ᐃᓄᐃᑦ ᐊᑲᐅᓯᕚᓪᓕᖅᑎᖦᖢᒋᑦ, ᔮᑭᓖᓐ ᓯᓐᓇᑦᑑᒪᔪᖅ ᐊᑐᖅᖢᓂᐅᒃ ᐊᒃᑐᖅᑕᖓ. ᐃᓅᕕᒻᒥᒥᐅᑕᖅ ᐊᒻᒪᓗ ᐃᓚᖏᑦ ᐊᒃᓚᕕᒃᒥᐅᑕᖅ. ᓅᓚᐅᖅᓯᒪᔪᖅ ᓵᔅᑲᑑᓐᒧᑦ ᐊᓈᓇᖓ ᐃᓕᓐᓂᐊᕋᓱᐊᕈᓐᓇᕐᓂᐊᕐᒪᑦ. ᐊᕐᕌᒍᑦ 20-ᐅᓕᖅᑐᑦ, ᐊᐃᑎ ᐃᐊᑦᒪᓐᑕᓐᒥᐅᑕᐅᓯᒪᓕᖅᑐᖅ ᐃᓅᕕᖕᒥᓗ.  ᐃᓕᓐᓂᐊᕆᐊᖅᓯᒪᔪᖅ ᒪᑲᒥ ᓯᓚᑦᑐᖅᓴᕐᕕᖕᒥ ᐃᑦᒪᓐᑕᓐᒥ ᓯᕗᕙᓯᖕᓂᖅᓴᒥ ᓘᒃᑖᓕᐊᕐᕕᖕᒥ ᒪᒥᓴᐃᓂᕐᒧᑦ ᐃᓕᓐᓂᐊᒐᒃᓴᒥ.

ᐃᓕᓐᓂᐊᕆᐊᒃᑲᓐᓂᓚᐅᖅᓯᒪᑎᓪᓗᓂ, ᐊᕇᓯᐅᑉ ᓇᒡᓕᒍᓱᖕᓂᖓᓂᒃ ᐃᑲᔪᖅᑐᐃᔪᒥᒃ ᐊᕙᑎᖃᕐᓂᕐᒥᒃ. ᒪᔅᑖᔅ ᒪᒥᓴᐃᓂᖅ ᓂᕈᐊᒐᑦᑎᐊᕙᐅᓚᐅᖅᑐᖅ ᑕᑯᒐᒥ ᖃᓄᑎᒋ ᐊᓂᖓ ᖁᕕᐊᒋᔭᖃᓚᐅᕐᒪᖔᑦ ᐱᕚᓪᓕᕈᑎᖃᕐᖢᓂᓗ ᓄᑭᒃᑯᑦ ᒪᒥᓴᐃᓂᕐᒥᒃ ᐃᒃᐱᓐᓇᐃᑦᑐᓕᓂᖃᕐᓂᕐᒧᑦ ᒪᒥᓴᖅᑕᐅᑎᓪᓗᒍ. ᐃᑲᔪᖅᑎᒻᒪᕆᐅᓪᓗᓂ, ᓇᑦᓴᕈᒪᔪᖅ ᐱᔪᓐᓇᕐᓂᕐᒥᓂᑦ ᐅᑭᐅᖅᑕᖅᑐᒥ ᐃᑲᔪᕐᓂᕐᒥᑦ ᐃᓄᓐᓂᑦ ᐃᖏᕐᕋᓂᖏᓐᓂᑦ ᑎᒥᒃᑯᑦ ᐃᓱᒪᒃᑯᓪᓗ ᖃᓄᐃᖏᑦᓯᐊᕐᓂᕐᒧᑦ.

ᑖᓐᓇ ᐱᓕᕆᐊᖑᔪᖅ ᐊᕐᕌᒎᓐᓄᒃ ᒪᕐᕉᓐᓄᒃ ᐊᑐᖅᑕᐅᕗᖅ ᑕᐃᒪᐃᒻᒪᑦ ᐊᒥᓱᒻᒪᕆᐅᕗᑦ ᐃᓕᓐᓂᐊᕐᓂᐅᔪᑦ ᑎᑭᐅᑎᓇᓱᐊᕆᐊᖃᖅᑯᑦ ᑐᕌᒐᖏᓐᓄᑦ. ᐊᒃᓱᕈᕐᓇᖅᑑᑎᓪᓗᒍ, ᖃᐅᔨᓚᐅᖅᑐᖅ ᖁᕕᐊᓇᕐᓂᖓᓂᒃ. 800-ᓂᒃ ᐃᑲᕐᕋᓂᒃ ᐅᓄᕐᓂᖅᓴᐅᕗᑦ ᐱᓕᕆᐊᒃᓴᓕᒫᑲᓴᖕᓂᒃ ᐊᒻᒪ ᐅᓄᖅᑐᓂᒃ ᐊᔪᕈᓐᓃᖅᓴᖅᑎᑕᐅᕙᒃᖢᑎᒃ ᖃᐅᔨᒪᔪᒪᓪᓗᑎᒃ ᐃᖅᑲᓇᐃᔮᖅᑖᕈᓐᓇᖅᓯᑦᑎᐊᖁᓪᓗᒍ. ᑎᒥᐅᑉ ᐃᑎᓂᖓ ᓱᓕ ᖁᕕᐊᓇᖅᑑᕗᖅ. ᐅᑭᐅᖓ ᒪᓕᒃᖢᒍ, ᐃᓕᓐᓂᐊᕐᕕᖕᒧᑦ ᐅᑎᖅᖢᓂ ᐊᒃᓱᕈᕐᓇᖃᑦᑕᖅᓯᒪᖕᒪᑦ, ᑭᓯᐊᓂ ᐃᑲᔪᖅᓱᖅᑕᐅᑦᑎᐊᖅᓯᒪᔪᖅ ᐃᑲᔪᖅᑕᐅᔪᒪᓪᓗᓂ.

ᐅᖃᐅᔾᔭᐅᒋᐊᕈᑏᑦ ᓄᓇᖃᖅᑳᖅᓯᒪᔪᓄᑦ ᐃᓕᓐᓂᐊᖅᑎᓄᑦ ᐃᓱᒪᒋᔭᖃᖅᑐᓄᑦ ᕿᒪᐃᓂᕐᒥᑦ ᐊᖏᕐᕋᖏᓐᓂᑦ ᓄᓇᓕᖏᓐᓂᑦ ᐃᓕᓐᓂᐊᕐᓂᕐᒧᑦ ᑲᓲᒪᖃᑎᖃᕐᓂᕐᒥᑦ ᐃᓕᓐᓂᐊᖃᑎᖏᓐᓂᑦ ᐃᑲᔪᖅᑐᖅᑕᐅᓂᕐᒥᑦ ᐃᓄᑑᓗᐊᕐᓂᐊᖏᒻᒪᑕ. ᐅᖃᕆᓪᓗᓂᓗ ᐃᓚᒥᓂᒃ ᑲᑎᙵᖃᑎᖃᐃᓐᓇᖃᑦᑕᖁᔨᓪᓗᓂ ᐅᐸᒐᓱᒃᑕᒥᓄᑦ ᑎᑭᐅᑎᑐᐊᖅᐸᑕ ᐊᒻᒪ ᐊᒃᓱᕈᕐᓗᑎᒃ ᐱᓕᕆᓕᕐᓗᑎᒃ ᑕᐅᑐᖅᑰᖅᑕᒥᓂᒃ ᐱᓕᕆᓪᓗᑎᒃ. ᖃᐅᔨᓴᖁᔨᕗᖅ ᑎᑭᓚᐅᙱᑎᓪᓗᒍ ᓄᑖᒧᑦ ᓄᓇᓕᖕᒧᑦ ᐱᕙᒌᔭᖅᓯᒪᑦᑎᐊᖁᓪᓗᒍ.

ᓄᓇᓕᕋᓛᒥᙶᖅᖢᓂ ᐊᕙᓗᔭᐅᓯᒪᓪᓗᓂ ᐃᓄᖕᓄᑦ, ᖃᑕᙳᑎᒋᒐᓗᐊᖅᐸᒍ ᐱᖃᓐᓇᕆᔭᐅᒐᓗᐊᕈᓂᓘᓐᓃᑦ, ᐊᔪᕐᓇᕈᓐᓇᖅᑐᖅ ᐃᑲᔪᖅᑕᐅᓇᓱᒋᐊᒃᓴᖅ ᓄᓇᓕᐸᐅᔭᕐᒥ ᑭᓯᐊᓂ ᐃᑲᔪᖅᑕᐅᔪᒪᒐᓗᐊᕐᓗᓂ ᐃᑲᔪᖅᑕᐅᔪᒪᓗᑎᓪᓗ. ᖃᐅᔨᓚᐅᖅᑐᖅ ᓄᓇᓕᖕᓂ ᐃᑲᔪᖅᓱᐃᔨᑕᖃᕐᓂᖓᓂᒃ ᐃᑲᔪᕈᓐᓇᖅᑐᓂᒃ ᐊᒻᒪ ᐃᓚᖏᓐᓂᒃ ᐃᓕᓐᓂᐊᕐᕕᖕᓂ ᐃᑲᔫᑎᒃᓴᖅᑕᖃᕐᓂᖓᓂᒃ ᐃᑲᔫᑕᐅᔪᓐᓇᖅᑐᓂᒃ ᓲᕐᓗ ᐃᓕᓐᓂᐊᕐᕕᖕᒥ ᐃᓕᓐᓂᐊᖅᑕᐅᕙᒃᑐᓂᒃ ᓇᒃᓴᖅᐸᒡᓗᑎᒃ ᐃᓕᓐᓂᐊᖅᑎᑦ ᖃᓂᒪᓕᕌᖓᑕ.

ᐊᐳᖅᑕᕈᑕᐅᓕᕋᐃᒻᒪᑕ, ᐊᔅᓱᕉᑕᐅᓂᖅᐹᖑᓚᐅᖅᑐᖅ ᐱᒋᐊᕋᓱᐊᖅᑐᓂ ᐃᓕᓐᓂᐊᕐᓂᕐᒥᓂᒃ. "ᐊᒃᓱᕈᕐᓇᐃᓐᓇᐅᔭᕐᓂᐊᖅᑐᖅ ᑭᓱᒥᑭᐊᖅ ᑭᓯᐊᓂ ᐱᒋᐊᖅᑳᕈᕕᑦ, ᐊᔪᕐᓇᙱᓐᓂᖅᓴᐅᓕᓲᖅ ᐊᔪᕐᓇᙱᓐᓂᖅᓴᐅᓪᓗᓂᓗ," ᓇᓗᓇᐃᖅᓯᓪᓗᓂ. ᐃᑲᔪᖅᑕᐅᑦᑎᐊᕐᖢᓂ ᓄᑕᕋᓛᒥᒃ ᐊᓪᓗᕆᐊᕐᓗᓂ ᐱᒋᐊᓵᖅᑎᓪᓗᒍ, ᓇᓂᓯᔪᓐᓇᖅᓯᓚᐅᖅᑐᖅ ᑐᕌᕆᓇᓱᒃᑕᖏᓐᓄᑦ.

ᑕᐃᒪᓕ ᑐᓴᖅᑎᑦᑎᔪᓐᓇᕈᓂ ᒪᒃᑯᖕᓂᖅᓴᒧᑦ, ᐃᒪᐃᒃᑲᔭᖅᑐᖅ, "ᐱᒋᐊᕐᓗᒍ, ᐊᑐᐃᓐᓇᕐᓗᒍ. ᐃᓕᓐᓂᐊᕐᓂᖅ ᐃᖏᕐᕋᓂᐅᕗᖅ, ᐊᒻᒪᓗ ᐅᐸᒐᒃᓴᖅᑕᖃᐃᓐᓇᐅᔭᕐᓂᐊᕆᓪᓗᓂ ᖃᓄᐃᓕᐅᕐᕕᒋᔭᓕᒫᕐᓂᒃ ᐊᒻᒪᓗ ᐊᖏᔪᒥᒃ ᐱᔪᒪᒍᕕᑦ, ᑕᐃᒪᓕ ᓯᕗᓪᓕᖅᐹᒥ ᐊᓪᓗᕆᐊᕐᓗᑎᑦ ᐊᒻᒪᓗ ᐅᒡᒍᐊᔾᔮᓇᓂ."

ᓇᓕᒧᒌᒃᑎᓐᓇᓱᒃᓗᒍ ᐃᓱᒪᖓ ᖃᓄᐃᙱᑦᑎᐊᕐᓂᖓᓗ, ᐊᓕᐊᓇᐃᑎᓐᓇᓱᒃᓗᒍ. ᐃᓕᑦᑎᑦᑎᐊᓛᖑᓲᖅ ᐊᑐᐃᓐᓇᖃᑦᑕᕐᓂᒃᑯᑦ ᐊᒻᒪ ᐱᐅᓯᓕᐅᕐᓂᒃᑯᑦ. ᓂᐱᖅᑯᖅᑐᔪᓂᒃ ᐅᖃᐅᓯᖃᖅᖢᓂ, ᑎᒥᒃᑯᑦ ᐱᓕᕆᕙᒡᓗᒋᑦ ᑎᑎᕋᖅᐸᒃᖢᒋᑦᓗ, ᑭᓱᓕᒫᓂᒃ ᐆᒃᑐᖅᐳᖅ ᑭᓱᑦ ᐱᐅᓛᖑᖕᒪᖔᑕ ᐃᓕᓐᓂᐊᖅᑎᓪᓗᒍ. ᑕᑯᓯᒪᔪᖅ ᐊᓯᖏᓐᓂᒃ ᐃᓕᓐᓂᐊᖅᑎᓂᒃ ᐊᔾᔨᒌᖏᑦᑐᓂᒃ ᐊᑐᕆᐊᕈᑎᓂᒃ ᐃᓕᑦᑎᓂᕐᒧᑦ ᑭᓯᐊᓂ ᖃᐅᔨᓪᓗᓂ ᑭᓱ ᐱᐅᓛᖑᖕᒪᖔᑦ ᑖᔅᓱᒧᖓ..

ᑕᐃᒪᓕ ᐱᔪᒪᓕᕈᑎᒋᓇᓱᐊᖅᑕᖓᓄᑦ ᐃᖏᕐᕋᓂᕆᓚᐅᖅᑕᖓᓄᑦ, ᐊᐃᕆ ᐃᑲᔪᕈᒪᓂᖃᑦᑎᐊᖅᑐᖅ ᐃᓄᖁᑎᒥᓂᒃ, ᐊᓯᒥᓄᑦ ᐱᑦᑎᐊᕐᓂᒃᑯᑦ, ᓂᕿᓕᐅᕐᓂᕐᒨᒐᓗᐊᖅᐸᑦ ᐅᕝᕙᓘᓐᓃᑦ ᑕᐃᑲᓃᑐᐃᓐᓇᕋᓗᐊᕈᓂ. ᐃᖃᐃᓕᓴᕐᓂᖅ ᐊᓯᐊᒍᑦᑕᐅᖅ ᑕᐃᑲᓃᒍᓐᓇᕐᒥᔪᖅ ᐃᓄᓐᓄᑦ. "ᖃᐅᔨᒪᔪᖓ ᑭᓱᓕᒫᓂᒃ ᐊᑐᖅᖢᓂ ᐃᓅᓯᕐᓂ ᐅᓪᓗᒥ, ᑭᒃᑯᓕᒫᑦ ᐱᔭᕆᐊᖃᕐᒪᑕ ᑕᖃᓂᕐᒧᑦ ᖃᓱᕚᓪᓕᕐᓂᕐᒥᒃ ᐃᓱᒪᒃᑯᓪᓗ ᖃᓄᐃᙱᑦᑎᐊᕐᓂᕐᒥᒃ ᐱᔪᒥᓇᑦᑎᐊᕐᖢᓂᓗ," ᐱᙳᐊᖅᑐᖅ, ᐃᓱᒪᔪᖅ ᖃᓄᖅ ᐃᑲᔪᕈᓐᓇᕐᓂᐊᕐᒪᖔᑦ ᓄᑭᖃᕐᔪᐊᖅᑐᓄᑦ ᒪᒥᓴᐃᔨᐅᓗᓂ. ᓴᔪᒃᑐᖅ ᑭᓯᐊᓂ ᑯᒃᓴᓱᒃᑐᖅ, ᐅᓪᓗᖅ ᐊᑕᐅᓯᖅ ᐊᑐᖃᑦᑕᖅᑕᖓ.  ᐊᓯᑎᑦ ᑲᔪᖏᖅᓴᕐᓗᒋᑦ, ᐅᖃᖅᐳᑦ, "ᑕᐃᒪᓕ ᓯᕗᓪᓕᕐᒥ ᐊᓪᓗᕆᐊᕐᓗᑎᑦ, ᐅᑕᖅᑭᙱᓪᓗᑎᓪᓗ ᐃᓐᓇᙳᕋᓱᖕᓂᕐᓂ. ᑕᐃᒪᐃᒃᑲᓗᐊᖅᑎᓪᓗᒍ, ᖃᓄᑐᐃᓐᓇᖅ ᐅᑭᐅᖃᕋᓗᐊᕈᓂ, ᐃᓕᓐᓂᐊᕐᓂᖅ ᐃᑲᔫᑎᖃᖅᑐᖅ. ᑖᓐᓇ ᓯᕗᓪᓕᖅᐹᒥ ᐊᓪᓗᕆᐊᕈᑎᒋᓕᕈᒃ."

ᐃᓄᐃᑦ ᐃᒃᐱᒍᓱᓕᖅᑎᖦᖢᒋᑦ ᐊᒃᑐᖅᓯᓂᖓᓄᑦ, ᔮᑭᓖᓐ ᐊᐃᕆ ᐱᑐᐃᓐᓇᕆᐊᖃᓕᖅᑐᖅ ᐅᑎᖅᑎᑦᑎᓂᕐᒧᑦ ᐃᓄᒋᐊᓄᑦ ᒪᒥᓴᐃᓂᕐᒧᑦ ᐃᓕᓐᓂᐊᖅᑎ.  ᑕᑯᓪᓗᓂ ᖃᓄᑎᒋ ᐊᖏᓂᖓᓂᒃ ᓄᑲᖓ ᐃᒃᐱᓐᓇᐃᑦᑐᓕᓂᖃᕐᓂᕐᒧᑦ ᒪᒥᓴᖅᑕᐅᑎᓪᓗᒍ ᐱᔪᒪᓕᕈᑎᒋᓕᕐᖢᓂᐅᒃ ᑖᔅᓱᒥᖓ ᐃᖅᑲᓇᐃᔮᕆᓛᕈᒪᔭᖃᕐᓂᕐᒧᑦ ᓇᓗᓇᐃᖅᓯᓪᓗᓂᓗ ᐃᑲᔪᕈᓐᓇᕐᓂᖅᓴᐅᓇᔭᕐᓂᖓᓂᒃ ᐃᓄᖕᓂᒃ ᐊᒡᒐᖏᓐᓄᑦ ᓯᕗᕙᓯᖕᓂᖅᓴᒧᑦ ᐱᓕᒻᒪᒃᓴᓂᕐᒥ. ᐊᕐᕌᒍᓄᑦ ᒪᕐᕉᖕᓄᑦ ᐃᓕᓐᓂᐊᖅᖢᓂ ᐊᒃᓱᕈᕐᓇᖅᑑᓯᒪᕗᖅ ᑭᓯᐊᓂ ᐃᑲᔪᖅᑐᖅᑕᐅᑦᑎᐊᖅᐸᒃᖢᓂ, ᐱᔪᒃᓯᑦᑎᐊᖅᐸᒃᖢᓂ ᐃᓕᑦᑎᔪᒪᑦᑎᐊᖅᖢᓂᓗ ᓄᑖᒥᒃ ᐊᔪᙱᓐᓂᕐᒥᓂᒃ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᓂᖓᓄᑦ ᑖᔅᓱᒥᖓ ᑎᑎᕋᖅᓯᒪᔪᒥᒃ!