"ᓴᙱᔫᖏᓐᓇᕆᑦ ᑐᒃᓯᐅᑎᕙᒡᓗᑎᓪᓗ ᖃᐅᑕᒫᑦ," ᐅᖃᖅᑐᖅ ᔫᓯᐱ ᑖᒪᔅ. ᐃᓚᒋᔭᐅᔪᖅ ᐃᔅᑯᒪᓪᑦ ᓄᓇᖃᖅᑳᖅᓯᒪᔪᓂᑦ ᐃᙱᖃᑦᑕᖅᓯᒪᔪᖅ ᐊᑯᓂᒻᒪᕆᒃ 30-ᓂᒃ ᐊᕐᕌᒍᓂᒃ. ᐊᑖᑕᑦᓯᐊᖓ ᐃᙱᖅᑎᓪᓚᕆᐅᓚᐅᖅᓯᒪᔪᖅ Esquimalt Singers ᐊᒻᒪᓗ Dancers, South Island Dancers, ᐊᒻᒪᓗ ᑖᒪᔅ ᒧᒥᖅᑎᐅᓕᓚᐅᖅᓯᒪᔪᖅ 1999-ᖑᑎᓪᓗᒍ. ᐊᑖᑕᑦᓯᐊᖓ ᐃᓅᔪᓐᓃᕐᒪᑦ, ᑖᒪᔅ ᐅᐸᒃᑕᐅᓚᐅᖅᑐᖅ ᐊᖓᔪᖅᑳᒻᒪᕆᒻᒧᑦ ᐊᒻᒪᓗ ᐊᐱᕆᔭᐅᓪᓗᓂ ᒧᒥᐃᓐᓇᖁᔭᐅᓪᓗᓂ ᐃᓄᐃᑦ ᕿᓂᖅᑎᓪᓗᒋᑦ ᐱᙳᐊᕐᓂᐊᖅᑐᓂᒃ.

ᑖᒃᑯᐊ ᐃᓚᒌᑦ ᑲᑎᖓᓕᖅᓯᒪᕗᑦ, ᐃᓚᓕᐅᑎᓪᓗᒋᑦ ᓄᓕᐊᖓ ᕿᑐᕐᖓᖏᓪᓗ, ᖃᐅᔨᒪᔭᐅᓕᖅᑐᑎᓪᓗ ᔫᓯᐱ ᓯᖒᔅ ᐊᒻᒪ ᒧᒥᖅᑏᑦ. ᐊᖓᔪᖅᑳᖅ ᐋᖅᑭᒃᓯᓚᐅᖅᑐᖅ ᐃᓚᐅᖃᑕᐅᓂᕐᒥᓂᒃ ᐱᓕᕆᓂᕐᒥᓂ ᐅᓪᓗᕐᒥᒃ ᖃᐅᔨᒃᑲᐃᑐᐃᓐᓇᕐᖢᓂ ᐊᑕᐅᓯᐊᕐᖢᓂ. ᑲᖐᓱᑐᐃᓐᓇᓚᐅᖅᑐᑦ ᑲᑎᑦᑕᐃᓐᓇᕆᓇᓱᐊᖅᑐᒋᑦ ᐊᒻᒪᓗ ᑲᒪᓇᒻᒪᕆᓚᐅᖅᑐᖅ. ᕿᑐᕐᖓᒥᓂᒃ ᐱᕈᖅᓴᐃᖃᑦᑕᕐᒪᑦ ᓂᕆᐅᑦᑐᓂ ᐃᓚᒥᓂᒃ ᑲᔪᓯᑎᑦᑎᓂᐊᕐᓂᕐᒥᓂᒃ ᐊᒻᒪᓗ ᐊᓂᒍᐃᔪᓐᓇᓚᐅᖅᑐᑎᒃ ᓈᓴᖅᑕᐅᑎᓪᓗᒋᑦ ᐊᒻᒪᓗ ᖁᕕᐊᓱᓪᓗᑎᒃ.

ᐱᕈᖅᓴᓪᓗᓂ, ᐱᕈᖅᓴᔭᐅᓚᐅᙱᑦᑐᖅ ᐊᖓᔪᖅᑳᒥᓄᑦ ᐊᒻᒪᓗ ᐃᓅᓯᓕᒫᖓᓂ ᐅᖃᐅᔾᔭᐅᓪᓗᓂ ᐃᓕᐊᕐᔪᑐᐃᓐᓇᐅᓂᖓᓂᒃ ᐊᒻᒪᓗ ᐱᔪᒪᔪᖃᕋᓂ. ᑕᐃᒫᒃ ᐊᑦᑐᐊᓂᖃᕈᓐᓇᖅᐳᖅ ᑕᐃᒃᑯᓄᖓ ᐱᕈᖅᓴᔭᐅᓚᐅᙱᑦᑐᓄᑦ ᐃᓚᒥᓐᓄᑦ. ᐃᓕᓚᐅᖅᑕᖓ ᐊᓈᓇᑦᑎᐊᖓᑕ ᑐᒃᓯᐊᕐᓂᕆᖃᑦᑕᓚᐅᖅᑕᖓ, ᑐᒃᓯᐊᕐᓂᖓ ᑐᓴᖅᑕᐅᒐᔭᕐᒪᑦ ᑐᒃᓯᐊᕐᕕᒻᒧᑦ ᑐᒃᓯᐊᕆᐊᖅᓯᒪᒐᓗᐊᕈᓂ ᐅᕝᕙᓘᓐᓃᑦ ᐅᑉᐱᕐᓂᖃᙱᒃᑲᓗᐊᕈᓂ. ᐅᖃᐅᑎᓚᐅᖅᐹ ᐊᐱᕆᖁᔨᓪᓗᓂ ᑭᓱᓂᒃ ᐱᔭᕆᐊᖃᕐᒪᖔᖅ, ᑭᓱᒥᒃ ᐱᔪᒪᙱᒻᒪᖔᖅ ᐊᒻᒪᓗ ᑕᐃᒪᐃᔅᓯᒪᓪᓗᓂ ᐃᓅᓯᖓᓂ.

ᒪᕐᕉᒃ 7-ᓂᒃ ᕿᑐᕐᖓᖏᑦ ᐊᒻᒪᓗ ᐃᕐᖑᑕᖓ ᓇᔪᖃᑎᒋᓪᓗᓂᐅᒃ ᐊᒻᒪᓗ ᑕᐃᒃᑯᐊ ᐃᓚᒋᔭᖏᑦ ᐃᓚᒥᓃᖏᓐᓇᕐᒪᑕ ᐊᖏᕐᕋᒥᓂᒃ ᐊᓯᐅᔨᓚᐅᖅᑎᓪᓗᒋᑦ. ᐊᒃᓱᕈᕐᓇᖅᑐᒃᑰᖅᖢᓂ, ᑖᒪᔅ ᐳᓛᕆᐊᖃᑦᑕᖅᓯᒪᕗᖅ ᐃᓚᒥᓄᑦ ᐱᖃᓐᓇᕆᔭᒥᓄᓪᓗ, ᐱᔪᒃᓯᑦᑎᐊᖅᖢᓂ ᐃᕐᖑᑕᒥᓄᑦ ᑲᔪᓯᑎᑦᑎᕙᒃᖢᓂᓗ ᐱᐅᔪᒥᒃ ᐃᓕᖅᑯᓯᖃᕐᓂᕐᒥᒃ, ᖃᐅᔨᒪᓪᓗᓂ ᐱᐅᔪᓐᓃᖅᐹᓪᓕᖅᓯᒪᓂᖓᓂᒃ ᐃᓅᓯᒪᓂᕐᒥᒡᓗ. ᐃᓕᖅᑯᓯᕐᒥᓂ ᐱᓕᕆᖃᑦᑕᖅᐳᖅ ᒪᒥᓴᖃᑕᐅᓪᓗᓂ, ᐊᒻᒪ ᐅᕕᓂᖕᓂᐊᖃᑕᐅᕙᒃᑭᓪᓗᓂ.

ᑖᒪᔅ ᐅᖃᐅᓯᖃᖅᑐᖅ ᑎᓕᐅᕆᓂᕐᒥᑦ ᒪᒃᑯᑦᑐᓂᑦ ᓇᓂᓯᔪᓂᑦ ᐊᖅᑯᑎᖏᓐᓂᑦ ᐊᖏᔪᑦᑎᓂᓪᓗ ᑭᖑᕚᕇᓂᑦ ᑲᑎᒃᑲᓐᓂᖅᑐᓂᑦ ᐃᓚᒋᔭᐅᒍᓐᓇᖏᓐᓂᕐᒥᑦ ᐃᓕᖅᑯᓯᖓᓂᑦ. ᐅᖃᕐᖢᓂ, "ᑲᒪᒋᑦᑎᐊᕆᐊᕆᑦ, ᐃᕝᕕᑑᙱᑦᑐᖅ, ᖃᑕᙳᑎᑎᑦ, ᐱᖃᓐᓇᕆᔭᑎᑦ... ᐱᑕᖃᐃᓐᓇᐅᔭᕐᒪᑦ ᑕᐃᑲᓂ. ᐃᓄᖕᓂᒃ ᑲᑎᖃᑎᖃᖃᑦᑕᕋᕕᑦ ᐱᔾᔪᑎᖃᖅᖢᑎᑦ. Creator ᐃᓕᖕᓄᑦ ᓇᒃᓯᐅᑎᕙᐃᑦ."

ᐃᓕᓚᐅᖅᑕᖓ ᖃᖓᙳᖅᐸᓪᓕᐊᑎᓪᓗᒍ ᐃᓚᖏᑦ ᐃᓄᐃᑦ ᑲᑎᖃᑦᑕᖅᑕᑎᑦ ᐃᓅᓯᕐᓃᖏᓐᓇᕐᓂᐊᕐᒪᑕ ᐃᓚᖏᓪᓗ ᐱᔪᒃᓯᑎᑦᑎᓪᓗᑎᒃ ᑎᓕᐅᕆᓗᑎᒡᓗ ᐃᓕᖕᓂᒃ ᐱᖃᑎᖃᐃᓐᓇᖁᔨᓪᓗᑎᒃ ᐊᑯᓂᐅᓂᕐᓴᖅ ᐊᖕᒪᓗᖅᓯᓯᒪᔪᓃᖏᓐᓇᕐᓗᑎᒃ. ᐃᓚᖏᑦ ᐃᓄᐃᑦ ᓇᒃᓴᓚᐅᖅᑐᑦ ᓂᕆᐅᖕᓂᖅᐹᒥᒃ ᐃᓅᓯᖓᓂᐅᔪᓐᓃᖅᑐᑦ, ᐃᓚᖏᓪᓗ ᓂᑲᒍᓱᒃᖢᑎᒃ.

ᐃᓄᐃᑦ ᑐᔪᕐᒥᒐᓗᐊᖅᐸᑕ ᐊᐅᓪᓚᕋᓗᐊᕈᕕᓪᓘᓐᓃᑦ, ᐊᖏᕐᕋᖃᕋᓗᐊᕈᕕᑦ ᐊᖏᕐᕋᓐᓄᑦ ᐅᖄᓚᔪᓐᓇᕐᓗᑎᑦ ᐋᒃᑲᓘᓐᓃᑦ, ᔫᓯᐱ ᑖᒪᔅ ᐅᖃᐅᔾᔪᐃᒋᐊᖅᓯᒪᔪᖅ, "ᓴᙱᔪᒥᒃ ᑐᒃᓯᐊᖃᑦᑕᕐᓗᑎᓪᓗ ᖃᐅᑕᒫᑦ." ᓂᐱᖓ ᖁᒻᒧᒃᑎᓪᓗᒍ ᐊᒻᒪᓗ ᑕᕐᓂᖏᒍᑦ ᑕᐃᒃᑯᐊ ᑕᑯᓐᓇᖅᑐᑦ ᒧᒥᖅᑎᓪᓗᒍ, ᐱᔪᓐᓇᕐᓂᕐᒥᓂᒃ ᐱᓕᕆᔪᖅ ᐊᒻᒪᓗ ᐃᖅᑲᐅᒪᓪᓗᓂ ᑭᓇᐅᓂᕐᒥᓂᒃ: ᐃᙱᖅᑎ, ᒧᒥᖅᑎ, ᐊᑖᑕ, ᐃᑦᑐᕆᔭᐅᔪᖅ, ᐅᐃᖓ ᐊᒻᒪᓗ ᐅᑉᐱᕈᓱᑦᑐᖅ ᐱᐅᓂᖅᓴᓂᒃ ᖃᐃᓂᐊᕐᓗᓂ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.