"ᐅᑎᕈᒪ ᐱᒋᐊᓵᖅᑎᓪᓗᖓ, ᐱᒋᐊᖅᑐᐃᓐᓇᐅᓚᐅᖅᑐᑦ ᐊᐅᓪᓚᖅᖢᑎᒃ," ᒥᓕᓴ ᐋᕐᑦ. ᐊᓂᓰᓇᐱ ᐆᔨᐳ ᑲᓇᑕᒥ ᐊᒻᒪᓗ ᐊᓈᓇᖓ ᐊᒻᒪᓗ ᐊᓈᓇᑦᑎᐊᖓ ᐸᑦᓱᐊᓐᑕ ᓄᓇᖃᖅᑳᖅᓯᒪᔪᓃᙶᖅᑑᒃ, ᒫᓐᓇ ᖃᐅᔨᒪᔭᐅᓕᖅᑐᖅ ᓯᐅᒃᔅ ᓴᐃᓐᑦ ᒪᕆ. ᐋᕐᑦ ᐃᓅᓚᐅᖅᓯᒪᔪᖅ ᐱᕈᖅᓴᓪᓗᓂᓗ ᑳᓪᒍᕆᒥ ᓅᖦᖢᓂᓗ ᐳᕆᑎᔅ ᑲᓚᒻᐱᐊᒧᑦ 11 ᐊᕐᕌᒍᑦ ᐊᓂᒍᖅᓯᒪᓕᖅᑐᑦ. 

ᐊᕐᕌᒍᑦ 14-ᖑᓕᖅᑐᑦ, ᐋᕐᑦ ᐃᖅᑲᓇᐃᔭᖃᑦᑕᖅᓯᒪᔪᖅ ᐊᐅᓪᓚᖃᑦᑕᕐᓂᕐᒧᑦ ᐳᓚᕋᖅᑐᓕᕆᓂᕐᒧᓪᓗ. ᖁᑦᑎᒃᑐᒦᓐᓂᖅᓴᖅ ᐱᓕᕆᐊᒃᓴᓄᑦ ᐅᖃᐅᔾᔪᐃᔨᐅᕙᒃᐳᖅ ᓄᓇᖃᖅᑳᖅᑐᓄᑦ ᐊᕕᒃᓯᒪᓂᕐᓂᓗ ᐱᓕᕆᖃᑎᒌᒃᐸᖕᓂᕐᒧᑦ ᐅᕙᓂ, Destination BC−ᒥ. ᐃᖅᑲᓇᐃᔭᙱᒃᑳᖓᒥ, ᐊᑭᓕᖅᓱᖅᑕᐅᙱᖦᖢᓂ ᐱᓕᕆᖃᑦᑕᖅᑐᖅ ᑮᓇᐅᔭᓕᐅᕋᓱᐊᖅᑎᐅᙱᑦᑐᓄᑦ ᑲᑐᔾᔨᖃᑎᒌᓄᑦ ᑕᐃᔭᐅᔪᖅ ᓄᓇᖃᖅᑳᖅᓯᒪᔪᑦ ᐊᕐᓇᐃᑦ ᓯᓚᒥ, ᓯᕗᓕᖅᓯᓪᓗᓂ ᐱᓕᕆᐊᒃᓴᓂᑦ ᐊᖅᑯᑎᒃᑯᑦ ᐃᖏᕐᕋᔪᓄᑦ ᐊᐳᑎᒃᑰᕐᓂᕐᒧᓪᓗ, ᐃᒃᓯᕚᕐᓗᓂᓗ ᓴᓂᕋᕐᒥ.

"ᖃᔅᓯᑲᓪᓚᐃᑦ ᒫᓐᓇ ᑕᐅᑐᒐᕆᔭᒃᑲ ᐱᓕᕆᐊᕆᔭᓐᓄᑦ ᐃᑲᔪᖅᐳᑦ ᑲᑐᔾᔨᖃᑎᒌᑦᑎᓐᓂᒃ ᐋᖅᑭᒃᓱᐃᑎᓪᓗᒋᑦ ᑐᑭᓯᐅᒪᓂᕐᒥᒃ ᖃᓄᖅ ᐋᖅᑭᖃᑎᒌᒐᓱᖕᓂᖅ ᑕᐅᑦᑐᖃᕐᒪᖔᑦ ᐳᓚᕋᖅᑐᓕᕆᓂᕐᒧᑦ ᑕᐅᑐᒃᑕᒃᑯᑦ, ᖃᓄᕐᓗ ᓅᑦᑐᓐᓇᕐᒪᖔᑦᑕ ᐱᐅᔪᒃᑯᑦ ᓄᓇᖃᖅᑳᖅᑐᓄᑦ ᓄᓇᓕᖕᓄᑦ, ᓄᓇᖃᖅᑳᖅᑐᓄᑦ ᓇᖕᒥᓂᕆᔭᐅᔪᓄᑦ ᐱᓕᕆᖃᑎᒋᕙᒃᑕᕐᓄᓪᓗ ᐋᖅᑭᒃᓱᐃᔪᒪᓪᓗᑕ ᑐᑭᖃᑦᑎᐊᖅᑐᓂᒃ ᐃᓅᖃᑎᖃᖅᐸᖕᓂᕐᓂᒃ, ᑕᐃᒪᐃᒃᑯᓂᓗ ᑲᔪᓯᑎᑦᑎᔪᓐᓇᕐᓂᐊᕋᑦᑕ ᐃᒃᐱᒋᔭᖃᑦᑎᐊᕐᓗᑕᓗ ᐊᖏᒡᓕᕙᓪᓕᐊᑎᑦᑎᓗᑕ ᓄᓇᖃᖅᑳᖅᑐᑦ ᐳᓚᕋᖅᑐᓕᕆᕙᖕᓂᖏᓐᓂᒃ ᑕᒫᓂ ᐊᕕᒃᓯᒪᓂᕆᔭᐅᔪᒥ, "ᓇᓗᓇᐃᔭᖅᓯᒪᙱᑦᑐᖅ.

ᒪᒥᓴᕐᓂᖅ ᐊᒻᒪ ᐊᐅᓪᓚᕐᓂᖅ ᑕᓯᐅᖃᑦᑖᖏᓐᓇᐅᔭᖅᑐᑦ ᐋᑦᒧᑦ. "ᐊᕐᕌᒍᓂ ᐊᓂᒍᖅᑐᓂᒃ ᐊᐅᓪᓚᑲᑕᖕᓂᖅᓴᐅᓕᖅᖢᖓᓗ, ᒪᒥᓴᖅᐸᓪᓕᐊᕐᔪᐊᓕᓚᐅᖅᑐᖓ. ᑕᒪᓐᓇ ᐃᓚᒋᒻᒪᕆᓚᐅᕐᒪᒍ ᐃᖏᕐᕋᓂᕆᓚᐅᖅᑕᒪ ᐊᒻᒪᓗ ᑕᒪᓐᓇ ᐅᖃᐅᓯᕆᔪᒪᖅᑲᐅᓪᓗᒍ ᐃᓄᓐᓄᑦ. ᖃᐅᔨᖁᓚᐅᖅᐸᒃᑲ ᐃᓱᒪᖅᓱᕐᓂᕐᒥᑦ, ᐃᓱᒪᔅᓱᓂᕐᒥᑦ, ᖃᐅᔨᓂᕐᒥᑦ ᓇᒻᒥᓂᖅ ᑎᑭᑉᐸᑦᑐᓂᑦ ᓄᓇᕐᔪᐊᕐᒧᑦ ᐊᒻᒪᓗ ᓴᖅᑭᔮᕐᕕᐅᓪᓗᑎᑦ ᐊᔾᔨᒌᙱᑦᑐᓄᑦ ᓄᓇᕐᔪᐊᕐᒧᑦ ᑕᑯᓐᓇᕐᓂᕐᒥᑦ, ᐊᔾᔨᒌᖏᑦᑐᓂᑦ ᐃᓕᖅᑯᓯᐅᔪᓂᑦ, ᑭᓱᑐᐃᓐᓇᕐᓂᑦ," ᐃᖅᑲᐅᒪᓇᖏᑦᑐᖅ. 

ᐊᕐᕌᒍᑦ 7-ᖑᓕᖅᑐᑦ ᓇᓂᔭᐅᓯᒪᓕᖅᑐᑦ. "ᐅᕙᓐᓂᒃ ᑲᑎᙵᖃᑎᖃᓕᓚᐅᖅᑐᖓ ᓄᓇᖃᖅᑳᖅᓯᒪᔪᓄᑦ ᐊᕐᓇᐅᓪᓗᖓ, ᐅᐱᒍᓱᓕᖅᖢᖓᓗ ᐃᓕᖅᑯᓯᕋ. ᐃᓕᓐᓂᐊᕈᒪᓚᐅᖅᑐᖓ ᐊᔪᙱᓐᓂᒃᑲᓗ ᐊᑐᖅᓯᒪᔭᒃᑲᓗ ᐊᑐᓵᖅᑕᒃᑲ ᐃᓕᓪᓗᒋᓪᓗ ᑐᑭᖃᑦᑎᐊᖅᑐᒧᑦ, ᖁᕝᕙᕆᐊᖅᑎᖦᖢᒋᑦ ᓄᓇᖃᖅᑳᖅᓯᒪᔪᑦ ᐃᓄᐃᑦ. ᐃᑲᔪᕈᒪᓇᔭᖅᑕᕋ ᐱᐅᓯᒋᐊᖅᑎᓪᓗᒍ ᐋᖅᑭᒋᐊᕈᑎᑦ ᐊᒻᒪ ᐊᒃᑐᐃᔾᔪᑎᑦ ᐊᓯᔾᔨᕈᑎᑦ ᓄᓇᑦᑎᓐᓂ ᑎᓕᐅᕈᑎᒋᑦᑎᐊᓚᐅᖅᑕᕋ ᕿᓂᖁᔭᐅᓪᓗᖓ ᓄᓇᖃᖅᑳᖅᓯᒪᔪᑦ ᐊᕐᓇᐃᑦ ᓯᓚᒥ ᐊᒻᒪ ᒫᓐᓇ ᐱᓕᕆᐊᒃᓴᓐᓄᑦ ᑐᕌᕆᓇᓱᒃᑕᓐᓄᑦ ᐳᕆᑎᔅ ᑲᓚᒻᐱᐊᒧᑦ," ᑕᑯᒃᓴᐅᑎᑦᑎᔪᖅ.

ᐃᓕᓐᓂᐊᕐᕕᐊᕈᓯᕐᒧᑦ ᐃᖏᕐᕋᓂᕆᓚᐅᖅᑕᖓ ᐊᑐᓚᐅᙱᑦᑐᖅ ᑭᓯᐊᓂ 2000-ᒥ ᑭᖑᕙᖅᖢᓂ. ᐱᔭᕇᕋᒥ ᐃᓕᓐᓂᐊᕐᕕᐊᓗᒻᒥ, ᑮᓇᐅᔭᓂᒃ ᐊᑐᕈᒪᓚᐅᓐᖏᒻᒪᑦ ᖃᐅᔨᒪᙱᑕᒥᓄᑦ. ᐃᓱᒪᓕᓚᐅᖅᑐᖅ ᓅᑦᑐᒪᓕᕐᖢᓂ ᐊᐅᓪᓚᖅᑐᓕᕆᔨᐅᔪᒪᓕᕐᖢᓂ ᐳᓚᕋᖅᑐᓕᕆᓂᖕᒧᑦ ᓂᐅᕕᐊᒃᓴᖃᕐᓂᕐᒧᑦ ᐋᔅᑐᕋᐃᓕᐊᒥᑦ ᓄᓇᖃᓚᐅᕐᖢᓂ ᖃᐅᔨᓪᓗᓂᓗ ᐱᔭᕆᐊᖃᕋᔭᖕᓂᕋᕐᖢᓂ ᓂᐅᕕᐊᒃᓴᖃᕐᓂᕐᒧᑦ ᐃᓕᓐᓂᐊᕐᑕᐅᓗᓂ ᑕᐃᒪᐃᓕᐅᕐᓂᐊᕐᓗᓂ. BCIT−ᒧᐊᓚᐅᖅᑐᖅ ᓂᐅᕕᐊᒃᓴᓄᑦ ᑐᓴᐅᒪᔪᓕᕆᓂᖕᒧᑦ ᐱᔭᕇᕈᓯᐊᒧᑦ, ᐊᒃᓱᕈᖅᖢᓂ ᑭᓯᐊᓂᓕ ᐃᓕᑦᑎᓂᖕᒧᑦ ᐱᕕᒃᓴᐅᔪᓂᑦ. 

ᐱᔭᕇᓚᐅᖅᑎᓪᓗᒍ ᐱᓕᕆᐊᒃᓴᖅ, ᐅᖃᐅᔾᔨᒋᐊᕈᑎᖓ ᐃᓕᓐᓂᐊᖅᑎᓄᑦ ᐃᓱᒪᒋᔭᖃᖅᑐᓄᑦ ᐊᐅᓪᓚᕈᒪᓗᑎᒃ ᓄᓇᓕᖏᓐᓂ ᐃᓕᓐᓂᐊᕆᐊᕐᓗᑎᒃ "ᑕᑯᓗᒋᑦ ᐃᓕᓐᓂᐊᕐᕖᑦ ᐱᕈᑦᑎᐊᖅᑐᑦ ᓄᓇᖃᖅᑳᖅᓯᒪᔪᑦ ᐱᔨᑦᑎᕋᐅᑎᖏᓐᓂ... ᐊᕙᓗᔭᐅᓯᒪᔪᓐᓇᕐᓗᑎᒃ ᓄᓇᓕᖕᓂ, ᐃᓕᖅᑯᓯᑐᖃᕐᓄᓪᓗ ᐊᑦᑕᕐᓇᖅᑕᐃᓕᒪᓗᑎᒃ ᓴᐳᒻᒥᔭᐅᓗᑎᒡᓗ ᐃᑲᔫᑕᐅᔪᓐᓇᕐᓗᑎᒃ ᓅᑉᐸᓪᓕᐊᑎᓪᓗᒋᑦ." 

ᓄᓇᖃᖅᑳᖅᓯᒪᔪᑦ ᐱᔨᑦᑎᕋᐅᑎᖏᑦ BCIT−ᒥ "ᐊᓯᔾᔨᖅᐸᓪᓕᐊᔪᑦ" ᐊᑐᓚᐅᖅᑕᖓᓗ ᐊᑦᑕᕐᓇᙱᖦᖢᓂ ᑐᙵᓱᒃᑎᖦᖢᒍᓗ.  "ᐃᓂᑕᖃᓚᐅᖅᑐᖅ ᐃᓕᓐᓂᐊᕆᐊᕐᕕᒋᔪᓐᓇᓚᐅᖅᑕᓐᓂᒃ ᖃᑦᑕᐅᔭᓕᐅᕋᔭᖅᖢᑕ ᐊᖕᒪᓗᖅᓯᓯᒪᔪᓂᒃ ᐊᒥᖅᑳᕈᑎᖃᕐᓗᑕ. ᓂᕿᓕᐅᖅᐸᓚᐅᖅᑐᒍᑦ ᓂᕆᖃᑎᒌᒃᐸᒃᖢᑕᓗ. ᐊᓕᐊᓇᐃᑦᑎᐊᓚᐅᖅᑐᖅ ᐊᑐᓵᖅᑕᕋ ᐃᑲᔪᖅᓱᖅᑕᐅᑦᑎᐊᖅᑰᔨᓚᐅᖅᑐᖓᓗ," ᐃᖅᑲᐅᒪᔪᖅ.

ᖃᐅᔨᒪᙱᑦᑐᖅ ᐃᑲᔪᖅᑕᐅᓂᕐᒥᒃ ᐊᓂᒍᖅᑎᓐᓇᓱᒃᓗᒍ ᐊᒃᓱᕈᕐᓇᖅᑐᑦ ᐱᒻᒪᕆᐅᔪᖅ ᐃᓅᓚᐅᖅᑎᓪᓗᒍ ᐊᒃᓱᕈᕐᓇᖅᑐᖅ ᓄᑕᕋᐅᓂᕐᒥ. "ᓇᓗᓇᐃᖅᓯᓇᔭᖅᐳᖓ ᖃᓄᖅ ᑕᒪᒃᑯᐊ ᐊᓂᒍᖅᑎᓐᓇᓱᒋᐊᖃᖅᑕᒃᑲ ᐃᓗᒃᑯᑦ ᓴᙱᓂᓐᓄᑦ ᓇᖕᒥᓂᕐᓗ ᐱᓇᔪᓪᓚᕆᒍᒪᓂᕆᔭᓐᓄᑦ, ᐃᓅᔪᒪᓂᓐᓄᑦ ᓇᔭᒪ ᐃᓅᓯᖓᓂᒃ ᐊᔪᓚᐅᕐᓂᖓᓂᒃ. ᐊᒻᒪᓗᑦᑕᐅᖅ ᑕᒪᓐᓇ ᖁᕕᐊᒋᑦᑎᐊᕐᒥᔭᕋ ᓇᓪᓕᒋᓪᓗᒍ ᐃᑲᔪᖅᑐᖅᑕᐅᓂᕆᓚᐅᖅᑕᕋ ᐱᖃᓐᓇᕆᔭᓐᓂᒃ ᐃᓚᓐᓂᓪᓗ, ᑕᐃᑲᓃᖏᓐᓇᓚᐅᕐᒪᑕ ᐅᕙᓐᓄᑦ ᖃᓄᑐᐃᓐᓇᖅ," ᓈᓴᐃᒃᑲᓐᓂᓚᐅᕐᓇᑎᒃ.

ᖃᓄᑐᐃᓐᓇᖅ ᐅᖃᕈᓐᓇᕈᓂ ᒪᒃᑯᖕᓂᖅᓴᒧᑦ ᐃᖕᒥᓄᑦ ᐃᒪᓐᓇᐅᓇᔭᖅᑐᖅ, "ᐃᓄᑑᖅᑰᔨᒍᕕᑦ ᐊᓯᐅᓯᒪᖅᑰᔨᓕᕐᓗᑎᓪᓗ ᒫᓐᓇ, ᖃᐅᔨᒪᓗᑎᑦ ᐅᑎᕐᓗᑎᑦ ᓄᓇᓕᖕᒧᑦ ᐃᓕᖅᑯᓯᕐᓄᑦ, ᓯᕗᓕᕕᓂᑎᑦ ᐱᓱᖕᒪᑕ ᓴᓂᕐᓄᑦ. ᒫᓐᓇ ᖃᐅᔨᒪᙱᑐᐃᓐᓇᕆᐊᖃᖅᑕᑦ, ᑭᓯᐊᓂ ᖃᖓᑭᐊᖅ."

ᓇᓕᒧᒌᒃᑎᓐᓇᓱᒃᓗᒍ ᐃᓱᒪᖓ, ᐊᓕᐊᓇᐃᒋᙱᖦᖢᒍ ᐊᖅᑯᑎᒃᑰᕆᐊᒃᓴᖅ. "ᐃᓱᒪᒋᔭᒃᑲ ᑐᑭᓯᓇᓛᖑᓕᕌᖓᑕ. ᐅᕙᓐᓄᑦ ᐊᒃᑐᐊᓂᖃᓛᖑᓕᕌᖓᒪ. ᑕᐃᒪᓕ ᐃᒃᐱᒋᓕᕌᖓᒃᑯ ᐊᒃᑐᐊᓂᖃᓛᖑᔪᖅ ᐊᓈᓇᒧᑦ ᓄᓇᕐᔪᐊᕐᒧᑦ ᐊᒻᒪᓗ ᐃᓅᖃᑎᒌᖕᓂᓕᒫᑦᑎᓐᓄᑦ. ᑭᓱᑐᐃᓐᓇᐅᙱᒻᒪᑦ, ᐊᒻᒪᓗ ᑕᐃᒪᐃᓕᐅᕆᐊᖃᖅᑐᖓ ᒪᒥᓴᕆᐊᖃᕈᒪ ᐅᕝᕙᓘᓐᓃᑦ ᑲᑎᒃᑲᓐᓂᕆᐊᖃᕈᒪ ᐅᕝᕙᓘᓐᓃᑦ ᐆᓇᖅᑐᒥᒃ ᓂᕆᑲᐃᓐᓇᕆᐊᖃᖅᑐᖓ. ᓯᓚᒦᖦᖢᓂ ᐊᒻᒪ ᓄᓇᕐᔪᐊᖅ ᐃᒃᐱᒋᓪᓗᒍ ᓇᐹᖅᑐᓃᖦᖢᓂᓗ," ᐅᖃᐅᓯᕆᕙᐅᒃ.

"ᐱᕐᔪᐊᖑᓪᓗᓂ ᑐᓗᖅᑕᕈᑏᑦ ᐃᖏᕐᕋᑎᑦᑎᓂᕐᒧᑦ ᐃᓱᒪᒃᑯᑦ ᑐᓗᖅᑕᕈᑏᑦ ᐱᓯᒪᔭᕗᑦ, ᐃᓱᒪᒋᔭᐅᔪᖅ ᖃᓄᖅ ᐃᖏᕐᕋᖕᒪᖔᑦ ᐊᒻᒪ ᖃᓄᖅ ᑕᐅᑦᑐᖃᕐᒪᖔᑦ."

ᖃᐅᔨᖃᑦᑕᖅᑕᖓ ᐊᒥᓱᑦ ᐃᓄᐃᑦ ᐃᓱᒪᔪᑦ ᐅᖓᓯᒃᑐᒧᑦ ᐃᖏᕐᕋᓂᖅ ᐅᖓᓯᒋᔭᕆᐊᖃᖅᑕᖓᑦ ᐊᒻᒪᓗ ᓱᒃᑲᓗᓂ, ᓄᖅᑲᕈᓐᓇᙱᑦᑐᑎᑦ, ᐊᒻᒪᓗ ᑎᒦᑦ ᑕᐅᑐᒋᐊᖃᖅᖢᓂ ᖃᓄᖅ, ᐆᒃᑐᕋᕐᓗᓂ ᐊᒻᒪᓗ ᓂᕐᓕᕐᓗᓂ. ᓱᓕᓂᖅᓴᐅᕗᖅ, ᒪᓕᑦᑐᒍ ᐋᕐᑦ. "ᐃᓕᖕᓂᒃ ᑲᑎᖃᑎᖃᕐᓂᖅ ᐃᓕᖕᓂᒃ ᐊᒃᑐᐊᓂᖃᖅᐳᖅ. ᑎᒦᑦ ᐊᐅᓚᑦᑕᕆᐊᖃᖅᑐᖅ. ᐅᓪᓚᒍᓐᓇᖅᑐᑎᑦ, ᐱᓱᒡᓗᑎᑦ ᑕᓪᓕᒪᓄᑦ. 10 ᒥᓂᑦᒥᒃ, ᑭᓛᒥᑕᒥᒃ, 10 ᑭᓛᒥᑕᒥᒃ, ᖃᓄᐃᓕᐅᕋᓗᐊᕈᕕᑦ, ᐃᒻᒥᓂᒃ ᐅᐱᒋᕗᑎᑦ. ᐅᓪᓚᖕᓂᖅ ᐃᓚᒋᔭᐅᙱᑦᑐᖅ ᐱᕙᓪᓕᐊᔪᓕᕆᔨᓄᑦ. ᐃᓄᐃᑦ ᐃᓕᓴᖅᓯᖁᕙᒃᑲ ᑕᒪᑐᒥᖓ," ᐅᖃᑦᑎᐊᓲᖅ.

ᐅᓪᓚᒃᑎᓪᓗᒍ, ᐊᓕᐊᓇᐃᒋᔭᖃᙱᖦᖢᓂ ᑐᐊᐱᓐᔅᓂᒃ, ᐆᒻᒪᖅᑯᑎ ᓄᓇᕐᔪᐊᒥᙶᖅᑐᖅ, ᐊᐅᔭᒃᑯᑦ ᐊᒻᒪ ᒪᖁᒃᑐᖅ ᑎᐱᖏᑦ ᐊᒻᒪ ᐴᖅᓯᒪᔪᑦ ᐆᒻᒪᖅᑯᑎᑦ ᐃᖏᕐᕋᔪᑦ ᑲᑎᙵᓪᓗᑎᒃ. ᖃᐅᔨᒪᔪᖅ ᑎᒥᖓᑕ ᐱᐅᑦᑎᐊᕐᓂᖓᓂᒃ ᑭᓯᐊᓂ ᐊᓯᖏᓐᓂᒃ ᐱᔾᔪᑎᖃᐅᕐᒥᔪᖅ ᑲᔪᓯᑎᑦᑏᓐᓇᕆᐊᒃᓴᖅ.

"ᕿᑐᕐᖓᒃᑲ ᐅᕙᓐᓂᒃ ᐱᔪᒃᓯᑎᑦᑎᕗᑦ... ᐱᕈᖅᐸᓪᓕᐊᓗᓂ, ᓱᒃᑲᐃᒡᓕᒋᐊᕐᓗᓂ, ᖁᕕᐊᒋᓗᒍ ᖃᓄᐃᓕᐅᕐᓂᖓ ᓵᓐᓂ. ᑕᐃᒃᑯᐊ ᐅᕙᓐᓂᒃ ᐃᓕᓐᓂᐊᖅᑎᑦᑎᓂᖅᓴᐅᔪᑦ ᐃᓕᓐᓂᐊᖅᑎᑕᒥᓂᒃ. ᑕᐃᒫᒃ ᓯᕗᒃᑲᑕᖅᑐᑦ... ᐃᖅᑲᐃᓯᔾᔪᑎᑦᑎᐊᕙᒡᓗ ᖃᓄᐃᒻᒪᑦ ᐱᓱᒋᐊᖃᕐᒪᖔᕐᒪ ᓄᓇᕐᔪᐊᕐᒥ," ᐊᓕᐊᓇᐅᔭᖅᑐᖅ. ᕿᑐᕐᖓᖏᑕ ᐊᓯᐊᒍᑦ, ᐋᕐᑦ ᐱᔪᒃᓯᑎᑕᐅᕗᖅ ᐊᕐᓇᓄᑦ ᑲᑎᑕᖏᓐᓄᑦ ᐊᒻᒪ ᐱᓇᔪᐃᓐᓇᕐᓂᖏᓐᓄᑦ.

ᐅᑎᕈᓂ ᐱᒋᐊᕐᓂᖓᓄᑦ, ᒥᓕᓴ ᐋᕐᑦ ᖃᐅᔨᒪᔪᖅ ᐱᒋᐊᓚᐅᕐᓂᖓᓂᑦ ᐊᐅᓪᓚᑲᑕᖕᓂᐅᔪᒥᑦ, ᑭᓯᐊᓂ ᒫᓐᓇᐅᔪᖅ ᑕᐅᑐᓪᓗᐊᑕᖅᑐᖅ ᓯᕗᒻᒧᑦ ᐃᖏᕐᕋᓂᕐᒧᑦ. ᐱᓕᕆᖃᑎᖃᖅᖢᓂ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓂᒃ, ᓇᖕᒥᓂᖃᕐᕕᐅᔪᓂᒃ ᐊᒻᒪ ᐱᓕᕆᔨᐅᖃᑎᖏᓐᓂᒃ, ᐊᐅᓪᓚᑲᑕᖕᒪᑦ ᐋᖅᑭᒋᐊᕈᑎᓄᑦ ᐳᕆᑎᔅ ᑲᓚᒻᐱᐊᒧᑦ. ᓯᓚᒧᐊᖅᐸᓪᓕᐊᔪᖅ ᓄᓇᖃᖅᑳᖅᓯᒪᔪᑦ ᐊᕐᓇᐃᑦ ᓯᓚᒦᖦᖢᑎᒃ ᓯᕗᓕᖅᑎᐅᓪᓗᓂᓗ ᐊᖅᑯᑎᒃᑯᑦ ᐊᒻᒪ ᐱᓱᒡᕕᒃᑯᑦ. ᓅᑉᐸᓪᓕᐊᔪᖅ ᓄᑖᒧᑦ ᐅᐸᒐᓱᒃᑕᒥᓄᑦ, ᐱᔪᒃᓯᑎᑕᐅᓪᓗᓂ ᐊᕐᓇᓄᑦ ᕿᑐᕐᖓᖏᓐᓄᓪᓗ. ᐱᓱᑐᐃᓐᓇᖅᐸᙱᑦᑐᖅ, ᐅᓪᓚᒃᑐᖅ, ᐊᓯᒥᓂᒡᓗ ᐃᓕᓐᓂᐊᖅᑎᑦᑎᕙᒃᖢᓂ ᑕᐃᒪᐃᓕᐅᕆᐅᖅᓴᑎᑦᑎᓪᓗᓂ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.