"ᐊᑖᑕᒐ ᐊᓈᓇᒐᓗ ᐊᖑᓇᓱᒃᐸᒃᑎᓪᓗᒍ ᓄᓇᒥᙶᖅᑐᓂᒃ ᓄᓇᑦᑎᓐᓂ, ᑕᐃᒪᓐᓇ ᑕᕝᕙ ᓄᓇᒥᐅᑕᓕᕆᔨᒃᑯᓐᓂᙶᖅᖢᓂ," ᐳᕆᓯᓚ ᑲᓇᐃᑎᐊᓐ. ᐊᐅᓚᑦᑎᔨᐅᓯᒪᓕᖅᑐᖅ ᑎ ᒐ ᒐ ᒎᑎ ᓄᓇᖃᖅᑳᖅᓯᒪᔪᓂᑦ ᕗᐊᑦ ᕗᐊᑦᔅᒥᑦ ᓄᓇᑦᑎᐊᕐᒥᑦ ᐊᕐᕌᒍᓄᑦ 15-ᓄᑦ. ᐃᖅᑲᓇᐃᔭᖃᑦᑕᖅᑐᖅ ᐱᕈᕐᕕᒋᓚᐅᖅᑕᖓᓂ, ᐃᑲᔪᖅᐸᒃᖢᓂ ᓄᓇᒥᓄᑦ ᐊᒻᒪᓗ ᐊᖑᓇᓱᒃᑎᓄᑦ ᑕᐃᑲᓂ ᓄᓇᖃᖅᑐᓄᑦ ᐃᖅᑲᓇᐃᔮᒥᑎᒍᑦ. 

ᒥᓚᐅᙱᑎᓪᓗᒍ ᐃᖅᑲᓇᐃᔮᒧᑦ, ᐊᕙᑎᓕᕆᓂᕐᒧᑦ ᓄᓇᒥᙶᖅᑐᓄᓪᓗ ᖃᕆᑕᐅᔭᓕᕆᔾᔪᑎᓄᑦ ᐃᓕᓐᓂᐊᒐᒃᓴᒥᒃ Aurora ᓯᓚᑦᑐᖅᓴᕐᕕᖕᒥ. ᓇᒡᓕᒍᓱᖕᓂᖓ ᖁᕕᐊᒋᔭᖃᕐᓂᖓᓗ ᓄᓇᒦᓪᓗᓂ ᐃᓅᓂᕐᒥᒃ ᓄᓇᑐᐃᓐᓇᕐᒥ ᐊᕐᕌᒍᓕᒫᖅ ᐊᖓᔪᖅᑳᖏᓪᓗ ᐱᖃᑎᒋᓪᓗᓂᒋᑦ. ᐱᔭᕇᕋᒥ ᐃᓕᓐᓂᐊᕐᕕᐊᓗᒻᒥ, ᐃᓕᓐᓂᐊᑲᓐᓂᓚᐅᖅᑐᖅ ᐃᑲᔪᕐᓂᐊᕐᓗᓂ ᐱᔭᕆᐊᑐᔪᓄᑦ ᐅᓂᒃᑳᓄᑦ ᐃᓕᓐᓂᐊᖅᑕᖏᓐᓄᑦ ᐱᑦᔪᑎᒋᓪᓗᒍ ᐃᓱᒪᓚᐅᕐᒪᑦ ᖁᑦᑎᓂᖅᓴᒥᒃ ᐃᓕᓐᓂᐊᖅᕕᑎᑐᑦ ᐸᕐᓇᓯᒪᑦᑎᐊᖏᒻᒪᑦ ᑕᒪᑐᒧᖓ ᐃᖅᑲᓇᐃᔮᒧᑦ. 

ᐃᓚᒋᔭᐅᓪᓗᓂ ᐱᓕᕆᐊᒧᑦ, ᐃᓚᐅᖃᑦᑕᓚᐅᖅᐳᖅ ᖃᔅᓯᑲᓪᓚᖕᓄᑦ ᐃᓕᓐᓂᐊᖅᑕᐅᔪᒃᓴᓄᑦ ᐊᒻᒪ ᒪᕐᕉᖕᓄᑦ ᓄᓇᓕᕋᓛᖃᕐᕕᖕᓄᑦ. ᐊᑕᐅᓯᖅ ᑕᖕᒫᖅᓯᒪᕝᕕᒃ ᐋᖅᑭᒃᑕᐅᓚᐅᖅᐳᖅ ᐃᓕᓐᓂᐊᖅᑏᑦ ᐃᓕᑦᑎᓇᔭᕐᒪᑕ ᐃᓅᓂᕐᒥᒃ ᓄᓇᒥ ᐅᑭᐅᖅᑕᖅᑐᒥ ᐊᓐᓇᐅᒪᓇᓱᖕᓂᕐᒧᓪᓗ ᐊᔪᕈᓐᓃᖅᑕᐅᕙᒃᑐᓂᒃ ᓇᐹᖅᑐᖃᖅᑑᑉ ᖄᖓᓂ, ᑕᒪᓐᓇᓗ ᓇᓂᓚᐅᖅᖢᓂᐅᒃ ᖁᕕᐊᓇᕐᓂᖓᓂᒃ. ᐃᓚᖃᓚᐅᖅᐳᖅ ᐃᓕᑦᑎᕙᓪᓕᐊᓂᕐᒥᒃ ᖃᓄᖅ ᐊᖑᓇᓱᒍᓐᓇᕐᓂᕐᒥᒃ ᐅᑭᐅᖅᑕᖅᑐᒥ ᓂᕐᔪᑎᓂᒃ, ᐃᓚᖃᕐᓗᓂ ᐊᓯᖏᓐᓂᒃ ᐊᔪᕈᓐᓃᖅᑕᐅᕙᒃᑐᓂᒃ ᓈᒻᒪᒃᑐᓂᒃ ᓄᓇᒦᓪᓗᓂ ᖁᐊᖅᓵᕐᓇᙱᑦᑐᒃᑯᑦ ᓄᓇᒥ. ᐊᐃᑉᐸᖓ ᓄᓇᓕᕋᓛᖃᕐᕕᒃ ᐃᓚᐅᖃᑕᐅᓚᐅᖅᑐᖅ ᑕᐅᑐᓪᓗᐊᑕᕐᖢᓂ ᐱᓕᕆᓂᒃᑯᑦ ᐊᔪᙱᓐᓂᕐᓂ ᐱᔭᕆᐊᓕᖕᓂᑦ ᐱᓕᕆᐊᒃᓴᒧᑦ, ᓲᕐᓗ ᑭᒃᓕᓯᓂᐊᕈᑎᓄᑦ ᑲᑎᖅᓱᖅᓯᒪᔪᓂ ᖃᐅᔨᓴᕐᓂᖅ ᖃᓄᕐᓗ ᐊᑐᕈᓐᓇᕐᒪᖔᑦ ᖃᕆᑕᐅᔭᓕᕆᔾᔪᑎᓂᒃ ᐊᒃᑐᐊᓂᓕᖕᓄᑦ ᐃᖅᑲᓇᐃᔮᖓᓄᑦ ᖃᐅᑕᒫᓪᓗ ᑲᒪᒋᔭᕆᐊᖃᖅᑕᖏᓐᓂ ᐱᓕᕆᐊᖃᖅᑎᓪᓗᒍ ᓄᓇᒥᙶᖅᓯᒪᔪᓕᕆᔨᒃᑯᑦ ᐊᐅᓚᑦᑎᔨᐅᓗᓂ. 

ᒫᓐᓇ ᐃᖅᑲᓇᐃᔮᖃᓕᖅᑐᖅ ᖁᕕᐊᒋᔭᒥᓂᒃ ᐃᓕᓐᓂᐊᖅᑕᒥᓄᑦ ᐃᓕᓐᓂᐊᕐᕕᖕᒥ ᐊᖓᔪᖅᑳᒥᓂᒡᓗ. ᑳᓇᑎ ᒪᓕᓚᐅᖅᑐᖅ ᐱᓱᒍᑎᒥᓂᒃ ᐊᐳᒻᒥᑦ ᖁᑦᑎᓂᖅᓴᒧᑦ ᐃᓕᓐᓂᐊᕐᓂᕐᒧᑦ. ᑕᐃᒪᐃᒻᒪᑦ ᑎᓕᐅᕆᕗᖅ ᓄᓇᖃᖅᑳᖅᓯᒪᔪᑦ ᒪᒃᑯᒃᑐᑦ ᐃᓱᒪᖁᓪᓗᒋᑦ ᓄᓇᒥᓂᒃ ᕿᒪᐃᔪᒪᓪᓗᑎᒃ ᐃᓕᓐᓂᐊᖅᑎᑕᐅᖁᓪᓗᒋᑦ ᐱᕙᒌᔭᖁᓪᓗᒋᑦ ᐃᖅᑲᓇᐃᔮᒃᓴᒧᑦ ᓲᕐᓗ ᐊᕐᓇᑎᑐᑦ ᐅᕝᕙᓘᓐᓃᑦ ᐊᓯᐊᓄᑦ ᐱᔪᒃᓯᓕᕈᑎᒋᓲᖏᓐᓂᒃ ᐱᔪᒪᔭᖏᓐᓂᒃ ᒪᓕᖁᓪᓗᒋᑦ. 

"ᐅᖃᕋᔭᖅᑐᖓ ᖁᕕᐊᒋᔭᖃᕈᕕᑦ ᓄᓇᒦᓐᓂᕐᓂᑦ, ᐃᓕᓐᓂᐊᕈᒪᒍᕕᑦ, ᐱᔭᕇᕈᓯᐊᖅᑖᕈᒪᒍᕕᑦ ᐅᕝᕙᓘᓐᓃᑦ ᐃᓅᓯᖃᑦᓯᐊᕈᒪᒍᕕᑦ, ᑎᓕᐅᕆᒐᔭᖅᑐᖓ ᐃᓕᓐᓂᑦ ᐊᐅᓪᓚᖁᔨᓂᕐᒥᑦ ᓄᓇᓕᑦᓯᓐᓂᑦ ᕿᓂᕐᓗᑎᓪᓗ ᐃᑲᔪᖅᑐᖅᑕᐅᓂᕐᒥᑦ ᑮᓇᐅᔭᓂᓪᓗ ᐃᑲᔫᑎᓂᑦ ᐱᒐᓱᐊᕐᓂᕐᒥᑦ ᐱᒋᐊᕐᕕᒋᓗᒍ A-ᒥ ᐱᒋᐊᕐᓗᓂ B-ᒧ," ᐅᖃᖅᑐᖅ. ᖃᐅᔨᒪᔪᖅ ᐊᖅᑯᑎᒥᒃ ᐃᓕᓐᓂᐊᕐᓂᒃᑯᑦ ᐊᔪᕐᓇᖖᒋᓐᓇᐅᔭᖖᒋᒻᒪᑦ.

ᐃᓕᓐᓂᐊᕆᐊᖅᖢᓂ ᐊᖓᔪᖅᑳᖑᓪᓗᓂ ᒪᕐᕉᖕᓄᑦ ᐊᒃᓱᕈᕐᓇᓚᐅᖅᑐᖅ ᐃᓱᒪᓕᕌᖓᒥ ᐸᐃᕆᕝᕕᖃᕆᐊᖃᕐᓂᕐᒥᒃ ᖁᑦᑎᖕᓂᖅᓴᒥᒃ ᐃᓕᓐᓂᐊᕈᒪᔪᓂᒃ. ᖁᕕᐊᓱᓚᐅᖅᑐᖅ ᐅᐃᖓ ᑕᐃᑲᓃᖃᑕᐅᓚᐅᕐᒪᑦ ᐅᓐᓄᐊᒃᑯᑦ ᐊᒻᒪᓗ ᐃᓕᓐᓂᐊᕆᐊᖃᓚᐅᕐᒪᑦ, ᕿᑐᕐᖓᒥᓂᒃ ᑲᒪᖃᑎᖃᖅᑐᓂ. ᐊᐅᓚᓐᓂᐊᕐᓗᒍ ᐃᓱᒪᖓ ᖃᓄᐃᙱᑦᑎᐊᕐᓂᖓ, ᑲᓇᐃᑎ ᑕᐅᑐᓪᓗᐊᑕᖅᑐᖅ ᐱᐅᔪᒥᒃ ᓯᓂᖕᓂᕐᒥ ᓇᓂᓯᓗᓂᓗ ᓇᓕᒧᒌᒃᑐᒥᒃ ᐊᑐᒐᔪᒃᑕᖓᓂ. ᓇᓕᒧᒌᒃᑎᑦᑎᓂᖅ ᑮᓇᐅᔭᖅᑐᕈᑎᒃᓴᖏᓐᓂ ᐃᓕᓐᓂᐊᖅᑎᐅᓪᓗᓂ ᐊᒃᓱᕈᕐᓇᒃᑲᓐᓂᕐᖢᓂ ᐱᓕᕆᐊᕆᓇᓱᒃᖢᒍ. 

ᐃᓕᑕᕆᔭᐅᔾᔪᑎᑖᖅᖢᓂ ᐊᒻᒪ ᓇᖕᒥᓂᖅ ᐃᓕᓐᓂᐊᖅᖢᓂ ᑮᓇᐅᔭᑎᒍᑦ ᐊᒃᓱᕈᕐᓇᓚᐅᕐᒥᔪᖅ, ᑭᓯᐊᓂ ᐊᓂᒍᐃᓚᐅᖅᑐᖅ ᑮᓇᐅᔭᓂᒃ ᐊᑐᖅᑐᒃᓴᓂᒃ ᐋᖅᑭᒃᓱᐃᓚᐅᕐᒪᑦ ᐊᒻᒪ ᐃᑲᔪᖅᑕᐅᓪᓗᓂ ᐱᖃᓐᓇᕆᔭᒥᓄᑦ ᐊᒻᒪ ᖃᑕᙳᑎᖏᓐᓄᑦ ᐱᔭᕆᐊᖃᖅᑕᖏᓐᓄᑦ ᐊᖑᒻᒪᑎᖁᓪᓗᒋᑦ. ᑳᓇᑎ ᖃᐅᔨᒪᓚᐅᙱᑦᑐᖅ ᖃᔅᓯᓂᑦ ᓇᓖᕌᒐᒃᓴᓂᑦ ᐊᑐᐃᓐᓇᖅᑕᖃᖕᒪᖔᑦ ᐃᓕᓐᓂᐊᕐᑎᑦ ᑮᓇᐅᔭᑎᒍᑦ ᐃᑲᔫᓯᐊᓂᑦ ᑭᓯᐊᓂ ᐃᓪᓗᖓ ᐃᑲᔪᓚᐅᖕᒪᑦ ᐱᓇᓱᐊᖅᖢᓂ ᐃᓕᓐᓂᐊᕆᐊᕈᑎᒃᓴᓂᑦ ᐊᓯᖏᓐᓂᒡᓗ ᑮᓇᐅᔭᓂᑦ ᐃᑲᔪᖕᓂᐊᕐᓗᑎᒃ ᐃᓕᓐᓂᐊᖅᑎᓪᓗᒍ. 

ᐊᑭᓖᖃᑦᑕᖅᑐᖅ ᓯᕗᒻᒧᑦ ᐃᑲᔪᕐᖢᓂ ᐃᓕᓐᓂᐊᖅᑎᓂᒃ ᑎᑎᕋᕐᕕᒃᓴᓂᒃ ᑎᑎᕋᕐᓂᕐᓂᒃᓗ ᐱᔪᓐᓇᕐᓂᐊᕐᒪᑕ ᑮᓇᐅᔭᑎᒍᑦ ᐱᑕᖃᖅᑐᓂᒃ ᐱᔭᕆᐊᖃᖅᑕᖏᓐᓂ ᐃᓕᓐᓂᐊᒃᑲᓐᓂᕐᓂᕐᒧᑦ. ᑳᓇᑎ ᖃᐅᔨᒪᔪᖅ ᖃᓄᖅ ᐱᔭᕆᐊᑐᑎᒋᒻᒪᖔᖅ ᐋᖅᑭᑦᓱᐃᒐᓱᐊᕐᓗᓂ ᐃᓄᑑᔾᔨᒋᐊᖃᖅᑎᓪᓗᑎᑦ ᐊᒻᒪᓗ ᖃᐅᔨᒪᒐᑦᓯ ᖃᓄᖅ ᐅᕝᕙᓘᓐᓃᑦ ᓱᓇᐃᑦ ᐊᔪᕐᓇᓐᖏᒻᒪᖔᑕ, ᐊᒻᒪᓗ ᓇᒻᒥᓂᖅ ᐊᑐᕇᕈᕕᑦ, ᖃᐅᔨᒪᓂᖅᓴᐅᒐᔭᖅᑐᑎᑦ ᖃᓄᖅ ᐃᑲᔪᒃᑲᓐᓂᕈᓐᓇᕐᒪᖔᖅᐱᑦ ᐊᓯᓐᓂᒃ. 

ᒫᓐᓇ ᐃᓕᓐᓂᐊᖅᑕᒥᓂᒃ ᐊᓂᒍᐃᓕᕋᒥ ᐊᒻᒪ ᐱᓕᕆᐊᒃᓴᖃᓕᖅᖢᓂ ᐊᓕᐊᓇᐃᒋᔭᒥᓂᒃ, ᐱᔪᒃᓯᑦᑎᐊᓕᖅᐳᖅ ᖃᐅᔨᒪᐃᓐᓇᕆᐊᒃᓴᖅ ᖃᓄᖅ ᐱᒻᒪᕆᐅᑎᒋᖕᒪᖔᑦ ᐱᓕᕆᐊᒃᓴᖅ. ᖃᐅᑕᒫᑦ ᐃᖅᑲᓇᐃᔭᕆᐊᖃᑦᑕᖅᑐᖅ ᖃᐅᔨᒪᒐᒥ ᐃᓄᐃᑦ ᓈᓴᐃᖃᑦᑕᕐᒪᑕ ᐊᐱᖅᑯᑎᐅᔪᓂᒃ ᐊᖑᓇᓱᓐᓂᐅᑉ ᒥᒃᓵᓄᑦ ᐅᕝᕙᓘᓐᓃᑦ ᓄᓇᑐᐃᓐᓇᐅᑉ ᐊᑐᖅᑕᐅᓂᖓᓂᒃ ᐊᒻᒪᓗ ᐃᑲᔪᕐᓂᐊᕐᓗᒋᑦ ᑕᑕᑎᕆᑎᓪᓗᒋᑦ ᑐᒃᓯᕋᐅᑎᓂᒃ ᐊᒻᒪᓗ ᐸᐃᑉᐹᓂᒃ. ᑕᐃᑲᓃᖦᖢᓂ ᐊᖑᓇᓱᒃᑎᓄᑦ ᓄᓇᓕᖕᒥᐅᓄᓪᓗ ᖁᕕᐊᓱᒃᑎᑦᑎᕗᖅ.

ᐅᒃᑑᑎᖃᕐᖢᓂ ᐋᖅᑭᒃᓯᒪᔪᒥᒃ ᐊᖓᔪᖅᑳᖏᓐᓄᑦ, ᐊᔪᙱᓐᓂᖏᓐᓂᒃᓗ ᐃᓕᑦᑎᓪᓗᓂ ᐃᒡᓗᖓᓂ ᐱᓪᓗᒍ ᐃᓕᓐᓂᐊᖅᑎᑦ ᑮᓇᐅᔭᑎᒍᑦ ᐃᑲᔪᖅᑕᐅᓂᕐᓂ, ᑲᓇᐃᑎᓐ ᐃᑲᔪᕐᖢᓂ ᓄᓇᓕᖓᓂᒃ ᐊᑐᒐᒃᓴᖃᓛᖑᑎᑦᑎᓪᓗᑎᒃ ᐱᓯᒪᔭᖏᓐᓂ, ᓄᓇᒥ ᐊᒻᒪ ᐃᓕᓐᓂᐊᖅᑎᓄᑦ ᐃᑲᔪᖅᑕᐅᓂᒃᑯᑦ. ᐳᕆᓯᓚ ᑲᓇᑎᐊᓐ ᐃᓕᓐᓂᐊᓚᐅᖅᑐᖅ ᐃᓅᓂᕐᒥᑦ ᓄᓇᒥ, ᖃᐅᔨᒪᓂᒃᑯᑦ ᐊᔪᙱᑕᖃᕐᓂᕐᒥᑦ ᐃᑲᔪᖅᑐᕐᓂᕐᒥᑦ ᐊᓯᒥᓂᑦ ᑕᐃᒪᐃᑎᓪᓗᒋᑦ ᐅᑎᖅᑎᑦᓯᑦᓱᓂᓗ ᐊᖑᓇᓱᑦᑎᓂᑦ ᐃᓕᓐᓂᐊᖅᑎᓂᓪᓗ ᕗᐊᑦᒥ ᐱᕈᕐᕕᒋᓚᐅᖅᑕᖓᓂᑦ. ᓲᕐᓗ ᐆᒪᔪᓐᓇᕐᓂᕆᔭᖏᑦ ᐱᕈᖅᑐᐃᑦ ᐊᒻᒪ ᓂᕐᔪᑎᑦ ᐃᓕᓐᓂᐊᓚᐅᖅᑕᖏᑦ ᐃᓕᓐᓂᐊᕐᕕᖕᒥ, ᑭᓱᓕᒫᑦ ᐊᒻᒪ ᑭᒃᑯᓕᒫᑦ ᑲᑎᙵᓪᓗᑎᒃ ᐃᑲᔪᖃᑦᑕᐅᑎᓪᓗᑎᒡᓗ ᐱᕈᖅᐸᓪᓕᐊᓂᕐᒥᒃ. 

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.