"ᐊᒃᓱᕈᕐᓇᑦᑎᐊᖅᑐᖅ ᓂᕆᐅᒋᐊᒃᓴᖅ ᐅᓂᒃᑳᓯ ᖃᓄᐃᓕᖓᓂᐊᕐᒪᖔᑦ. ᑎᑎᕋᑐᐃᓐᓇᕆᐊᖃᕋᕕᑦ, ᐸᕐᓇᒍᑎᖃᑐᐃᓐᓇᕆᐊᖃᕋᕕᑦ ᖃᓄᐃᑦᑐᓂᒃ ᐃᓱᒪᒻᒪᖔᑕ, ᑭᓯᐊᓂᓕ ᓇᓗᓇᕈᔪᒻᒪᑦ ᓇᓚᐅᑦᑖᕋᓱᐊᕆᐊᖓ. ᐅᓂᒃᑳᕆᔭᐃᑦ ᑎᑎᕋᖅᐸᑦᑕᐃᑦ, ᑕᐃᒪᐃᑦᑐᖅ ᖃᐅᔨᒪᔭᐅᓂᐊᖅᑐᖅ, ᐊᒻᒪᓗ ᑕᐃᒪᓐᓇ ᑭᖑᕚᒃᓴᕗᑦ ᐅᕝᕙᓘᓐᓃᑦ ᐃᓄᐃᑦ ᓄᓇᓕᓐᓂ ᖃᐅᔨᒪᓂᐊᖅᑐᑦ ᐃᓕᓐᓂᒃ. ᐃᖅᑲᐅᒪᔾᔪᑎᖃᕐᓂᐊᖅᑐᓯ. ᖃᓄᖅ ᐃᖅᑲᐅᒪᔭᐅᔪᒪᕕᑦ ᑭᓱᓂᒡᓗ ᐃᖅᑲᐅᒪᔪᒪᕕᑦ? ᖃᓄᐃᓕᐅᕆᐊᖃᖅᐱᑦ ᑕᐃᑯᙵᕋᓱᒃᓗᑎᑦ?" ᐊᐱᕆᓗᒍ ᑲᐃᐅᓪ ᓇᐱᐊᐃ ᕗᐊᑦ ᓯᒥᑦ, ᓄᓇᑦᓯᐊᖅ.

ᓈᐱᐅᕐ ᐃᓕᑕᕆᔭᐅᔾᔪᑎᑖᓵᓚᐅᖅᑐᖅ ᓴᓇᐅᒐᓕᕆᓂᕐᒥᒃ ᑐᓴᐅᒪᔪᓕᕆᓂᕐᒥᒃ ᐱᓕᕆᔾᔪᑎᓂᒡᓗ ᐊᒻᒪ ᐃᓕᑕᕆᔭᐅᔾᔪᑎᑖᖅᓯᒪᓪᓗᓂ ᑐᓴᐅᒪᔪᓕᕆᓂᕐᒧᑦ ᐱᕙᓪᓕᐊᔪᓕᕆᔨᐅᓂᕐᒧᑦ. ᐱᒋᐊᓕᓚᐅᖅᑐᖅ ᓄᓇᒥᓂᑦ ᐊᑭᖃᙱᑦᑐᓂᑦ ᓂᔾᔭᐅᑎᓂᑦ ᐱᔪᒪᑎᓪᓗᒍ ᐊᐱᕆᓕᓚᐅᖅᑐᖅ ᓄᓇᓕᖕᓂᑦ ᐅᖃᓕᒫᒐᓂᑦ ᐊᐱᖅᓱᕈᓐᓇᖕᒪᖔᑦ ᑎᑕᒃᑎᓂᑦ ᐅᓂᒃᑳᓕᐅᕐᓗᓂᓗ. ᑕᐃᓐᓇ ᓯᕗᓪᓕᖅᐹᖅ ᐅᓂᒃᑳᖅᑐᐊᖅ ᐱᓕᕆᐊᖃᓕᓚᐅᖅᑐᖅ ᓂᔾᔭᐅᓯᔭᕐᓂᒃᑯᑦ ᐱᕙᓪᓕᐊᔪᓕᕆᓂᕐᒥᒃ ᕿᒥᕐᕈᓪᓗᑎᒃ ᓂᔾᔭᐅᑎᓂᒃ. ᒫᓐᓇ ᐃᖅᑲᓇᐃᔭᓕᖅᑐᖅ ᓂᐱᓂᒃ ᑕᐅᑐᕋᓐᓈᖅᑎᐅᓪᓗᓂ ᐊᒻᒪᓗ ᓂᐱᖃᖅᑐᓂᒃ ᑲᑎᒪᔨᐅᖃᑦᑕᖅᓯᒪᓪᓗᓂ ᑕᐅᓴᖏᓐᓃᑦᑐᓂᒃ ᓂᔾᔭᐅᓯᔭᖅᑐᓂᒃ, ᖁᕕᐊᓱᐊᑎᑦᑎᔪᓂᒃ, ᐊᒻᒪᓗ ᖃᓄᐃᓕᐅᕐᓂᐅᔪᓂᒃ, ᐱᓇᓱᐊᕈᓯᑕᒫᑦ ᐊᑭᖃᖏᑦᑐᓂᒃ ᓂᔾᔭᐅᓯᔭᖅᑐᓂᒃ ᐊᒻᒪᓗ ᐃᑲᔪᖃᑦᑕᖅᑐᓂ ᑎᑕᒃᑎᓂᒃ, ᐊᓯᖏᓐᓂᒃ ᐃᖅᑲᓇᐃᔮᓂᒃ. 

ᐃᓕᓐᓂᐊᕐᕕᖕᒥ ᐱᓕᕆᓚᐅᖅᐳᖅ ᐃᓚᒋᔭᐅᓪᓗᓂ ᐃᓕᑕᕆᔭᐅᔾᔪᑎᑖᖅᖢᓂ ᐊᔾᔨᒌᙱᑦᑐᓂᒃ ᓄᓇᒧᐊᕈᓐᓇᖅᖢᓂ ᐃᓱᒪᑦᑎᐊᖅᖢᓂᓗ ᖃᓄᖅ ᑲᑎᙵᑎᑦᑐᓐᓇᕐᒪᖔᕐᒥᒋᑦ, ᐃᑲᔪᖃᑕᐅᓗᓂ ᓄᓇᖃᖅᑳᖅᓯᒪᔪᑦ ᐅᖃᐅᓯᖏᓐᓂᒃ, ᓄᓇᖁᑎᖏᓐᓂᒃ ᐊᒻᒪ ᖃᐅᔨᒪᔭᖏᓐᓂᒃ ᐃᓐᓇᐃᑦ ᐊᒻᒪ ᐊᒃᑐᐊᓂᕆᔭᖏᑦ ᓄᓇᒧᑦ. ᐃᓕᑦᑎᓂᖅ ᐅᖃᐅᓯᕐᒥᓂ ᐊᓯᒋᓚᐅᕐᒪᒍ ᐱᓕᕆᐊᕆᔪᒪᓕᓚᐅᖅᑕᖓ.

"ᐊᓯᐊᓃᓚᐅᖅᓯᒪᓐᓂᖅᖢᓂ ᐅᑎᒧᓪᓗ, ᓇᓗᓇᕈᓐᓃᖅᑎᑦᑎᓪᓚᕆᓚᐅᖅᐳᖅ ᐱᒻᒪᕆᐊᓘᓂᖓᓂᒃ ᐊᖏᕐᕋᐅᑉ ᑕᐃᑲᓂᓗ ᐊᖏᕐᕋᕆᔭᐅᔪᒥ ᐃᑭᑦᑐᖃᕐᓂᖓᓂᒃ." 

ᐱᕈᖅᐸᓪᓕᐊᓪᓗᓂ, ᓇᐱᐅ ᓄᓇᖃᓚᐅᖅᑐᖅ ᓄᓇᓕᖕᒥ 11-ᑐᐃᓐᓇᕐᓂ ᐃᓄᖕᓂᒃ ᓅᓚᐅᙱᑎᓪᓗᒋᑦ ᓄᓇᓕᖕᓄᑦ 250-ᓂᒃ ᐃᓄᖃᖅᖢᓂ. 6-ᖑᑎᓪᓗᒍ, ᐊᓈᓇᖓ ᑲᑎᖃᑎᖃᓚᐅᖅᑐᖅ ᕕᐅᓪᑎᐅᓪᕕᐊᒥᑦ ᓅᖦᖢᓂᐅᒡᓗ. ᐊᖏᕐᕋᒥᓂᒃ ᐃᓕᓐᓂᐊᓚᐅᖅᑐᖅ ᐊᕐᕌᒍᒧᑦ ᐃᓕᓐᓂᐊᕆᐊᓚᐅᕋᓂ. ᖃᑕᙳᑎᖏᑦ ᓅᖃᑦᑕᖅᑐᑦ ᐊᕐᕌᒍᑕᒫᑦ ᐊᒃᓱᕈᕐᖢᓂᓗ ᓴᓇᓂᕐᒥᒃ ᐊᓯᐅᔨᓂᕐᒥᒃᓗ ᐱᖃᓐᓇᕆᔭᒥᓂᒃ. ᐱᔭᕇᓕᓚᐅᖅᑐᖅ ᐃᓕᓐᓂᐊᕐᕕᐊᓗᒻᒥ ᑳᓪᒍᕆᒥ ᐊᒻᒪᓗ ᓱᓪᓗᓕᓕᕆᓪᓗᓂ, ᐃᖅᑲᓇᐃᔭᖅᑐᓂ ᓇᓪᓕᒋᔭᒥᓂᒃ ᐊᒻᒪᓗ ᓇᓂᓯᓪᓗᓂ ᐊᒃᓱᕈᓐᓇᖅᑐᒥᒃ, ᐱᕕᒃᓴᖃᑦᑎᐊᖏᑎᐊᖅᑐᓂ. 

ᓯᓚᒥ ᐃᖅᑲᓇᐃᔭᕆᐊᒃᓴᖅ ᖁᕕᐊᒋᓚᐅᙱᑕᖓ ᐅᑭᐅᒃᑯᑦ. ᓄᓇᑦᓯᐊᕐᒥᐅᑕᐅᓚᐅᖅᓯᒪᔪᖅ ᐊᒻᒪᓗ ᐃᖅᑲᓇᐃᔭᕋᓱᓚᐅᖅᓯᒪᓪᓗᓂ ᒪᒃᑯᒃᑐᒃᑯᕕᖕᒥ, ᑕᐃᑲᓂᓗ ᐃᖅᑲᓇᐃᔭᓚᐅᖅᓯᒪᓪᓗᓂ ᐊᕐᕌᒍᓄᑦ ᐅᓄᖅᑐᓄᑦ ᐊᔾᔨᒌᙱᑦᑐᓂ ᐱᓕᕆᐊᖃᖅᖢᓂ ᓅᓚᐅᕋᓂ ᓇᖕᒥᓂᖃᖅᑐᓄᑦ ᐱᕙᓪᓕᐊᔪᓕᕆᕝᕕᖕᒧᑦ. ᑕᒪᒃᑯᐊ ᐃᖅᑲᓇᐃᔮᑦ ᐱᔪᓐᓇᕐᓂᖃᓗᐊᓚᐅᙱᑦᑐᑦ, ᑭᓯᐊᓂ ᓇᒻᒥᓂᖅ ᑕᖅᑲᐅᖓᖅᑎᑉᐸᖏᑦ ᐊᒻᒪ ᐃᓄᐃᑦ ᓄᓇᓕᒻᒥᓃᑦᑐᑦ ᐱᕕᖃᑦᑎᑦᓯᒍᒪᓚᐅᖅᑐᑦ. ᑕᐃᑲᙵᑦ, ᓂᔾᔭᐅᓯᔭᕐᓂᕐᒧᑦ ᐱᕙᓪᓕᐊᔪᓕᕆᔨᓄᑦ ᐊᒻᒪᓗ ᓂᐱᓕᐅᕆᔨᕈᖅᑐᓂ ᐊᒻᒪᓗ ᓱᓕ ᓄᑖᓂᒃ ᐱᓇᓱᐊᕐᒪᑦ, ᑎᑎᕋᐅᔭᕋᓱᐊᖅᑐᓂ ᑕᕐᕆᔭᓕᐊᒥᒃ ᐅᖃᐅᓯᕐᒥᑎᒍᑦ 300-ᓂᒃ ᐅᖃᓪᓚᑦᑎᖃᑦᑐᓂ. 

"ᐃᓱᒪᒋᔭᖃᕐᓂᖅ ᐅᖃᐅᓯᕐᒥᒃ ᖃᓪᓗᓈᑑᙱᑦᑐᖅ, ᐃᓱᒪᓂᖅ ᓯᕗᓕᕕᓂᖅᐱᑦ ᐅᖃᐅᓯᖅᑕᖓᓂ, ᐊᓯᔾᔩᕐᔪᐊᖅᑐᖅ ᓄᓇᕐᔪᐊᕕᑦ ᖃᓄᐃᓕᖓᓂᖓᓂᒃ"

"ᑕᕐᕆᔮᒃᓴᑦ ᐱᙳᐊᕈᑎᑦ ᐋᖅᑭᒃᓯᒪᓂᖏᑦ ᑕᑯᒃᓴᐅᑎᑦᑎᔪᑦ ᑭᓱᓕᒫᓂᒃ ᐃᓕᓚᐅᖅᓯᒪᔭᕐᓂᒃ ᐃᓅᓯᕐᓂ ᐋᖅᑭᒃᓱᐃᓗᑎᑦ ᐱᙳᐊᕈᑎᒥᒃ, ᐋᖅᑭᒃᓯᓗᓂ ᐱᙳᐊᕈᑎᒥᒃ. ᐃᓱᒪᕗᑎᑦ ᖃᓄᖅ ᐃᓄᐃᑦ ᐃᓕᖕᓂ ᐱᓕᕆᖃᑎᖃᖅᐸᖕᒪᖔᑕ, ᖃᓄᖅ ᓂᕐᔪᑎᑦ ᐊᒃᑐᐊᖃᑦᑕᐅᑎᕙᖕᒪᖔᑕ. ᐃᓱᒪᒋᔭᖃᖅᐳᑎᑦ ᖃᓄᖅ ᐱᙳᐊᖅᑎ ᐃᓚᐅᕙᖕᒪᖔᑦ ᐱᙳᐊᕐᓂᕐᒥᒃ, ᑭᓱᓂᒃ ᐃᓄᖕᒥᑦ ᐊᑦᑕᑕᖅᑎᑦᑎᕙᖕᒪᖔᑦ, ᑭᓱᓂᒃ ᐱᕕᒃᓴᖃᖅᑎᑦᑎᕙ ᑭᓇᒥᑭᐊᖅ ᐃᓕᑦᑎᔪᓐᓇᕐᓂᕐᒥᒃ, ᑕᐃᒪᐃᓕᐅᕐᓂᕐᒥᓂᓗ ᐃᒃᐱᒋᔭᖃᙱᖦᖢᓂ ᐃᓕᓐᓂᐊᕐᓂᕐᒥᓂᒃ? ᐃᓕᓐᓂᐊᕐᕕᑐᐃᓐᓇᐅᖅᑰᔨᖁᙱᑕᑦ, ᓲᕐᓗ ᑕᕐᕆᔭᐅᑎᑎᑐᑦ ᐱᙳᐊᕈᑎᐅᖅᑰᔨᖁᙱᖦᖢᒍ, ᑭᓯᐊᓂ ᐃᓄᐃᑦ ᐃᓕᑦᑎᓲᖑᕗᑦ ᐅᖃᐅᓯᕐᒥᒃ ᐱᙳᐊᖅᑎᓪᓗᒋᑦ," ᑕᑯᒃᓴᐅᑎᑦᑎᔪᖅ. 

ᒫᓐᓇ ᑲᑎᒪᔩᑦ ᓄᓇᖃᖅᑳᖅᓯᒪᔪᑦ ᓄᓇᖁᑎᖏᓐᓄᑦ ᓄᓇᙳᐊᑦ, ᖃᐅᔨᒪᔭᐅᑦᑎᐊᖅᑐᖅ ᓄᓇᙳᐊᖅ ᐱᓕᕆᖃᑎᒋᔭᐅᔪᖅ TakingITGlobal−ᑯᓐᓂ ᐱᓕᕆᑎᑦᑎᓪᓗᑎᒃ ᑭᒃᑯᑦ, ᓇᐱᐊᐃ ᐃᓕᑦᑎᓚᐅᖅᐳᑦ ᐱᓕᕆᖃᑎᖃᕈᓐᓇᖅᓯᓪᓗᑎᒃ TakingITGlobal's Connected North-ᑯᓐᓂ ᐃᓕᓐᓂᐊᕐᕕᖕᒥ ᓯᕗᓕᖅᑎᐅᓪᓗᑎᒃ. "ᐱᓕᕆᔨᓪᓚᕆᐅᔪᖓ ᐃᓄᑑᓪᓗᖓ ᐊᓱᐃᓛᒃ ᐊᔪᕐᓇᙱᑦᑐᑯᓘᓪᓗᓂ ᓅᑎᓪᓗᒋᑦ ᑖᒃᑯᐊ ᐊᔪᙱᓐᓂᓕᒫᑦ ᐃᓕᓴᐃᔨᙳᓚᐅᙱᑎᓪᓗᒍ ᒫᓐᓇ ᐃᓕᓐᓂᐊᕐᕕᐊᕈᓯᕐᒥ," ᓇᓗᓇᐃᖅᓯᓪᓗᓂ.

ᑲᓇᑕᐅᑉ ᓯᓚᑖᓄᑦ ᐊᐅᓪᓚᓚᐅᖅᑎᓪᓗᒍ, ᐅᖃᐅᔾᔪᐃᒋᐊᖃᑦᑕᖅᐳᖅ ᒪᒃᑯᒃᑐᓂᒃ ᓄᓇᒥᓂᒃ ᐊᐅᓪᓚᖁᔨᓪᓗᓂ ᑭᓱᑐᐃᓐᓇᕐᒧᑦ ᓄᑖᒧᑦ. "ᑲᓱᒃᑕᐃᓕᒋᑦ," ᐅᖃᐅᔾᔨᔪᖅ, ᐊᐱᕆᖁᔨᓪᓗᓂ ᓄᓇᓕᔅᓯᓐᓂ ᖃᐅᔨᓗᑎᓪᓗ ᖃᐅᔨᒪᔪᖃᕐᒪᖔᑦ ᐃᓄᖕᓂᒃ ᓅᕝᕕᒋᔭᕐᓂᒃ ᐊᔪᕐᓇᙱᓐᓂᖅᓴᐅᑎᑦᑎᓇᔭᖅᑐᒥᒃ ᓅᑉᐸᓪᓕᐊᓂᕐᒥᒃ. ᐅᖃᖅᖢᓂ ᕿᓂᖁᔨᓪᓗᓂ ᐅᖃᐅᓯᓕᕆᓂᖕᒥᑦ ᐃᓕᖅᑯᓯᓕᕆᓂᖕᒥᓪᓗ ᓄᑖᒥᑦ ᓄᓇᓕᖕᓂᑦ ᐱᖃᓐᓇᕆᔭᖅᑖᖁᓪᓗᒋᑦ.

ᐊᓯᖓ ᐅᖃᐅᔾᔨᒋᐊᕈᑎᖓ "ᓴᐳᒻᒥᑦᑎᑦᑕᐃᓕᒋᑦ ᐅᕝᕙᓘᓐᓃᑦ ᑲᙳᓱᒃᑎᑦᑎᑕᐃᓕᓂᖅ ᐊᕝᕕᐊᕈᑕᐅᒻᒪᑦ ᓇᒻᒥᓂᖅ ᑲᔪᓯᑦᑎᐊᕐᓂᓐᓄᑦ. ᐃᓚᖓᑦ ᐱᐅᓂᖅᐹᖑᔪᖅ, ᑕᐃᒪᐃᓚᐅᖅᓯᒪᕗᖓᓕ, ᐃᓱᒪᒐᓗᐊᕈᕕᑦ ᐱᔪᓐᓇᖅᑐᒋᓐᖏᒃᑲᓗᐊᕈᕕᑦ ᑭᓱᑐᐃᓐᓇᕐᒧᑦ, ᐱᓇᓱᐊᑐᐃᓐᓇᕐᓗᑎᑦ ᖃᐅᔨᒪᙱᓇᕕᑦ ᑭᓇ ᐱᓇᓱᐊᕐᒪᖔᖅ ᐅᕝᕙᓘᓐᓃᑦ ᑭᓇ ᑲᙳᓱᒻᒪᖔᖅ, ᐊᒻᒪᓗ ᓂᕈᐊᕋᔅᓴᑦᑎᐊᕙᐅᒐᔭᖅᑐᑎᑦ. ᐅᕝᕙᓘᓐᓃᑦ ᖃᐅᔨᑐᐃᓐᓇᕆᐊᖃᖅᑐᑎᑦ ᐱᔪᒃᓯᓂᕐᒥᒃ ᖃᐅᔨᓚᐅᖅᓯᒪᙱᑕᕐᓂᒃ ᐃᓕᖕᓄᑦ," ᐱᖁᔨᔪᖅ.

ᓱᓪᓗᓕᕆᔨᐅᓪᓗᓂ, ᖃᐅᔨᒪᓚᐅᙱᑦᑐᖅ ᐱᓕᕆᖃᑎᖃᕆᐊᒃᓴᕐᓂᒃ ᖁᕕᐊᒋᓕᕋᔭᖅᑖᑎᑦ. ᑕᐃᒪᓕ, ᒪᑐᐃᙶᖁᔨᕗᖅ ᓄᑖᓂᒃ ᐃᓅᓯᕐᒥ ᖃᐅᔨᖃᑦᑕᖅᓯᒪᔭᖏᓐᓂᒃ. "ᑕᒪᒃᑯᐊ ᐊᔾᔨᒌᙱᑦᑐᑦ ᐃᓅᓯᕐᒧᑦ ᐊᑐᖅᑕᐅᖃᑦᑕᖅᓯᒪᔪᑦ ᐃᑲᔫᑎᒋᔪᓐᓇᖅᑖᑎᑦ ᐃᓱᒪᑦᑎᐊᕈᓐᓇᖅᓯᓗᑎᑦ ᐱᐅᓂᖅᓴᑐᐃᓐᓇᐅᙱᑦᑐᒥᑦ ᐊᒻᒪ ᓯᕗᓂᒃᓴᑦᑎᐊᕙᖕᒥᑦ ᐃᓕᖕᓄᑦ, ᑭᓯᐊᓂ ᐃᓄᖕᓄᑦ ᒪᓕᖕᓂᐊᖅᑐᓄᑦ ᐃᓕᖕᓂᒃ ᐅᕝᕙᓘᓐᓃᑦ ᓄᓇᔅᓯᓐᓄᑦ," ᑐᓴᖅᑎᑦᑎᕗᖅ.

ᕿᓕᖅᓯᓇᐅᔭᕐᓗᖃᑦᑕᓚᐅᕐᒪᑦ ᐃᖏᕐᕋᑎᓪᓗᒍ. ᖃᓪᓗᓈᑦ ᓄᓇᖓᓐᓄᑦ ᓅᒻᒪᑦ ᐃᓕᓐᓂᐊᕆᐊᖅᑐᓂ 1,000-ᓂᒃ ᑮᓇᐅᔭᓂᒃ ᓱᓪᓗᓕᕆᔭᖅᑐᖅᑐᓂ, ᑮᓇᐅᔭᖃᓚᐅᙱᒻᒪᑦ ᐃᓪᓗᓕᕆᓂᕐᒧᑦ ᐊᒻᒪ ᐃᔅᓯᕙᐅᑕᑯᑖᖃᕆᐊᖃᖅᑐᓂ ᐊᒻᒪ ᓇᓂᓯᒋᐊᖃᖅᑐᓂ ᐊᑭᖃᙱᑦᑐᓂᒃ ᓂᕿᓂᒃ. ᖃᑕᙳᑎᖏᑦ ᐃᑲᔪᕈᓐᓇᓚᐅᙱᒻᒪᑕ. ᐊᑐᖅᓯᒪᔭᖓᑦ ᖃᐅᔨᑎᑦᑎᔪᒪᓚᐅᖅᑐᖅ ᐊᑐᖅᓯᒪᔭᒥᓂᒃ ᐊᒻᒪᓗ ᐊᒃᓱᕈᖅᖢᓂ ᐱᓕᕆᓪᓗᓂ.

ᒪᒃᑯᓐᓂᖅᓴᐃᑦ ᓇᒻᒥᓂᖅ ᐅᖃᐅᔾᔨᒋᐊᕈᓐᓇᖅᐸᑕ ᒪᓕᒃᑲᔭᖅᐳᖅ ᐊᑐᖅᑕᒥᓂᒃ ᐊᒻᒪ ᐅᑉᐱᕈᓱᓐᓂᕐᒥᓂᒃ. ᖃᐅᔨᒪᖁᔨᒋᕗᖅᑕᐅᖅ ᓇᖕᒥᓂᖅ ᐊᒃᓱᕈᓗᐊᖁᙱᖦᖢᒍ ᐊᓂᒍᖅᑎᓐᓇᓱᒡᓗᒍ ᑭᓯᐊᓂ ᓂᒡᓚᖅᓯᑐᐃᓐᓇᕐᓗᓂ ᐃᓄᖕᓂᒃ ᑕᑯᓗᓂᓗ ᓇᐅᒃᑯᑦ ᐊᒃᑐᐊᖃᑦᑕᐅᑎᖕᒪᖔᑕ. "ᐱᔪᒪᓂᖃᕈᕕᑦ ᑭᓱᒥᑭᐊᖅ, ᑕᐃᑐᐃᓐᓇᕐᓗᒍ ᑭᓇᑭᐊᖅ ᐱᔪᒪᔪᖅ, ᓲᖃᐃᒻᒪ ᐃᓄᐃᑦ ᖁᕕᐊᒋᔭᖃᕐᒪᑕ ᐅᖃᐅᓯᖃᕆᐊᒃᓴᖅ ᑭᓱᒥᒃ ᐱᔪᒪᓂᖃᕐᒪᖔᑕ," ᐅᖃᐅᔾᔨᔪᖅ, ᖃᐅᔨᒪᓗᓂ ᑕᐃᒃᑯᐊ ᐅᖃᖃᑎᒌᒍᑎᑦ ᑐᕌᖅᑎᑦᑎᔪᓐᓇᖅᑐᑦ ᐅᖃᐅᔾᔨᒋᐊᕈᑎᓂᒃ ᖃᓄᖅ ᓯᕗᒻᒧᐊᒍᓐᓇᕐᒪᖔᑦ ᐱᓕᕆᕝᕕᒋᔪᒪᔭᕐᓂ.

ᖃᐅᔨᒪᓐᓂᖏᒻᒪᑦ ᖃᓄᖅ ᑕᐅᑦᑐᖃᕐᓂᐊᕐᒪᖔᖅ, ᑭᓯᐊᓂ ᑕᐃᓐᓇ ᑲᐃᐅᓪ ᓇᐱᐅ ᑎᑎᕋᓚᐅᖅᑐᖅ ᓇᒻᒥᓂᖅ ᓇᓗᓇᐃᖅᓯᓯᒪᕗᖅ ᖃᓄᐃᑦᑐᒥᒃ ᓯᕗᓂᐊᓂᐊᕐᒪᖔᖅ ᐊᒻᒪᓗ ᕿᒪᓐᓂᐊᖅᑕᖓ. ᒪᒃᑯᒃᑐᓂᒃ ᐱᓕᕆᖃᑎᖃᖅᖢᓂ, ᐅᖃᐅᓯᕐᒥᓂᒃ ᐱᓕᕆᖃᑎᖃᖅᖢᓂ, ᐃᓄᖕᓂᒃ ᐃᑲᔪᖅᖢᓂ ᑎᑕᒃᑐᓂᒃ ᐊᒻᒪ ᐋᖅᑭᒃᓱᐃᑎᓪᓗᒋᑦ ᑕᕐᕆᔭᐅᓯᐅᖅᑐᓂᒃ, ᐱᕕᒃᓴᓕᐅᖅᐸᓪᓕᐊᕗᖅ ᐃᓕᓐᓂᐊᕐᓂᕐᒧᑦ ᐊᒻᒪ ᐃᓚᐅᑎᑦᑎᓂᕐᒧᑦ. ᓄᓇᓕᒻᒦᙶᖅᓯᒪᔪᖅ 11-ᓂᒃ ᐃᓄᓐᓂᒃ ᐊᒻᒪᓗ ᒫᓐᓇ ᑐᓴᐅᒪᖃᑎᒌᑦᓯᐊᓕᖅᓱᓂ ᒪᑐᐃᖃᑦᑕᖅᓱᓂ ᓄᑖᓂᒃ ᐱᕕᑦᓴᖃᕐᓂᐅᔪᓂᒃ ᖃᐅᑕᒫᑦ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.