ᓇᒻᒥᓂᖃᖅᑎᐅᓂᖅ ᐊᒻᒪᓗ ᐅᑭᐅᖅᑕᖅᑐᒥ ᓂᖀᑦ ᓂᖀᑦ ᐊᐅᖓᓃᒻᒪᑕ, ᐊᒻᒪᓗ ᑕᐃᒪᐃᒻᒪᑦ ᐅᑭᐅᖅᑕᖅᑐᒥ-ᐱᕈᖅᓯᒪᔪᑦ ᓂᖀᑦ. ᐆᓇᖅᑐᑦ ᓂᖀᑦ ᐃᒃᑮᕐᓇᖅᑐᒥᑦ ᐅᑭᐅᖅᑕᖅᑐᒥᑦ ᒪᒪᖅᓯᑎᑦᑎᓯᒪᕗᑦ ᓄᑖᓂᒃ ᑎᐱᖏᓐᓂᒃ, ᓛᕋᓐᔅ ᓯᑎᔅᓕᒥᒃ ᐅᐃᔾᔮᖅᖢᓂ ᓄᓇᖃᖅᑳᖅᓯᒪᔪᑦ ᓂᖀᑦ ᓄᓇᓯᐅᑎᖓᓂ. ᖃᐅᔨᒪᓚᐅᓐᖏᓚᖅ ᖃᓄᖅ ᓂᕿᓕᕆᓂᕐᒧᑦ ᓯᓐᓇᑦᑑᒪᖏᑦ ᓱᓕᓪᓚᑦᑖᕐᒪᖔᑕ, ᑭᓯᐊᓂ ᓯᕗᒧᐊᒍᑎᖃᓚᐅᖅᐳᖅ ᒎᑎᐅᑉ ᐱᓇᓱᐊᕈᓯᖓᓂᒃ ᓇᒻᒥᓂᖃᕐᓂᕐᒥᒃ. 

ᓛᕋᓐᔅ ᓯᑎᑎᖕᓕ ᐱᕈᖅᓴᓚᐅᖅᓯᒪᕗᖅ ᑐᒃᑑᔮᖅᑐᕐᒥ, ᒥᑭᑦᑐᖅ ᐅᑭᐅᖅᑕᖅᑐᒥ ᓄᓇᓕᐅᓪᓗᓂ 900−ᐸᓗᖕᓂ ᐃᓄᖕᓂᒃ, ᐃᓅᕕᖕᒧᑦ ᓅᓚᐅᙱᓐᓂᕐᒥᓂᒃ ᐊᓂᒍᐃᔭᖅᑐᖅᖢᓂ. ᐃᓕᓐᓂᐊᕐᕕᕐᔪᐊᕐᒥᑦ ᐃᓕᓐᓂᐊᓚᐅᖅᑎᓪᓗᒍ, ᓄᓇᓕᐸᐅᔭᕐᒧᑦ ᓅᓚᐅᖅᓯᒪᔪᖅ ᑕᐃᑲᓂᓗ ᓯᕗᓪᓕᖅᐹᖓᓂ ᐊᕐᕌᒍᒥ ᐊᐅᓚᑦᑎᓪᓗᓂ ᓂᕿᒥᒃ ᓄᓇᓯᐅᑎᒥᒃ. ᓂᖅᑎᐅᖃᑦᑕᓕᓚᐅᖅᑐᖅ ᒪᒃᑯᒃᑑᓪᓗᓂ ᐊᒻᒪᓗ ᓂᕿᓕᐅᕈᒪᑦᑎᐊᓚᐅᖅᑐᖅ ᐃᖅᑲᐅᒪᔭᖓᒍᑦ ᒪᒪᖅᑐᒻᒪᕆᐊᓗᖕᒥᑦ ᓂᕿᒥᑦ ᐱᕈᖅᓴᓚᐅᖅᑕᖓᓂᑦ. 

ᐊᑖᑕᑦᑎᐊᖓ ᐊᒻᒪ ᐊᓈᓇᑦᑎᐊᒃᑯᖏᑦ ᐸᓚᐅᒑᓕᐅᓚᐅᖅᐳᑦ ᐊᒻᒪ ᐃᔅᑭᒨ ᑑᓇᑦᔅ-ᓂᒃ ᐊᒻᒪ ᐊᓯᒥᓄᑦ ᒪᒪᕆᔭᒥᓂᒃ ᑐᓴᖅᑎᑦᑎᔪᒪᓚᐅᖅᖢᓂ. ᑭᐅᔭᐅᓂᖓ ᓂᐅᕕᖃᑦᑕᖅᑐᓄᑦ ᐱᔪᒃᓯᓂᖃᑦᑎᐊᖅᓯᒪᔪᖅ, ᐊᒥᓱᓪᓗ ᖃᐅᔨᓪᓗᑎᒃ ᑖᒃᑯᐊ ᐱᐅᓛᖑᓂᖏᓐᓂᒃ ᓱᓕ. ᐊᒥᖅᑳᖃᑎᖃᖅᑐᖅ ᒪᒪᖅᑐᒥᒃ "ᐊᖏᕐᕋᒥ" ᐊᖏᕐᕋᖓᑕ ᐅᖓᓯᒋᔮᓂ ᐊᑐᕐᓂᑯᖏᓐᓂᓗ, ᐅᖃᐅᔾᔨᒋᐊᕈᑎᖃᖅᑐᖅ ᓄᓇᖃᖅᑳᖅᓯᒪᔪᑦ ᒪᒃᑯᒃᑐᖏᓐᓂ ᐃᓱᒪᒋᔭᖃᖅᑐᓂᒃ ᐊᐅᓪᓚᕐᓗᑎᒃ ᐊᖏᕐᕋᖏᓐᓂ ᓄᓇᓕᖏᓐᓂ ᐱᓇᓱᒃᓗᑎᒃ ᐱᔪᒪᔭᖏᓐᓂ. 

ᓯᑎᑎᖕᓕ ᐅᐱᒍᓱᒃᑐᖅ ᖃᓄᑎᒋ ᑎᑭᓐᓂᕐᒪᖔᑦ, ᑭᓯᐊᓂ ᑕᒪᓐᓇ ᑐᑭᖃᙱᑦᑐᖅ ᐅᒡᒍᐊᙱᖦᖢᓂ.  "ᐃᓕᓐᓂᐊᓚᐅᖅᓯᒪᙱᑦᑐᖓ. ᐃᓕᓐᓂᐊᕐᓗᑎᑦ. ᐊᖏᕐᕋᖅ ᐊᖏᕐᕋᖅᓯᒪᐃᓐᓇᕐᓂᐊᖅᑐᖅ. ᐊᖏᕐᕋᐃᑦ ᐃᓂᒌᓐᓇᐅᔭᕐᓂᐊᖅᑕᐃᑦ ᐅᑎᕐᕕᒋᓂᐊᕐᓗᒍ. ᑕᐃᒪᓐᓇ ᐱᕕᖃᓚᐅᖅᓯᒪᙱᑦᑐᖓ ᑕᐃᒪᐃᖁᓇᐅᒐᓗᐊᖅᐳᖓᓗ ᒪᒃᑯᖕᓂᖅᓴᐅᑎᓪᓗᖓ," ᐅᖃᐅᔾᔨᕗᖅ.

ᐅᓪᓗᒥᐅᓕᖅᑐᖅ, ᐱᓕᕆᓪᓗᓂ, ᑎᒍᓯᕙᓪᓕᐊᒻᒪᑦ ᐱᔪᓐᓇᕐᓂᕐᒥᓂᒃ, ᓲᕐᓗ ᑮᓇᐅᔭᓕᕆᓂᕐᒥᒃ, ᐃᓕᓐᓂᐊᕐᓂᐊᕐᒪᑦ ᓇᒻᒥᓂᖃᕐᓂᕐᒥᒃ.  ᓂᖀᑦ ᓄᓇᓯᐅᑎᖓ ᑕᐃᔭᐅᔪᖅ ᓄᓇᖃᖅᑳᖅᓯᒪᔪᑦ ᐅᑭᐅᖅᑕᖅᑐᒥ ᐊᒻᒪ ᓂᖀᑦ ᓂᖅᑎᐅᖃᑦᑕᖅᑕᖏᑦ ᐃᓕᓚᐅᖅᑕᖏᑦ ᓂᕿᓕᐅᕐᓂᕐᒥᑦ ᓄᓇᓕᖓᓐᓂᑦ. ᐊᒃᓚᕕᒃᒦᙶᖅᓯᒪᒋᕗᑦ, ᐊᑖᑕᑦᑎᐊᒃᑯᖏᑕ ᐊᑖᑕᑦᑎᐊᒃᑯᖏᑦ ᐊᒻᒪ ᐊᓈᓇᑦᑎᐊᖓᑕ ᐊᓈᓇᑦᑎᐊᖓ ᓂᕆᕕᒋᓚᐅᖅᑕᖓ. ᐊᓈᓇᖓ ᐊᒻᒪ ᐊᑦᑕᖏᑦ ᓂᕿᓕᐅᕐᕕᖕᒥ ᓴᓇᓚᐅᖅᑐᑦ, ᑦᓯᓕᓕᐅᖅᖢᑎᒃ, ᐃᖃᓗᖕᒥᒃ ᖃᔪᖅᑐᓕᐅᖅᖢᑎᒃ, ᐊᖏᕐᕋᒥ ᓴᓇᔭᐅᔪᓂᒃ ᓂᐊᖂᔭᓕᐅᖅᖢᑎᒃ, ᐸᓚᐅᒑᓕᐅᖅᖢᑎᒃ ᐊᒻᒪ ᐊᕿᕐᕈᔪᐊᒃᓴᓕᐅᖅᖢᑎᒃ.  

ᐱᒋᐊᓕᓚᐅᖅᑐᖅ ᐊᒥᓱᓂᒃ ᐱᓇᓱᐊᖅᑐᓂ ᑮᓇᐅᔭᓂᒃ ᐊᒻᒪᓗ ᑭᓱᓕᒫᓂᒃ ᐋᖅᑭᒃᓯᓇᓱᐊᖅᑐᓂ ᑭᓯᐊᓂᓕ ᒫᓐᓇ ᐱᒋᐊᖅᑕᐅᒻᒪᑦ, ᐃᓄᐃᑦ ᓇᓪᓕᒋᔭᖏᑦ ᐊᒻᒪᓗ ᓯᑎᑎᓕ ᖁᕕᐊᓱᒃᑐᖅ. ᐊᓯᖏᓐᓂᒃ ᓇᖕᒥᓂᖃᖃᑕᐅᕗᖅ ᐃᓚᒥᓂᒃ ᐊᓈᓇᑦᑎᐊᖓᑕ ᐊᓯᐊᓂᒃ. ᐊᑖᑕᑦᓯᐊᖓ ᐊᑖᑕᖓᑕ ᓴᓂᐊᓃᑦᑐᖅ ᐅᖁᒪᐃᑦᑐᓂᒃ ᓄᓇᓯᐅᑎᖃᓚᐅᖅᓯᒪᔪᖅ ᓱᓕ ᐊᐅᓚᓂᖃᖅᓱᓂ 70 ᐊᕐᕌᒍᐃᑦ ᐊᓂᒍᖅᓯᒪᓕᖅᑎᓪᓗᒋᑦ ᑐᒃᑑᔮᖅᑐᒥ. ᑲᔪᓯᑦᑎᐊᕐᓂᕆᓪᓗᐊᑕᓚᐅᖅᑕᖓ, "ᐱᒻᒪᕆᐅᓂᖓ ᐊᒻᒪ ᐊᖏᖅᓯᒪᑦᑎᐊᕐᓂᖓ, ᐊᒃᓱᕈᖅᖢᓂ ᐱᓕᕆᖃᑦᑕᕐᓂᖓ ᐊᒻᒪ ᐱᐅᔪᑦ ᓴᖅᑭᓐᓂᐊᖅᑐᑦ." ᐊᑯᓂᐅᓂᕆᔭᖓ ᐃᓚᒌᓄᑦ ᓇᒻᒥᓂᖁᑎᒋᔭᐅᔪᖅ ᑲᔪᖏᖅᓴᖅᑕᐅᕙᒻᒥᔪᖅᑕᐅᖅ ᓇᒻᒥᓂᖁᑎᒥᓂᒃ. 

ᓯᑎᑎᖕᓕᒧᑦ, ᐊᖅᑯᑎ ᓇᖕᒥᓂᖃᕐᓂᐊᕐᓗᓂ ᐊᒃᓴᓗᐊᓂᒃ ᐊᒃᓴᓗᐊᓂᒃ ᐱᐅᖏᔾᔪᑎᖃᓚᐅᖅᑐᖅ ᐊᖅᑯᑎᒃᑯᑦ. ᓂᕿᓕᐅᓚᐅᖅᓯᒪᙱᑦᑐᖅ ᓂᕆᕕᒻᒥ, ᐃᖅᑲᓇᐃᔭᓚᐅᖅᓯᒪᓪᓗᓂ ᐅᖁᒪᐃᑦᑐᓂᒃ ᓄᓇᓯᐅᑎᓂᒃ ᐊᖁᑎᐅᑦᓱᓂ ᐊᕐᕌᒍᓄᑦ ᖁᓕᓄᑦ ᐊᒻᒪᓗ ᑕᐃᒪᓐ ᐅᔭᕋᓐᓂᐊᕐᕕᒻᒥ. ᐃᖅᑲᓇᐃᔮᓂ ᑎᒍᓯᓚᐅᖅᑐᖅ ᐊᑲᐅᒋᔭᒥᓂᑦ ᐅᐸᒋᐊᖃᖅᑕᒥᓂᒃ, ᖃᐅᔨᒪᓪᓗᓂ ᐊᑭᓖᒐᔭᕆᐊᖓ ᐃᓱᐊᓂ. ᐊᓯᔾᔩᓂᖅ ᐃᖅᑲᓇᐃᔮᓂᑦ ᐊᒻᒪᓗ ᐃᒻᒥᓂᒃ ᓴᖅᑭᑎᑦᓯᓂᖅ ᐃᓱᒪᒃᑯᑦ ᓴᙱᓂᖃᕐᓂᕐᒥᑦ, ᐱᔪᒪᓂᖃᕐᓂᕐᒥᑦ, ᐱᔪᓐᓇᓂᕐᒥᑦ, ᐱᐅᔪᒥᑦ ᐃᓕᖅᑯᓯᖃᕐᓂᕐᒥᑦ ᐃᒻᒥᒃᑰᖅᑐᒥᓪᓗ.

"ᐅᕙᓐᓂᒃ ᐅᖃᐅᔾᔨᖏᓐᓇᐅᔭᖅᑐᖓ, 'ᓯᕗᒧᐊᖏᓐᓇᖅᑐᖓ. ᐃᓱᒪᒋᓗᒍ ᑐᕌᕆᔭᑎᑦ ᐊᕐᕌᒍᒥ ᐊᒡᒋᖅᑐᒥ, ᐃᓱᒪᒋᓗᒍ ᑭᖑᓪᓕᕐᒥ ᑐᕌᕆᔭᑦ ᑐᕌᕋᓱᒃᑕᑦ," ᐅᖃᖅᑐᖅ. ᐊᐳᖅᑕᕈᑎᖃᖃᑦᑕᓚᐅᕐᒪᑦ, ᐃᒻᒥᓂᒃ ᐃᖅᑲᐃᑎᓚᐅᕐᒪᒋᑦ ᑕᒪᓐᓇ ᐊᑲᐅᓐᖏᓪᓕᐅᕈᑕᐅᑲᐃᓐᓇᑐᐃᓐᓇᓚᐅᕐᒪᑦ ᐊᒻᒪᓗ ᐱᐅᓂᖅᓴᓂᒃ ᐊᑐᑲᐃᓐᓇᑐᐃᓐᓇᖅᑐᓂ. ᐃᓱᒪᖓ ᖃᓄᐃᙱᑦᑎᐊᖏᓐᓇᖁᓪᓗᒍ, ᓯᑎᑎᖕᓕ ᔫᒐ, ᐃᓅᓕᓴᐅᑎᓂᒃ ᑲᒪᒋᔭᖃᓲᖅ ᐊᒻᒪ ᑐᕌᒐᖃᐃᓐᓇᕋᓱᒃᐸᒃᖢᓂ. ᐃᔨᖏᑦ ᓵᓚᒃᓴᐅᓯᐊᕐᒦᑎᓪᓗᒋᑦ ᐊᒻᒪ ᑭᓱᓂᒃ ᓇᖕᒥᓂᖅ ᐱᔪᒪᖕᒪᖔᑦ ᓯᕗᓂᒃᓴᑦᑎᓐᓂ ᐱᔪᒃᓯᑎᑦᑎᓐᓇᖅᐳᖅ. 

ᓇᖕᒥᓂᖃᕐᓂᖅ ᐊᒻᒪ ᐅᑭᐅᖅᑕᖅᑐᒥ ᓂᕿᓕᐅᖅᑎᑦ ᐊᐅᖓᓂ, ᓛᕋᓐᔅ ᓯᑎᑎᓕ ᐱᔨᑦᑎᕋᖅᑐᖅ ᐅᑭᐅᖅᑕᖅᑐᒥ−ᐱᕈᖅᓯᒪᔪᓂᒃ ᒪᒪᕆᔭᐅᙱᑦᑐᓂᒃ ᓂᐅᕕᖃᑦᑕᖅᑐᑦ ᓂᕐᓕᖏᓐᓂᒃ. ᐱᓇᔪᐃᓐᓇᕐᓂᖓ ᖃᐅᔨᒪᒋᐊᕐᖢᓂ ᐆᓇᖅᑐᑦ ᓂᖀᑦ ᓂᒡᓚᓱᒃᑐᒥ ᐅᑭᐅᖅᑕᖅᑐᒥ ᒪᒪᖅᓯᑎᑦᑎᓯᒪᔪᖅ ᓄᑖᓂᒃ ᒪᒪᖅᑐᓂᒃ. ᒫᓐᓇᓕ ᓄᓇᖃᖅᑳᖅᓯᒪᔪᑦ ᓂᖀᑦ ᓄᓇᓯᐅᑎᖓᓂ, ᐃᖅᑲᐅᒪᔪᖅ ᖃᓄᖅ ᖃᐅᔨᒪᓚᐅᙱᒻᒪᑦ ᖃᓄᖅ ᓂᕿᓕᕆᓂᕐᒧᑦ ᐱᓕᕆᐊᖓ ᓱᓕᖕᒪᖔᑦ.  ᐊᓕᐊᓇᐃᒍᓱᒃᑐᖅ ᖃᓄᐃᓕᐅᕈᓘᔭᖅᖢᓂ ᑎᓕᐅᕆᓪᓗᓂᓗ ᒪᒃᑯᒃᑐᓂᑦ ᓄᖅᑲᖁᓪᓗᒋᑦ ᓇᖕᒥᓂᖅ ᓄᖅᑲᕐᓗᑎᒃ, ᐃᓕᓐᓂᐊᕐᓗᑎᒃ (ᐃᒻᒪᖄᓗ ᐸᓚᐅᒐᓕᐅᕐᓗᓂ!) 

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.