ᐃᓕᓐᓂᐊᓚᐅᖅᑐᖅ ᐱᕙᓪᓕᐊᔪᓕᕆᔨᐅᓂᕐᒧᑦ ᖃᕋᓴᐅᔭᒃᑯᑦ ᓯᓐᓇᑦᑑᒪᓄᑦ, ᓄᑖᒥᒃ ᐅᓂᒃᑳᖅᖢᓂ ᐃᖕᒥᓄᑦ. ᓴᕚᓇ ᑦᓯᑉᓘ ᐊᓂᓰᓇᐱ ᒥᓯᓯᓯᒋᒥᙶᖅᑐᖅ ᐊᓈᓇᖓᑕ ᓴᓂᐊᓃᖦᖢᓂ, ᐊᒃᑐᐊᓂᖃᖅᖢᓂ Serpent Rivers Nation-ᑯᓐᓄᑦ. ᐊᑖᑕᖓᑕ ᖃᑕᙳᑎᖏᑦ ᐅᐃᕖᑎᑐᑦ ᐊᒻᒪᓗ ᐃᑎᓕᐊᓐ. ᓯᐅᒃᔅ ᓴᐃᓐᑦ ᒪᕆᒥ ᓄᓇᖃᖅᓯᒪᓕᖅᑐᖅ ᑐᕌᓐᑐᒥᐅᑕᐅᓯᒪᓪᓗᓂᓗ ᐅᑭᐅᑦ ᖁᓕᑦ ᐅᖓᑖᓄᑦ. ᒫᓐᓇ, ᐃᖅᑲᓇᐃᔭᓕᖅᑐᖅ ᐃᓄᖕᓄᑦ ᑐᓴᐅᒪᔾᔪᑎᓄᑦ ᖃᕆᑕᐅᔭᒃᑯᓪᓗ ᑐᓴᐅᒪᔪᓕᕆᔨᓄᑦ ᐊᐅᓚᑦᑎᔨᐅᓪᓗᓂ ᓄᓇᖃᖅᑳᖅᓯᒪᔪᑦ ᑕᕐᕆᔭᕈᓐᓇᐅᑎᖓᑕ ᑎᑎᕋᕐᕕᖓᓂ.

ᑕᕐᕆᔭᕐᕕᒃ ᑎᑎᕋᕐᕕᒃ ᑲᒪᒋᔭᖃᓪᓗᐊᑕᖅᐳᖅ ᐅᓂᒃᑲᐅᓯᐅᓯᒪᔪᓂᒃ ᑲᓇᑕᒥᐅᑕᐅᓂᕐᒥᒃ, ᐃᑲᔪᖅᖢᑎᒃ ᓴᖅᑭᑦᑎᓂᕐᒥᒃ ᑕᕐᕆᔮᒃᓴᓂᒃ ᐊᒻᒪ ᑕᓚᕖᓴᓂᒃ, ᐊᒻᒪ ᖃᕋᓴᐅᔭᒃᑯᑦ ᐊᒻᒪ ᐃᓚᐅᕈᑎᒃᓴᓂᒃ.  ᑭᖑᓂᑦᑎᓐᓂ, ᐃᖅᑲᓇᐃᔭᖃᑦᑕᖅᓯᒪᕗᖅ ᑐᓴᐅᒪᑎᑦᑎᓂᕐᒧᑦ ᐃᑲᔪᖅᑎᐅᓪᓗᓂ ᓄᓇᖃᖅᑳᖅᑐᓄᑦ ᐃᖅᑲᓇᐃᔭᕐᓂᕐᒧᑦ ᐊᔪᕈᓐᓃᖅᓴᕐᓂᕐᒧᓪᓗ ᓄᓇᓕᖕᓂᓗ ᐃᓚᐅᑎᑦᑎᓂᕐᒧᑦ ᐊᐅᓚᑦᑎᔨᒋᔭᐅᓪᓗᓂ Humber ᓯᓚᑦᑐᖅᓴᕐᕕᖕᒥ. ᓇᒃᓴᓚᐅᖅᑐᖅ ᖃᕋᓴᐅᔭᒃᑯᑦ ᐊᒻᒪ ᐃᓄᖕᓄᑦ ᑐᓴᐅᒪᔪᓕᕆᔾᔪᑎᓄᑦ ᖃᓄᐃᓕᐅᕈᑕᐅᔪᒪᔪᓂᒃ ᐱᓕᕆᐊᖑᖃᑦᑕᖅᓯᒪᔪᓂᒃ ᖁᕕᐊᓲᑎᖃᕐᓂᕐᒧᑦ ᓲᕐᓗ Imaginative ᐊᒻᒪ TIFF, ᐊᒻᒪᓗ ᓄᓇᖃᖅᑳᖅᓯᒪᔪᑦ ᐊᓐᓄᕋᔾᔨᐅᕐᓂᕐᒧᑦ ᖁᕕᐊᓲᑎᖃᖅᑎᓪᓗᒋᑦ. ᑐᓐᓂᖅᑯᑕᐅᔪᖅ ᐅᖃᐅᓯᕐᓗ ᐅᖃᐅᓯᖅ ᑖᒃᑯᓄᖓ ᐱᓕᕆᐊᒃᓴᓄᐊᖅᑎᖦᖢᒍ ᓄᑖᓄᓪᓗ ᐱᕕᒃᓴᓄᑦ. 

ᓯᕗᓪᓕᕐᒥ, ᓯᑉᓘ ᐃᓕᓐᓂᐊᕆᐊᓚᐅᖅᓯᒪᔪᖅ ᐱᕙᓪᓕᐊᔪᓕᕆᔨᓄᑦ Humber College-ᒥ, ᑎᑎᕋᖅᑎᙳᕈᒪᓪᓗᓂ ᐊᒻᒪ ᐅᓂᒃᑳᖅᑎᐅᔪᒪᓪᓗᓂ. ᑭᖑᓪᓕᖅᐹᖏᓐᓂ ᐊᕐᕌᒎᖕᓂ ᒪᕐᕉᖕᓂ ᓯᓚᑦᑐᖅᓴᕐᕕᒡᔪᐊᒥ, ᐃᖅᑲᓇᐃᔭᖅᓯᓐᓈᑦ ᐃᓕᓐᓂᐊᖅᑐᖅ ᑐᕌᓐᑐ ᐹᓐ ᐊᒻᒪ ᐸᕋ ᐹᓐ ᐊᒪ ᐱᙳᐊᕕᒃᔪᐊᕐᓇᒥ, ᐊᕐᕌᒍᒥ ᐱᙳᐊᕆᐊᓚᐅᙱᓐᓂᖏᓐᓂ. ᐃᓚᒋᔭᐅᓪᓗᓂ ᖃᕆᑕᐅᔭᒃᑰᖅᑐᓂᑦ ᐱᓕᕆᖃᑎᒌᓂᑦ, ᐱᓕᕆᐊᖃᓚᐅᖅᑐᖅ ᐃᑭᐊᖅᑭᕕᖏᓐᓂᑦ, ᓄᑖᓂᑦ ᐊᔪᙱᓐᓂᖅᑖᖅᖢᓂ ᐃᖅᑲᓇᐃᔭᖅᖢᓂ. ᓯᑉᓘ ᑎᑎᕋᓚᐅᖅᑐᖅ ᐃᓄᖕᓄᑦ ᑐᓴᐅᒪᔾᔪᑎᓄᑦ ᐊᔾᔨᖓᓂᒃ ᓯᕗᓪᓕᖅᐹᑦᑎᐊᒥᒃ ᐱᐅᓯᒋᐊᖅᖢᒍᓗ ᐊᔾᔨᓕᐊᖓ ᑕᕐᕆᔮᒃᓴᓪᓗ ᐋᖅᑭᒋᐊᖅᓯᓂᕐᒧᑦ ᐊᔪᙱᓐᓂᖏᓐᓂ ᐃᓕᑦᑎᓪᓗᓂ ᐱᕙᓪᓕᐊᔪᓕᕆᓂᕐᒥ ᑎᓕᐅᕆᓪᓗᓂ ᐃᓚᐅᖃᑕᐅᓂᕐᒥᒃ ᐱᓕᕆᖃᑎᖃᕐᓂᕐᒥᒃᓗ ᖃᕋᓴᐅᔭᒃᑯᑦ ᐊᑐᖅᑐᒥᒃ. ᖃᐅᔨᓚᐅᖅᑐᖅ ᐱᕙᓪᓕᐊᔪᓕᕆᔨᙳᔾᔮᖏᓐᓂᖓᓂ ᐊᒻᒪᓗ ᑕᐅᑐᓪᓗᐊᑕᓕᕐᖢᓂ ᖃᕋᓴᐅᔭᒃᑯᑦ ᐃᓕᓐᓂᐊᕈᑎᖏᓐᓂ.

ᑕᐃᒃᑯᐊ ᐱᕙᓪᓕᐊᔪᓕᕆᔨᐅᓂᕐᒧᑦ ᐊᔪᕈᓐᓃᕈᑕᐅᓚᐅᖅᑐᑦ ᐃᓱᐊᓂ. ᓯᑉᓘ ᓇᓂᓯᓯᒪᔪᖅ ᐃᖅᑲᓇᐃᔭᖅᑎᑦᑎᔨᓂᒃ ᕿᓂᖅᑐᓂᒃ ᐱᕙᓪᓕᐊᔪᓕᕆᓂᕐᒥᒃ ᐃᓕᓐᓂᐊᕌᓂᒃᑐᓂᒃ ᓲᖃᐃᒻᒪ ᖃᓄᖅ ᑐᓴᐅᒪᖃᑎᒌᖃᑦᑕᕐᓂᖏᓐᓂ ᑲᓲᒪᖃᑎᖃᕐᓂᖏᓐᓂᒡᓗ ᐃᓄᖕᓂᒃ. ᐊᒥᓱᓂᒃ ᐃᓂᖅᑎᕆᓂᕐᒧᑦ ᐱᓕᕆᐊᖃᓚᐅᖅᑐᖅ ᓂᕈᐊᖁᔨᙱᖦᖢᓂ ᑎᑎᖅᑲᓕᐊᓂᒃ ᐅᕝᕙᓘᓐᓃᑦ ᓈᓚᐅᑎᒃᑯᑦ. ᐊᔾᔨᓕᐊᖑᓯᒪᔪᓂᑦ, ᑕᕐᕆᔮᒃᓴᓂᑦ ᓇᑲᑎᕆᓂᕐᒥᑦ, podcasting, ᓂᐱᓕᐅᕆᓂᕐᒥᑦ ᐊᒻᒪ ᓇᑲᑎᕆᓂᕐᒥᑦ, ᓇᓗᓇᐃᒃᑯᓯᖅᓱᐃᓂᕐᒥᑦ ᐊᒻᒪ ᖃᕋᓴᐅᔭᒃᑰᖅᑐᓂᑦ ᓴᖅᑭᑎᑦᑎᓂᕐᒥᑦ, ᐃᓕᓚᐅᖅᑐᖅ ᐊᔾᔨᒌᖏᑦᑐᓂᑦ ᐱᔪᓐᓇᕐᓂᐅᔪᓂᑦ, ᐃᓕᓐᓂᐊᖅᑐᓂ ᐃᓗᐊᓂ ᐊᒻᒪ ᐊᓂᕙᓪᓕᐊᔪᓂᑦ ᐊᒥᓲᓕᖓᔪᓂᑦ ᐱᕙᓪᓕᐊᔪᓕᕆᔨᐅᓂᕐᒥᑦ, ᐅᖃᐅᓯᕆᖅᑲᐅᒻᒪᒍ. 

ᐱᓕᒻᒪᒃᓴᕐᓂᕆᖃᑦᑕᓚᐅᖅᑕᖓ ᓱᖏᐅᑎᔪᓐᓇᖅᑎᖦᖢᓂᐅᒃ, ᐃᒃᐱᒍᓱᒃᖢᓂ, ᐃᓕᓐᓂᐊᖏᓐᓇᖅᖢᓂᓗ ᐃᓕᑦᑎᓪᓗᓂ ᐊᑐᐃᓐᓇᐅᔪᓂᒃ ᐋᖅᑭᒃᓯᒪᓂᒃᓴᖏᓐᓂᒃ. ᑕᐃᑲᓂ ᐱᓕᕆᐊᒥ, ᐃᓕᓐᓂᐊᓚᐅᖅᑐᖅ ᐃᓚᓕᐅᔾᔨᓂᕐᒥᑦ ᐃᑲᔪᕐᓂᕐᒥᑦ ᐱᓕᕆᔾᔪᑎᓂᑦ ᐃᓄᓐᓄᑦ ᑐᓴᐅᒪᔾᔪᑎᓄᑦ ᐊᖅᑯᑎᖃᕐᓂᕐᒥᑦ ᑎᑎᕋᖅᓯᒪᔪᓂᑦ, ᑎᑎᕋᖅᓯᒪᔪᓂᑦ ᐊᒻᒪᓗ ᑲᑎᓯᒪᔪᓂᑦ ᓴᖅᑭᑎᑦᓯᓂᕐᒥᑦ ᐱᔪᓐᓇᕐᓂᕐᒥᑦ ᐃᓗᓕᖏᓐᓂᑦ ᑎᑭᐅᑎᔪᓂᑦ ᐱᔭᕆᐊᖃᕐᓂᖏᓐᓄᑦ ᐊᒥᓱᑦ ᐊᔾᔨᒌᖏᑦᑐᓂᑦ ᑎᒥᒥᒍᑦ ᐊᔪᕈᑎᓕᓐᓂᑦ. ᓄᓇᖃᖅᑳᖅᓯᒪᔪᑦ ᐊᕐᓇᐃᑦ ᓯᕗᓕᖅᑎᙳᕆᐅᖅᓴᔪᓂᒃ ᐃᓕᓐᓂᐊᖅᑎᑦᑎᓚᐅᖅᐳᖅ ᖃᓂᒪᓐᓇᐅᑎᓪᓗᒍ, ᓇᖕᒥᓂᖅ ᐱᕙᒌᔭᕈᒪᓪᓗᓂ ᓯᕗᓕᖅᑎᐅᓂᕐᒧᑦ ᐱᓕᕆᐊᒃᓴᓂᒃ. ᖃᖓᑦᑎᐊᓵᒃᑯᑦ, ᐱᔭᕇᖅᓯᓚᐅᖅᐳᖅ ᐃᑭᐊᖅᑭᕕᖕᒧᑦ ᐱᕙᓪᓕᐊᑎᑦᑎᓂᕐᒧᑦ ᓇᓗᓇᐃᒃᑯᑕᕐᒥᒃ ᖃᕋᓴᐅᑉ ᐃᓂᒋᕙᒃᑕᖓᓂᒃ, ᖃᐅᔨᓪᓗᓂ ᑕᒪᐃᓐᓂᒃ nitty gritty−ᒧᑦ ᐃᓗᓕᖏᓐᓂᒃ ᓇᓗᓇᐃᒃᑯᑦᑎᖅᓱᐃᓂᕐᒥᒃ, ᐃᒡᓗᕐᔪᐊᒧᑦ ᐃᑭᐊᖅᑭᕕᖕᓂᒃ ᐃᓕᑦᑎᕙᓪᓕᐊᓂᕐᒧᓪᓗ ᐱᓕᕆᐊᒃᓴᕆᔭᐅᔪᓂᒃ ᐅᖃᐅᓯᕐᓂᒃ.

ᐊᖏᕐᕋᐅᓚᐅᖅᑎᓪᓗᒍ ᑐᕌᓐᑐᒧᑦ, ᐅᖃᐅᔾᔪᐃᒋᐊᖅᓯᒪᔪᖅ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑎᑦ ᐃᓱᒪᓗᑎᒃ ᐊᐅᓪᓚᕈᒪᓗᑎᒃ ᐊᖏᕐᕋᖏᓐᓂ ᓄᓇᓕᖏᓐᓂ. "ᐃᓱᒪᒋᔭᕋ ᐊᖏᔪᐊᓘᓇᓱᒋᓪᓗᒍ, ᐊᓱᐃᓛᒃ ᑲᔪᓯᑦᑎᐊᖏᓐᓇᐅᔭᖅᑐᖅ ᒥᓪᓗᓂ ᓄᑖᒧᑦ ᐊᕙᑎᒧᑦ," ᑎᓕᐅᕆᔪᖅ. ᓯᑉᓘ ᑎᓕᐅᕆᔪᖅ ᐃᓕᓐᓂᐊᖅᑎᓂᒃ ᖃᐅᔨᒋᐊᕐᓗᑎᒃ ᐃᓕᓐᓂᐊᕐᕕᖓᑕ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑎᓄᑦ ᐱᔨᑦᑎᕋᐅᑎᖏᓐᓂᒃ ᐊᒻᒪ ᑕᒪᐃᓐᓂᒃ ᐱᑕᖃᖅᑐᓂᒃ ᐊᑐᐃᓐᓇᐅᔪᓂᒃ. ᕿᓂᕐᓂᖅ ᐊᖏᔪᒥᒃ ᓄᓇᓕᐸᐅᔭᕐᒥᒃ ᓄᑖᒥᒡᓗ ᓄᒃᑕᕐᓂᕐᒧᑦ ᐊᑐᖅᑕᐅᕙᒃᑐᒥᒃ ᐃᓕᕋᓇᖅᑐᖃᕈᓐᓇᖅᐳᖅ, ᑭᓯᐊᓂ ᓇᓂᓯᓂᖅ ᐱᖃᓐᓇᕆᔭᖃᕐᓂᕐᒧᑦ ᐃᓂᒋᔭᐅᔪᒥᒃ ᓄᓇᖃᖅᑳᖅᑐᓄᑦ ᓄᓇᓕᖕᓂ ᐱᓕᕆᖃᑎᒌᒃᐸᒃᑐᓄᑦ ᐊᓯᔾᔨᕐᓂᖃᕈᓐᓇᖅᐳᖅ. 

ᓇᓕᒧᒌᒃᑎᓐᓇᓱᒃᓗᒍ ᐃᓱᒪᖓ ᖃᓄᐃᙱᑦᑎᐊᕐᓂᖓᓗ, ᓯᑉᓘ ᐅᒃᐱᕈᓱᒃᑐᖅ ᑲᓲᑎᓂᕐᒥᒃ ᐃᓕᖅᑯᓯᕐᓄᑦ ᖃᓄᑐᐃᓐᓇᖅ ᐱᔪᓐᓇᖅᑕᖏᑎᒍᑦ. ᑕᐃᒪᐃᓚᐅᖅᓯᒪᖏᑦᑐᖅ ᓯᕗᓪᓕᕐᒥ ᓅᒻᒪᑦ ᑐᕌᓐᑐᒧᑦ, ᑭᓯᐊᓂ ᑕᐃᒪᐃᒻᒪᑦ, ᐃᑲᔪᕐᓂᖃᒻᒪᕆᓚᐅᖅᑐᖅ ᐃᓱᒪᖓᓄᑦ. ᐱᓱᔪᑲᑕᐃᓐᓇᕆᐊᒃᓴᖅ ᐊᓕᐊᓇᐃᒋᑦᑎᐊᖅᑕᖓ ᐱᓱᔪᒡᓗᓂ ᐱᓱᔪᒃᖢᓂ, ᑲᑎᙵᖃᑎᖃᖅᖢᓂ ᐊᒻᒪ ᓴᐃᓕᓐᓇᖅᑐᒥᒃ ᓇᓂᓯᑲᑕᒃᖢᓂ ᐱᖃᓐᓇᕆᔭᒥᓂᒃ ᐃᓚᒥᓂᒡᓗ ᐱᖃᑎᖃᖅᖢᓂ. ᒪᒥᓴᕐᓂᖅ ᐊᒻᒪ ᐃᓅᓯᓕᕆᓂᖅ ᐃᑲᔫᑎᖃᕈᓐᓇᖅᑐᑦ ᐊᒻᒪ ᐊᑭᖃᙱᖦᖢᑎᒃ ᐃᓛᓐᓂᒃᑯᑦ. 

ᐱᓕᕆᐊᕆᔭᖓᓂ, ᓯᑉᓘ ᖃᐅᔨᖃᑦᑕᖅᑐᖅ ᑲᔪᖏᖅᓴᐃᓂᕐᒥᑦ ᒥᑭᔪᓂᑦ ᐃᓕᒌᓂᑦ ᐃᓱᒪᒃᓴᖅᓯᐅᕈᓐᓇᖅᑕᖓᓂᑦ. ᐃᓄᖁᑎᖃᖅᑐᖅ ᐃᓱᒪᒋᔭᒥᓂᒃ ᐅᖃᕈᓐᓇᖅᑐᓂᒃ ᐊᒻᒪᓗ ᐅᖃᐅᔾᔭᐅᒋᐊᕈᒪᓗᓂ. ᑐᓴᒐᒃᓴᓕᕆᔭᕆᐊᒃᓴᖅ ᖁᕕᐊᒋᔭᓕᒃ ᓴᓇᕈᓘᔭᖅᖢᓂᓗ. ᓯᑉᓘᑉ ᐱᐅᒋᔭᓕᒃ ᑐᑭᓯᐅᒪᓂᕐᒥᒃ ᐋᖅᑭᒃᓯᒪᓂᖏᓐᓂᒃ ᑭᓱᑐᐃᓐᓇᑦ, ᓯᐅᑏᖕᓄᑦ ᐅᕝᕙᓘᓐᓃᑦ ᐅᔭᒥᖕᒥᒃ ᓴᓇᓯᒪᒐᓗᐊᕈᑎᒃ ᓇᖕᒥᓂᖅ ᐊᒡᒐᒥᓂᒃ ᓴᓇᓯᒪᔭᖏᓐᓂᒃ ᐱᓕᕆᐊᖅ ᐃᓱᓕᓕᖅᑎᓪᓗᒍ. 

ᐱᔭᕇᓕᖅᑎᖦᖢᒍ, ᑦᓯᑉᓘ ᐅᖃᐅᓯᖅᑕᖃᖅᑐᖅ ᑎᓕᐅᕆᓂᕐᒥᒃ ᓄᓇᖃᖅᑳᖅᓯᒪᔪᑦ ᒪᒃᑯᒃᑐᖏᓐᓂᒃ. "ᐃᖅᑲᓇᐃᔮᕐᓂ ᓇᒧᙵᐅᕙᓪᓕᐊᑎᓪᓗᑎᑦ, ᑭᓱᑐᐃᓐᓇᐃᑦ ᓴᖅᑭᓕᖅᐸᒃᐳᑦ ᑲᔪᓯᓂᖃᑦᑎᐊᖅᑐᒥᒃ. ᐃᖅᑲᓇᐃᔮᓐᓂ ᐊᑯᓂᐊᓘᖅᑰᔨᖃᑦᑕᖅᑐᖓ, ᐃᓱᒫᓘᑎᖃᐃᓐᓇᖅᐸᓚᐅᖅᑐᖓ ᑮᓇᐅᔭᓕᕆᓂᕐᒥᒃ ᑮᓇᐅᔭᓂᒡᓗ, ᐊᒻᒪ ᓇᓂ ᐃᖅᑲᓇᐃᔮᒃᓴᒥᒃ ᓇᓂᓯᓂᐊᕐᒪᖔᕐᒪ, ᑭᓯᐊᓂ ᑭᓱᓕᒫᑦ ᐊᑐᑦᑎᐊᖅᑐᑦ ᐊᔾᔨᐅᙱᑦᑐᒃᑯᑦ... ᐃᓛᓐᓂᒃᑯᑦ ᐅᖃᕈᓐᓇᖅᓯᓲᖑᒐᕕᑦ 'ᖃᖓᒃᑯᑦ ᓂᕆᓂᐊᓕᕌᖓᒪ' ᐅᕝᕙᓘᓐᓃᑦ 'ᖃᓄᖅ ᐊᑭᓕᖅᓱᐃᔪᓐᓇᕐᓂᐊᕋᒪ ᐃᒡᓗᒧᑦ ᐊᑐᖅᑐᐊᕈᑎᒧᑦ?' ᑭᓯᐊᓂ ᐱᕈᖅᐸᓪᓕᐊᑎᓪᓗᑎᑦ ᐃᖅᑲᓇᐃᔮᕐᓂ, ᑭᓱᑐᐃᓐᓇᐃᑦ ᐃᓂᖏᓐᓄᐊᕐᓂᐊᖅᑐᑦ, ᑕᒪᓐᓇᓗ ᐱᐅᓪᓗᓂ. ᓴᐃᓕᓂᖅᓴᐅᔪᒪᓇᔭᖅᐳᖓ ᒪᒃᑯᖕᓂᖅᓴᐅᑎᓪᓗᖓ," ᐅᖃᖅᖢᓂ. 

ᐱᕙᓪᓕᐊᔪᓕᕆᔨᓂᑦ ᐃᖏᕐᕋᓪᓗᓂ ᖃᕋᓴᐅᔭᒃᑯᑦ ᓯᓐᓇᒃᑑᒪᔪᓄᑦ, ᓄᑖᒥᒃ ᐅᓂᒃᑳᓕᓚᐅᖅᑐᖅ ᐃᒻᒥᖕᓄᑦ. ᓴᕚᓇ ᑦᓯᑉᓘ ᐊᑐᖅᓯᒪᔪᖅ ᐊᔪᙱᓐᓂᕐᒥᓂᒃ ᓇᓗᓇᐃᒃᑯᑦᑎᖅᓯᓂᕐᒧᑦ ᖃᕆᑕᐅᔭᒃᑯᑦ ᐊᒻᒪᓗ ᐃᑲᔪᖅᖢᓂ ᐃᓕᒌᓄᑦ ᖁᕕᐊᓇᖅᑐᓂᒃ ᐱᓕᕆᔪᓂᒃ. ᒫᓐᓇ ᐱᓕᕆᐊᖃᓕᖅᑐᖅ ᓄᓇᖃᖅᑳᖅᓯᒪᔪᑦ ᓄᓇᖁᑎᖓᓂᒃ ᓄᓇᖃᖅᑳᖅᓯᒪᔪᑦ ᔅᑯᕇᓯᐅᑉ ᑎᑎᕋᕐᕕᖓᓂ, ᐊᒃᑐᐃᔪᖅ ᐱᕙᓪᓕᐊᔪᓕᕆᔨᓂᒃ ᖃᓄᖅ ᐃᓱᒪᓚᐅᖅᓯᒪᙱᑕᒥᓂᒃ ᐃᓕᑦᑎᓗᓂᓗ ᓄᑖᓂᒃ ᐊᑐᒐᒃᓴᓂᑦ ᐊᖅᑯᑎᒃᑯᑦ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.