ᐊᑕᐅᓯᐊᖅᖢᓂ, ᓴᓂ ᒍᐃᓐ ᑐᓴᑲᑕᓚᐅᖅᐳᖅ ᐅᓂᒃᑳᕈᓘᔭᖅᑐᓂᒃ ᓄᓇᖃᖅᑳᖅᓯᒪᔪᑦ ᐃᓄᖏᓐᓂᒃ ᓱᓕᙱᑦᑐᓂᒃ. ᑐᙵᕕᖃᓚᐅᖅᑐᑦ ᑲᔾᔮᓇᖅᑐᓂᒃ ᐊᒻᒪᓗ ᑲᑎᓯᒪᓗᐊᕋᑎᒃ ᐃᓕᖅᑯᓯᑦᑎᐊᕚᓗᒻᒧᑦ ᐅᐱᒋᔭᒻᒪᕆᒋᓚᐅᖅᑕᖓ. ᒫᓐᓇ ᐃᑲᔪᓕᖅᑐᖅ ᓄᓇᖃᖅᑳᖅᓯᒪᔪᓂᒃ ᐅᓂᒃᑳᖅᑎᓪᓗᒋᑦ ᓇᖕᒥᓂᖅ ᐅᓂᒃᑳᒥᓂᒃ, ᐊᐅᓚᑦᑎᓪᓗᓂ ᐅᓂᒃᑲᐅᓯᐅᔪᓂᒃ ᓱᓕᙱᑦᑐᓂᒃ ᐅᖃᐅᓯᖃᖅᑐᓂᒃ ᐊᑯᓂᐅᓗᐊᖅᑐᖅ. ᐊᑐᖅᖢᓂ ᓄᑖᓂᒃ ᐱᕙᓪᓕᐊᔪᓕᕆᔨᓂᒃ ᐊᒥᖅᑳᖃᑎᖃᕐᓂᐊᕐᓗᓂ ᐊᕗᖓᑲᓪᓚᒃ ᐃᓕᖅᑯᓯᑐᖃᕐᓂᒃ, ᐱᑕᖃᙱᓐᓂᕆᔭᖏᓐᓂᒃ ᐋᖅᑭᒃᓱᐃᕙᓪᓕᐊᕗᖅ ᑐᑭᓯᐅᒪᓂᕐᒥᒃ ᐋᖅᑭᒃᓱᐃᕙᓪᓕᐊᓂᕐᒥᒡᓗ ᓄᑖᓂᒃ ᐃᓅᖃᑎᖃᖅᐸᖕᓂᕐᓂᒃ ᑭᒃᑯᑐᐃᓐᓇᓂᒃ ᐱᓕᕆᖃᑎᖃᖅᐸᖕᓂᕐᒧᑦ.

ᓴᓂ ᒍᐃᓐ ᐃᓂᖃᖅᑐᖅ ᐃᐊᑦᒪᓐᑕᓐᒥ, 6-ᒋᔭᖓᑦ ᑭᖑᕚᕇᒃ ᐊᓪᓚᖓᔪᑦ ᐊᒃᑐᐊᓂᖃᖅᖢᓂ ᑲᓂᖕᕼᐋᒻ ᑲᓛᓐᒧᑦ, ᐃᖅᑭᓖᑦ ᐊᒻᒪᓗ ᓄᓇᑖᖃᑕᐅᓯᒪᔪᑦ ᐱᐅᓯᑐᖃᖏᑦ. ᐊᓈᓇᖓᑕ ᖃᑕᙳᑎᖏᑦ ᐊᓪᓚᖓᔪᓃᙶᖅᓯᒪᔪᑦ ᓴᐃᓐᑦ ᐋᓪᐳᑦᒥ, ᐋᓪᕘᑕᒥ ᐊᒻᒪᓗ ᐊᑖᑕᑦᓯᐊᖓ, ᓴᐃᓐᑦ ᐱᐅᕐ ᕘᒍᓴᓐ, ᐊᐅᓚᑦᓯᓚᐅᖅᑐᖅ ᕼᐊᑦᓴᓐ ᐸᐃᒥ ᐊᒥᕐᓂᒃ ᑕᐅᖅᓰᖃᑦᑕᓂᕐᒥᒃ ᒍᕉᑦ, ᐋᓪᕘᑕᒥ. ᐊᓈᓇᑦᑎᐊᒥᓂᒃ ᓄᓕᐊᖃᓚᐅᖅᑐᖅ, ᑭᖑᕚᕆᔭᐅᓪᓗᓂ ᒥᓯᐊᓪ ᓄᓇᖃᖅᑳᖅᓯᒪᔪᓄᑦ. 

"ᕿᑐᕐᖓᒃᑲ] ᐅᕙᓐᓂᒃ ᐱᔪᒃᓯᑎᑦᑎᕐᔪᐊᖃᑦᑕᖅᐳᑦ ᐊᔭᐅᖅᑐᖃᑦᑕᖅᖢᖓᓗ ᑲᔪᓯᖁᓪᓗᖓ ᓲᖃᐃᒻᒪ ᓄᓇᕐᔪᐊᖏᑦ, ᓇᓗᓇᙱᑦᑐᖅ, ᐃᓅᖃᑎᒌᑦᑎᐊᕐᓂᖅᓴᐅᖁᒐᒃᑭᑦ ᐅᓪᓗᒥᓂᑦ," ᓂᐱᖃᕐᓗᓂ ᓯᓐᓇᑦᑑᒪᕗᖅ. ᒍᐃᓐ ᐱᓕᕆᐊᖃᓕᓚᐅᖅᑐᖅ ᐊᒻᒪᓗ ᐱᒋᐊᖅᑎᑦᑎᓪᓗᓂ ᑲᒻᐸᓂᒥᓂᒃ, ᐱᑉᑳᓐ ᐸᐃᑦᓱᐊᓐ, ᐱᔾᔪᑎᒋᓪᓗᒍ ᐱᕈᖅᓴᓪᓗᓂ ᐅᐱᒍᓱᓚᐅᕐᒪᑦ ᐃᓕᖅᑯᓯᕐᒥᓂᒃ ᑭᓯᐊᓂ ᐱᔪᓐᓇᓗᐊᓚᐅᖏᒻᒪᑦ ᐊᖓᔪᖅᑳᖏᑎᑐᑦ. ᕿᒫᑎᑕᐅᓚᐅᕐᒥᔪᖅ ᖃᑕᙳᑎᖏᑕ ᐊᑐᕐᓂᑯᖏᓐᓂ ᓄᑕᕋᐅᓪᓗᓂᓗ ᐊᑐᕐᓂᑯᖏᓐᓂ.

ᐊᑖᑕᑦᓯᐊᖓ, ᓯᔅᑐ ᑲᓂᖕᕼᐋᒻ, ᐱᒋᐊᓚᐅᖅᓯᒪᔪᖅ ᓄᓇᖃᖅᑳᖅᓯᒪᔪᓄᑦ ᐃᓅᓯᓕᕆᓂᕐᒧᑦ ᐱᔨᑦᓯᕐᓂᕐᒥᒃ ᐋᓪᕘᑕᒥ ᐊᓈᓇᖓᓗ ᓴᙱᔪᒥᒃ ᑲᓲᒪᓂᖃᓚᐅᖅᑐᖅ ᐊᓪᓚᖓᔪᑦ ᐃᓕᖅᑯᓯᖓᓐᓂᒃ. ᐊᑖᑕᖓ ᐊᑖᑕᒥᓂᒃ ᐊᓯᐅᔨᓪᓗᓂ ᐱᕈᖅᓴᓪᓗᓂᓗ ᑯᕇ ᐊᓈᓇᖓᓄᑦ ᐊᖓᔪᖅᑳᖏᓐᓄᓪᓗ ᐅᖃᓪᓚᑐᐃᓐᓇᓚᐅᖅᑐᓄᑦ ᑯᕇᒧᑦ. ᐊᓈᓇᖓ ᐃᖅᑲᓇᐃᔭᕐᖢᓂ ᑎᒍᔭᐅᒪᕝᕕᖕᓂ, ᐱᑎᑦᑎᓪᓗᓂ ᖁᕕᐊᓲᑎᖃᕐᓂᕐᒥᒃ ᑎᒍᔭᐅᒪᔪᓄᑦ ᓄᓇᖃᖅᑳᖅᓯᒪᔪᓄᑦ ᐃᓄᖕᓄᑦ ᐃᑲᔪᕐᓗᒋᓪᓗ ᐃᓚᐅᓕᒃᑲᓐᓂᕐᓂᕐᓂ. ᐊᑖᑕᖓ ᐃᑲᔪᓚᐅᖅᐳᖅ ᓄᓇᖃᖅᑳᖅᓯᒪᔪᓂᒃ ᐃᓄᖕᓂᒃ ᐃᖅᑲᓇᐃᔮᖅᑖᕐᓂᕐᒧᑦ ᐊᔪᕈᓐᓃᖅᑕᐅᕙᒃᑐᓂᒃ, ᐱᓕᒻᒪᒃᓴᕐᓂᕐᒥᒃ ᐊᒻᒪ ᐃᖅᑲᓇᐃᔭᕐᓂᕐᒥᒃ. ᐃᓄᐃᑦ ᐃᓚᐅᓕᒃᑲᓐᓂᓚᐅᖅᑐᑦ, ᐋᓐᓂᐊᕕᖕᒥ ᑲᒪᒋᔭᐅᔭᕆᐊᖃᖅᖢᑎᒃ, ᐅᕝᕙᓘᓐᓃᑦ ᐃᒡᓗᒃᓴᖅᓯᐅᖅᑐᑦ ᐃᓚᒥᓂᒃ ᐊᖏᕐᕋᖓᓃᖦᖢᑎᒃ.

ᑕᐅᑐᖅᑕᐃᓐᓇᕆᓪᓗᒋᑦ ᑖᒃᑯᐊ ᐱᕈᖅᐸᓪᓕᐊᔪᑦ, ᒍᐃᓐᑯᑦ ᐊᔾᔨᒌᙱᑦᑐᓂᒃ ᑕᐅᑐᖅᑰᖅᑕᖃᓕᓚᐅᖅᐳᑦ ᓄᓇᖃᖅᑳᖅᓯᒪᔪᑦ ᐃᓄᖁᑎᖏᓐᓂᒃ ᓱᕋᓚᐅᖅᑐᓂᒃ ᐊᒻᒪ ᐅᐱᒋᔭᐅᓪᓗᑎᒃ ᐃᓕᖅᑯᓯᖓ ᐱᐅᑦᑎᐊᕐᓂᖓᓄᑦ. "ᐃᔪᕐᓇᖅᑐᒻᒪᕆᐅᔪᒍᑦ, ᓇᒡᓕᒍᓱᒃᖢᑕ, ᐃᓄᑦᑎᐊᕙᐅᓪᓗᑕ ᓱᓕᑦᑎᐊᖅᖢᑕᓗ," ᖁᖓᖦᖢᓂ. ᐃᓕᓐᓂᐊᕆᐊᕋᒥ, ᑲᙳᓱᓕᓚᐅᖅᑐᖅ ᑖᒃᑯᓇᙵᑦ ᖃᓅᓇᓱᒋᔭᐅᔪᓂᒃ ᑭᓯᐊᓂ ᓇᓂᓯᓪᓗᓂ ᐊᑐᒐᒃᓴᒥᒃ ᐃᑲᔪᕈᓐᓇᖅᑐᒥᒃ: ᑭᒃᑯᑐᐃᓐᓇᓂᒃ ᐱᓕᕆᖃᑎᖃᖅᐸᖕᓂᕐᒧᑦ.

"ᖃᐅᔨᔭᕌᖓᒪ ᐃᓄᓕᒫᓂᒃ ᐱᓕᕆᖃᑎᖃᖅᐸᖕᓂᕐᒥᒃ, ᐃᒪᓐᓇᐅᓚᐅᖅᑐᖓ, 'ᐆ, ᖃᓄᖅ ᐊᑐᕈᓐᓇᖅᐸᕋ ᑖᓐᓇ ᐱᓕᕆᔾᔪᑎ, ᐱᐅᑦᑎᐊᓕᕐᓂᕈᒪ, ᓄᓇᖃᖅᑳᖅᓯᒪᔪᑦ ᐃᓄᐃᑦ ᓇᖕᒥᓂᖃᓕᕐᓗᑎᒃ ᐅᓂᒃᑳᑦᑎᓐᓂ, ᐅᓂᒃᑳᑦᑎᓐᓂ, ᓱᓕᔪᓂᒃ, ᐊᑐᓪᓚᑦᑖᖅᓯᒪᔭᑦᑎᓐᓂᒃ ᑲᓇᑕᒥ. ᐊᒻᒪᓗ ᓴᖅᑭᖦᖢᓂ, ᐱᔭᕆᐊᖃᓕᓚᐅᖅᑐᖅ ᓲᖃᐃᒻᒪ ᐱᔭᒃᓴᖃᕐᔪᐊᕋᑦᑕ," ᒍᐃᓐ-ᓂᒃ ᐱᖃᖃᑕᐅᒐᑦᑕ. ᖁᕕᐊᒋᔭᖃᖅᑐᖅ ᐱᔪᓐᓇᑎᑦᓯᓂᕐᒥᑦ ᓄᓇᖃᖅᑳᖅᓯᒪᔪᓂᑦ ᐃᓄᓐᓂᑦ, ᐃᑲᔪᖅᑎᐅᓂᕐᒥᑦ, ᑎᓕᐅᕆᓂᕐᒥᑦ ᖃᓄᖅᑑᕈᑎᓂᑦ ᐃᓱᒪᒋᔭᖃᕐᓂᕐᒥᑦ ᐅᐱᒍᓱᓐᓂᕐᒥᓪᓗ ᐃᓄᐃᑦ ᓇᒻᒥᓂᖅᓱᕐᓂᕐᒥᑦ, ᑲᓇᑕᒥᐅᑕᐅᓂᕐᒥᑦ ᓱᓕᓂᕐᒥᓪᓗ. ᓂᐱᖏᑦ ᑐᓴᖅᑕᐅᑦᑎᐊᖁᓪᓗᓂᒋᑦ.

Gwin ᓇᓗᓇᐃᔭᐃᔪᖅ ᐱᓕᕆᐊᖓᓂᑦ ᐃᑲᔪᖅᑎᐅᑦᓱᓂ ᐊᑐᐃᓐᓇᕈᖅᑎᕆᓂᕐᒥᑦ ᐃᓄᓐᓂᑦ ᑐᓴᖅᑕᐅᑎᑦᓯᓂᕐᒧᑦ, ᐱᓂᕐᒧᑦ ᖃᓄᐃᓕᐅᕐᓂᕐᒧᓪᓗ ᑐᓴᖅᑕᐅᑎᑦᓯᔾᔪᑎᓂᑦ, ᐅᓂᒃᑳᖅᑐᐊᖅᑏᑦ ᑐᑭᓕᐅᕆᖃᑦᑕᖅᑐᑦ ᐱᔭᕆᐊᑐᔪᓂᑦ ᐃᓱᒪᒋᔭᖏᓐᓂᑦ ᐅᖃᐅᓯᑐᐃᓐᓇᕐᒥᑦ ᐊᑐᖅᓱᑎᒃ ᐊᔾᔨᒌᖏᑦᑐᓂᑦ ᐊᑯᓐᓂᖅᓱᖅᑐᓂᑦ ᐃᓅᖃᑎᒌᓐᓂᕐᒧᑦ ᑐᓴᐅᒪᔾᔪᑎᓂᑦ ᑕᕐᕆᔭᕐᓄᑦ, ᑎᑎᖅᑐᒐᕐᓂᕐᒧᑦ ᐊᔾᔨᓕᐊᖑᓯᒪᓂᖏᓐᓄᓪᓗ, ᐊᒻᒪᓗ ᐅᐸᓗᖓᐃᔭᖅᑏᑦ ᐃᑲᔪᖃᑦᑕᖅᑐᑦ ᑲᑐᔾᔨᖃᑎᒌᓂᑦ ᑎᑭᐅᑎᓂᕐᒧᑦ ᑐᕌᒐᖏᓐᓄᑦ. ᐃᑲᔪᖃᑦᑕᖅᑐᖅ ᐃᓄᓐᓂᑦ ᑐᑭᓯᐅᒪᑎᑦᓯᓂᕐᒥᑦ ᑭᓇᒧᑦ ᐅᖃᓕᒪᒻᒪᖔᑕ, ᐱᐅᓂᖅᐹᒃᑯᑦ ᑐᓴᖅᑎᑦᓯᓂᕐᒥᑦ, ᐊᑑᑎᖃᑦᓯᐊᖅᑐᒥᓪᓗ ᑐᓴᖅᑎᑦᓯᓂᕐᒥᑦ. ᑎᑎᕋᕈᓘᔭᕐᓇᖅᐳᖅ, ᐅᖃᐅᓯᐅᕈᓘᔭᖅᐸᒃᖢᓂ ᑕᑯᒃᓴᐅᙱᑦᑐᓂᒃ, ᖃᓄᐃᓕᐅᖅᑎᑦᑎᓂᐊᖅᑐᓂᒃ ᐸᕐᓇᐃᕙᒃᖢᑎᒃ ᐊᒻᒪ ᓄᑖᓂᒃ ᐱᓕᕆᕙᒃᖢᑎᒃ ᖃᐅᑕᒫᑦ.

ᐱᐅᒋᓛᖓ ᑕᐅᑐᒃᖢᓂ ᐃᓄᐃᑦ ᖁᓱᔪᓐᓃᖅᐸᓪᓕᐊᓂᖏᓐᓂᒃ ᐊᓂᒍᐃᑎᓪᓗᒋᑦ ᑲᑉᐱᐊᓱᖕᓂᖏᓐᓂ ᐃᓄᐃᑦ ᓂᕆᐅᒋᔭᐅᑎᓪᓗᒋᑦ ᖃᓄᐃᓕᐅᕐᓗᑎᒃ ᑭᐅᑲᐅᑎᒋᓗᑎᒃᓗ.  "ᐃᓱᒪᒋᔭᕋ ᑕᐅᑐᖕᓂᖅ ᓄᓇᖃᖅᑳᖅᓯᒪᔪᑦ ᓯᕗᓕᖅᑎᖏᓐᓂᒃ, ᓇᖕᒥᓂᖃᖅᑎᓂᒃ, ᒪᒃᑯᒃᑐᓂᒃᓗ ᖁᓱᔪᓐᓃᕐᓗᑎᒃ ᐊᒥᖅᑳᕐᓂᕐᒥᒃ ᓱᓕᔪᓂᒃ, ᑕᐃᒪᓐᓇᓗ ᐊᑲᐅᔪᒃᑰᕐᓗᑎᒃ, ᐅᕙᓐᓄᑦ ᖁᕕᐊᓇᑦᑎᐊᖅᑐᖅ. ᑕᑯᓪᓗᓂ ᑲᔪᓯᑦᑎᐊᖅᑐᓂᒃ, ᑕᑯᓪᓗᓂ ᓇᓪᓕᐅᒃᑯᒫᒥᒃ ᖃᓄᕐᓗ ᐃᓄᐃᑦ ᐱᖃᑦᑕᕐᒪᖔᑕ, ᖁᕕᐊᓇᖅᑑᖕᒥᔪᖅ, ᓲᖃᐃᒻᒪ ᑕᑯᙱᓐᓂᖅᓴᐅᒐᑦᑕ ᐃᓚᖏᓐᓂᒃ ᐱᐅᙱᑦᑐᓂᒃ ᐊᑐᖅᑐᓂᑦ," ᒍᐃᓐ ᐹᒻᔅ.

ᑕᐅᑐᒃᖢᒋᑦ ᐱᓕᕆᖃᑎᖏᑦ 24−ᖑᔪᑦ ᐃᖅᑲᓇᐃᔭᖅᑎᑦ ᖁᓱᔪᓐᓃᕐᓗᑎᒃ ᑕᑯᒃᑲᓐᓂᕐᓗᒋᓪᓗ ᐃᓄᐃᑦ ᒪᑐᐃᖓᔪᑦ ᑐᓴᕐᓗᑎᒃ ᑕᐃᑯᙵᙵᑦ ᑎᓕᐅᕆᖕᒥᔪᖅᑕᐅᖅ.

ᐃᖅᑲᓇᐃᔮᖅᑖᕐᓂᐊᓕᕌᖓᑕ ᑭᒃᑯᑐᐃᓐᓇᓂᒃ ᐱᓕᕆᖃᑎᖃᖅᐸᖕᓂᕐᒧᑦ, ᐅᖃᐅᔾᔪᐃᓂᖓ ᐃᓄᖕᓄᑦ ᐃᓱᒪᒋᓪᓗᒍ ᐃᒪᓐᓇ, "ᐱᕙᒌᔭᖅᓯᒪᑦᑎᐊᕆᑦ ᐊᐅᓚᑦᑎᓗᐊᔾᔮᙱᓐᓂᕐᒥᒃ." ᓱᓕᔪᕐᓕ ᖃᐅᔨᒪᓪᓚᑦᑖᕈᓐᓇᖏᒻᒪᑦ ᖃᓄᖅ ᑐᓴᖅᑕᐅᓂᐊᕐᒪᖔᖅ ᐊᒻᒪᓗ ᐱᐅᓂᖅᐹᓂᒃ ᐸᕐᓇᐅᑎᑕᖃᕋᓗᐊᖅᑎᓪᓗᒍ, ᑭᓱᑐᐃᓐᓇᐃᑦ ᑕᒻᒪᕈᓐᓇᕐᒪᑕ, ᓇᓗᓇᐃᖅᓯᓪᓗᓂ. ᑕᒪᓐᓇ ᑐᓴᕈᒥᓇᓗᐊᓐᖏᒻᒪᑦ. "ᓴᓇᑐᒍᕕᑦ, ᓄᑖᓂᒃ ᐱᓕᕆᔪᒪᒍᕕᑦ, ᐱᐅᒋᔭᑎᑦ ᐃᓄᐃᑦ, ᖃᓄᐃᙱᖦᖢᑎᓪᓗ ᐱᓪᓚᕆᙳᐊᙱᖦᖢᑎᑦ, ᑕᐃᒪᓕ ᑐᓴᒐᒃᓴᓕᕆᓂᖅ, ᖁᕕᐊᓇᑦᑎᐊᖅᑐᖅ, ᐃᓱᒪᔪᖓ, ᐱᓗᐊᖅᑐᒥᒃ ᑕᒪᓐᓇ ᐊᒃᓱᕈᒥᓇᖅᑎᓪᓗᒍ," ᑕᐃᒪᓐᓇ ᐅᖃᖅᐳᖅ.

ᐃᓱᒪᒋᓪᓗᒍ ᓂᕆᐅᒋᔭᖏᑦ ᓯᕗᓂᒃᓴᒧᑦ, ᓯᓐᓇᑦᑑᒪᒋᔭᖓᑦ ᑲᑐᔾᔨᓪᓗᓂ ᐊᓯᔾᔨᕐᓂᕐᒥᒃ ᑕᐅᑐᒃᑕᒃᑯᑦ. "ᑕᑯᒃᑲᓐᓂᕈᒪᓇᔭᖅᐳᖓ ᑲᑐᔾᔨᖃᑎᒌᓂᒃ ᐃᓱᒪᒋᔭᖃᖅᑐᓂᒃ ᐃᓄᖕᓂᒃ ᑮᓇᐅᔭᓕᐅᓗᐊᖅᑐᓂᒃ... ᐃᓄᐃᑦ ᐃᖅᑲᐅᒪᒋᐊᖃᖅᑐᒋᕙᒃᑲ ᓱᒻᒪᑦ ᓴᖅᑮᓚᐅᕐᒪᖔᑕ ᓯᕗᓪᓕᖅᐹᒥ. ᐃᓛᓐᓂᒃᑯᑦ ᑎᔅᓯᓈᕿᓐᓇᖃᑦᑕᙱᒻᒪᑦ ᑭᓱᑐᐃᓐᓇᑦ ᐊᓂᒍᖅᐸᓪᓕᐊᑎᓪᓗᒋᑦ, ᖃᔅᓯᑲᓪᓚᐃᓪᓗ ᐃᓄᐃᑦ ᐃᓕᔅᓯᓐᓂᒃ ᐱᔪᒪᒑᖓᑕ, ᐅᕝᕙᓘᓐᓃᑦ ᐃᓕᖕᓂᒃ ᐊᐱᖅᓱᕈᒪᖕᒪᑕ, ᐅᖃᐅᑎᓗᒋᓪᓗ ᖃᓄᖅ ᐱᐅᑎᒋᖕᒪᖔᖅᐱᑦ. ᑭᓯᐊᓂ ᐱᒻᒪᕆᐅᓱᒋᕙᕋ ᐅᕙᑦᑎᓐᓄᓕᒫᖅ ᐱᕕᔅᓴᖃᖅᑎᑕᐅᓗᑕ. ᐱᒻᒪᕆᐅᒋᕗᖅᑕᐅᖅ ᑕᒪᑦᑕ ᐱᕕᒃᓴᖃᕐᓗᑕ ᐃᓅᔪᓐᓇᕐᓂᕐᒥᒃ ᐊᑕᖏᑦᑎᐊᕐᓗᓂ, ᖁᐊᖅᓵᕐᓇᙱᑦᑐᒥᒃ, ᐃᓗᐊᖅᑐᒥᒃ ᐃᓅᓯᖃᕐᓂᕐᒥᒃ," ᑕᐃᒪᓐᓇ ᐅᖃᕈᓐᓇᖅᓯᓗᓂ.

ᓯᕗᓂᑦᓴᖅ ᑕᐅᑐᙳᐊᖅᑕᖓ ᐊᑭᑐᖏᓂᖅᓴᒃᑯᑦ, ᑐᕌᖓᓂᖅᓴᐅᓗᓂ ᐃᓄᓐᓄᑦ ᓄᓇᒧᓪᓗ, ᓄᖅᑲᑎᑦᓯᓴᕋᐃᖏᓂᖅᓴᐅᓗᓂ ᐊᓯᒥᓐᓂᒃ, ᐃᓱᒪᒋᔪᓐᓇᐃᖅᑕᐅᓂᖅᓴᐅᓗᓂᓗ ᑕᒻᒪᕐᓂᖅ. "ᑭᒃᑯᓕᒫᑦ ᑲᑉᐱᐊᓱᒃᓗᑎᒃ ᑕᒻᒪᕆᐊᒃᓴᖅ... ᐃᓕᕝᕕᒋᔪᓐᓇᕋᑦᑎᒍ ᑭᓯᐊᓂ ᑕᒻᒪᖃᑦᑕᕈᑦᑕ, ᑭᐅᑦᑕᖃᑦᑕᕈᑦᑕ, ᒪᒥᐊᓪᓗᑕ ᐊᒻᒪᓗ ᑲᔪᓯᓗᑕ ᐊᒻᒪᓗ ᐊᓯᐊᓂᒃ ᐱᕕᖃᓕᕐᓗᑕ," Gwin confides. "ᐃᓄᐃᑦ ᓵᑕᒃᓴᐅᔭᕆᐊᖃᖅᑐᑦ, ᓵᑕᒃᓴᐅᔪᓐᓇᕐᓗᑎᒃ. ᑭᓯᐊᓂ ᑭᓱᓄᑦ ᓵᑕᒃᓴᐅᔾᔪᑎᒋᕕᑎᒍᑦ? ᐊᒻᒪᓗ ᖃᓄᐃᓕᐅᖁᕕᑎᒍᑦ ᐅᑎᖁᓪᓗᒋᑦ? ᐃᓱᒪᒋᔭᐅᔪᓐᓃᕈᓐᓇᕐᓂᖅᓴᐅᖅᑰᖅᑐᑦ, ᐃᓄᑦᑎᐊᕙᐅᓂᕐᒧᑦ, ᐊᒻᒪ ᓱᓕᓂᕐᒧᑦ. ᐱᔪᓐᓇᕐᓂᖃᕐᔪᐊᖅᑰᖅᑐᒍᑦ ᑲᑐᔾᔨᖃᑎᒌᒡᓗᑕ ᐊᑕᖏᕐᓗᑕ ᐱᓕᕆᖃᑎᒌᒃᑯᑦᑕ," ᑲᔪᓯᓗᓂ.

ᑖᓐᓇ ᐅᐱᒍᓱᒃᖢᓂ ᐱᒋᐊᖅᑎᑦᑎᓚᐅᖅᓯᒪᖕᒪᑦ ᑭᒃᑯᑐᐃᓐᓇᓂᒃ ᐱᓕᕆᖃᑎᖃᖅᐸᖕᓂᕐᒧᑦ ᐱᓕᕆᔨᒋᔭᐅᕙᒃᑐᓂᒃ, ᓴᓂ ᒍᐃᓐ ᐃᖅᑲᐅᒪᕗᖅ ᖃᖓᙳᕌᖓᑦ, ᑐᓴᖅᐸᒃᖢᓂ ᐊᒥᓱᓂᒃ ᐅᓂᒃᑲᐅᓯᕐᓂᒃ ᓄᓇᖃᖅᑳᖅᑐᑦ ᐃᓄᖏᓐᓂᒃ ᓱᓕᙱᖦᖢᑎᒃ. ᒫᓐᓇ, ᓱᕋᐃᔪᖅ ᓇᓗᓇᖅᑐᓂᒃ ᐊᒻᒪ ᐊᒥᖅᑳᕈᑎᖃᕐᖢᓂ ᐃᓕᖅᑯᓯᑦᑎᐊᕙᖕᒥᒃ ᖁᕕᐊᒋᔭᖓᓂᒃ ᐃᑲᔪᕐᖢᓂᓗ ᐊᓯᖏᓐᓂᒃ ᓄᓇᖃᖅᑳᖅᓯᒪᔪᓂᒃ ᑕᐃᒪᐃᖃᑕᐅᓗᑎᒃ. ᐊᐅᓚᑦᑎᓪᓗᓂ ᐅᓂᒃᑲᐅᓯᐅᔪᓂᒃ ᓱᓕᙱᑦᑐᓂᒃ, ᐊᑐᖅᐳᖅ ᓄᑖᓂᒃ ᑐᓴᒐᒃᓴᓂᒃ ᐊᒥᖅᑳᕈᑎᒋᓂᐊᕐᓗᒋᑦ ᐊᑯᓂᐊᓗᒃ ᐃᓕᖅᑯᓯᑐᖃᕐᓂᒃ. ᐱᑕᖃᙱᓐᓂᐅᔪᑦ ᑐᑭᓯᐅᒪᓕᕐᓂᖅ ᐊᒻᒪ ᐃᑳᕐᕕᓕᐅᕐᓂᖅ ᓄᑖᓄᑦ ᐱᓕᕆᖃᑎᒌᒍᓯᕐᓄᑦ ᐃᓚᒌᓄᑦ ᐃᓕᖅᑯᓯᐅᕗᖅ, ᖃᐅᑕᒫᑦ ᐃᓚᐅᓕᖅᐸᒃᖢᓂ ᐃᓄᖕᓄᑦ ᑐᓴᐅᒪᔪᓕᕆᔾᔪᑎᒃᑯᑦ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.