"ᒪᕐᕈᐃᓕᖓᔪᓂ ᐱᓱᒃᐸᒃᐳᖓ ᐃᑳᕐᕕᓕᐅᕋᓱᒃᖢᖓᓗ ᐊᑯᓐᓂᖏᓐᓂ. ᐃᓛᓐᓂᒃᑯᑦ ᐊᒃᓱᕈᕐᓇᖅᑑᖃᑦᑕᖅᑐᖅ, ᑭᓯᐊᓂ ᐅᐱᒋᔭᕋ," ᓄᐊ ᕕᐅᓪᓴᓐ ᐅᓂᒃᑳᖅᑐᖅ. ᐃᓂᖃᖅᑐᖅ 1-ᒥ ᓄᓇᕗᒻᒥ ᓯᓚᑦᑐᓴᕐᕕᔾᔪᐊᖓᓂ ᒫᓂᑑᕙᐅᑉ ᐊᒻᒪᓗ ᓄᓇᓕᖓ ᐱᒍᔅ ᓄᓇᖃᖅᑳᖅᓯᒪᔪᑦ. ᑖᒃᑯᐊ ᐅᓪᓗᐃᑦ ᐅᐃᓂᐹᒡᒥ ᓄᓇᖃᓕᖅᑐᖅ ᐱᓕᕆᖃᑎᖃᖅᖢᓂᓗ ᕘᑐᐳᕐ ᑲᓇᑕᒥ ᐱᓗᐊᖅᑐᒥᒃ ᓄᓇᖃᖅᑳᖅᓯᒪᔪᑦ ᓇᖕᒥᓂᖃᕐᓂᕐᒧᑦ ᐱᕙᓪᓕᐊᓂᕐᒧᑦ ᐊᐅᓚᑦᑎᔨᐅᓪᓗᓂ ᒪᒃᑯᒃᑐᓄᑦ ᓄᓇᖃᖅᑳᖅᓯᒪᔪᑦ ᓇᖕᒥᓂᖃᖅᑎᖏᓐᓄᑦ ᐅᑭᐅᖃᖅᑐᓄᑦ 18-ᒥ 39-ᒧᑦ ᓴᖅᑭᑦᑎᑎᓪᓗᒋᑦ ᓴᖅᑭᑕᐅᓵᓕᔪᓂᒃ ᐅᕝᕙᓘᓐᓃᑦ ᐱᒋᐊᓕᓵᖅᑎᓪᓗᒋᑦ ᓇᖕᒥᓂᖃᕐᕖᑦ. ᑲᑐᔾᔨᖃᑎᒌᑦ ᐱᓕᕆᐊᖃᓪᓚᕆᒍᒪᕗᑦ ᐃᑲᔪᖅᑐᐃᓂᕐᒥᒃ ᓄᓇᖃᖅᑳᖅᑐᓂᒃ, ᐊᓪᓚᖓᔪᓂᒃ ᐃᓄᐃᓪᓗ ᓇᖕᒥᓂᖃᖅᑎᐅᔪᓂᒃ ᑑᑐᓪ ᕿᑭᖅᑕᓕᒫᒥ. 

"ᐱᓕᕆᖃᑎᖃᕐᓂᖅ ᕘᑐᐳᕐ−ᒥ, ᑲᑎᖃᑎᖃᕈᓐᓇᖅᐳᖓ ᓄᓇᖃᖅᑳᖅᑐᓂᒃ ᓇᖕᒥᓂᖃᖅᑎᐅᔪᓂᒃ ᐅᕙᓂ, Turtle Island,, ᐱᓕᕆᐊᖃᓪᓚᕆᒍᒪᕙᒃᑐᓄᑦ, ᐊᔪᙱᓐᓂᖃᑦᑎᐊᖅᑐᓄᑦ, ᐃᓱᒪᒃᓴᖅᓯᐅᑦᑎᐊᖅᓯᒪᓪᓗᑎᒃ ᑭᖑᓂᖓᒍᓪᓗ ᑲᔪᓯᕙᓪᓕᐊᓪᓗᑎᒃ." 

ᐅᐃᓪᓴᓐ ᒫᓂᑑᐸᒥᑦ, ᓴᔅᑳᑦᓱᐊᓐᒥᑦ ᓄᓇᕗᒻᒥᓪᓗ ᑲᒪᒋᔭᖃᖅᐳᖅ, ᐃᑲᔪᖅᖢᓂ ᓇᖕᒥᓂᖃᖅᑎᐅᔪᓂᑦ. ᑖᒃᑯᐊ ᐃᓄᐃᑦ ᐊᒃᓱᕈᖅᓯᒪᔪᑦ ᐅᑭᐅᓐᓂᒃ ᒪᕐᕈᓐᓂᒃ ᐅᕝᕙᓘᓐᓃᑦ ᐱᕈᕐᓰᕕᓐᓄᑦ ᓂᐅᕐᕈᑎᖃᕋᓱᐊᖅᑐᓄᑦ ᐅᕝᕙᓘᓐᓃᑦ ᐊᑭᕋᖃᙱᑦᑐᓄᑦ, ᓂᐅᕐᕈᑎᖃᖃᑦᑕᕐᓯᒪᔪᑦ ᐊᒻᒪᓗ ᖃᐅᔨᒪᓪᓗᑎᒃ ᐊᖏᓂᖅᓴᒥᒃ ᓂᐅᕐᕈᑎᖃᖃᑦᑕᕐᒪᑕ. ᑖᓐᓇ ᓴᓂᕌᒍᑦ ᐱᓕᕆᓂᐅᔪᖅ ᐱᔪᓐᓇᑎᑦᑎᕗᖅ $15,000-ᓂᑦ ᓴᖅᑮᓂᕐᒧᑦ ᐅᕝᕙᓘᓐᓃᑦ ᐊᖏᓪᓕᒋᐊᖅᑎᑦᑎᓂᕐᒥᑦ ᓴᓂᒧᑦ. 

ᕘᑐᐳᕐ ᐅᓪᓗᓕᒫᒧᑦ ᐱᒋᐊᕈᑎᓄᑦ ᐱᓕᕆᐊᒃᓴᖃᕐᒥᔪᖅ ᓄᓇᖃᖅᑳᖅᓯᒪᔪᑦ ᓇᖕᒥᓂᖃᖅᑎᖏᓐᓄᑦ ᕿᓂᖅᑐᓄᑦ ᓄᓇᖃᖅᑳᖅᓯᒪᔪᑦ ᓇᖕᒥᓂᖃᕐᓂᕐᒥᒃ ᐅᓪᓗᓕᒫᖅ ᑮᓇᐅᔭᓕᐅᖅᑎᐅᓗᑎᒃ $60,000-ᒧᑦ ᑎᑭᖦᖢᒍ. ᑖᒃᑯᐊ ᑮᓇᐅᔭᐃᑦ ᐊᐅᓚᓂᖃᖅᑐᑦ ᐊᑭᑐᔫᑎᓄᑦ ᑮᓇᐅᔭᖃᖅᑎᑦᓯᓂᕐᒧᑦ, ᐊᐅᓚᑦᓯᓂᕐᒧᑦ ᐊᑭᑐᔫᑎᓄᑦ ᓇᒻᒥᓂᖁᑎᖏᓐᓄᑦ ᑮᓇᐅᔭᖃᖅᑎᑦᓯᓂᕐᒧᓪᓗ ᓱᓇᒃᑯᑎᑖᕆᒋᐊᓕᖏᓐᓄᑦ ᓇᒻᒥᓂᖁᑎᖏᑦ ᐱᒋᐊᖁᓪᓗᒋᑦ. 

ᑕᒪᕐᒥᒃ ᐱᓕᕆᐊᒃᓴᑦ ᐊᑐᐃᓐᓇᐅᑎᑦᑎᕗᑦ ᑲᔪᖏᖅᓴᐃᔨᒥᒃ ᐅᑭᐅᖕᓄᑦ ᒪᕐᕉᖕᓄᑦ ᓇᖕᒥᓂᖃᖅᑎᐅᓗᓂ ᐅᕝᕙᓘᓐᓃᑦ ᑭᓇᑭᐊᖅ ᐱᓕᕆᔨᒻᒪᕆᐅᓗᓂ ᐱᓕᕆᓂᑰᓗᓂ ᓲᕐᓗ ᐱᖁᑎᖃᖅᑎᑦᑎᓂᕐᒥᒃ, ᓂᐅᕐᕈᑎᖃᕐᓂᕐᒥᒃ ᐊᒻᒪ ᓂᐅᕐᕈᑎᖃᕐᓂᕐᒥᒃ, ᐅᕝᕙᓘᓐᓃᑦ ᖃᐅᑕᒫᑦ ᑮᓇᐅᔭᓕᕆᐊᖑᕙᒃᑐᓂᒃ, ᐅᑯᓂᖓᓗ ᓄᓇᖃᖅᑳᖅᓯᒪᔪᑦ ᓇᖕᒥᓂᖃᖅᑎᑦ ᓇᖕᒥᓂᖅ ᐱᓕᕆᖃᑦᑕᖅᓯᒪᔪᑦ. ᐱᔪᓐᓇᕐᓂᕐᒥᑦ ᐊᑭᑐᔫᑎᓄᑦ ᑲᔪᖏᖅᓴᐃᔪᓕᕆᓂᕐᒧᓪᓗ ᐊᖏᓛᖑᔪᑦ ᑐᓗᖅᑕᕈᑏᑦ ᑕᑯᕙᒃᑕᖏᑦ ᓄᓇᖃᖅᑳᖅᓯᒪᔪᑦ ᓇᖕᒥᓂᖃᖅᑎᑦ ᑎᑭᐅᑎᔭᖏᓐᓂ ᐊᒻᒪ ᐱᓪᓗᕆᒃᑐᓕᕆᔨᑦ ᐱᓕᕆᐊᕆᓗᒋᑦ ᑕᐃᒃᑯᐊ ᐊᒃᓱᕈᕐᓇᖅᑐᑦ. 

"ᐃᓕᖕᓂᒃ ᐊᕙᓗᓯᒪᑎᓪᓗᑎᑦ ᐱᔪᒃᓯᑦᑎᐊᖅᑐᓂᒃ ᐃᓄᖕᓂᒃ, ᐃᓕᖕᓂᒃ ᐱᔪᒃᓯᓂᖃᑦᑎᐊᖅᐳᑎᑦ."

ᓯᓚᑖᓂ ᐱᓕᕆᐊᖓᑕ ᕘᑐᕈ, ᕕᐅᓪᓴᓐ ᑲᑎᒪᔨᐅᖃᑕᐅᕗᖅ ᐱᒍᐃᔅ ᐱᕈᖅᓴᐃᓂᕐᒧᑦ ᑯᐊᐳᕇᓴᒃᑯᓐᓂᑦ, ᐱᖁᑎᓂᑦ ᐊᐅᓚᑦᑎᓪᓗᓂ ᓄᓇᓕᖓᓄᑦ ᐊᒻᒪᓗ ᐊᐅᓚᑦᑎᓪᓗᓂ ᓇᖕᒥᓂᕆᔭᐅᔪᓂᑦ ᐱᓕᕆᐊᒃᓴᖏᑎᒍᑦ. ᐃᒃᓯᕙᐅᑕᐅᖃᑕᐅᔪᖅ ᓱᓕᔪᒥᒃ ᐃᓱᒪᒋᔪᓐᓇᐃᖃᑎᒌᖕᓂᕐᒧᓪᓗ ᐅᖃᐅᔾᔪᐃᔨᑦ ᑲᑎᒪᔨᖏᓐᓄᑦ ᓄᓇᓕᖕᓂ ᓇᖕᒥᓂᖅ ᐃᖅᑲᓇᐃᔭᕐᕕᓖᑦ ᑲᑐᔾᔨᖃᑎᒌᓄᑦ, ᐱᔾᔪᑎᖃᓪᓗᐊᑕᖅᖢᓂ ᐊᑐᓕᖅᑎᑦᑎᖁᔨᓂᕐᒥᒃ ᐱᓕᕆᐊᖑᖁᔭᐅᔪᒥᒃ 92−ᒧᑦ. ᑕᒪᓐᓇ ᖃᓄᐃᓕᐅᕈᑕᐅᖁᔨᓂᖅ ᐊᒃᓱᕈᕈᑕᐅᔪᓄᑦ ᓇᖕᒥᓂᕆᔭᐅᔪᓄᑦ ᐃᓚᐅᖃᑕᐅᓂᐊᕐᓗᑎᒃ ᐋᕿᒋᐊᕈᑎᖃᕐᓂᕐᒧᑦ ᐃᓕᓐᓂᐊᕐᓂᒃᑯᑦ, ᓂᐅᕕᕐᓂᒃᑯᑦ, ᐊᒻᒪᓗ ᓴᖅᑭᑦᑎᓂᒃᑯᑦ ᐱᕕᖃᕐᓂᐅᔪᓂᒃ ᓄᓇᖃᖅᑳᖅᑐᓄᑦ ᓇᖕᒥᓂᕆᔭᐅᔪᓄᑦ ᐊᒻᒪᓗ ᓄᓇᓕᖕᓄᑦ. 

ᕕᐅᓪᓴᓐ ᑐᑭᒧᐊᒃᑎᑦᑎᔨᙳᖅᑎᑕᐅᓚᐅᖅᑐᖅ ᓄᓇᖃᖅᑳᖅᓯᒪᔪᓄᑦ ᐱᕙᓪᓕᐊᔪᓕᕆᓂᕐᒧᑦ ᑲᔪᖏᖅᓴᐃᔨᖏᓐᓄᑦ. ᐃᓚᐅᓂᖅᓴᐅᓕᓚᐅᖅᑐᖅ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓂ ᓯᓚᑦᑐᖅᓴᕐᕕᒡᔪᐊᒦᑎᓪᓗᒍ, ᐃᓕᓐᓂᐊᖃᑎᖃᖅᖢᓂ ᐊᓯᖏᓐᓂᒃ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑎᖏᓐᓂᒃ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑎᑦ ᐃᓕᓐᓂᐊᕐᕕᖕᒥ, ᐃᓚᐅᖃᑕᐅᓪᓗᓂ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑎᑦ ᑲᑐᔾᔨᖃᑎᒌᖏᓐᓂ, ᓅᖦᖢᓂ ᐃᓕᓐᓂᐊᖅᑎᓄᑦ ᓯᕗᓕᖅᑎᐅᓂᕐᒧᑦ ᐊᒻᒪ ᐱᓇᔪᖕᓂᕐᒧᑦ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᕈᑎᖏᓐᓂᒃ ᐊᒻᒪ ᓄᓇᖃᖅᑳᖅᓯᒪᔪᑦ ᒐᕙᒪᓕᕆᓂᕐᒥᒃ, ᐱᓗᐊᖅᑐᒥᒃ. ᕕᐅᓪᓴᓐ ᐃᔨᖏᑦ ᐅᒃᑯᐃᖅᑕᐅᓚᐅᖅᑐᑦ ᐃᓕᑦᑎᒐᒥ ᐱᕙᓪᓕᐊᔪᓕᕆᓂᐅᑉ ᒥᒃᓵᓄᑦ, ᒐᕙᒪᓕᕆᓂᖕᓄ ᖃᐅᔨᓴᖕᓂᖕᓂᑦ, ᓄᓇᖃᖅᑳᖅᓯᒪᔪᓂᑦ ᐃᓕᓐᓂᐊᕐᓂᖕᓂᑦ ᓇᖕᒥᓂᖃᖕᓂᖕᓂᓪᓗ.

‍

"ᐱᓕᕆᐊᖅᑖᒃᑲᓐᓂᕋᒪ, [ᓱᓕᒃᑲᓐᓂᖅ] ᑐᑭᓯᓚᐅᖅᑐᖓ ᐱᔪᓐᓇᕐᓂᕆᔭᓐᓂᒃ ᐃᓄᖁᑎᑦᑕ ᐱᓪᓗᒋᑦ ᐱᕙᓪᓕᐊᔪᓕᕆᓂᖅ ᑕᒫᓂ ᑲᓇᑕᒥ, ᐊᒻᒪᓗᑦᑕᐅᖅ ᐱᔪᓐᓇᕐᓂᖃᕐᓂᖅ ᑎᒥᐅᔫᑉ ᑲᓇᑕᒥ, ᐱᔾᔪᑎᒋᓪᓗᒋᑦ ᐊᑐᐊᒐᐃᑦ ᐊᒻᒪᓗ ᐊᒃᑐᐃᓂᖃᕈᓐᓇᕐᓂᖅ ᑕᑯᔪᒪᔭᑦᑎᓐᓂᒃ ᓄᓇᑦᑎᓐᓂ," ᐅᖃᖅᑐᖅ.  

"ᐱᔪᒪᓂᖃᓪᓚᕆᓚᐅᖅᑐᖓ ᓴᖅᑭᔮᖅᑎᑦᑎᓂᕐᒥᑦ ᐊᒻᒪ ᐱᓕᕆᖃᑕᐅᓂᕐᒥᑦ ᐱᕙᓪᓕᐊᔪᓕᕆᓂᕐᒥᑦ ᐊᒻᒪ ᓄᓇᖃᖅᑳᖅᓯᒪᔪᑦ ᐃᓄᐃᑦ ᐃᔅᓯᕙᐅᑕᖃᕐᓗᑎ ᑲᑎᒪᕕᒻᒥ ᐊᒻᒪ ᐃᔅᓯᕙᐅᑕᐅᑐᐃᓐᓇᖏᓪᓗᑎ, ᐃᓱᒪᔪᖓ ᓄᓇᖃᖅᑳᖅᓯᒪᔪᑦ ᐃᓄᐃᑦ ᓂᐊᖁᕆᔭᐅᒋᐊᖃᖅᑐᒋᓪᓗᒋᑦ ᐋᔩᖃᑎᒌᓐᓂᕐᒧᑦ ᐱᕙᓪᓕᐊᔪᓕᕆᓂᕐᒧᑦ ᑕᒫᓂ ᑲᓇᑕᒥ, ᓲᖃᐃᒻᒪ, ᐃᑲᔪᓚᐅᕋᑦᑕ ᐱᕙᓪᓕᐊᑎᑦᑎᓪᓗᑕ ᑖᔅᓱᒥᖓ ᓄᓇᓕᒡᔪᐊᒥᒃ. ᑕᒫᓂ ᑲᓇᑕᒥ ᐱᒋᐊᖅᑎᑦᑎᔨᐅᓚᐅᖅᑐᒍᑦ," ᑲᔪᓯᓪᓗᓂ. 

"ᓄᓇᖃᖅᑳᖅᓯᒪᔪᑦ ᒪᑭᒪᔾᔪᑎᒃᓴᖏᑦ ᐱᑕᖃᖅᓯᒪᔪᑦ ᓄᓇᑐᖃᕆᙱᑕᒥᓄᑦ ᓄᓇᑖᖅᑎᑦᑎᓚᐅᙱᑎᓪᓗᒋᑦ ᐱᒻᒪᕆᐅᓪᓗᓂᓗ ᑖᒃᑯᐊ ᒪᕐᕉᒃ ᓄᓇᕐᔪᐊᕐᒥ ᐃᓱᒪᒋᔭᐅᔫᒃ ᑲᑎᑎᓪᓗᒋᑦ."

ᐱᔪᒃᓯᑎᑕᐅᑦᑎᐊᖅᓯᒪᔪᖅ ᕘᑐᕈᐅᑉ ᓄᓇᖃᖅᑳᖅᓯᒪᔪᑦ ᓇᖕᒥᓂᖃᕐᕕᖏᓐᓄᑦ ᐊᒻᒪ ᓄᓇᖃᖅᑳᖅᓯᒪᔪᑦ ᓯᕗᓕᖅᑎᖏᓐᓄᑦ ᓄᓇᓕᖕᓂ. ᕿᓃᓐᓇᐅᔭᖅᑐᖅ ᓴᓇᓂᕐᒥᒃ ᓄᓇᓕᖕᓂ ᓲᕐᓗ ᐃᓱᒪᑐᔪᓂᒃ ᓇᖕᒥᓂᖃᕐᓂᕐᒥᒃ ᐊᒻᒪ ᑲᓕᒎᑎᓂᒃ ᑲᔪᖏᖅᓴᐃᔨᓂᒃ. ᐃᑲᔪᖅᑕᐅᓚᐅᖅᑐᖅ ᑲᔪᖏᖅᓴᐃᔪᓕᕆᔨᒧᑦ ᓇᖕᒥᓂᖅ ᑐᑭᒧᐊᒃᑎᑦᑎᔨᑎᒍᑦ ᑲᓇᑕᒥ ᑐᑦᑕᕐᕕᖕᒧᑦ ᓱᓕᔪᒥᒃ ᐃᓱᒪᒋᔪᓐᓇᐃᖃᑎᒌᖕᓂᕐᒧᓪᓗ. 

"ᐃᓕᖕᓂᒃ ᑕᖅᑲᐅᖓᖅᑎᑦᑎᓂᕐᒨᖓᔪᖅ ᐊᒻᒪᓗ ᑕᑯᒃᓴᐅᑎᑦᑎᑐᐃᓐᓇᖅᖢᓂ ᐱᔪᒪᓂᕐᒥᒃ ᐱᓗᐊᖅᑐᒥᒃ. ᑕᐃᒪᐃᓕᐅᕈᕕᑦ, ᐊᒥᓲᖏᑦᑐᑦ ᐃᓄᐃᑦ ᑕᖅᑳᓂ ᑕᑯᓂᐊᖅᑐᑦ ᒪᒃᑯᑦᑐᒥᑦ ᐱᔪᒪᔪᒥᑦ ᐅᖃᐅᓯᐅᔪᒥᑦ, ᐊᒻᒪ ᐊᑐᐃᓐᓇᐅᑎᑦᓯᒍᒪᓂᕐᒥᑦ ᑲᔪᖏᖅᓴᐃᓂᕐᒥᑦ ᑐᑭᒧᐊᑦᑎᑦᓯᓂᕐᒥᓪᓗ," ᐅᖃᖅᑐᖅ. 

"ᐱᔭᕆᐅᖅᓴᑎᑦᑎᔩᑦ ᑲᔪᓯᑦᑎᐊᕐᓂᖃᖅᐳᑦ ᐃᑲᔪᖅᑐᐃᓂᒃᑯᑦ, ᑐᓴᐅᒪᖃᑎᒌᒍᓯᒃᑯᑦ, ᐊᒻᒪ ᐃᓅᓯᕐᒥ ᐊᔪᙱᑕᖏᓐᓂᒃ."

ᐱᓕᕆᐊᖃᖅᑎᓪᓗᒍ, ᕕᐅᓪᓴᓐ ᖁᕕᐊᒋᔭᖃᖅᑐᖅ ᐅᑎᒃᑲᓐᓂᕐᓂᕐᒥᑦ ᓄᓇᖃᖅᑳᖅᓯᒪᔪᑦ ᒪᑭᒪᔾᔪᑎᖏᓐᓂᑦ ᑲᓇᑕᒥ ᐊᒻᒪᓗ ᓄᓇᖃᖅᑳᖅᓯᒪᔪᑦ ᐃᓄᐃᑦ ᐃᓚᒋᔭᐅᓂᖏᓐᓄᑦ ᓴᖅᑭᐸᓪᓕᐊᔪᓂᑦ ᒪᑭᒪᔾᔪᑎᓂᑦ ᐃᓚᒋᔭᐅᖏᓐᓂᖏᓐᓂᑦ ᐊᑯᓂᑦ.  "ᑕᑯᒃᓴᐅᑎᑦᑎᔪᒍᑦ ᐱᑎᑦᑎᖃᑦᑕᕐᓂᑦᑎᓐᓂᒃ ᐱᒻᒪᕆᐅᔪᓂᒃ ᓄᓇᕐᔪᐊᒥ ᑕᐅᑐᖕᓂᕐᓂ ᐊᔪᙱᓐᓂᕐᓂᒃᓗ ᐱᕙᓪᓕᐊᔪᓕᕆᓂᕐᓂ, ᓄᓇᓕᑐᐊᑦᑎᓐᓄᑦ, ᑭᓯᐊᓂ ᑕᒪᐃᓐᓄᑦ ᑐᑑᓪ ᕿᑭᖅᑕᖓᓄᑦ ᐅᖓᑖᓄᓪᓗ," ᒪᐅᕗᓪᔅ. ᑕᑯᖃᑦᑕᖅᑐᖅ ᓄᓇᖃᖅᑳᖅᓯᒪᔪᓂᑦ ᒪᒃᑯᑦᑐᓂᑦ ᕿᒥᕐᕈᔪᓂᑦ ᐊᖅᑯᑎᓂᑦ ᐃᖅᑲᓇᐃᔭᕐᓂᕐᒧᑦ ᓇᒻᒥᓂᖅ-ᐃᖅᑲᓇᐃᔭᕐᓂᕐᒧᑦ, ᕿᓂᕐᒥᔪᕐᓗ ᐱᑕᖃᖏᓐᓂᖏᓐᓂᑦ ᓄᓇᓕᖏᓐᓂᑦ ᓇᒻᒥᓂᖃᕐᓂᕐᒥᑦ. 

"ᖃᓄᑐᐃᓐᓇᖅ ᐅᑭᐅᖃᕋᓗᐊᕈᕕᑦ, ᓂᐱᖃᖅᐳᑎᑦ, ᐊᒻᒪ ᓄᓇᖅᑲᑎᑎᑦ ᐊᒃᑐᖅᑕᐅᔪᓐᓇᖅᖢᑎᒃ... ᐃᓚᒋᔭᐅᒐᕕᑦ ᓂᐱᑎᓪᓗ ᐱᒻᒪᕆᐅᓪᓗᑎᒃ ᐃᑲᔪᕐᓂᕆᔭᑎᓪᓗ ᐱᒻᒪᕆᐅᓪᓗᑎᒃ."

"ᓂᕆᐅᒋᔭᖃᕐᓂᕈᒪ ᓯᕗᓂᒃᓴᑦᑎᓐᓄᑦ, ᑕᑯᓂᖅᓴᐅᔪᒪᓂᐅᕗᖅ ᐅᓄᕐᓂᖅᓴᓂᒃ ᓄᓇᖃᖅᑳᖅᑐᑦ ᒪᒃᑯᒃᑐᑦ ᐃᓱᒪᒃᓴᖅᓯᐅᕐᓂᖏᓐᓂᒃ ᓄᓇᖃᖅᑳᖅᑐᑦ ᓇᖕᒥᓂᖃᕐᓂᕐᒥᒃ ᓇᖕᒥᓂᖃᕐᓂᕐᒧᓪᓗ ᓴᖅᑭᑎᑦᑎᓂᕐᒥᒃ, ᕿᒥᕐᕈᐊᕈᒪᓂᕐᒧᓪᓗ ᐊᔪᙱᓐᓂᕆᔭᖏᓐᓂᒃ ᐅᑎᖅᑎᑦᑎᔪᓐᓇᕐᓂᕐᒥᒃ ᓄᓇᓕᒋᔭᒥᓄᑦ," ᑕᐃᒪᓐᓇ ᐅᖃᖅᖢᓂ. ᑕᐃᒪᐃᒻᒪᑦ ᐱᓕᕆᖃᑎᖃᖅᐸᒃᑭᕗᖅ ᕘᑐᕈᒥᒃ ᐊᒻᒪᓗ ᓄᑖᓂᒃ ᑭᓯᐊᓂ ᐱᔪᓐᓇᖅᑐᖅ, ᐃᖅᑲᓇᐃᔭᖅᑐᓂ ᐋᖅᑭᒃᓯᒪᓂᕐᒧᑦ ᒥᑭᒋᐊᕐᓂᐊᖅᑎᐅᓪᓗᓂ. ᐱᓱᖃᑦᑕᕐᓂᖅ ᒪᕐᕉᖕᓂᒃ ᓄᓇᕐᔪᐊᓂ ᐊᒻᒪᓗ ᐃᑳᕐᕕᓕᐅᕋᓱᒃᓗᓂ ᐊᑯᓐᓂᖏᓐᓂᒃ ᐊᒃᓱᕈᕐᓇᖅᑑᓲᖅ ᐃᓛᓐᓂᒃᑯᑦ, ᑭᓯᐊᓂ ᐅᐱᒋᔭᖓ, ᐃᑲᔪᖅᓱᐃᓗᓂ ᑭᖑᕚᒃᓴᑦᑎᓐᓄᑦ ᓄᓇᖃᖅᑳᖅᓯᒪᔪᑦ ᓇᖕᒥᓂᖃᕐᑎᖏᓐᓄᑦ ᐃᓕᑦᑎᕝᕕᒋᓗᒋᓪᓗ ᑕᐃᑲᙵᑦ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.