ᐃᖅᑲᓇᐃᔮᕆᓯᒪᔭᖏᑦ ᐊᖕᒪᓗᖅᓯᓯᒪᔪᑦ ᐱᒋᐊᓚᐅᖅᓯᒪᔪᑦ ᐅᑎᖅᖢᑎᒡᓗ ᓇᐹᖅᑐᓄᑦ ᓄᓇᓕᖓᓂ. ᒪᒃᑯᒃᖢᓂ ᐱᓕᕆᓪᓗᓂ ᓴᓂᕐᕙᒃᑕᐅᒪᔪᓂ ᐊᐅᔭᒃᑯᑦ, ᔨᐅᕆᒥ ᒪᑲᐃ ᑲᑎᖅᓱᐃᓇᔭᖅᑐᖅ ᐅᓂᒃᑳᓂᒃ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐱᓯᒪᒃᖠᖅᑎᓂᒃ, ᐃᓐᓇᑐᖃᕐᓂᒃ, ᐃᓅᓕᓴᐅᑎᓂᒃ ᐊᐃᒃᖠᖅᑎᓂᒃ ᐊᖑᓇᓱᒃᑎᓂᒡᓗ ᖃᐅᔨᓗᑎᒃ ᖃᓄᖅ ᐊᑐᖃᑦᑕᕐᒪᖔᑕ ᐱᖅᑯᓯᑐᖃᖏᓐᓂ ᓄᓇᕗᒻᒥ ᖃᓄᕐᓗ ᑎᑎᕋᕐᓂᖅ ᐊᒃᑐᐃᖕᒪᖔᑦ ᐱᔪᓐᓇᕐᓂᕐᒥᓂᒃ ᐊᑐᕆᐊᒃᓴᖅ ᓄᓇᖃᖅᑳᖅᓯᒪᔪᑦ ᐊᒻᒪ ᐊᖏᕈᑎᓄᑦ ᐱᔪᓐᓇᐅᑎᖏᓐᓂ. ᒫᓐᓇ ᒪᓕᒐᓕᕆᔨᐅᓕᖅᑐᖅ, ᐱᓕᕆᖃᑎᖃᓕᖅᑐᖅ ᓯᕗᓪᓕᖅᐹᒥ ᑲᓇᑕᒥ ᐱᓕᕆᐊᒥᒃ ᑐᕌᖓᔪᒥᒃ ᐅᖃᖃᑎᖃᕐᓂᕐᒥᒃ ᓄᓇᖃᖅᑳᖅᓯᒪᔪᓂᒃ ᐊᒻᒪᓗ ᓇᐹᖅᑐᓂᒃ ᓴᓇᕕᐅᔪᓂᒃ ᓄᓇᕗᑦ ᐃᓗᐊᓂ.

ᒪᑲᐃ ᐃᓚᒋᔭᐅᔪᖅ ᐱᓐ ᑯᕇᒃ ᓄᓇᖃᖅᑳᖅᓯᒪᔪᓄᑦ ᐅᐃᓂᐹᒡᒥ ᓄᓇᖃᖅᓯᒪᔪᖅ ᐅᑭᐅᑦ ᖁᓕᑦ ᐅᖓᑖᓄᑦ. ᐱᕈᖅᓴᓚᐅᖅᑐᖅ ᐃᓅᓪᓗᓂ ᐃᓂᖃᙱᖦᖢᓂ, ᓅᖦᖢᓂ ᓄᓇᓕᖓᑕ ᐊᑯᓐᓂᖓᓂ ᐊᒻᒪ ᑳᓪᒍᕆᒥ. ᐃᓕᓐᓂᐊᕐᕕᖕᒥ, ᐱᓚᐅᖅᑐᖅ ᑭᓯᐊᓂ ᐃᓕᓐᓂᐊᖅᑎᑐᐃᓐᓇᐅᓚᐅᙱᑦᑐᖅ. ᐊᖓᔪᖅᑳᖏᒃ ᑎᓕᐅᕆᓪᓗᑎᒃ ᐱᔭᕇᖅᓯᖁᔨᓪᓗᓂ ᖁᑦᑎᖕᓂᖅᓴᒥᒃ ᐃᓕᓐᓂᐊᕐᕕᖕᒥ ᓯᓚᑦᑐᖅᓴᕐᕕᒡᔪᐊᓕᐊᕐᓗᓂᓗ, ᐃᓕᓐᓂᐊᕈᓐᓃᖅᑎᓚᐅᖅᓯᒪᙱᖦᖢᒍ ᐱᔾᔪᑎᖃᙱᖦᖢᓂ.

ᑭᖑᒧᑦ ᑕᑯᓪᓗᓂ, ᐊᒃᓱᕈᒃᑲᓐᓂᕈᒪᔪᖅ, ᐊᖏᖅᓯᒪᒐᓗᐊᖅᖢᓂ ᑕᑯᔭᕆᐊᒃᓴᖅ ᐃᓕᓐᓂᐊᕐᓂᖕᒥᓂᒃ. ᐃᓕᓐᓂᐊᕐᕕᕐᔪᐊᕐᒦᓚᐅᖅᑎᓪᓗᒍ, ᓯᓚᑦᑐᓴᕐᕕᕐᔪᐊᕐᒨᓚᐅᖅᑐᖅ ᒫᓂᑑᕙᒧᑦ. ᖃᐅᔨᒪᙱᖦᖢᓂ ᖃᓄᐃᓕᐅᓪᓚᕆᒍᒪᖕᒪᖔᑦ, ᓇᖕᒥᓂᖃᖕᓂᖕᒧᑦ ᐱᓕᕆᐊᓂᑦ ᐱᓯᒪᕙᒌᕆᐊᖃᖅᖢᓂ ᓇᖕᒥᓂᖁᑎᒥᓄᐊᖅᖢᓂᓗ, ᒪᓕᒐᓕᕆᔨᙳᓕᕐᖢᓂ ᒪᓕᒐᓕᕆᔨᙳᕋᓱᓕᕐᖢᓂ.

ᐱᕈᖅᓴᓪᓗᓂ, ᐃᑲᔪᖅᑐᖅᑕᐅᑦᑎᐊᓚᐅᖅᑐᖅ ᐃᓚᒥᓄᑦ ᐃᑲᔪᓚᐅᖅᑐᖅ ᐊᓂᒍᐃᓂᕐᒧᑦ ᐊᒃᓱᕈᕐᓇᖅᑐᓂᒃ. "ᐃᓱᒪᒋᑐᐃᓐᓇᖅᑕᕋ ᐃᓚᖓᑦ ᐱᐅᒋᔭᐅᔪᖅ ᓯᓚᑦᑐᖅᓴᕐᕕᒡᔪᐊᕐᒥ ᖃᐅᔨᖃᑦᑕᖅᓯᒪᔭᕐᓄᑦ ᐃᓕᖕᓄᐊᖅᑎᑦᑎᖕᒪᑦ ᐃᓕᖕᓄᑦ, ᐊᒻᒪ ᐊᑲᐅᓛᒃᑯᑦ ᐊᓂᒍᖅᑎᓐᓇᓱᒡᓗᒋᑦ ᐊᔾᔨᒌᙱᑦᑐᑦ ᐊᒃᓱᕈᕐᓇᖅᑐᑦ. ᐊᕐᕌᒍᑕᒫᑦ ᓄᑖᓂᒃ ᐊᒃᓱᕈᕐᓇᖅᑐᖅᓯᐅᖃᑦᑕᖅᐳᑎᑦ, ᐊᒻᒪ ᐊᔪᕈᓐᓃᖅᐸᓪᓕᐊᓕᖅᖢᑎᑦ ᑕᒪᒃᑯᓂᖓ ᐱᓕᕆᔪᓐᓇᖅᓯᓂᐊᖅᑎᓪᓗᑎᑦ. ᐱᔭᕇᖅᑎᓪᓗᒍ, ᖃᐅᔨᓚᐅᖅᑐᖓ, ᐅᕙᓐᓂᒃ ᐅᑉᐱᕈᓱᓐᓂᖅᓴᐅᓚᐅᖅᑐᖓ ᐊᓂᒍᐃᒍᓐᓇᕆᐊᔅᓴᖅ ᖃᓄᑐᐃᓐᓇᖅ ᓵᓐᖓᔭᓐᓂᒃ. ᖁᓱᙱᑦᑎᐊᖅᑐᖓ ᐱᓕᕆᔨᒻᒪᕆᐅᓂᓐᓄᑦ. ᑲᔪᓯᑦᑎᐊᕈᓐᓇᖅᑰᕋᒪ," ᒪᑲᐃ ᒪᓕᑉᐳᖅ.

"ᐱᕕᒃᓴᓕᐅᕆᐊᖃᕋᕕᑦ ᐱᓕᕆᓗᑎᓪᓗ ᐊᔪᕐᓇᕈᓐᓇᖅᑐᒥᒃ ᐃᓛᓐᓂᒃᑯᑦ ᐃᑲᔪᕋᓱᒃᓗᒋᑦ ᖃᑕᙳᑎᑎᑦ."

ᐃᓱᒪᓕᕌᖓᒥ ᖃᓄᖅ ᐱᔪᒃᓯᑎᑦᑎᕙᖕᒪᖔᑦ, ᐊᖓᔪᖅᑳᒥᓂᒃ ᐃᓱᒪᓕᖅᐸᒃᐳᖅ. ᐊᑖᑕᖓ ᐊᒃᓱᕈᖅᖢᓂ ᓴᓇᖃᑦᑕᓚᐅᖅᐳᖅ ᐅᓪᓗᒐᓴᖕᓄᑦ, ᐱᓇᓱᐊᕈᓯᐅᑉ ᓄᙳᐊᓂ ᐊᒻᒪ ᕿᑲᕐᓇᐅᑎᓪᓗᒍ. ᒪᑲᐃᐅᑉ ᐊᓈᓇᖓ ᓂᕈᐊᖅᑕᐅᓚᐅᖅᑐᖅ ᑎᑕᒃᑎᓄᑦ ᑲᑎᒪᔨᐅᓂᕐᒧᑦ ᓯᕗᓪᓕᖅᐹᒥ ᑲᓇᑕᒥ ᓯᓚᑦᑐᓴᕐᕕᕐᔪᐊᕐᒨᕋᒥ. ᐅᓐᓄᒍᒻᒥᑕᕐᓗᑎᒃ ᐅᖃᖃᑎᒌᒃᑐᑦ ᒪᑲᐃ ᐊᖏᕐᕋᖓᓂ ᐊᓯᔾᔨᕋᔪᒃᐳᑦ ᖃᓄᖅ ᐃᓚᒌᑦ ᐃᑲᔪᕈᓐᓇᕐᒪᖔᑕ ᖃᓄᐃᙱᑦᑎᐊᕐᓂᕐᒥᒃ ᓯᕗᓪᓕᖅᐹᒥ ᓄᓇᒥ.

"ᐱᒋᐊᓕᓵᖅᑎᓪᓗᑕ, ᐃᓚᐅᖃᑦᑕᓚᐅᖅᑐᖓ ᑕᒪᒃᑯᓂᖓ ᐅᖃᖃᑎᒌᖕᓂᕐᓂ ᕿᓃᓐᓇᐅᔭᕐᐳᖓᓗ ᐊᑐᒐᒃᓴᓂᒃ ᐃᓕᓐᓂᐊᕈᓐᓇᕐᓂᕐᒥᒃ ᐅᕙᖓᑦᑕᐅᖅ, ᐃᓚᐅᖃᑕᐅᔪᓐᓇᕐᓗᖓ ᐃᑲᔪᕋᓱᒃᓗᖓᓗ ᓄᓇᓕᖁᑎᓐᓂᒃ ᐊᔪᙱᓐᓂᓕᒫᒃᑯᑦ," ᐃᖅᑲᐅᒪᔪᖅ. ᐅᓪᓗᒥ ᐊᓈᓇᒥᓄᑦ ᐅᖃᓪᓚᖃᑎᖃᖃᑦᑕᕐᒪᑦ ᖃᐅᑕᒫᑦ ᐊᒻᒪ ᐅᓂᒃᑳᖅᐸᒃᖢᓂ ᐊᖓᔪᖅᑳᒥᓂᒃ ᑲᑎᒪᔨᓂᒡᓗ.

ᒪᓕᒐᓕᕆᔨᐅᓪᓗᓂ ᒪᑮᐅᑉ ᕿᓂᖅᑕᖓ ᖃᐅᔨᒪᓂᕐᒧᑦ. "ᖁᕕᐊᒋᔭᖃᑐᐃᓐᓇᖅᑐᖓ ᐃᓕᑦᑎᓂᕐᒥᒃ ᓄᑖᓂᒃ ᖃᐅᑕᒫᑦ," ᖁᖓᖦᖢᓂ. ᕿᓂᐃᓐᓇᐅᔭᖅᑐᖅ ᓄᑖᓂᒃ ᐃᓂᓂᒃ ᓄᑖᓂᒡᓗ ᐃᓂᓂᒃ ᒪᓕᒐᕐᓂᒃ, ᐱᔪᒃᓯᓕᖅᐸᒃᐳᑦ ᓄᑖᓂᒃ ᐱᓕᕆᐊᒃᓴᓂᒃ ᐱᓕᕆᕝᕕᒋᔭᐅᕙᒃᑐᓂᒡᓗ ᓄᑖᓄᓪᓗ ᐱᕙᓪᓕᐊᓂᕆᔭᐅᔪᓄᑦ ᐊᑯᓂᑲᓪᓚᑦ ᐱᓕᕆᕝᕕᒋᔭᐅᕙᒃᑐᓂᑦ. ᐊᓯᔾᔨᕐᓂᓕᒫᑦ ᐱᕕᒃᓴᓕᒫᓪᓗ ᐃᓕᑦᑎᓗᓂ ᐱᔪᒃᓯᑦᑎᐊᖏᓐᓇᕐᓗᓂ ᐃᖅᑲᓇᐃᔮᖓᓂᒃ.

ᐃᓅᖃᑎᒥᒃ ᐃᖅᑲᖅᑐᖅᑕᐅᑎᑦᑎᓲᖅ, ᐃᑲᔪᖃᑦᑕᖅᑐᖅ ᐃᖅᑲᖅᑐᐃᕕᓕᐊᖅᑐᓂᒃ, ᑭᓯᐊᓂ ᐱᕋᔭᒃᐸᙱᖦᖢᓂ ᐅᕝᕙᓘᓐᓃᑦ ᐃᓚᒌᓄᑦ ᒪᓕᒐᓕᕆᕙᙱᖦᖢᓂ. ᑕᐅᑐᓪᓗᐊᑕᖅᑐᖅ ᐱᖁᔭᕐᔪᐊᑎᒍᑦ ᐊᒻᒪ ᐃᓄᐃᑦ ᐱᔪᓐᓇᐅᑎᖏᓐᓄᑦ ᒪᓕᒐᖅ, ᐃᒡᓗᓕᐅᕐᓂᖅ ᐃᖅᑲᖅᑐᐃᕕᒃᑰᖅᑎᑦᑎᓂᕐᓂ, ᓄᓇᖃᖅᑳᖅᓯᒪᔪᑦ ᐊᒻᒪ ᐊᖏᕈᑎᓄᑦ ᐱᔪᓐᓇᐅᑎᑦ. ᑭᒡᒐᖅᑐᐃᒻᒪᑦ ᓄᓇᖃᖅᑳᖅᓯᒪᔪᓂᒃ ᓄᓇᓕᓐᓂᒃ ᐅᕝᕙᓘᓐᓃᑦ ᓄᓇᖃᖅᑳᖅᓯᒪᔪᓂᒃ ᐃᓄᓐᓂᒃ ᐃᖅᑲᖅᑐᕋᑦᓴᐅᑎᑦᓯᒐᐃᒻᒪᑕ ᒐᕙᒪᑐᖃᒃᑯᓐᓂᒃ ᐅᕝᕙᓘᓐᓃᑦ ᑲᓇᑕᒥ ᐊᕕᑦᑐᖅᓯᒪᔪᓂᒃ ᒐᕙᒪᓂᒃ ᑕᐃᓐᓇ ᐃᓱᒪᓕᐅᕈᑕᐅᔪᖅ ᐱᖁᔭᕐᔪᐊᖑᒻᒪᖔᖅ ᐋᒡᒐᓘᓐᓃᑦ.

ᐃᒪᓐᓇᐅᒐᔪᒃᐸᒃᐳᖅ, ᒪᑲᐃ ᐅᓪᓗᓕᒫᖅ ᐅᖃᓕᒫᖅᐸᒃᖢᓂ ᑎᑎᕋᖅᐸᒃᖢᓂᓗ, ᖃᐅᔨᓴᖅᐸᒃᖢᓂ ᑐᑭᓯᐅᒪᔪᒪᓪᓗᓂ ᐱᔾᔪᑕᐅᔪᓂᒃ ᐱᐅᓂᖅᓴᒃᑯᑦ ᐅᖃᐅᔾᔪᐃᔪᓐᓇᕐᓂᐊᕐᒪᑦ. ᑲᑎᖃᑎᖃᖅᐸᒻᒪᑦ ᐊᖓᔪᖅᑳᖓᓐᓂᑦ ᐊᒻᒪ ᑲᑎᒪᔨᖏᓐᓂᑦ ᐃᖅᑭᓖᑦ ᓄᓇᓕᖏᓐᓂᑦ ᑭᒡᒐᖅᑐᖅᑕᖏᓐᓂᑦ ᓄᓇᓕᖏᓐᓂᑦ ᐊᒻᒪ ᐃᓛᓐᓂᒃᑯᑦ ᐃᖅᑲᖅᑐᐃᕕᒻᒨᖅᐸᑦᑐᓂ ᐊᐃᕙᔭᖅᑐᖅᑐᓂ. ᐃᖅᑲᖅᑐᐃᕕᒻᒦᓪᓗᓂ ᐱᐅᒋᓂᖅᐹᖓ, 95%-ᖓ ᐱᕕᖃᕐᓂᖓ ᐅᐸᓗᖓᐃᔭᖅᐸᓪᓕᐊᓪᓗᓂ ᑕᐃᒃᑯᓄᖓ.

ᐅᖃᐅᔾᔪᐃᓂᖓ ᒪᒃᑯᒃᑐᒧᑦ, ᓄᓇᖃᖅᑳᖅᓯᒪᔪᒧᑦ ᐃᓱᒪᒋᔭᖃᖅᑐᒧᑦ ᒪᓕᒐᓕᕆᓂᕐᒧᑦ ᐃᓕᓐᓂᐊᕈᒪᓂᕐᒥᒃ ᐃᒪᐃᑎᑦᑎᕗᖅ, "ᖃᐅᔨᒪᑦᑎᐊᕆᐊᕐᓗᑎᑦ ᐅᖃᓕᒫᕈᓐᓇᕐᓂᕆᔭᐃᑦ ᑎᑎᕋᕐᓂᕐᒧᓪᓗ ᐊᔪᕈᓐᓃᖅᑕᐅᕙᒃᑐᑦ ᐱᐅᓛᒃᑰᕋᓗᐊᕐᒪᖔᑕ." ᓇᒻᒥᓂᖅ ᖃᐅᔾᔨᑎᖏᑦ ᑕᐅᕙᓂ ᐱᐅᓗᐊᓚᐅᓐᖏᒻᒪᑕ ᐱᒋᐊᓕᖅᑎᓪᓗᒍ ᑭᓯᐊᓂ ᐋᖅᑭᒋᐊᖅᑕᐅᕙᓚᐅᖅᐳᑦ ᖃᖓᑲᓪᓚᐅᓕᖅᑐᖅ ᖃᐅᔨᒪᓪᓗᓂᓗ ᐊᓯᒥᓐᓂᒃ ᓴᓐᖏᔫᔪᓐᓇᕐᒪᑕ ᐃᖏᕐᕋᓯᒋᐊᖅᑎᓪᓗᒋᑦ.

"ᐱᓕᕆᓗᑎᑦ ᖁᓱᙱᓐᓂᕐᒥᒃ ᐃᓕᖕᓂᒃ ᐊᓂᒍᖅᑎᑦᑐᒪᓗᒍ ᐊᓂᒍᖅᑎᓐᓇᓱᒋᐊᖃᖅᐸᒃᑐᖅ, ᐃᒪᐃᓐᓂᖓᓄᑦ, ᐊᓂᒍᖅᑎᓐᓇᓱᒋᐊᖃᖅᐸᒃᑐᑦ, ᐃᓕᓐᓂᐊᖅᓯᒪᒐᓗᐊᕈᑎᒃ ᓇᖕᒥᓂᕐᓘᓐᓃᑦ, ᐃᓕᖕᓂᒃ ᓵᑦᑎᐊᕆᓕᕐᓂᐊᖅᐳᑦ. ᐃᒻᒥᓂᒃ ᖁᓱᙱᓪᓗᑎᑦ ᖃᐅᔨᔪᓐᓇᕐᓂᐊᖅᑕᕐᓂᒃ. ᐱᒻᒪᕆᐅᓛᖑᓇᓱᒋᔭᕋ ᐅᖃᐅᔾᔪᐃᓂᖅ ᑭᓇᑐᐃᓐᓇᕐᒧᑦ ᒪᒃᑯᒃᑐᒧᑦ ᐃᖅᑲᓇᐃᔮᖅᑖᕈᒪᔪᒧᑦ ᐅᕙᖓᑎᑐᑦ," ᑲᔪᓯᓗᓂ.

ᒪᓂᒻᒪᒃᓯᒪᐃᓐᓇᕋᓱᒃᓗᓂ, ᐃᖕᒥᓂᒃ ᑲᒪᒋᑦᑎᐊᕐᓗᓂ ᐃᖃᐃᓕᓴᕐᓂᒃᑯᑦ ᓂᕆᑦᑎᐊᕐᓂᒃᑯᓪᓗ. "ᐊᑐᓪᓚᕆᒋᐊᖃᖅᐳᖓ ᐃᓕᖅᑯᓯᑐᖃᕐᓄᑦ ᐱᓕᕆᐊᖑᕙᒃᑐᓂᒃ ᐅᕙᓐᓂᒃ ᐅᐃᒪᙱᓪᓗᖓ, ᑕᐅᑐᒐᖃᓪᓗᐊᑕᕐᓗᖓᓗ, ᐱᓕᕆᑦᑎᐊᖏᓐᓇᕐᓗᖓᓗ ᐃᖅᑲᓇᐃᔭᕐᕕᒋᔭᐅᔪᒥ. ᑖᒃᑯᐊᓕᒫᖅ ᑲᑎᖦᖢᑎᒃ, ᐱᒻᒪᕆᐅᓪᓗᓂᓗ," ᓇᓗᓇᐃᖅᓯᓪᓗᓂ.

ᓂᕆᐅᒋᔭᖏᑦ ᓯᕗᓂᑦᓴᒧᑦ ᑲᔪᖏᖅᓴᐃᓂᕐᒧᑦ. "ᐱᐅᓯᕚᓪᓕᕈᒪᔪᖓ ᐱᐅᓂᖅᓴᒥᓪᓗ ᒪᓕᒐᓕᕆᔨᕈᕈᒪᑦᓱᖓ, ᐃᑲᔪᐃᓐᓇᕈᒪᑦᓱᖓᓗ ᓄᓇᖃᖅᑳᖅᓯᒪᔪᓄᑦ. ᑖᒃᑯᐊᒃ ᒪᕐᕉᒃ ᓄᐊᔅᑖᒃ," ᐱᖃᓐᓈᕆᕙᖏᑦ. ᐅᓪᓗᖅ ᐊᑕᐅᓯᖅ ᐃᓕᓴᐃᔪᒪᓇᔭᖅᑐᖅ ᓯᓚᑦᑐᖅᓴᕐᕕᒡᔪᐊᒥ ᐅᕝᕙᓘᓐᓃᑦ ᓯᓚᑦᑐᖅᓴᕐᕕᖕᒥ.

ᑲᔪᖏᖅᓴᐃᔪᓕᕆᓂᖅ ᒪᑲᐃ ᐃᓱᒪᒋᕙᐅᒃ ᐱᙳᐊᕐᓂᕐᒧᑦ ᐊᓯᔾᔩᔨᐅᓂᖓᓂᒃ ᐱᕙᓪᓕᐊᑎᓪᓗᖓ ᖁᔭᓕᓪᓗᓂᓗ ᓴᙱᔪᒥᒃ ᑲᔪᖏᖅᓴᐃᓂᕐᒥᒃ ᒪᓕᒐᖅᑎᒍᑦ ᐊᑐᕋᓱᒃᐸᒃᑕᖓᓂ.  "ᐱᔾᔪᑎᒋᓗᐊᖅᑕᕋ ᖁᕕᐊᒋᑦᑎᐊᕋᒃᑯ ᓇᒦᓐᓂᓐᓂ, ᐃᓕᓴᖅᓯᒐᒪ ᐃᓄᐃᑦ ᐊᔪᙱᓐᓂᖃᖅᑐᑦ ᐃᓕᑦᑐᒪᔭᓐᓂᒃ ᐊᒻᒪᓗ ᐅᕙᓐᓄᑦ ᑐᓴᖅᑎᑦᑎᔪᒪᑦᑎᐊᖅᑐᑦ. ᐃᓱᒪᔪᖓ ᓇᓂᓯᒍᕕᑦ ᑭᓇᒥᑭᐊᖅ ᓇᓂᓯᒍᕕᓪᓘᓐᓃᑦ ᐃᖅᑲᓇᐃᔭᕐᕕᖕᒥᒃ ᑕᐃᒪᐃᑦᑐᒥᒃ, ᑕᐃᒪᓐᓇᑐᐊᖅ ᐊᐱᕆᔪᓐᓇᖅᑐᑎᑦ ᒪᒃᑯᒃᑑᓗᑎᑦ ᐱᓕᕆᔨᒻᒪᕆᐅᓗᑎᑦ," ᑲᔪᓯᓗᓂ.

ᐃᖅᑲᓇᐃᔮᕆᓯᒪᔭᖏᑦ ᐊᖕᒪᓗᖅᓯᓯᒪᔪᑦ ᐱᒋᐊᓚᐅᖅᓯᒪᔪᑦ ᐅᑎᖅᖢᑎᒡᓗ ᓇᐹᖅᑐᓄᑦ ᓄᓇᓕᖓᓂ. ᔨᐅᕆᒥ ᒪᑲᐃ ᐊᐱᖅᓱᓯᒋᐊᓚᐅᖅᑐᖅ ᓄᓇᓕᖓᓂ ᖃᓄᖅ ᐃᓄᐃᑦ ᐱᓕᕆᖃᑎᖃᖃᑦᑕᕐᒪᖔᑕ ᓄᓇᒥ ᒫᓐᓇᓗ ᐱᓕᕆᓕᖅᖢᓂ ᓯᕗᒻᒧᐊᒃᑎᑦᑎᓇᓱᐊᖅᖢᓂ ᐱᒻᒪᕆᐅᔪᓂ ᒪᓕᒐᓕᕆᓂᕐᒧᑦ ᐱᔾᔪᑕᐅᔪᓂ ᐱᔾᔪᑎᓕᖕᓂ ᐱᓕᕆᐊᒃᓴᖏᓐᓂ ᐅᖃᖃᑎᖃᕐᓂᕐᒧᑦ. ᑎᓕᐅᖅᑕᐅᓪᓗᓂ ᐱᓕᕆᖃᑎᖃᖅᖢᓂᓗ ᐃᓚᒥᓂᒃ ᐃᓕᓴᐃᓪᓗᓂ ᐊᒃᓱᕈᖅᖢᓂ ᐱᓕᕆᔪᓐᓇᕐᓂᕐᒥᒃ ᐅᑎᖅᑎᑦᑎᔪᓐᓇᖅᖢᓂᓗ, ᐊᓕᐊᓇᐃᒋᔭᖃᖅᐳᖅ ᐊᐃᕙᖃᑎᖃᕐᓂᕐᒥᒃ ᐃᖅᑲᖅᑐᐃᕕᖕᒥ, ᑕᒪᒃᑯᐊ ᐊᓯᖏᑦ ᓇᓂᓯᔪᓐᓇᕐᓂᐊᕐᒪᑕ ᓴᐃᒪᓇᖅᑐᒥᒃ ᓄᓇᒥ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.