᐊᓂ ᕿᑐᕐᖓᖏᑦ ᐱᔪᒃᓯᑎᑦᑎᓚᐅᖅᑐᑦ. 

"ᑐᒡᓕᐊᓂ ᐃᓕᓐᓂᐊᕌᓂᓕᖅᑎᓪᓗᖓ, ᕿᑐᕐᖓᒃᑲ ᑕᐃᑲᓃᑎᓚᐅᖅᑕᒃᑲ. ᐅᕙᓐᓂᒃ ᑕᑯᓐᓇᓚᐅᖅᑐᑦ ᐱᓱᑦᑎᓪᓗᖓ. ᑕᒪᓐᓇ ᓂᒡᓚᓇᕐᓂᖅᐹᖑᓚᐅᖅᑐᖅ ᓯᓚᕐᔪᐊᕐᒥ. ᑕᑯᑎᒍᒪᐃᓐᓇᕋᒃᑭᑦ ᖃᓄᐃᖏᑦᑐᖅ, ᑕᐃᒪᐃᒍᓐᓇᖅᑐᑎᑦ. ᐊᔪᕐᓇᙱᑦᑐᖅ," ᐊᓕᐊᓇᖅᐳᖅ. 

"ᐃᓱᒪᓕᓚᐅᖅᑐᖓ ᓄᓇᕐᔪᐊᖅ ᐃᓅᓯᕋᓗ ᑕᕝᕙᓂ ᒥᑭᑦᑐᒥ ᓄᓇᓕᖕᒥ. ᐅᖃᐅᑎᒍᓐᓇᕈᒃᑯ ᓄᑲᖅᑎᖁᑎᒐ, ᐃᒪᐃᒃᑲᔭᖅᑐᖓ, 'Leave, ᐃᓕᓐᓂᐊᕆᐊᕐᓗᖓ. ᐊᖏᕐᕋᕆᐃᓐᓇᐅᔭᕐᓂᐊᖅᑕᐃᑦ, ᑭᓯᐊᓂ ᖃᐅᔨᖃᑦᑕᖅᓯᒪᔭᑎᑦ ᐃᓕᓐᓂᐊᑐᐃᓐᓇᕐᓗᑎᓪᓗ. ᓯᓚᑦᑐᖅᓴᕐᕕᖕᒥ ᐃᓕᓐᓂᐊᕐᓂᖅ ᐱᒻᒪᕆᐊᓘᕗᖅ,'" ᐊᒃᑐᐊᓂᖃᖅᐳᖅ. ᓛᒻᑉ ᑕᑯᕗᖅ ᐱᐅᓂᖓᓂᒃ ᐊᔪᙱᔾᔪᑎᑐᐃᓐᓇᐅᙱᑦᑐᒥ ᑭᓯᐊᓂ ᑕᑯᒃᓴᐅᑎᑦᑎᓪᓗᓂ ᐃᖅᑲᓇᐃᔭᕐᕕᒋᔭᒥᓂᒃ ᓴᖅᑭᓚᐅᖅᑕᒥᓂᒃ, ᐱᓕᕆᐊᕆᔭᒥᓂᒃ ᐱᔭᕇᖅᓯᓪᓗᓂᓗ ᑭᓱᒥᑭᐊᖅ. "ᒪᑐᐃᖓᑦᑎᐊᖅᑐᖅ ᐊᒥᓱᓂᒃ ᐹᓂᒃ," ᑲᔪᓯᓪᓗᓂ. 

ᐊᖏᕐᕋᒧᑦ ᐃᓕᓐᓂᐊᕆᐊᕐᓗᓂ ᑲᑉᐱᐊᓇᕈᓐᓇᖅᑐᖅ ᐃᓄᑑᓗᓂᓗ, ᓛᒻ ᖃᐅᔨᒪᔪᖅ, ᑭᓯᐊᓂ ᖃᐅᔨᒪᖕᒥᔪᖅ ᐊᔪᕐᓇᙱᓐᓂᖓᓂ ᓇᓂᓯᔭᕆᐊᒃᓴᖅ ᓄᓇᓕᖕᒥ, ᐱᖃᓐᓇᕇᖕᓂᕐᒥᒃ ᐃᓅᖃᑎᖃᕐᓂᕐᒥᒡᓗ. "ᓄᓇᓕᒃ ᓴᓇᖃᑦᑕᖅᑕᐃᑦ ᑭᓱᓂᒡᓗ ᐊᕙᓗᓯᒪᖕᒪᖔᖅᐱᑦ. ᐃᓕᖕᓂᒃ ᐃᓱᓕᑦᑕᖅᑎᑦᑎᙱᓪᓗᑎᑦ. ᐊᒥᓱᓂᒃ ᐱᕕᒃᓴᖅᑕᖃᖅᐳᖅ ᑕᖅᑳᓂ," ᐅᖃᖅᖢᓂ. 

ᐊᐅᓚᑦᑎᓪᓗᓂ ᐃᓱᒪᒃᑯᑦ ᖃᓄᐃᙱᑦᑎᐊᕐᓂᕐᒥᒃ ᖃᓄᐃᙱᑦᑎᐊᕐᓂᕐᒥᒃᓗ ᐊᓈᓇᐅᓪᓗᓂ, ᓛᒻ ᐃᓛᓐᓂᒃᑯᑦ ᐸᓯᔭᒃᓴᐅᖅᑰᔨᓲᖅ ᐃᖕᒥᓂᒃ ᐱᕕᖃᓕᕌᖓᒥ. ᖃᖓᙳᖅᐸᓪᓕᐊᓂᖓᓄᑦ, ᐃᓕᑦᑎᓪᓗᓂ ᑕᐃᒪᐃᓕᐅᕆᐊᖃᕐᓂᕐᒥᓂᒃ ᐊᓯᒥᓂᒃ ᑲᒪᒋᔭᖃᕈᓐᓇᕐᓂᐊᕐᓗᓂ, ᑕᐃᒪᐃᓕᐅᕐᓗᓂ ᐃᓄᒋᐊᓄᑦ, ᓂᕆᖃᑎᖃᕆᐊᖅᑐᕐᓗᓂ ᐱᖃᓐᓇᕆᔭᒥᓂᒃ, 12−ᓄᓪᓗ ᐊᓪᓗᖅᑕᓄᑦ ᑲᑎᒪᓂᕐᓄᑦ. "ᐅᑎᕐᕕᖃᕈᒪᓚᐅᖅᓯᒪᙱᑦᑐᖓ ᐃᓂᒋᔭᓐᓄᑦ ᐃᓱᒪᔪᖓ ᑲᒪᒋᔭᖃᑦᑎᐊᕐᓂᖅ ᐃᓱᒪᒃᑯᑦ ᖃᓄᐃᙱᑦᑎᐊᕐᓂᕐᒥᒃ ᐱᒻᒪᕆᐅᓛᖑᓂᖓᓂᒃ," ᓇᓗᓇᐃᖅᓯᓪᓗᓂ.  

ᓛᒻᑉ ᑲᔪᖏᖅᓴᐃᕗᖅ ᐃᓄᖕᓂᑦ ᐃᑲᔪᖃᑦᑕᖅᑕᖏᓐᓂᑦ ᐃᖅᑲᓇᐃᔭᕐᕕᖕᒥᑦ ᐱᕕᖃᖅᖢᓂᓗ ᑭᒡᒐᖅᑐᐃᔨᐅᓂᖕᒥᑦ. ᐃᑲᔪᖅᑎᐅᔪᒪᑦᑎᐊᕐᒥᔪᖅ ᐃᑲᔪᖅᑕᐅᖃᑦᑕᕋᒥ. "ᓂᕆᐅᒋᔭᖃᖅᑎᑕᐅᓚᐅᖅᐳᖓ, ᐊᒻᒪ ᐃᓄᐃᑦ ᓂᕆᐅᖕᓂᖃᖅᑎᑦᑐᒪᓪᓗᒋᑦ, ᐱᓗᐊᖅᑐᒥᓪᓗ ᐱᓕᕆᖃᑎᖃᖅᐸᒃᑐᑦ ᐃᓄᖕᓂᒃ ᐃᓱᒪᒥᒍᑦ ᐊᔪᕈᑎᓕᖕᓂᒃ ᐊᒻᒪ ᐅᐃᕆᓯᒪᔪᓂᒃ. ᐅᖃᓕᒫᑐᐃᓐᓇᖏᑦᑐᖓ ᐅᖃᓕᒫᒐᕐᒥᒃ ᐊᒻᒪᓗ ᑐᓂᓯᑐᐃᓐᓇᖅᑐᖓ ᑲᖐᒋᔭᐅᔪᓂᒃ. ᐱᓕᕆᐊᕆᓯᒪᕙᕋ. ᖁᕕᐊᒋᑐᐃᓐᓇᖅᑕᒃᑲ ᐃᑲᔪᕆᐊᒃᓴᖅ ᐃᓄᖕᓂᒃ, ᑕᑯᓪᓗᓂ ᐃᓄᖕᓂᒃ ᑲᔪᓯᑦᑎᐊᖅᑐᓂᒃ, ᐊᒻᒪᓗ ᓂᒡᓚᕐᓇᑦᑎᐊᖅᑐᖅ," ᐅᖃᐅᓯᕆᑦᑎᐊᖅᑕᖓ. 

ᐱᔭᕇᕈᑎᒋᓗᒍ, ᐅᖃᐅᔾᔪᐃᓂᖓ ᓄᓇᖃᖅᑳᖅᓯᒪᔪᑦ ᒪᒃᑯᒃᑐᑦ "Just ᓂᕕᖓᔪᖅ ᑕᐃᑲᓂ. ᐃᓕᓐᓂᐊᖏᓐᓇᕐᓗᑎᑦ. ᐃᓕᓐᓂᐊᕐᓂᖅ ᐱᒻᒪᕆᐅᕗᖅ. ᓯᕗᓂᒃᓴᕗᑦ ᐱᔭᕆᐊᖃᖅᑰᖅᑐᑦ ᐃᓕᓐᓂᐊᖅᓯᒪᔪᓂᒃ ᓄᓇᖃᖅᑳᖅᓯᒪᔪᓂᒃ ᐱᔪᓐᓇᖅᑕᑦᑎᓐᓂᒃ, ᐊᓕᐊᓇᐃᑦᑎᐊᖅᖢᓂᓗ." 

ᐊᕐᕌᒍᑦ 14 ᐊᓂᒍᖅᓯᒪᓕᖅᑐᑦ, ᕼᐃᐊᑐ ᓛᒻ ᐊᓈᓇᐅᓚᐅᖅᓯᒪᕗᖅ ᖃᐅᔨᒪᙱᖦᖢᓂ ᖃᓄᐃᓕᐅᕐᓂᐊᕐᒪᖔᑦ ᐃᓅᓯᖓᓂ. ᓄᓇᖃᖅᑳᖅᓯᒪᔪᓄᑦ ᐃᓕᓐᓂᐊᖅᑎᓄᑦ ᑲᔪᓯᑦᑎᐊᕐᓂᕐᒧᑦ ᐅᖃᐅᔾᔨᒋᐊᖅᑎᐅᓪᓗᓂ, ᐃᑲᔪᖃᑦᑕᖅᑐᖅ ᐊᓯᖏᓐᓂᒃ ᓄᓇᖃᖅᑳᖅᓯᒪᔪᓂᒃ ᖃᐅᔨᓗᑎᒃ ᖃᓄᐃᓕᐅᕈᒪᖕᒪᖔᑕ ᐃᓅᓯᖏᓐᓂ ᑭᓱᓂᒡᓗ ᐱᔭᕆᐊᖃᕐᒪᖔᑕ ᑕᐃᑯᖓ. ᑖᓐᓇ ᐃᖅᑲᓇᐃᔭᑦᑎᐊᓚᐅᖅᑐᖅ, ᐊᒃᓱᕈᖅᑐᓂ ᐱᓕᕆᓪᓗᓂ ᐃᓕᓐᓂᐊᖅᑎᖏᑦ ᑕᑯᓂᐊᕐᒪᑕ ᐊᑑᑎᖃᑦᑎᐊᖅᑐᓂᒃ ᑕᐃᒃᑯᓄᖓ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.