"ᖃᐅᔨᒪᓚᐅᖅᑐᖓ ᐱᓕᕆᖃᑎᖃᕈᒪᓂᓐᓂᒃ ᓄᓇᖃᖅᑳᖅᓯᒪᔪᓂᒃ, ᓇᓗᔪᖓ ᖃᓄᖅ ᐱᓕᕆᐊᕆᔭᕆᐊᒃᓴᖅ," ᐃᖅᑲᐅᒪᔪᖅ ᑲᐃᑕᓐ ᒥᐅᕋᔅᑎ, ᐱᒋᐊᖅᑎᑦᑎᔨ ᐊᒻᒪ ᐊᐅᓚᑦᑎᔨᒻᒪᕆᒃ ᓄᓇᖃᖅᑳᖅᓯᒪᔪᑦ ᓂᐅᕕᐊᒃᓴᖃᖅᑎᖏᓐᓄᑦ. ᐅᐃᓂᐸᒡᒥ, ᒫᓂᑑᕙᒥᐅᑕᖅ, ᐃᖅᑭᓖᑦ 1 ᓄᓇᕘᒥ ᐊᒻᒪᓗ ᐅᐱᒍᓱᑦᑐᓂ ᐃᓚᒋᔭᐅᔪᒥᒃ ᕙᔅᑦ ᕘᔅᑦ ᓄᓇᖃᖅᑳᖅᑐᓄᑦ, 6-ᓄᑦ ᐅᑭᐅᖅᑕᖅᑐᒥ. ᐊᑖᑕᖓ ᓅᓚᐅᖅᑐᖅ ᓯᓚᑦᑐᖅᓴᕐᕕᒡᔪᐊᖓᓄᑦ ᒫᓂᑑᐸᐅᑉ, ᐊᓈᓇᒥᓂᒃ ᑲᑎᖃᑎᖃᖅᖢᓂ ᐃᓚᒥᓂᒡᓗ ᐱᕈᖅᓴᐃᓪᓗᓂ. ᒥᐅᕋᔅᑎ ᐃᓕᓐᓂᐊᕆᐊᖅᓯᒪᔪᖅ ᓇᒻᒥᓂᖃᕐᓂᕐᒧᑦ ᐃᓕᓐᓂᐊᕐᕕᔾᔪᐊᕐᒥ ᐊᑖᑕᒥᑎᑐᑦ, ᐱᓕᕆᐊᖃᖅᑐᓂ ᓂᐅᕐᕈᑎᖃᕋᓱᐊᕐᓂᕐᒥᒃ ᐊᒻᒪᓗ ᓄᓇᕐᔪᐊᕐᒥ ᓇᒻᒥᓂᖃᕐᓂᕐᒥᒃ ᐃᓚᒋᔭᐅᓪᓗᓂ ᓇᒻᒥᓂᖃᖅᑎᐅᓂᕐᒧᑦ ᐃᓕᑕᕆᔭᐅᔾᔪᑎᑖᖅᑐᓂ. 

ᖃᐅᔨᓚᐅᖅᑐᖅ ᓇᖕᒥᓂᕐᒥᓂᒃ ᐱᒋᐊᖅᑎᑦᑎᔪᓐᓇᕐᓂᕐᒥᓂᒃ ᐃᑲᔪᕐᓗᓂᓗ ᐊᓯᖏᓐᓂᒃ ᓄᓇᖃᖅᑳᖅᓯᒪᔪᓂᒃ ᓇᖕᒥᓂᖃᖅᑎᓂᒃ ᐊᒻᒪ ᓄᓇᓕᖕᓂ ᐱᕚᓪᓕᖅᑎᓪᓗᒋᑦ ᑎᑭᐅᑎᔪᓐᓇᖅᑕᖏᑦ, ᓴᖅᑭᑦᑎᓗᓂ ᓄᓇᖃᖅᑳᖅᓯᒪᔪᑦ ᐃᓄᐃᑦ ᐅᓪᓗᖓᓂ. ᒥᐅᕋᔅᑎ ᖁᕕᐊᒋᔭᖃᖅᑐᖅ ᖃᓄᐃᓕᐅᖃᑦᑕᕐᓂᕐᒥᓂᒃ. "ᐃᓄᖕᓂᒃ ᑲᒪᔪᓐᓇᑦᑎᐊᖅᑐᓂᒃ ᑕᑯᔪᓐᓇᖅᓯᔪᖓ. ᐃᓕᒍᓐᓇᖅᓯᒐᒪ ᐊᔾᔨᐅᖏᓐᓂᖏᓐᓂᒃ ᐃᓕᖅᑯᓯᓕᒫᑦ ᐊᑐᓂᑦ ᓄᓇᓖᑦ ᐊᒻᒪᓗ ᐃᓕᑉᐹᓕᕈᑎᒋᓯᒪᓪᓗᒍ ᐅᕙᓐᓄᑦ ᐅᑎᖅᕕᒋᓪᓗᒍ ᓄᓇᖃᖅᑳᖅᓯᒪᔫᓐᓄᑦ ᐱᕈᖅᓯᒪᓗᐊᓚᐅᖏᑦᑐᖓ ᐱᕈᖅᓴᓚᐅᖅᓯᒪᒐᒪᓂᑦ. ᑕᐃᒪᐃᓐᓂᖓᓄᑦ ᐃᓚᐅᔪᒪᓚᐅᖅᐳᖓ ᑕᒪᑐᒪᓂ ᓇᒧᙵᐅᕙᓪᓕᐊᓂᕆᔭᐅᔪᒥᑦ, ᐅᑎᓪᓚᕆᒍᒪᓪᓗᖓ ᐱᒋᐊᕐᕕᒋᔭᓐᓄᑦ ᐃᓕᑦᑎᒃᑲᓐᓂᕐᓗᖓᓗ ᑭᓇᐅᖕᒪᖔᕐᒪ," ᑖᓐᓇ ᑕᑯᒃᓴᐅᑎᑦᑎᕗᖅ. 

"ᓯᕗᒧᑦ ᑕᑯᒋᐊᕐᓂᖅ, ᓇᓗᓇᖅᐳᖅ ᖃᓄᖅ ᐊᑯᓂᐅᑎᒋᔪᖅ ᑎᑭᓯᒪᓕᕐᒪᖔᑦᑕ ᓯᕗᓪᓕᖅᐹᒥ ᐊᕐᕌᒍᒥ. ᓇᖕᒥᓂᖃᕐᓂᖅ ᐱᓕᕆᑦᑎᐊᖅᓯᒪᔪᒻᒪᕆᐊᓘᕗᖅ ᓇᖕᒥᓂᖅ," ᐅᖃᐅᓯᖃᖅᖢᓂ ᖃᓄᖅ ᕿᓂᕐᒪᖔᑦ ᓄᓇᖃᖅᑳᖅᓯᒪᔪᓂᒃ ᐃᓕᓐᓂᐊᖅᑎᓂᒃ ᐱᔪᒃᓯᓂᖃᖅᑐᓂᒃ ᓂᐅᕐᕈᑎᖃᕐᓂᕐᒥᒃ ᐃᑲᔪᕈᒪᔪᓂᒃ ᓇᖕᒥᓂᖃᕐᕕᒋᔭᒥᓂᒃ, ᕿᓂᖅᑐᓂᒃ ᑲᓇᑕᒥ ᐊᒻᒪ ᓄᓇᕐᔪᐊᕐᒥ ᐱᓕᕆᖃᑎᒌᓂᒃ.

ᑐᕌᒐᖃᐃᓐᓇᐅᔭᖅᑐᖅ ᐊᒻᒪᓗ ᐋᖅᑭᐅᒪᑦᑎᐊᕐᖢᓂ ᐱᕈᖅᐸᓪᓕᐊᓪᓗᓂ, ᐃᓕᓐᓂᐊᑦᑎᐊᕐᖢᓂ; ᒥᐅᕋᔅᑎ ᖁᓱᙱᖦᖢᓂ ᒪᒃᑯᒃᑎᓪᓗᒍ. ᐃᓄᐃᑦ ᐃᓅᓯᖓᓂ ᐅᖃᐅᔾᔨᓚᐅᖅᑐᑦ ᖃᓄᖅ ᓯᓚᑐᔫᓂᖓᓂᒃ ᐊᒻᒪᓗ ᓇᒧᙵᕐᓂᐊᕐᓂᕐᒥᓂᒃ ᐊᒻᒪᓗ ᐅᖃᐅᓯᖏᑦ ᓂᕆᐅᓐᓂᖃᑦᑎᑦᓯᓪᓗᑎᒃ. "ᖁᕕᐊᓱᖕᓂᖅ ᒪᒃᑯᒃᑎᓪᓗᒍ ᐱᒻᒪᕆᐅᔪᖅ," ᐊᔾᔨᖃᖅᑐᖅ. 

ᖁᓱᙱᒃᑲᓗᐊᖅᖢᓂ, ᓯᓚᑦᑐᖅᓴᕐᕕᒡᔪᐊᒥᑦ ᐱᓕᕆᓕᖅᖢᓂ ᐊᔪᕐᓇᖅᑑᓚᐅᖅᐳᖅ. ᑯᐊᐸᒃᑯᑎᒍᑦ ᑕᐃᒍᓯᓕᕆᓚᐅᙱᑦᑐᖅ ᐃᓕᓐᓂᐊᕐᕕᖕᒥ, ᐃᓯᑲᐅᖅᑐᕈᒪᒐᓗᐊᖅᖢᓂ ᐊᓂᑲᐅᖅᑐᕈᒪᓪᓗᓂᓗ. ᐱᒋᐊᓕᓚᐅᖅᑐᖅ ᓂᐅᕐᕈᑎᖃᕐᓂᕐᒧᑦ ᐊᐅᓚᑦᑎᔨᐅᓪᓗᓂ ᓅᖦᖢᓂ ᓂᐅᕕᐊᒃᓴᖃᖅᑎᓄᑦ ᐱᓕᕆᔪᓐᓇᖅᓯᒃᑲᓐᓂᕐᖢᓂ. ᑲᒻᐸᓂᐅᑉ ᐊᖓᔪᖅᑳᖓ ᑲᔪᖏᖅᓴᐃᓚᐅᖅᑐᖅ ᐊᒻᒪᓗ ᐊᔪᕆᖅᓯᐅᔾᔨᓪᓗᓂ ᑭᓯᐊᓂ ᐅᑉᐱᕈᓱᓕᕋᒥ ᓇᒻᒥᓂᖅ ᐱᒋᐊᖅᑎᑦᑎᓂᐊᕐᓂᕐᒥᓂᒃ.

"ᐃᓕᓐᓂᐊᖅᓯᒪᓕᖅᑐᖓ, ᐊᑐᖅᓯᒪᔭᓐᓂᒃ ᐊᑐᖅᓯᒪᔪᖓ. ᒪᒃᑯᒃᑑᔪᖓ, ᑳᒃᑐᖓ, ᒫᓐᓇᓗ ᑲᔪᓯᑎᑦᑐᒪᓕᖅᑕᕋ."

"ᓯᓚᑦᑐᖅᓴᕐᕕᒡᔪᐊᒥ, ᐃᓛᓐᓂᒃᑯᑦ ᐱᓕᕆᓕᒪᙱᒃᑯᕕᑦ, ᐱᕙᒌᔭᖅᓯᒪᓗᑎᑦ ᐃᖅᑲᓇᐃᔭᕆᐊᒃᓴᖅ ᐊᑦᑎᖕᓂᖅᓴᓂᒃ ᐃᖅᑲᓇᐃᔮᒃᓴᓂᒃ ᐱᐅᒋᙱᑕᕐᓂᒃ ᓯᕗᓪᓕᕐᒥ, ᑲᑕᒃᑎᑦᑎᐊᕐᔪᑐᐃᓐᓇᕆᐊᖃᕐᖢᓂᓗ ᐃᓕᖕᓂᒃ, ᑭᓯᐊᓂ ᖃᐅᒪᐃᓐᓇᐅᔭᖅᑐᖅ ᐱᔭᕇᖅᑎᓪᓗᒍ ᓱᓪᓗᓕᒃ. ᑕᐃᒪᐃᒍᓐᓇᕈᕕᑦ, ᐃᓕᓐᓂᐊᖅᑎᐅᒍᕕᑦ, ᐊᒻᒪᓗ ᑐᓴᖅᑕᐃᑦ ᓯᕗᓂᐊᒍᑦ ᓯᓚᑦᑐᓴᕐᕕᔾᔪᐊᕐᒨᓚᐅᖏᓂᓐᓂ, ᐅᕝᕙᓘᓐᓃᑦ ᒫᓐᓇᐅᔪᖅ ᐃᓕᓐᓂᐊᕐᕕᔾᔪᐊᒦᒃᑯᕕᑦ, ᖃᐅᔨᒪᒐᓱᐊᕐᓗᑎᑦ ᐃᓕᓐᓂᐊᖅᑎᐅᓂᓐᓂ, ᐱᑦᔪᑎᒋᓪᓗᒍ ᐃᑲᔪᕐᓂᖃᕐᓂᐊᕐᒪᑦ ᐱᐊᓂᒃᑯᕕᑦ," ᐅᖃᐅᔾᔨᔪᖅ ᐃᓅᓱᒃᑐᓂᒃ ᑕᐃᒪᐃᑦᑐᒦᑐᐃᓐᓇᕆᐊᖃᖅᑐᒥᒃ. 

ᓯᕗᓪᓕᕐᒥ, ᐃᓱᒫᓘᑎᖃᕐᒪᑦ ᐃᖅᑲᓇᐃᔭᙱᓗᐊᕐᓂᖏᓐᓂᒃ ᐊᓯᖏᑦ ᓇᒻᒥᓂᓖᑦ ᐊᑲᖅᓴᖏᓐᓂᕋᖅᑐᑎᒃ ᐊᒻᒪ ᐊᔾᔨᒋᙱᑕᖓᓂᒃ ᐱᓕᕆᔪᒪᓪᓗᓂ. "ᐱᕕᒃᓴᖃᑦᑎᐊᖃᑦᑕᖅᑐᖓ ᐱᓕᕆᐊᒃᓴᓐᓄᑦ. ᑭᓯᐊᓂ ᐃᓕᓴᖅᓯᖕᒥᔪᖓ ᐱᒻᒪᕆᐅᓂᖓᓂᒃ ᐃᓕᖕᓂᒃ ᑲᒪᒋᑦᑎᐊᕐᓂᖅ ᓇᖕᒥᓂᕐᓗ ᐱᕕᖃᖅᑎᓪᓗᑎᑦ," ᐊᒥᖅᑳᕈᑎᒋᕙᒃᑕᖓ. ᐃᑲᕐᕋᖏᑦ ᐊᓯᔾᔨᖃᑦᑕᕐᒪᑕ ᐆᒻᒪᖅᑯᑎᖏᑦ ᒪᓕᒃᑕᒋᑦ ᑭᓯᐊᓂ ᑕᐃᑲᓃᖏᓐᓇᐅᔭᖅᑐᖅ ᐱᔨᑦᑎᖅᐸᒃᑕᖏᓐᓄᑦ. 

"ᐊᒃᓱᕈᕐᓇᖅᑐᒦᓕᕐᓂᕈᕕᑦ ᐃᖅᑲᓇᐃᔮᕐᓄᑦ, ᖁᕕᐊᒋᔪᓐᓃᑐᐃᓐᓇᕆᐊᖃᖅᑕᑦ ᐱᓕᕆᐊᕆᔭᑦ ᑕᐃᒪᐃᖁᙱᖦᖢᒍᓗ."

ᕚᓕᐹᖃᑕᐅᖃᑦᑕᖅᑐᖅ ᐊᒻᒪᓗ ᐱᙳᐊᕐᕕᓕᐊᕋᔪᑦᑐᓂ. ᐆᒻᒪᕆᒃᖢᓂ ᐃᑲᔪᖅᐸᒃᐳᖅ ᐃᓛᒃᑰᖅᖢᓂ ᐱᓕᕆᓂᕐᒥᒃ ᓇᖕᒥᓂᖅ ᐃᓅᓯᖓᓂ, ᐱᔪᒃᓯᑦᑎᐊᕐᓂᖓᓄᑦ ᓄᑖᑦᑎᐊᖑᓪᓗᓂ. ᐃᖏᕐᕋᑲᑕᐃᓐᓇᕐᓂᖓ ᓄᑖᑦ ᐃᓄᐃᑦ ᑲᑎᑦᑐᒪᓪᓗᒋᑦ ᐊᒻᒪ ᑲᒻᐸᓂᐅᔪᑦ ᐃᑲᔪᕋᓱᒃᖢᑎᒃ ᐱᔪᒃᓯᑎᖦᖢᒍ ᐱᓕᕆᐊᒥᓂᒃ. ᖁᕕᐊᒋᔭᖃᖅᑐᖅ ᐃᖅᑲᓇᐃᔭᕐᓂᕐᒥᑦ ᐊᔾᔨᒌᖏᑦᑐᓂᑦ ᓴᓇᕕᐅᔪᓂᑦ ᖃᐅᔨᒪᑦᓱᓂᓗ ᐊᓯᔾᔩᒍᓐᓇᕐᓂᖓᓄᑦ. ᒥᐅᕋᔅᑎ ᐱᔪᒃᓯᑎᑕᐅᕗᖅ ᐋᖅᑭᒃᓱᐃᕙᓪᓕᐊᔪᒪᓪᓗᓂ ᓄᓇᖃᖅᑳᖅᑐᑦ ᓄᓇᓕᖏᓐᓂᒃ ᐊᑕᖏᕐᓗᓂ. 

"ᐅᐃᓂᐹᒡᒥ ᐱᕈᖅᐸᓪᓕᐊᓂᖅ, ᐱᐅᙱᑦᑐᓂᒃ ᐅᖃᐅᓯᐅᔪᖃᖃᑦᑕᖅᐳᖅ ᓄᓇᖃᖅᑳᖅᓯᒪᔪᑦ ᐃᓄᖏᓐᓂᒃ. ᑕᐃᒪᐃᑦᑐᓂᒃ ᑐᓴᕈᒪᓚᐅᙱᑦᑐᖓ. ᑕᒪᓐᓇ ᐅᕙᓐᓄᑦ ᐸᕝᕕᒋᓚᐅᕋᒃᑯ. ᐊᓯᔾᔩᔪᒪᓪᓚᕆᒃᑲᒪ ᐃᑲᔪᕈᓐᓇᕋᒪ ᓄᓇᖃᖅᑳᖅᓯᒪᔪᑦ ᐃᓄᐃᑦ ᐱᕈᖅᐸᓪᓕᐊᑎᓪᓗᒋᑦ ᐊᒻᒪ ᓇᖕᒥᓂᖃᕐᕖᑦ ᑲᔪᓯᑦᑎᐊᖁᓪᓗᒋᑦ. ᑕᐃᒪᐃᓕᐅᕈᑦᑕ, ᓂᕆᐅᓇᖅᐳᖅ, ᓄᓇᖃᖅᑳᖅᓯᒪᙱᑦᑐᑦ ᐃᓄᐃᑦ ᐅᕙᑦᑎᓐᓂᒃ ᑕᐅᑐᖕᓂᐊᖅᐳᑦ ᐱᐅᓂᖅᓴᒃᑯᑦ. ᑕᒪᓐᓇ ᐊᔭᐅᖅᑐᕈᑎᒋᒻᒪᕆᓚᐅᕋᒃᑯ ᐊᒻᒪᓗ ᐃᑲᔪᕐᓗᒋᑦ ᓄᓇᖃᖅᑳᖅᓯᒪᔪᑦ ᐃᓄᐃᑦ ᐱᓗᐊᖅᑐᒥᒃ. ᐅᕙᑦᑎᓐᓂᒃ, ᑲᑎᙵᓗᑕ, ᑕᑯᔭᐅᑐᐃᓐᓇᕐᓗᑕ ᐊᔾᔨᒌᓂᒃ," ᐅᖃᖃᑦᑕᕐᒪᑦ. 

ᒥᐅᕋᔅᑎ ᑎᓕᐅᕆᔪᒪᕗᖅ ᒪᒃᑯᒃᑐᓂᒃ ᐊᓂᒍᐃᕙᓪᓕᐊᑎᓪᓗᒋᑦ. "ᐃᓕᓐᓂᐊᕐᓂᖅ ᐃᓗᐃᑦᑑᓪᓗᓂ ᐱᒻᒪᕆᐅᕗᖅ, ᐱᓗᐊᖅᑐᒥᑦ ᐃᓕᓐᓂᐊᕐᕕᐊᓗᖕᒥᑦ ᐃᓕᓐᓂᐊᕐᓗᑎᑦ. ᖃᐅᔨᒪᔪᖓ ᐊᒥᓱᑦ ᓄᓇᓖᑦ, ᐊᒥᓱᑦ ᐃᓕᓐᓂᐊᖅᑏᑦ ᐊᑦᓱᕈᖃᑦᑕᖅᑐᑦ ᑲᔪᓯᑎᑦᓯᓂᕐᒥᑦ ᖁᕝᕙᓯᓐᓂᓕᒻᒧᑦ 12-ᒧ, ᑭᓯᐊᓂ ᐱᒻᒪᕆᐅᕗᖅ ᑕᐃᒪᐃᓪᓗᓂ ᐋᖅᑭᑦᓯᓂᐊᖅᓱᓂᓗ ᐃᓕᓐᓂᑦ ᐃᓅᓯᓕᒫᓐᓂᑦ," ᐊᐅᓚᑦᓯᔨᖏᑦ. ᐃᓛᓐᓂᒃᑯᑦ ᑕᒪᓐᓇ ᑐᑭᖃᕐᒪᑦ ᓄᓇᓯᓐᓂᒃ ᕿᒪᐃᓪᓗᓂ, ᐊᒻᒪᓗ ᓂᕆᐅᓐᓂᖃᖅᑐᓂ ᒪᒃᑯᑦᑐᓄᑦ ᑕᕝᕙᓂ. 

ᐊᖏᕐᕋᖅᓯᒪᓗᑎᑦ ᐱᕕᖃᙱᓐᓂᖅᓴᐅᓗᑎᑦ ᐃᓕᖅᑯᓯᕐᓂᒃ ᐊᔪᕈᓐᓃᖅᓴᕆᐊᒃᓴᖅ ᑲᑎᙵᓗᓯ, ᐃᓚᑎᑦ ᕿᒪᒡᓗᒋᑦ ᐊᒃᓱᕈᕐᓇᕈᓐᓇᖅᐳᖅ ᑭᓯᐊᓂ ᒥᐅᕋᔅᑎ ᐅᖃᖅᐳᖅ, "ᐱᒻᒪᕆᐅᖕᒪᑦ ᐃᓚᑎᑦ ᐱᖃᓐᓇᕆᔭᑎᓪᓗ ᑲᑎᙵᖃᑎᒋᕙᒡᓗᒋᑦ ᐊᖏᕐᕋᔅᓯᓐᓂ ᐊᒻᒪ ᐃᓕᖅᑯᓯᔅᓯᓐᓂᒃ ᐊᑐᖅᐸᒡᓗᑎᑦ ᐊᒻᒪ ᐃᓕᔅᓯᓐᓂᒃ ᐱᖃᑎᖃᐃᓐᓇᕐᓗᑎᑦ ᐅᐱᒍᓱᒡᓗᑎᓪᓗ ᐃᓕᔅᓯᓐᓂᒃ. ᓄᓇᓕᐸᐅᔭᕐᒧᑦ ᓅᑐᐃᓐᓇᕈᕕᑦ, ᑲᑉᐱᐊᓱᙱᓪᓗᑎᑦ ᑭᓇᐅᒻᒪᖔᖅᐱᑦ. ᐃᓄᓕᒫᑦ ᐊᔾᔨᐅᙱᑦᑑᕗᑦ ᓇᖕᒥᓂᖅ ᐊᒻᒪᓗ ᑕᒪᓐᓇ ᐊᖏᕈᑎᒋᔪᓐᓇᓪᓗᐊᖅᑕᐃᑦ," ᑎᓕᐅᕆᕗᖅ.  

ᒪᒃᑯᒃᑐᓂᒃ ᐃᓱᒪᒃᓴᖅᓯᐅᖁᔨᕗᖅ ᑕᒪᐃᓐᓂᒃ ᒪᓂᒪᑎᑕᒥᓂᒃ. "ᖃᐅᔨᕙᓪᓕᐊᑐᐃᓐᓇᖅᑐᖓ ᓄᓇᖃᖅᑳᖅᓯᒪᙱᑦᑐᑦ ᐃᓄᐃᑦ ᐱᔪᒪᓂᖃᖅᑐᑦ ᓄᓇᖃᖅᑳᖅᓯᒪᔪᑦ ᐃᓕᖅᑯᓯᖏᓐᓂ, ᐱᓪᓗᒍ ᖃᓄᖅ ᐃᓅᓂᑦᑎᓐᓂᒃ ᖃᓄᕐᓗ ᑲᔪᓰᓐᓇᕈᓐᓇᕐᒪᖔᑦ ᐃᓱᒪᕗᑦ. ᑕᒪᓐᓇ ᓯᓚᕐᔪᐊᕐᒥᐅᑦ ᐱᔭᕆᐊᖃᓕᖅᑕᖏᑦ ᐅᓪᓗᒥᐅᓕᖅᑐᖅ, ᑕᒪᓐᓇ ᐃᓱᒪᑦᑎᐊᕈᑕᐅᒍᓐᓇᕐᒪᑦ. ᐃᓱᒪᔪᖓ ᐊᒥᓱᒃᑲᓐᓃᑦ ᓄᓇᖃᖅᑳᖅᓯᒪᔪᑦ ᐃᓄᐃᑦ ᑕᑯᔭᐅᓂᐊᖅᑐᑦ ᐱᐅᔪᒥᒃ, ᓂᕆᐅᓇᖅᑐᖅ, ᓯᕗᒻᒧᐊᒃᓗᓂ," ᓇᓚᐅᑦᑖᕐᓗᓂ.

ᑲᐃᑕᓐ ᒥᐅᕋᔅᑎ ᖃᐅᔨᒪᓚᐅᖅᑐᖅ ᐱᓕᕆᖃᑎᖃᕈᒪᓂᕐᒥᓂᒃ ᓄᓇᖃᖅᑳᖅᓯᒪᔪᓂᒃ, ᓇᓗᑐᐃᓐᓇᓚᐅᖅᑐᖅ ᖃᓄᐃᓕᐅᕆᐊᒃᓴᖅ, ᑭᓯᐊᓂ ᖃᐅᔨᓚᐅᖅᑐᖅ. ᓇᖕᒥᓂᖃᕐᕕᖓᒍᑦ, ᓄᓇᖃᖅᑳᖅᓯᒪᔪᑦ ᓂᐅᕐᕈᑎᖃᖅᑎᖏᑦ, ᐃᑲᔪᖅᑐᖅ ᓄᓇᖃᖅᑳᖅᓯᒪᔪᓂᒃ ᓇᖕᒥᓂᖃᖅᑎᐅᔪᓂᒃ ᐊᒻᒪ ᓄᓇᓕᖕᓂ ᑎᑭᐅᑎᖁᓪᓗᒋᑦ ᑐᕌᒐᕆᔭᖏᓐᓄᑦ. ᐱᓕᕆᔪᒻᒪᕆᐅᓚᐅᖅᑎᓪᓗᒍ ᓯᕗᓪᓕᕐᒥ ᐊᕐᕌᒍᒥ, ᐱᕈᖅᑎᒍᒪᓕᖅᑕᖓ ᓇᒻᒥᓂᖁᑎᖓ ᐊᒻᒪ ᑲᓲᒪᖃᑎᖃᕐᓗᓂ ᐱᒋᐊᕐᕕᒋᓚᐅᖅᑕᒥᓂᒃ. ᐱᒋᐊᖅᑎᑦᑎᓚᐅᖅᓯᒪᕗᖅ ᑲᓇᑕᓕᒫᒥ ᓄᓇᖃᖅᑳᖅᑐᑦ ᐃᓄᐃᑦ ᐅᓪᓗᖓᓂᒃ, ᐱᒋᐊᖅᑎᑦᑎᓪᓗᓂᓗ ᑲᒻᐸᓂᒥᒃ ᖁᕕᐊᓱᒍᑎᖃᖅᐸᒃᑐᒥᒃ ᐊᕐᕌᒍᓕᒫᖅ.

‍