ᓃᒐᓐ ᐊᔅᕙᑲᓯᓐ ᑖᓐᓇ ᓴᐱᓕᖃᑦᑕᖏᑦᑐᖅ ᐃᓱᒪᒥᓂᒃ. ᐊᔅᕙᑲᓴᓐ ᐃᓅᓚᐅᖅᓯᒪᔪᖅ ᐋᑐᕚᒥ, ᐋᓐᑎᐅᕆᐅᒥ, ᑭᓯᐊᓂ ᒫᓐᓇ ᓄᓇᖃᖅᑐᖅ Squamish, B.C. 2016−ᒥ ᐊᓂᒍᐃᓚᐅᖅᓯᒪᕗᖅ ᑎᑎᕋᖃᑕᐅᓚᐅᖅᓯᒪᓪᓗᓂᓗ ᒪᓕᒐᓕᕆᔨᕐᔪᐊᒧᑦ ᐋᓐᑎᐅᕆᐅᒥ, ᐱᕕᖃᐃᓐᓇᖅᖢᓂᓗ ᐅᖃᓗᒡᕕᐅᓇᓱᒃᖢᓂ ᐃᒥᕋᓚᒡᕕᖕᒧᑦ.

"ᐃᒥᕐᕕᒃ ᔫᓂᒥ ᐅᖃᓗᒡᕕᐅᔭᕆᐊᖃᓚᐅᕋᓗᐊᕋᒪ, ᑭᓯᐊᓂ ᓄᕙᒡᔪᐊᕐᓇᖅ-19 ᐱᔾᔪᑎᒋᓪᓗᒍ, 2021−ᒧᑦ ᐅᖓᕙᕆᐊᖅᑕᐅᓂᐊᖅᑐᖅ, ᖃᓄᐃᙱᑦᑐᖅ," ᐅᖃᓚᐅᖅᐳᖅ ᐋᔅᕙᑲᓴᓐ.

ᑕᐃᒪᖓᑦ ᐱᔭᕇᓚᐅᖅᑎᓪᓗᒍ ᐊᒻᒪᓗ ᐱᐊᓂᓚᐅᖅᑎᓪᓗᒍ ᑎᑎᕋᖅᓯᒪᔭᒥᓂᒃ, ᐋᓴᑲᓯᓐ ᐱᓕᕆᓂᕐᒧᑦ ᐅᖃᖃᑎᖃᖃᑦᑕᖅᓯᒪᔪᖅ ᑕᒪᐃᓐᓂᒃ ᓇᖕᒥᓂᓕᖕᓂᒃ ᑲᒻᐸᓂᐅᔪᓂᒃ ᐊᒻᒪᓗ ᓄᓇᖃᖅᑳᖅᓯᒪᔪᓂᒃ ᐊᖏᔪᓂᒃ ᐱᕙᓪᓕᐊᑎᑦᑎᓂᕐᒧᑦ ᐱᓕᕆᐊᓂᒃ ᐊᒻᒪᓗ ᒥᑭᑦᑐᓂᒃ ᐱᕙᓪᓕᐊᑎᑦᑎᓂᕐᒧᑦ ᐱᓕᕆᐊᓂᒃ.

"ᐱᓕᕆᖃᑦᑕᖅᐳᒍᑦ ᓇᖕᒥᓂᖃᕐᓂᕐᒧᑦ ᐱᓕᕆᖃᑎᒌᓂᒃ ᐃᑲᔫᑕᐅᓂᐊᖅᑐᓂᒃ ᑲᓇᑕᒥ ᒪᑭᒪᔾᔪᑎᒃᓴᓄᑦ, ᐊᒻᒪᓗ ᐃᑲᔫᑕᐅᓗᑎᒃ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓄᑦ ᐃᖅᑲᓇᐃᔭᖅᑎᑦᑎᓂᒃᑯᑦ, ᐱᓕᒻᒪᒃᓴᖅᑎᑦᑎᓂᒃᑯᑦ, ᓇᖕᒥᓂᖃᕐᕕᖕᓂ ᐱᔪᓐᓇᕐᓂᕆᔭᐅᔪᓂᒃ ᐱᐅᓯᒋᐊᖅᑎᑦᑎᓂᒃᑯᑦ, ᐊᒻᒪ ᓇᖕᒥᓂᖃᕐᕕᖕᓂ ᐱᕙᓪᓕᐊᑎᑦᑎᓂᒃᑯᑦ," ᐅᖃᓚᐅᖅᐳᖅ ᐋᔅᓱᐊᑲᓴᓐ.

ᐃᖏᕐᕋᓂᕆᔭᖓ ᒫᓐᓇ ᒪᓕᒐᒦᖦᖢᓂ ᐃᒪᓐᓇ ᑕᐃᕙᐅᒃ "ᐅᓂᒃᑳᖅ"

ᐊᔅᕙᑲᓴᓐ ᐱᒋᐊᓚᐅᖅᑐᖅ ᐱᔭᕇᖅᓯᓪᓗᓂ ᓴᓇᙳᐊᖅᑕᐅᓂᑯᓂᑦ ᖃᐅᔨᓴᖕᓂᖕᓂᓪᓗ ᒥᑭᑦᑐᒥᑦ ᑕᐅᑐᓪᓗᐊᑕᖅᖢᓂ ᓄᓇᖃᖅᑳᖅᓯᒪᔪᓂᑦ ᖃᐅᔨᓴᖕᓂᖕᓂᑦ, ᐃᖅᑲᓇᐃᔭᓕᕆᓪᓗᓂᓗ ᓄᓇᖃᖅᑳᖅᓯᒪᔪᑦ ᐊᕐᓇᐃᑦ ᑲᑐᔾᔨᖃᑎᒌᖏᓐᓄᑦ ᑲᓇᑕᒥᑦ ᖃᐅᔨᓪᓗᓂ ᐃᖅᑲᓇᐃᔭᓚᐅᖅᑐᑦ ᐊᕐᓇᓕᒫᑦ ᒪᓕᒐᓕᕆᔨᑦ.

"ᐅᔾᔨᕈᓱᓪᓚᕆᓕᓚᐅᖅᐳᖓ ᐊᒃᑐᖅᓯᓂᕆᕙᒃᑕᖏᓐᓂᒃ ᒪᓕᒐᑎᒍᑦ ᐊᔪᕈᓐᓃᖅᓴᖅᑎᑕᐅᓯᒪᔪᑦ ᐱᓕᕆᔨᓪᓚᕇᑦ ᐱᓯᒪᔪᓐᓇᕐᓂᖏᓐᓂᒃ ᑮᓇᐅᔭᓕᐅᕋᓱᒃᑎᐅᙱᑦᑐᓄᑦ, ᐊᕐᓇᐃᓪᓗ ᐱᔪᓐᓇᐅᑎᖏᓐᓄᑦ ᐊᕐᓇᐃᓪᓗ ᐱᔪᓐᓇᐅᑎᖏᓐᓄᑦ, ᓄᓇᖃᖅᑳᖅᑐᓪᓗ ᐊᕐᓇᐃᑦ ᐱᔪᓐᓇᐅᑎᖏᓐᓄᑦ ᐃᓱᒪᒋᔭᒃᓴᓄᓪᓗ, ᓄᑕᖅᑲᓪᓗ ᐃᓱᒪᒋᔭᒃᓴᖏᓐᓄᑦ ᐱᔪᓐᓇᐅᑎᖏᓐᓄᓪᓗ. ᑕᐃᑲᙵᓪᓗ ᐃᓱᒪᓕᐅᓕᓚᐅᖅᐳᖓ ᐱᔪᒃᓯᓕᖅᑎᑕᐅᓪᓗᖓᓗ ᐊᕐᓇᓄᑦ ᐊᕙᑎᓐᓃᑦᑐᓄᑦ ᐱᓇᔪᖁᓪᓗᒋᑦ ᒪᓕᒐᓕᕆᓂᕐᒧᑦ ᐃᓕᓐᓂᐊᕐᕕᖕᒧᑦ," ᑕᐃᒪᓐᓇ ᐋᓯᕙᓯᓐ ᐅᖃᖅᖢᓂ.

ᒪᓕᒐᓕᕆᓂᕐᒧᑦ ᐃᓕᓐᓂᐊᖅᑎᓪᓗᒍ, ᐋᓴᑲᓴᓐ ᐃᖅᑲᓇᐃᔭᓚᐅᖅᑐᖅ ᓄᓇᖃᖅᑳᖅᓯᒪᔪᓄᑦ ᑲᑐᔾᔨᖃᑎᒌᓄᑦ ᐊᒻᒪ ᑲᓇᑕᐅᑉ ᒪᓕᒐᓕᐅᕐᕕᒡᔪᐊᖓᓂ ᒪᓕᒐᓕᐅᖅᑎᕐᔪᐊᖑᓚᐅᖅᓯᒪᔪᒧᑦ ᕉᒥᐆ ᓵᒐᓐᔅᒧᑦ, ᐅᖃᖅᖢᓂ ᐃᓕᑦᑎᓚᐅᕐᓂᕋᖅᖢᓂ ᐊᕐᕌᒍᓂ ᐊᓂᒍᖅᑐᓂᒃ ᐊᒃᑐᐃᓂᖅᐹᖑᖃᑕᐅᓇᔭᕐᓂᖓᓂᒃ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓂᒃ ᐱᕙᓪᓕᐊᔪᓕᕆᓂᕐᒧᑦ.

ᐊᔅᕙᑲᓴᓐ ᐃᓱᒪᓕᐅᓕᓚᐅᖅᑐᖅ ᐊᒃᓱᕉᑎᖃᕐᓂᐊᕐᓂᕐᒥᓂᒃ ᑲᒻᐸᓂᓂᒃ ᐊᒻᒪ ᓄᓇᖃᖅᑳᖅᓯᒪᔪᓂᒃ ᑲᑐᔾᔨᖃᑎᒌᑦᑎᐊᓕᖁᓪᓗᒍ.

"ᑕᑯᓚᐅᖅᑐᖓ ᓄᓇᓖᑦ, ᓴᙱᔪᒥᑦ ᓯᕗᓕᖅᑎᐅᓚᐅᖅᑐᑦ ᓴᙱᔪᒥᓪᓗ ᐱᕙᓪᓕᐊᔪᓕᕆᓂᕐᒧᑦ ᐱᓕᕆᐊᖑᕙᓪᓕᐊᔪᒪᔪᓂᑦ, ᐱᔪᓐᓇᓚᐅᖅᑐᑦ ᑮᓇᐅᔭᓂᑦ, ᐅᑎᖅᑎᑦᓯᓂᕐᒥᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ, ᐃᓕᓐᓂᐊᕐᓂᕐᒧᑦ, ᐃᓄᓕᕆᓂᕐᒧᑦ ᐱᓕᕆᐊᓂᑦ, ᓄᓇᓕᓐᓂᑦ ᒪᒥᓴᕐᓂᕐᒥᑦ, ᐃᒻᒥᑰᖅᑐᓂᑦ ᒪᒥᓴᕐᓂᕐᒥᑦ. ᐊᒻᒪᓗ, ᐃᓱᒪᒋᔭᒃᑯᑦ ᐊᑑᑎᖃᓛᖑᓚᐅᖅᑐᖅ ᐱᐅᓯᕚᓪᓕᕋᓱᒃᖢᒋᑦ ᓄᓇᖃᖅᑳᖅᓯᒪᔪᑦ ᓄᓇᓕᖏᑦ. ᐃᓚᒋᔭᐅᔪᒪᓚᐅᖅᑐᖓᓗ ᑕᒪᑐᒧᖓ," ᐅᖃᖅᑐᖅ ᐋᔅᕙᑲᐃᓐ.

ᒪᓕᒐᓕᕆᔨᕈᕋᓱᐊᕐᓂᖓ ᐃᓕᓐᓂᐊᕐᕕᕐᔪᐊᕐᒥᑦ ᐊᒥᓱᑦ ᐃᓄᐃᑦ ᖃᐅᔨᓚᐅᖅᓯᒪᙱᑕᖏᑦ.

ᐊᖓᔪᒃᖡᑦ ᐃᓕᓐᓂᐊᕐᕕᖕᒥ, ᐋᓴᑲᓯᓐ ᐊᖏᕐᕋᒥ ᐃᓕᓐᓂᐊᓚᐅᖅᐳᖅ, ᐅᖃᖅᖢᓂ ᐊᓈᓇᖓ ᑲᔪᓯᑦᑎᐊᖁᓪᓗᓂᐅᒃ, ᖁᔭᓕᔾᔪᑎᒋᓪᓗᓂᐅᒃ.

"ᖁᔭᓕᑦᑎᐊᖅᑕᕋ ᓲᖃᐃᒻᒪ ᖁᑦᑎᖕᓂᖅᓴᒥ ᐃᓕᓐᓂᐊᕐᕕᖕᒥ, ᑭᒃᑯᑐᐃᓐᓇᕐᓄᑦ ᐃᓕᓐᓂᐊᕐᕕᖕᒥ ᐊᑐᖃᑦᑕᖅᑐᖅ, ᐊᔪᕐᓇᕐᔪᐊᖅᑐᖅ ᓄᓇᖃᖅᑳᖅᓯᒪᔪᓄᑦ ᐃᓕᓐᓂᐊᖅᑎᓄᑦ," ᐅᖃᖅᑐᖅ ᐋᓴᑲᓴᓐ.

ᐊᔅᕙᑲᓴᓐ ᐅᖃᖅᑐᖅ ᓯᓚᑦᑐᖅᓴᕐᕕᒻᒧᐊᕋᒥ 'ᐊᒃᓱᕈᖃᑦᑕᓚᐅᖅᑐᖅ' ᐃᓕᓐᓂᐊᑦᑎᐊᕐᓂᖓᓄᑦ ᓲᖃᐃᒻᒪ ᓈᒻᒪᓚᐅᙱᓐᓂᖓᓄᑦ. ᑭᓯᐊᓂ ᐊᔪᓕᓚᐅᖅᑐᖅ ᐊᒻᒪᓗ ᑎᑎᕋᕈᓐᓇᖅᓯᓪᓗᓂ ᐊᒻᒪᓗ ᖃᐅᔨᓴᖅᑐᓂ, ᐃᑲᔪᓚᐅᖅᑐᖅ ᐃᓕᓐᓂᐊᑎᐊᕐᓂᖓᓄᑦ ᐊᒻᒪᓗ ᐃᑲᔪᓚᐅᖅᑐᓂ ᒪᓕᒐᓕᕆᓂᕐᒧᑦ ᐃᓕᓐᓂᐊᕐᓂᖓᓄᑦ.

ᐊᔅᕙᑲᓴᓐ ᒥᑕᔅ ᐊᑕᐅᓯᐊᙱᖦᖢᓂ ᐊᔪᓚᐅᖅᑐᖅ, ᐅᖃᖅᖢᓂ ᐱᑦᑎᐊᙱᓐᓂᕋᖅᖢᓂ ᓯᕗᓪᓕᖅᐹᒥ ᒪᓕᒐᓕᕆᓂᕐᒧᑦ ᐃᓕᓐᓂᐊᕐᕕᖕᒥ ᖃᐅᔨᓴᖅᑕᐅᑎᓪᓗᒍ

"ᐊᒃᓱᐊᓗᒃ ᐱᓕᕆᐊᖑᓚᐅᖅᑐᖅ, ᑭᓯᐊᓂ ᑐᕌᒐᓕᐅᓚᐅᖅᑐᖓ ᖃᐅᔨᒪᓚᐅᖅᑐᖓᓗ ᐊᒃᓱᕆᑦᑎᐊᓚᐅᖅᑕᕋ. ᐊᒥᓱᓂᒃ ᐃᓄᖕᓂᒃ ᐃᑲᔪᖅᑐᐃᔪᖃᓚᐅᖅᐳᖅ, ᐅᖃᐅᑎᓪᓗᓂᖓ, "ᓴᐱᓕᖅᑕᐃᓕᒋᑦ," ᑕᐃᒪᐃᓚᐅᕐᓇᖓᓗ, ᐊᔪᖅᓯᐅᖅᑲᓪᓗᖓ," ᑕᐃᒪᓐᓇ ᐋᓯᕙᓯᓐ ᐅᖃᖅᖢᓂ.

"ᒪᓕᒐᓕᕆᑎᓪᓗᖓ ᐅᕝᕙᓘᓐᓃᑦ ᓇᖕᒥᓂᖃᕐᓂᕐᒥᒃ ᐱᕙᓪᓕᐊᑎᑦᑎᑎᓪᓗᖓ, ᑭᓇᑐᐃᓐᓇᑦᑎᐊᒥᒃ ᕿᓂᖅᑐᖃᙱᒻᒪᑦ ᐊᒻᒪ ᖃᐅᔨᒪᔪᖃᙱᖦᖢᓂ ᑕᒪᒃᑯᓂᖓ ᐊᔪᓕᕈᑕᐅᓯᒪᔪᓂᒃ ᐊᒻᒪ ᑕᐃᔅᓱᒪᓂ ᑲᑕᓚᐅᖅᓯᒪᓪᓗᖓ ᓴᐱᓕᑲᓴᒃᖢᖓᓗ."

ᐊᒻᒪᓗ ᖃᓄᑐᐃᓐᓇᖅ ᐅᖃᐅᔾᔨᒍᓐᓇᕈᓂ ᐃᓄᓐᓂᒃ ᐃᓱᒪᔪᓂᒃ ᕿᒪᐃᒍᒪᔪᓂᒃ ᓄᓇᒥᓐᓂᒃ ᐃᓕᓐᓂᐊᕆᐊᒃᑲᓂᕐᓂᕐᒧᑦ ᐅᕝᕙᓘᓐᓃᑦ ᐃᖅᑲᓇᐃᔮᒧᑦ, ᓇᓂᓯᓂᐅᒐᔭᖅᑐᖅ ᐃᑲᔪᖅᑐᖅᑕᐅᓂᕐᒥᒃ ᐃᓕᓐᓂᐊᖅᑎᐅᒐᓗᐊᖅᑲᑦ ᐅᕝᕙᓘᓐᓃᑦ ᐃᓚᒌᖑᒐᓗᐊᖅᑲᑦ.

"ᐃᓕᖕᓂᒃ ᐋᖅᑭᒃᓯᓗᑎᑦ ᐃᑲᔪᖅᑐᐃᑦᑎᐊᕈᑎᒥᒃ ᐊᒻᒪ ᐱᙳᐊᕐᓂᕐᒧᑦ ᐸᕐᓇᐅᑎᒥᒃ ᑭᓱᑐᐃᓐᓇᑦ ᐱᔪᒪᔭᕐᓄᑦ ᑎᑭᐅᑎᙱᑉᐸᑕ, ᖃᓄᐃᙱᑦᑐᖅ ᓴᐱᓕᖅᑕᐃᓕᓗᑎᑦ, ᑭᓯᐊᓂ ᓄᖅᑲᓚᐅᑲᑐᐃᓐᓇᕐᓗᑎᑦ ᓇᕿᑦᑕᐅᑎᒥᒃ, ᐃᓕᖕᓂᒃ ᑲᒪᒋᑦᑎᐊᕐᓗᑎᑦ, ᖃᓄᐃᓕᐅᕆᐊᖃᖅᑕᕐᓂᒃ ᐱᓕᕆᓗᑎᑦ, ᐊᒻᒪᐃᓛᒃ ᓱᓕᓪᓗᖓ ᐱᕕᖃᓕᕐᓂᐊᖅᐳᑎᑦ ᓴᙱᓗᑎᑦ ᐱᑐᐃᓐᓇᕆᐊᖃᓕᕐᓗᑎᓪᓗ. ᐊᒻᒪᓗ ᐃᓱᒪᒋᔪᓐᓇᐃᑐᐃᓐᓇᕐᓗᑎᑦ."

ᖁᔭᓐᓇᒦᑦᑎᐊᕐᒥᔭᕋ ᔮᔅᒥᓐ ᑲᐸᑕᐃ ᑎᑎᕋᓚᐅᕐᓂᖓᓄᑦ ᑖᔅᓱᒥᖓ.