"ᖁᔭᓕᔪᒻᒪᕆᐅᔪᖓ ᐃᓕᑦᑎᕙᓪᓕᐊᓂᓐᓄᑦ, ᓄᖅᑲᓚᐅᖅᓯᒪᔾᔮᓇᓂ, ᑕᐃᒃᑯᓄᖓᓗ ᐃᓄᖕᓄᑦ ᖃᐅᔨᒪᔭᒥᖕᓄᑦ ᑐᓴᖅᑎᑦᑎᓚᐅᖅᑐᓄᑦ, ᐅᖃᐅᓯᕆᔪᓐᓇᕐᓂᐊᕋᒃᑯᑦᑕᐅᖅ," ᑐᓴᖅᑎᑦᑎᕗᖅ ᐃᓱᒪ ᕼᐃᓐᔪᒥᑦ. ᐊᐅᓚᑦᑎᔨᒻᒪᕆᐅᓕᓵᓚᐅᖅᑐᖅ ᓄᓇᖃᖅᑳᖅᓯᒪᔪᓕᕆᓂᖕᓄᑦ Aecon Group−ᑯᓐᓄᑦ ᐃᖅᑲᓇᐃᔭᖅᓯᒪᓪᓗᓂᓗ ᐊᕐᕌᒍᓄᑦ 25−ᓄᑦ. ᐱᓕᕆᖃᑎᖃᖅᓯᒪᔪᖅ ᒪᓕᒐᓕᕆᔨᓂᑦ, ᓄᓇᕐᔪᐊᒥ ᐅᖅᓱᐊᓗᓕᐅᖅᑎᓂᑦ ᐳᓪᓚᒃᓴᓕᐅᖅᑎᓂᒡᓗ, ᐱᔨᑦᑎᕋᖅᑎᓂᑦ ᐊᒻᒪᓗ ᐱᔨᑦᑎᕋᖅᐸᒃᖢᓂ Tahltan-ᒥᑦ ᒐᕙᒪᒃᑯᓐᓂᑦ ᓂᕈᐊᖅᑕᐅᓯᒪᓪᓗᓂ ᐱᓕᕆᔨᐅᓪᓗᓂ ᐃᓚᑐᖃᖏᓐᓄᑦ. ᓯᓚᑖᓂ ᐃᖅᑲᓇᐃᔭᕐᓂᖓ ᒐᕙᒪᓕᕆᓂᒃᑯᑦ, ᒐᕙᒪᒃᑯᓐᓂ ᐊᒻᒪᓗ ᓴᓇᕕᐅᔪᓂ, ᐊᓈᓇᒋᔭᐅᔪᖅ ᐱᖓᓱᓄᑦ.

ᐃᖅᑲᓇᐃᔭᓯᒋᐊᖅᑎᓪᓗᒍ ᓄᓇᖃᖅᑳᖅᓯᒪᔪᓂᒃ ᐱᓕᕆᖃᑎᖃᖅᐸᖕᓂᕐᒥᒃ ᐳᕆᑎᔅ ᑲᓚᒻᐱᐊᒥ ᐅᖅᓱᐊᓗᒃᓴᖅᓯᐅᖅᑎᓂᒃ ᐳᓪᓚᒃᓴᓕᕆᓂᕐᒥᒡᓗ ᑲᒥᓴᒋᔭᐅᔪᓂᒃ, ᕼᐃᓂ ᐱᒋᐊᖅᑎᑦᑎᓚᐅᖅᐳᖅ ᑮᓇᐅᔭᓕᕆᓂᕐᒥᒃ, ᕿᓂᓚᐅᙱᓐᓂᕐᒥᓂᒃ ᐱᓕᕆᐊᒃᓴᒥᒃ ᓄᑖᒧᑦ ᐋᖅᑭᒃᑕᐅᓵᖅᑐᒧᑦ ᓄᓇᖃᖅᑳᖅᑐᓄᑦ ᐱᓕᕆᖃᑎᖃᖅᐸᖕᓂᕐᒧᑦ ᐱᓕᕆᕝᕕᒋᔭᐅᔪᒥ. ᐃᓕᓐᓂᐊᖅᑎᑕᐅᓚᐅᖅᑐᖅ ᐊᒻᒪᓗ ᕿᓂᖅᐸᓪᓕᐊᓕᖅᖢᓂ ᐅᖃᖃᑎᖃᕐᓂᕐᒥᒃ ᐱᒻᒪᕆᐅᔪᑦ ᒪᓕᒐᓕᕆᓂᕐᒧᑦ ᐱᔾᔪᑕᐅᔪᑦ ᓴᖅᑭᑉᐸᓪᓕᐊᑎᓪᓗᒋᑦ. "ᖃᓄᕐᓕ ᐃᓚᐅᕝᕕᒋᔪᓐᓇᖅᐸᒃᑲ ᓄᓇᖃᖅᑳᖅᓯᒪᔪᑦ ᐱᐅᔪᒥᒃ?" ᐊᐱᖅᑯᑕᐅᓚᐅᖅᑐᖅ ᕿᓂᖅᐸᓪᓕᐊᓕᖅᑎᓪᓗᒍ. ᐊᑐᖅᓯᒪᔭᖓᒍᑦ, ᑐᙵᓱᑦᑎᑕᐅᒐᔪᓚᐅᖅᑐᖅ ᓄᓇᓕᓐᓄᑦ ᐅᓂᒃᑳᖃᑦᑐᓂ ᐃᓚᒥᓂᒃ ᐊᒻᒪᓗ ᓇᒧᑐᐃᓐᓈᖅᑐᓂ ᐃᓪᓗᖃᖅᑑᔮᖅᑐᓂ. ᓄᓇᓕᖕᒥᐅᑦ ᐅᖃᐅᓯᖃᓚᐅᖅᐳᑦ ᓇᖕᒥᓂᖅ ᓄᓇᓕᖏᑕ ᒥᒃᓵᓄᑦ, "ᐃᑭᑎᑦᑎᕙᓪᓕᐊᓕᓵᓕᓚᐅᖅᑐᖓ ᐃᑭᑎᑕᐅᖏᓐᓇᐅᔭᖅᑐᒥᒃ, ᑭᓯᐊᓂ ᖃᐅᔨᒪᓚᐅᙱᓐᓇᒪ ᖃᓄᖅ ᐊᐅᓚᑦᑕᕆᐊᒃᓴᖅ," ᐃᖅᑲᐅᒪᔪᖅ. 

ᐱᓪᓗᓂ ᐱᔭᕆᐅᖅᓴᑎᑕᐅᒃᑲᓐᓂᕐᖢᓂ ᓯᕗᓕᖅᓯᔨᒃᑲᓐᓂᕐᖢᓂᓗ ᑲᔪᓯᓪᓗᓂᓗ ᐃᖅᑲᓇᐃᔭᕐᓂᕐᒥᒃ ᓯᓚᑖᓂᙶᖅᑐᓂᒃ ᐱᓕᕆᖃᑎᒌᒍᑎᓄᑦ ᐅᖃᐅᔾᔨᒋᐊᖅᑎᐅᓪᓗᓂ ᐅᖅᓱᐊᓗᒃᓴᖅᓯᐅᖅᑎᑦ ᐅᖅᓱᐊᓗᓕᕆᔨᒃᑯᓪᓗ ᑎᒥᖁᑖᓄᑦ ᐊᕐᕌᒍᓄᑦ 8−ᓄᑦ. ᓄᑖᒥ ᐱᓕᕆᐊᖓᓂ, ᕼᐃᓂᐆ ᐅᖃᖃᑎᖃᓚᐅᖅᑐᖅ, ᐃᖅᑲᓇᐃᔭᖅᑎᓂᒃ ᐱᕙᓪᓕᐊᑎᑦᑎᓂᖅ, ᐃᖅᑲᓇᐃᔭᕐᓂᖅ ᐊᒻᒪ ᐱᓕᒻᒪᒃᓴᕐᓂᖅ ᐊᒻᒪ ᐃᓅᖃᑎᒌᓂᒃ ᐱᕈᖅᓴᐃᓂᖅ. ᑕᒪᓐᓇ ᐱᓕᕆᐊᖑᔪᖅ ᓴᖅᑭᑎᑦᑎᓂᐅᓚᐅᖅᐳᖅ ᐱᕕᒃᓴᓂᒃ ᓄᓇᖃᖅᑳᖅᑐᓄᑦ ᓄᓇᓕᖕᓄᑦ ᓇᓗᙱᑦᑎᐊᕈᒪᓂᕐᒧᓪᓗ ᐃᓱᒫᓘᑕᐅᔪᑦ ᓄᓇᓕᖕᓂ ᐃᓱᒪᒋᔭᐅᒐᓗᐊᕐᒪᖔᑕ ᐋᖅᑭᒃᓯᒪᓕᖅᑎᑦᑎᓂᕐᒥᒃ.

ᐃᓕᓐᓂᐊᖅᑐᓕᕆᓂᕐᒧᑦ, ᕼᐃᓂ ᓯᕗᓪᓕᖅᐸᐅᓯᒪᕗᖅ ᐃᓚᒥᓂᒃ ᐃᓱᓕᑦᑎᓪᓗᓂ ᐃᓕᓐᓂᐊᕐᕕᐊᓗᒻᒥᒃ. ᐊᕐᕌᒍᒥᒃ ᐃᓚᑰᓂᖃᓚᐅᖅᑐᖅ ᐊᒻᒪᓗ ᐊᓪᓚᕕᒻᒥ ᐊᐅᓚᑦᑎᓕᓚᐅᖅᑐᖅ ᓄᓇᓕᓐᓂ ᓯᓚᑦᑐᕐᓴᖅᕕᒻᒥ ᐃᖅᑲᓇᐃᔭᓚᐅᖏᓂᕐᒥᓂᒃ ᐅᖅᓱᐊᓗᓕᕆᓂᕐᒥᒃ ᐳᓪᓚᒃᓴᓕᕆᓂᕐᒥᓪᓗ. ᐱᓕᕆᐊᒃᓴᓕᕆᓂᕐᒧᑦ ᐊᐅᓚᑦᑎᔨᐅᖃᑕᐅᓚᐅᖅᑐᖅ NAIT−ᑯᓐᓂ ᐃᖅᑲᓇᐃᔭᕐᕕᖓᑕ ᐃᑲᔪᖅᑎᖏᓐᓂᒃ, ᒪᑐᐃᖅᓯᒃᑲᓐᓂᖅᖢᓂ ᐹᓂᒃ ᑖᔅᓱᒧᖓ. ᑖᓐᓇ ᕈᐃᐅᓪ ᐊᖅᑯᑎᖓᓂ, ᐱᔭᕇᓚᐅᙱᒃᑲᓗᐊᖅᖢᓂ ᓱᓕ ᐊᒃᓱᕈᕐᓇᕐᓂᖓᓂᒃ ᐃᓄᑑᓪᓗᓂ ᕿᑐᕐᖓᖃᕐᓂᖅ ᐱᖓᓱᓂᒃ ᕼᐋᑭᖅᑐᓂᒃ. ᑕᐃᒪᓐᓇ ᐅᖃᓚᐅᖅ, ᓄᖅᑲᑎᑦᓯᓯᒪᖏᑦᑐᖅ ᐃᓕᓐᓂᐊᕐᓂᕐᒥᑦ, ᐱᓕᕆᐊᓂᑦ ᐊᑲᐅᙱᓪᓕᐅᕈᑎᓂᑦ ᐋᖅᑭᑦᓯᓂᕐᒥᑦ, ᐋᔩᖃᑎᒌᓐᓂᕐᒥᑦ ᐃᓗᐊᓂᓪᓗ ᐱᓕᕆᐊᓂᑦ ᐃᖅᑲᓇᐃᔭᕐᕕᒻᒥᑦ. ᐃᓕᑦᑎᕙᒃᐳᖅ ᐃᓄᖕᓂᑦ, ᖃᕆᑕᐅᔭᒃᑯᑦ, ᐅᖃᓕᒫᖅᖢᓂᓗ.

‍

ᐃᓕᓐᓂᐊᖃᑦᑕᓚᐅᖅᓯᒪᔪᖅ ᐃᓕᓐᓂᐊᕐᕕᐊᓗᒻᒥ ᕗᐊᑦ ᓴᐃᓐᑦ ᔮᓐᒥ ᐱᐅᑦᑎᐊᓚᐅᖅᑐᖅ, ᐱᖃᓐᖏᓐᓂᖏᓪᓗ. ᕼᐃᓂ ᐃᓕᑦᑎᓚᐅᖅᑐᖅ ᓄᑖᙳᖅᐸᓪᓕᐊᔪᓂᒃ, ᐃᑲᔪᓚᐅᖅᑐᖅ ᐱᐊᓂᑦᑎᐊᕐᓂᖓᓄᑦ. ᓄᖅᑲᓚᐅᖅᑐᖅ ᐃᓕᓐᓂᐊᕐᓇᒧᑦ ᖁᑦᑎᖕᓂᓕ 11-ᒥᑦ ᑭᓯᐊᓂ ᖃᐅᔨᓚᐅᖅᑐᖅ ᕿᕐᓂᖅᑕᒥᑦ ᒪᕐᕈᐃᖅᓱᖅᖢᓂᓗ ᐃᓕᓐᓂᐊᖅᑕᒥᓂᒃ ᐊᓂᒍᐃᓪᓗᓂ ᑭᖑᕙᙱᖦᖢᓂ, ᐃᓕᓐᓂᐊᕆᐊᒃᑲᓐᓂᕈᓯᐊᖅᖢᓂ ᐱᓇᓱᐊᕐᓂᖓᓄᑦ. ᓴᐱᓕᖅᓴᕐᓂᖓ ᐊᒻᒪ ᓇᒡᓕᖕᓂᖓ ᐊᒻᒪ ᐅᒃᐱᕈᓱᖕᓂᖓ ᖃᑕᙳᑎᖏᓐᓂᒃ ᐃᑲᔪᓚᐅᖅᐳᖅ ᐊᒃᓱᕈᕐᓇᖅᑐᒃᑰᖅᑎᓪᓗᒍ.

ᐱᕈᖅᓴᓪᓗᓂ ᑐᑭᓯᐅᒪᙱᖦᖢᓂ ᐃᓗᓕᖏᓐᓂᒃ ᑭᖑᕚᕇᓄᑦ ᖁᐊᖅᓵᖅᓯᒪᓂᕐᒧᑦ, ᖃᐅᔨᒪᙱᖦᖢᓂ ᐃᓕᓐᓂᐊᕆᐊᖅᑎᑕᐅᕙᓚᐅᖅᓯᒪᔪᓂᒃ, ᕼᐃᓂᐆ ᑐᙵᕕᖃᓚᐅᖅᑐᖅ ᓇᒡᓕᖕᓂᕐᒥᒃ, ᐃᓄᑦᑎᐊᕙᐅᓂᕐᒥᒃ ᐊᒻᒪ ᑎᔅᓯᓈᕿᓂᕐᒥᒃ ᐊᓈᓇᒥᓂᒃ ᑭᓯᐊᓂ ᓱᓕ ᐅᓄᖅᑐᓂᒃ ᓂᕆᐅᖕᓂᖃᓚᐅᖅᑐᖅ ᓇᖕᒥᓂᖅ. ᐃᓕᓐᓂᐊᕐᕕᖕᒥ ᐊᒃᓱᕈᕐᓇᖅᑐᖅᓯᐅᖅᑎᓪᓗᒍ, ᐃᓕᓐᓂᐊᑦᑎᐊᖃᑦᑕᓚᐅᖅᐳᖅ. ᐃᓱᒪᓚᐅᖅᑐᖅ ᐃᓚᖃᕆᐊᖃᕐᓂᕐᒥᓂᒃ ᐊᒻᒪᓗ ᓂᐅᕕᕐᓗᓂ ᐃᒡᓗᒥᒃ ᐊᒻᒪᓗ ᖃᓄᓗᒃᑖᖅ ᐱᓕᕆᓗᓂ ᐊᔪᓚᐅᖅᑕᖓᓂᒃ ᐱᕈᖅᐸᓪᓕᐊᑎᓪᓗᒍ. ᓇᖕᒥᓂᖅ ᐊᒻᒪ ᐃᖅᑲᓇᐃᔭᖅᑎᒻᒪᕆᐅᓂᕐᒥᓂ ᐃᓅᓯᖅᑖᖅᑎᓪᓗᒍ, ᖃᐅᔨᓚᐅᖅᑐᖅ ᐃᒻᒥᓂᒃ ᐃᓕᑦᑎᒃᑲᓐᓂᕆᐊᖃᕐᓂᕐᒥᓂᒃ ᑕᒪᐃᓐᓂᒃ Cree−ᖑᓂᖓᓂᒃ ᐊᒻᒪ Tahltan−ᒥᒃ ᐊᕐᓇᐅᓪᓗᓂ. ᐅᑎᓚᐅᖅᑐᖅ ᑕᕼᐊᓪᑕᓐᒧᑦ, ᓄᓇᒥᓄᑦ ᐊᒃᑐᐊᒃᑲᓐᓂᓕᓚᐅᖅᑐᖅ. "ᐊᔾᔨᐅᙱᖦᖢᓂ ᐃᒃᐱᒋᓚᐅᖅᑕᕋ ᓇᒧᙵᕆᐊᒃᓴᖅ ᐊᖏᕐᕋᖅᓯᒪᓚᐅᖅᓯᒪᙱᖦᖢᖓᓗ," ᐃᖅᑲᐅᒪᔪᖅ. ᐃᓚᐅᓂᖅᓴᐅᓕᓚᐅᖅᑐᖅ ᒐᕙᒪᒥᓂᒃ, ᑲᑎᒪᔨᕋᓛᓂᒃ, ᐅᐸᖃᑦᑕᖅᑐᓂ ᖃᓄᐃᓕᐅᕐᓂᐅᔪᓄᑦ ᐊᒻᒪᓗ ᑕᒪᒃᑯᐊᓕᒫᑦ ᐊᑐᖅᓯᒪᔭᖏᑦ ᓄᓇᕐᔪᐊᕐᒧᑦ ᕿᒥᕐᕈᒃᑲᓐᓂᓚᐅᖅᑐᑦ. ᓄᑖᖅ ᑕᐅᑐᒃᑕᖓ ᐱᐅᓂᖅᓴᐅᓚᐅᖅᑐᖅ, ᐅᒃᐱᕈᓱᒃᓗᓂ ᑭᓱᓕᒫᓂᒃ ᐊᑐᖅᑐᓂᑦ ᐱᔾᔪᑎᒧᑦ ᐊᒻᒪᓗ ᓇᒃᓴᕐᖢᓂᐅᒃ ᒫᓐᓇ ᓇᓃᓕᕐᓂᕐᒥᓂᒃ.

ᐅᖃᐅᔾᔪᐃᓂᖓ ᒪᒃᑯᒃᑐᓄᑦ ᐊᖏᕐᕋᒧᑦ ᕿᒪᒍᒪᔪᓄᑦ ᐃᓕᓐᓂᐊᕋᓱᒍᒪᓗᓂ ᐃᒪᓐᓇᐅᔪᖅ, "ᐃᓕᖕᓂᒃ ᐱᑦᑎᐊᕆᑦ, ᐊᒻᒪ ᐃᓕᖕᓂᒃ ᐅᖃᓪᓚᒃᐸᒡᓗᑎᑦ." ᐃᕐᓂᖓ ᐃᓕᓐᓂᐊᕆᐊᖅᓯᒪᒻᒪᑦ ᐊᒻᒪᓗ ᑕᐃᒫᒃ ᐅᖃᐅᑎᒐᔭᖅᑕᖓ. ᐊᕙᑎᖕᓃᑦᑐᑦ ᖁᕕᐊᒋᔪᒪᖕᒥᔭᖏᑦ, ᐃᑲᔫᑎᒃᓴᓂᒃ ᓇᓂᓯᓗᓂ ᐃᑲᔪᖅᑐᐃᔪᓂᒃ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑎᖏᓐᓂᒃ ᐊᒻᒪ ᐊᓯᖏᓐᓂᒃ ᓄᓇᖃᖅᑳᖅᓯᒪᔪᓂᒃ ᐱᓕᕆᖃᑎᖃᕈᓐᓇᕐᓗᓂ. ᐱᖃᓐᓇᕆᔭᖃᕐᕕᓕᐊᖁᔨᓚᐅᖅᐳᖅ ᓄᓇᒧᓪᓗ ᖁᔭᓕᔭᖅᑐᖅᖢᓂ ᓯᕗᓕᕕᓂᖏᓐᓂ. "ᐊᐅᓪᓚᕈᓐᓇᖅᑐᑎᑦ ᐅᑎᕈᓐᓇᕐᖢᑎᓪᓗ ᓇᒃᓴᕈᓐᓇᕐᖢᑎᓪᓗ ᖃᐅᔨᒪᕐᔪᐊᖅᑐᓂᒃ ᐃᓕᑕᕐᓂᒃ ᓄᓇᔅᓯᓐᓄᑦ," ᑎᓕᐅᕆᔪᖅ.

ᒪᒃᑯᓐᓂᖅᓴᐃᑦ ᓇᒻᒥᓂᖅ ᑐᓴᖅᑎᑦᑎᔪᓐᓇᖅᐸᑕ. "ᓈᒻᒪᒃᑲᕕᑦ." ᐱᕈᖅᓴᓪᓗᓂ, ᐊᐱᕆᓚᐅᖅᑐᖅ ᓈᒻᒪᖕᒪᖔᑦ ᒫᓐᓇᓗ ᖃᐅᔨᒪᓕᖅᖢᓂ ᓈᒻᒪᖕᓂᑦᑎᓐᓂ ᖃᖓᑐᐃᓐᓇᑦᑎᐊᒃᑯᑦ. ᐃᓱᒪᒋᓪᓗᒍ ᖃᓄᖅ ᑐᓴᖅᑎᑦᑎᔪᒪᖕᒪᖔᑦ ᐱᔪᒃᓯᑎᑦᑎᔪᒪᓪᓗᓂ ᓄᓇᖃᖅᑳᖅᓯᒪᔪᓂᒃ ᒪᒃᑯᒃᑐᓂᒃ, ᑲᔪᓯᓪᓗᓂ, "ᐃᓱᒪᒋᔭᒃᑯᓪᓕ ᖃᐅᑕᒫᑦ ᐃᓅᓯᓐᓂ ᓯᕗᓕᕕᓂᕗᑦ ᑐᒃᓯᐊᖅᑎᑦᑎᓪᓗᑎᒃ ᐅᕙᑦᑎᓐᓂᒃ ᑕᒫᓃᓪᓗᑎᒃ. ᑕᕝᕙᓃᒋᐊᖃᓐᖏᒃᑲᓗᐊᖅᑐᒍᑦ ᖃᓪᓗᓈᖑᖃᑎᒌᓐᓂᕐᒥᒃ. ᑭᓯᐊᓂ ᑕᕝᕙᐅᕗᒍᑦ. ᖁᔭᓕᔾᔪᑎᒋᕙᕋ ᑕᒪᓐᓇ; ᓯᕗᓕᕕᓂᕗᑦ ᑐᒃᓯᐊᓚᐅᖅᐳᑦ ᐊᒃᓱᕈᖅᖢᑎᒡᓗ ᑕᒫᓃᑦᑐᒪᓪᓗᑎᒃ. ᐆᒻᒪᑎᓐᓂ ᑎᒍᒥᐊᖅᑕᕋ, ᐊᒻᒪᓗ ᐅᕙᓐᓂᒃ ᓴᙱᓂᖃᖅᑎᑦᑎᓪᓗᓂ."

ᖁᔭᓕᓐᓇᐅᔭᖅᑐᖅ ᐃᓕᓐᓂᐊᕐᓂᖓᓄᑦ, ᒥᓐᑎ ᕼᐃᓂ ᐃᓕᑦᑎᓯᒪᔪᖅ ᐊᓯᒥᓂᑦ ᐊᒻᒪᓗ ᑲᔪᓯᑎᖦᖢᓂᒋᑦ ᐃᓕᓐᓂᐊᕈᑎᖏᑦ ᖃᐅᑕᒫᑦ. ᓇᓂᓯᓂᖅ ᖃᓄᖅ ᐱᓕᕆᖃᑎᖃᕆᐊᒃᓴᖅ ᐃᓄᖕᓂᒃ ᐱᐅᔪᒃᑯᑦ ᓇᓂᓯᓗᓂᓗ ᐃᖕᒥᓄᑦ ᐅᑎᕐᓗᓂ, ᐊᖅᑯᑎᒃᑰᖅᓯᒪᔪᖅ ᐃᓱᒪᑐᔪᓄᑦ ᓱᓕᔪᓄᓪᓗ. ᐃᓕᓐᓂᐊᑦᑎᐊᕐᖢᓂ ᑭᓇᐅᓂᕐᒥᓂᒃᓗ, ᐅᑎᕆᐊᖃᕐᖢᓂ ᓇᑭᙶᕐᒪᖔᑦ ᑎᑎᕋᕐᖢᓂᓗ ᐃᓕᓐᓂᐊᒐᒃᓴᒥᒃ ᓯᕗᓂᒃᓴᒧᑦ ᐃᖕᒥᓄᑦ ᓄᓇᓕᖏᓐᓄᓪᓗ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.