ᐲᓯ ᑯᕋᐃᓐ ᒃᕋᐃᓐᔅ-ᓂᒃ ᐱᓕᕆᐊᖃᑦᑎᐊᕐᓂᕋᖅᖢᓂ ᐊᒻᒪᓗ ᐅᖃᖅᖢᓂ "ᐊᒃᓱᕈᑐᐃᓐᓇᕐᓂᕋᖅᖢᓂᐅᒃ".

Maskwacis-Samson Cree Nation−ᑯᓐᓂᙶᖅᑐᖅ ᐋᓪᐴᑕᒥ, ᑭᓯᐊᓂ ᒫᓐᓇ ᐃᑦᒪᓐᑕᓐᒥ ᓄᓇᖃᖅᑐᖅ, Crane−ᒥ ᓇᓗᓇᐃᒃᑯᑕᐅᕗᖅ, ᑎᒥᒥᒍᑦ ᐊᔪᕈᑎᖃᖅᖢᓂ, ᐊᑕᖏᖅᖢᓂ ᓄᓇᖃᖅᑳᖅᓯᒪᔪᓂᒃ ᐃᕐᓂᓱᒃᓰᔨᐅᓪᓗᓂ ᐊᒻᒪ ᓄᓕᐊᕐᓂᕐᒥᒃ ᐃᕐᓂᓱᒃᓰᔨᐅᓪᓗᓂ ᐃᓕᓴᐃᔨᐅᓪᓗᓂ.

ᐃᑲᔪᖅᑐᐃᖃᑦᑕᖅᑐᑦ ᑭᓱᑐᐃᓐᓇᑦᑎᐊᓂᒃ, ᐃᑲᔪᖅᑐᐃᓪᓗᑎᒃ ᐱᑦᑎᐊᖏᓐᓂᕐᒥᒃ, ᐃᑲᔪᖅᑐᐃᓪᓗᑎᒃ ᑎᒍᐊᕐᓂᕐᒥᒃ, ᑎᒍᐊᕐᓂᕐᒥᒃ, ᑎᒍᓯᓂᕐᒥᒃ, ᐊᒻᒪᓗ ᐱᓕᕆᖃᑎᖃᕐᓂᕐᒥᒃ LGBTQ+ ᒪᒃᑯᒃᑐᓂᒃ ᐊᒻᒪᓗ ᐊᓯᖏᓐᓂᒃ ᐊᒃᑐᖅᑕᐅᓴᕋᐃᑦᑐᓂᒃ ᒪᒃᑯᒃᑐᓂᒃ.

ᐃᓕᓐᓂᐊᖅᑎᑦᑎᖃᑦᑕᕆᕗᑦ ᓄᓕᐊᕐᓂᕐᒥᒃ ᕿᑐᕐᙱᐅᕐᓂᕐᒥᒃ ᖃᓄᐃᙱᑦᑎᐊᕐᓂᕐᒥᒃ ᐅᑯᑎᒎᓇᖅ, ᓄᓇᖃᖅᑳᖅᑐᑦ ᒪᒃᑯᒃᑐᑦ ᓄᓕᐊᕐᓗᖕᓂᒃᑯᑦ ᖃᓄᐃᙱᑦᑎᐊᕈᓐᓇᕐᓂᖏᓐᓄᑦ ᐱᓕᕆᖃᑎᒌᒃᐸᒃᑐᑎᒍᑦ ᐱᓕᕆᖃᑎᖃᖅᐸᒃᖢᑎᒡᓗ ᐱᓕᕆᖃᑎᒌᓂᒃ ᑕᐃᔭᐅᔪᓂᒃ ᓄᓇᖃᖅᑳᖅᑐᑦ ᐃᓅᕝᕕᖏᑦ ᐋᓪᐴᑕᒥ, ᑖᒃᑯᐊᓗ ᐊᑕᖐᓪᓗᑎᒃ ᑕᐅᑐᒐᖃᓪᓗᐊᑕᖅᖢᑎᒃ ᐱᑎᑦᑎᕙᖕᓂᕐᒥᒃ ᐃᓕᖅᑯᓯᑐᖃᕐᓄᑦ ᓈᒻᒪᒃᑐᓂᒃ ᑲᒪᒋᔭᖃᕐᓂᕐᒥᒃ ᓄᓇᖃᖅᑳᖅᑐᓄᑦ ᐃᓚᒌᓄᑦ ᑕᐃᒪᐃᓕᐅᕐᓂᕐᒥᓂᓗ ᐃᓚᓕᐅᔾᔨᓪᓗᑎᒃ ᐃᓕᖅᑯᓯᑐᖃᒃᑯᑦ ᐃᕐᓂᓱᒃᓰᕙᖕᓂᕐᒧᑦ ᐊᑐᖅᑕᐅᕙᒃᑐᓂᒃ ᖃᓪᓗᓈᑦ ᐃᓅᓕᓴᐅᑎᖏᓐᓄᑦ.

"ᐊᑭᓕᖅᓱᖅᑕᐅᙱᖦᖢᖓ ᐃᑲᔪᖃᑦᑕᖅᓯᒪᕗᖓ ᖃᑕᙳᑎᓐᓂᒃ, ᐃᕐᓂᔪᓂᒃ ᐊᒻᒪ ᓄᑕᕋᓛᓂᒃ ᑕᐃᒪᙵᑦ 11-ᖑᓚᐅᖅᓯᒪᑎᓪᓗᖓ. ᐊᑭᓕᖅᓱᖅᑕᐅᙱᖦᖢᖓ ᐱᓕᕆᕙᓚᐅᖅᓯᒪᕗᖓ ᐅᕙᓂ, Red Deer Regional Hospital−ᒥ ᐃᖅᑲᓇᐃᔭᓚᐅᖅᓯᒪᓪᓗᖓᓗ ᓄᑕᕋᓕᕆᔨᓂ, ᓯᖓᐃᔪᓂ NICU−ᑯᓐᓂᓗ," ᑕᐃᒪᓐᓇ ᑯᕋᐃᓐ ᐅᖃᖅᖢᓂ.

ᑭᓯᐊᓂ ᓇᔾᔨᑎᓪᓗᒋᑦ ᐅᕕᒃᑲᐅᑎᓪᓗᒋᑦ ᐃᖅᑲᓇᐃᔮᖓ ᐱᒋᐊᓪᓚᕆᓚᐅᖅᓯᒪᔪᖅ. ᑯᕋᐃᓐ 18-ᓂᒃ ᐱᓇᓱᐊᕈᓯᕐᓂᒃ ᐃᕐᓂᕐᒥᓂᒃ ᐊᓯᐅᔨᒐᒥᒃ ᐊᒻᒪᓗ ᐃᑲᔪᖅᑐᖅᑕᐅᒐᑎᒃ ᓄᓇᒥᓐᓂ ᐊᒻᒪᓗ ᐋᓐᓂᐊᕕᒻᒥ, ᑕᒪᓐᓇ ᖁᐊᖅᓵᕈᑕᐅᒻᒪᕆᓚᐅᖅᑐᖅ.

ᐱᖃᓐᓇᕆᔭᖓᑕ ᐃᓚᖓᑦ ᐅᖃᐅᑎᓪᓗᓂᒋᑦ ᖃᓄᖅ ᐱᓕᕆᓚᐅᕐᒪᖔᑕ ᑑᓚᒧᑦ ᐊᒻᒪ ᑯᕋᐃᓐ ᐃᓱᒪᓪᓗᓂ "ᓂᐱᕈᓱᖕᓂᕋᖅᖢᓂ" ᑭᓯᐊᓂ ᐅᖃᐅᔾᔭᐅᒐᒥᒃ ᑭᓱᒨᖕᒪᖔᑦ ᖃᐅᔨᓪᓗᑎᒡᓗ ᖃᓄᐃᓕᐅᓚᐅᕐᓂᕐᒥᓂᒃ ᐊᑯᓂᐅᓕᖅᑐᖅ ᖃᐅᔨᒪᙱᖦᖢᑎᒃ.

"ᑕᐃᒪᓕ ᐃᓕᓐᓂᐊᓚᐅᖅᑐᖓ. ᐅᖃᖃᑎᖃᓚᐅᕋᒪ ᐃᓕᓴᐃᔨᒥᒃ ᐃᐊᑦᒪᓐᑕᓐᒥ ᐊᒻᒪᓗ ᐃᒪᐃᓕᖓᑐᐃᓐᓇᖅᑐᓂ, "ᕼᐄ, ᑕᐃᒪᐃᒍᓐᓇᖅᑯᖓ? ᖃᐅᔨᒪᓐᖏᑦᑎᐊᕋᒪ ᑭᓱᒥᒃ ᐱᔾᔪᑎᖃᕐᒪᖔᖅ. ᑕᐃᒪᐃᓕᐅᓚᐅᖅᑕ." ᐊᒻᒪᓗ ᐃᒪᐃᑦᑐᖅ, "ᐊᑏ." ᐊᑭᓖᓪᓗᑎᒃ ᑮᓇᐅᔭᓂᒃ ᐊᒻᒪᓗ ᐱᓕᒻᒪᒃᓴᖅᖢᑎᒃ ᐊᒻᒪᓗ ᖁᕕᐊᒋᑦᑎᐊᖅᖢᒍ ᐱᓕᕆᐊᖅ," ᐅᖃᖅᑐᖅ ᑯᕋᐃᓐ.

ᐊᕐᕌᒍ ᐊᓂᒍᖅᑎᓪᓗᒍ, ᖃᐅᔨᔪᖃᓚᐅᖅᐳᖅ Facebook−ᑯᑦ ᐊᐱᕆᓪᓗᑎᒡᓗ ᐃᓚᒋᔭᐅᔪᒪᖕᒪᖔᑕ ᑲᑐᔾᔨᖃᑎᒌᓄᑦ ᐃᑲᔪᖅᓱᐃᓂᐊᕐᓗᑎᒃ ᓄᓇᖃᖅᑳᖅᓯᒪᔪᑦ ᖃᑕᙳᑎᒌᓂᒃ ᐊᖏᓚᐅᖅᐳᓪᓗ, ᐱᒋᐊᕈᑕᐅᓚᐅᖅᑐᖅ ᓄᓇᖃᖅᑳᖅᓯᒪᔪᑦ ᐃᓅᓵᖅᑎᓪᓗᒋᑦ ᐋᓪᐴᑕᒥ.

ᐃᖅᑲᓇᐃᔮᖓ ᐱᒋᐊᓚᐅᖅᑐᖅ ᓄᓇᖃᖅᑳᖅᓯᒪᔪᑦ ᐃᓅᕋᑖᖅᑎᓪᓗᒋᑦ ᐊᐅᓪᐴᑕᒥᑦ ᐊᒻᒪ NYSHN ᐃᕐᖐᓐᓇᖅᑕᐅᒃᑯᑦ ᑎᑎᕋᖃᑦᑕᐅᑎᓪᓗᑎᒃ ᐊᒻᒪ ᐃᖅᑲᓇᐃᔭᖅᑎᒥᑦ ᐱᓕᒻᒪᒃᓴᕈᒪᓕᓚᐅᖅᑐᑦ, Crane−ᒥᑦ ᐃᓕᓐᓂᐊᖅᑎᑦᑎᓪᓗᑎᒃ ᐊᓯᖏᓐᓂᑦ ᐃᓅᔪᓕᕆᔨᓂᑦ ᐊᒻᒪ ᐃᓕᓐᓂᐊᖅᖢᑎᒃ NHYSN−ᑯᑦ.

"NYSHN−ᖑᓚᐅᖅᑎᓐᓇᒍ, ᐊᑕᖐᔪᒥᒃ ᑕᖅᓴᖃᓚᐅᙱᑦᑐᖓ. ᐃᕐᓂᕋᑖᑦᑎᐊᕋᒪ ᐊᒻᒪᓗ ᖃᐅᔨᒪᓚᐅᕐᓇᖓ 'ᐊᑕᖏᖅᑐᒥᒃ ᑕᖅᓴᖃᕐᓂᖓᓂᒃ' ᑕᐃᒪᐃᒋᐊᖓᓂᒃ. ᐊᒻᒪ NYSHN−ᑯᑦ ᖃᐃᓚᐅᖅᐳᑦ ᐱᐅᑦᑎᐊᓚᐅᖅᖢᓂᓗ ᐃᓕᓐᓂᐊᖅᑎᑦᑎᔪᓐᓇᖅᖢᓂ ᐊᓯᖏᓐᓂᒃ ᓄᓇᖃᖅᑳᖅᓯᒪᔪᓂᒃ ᐃᓕᓐᓂᐊᖅᑎᑕᐅᓪᓗᑎᒡᓗ ᓄᓇᖃᖅᑳᖅᓯᒪᔪᓂᒃ," ᐅᖃᓚᐅᖅᐳᖅ ᑯᕋᐃᓐ.

ᑯᕋᐃᓐ ᐃᓱᒪᓕᕋᒥ ᕿᑐᕐᖓᒥᓂᒃ ᐊᓯᐅᔨᓂᕐᒥᓂᒃ ᐊᒻᒪᓗ ᖃᓄᖅ ᐱᒋᐊᕐᓂᕐᒪᖔᖅ ᒫᓐᓇ, ᐃᒻᒥᓂᒃ ᒪᒥᓴᕐᓂᐅᓚᐅᕐᒪᑦ ᐊᒻᒪᓗ ᐊᓯᖏᓐᓄᑦ ᐃᓄᓐᓄᑦ, ᐊᒻᒪᓗ ᐅᖃᖅᑐᑎᒃ ᐃᓕᑉᐸᓪᓕᐊᖏᓐᓇᕐᓂᕋᖅᑐᑎᒃ ᓄᑖᒥᒃ.

Crane−ᑯᑦ ᐃᓕᓐᓂᐊᕐᓂᕆᔭᖓᑦ ᐃᖅᑲᓇᐃᔮᖓᑕ ᒥᒃᓵᓄᑦ ᐊᖏᔪᒻᒪᕆᐊᓘᕗᖅ ᐊᓯᔾᔨᖅᐸᓪᓕᐊᖏᓐᓇᖅᖢᓂᓗ, ᑭᓯᐊᓂ ᐊᖏᒡᓕᕙᓪᓕᐊᓪᓗᓂ ᑎᒍᐊᙳᐊᕆᔭᐅᕙᖕᓂᖓᓄᑦ ᐊᑐᖅᑕᐅᕙᒃᑐᒥ ᐊᒃᓱᕈᕐᓇᖅᓯᑎᑕᐅᕙᒃᐳᖅ ᓈᒻᒪᒃᑐᒃᑯᑦ ᐱᔭᕆᐊᒃᓴᖅ ᖃᓪᓗᓈᓂᒃ ᐃᓕᓐᓂᐊᖅᑎᑕᐅᓂᕐᒥᒃ.

ᒍᕋᐃᑦ 12-ᒥ ᐱᓚᐅᙱᑦᑐᑦ, ᑭᓯᐊᓂᓕ ᒫᓐᓇᐅᔪᖅ ᐱᓕᕆᐊᖑᕙᓪᓕᐊᔪᖅ ᓄᐊᑯᔅ ᓯᓚᑦᑐᓴᕐᕕᒻᒧᑦ ᐊᒻᒪᓗ ᖁᕝᕙᐸᓪᓕᐊᓂᖏᓐᓄᑦ ᐃᓕᓐᓂᐊᕐᓂᖏᑦ. ᐅᑭᐊᔅᓵᖅ ᓯᓚᑦᑐᓴᕐᕕᕐᔪᐊᕐᒨᓛᖅᐳᑦ ᐋᓪᕘᑕᒧᑦ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᕐᓂᖏᓐᓄᑦ.

"ᑲᑉᐱᐊᓱᒃᑲᒪ 7-ᖑᓕᕐᒪᑦ, ᐅᑕᖅᑭᓪᓗᓂ, 2014-ᒥ ᐊᓂᒍᐃᒐᒪ. 7-ᖑᖏᑦᑐᑦ ᐊᕐᕌᒍᐃᑦ ᐃᓕᓐᓂᐊᕈᓐᓃᓚᐅᖅᓯᒪᒐᒪᓂᑦ. ᑯᒃᓴᓱᑦᑎᐊᕐᕋᒪᓗ," ᑯᕋᐃᓐ ᐅᖃᖅᐳᖅ.

ᑭᓯᐊᓂ ᑭᕕᒃᓯᓯᑦ ᐊᕝᕕᐊᕈᑎᓕᒻᒪᕆᐊᓘᓯᒪᔪᖅ ᐃᓅᓯᕐᒥᓂ, ᐱᕈᖅᐸᓪᓕᐊᓪᓗᓂ ᓱᕈᓯᓕᕆᓂᕐᒧᑦ ᖃᓄᐃᒍᑎᖏᓐᓄᑦ, ᓱᕐᕋᒍᓐᓇᖏᑦᑑᒻᒪᑕ ᐃᓘᓐᓇᖏᓐᓂ - ᐊᒻᒪᓗ ᖁᕝᕙᕆᐊᕆᓯᒪᑦᓱᑎᒃ ᓄᓇᓕᓐᓂᒃ ᐃᓘᓐᓇᑦᓯᐊᖏᓐᓂᒃ.

"ᐃᓱᒪᒋᔭᕋᓕ ᐅᕙᓐᓄᑦ ᓴᙱᔾᔪᑎᒋᑦᑎᐊᓚᐅᖅᑕᕋ ᐱᓇᔪᐃᓐᓇᕐᓂᕐᒥᒃ ᑲᔪᓯᓂᕐᒥᒡᓗ ᑎᑭᐅᑎᓇᓱᒃᖢᖓᓗ ᑐᕌᒐᕆᔭᓐᓄᑦ ᓄᓇᓕᒐ. ᐃᓕᕋᓇᑦᑎᐊᓚᐅᕋᓗᐊᖅᑎᓪᓗᖓ, ᖃᐅᔨᒪᐃᓐᓇᐅᔭᓚᐅᖅᑐᖓ ᑕᐃᑲᓃᓐᓂᖏᓐᓂᒃ," ᐅᖃᖅᑐᖅ ᑯᕋᐃᓐ.

ᑕᒪᓐᓇ ᐅᖃᐅᔾᔨᒋᐊᕈᑎᒋᒐᔭᕐᒥᔭᖓ ᒪᒃᑯᑦᑐᓄᑦ ᐃᓱᒪᔪᓄᑦ ᐊᐅᓪᓚᕈᒪᓗᑎᒃ ᓄᓇᒥᓐᓂᒃ ᓯᕗᓪᓕᖅᐹᒥ.

"ᓄᓇᔅᓯᓐᓂ ᐱᕈᕐᓂᑰᙱᒃᑲᓗᐊᕈᕕᑦ ᐅᕝᕙᓘᓐᓃᑦ ᓄᓇᔅᓯᓐᓂ ᐊᐅᓪᓚᕈᕕᑦ, ᑕᐃᑲᓃᖏᓐᓇᐅᔭᖅᑐᑦ ᐊᒻᒪ ᐊᓕᐊᓇᐃᒋᑦᑎᐊᖅᑕᒃᑲ ᓄᓇᖃᖅᑳᖅᓯᒪᔪᑦ ᓄᓇᓕᖏᑦ ᑐᙵᓇᐃᓐᓇᐅᔭᕐᒪᑕ."

ᖁᔭᓐᓇᒦᑦᑎᐊᕐᒥᔭᕋ ᔮᔅᒥᓐ ᑲᐸᑕᐃ ᑎᑎᕋᓚᐅᕐᓂᖓᓄᑦ ᑖᔅᓱᒥᖓ.