ᓯᕗᓪᓕᕐᒥ ᑲᔪᓯᑦᑎᐊᙱᒃᑯᕕᑦ, ᐆᒃᑐᒃᑲᓐᓂᕐᓗᑎᑦ − ᑖᓐᓇ ᐃᓕᓐᓂᐊᕈᑎᐅᔪᖅ ᒍᕋᐃ ᑕᑯᑎᑦᑎᔪᖅ ᐃᖏᕐᕋᑎᓪᓗᒍ ᑕᐃᒪᓐᓇᓗ ᐱᓕᕆᓪᓗᓂ ᐱᔪᒪᔭᒥᓂᒃ. ᐃᓅᓚᐅᖅᓯᒪᔪᖅ ᐃᓅᓪᓗᓂ ᐃᓅᕕᒻᒥ, ᓄᓇᑦᓯᐊᕐᒥ ᐊᒻᒪᓗ ᓯᓚᑦᑐᓴᕐᕕᔾᔪᐊᒥ ᐃᓕᓐᓂᐊᖅᑎᐅᓪᓗᓂ ᐃᖅᑲᓇᐃᔭᖅᑐᓂ ᐊᕈᐊᕋ ᖃᐅᔨᓴᖅᕕᖓᓂ ᐊᐅᔭᒃᑯᑦ. ᑖᓐᓇ ᐊᐃᑉᐸᕆᓪᓗᓂᐅᒃ ᐱᓇᔪᒃᑕᖓ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᕐᓂᕐᒥ; ᓄᖅᑲᕆᐅᓚᐅᖅᑐᖅ ᐊᕐᕌᒍᐃᑦ ᐱᖓᓱᑦ ᐊᓂᒍᖅᑎᓪᓗᒋᑦ ᐊᒻᒪᓗ 7-ᓂᒃ ᐊᕐᕌᒍᓂᒃ ᓄᖅᑲᖓᓚᐅᖅᑐᓂ.

ᐃᓕᓐᓂᐊᕐᕕᖕᓃᙱᖦᖢᓂ, ᒍᕋᐃ ᒪᒥᓴᕆᐊᖅᑐᕐᖢᓂ ᖃᐅᔨᓪᓗᓂᓗ ADHD−ᖃᕐᓂᖓᓂᒃ, ᓯᕘᕋᓂᕐᒥᒃ ᓂᑲᓪᓗᖓᓂᕐᒥᒃᓗ. ᑲᒪᒋᔭᐅᓪᓗᓂ ᑕᒪᒃᑯᓄᖓ ᖃᓄᐃᓐᓂᐅᔪᓄᑦ ᐊᒃᓱᐊᓗᒃ ᐃᑲᔪᕐᓂᖃᓚᐅᖅᑐᖅ ᐃᓅᓯᖓᓂ ᐊᒻᒪᓗ ᖃᐅᔨᓪᓗᓂ ᐱᔭᕇᕈᓐᓇᕐᓂᕐᒥᓂᒃ. ᑕᒪᓐᓇ ᐊᓂᒍᖅᑎᑦᑎᐊᖅᑰᔨᓕᓚᐅᖅᐸᐅᒃ ᖁᓱᙱᖦᖢᓂ ᐱᓇᔪᒋᐊᒃᓴᖅ ᐃᓕᓐᓂᐊᕐᕕᖕᒧᑦ ᐅᑎᕆᐊᒃᓴᖅ.

ᑖᓐᓇ ᐱᓕᕆᐊᖅ ᐊᑐᕋᓱᐊᓚᐅᖅᑕᖓ ᐅᖃᐅᓯᖃᑎᒌᖏᓐᓂᐅᔪᖅ, ᑕᒪᓐᓇ ᖁᕕᐊᒋᖃᑦᑕᓚᐅᖅᑕᖓ. "ᐅᖃᐅᓯᕐᒥᒃ ᑐᓴᕈᒪᐃᓐᓇᐅᔭᖅᑐᖓ ᐃᖅᑲᐅᒪᔭᓕᒫᓐᓂᒃ. ᐅᖃᐅᓯᕐᓂᒃ ᐃᓕᑦᑎᕙᓪᓕᐊᓂᕐᒥᒃ ᐊᓕᐊᓇᐃᒋᔭᖃᓚᐅᖅᑐᖓ. ᐅᖃᐅᓯᕐᓂᒃ ᐱᐅᒃᓴᖃᑦᑕᓚᐅᖅᑐᖓ, ᐃᓱᒪᕗᖓ, ᓲᕐᓗ ᑎᑕᒃᑎᑎᑐᑦ ᐱᕈᖅᓯᒪᔪᖅ ᓯᐅᑎᒃᑯᑦ ᓲᕐᓗ, 'ᐆ, ᑖᓐᓇ ᓂᐱᖓ', ᐅᕝᕙᓘᓐᓃᑦ 'ᑖᓐᓇ ᑭᖑᓕᕇᒃᑕᖅᑐᑦ ᓂᐱᖏᑦ ᖃᐅᔨᒪᔭᕇᖅᑕᒃᑲ'. ᐅᖃᐅᓯᓕᕆᓂᐊᖅᑲᐅᕗᖓ," ᓇᓗᓇᐃᖅᓯᓪᓗᓂ.

ᐊᓈᓇᖓ, ᐃᓄᕕᐊᓗᐃᑦ ᐃᓕᓐᓂᐊᕆᐊᖅᐸᓚᐅᖅᓯᒪᓪᓗᓂ, ᐅᖃᐅᓯᕐᒥᓂᒃ ᐃᓕᓐᓂᐊᓚᐅᙱᑦᑐᖅ ᑭᓯᐊᓂ ᐊᖏᕐᕋᒥᓂᒃ ᐅᖃᐅᓯᕐᓂᒃ ᐊᑐᕋᓱᓚᐅᖅᑐᖅ. ᐃᓕᑦᑎᕙᓚᐅᖅᑐᖅ ᐊᔾᔨᒌᖏᑦᑐᓂᒃ ᐅᖃᐅᓯᕐᓂᒃ ᐳᓚᕋᖅᑎᓂᒃ ᐊᒻᒪᓗ ᑐᓂᓯᓪᓗᓂ ᐱᔪᒪᓂᖃᕐᓂᕐᒥᒃ ᐅᖃᐅᓯᕐᒥᒃ ᐃᓕᑦᑎᓂᕐᒥᒃ Gray-ᒧᑦ. ᒫᓐᓇ, ᐅᖃᐅᓯᓕᕆᓂᕐᒥᑦ, ᒍᕇ ᐃᓕᑦᑎᒃᑲᓐᓂᖅᐳᖅ ᑐᑭᓕᐅᕆᓂᕐᒥᑦ.

ᒍᕋᐃᐅᑉ ᐅᖃᐅᔾᔪᐃᓂᖓ ᐃᓕᓐᓂᐊᖅᑎᓄᑦ ᐊᐅᓪᓚᖅᑐᓄᑦ ᓄᓇᒥᓂᒃ ᐃᓕᓐᓂᐊᕐᓂᐊᕐᓗᑎᒃ ᐊᔾᔨᑐᐃᓐᓇᖓ ᐅᖃᐅᔾᔪᐃᔾᔪᑎᖓᑕ ᑕᐃᒃᑯᓄᖓ ᑕᐃᑲᓃᖏᓐᓇᖅᑐᓄᑦ: "ᓄᓇᔅᓯᓐᓃᖏᓐᓇᕈᒪᒐᓗᐊᕈᕕᑦ ᐊᐅᓪᓚᕈᒪᒍᕕᓪᓘᓐᓃᑦ, ᐱᓕᕆᐊᕆᔭᕆᐊᖃᖅᐸᐃᑦ ᑭᓱᑐᐃᓐᓇᑦᑎᐊᓄᑦ ᐱᓯᒪᔭᕐᓄᑦ, ᐆᒻᒪᑎᓕᒫᕐᓄᑦ." ᑭᒡᒐᖅᑐᐃᕙᒃᐳᖅ ᖁᓱᙱᓐᓂᕐᒥᒃ ᖃᓄᑐᐃᓐᓇᖅ ᓂᕈᐊᕆᔭᕐᓂᒃ, ᑕᐃᑲᓃᖏᓐᓇᕈᒪᒍᓂ ᕿᒪᐃᔪᒪᒍᓂᓘᓐᓃᑦ, ᖃᐅᔨᔪᒪᓂᕐᒥᓂᒡᓗ ᒪᑐᐃᙶᑦᑎᐊᕐᓂᕐᒥᒡᓗ ᐃᓕᑦᑎᔪᒪᓂᕐᒧᑦ ᓇᓂᑐᐃᓐᓇᑦᑎᐊᖅ. ᐊᐅᓪᓚᓕᕋᒥ, ᐊᒥᓱᓂᒃ ᓄᑖᓂᒃ ᖃᐅᔨᔪᓐᓇᖅᓯᓚᐅᖅᑐᖅ ᐊᒻᒪᓗ ᐱᐅᓪᓗᓂ ᑖᔅᓱᒧᖓ, ᑭᓯᐊᓂ ᐅᒃᐱᕈᓱᒃᑐᖅ ᖁᕕᐊᓱᒍᓐᓇᕋᕕᑦ ᐊᒻᒪᓗ ᐃᓕᑦᑎᕐᔪᐊᕈᓐᓇᕋᕕᑦ ᐊᒻᒪᓗ ᐃᓅᓯᓕᒫᕐᓂᒃ ᐊᑐᖃᑦᑕᕐᓗᓂ ᐊᑕᐅᓯᕐᒦᓪᓗᓂ.

ᑐᓗᖅᑕᕈᑎᖃᓕᕌᖓᑦ, ᒍᕇ ᐊᒃᓱᕉᑎᖃᖅᓯᒪᔪᖅ ᐱᐅᙱᑦᑐᓂᒃ ᓇᖕᒥᓂᖅ ᐅᖃᓪᓚᒃᖢᓂ ᐃᖕᒥᓂᒃᓗ ᐅᐱᒋᑦᑎᐊᙱᖦᖢᓂ. ᐊᒃᓱᕉᑎᖃᖅᓯᒪᔪᖅ ᓇᖕᒥᓂᖅ ᖁᓱᙱᖦᖢᓂ, ᐃᒥᕈᓐᓇᑦᑎᐊᙱᖦᖢᓂ ᓱᐴᖅᑐᓗᐊᖅᖢᓂᓗ ᓱᐴᖅᑐᒐᕐᒥᒃ. ᐃᒻᒥᓂᒃ ᐱᓕᕆᓪᓗᓂ, ᐊᓂᒍᐃᔪᓐᓇᓚᐅᖅᑐᖅ ᐱᔭᕆᐊᖃᖅᑕᒥᓂᒃ ᐋᖓᔮᕐᓇᖅᑐᓄᑦ ᐊᒻᒪᓗ ᐃᓱᒪᔮᓗᐊᔾᔭᐃᒃᑯᑎᓂᒃ ᐱᙱᖦᖢᓂ. ᖁᕕᐊᒋᔭᖃᖅᑎᓪᓗᒍ ᐃᒥᖃᑦᑕᕐᓂᕐᒥᓂᒃ, ᑕᒪᓐᓇ ᐊᑐᕈᓐᓇᐃᓪᓕᓪᓗᓂᐅᒃ.

ᑐᓴᖅᑎᑦᑎᔪᓐᓇᕈᓂ ᒪᒃᑯᖕᓂᖅᓴᐅᖃᑎᒥᓄᑦ ᖃᓄᐃᒃᑲᔭᙱᑦᑐᖅ ᐃᑲᔪᖅᑕᐅᔪᒪᓗᓂ ᐊᒻᒪᓗ ᖃᐅᔨᒪᙱᓪᓗᓂ ᖃᓄᐃᓕᐅᕆᐊᖃᕐᒪᖔᕐᒥᓂᒃ. "ᐃᓱᒪᒋᔭᕋ ᐊᒃᓱᕈᖅᑎᑕᐅᓗᐊᕐᓂᕋᒪ ᓲᕐᓗ ᖃᓄᐃᓕᐅᕆᐊᖃᓚᐅᕋᒪ, ᓲᕐᓗ ᓯᓚᑦᑐᖅᓴᕐᕕᒡᔪᐊᓕᐊᕆᐊᖃᕐᓗᖓ, ᑕᐃᒪᐃᓚᐅᖅᑐᖓ, ᐊᒻᒪᓗ ᓄᒫᓱᒻᒪᕆᓕᓚᐅᖅᑐᖓ, ᐊᒻᒪᓗ ᖁᕕᐊᓱᒍᓐᓃᒻᒪᕆᓕᓚᐅᖅᑐᖓ ᑕᐃᒪᐃᒍᓐᓇᓚᐅᕐᓇᖓ. ᓲᕐᓗᓕ ᓂᑲᒍᓱᓗᐊᒧᑦ ᐅᕙᓐᓄᑦ ᐅᕙᓐᓄᑦ ᐱᐅᒍᓐᓃᖅᑎᒐᓱᓚᐅᖅᑕᕋ, ᑕᐃᒪᐃᒋᐊᑐᓚᐅᕐᓇᖓᓗ. ᖃᐅᔨᒪᓐᓂᕈᒪ, ᐱᕕᖃᑐᐃᓐᓇᕋᔭᖅᑐᖓ ᐃᓱᒪᒋᓗᒋᑦ ᐱᔪᒪᔭᒃᑲ ᐊᒻᒪᓗ ᐊᐱᕆᓗᖓ ᐃᑲᔪᖅᑕᐅᒍᒪ ᐱᔭᕆᐊᖃᕐᓂᕈᒪ, ᐃᑲᔪᕐᓂᖃᕋᔭᓚᐅᖅᑐᖅ," ᒍᕋᐃ ᐊᒃᑐᐊᓂᖃᖅᑐᖅ. ᖃᐅᔨᒪᖁᔨᓚᐅᕆᓪᓗᓂᓗ ᐃᓐᓇᕐᓂᒃ ᖃᐅᔨᒪᐃᓐᓇᖃᑦᑕᖁᙱᖦᖢᒋᑦ ᖃᓄᐃᓕᐅᕐᒪᖔᑕ ᐃᓐᓇᐅᓂᖏᓐᓄᑦ ᐊᒻᒪ ᐱᔪᓐᓇᖅᓯᕙᓪᓕᐊᓪᓗᑎᒃ.

ᑲᔪᓯᑎᓐᓂᐊᕐᓗᒍ ᐃᓱᒪᒃᑯᑦ ᖃᓄᐃᙱᑦᑎᐊᕐᓂᖓ, ᒍᕋᐃ ᐃᓚᐅᖃᑕᐅᓲᖅ ᐃᓅᓯᓕᕆᓂᕐᒥ ᐱᓕᕆᓗᓂ ᖃᓄᑐᐃᓐᓇᖅ, ᑭᓯᐊᓂ ᐃᓕᓴᕆᓗᒍ ᑕᐃᓐᓇ ᐃᖅᑲᓇᐃᔭᕆᐊᖃᖅᑐᖅ, ᑭᓱᒥᑭᐊᖅ ᐋᖅᑭᔾᔮᖏᖦᖢᓂᐅᒃ. ᐃᓱᒪᒥᐅᑕᖃᑦᑎᐊᕐᓂᕐᒧᑦ ᐱᓕᕆᐊᖃᖅᐸᖕᓂᖅ ᐃᑲᔪᕐᓂᖃᖅᓯᒪᒋᕗᖅ ᐊᒻᒪᓗᑦᑕᐅᖅ ᓱᓕ ᐊᔪᕈᓐᓃᖅᓴᖅᖢᓂ. ᐱᖃᓐᓇᕆᔭᑎᑦ, ᐃᓚᑎᑦ ᐊᓯᖏᓪᓗ ᐃᓄᐃᑦ ᐅᖃᓪᓚᖃᑎᒋᕙᒡᓗᒋᑦ ᐃᓱᒪᓗᐊᕈᓐᓇᐃᓪᓕᓐᓇᖅᐳᖅ ᐅᖃᑐᐃᓐᓇᖅᐸᙱᖦᖢᓂ. ᐱᓱᔪᖕᓂᖅ ᐱᙳᐊᕐᓂᕐᓘᓐᓃᑦ ᐃᑲᔪᕈᓐᓇᕐᒥᔪᑦᑕᐅᖅ.

ᑲᔪᖏᖅᓴᐃᓂᕐᒧᑦ, ᒍᕋᐃ ᑕᐅᑐᖃᑦᑕᖅᑐᖅ ᐃᓄᓐᓂᑦ ᐃᓅᓯᖓᓂᑦ ᓱᓕᔪᓂᑦ ᓇᒻᒥᓂᖅ ᐊᓯᒥᓂᓪᓗ. ᐊᒻᒪᓗ ᑕᕐᕆᔭᓕᐅᑲᑕᒃᖢᓂ ᐃᓄᐃᑦ ᖃᓄᐃᓕᐅᖅᑐᓂᒃ, ᐱᔪᒃᓯᑎᑦᑎᒋᓪᓗᓂ. ᑭᓇᑭᐊᖅ ᐱᔪᒃᓯᑎᑦᑎᓚᐅᖅᑐᖅ ᐊᑖᑕᒥᓂᒃ ᓄᓇᖃᖅᑳᖅᓯᒪᙱᖦᖢᓂ ᖃᐅᔨᔪᒪᑦᑎᐊᕐᖢᓂᓗ ᓄᓇᕐᔪᐊᒥ. ᐊᑖᑕᖓᑕ ᐊᐅᓪᓚᖃᑦᑕᕐᓂᕆᔭᖓᑕ ᐅᓂᒃᑳᖏᑦ ᐱᕈᖅᐸᓪᓕᐊᔾᔪᑎᒋᓚᐅᖅᐸᐅᒃ.

ᓄᓇᖃᖅᑳᖅᓯᒪᔪᑦ ᒪᒃᑯᒃᑐᖏᑦ ᖃᐅᔨᒪᖁᓪᓗᓂᒋᑦ ᐅᖃᐅᑎᓚᐅᖅᑕᒥᓂᒃ ᐃᓚᐅᔪᓂᒃ ᓇᖕᒥᓂᖃᖅᑎᑦ ᐱᕈᖅᐸᓪᓕᐊᑎᓪᓗᒋᑦ ᐃᓕᓐᓂᐊᖅᓯᓐᓈᑦ ᑲᑎᒪᓯᓐᓈᑦ, "ᐃᓱᒪᒋᔭᐅᔪᖅ ᑕᐸᐃᕆᐊᒃᓴᖅ ᑭᓯᐊᓂ ᐅᕙᓐᓂᒃ ᐃᒃᓯᕚᖃᑎᖃᑦᑎᐊᙱᓗᐊᓕᕈᕕᑦ." ᐃᒪᓐᓇ ᑐᑭᖃᕐᒪᑦ, ᓯᕗᓪᓕᖅᐹᑦᑎᐊᕐᒥᓘᓐᓃᑦ ᓄᑖᒥᒃ ᐆᑦᑐᕋᕕᑦ, ᑕᐃᒪᐃᓕᐅᖅᑐᑎᑦ, ᒥᑕᕆᓐᖏᑕᐃᑦ. ᑕᐃᒪᐃᒻᒪᑦ ᓂᕆᐅᒍᒪᕗᖅ ᐃᓄᐃᑦ ᑭᐱᑦᓯᓂᐊᕆᐊᖏᓐᓂᒃ. "ᐱᓕᕆᓪᓚᕆᒃᑲᕕᑦ ᐱᓕᕆᐊᕆᔭᕆᐊᖃᖅᑕᕐᓂᑦ ᒫᓐᓇᐅᔪᖅ ᐱᓕᕆᐊᕆᓕᕈᕕᐅᒃ, ᐊᒻᒪᓗ ᐊᒃᓱᕈᕐᓂᖅᓴᐅᒍᕕᑦ ᓇᖕᒥᓂᖅ ᓄᖅᑲᖓᑎᑦᑎᑐᐃᓐᓇᕐᓂᐊᖅᑐᖅ ᐱᕈᖅᐸᓪᓕᐊᓂᕆᔭᕐᓂᒃ. ᒥᑕᐅᑎᒋᙱᑕᐃᑦ, ᖃᓄᐃᓕᐅᓪᓚᕆᒃᑲᕕᑦ, ᐃᓕᑦᑎᓂᐊᖅᐳᑎᓪᓗ ᑲᔪᓯᕙᓪᓕᐊᑎᓪᓗᑎᑦ," ᓇᓗᓇᐃᖅᓯᒃᑲᓐᓂᖅᐳᖅ, ᒪᒃᑯᒃᑐᑦ ᐊᐱᖅᓱᖃᑦᑕᔾᔮᕋᓱᒋᙱᖦᖢᒋᑦ ᓄᓇᖃᖅᑳᖅᓯᒪᙱᓗᐊᕐᒪᖔᑕ, ᐃᓄᕕᐊᓗᐃᑦ ᓈᒻᒪᒃᑲᓗᐊᕐᒪᖔᑕ ᐅᕝᕙᓘᓐᓃᑦ ᐊᖓᔪᖅᑳᖃᕋᓗᐊᕐᒪᖔᑦ, ᖃᓄᐃᓕᐅᕐᓗᑎᒃ ᐱᕈᖅᐸᓪᓕᐊᓗᑎᒃ.

ᑲᔪᓯᑦᑎᐊᓚᐅᖅᑰᖏᑦᑐᖅ ᓯᕗᓪᓕᖅᐹᒥ ᐃᓕᓐᓂᐊᕋᓱᐊᖅᑎᓪᓗᒍ ᓯᓚᑦᑐᓴᕐᕕᕐᔪᐊᒥ, ᑭᓯᐊᓂ ᓇᒦᒋᐊᖃᕐᒪᖔᖅ, ᐊᒻᒪ ᐃᓕᓚᐅᖅᑐᖅ ᐱᒻᒪᕆᐅᔪᓂᑦ ᐃᓕᓐᓂᐊᓂᕐᒥᑦ. ᓇᓂᓯᓂᖅ ᐊᖅᑯᑎᒃᓴᒥᒃ ᒪᒥᓴᐃᓂᕐᒧᑦ ᐃᓱᒪᓕᕆᓂᕐᒧᑦ ᐊᒃᓱᕈᕐᓇᖅᑐᓄᑦ ᐃᓕᓐᓂᐊᕐᓂᕐᓗ ᐅᖃᐅᓯᕐᓂ, ᓛᓐᔅ ᒍᕇ ᐅᑎᕈᓐᓇᖅᓯᓪᓗᓂ ᐃᓕᓐᓂᐊᕐᕕᖕᒧᑦ ᐃᓅᓯᕐᒧᓪᓗ ᖁᕕᐊᒋᓕᕐᖢᓂᐅᒃ. ᐊᖏᕐᕋᖅᖢᓂ ᐊᒥᓱᓂᒃ ᐱᕕᒃᓴᖃᓚᐅᖅᐳᖅ ᐱᓕᕆᐊᖃᓪᓚᕆᒍᒪᓪᓗᓂᓗ ᑲᔪᓯᓂᕆᔭᐅᕙᒃᑐᒥᒃ ᐆᒻᒪᑎᓕᒫᒥᓄᑦ, ᕿᒥᕐᕈᐊᕈᓐᓇᓚᐅᖅᐳᖅ ᓇᒡᓕᒍᓱᖕᓂᕐᒥᓂᒃ ᐅᖃᐅᓯᕐᓂᒃ ᑲᔪᓯᓂᖃᑦᑎᐊᕈᓐᓇᕐᓂᕐᒥᒡᓗ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.