ᐅᖃᐅᓰᑦ ᐃᒪᕐᒦᑦᑐᑦ: ᐅᖃᐅᓯᕐᒥᒃ ᐃᓕᓐᓂᐊᖅᑎ Skaydu.û ᔫᓪᔅ ᐃᖏᕐᕋᕙᓪᓕᐊᔪᑦ ᐃᓕᖅᑯᓯᑐᖃᕐᒥᒃ ᐆᒻᒪᕆᐊᖅᑎᑦᑎᒃᑲᓐᓂᕋᓱᖕᓂᕐᒧᑦ
"ᖁᕕᐊᓇᑦᑎᐊᖅᑐᖅ ᐃᓕᖅᑯᓯᕋ ᐅᖃᐅᓯᕋᓗ ᑕᐃᑲᓃᑦᑕᕆᐊᒃᓴᖅ ᓄᖅᑲᖓᑎᖦᖢᓂᖓᓗ ᓲᖃᐃᒻᒪ ᐅᖃᖃᑦᑕᕐᒪᑕ ᐅᖃᐅᓯᖅᑕᖅ ᐱᔪᒃᓯᓂᖃᕐᓂᖓᓂᒃ ᐊᒻᒪ ᑕᕐᓂᕆᔭᐅᔪᖅ ᐅᕙᓐᓂᒃ ᑲᒪᒋᔭᐅᕐᔪᐊᖅᓯᒪᖕᒪᑦ ᐊᕐᕌᒎᓵᖅᑐᓂ," ᐅᖃᖅᑐᖅ ᓯᑲᐃᑑ.ᔫᓪᔅ. ᑎᐊᔅᓕᓐ ᑎᓕᖕᔅ ᐊᒻᒪ ᐊᓛᔅᑲᒥᐅᑦ ᓯᕗᓕᕕᓂᖏᑦ ᐊᕐᓇᕐᓗ ᒥᑎᐹᓂ, ᐊᒪᕈᐅᑉ ᒥᑎᖓ ᐱᒋᔭᐅᓪᓗᓂ.
ᖃᖓᑦᑎᐊᓵᒃᑯᑦ, ᔫᓂᒥ, ᐊᓛᔅᑲᒥ ᓄᓇᖃᖅᓯᒪᓕᖅᑐᖅ, ᐃᓕᓐᓂᐊᖅᖢᓂ ᐅᖃᐅᓯᕐᒥᓂᒃ ᐃᓕᖅᑯᓯᕐᒥᓂᒡᓗ ᐅᓪᓗᓕᒫᖅ ᐱᖓᔪᒋᓕᖅᑕᖓᓂ ᐊᕐᕌᒍᒥ ᓯᓚᑦᑐᖅᓴᕐᕕᒡᔪᐊᕐᒥ ᐃᓕᓐᓂᐊᖅᖢᓂ. ᐱᔭᕇᖅᓯᔾᔪᓯᐊᖅ ᓯᕗᓪᓕᖅ ᓄᓇᖃᖅᑳᖅᓯᒪᔪᓂᒃ ᐃᓕᓐᓂᐊᖅᖢᓂ, ᐊᓛᔅᑲᒥ ᓄᓇᖃᖅᑳᖅᓯᒪᔪᑦ ᐅᖃᐅᓯᖅᑕᖏᓐᓂᒃ ᐊᒃᓱᕉᑎᖃᖅᖢᓂ ᐊᒻᒪ ᓯᓚᒥ ᐃᓕᓐᓂᐊᖃᑕᐅᓪᓗᓂ. ᐃᓕᓐᓂᐊᖅᑎᑦᑎᖃᑦᑕᖅᐳᖅ ᐅᖃᐅᓯᓕᕆᓂᕐᒥᑦ ᔫᑳᓐ ᓄᓇᖃᖅᑳᖅᓯᒪᔪᑦ ᐅᖃᐅᓯᓕᕆᕕᖓᑎᒍᑦ ᐊᒻᒪ ᓴᐃᒪᓐ ᕗᕋᐃᓱ ᓯᓚᑦᑐᓴᕐᕕᕐᔪᐊᕐᒥᑦ ᐃᓕᓐᓂᐊᕆᐊᓕᓵᖅᑐᓂᒃ ᐱᖓᓱᐊᖅᑎᖅᑐᓂ ᐱᓇᓱᐊᕈᓯᕐᒥ ᐊᒻᒪ ᐅᖃᐅᓯᓕᕆᓂᕐᒥᑦ ᔫᒐᓕᐅᕆᐅᖅᓴᓂᕐᒥᑦ
ᐊᒻᒪ ᓱᓕ, ᔫᓪᔅ ᐃᓚᒋᔭᐅᒋᕗᖅ ᔫᑳᓐᒥ ᓄᓇᖃᖅᑳᖅᓯᒪᔪᑦ ᓯᓚᖓᓄᑦ ᖃᓄᐃᓕᐅᖃᑎᒌᖕᓂᕐᒧᑦ, ᐃᓅᓂᑰᓪᓗᓂ ᓄᓇᒥᒃ ᑲᒪᔨᐅᓪᓗᓂ ᐊᒻᒪ ᐅᓇᑕᐃᓐᓇᖅᖢᓂ ᐊᓈᓇᒥᓂᒃ ᓄᓇᕐᔪᐊᕐᒥ. "ᐱᕕᒃᓴᕋᓕ ᐊᐅᓪᓚᖅᓯᒪᑐᐃᓐᓇᖅᖢᖓ ᐅᖃᓪᓚᒃᖢᖓᓗ ᐃᒻᒥᓂᒃ ᐅᖃᕈᓐᓇᙱᑦᑐᓄᑦ," ᓴᖅᑭᔮᖅᑎᑦᑎᔪᖅ, ᐃᓱᒪᓪᓗᓂ ᑲᑎᒪᔨᕋᓛᓕᒫᓂᑦ ᐃᒃᓯᕚᕐᕕᒋᔭᖏᓐᓂᑦ. "ᐱᓕᕆᐊᖃᐃᓐᓇᕋᓱᑐᐃᓐᓇᖃᑦᑕᖅᑐᖓ ᐃᑲᔪᕋᓱᒃᐸᒃᖢᖓᓗ ᓇᐅᒃᑯᑦ ᐱᔭᕆᐊᖃᕐᒪᖔᕐᒪ," ᓇᓗᓇᐃᖅᓯᓪᓗᓂ.
ᐃᓕᖅᑯᓯᑐᖃᓕᕆᒻᒥᔪᖅ ᐊᒻᒪᓗ ᐃᓕᓐᓂᐊᖃᑦᑕᖅᓯᒪᓪᓗᓂ ᓴᓇᓐᖑᐊᕐᓂᕐᒥᒃ ᑲᔪᖏᖅᓴᐃᔨᖓᓂᒃ ᕙᐃᓐ ᐳᕋᐃᔅᒥᒃ. ᐃᑲᔪᓚᐅᖅᑐᖅ ᓴᓇᙳᐊᕐᓂᕐᒥᑦ 28 ᐃᓯᒐᓂᑦ ᐊᐅᐸᖅᑐᒥᑦ ᖃᔭᕆᐊᕐᒥᑦ ᐊᒻᒪ ᖃᐃᖁᔭᐅᓯᒪᓪᓗᓂ ᖃᔭᕆᐊᒃᑯᑦ ᖃᑕᙳᑎᖏᓐᓄᑦ ᐅᐱᒋᔭᐅᓪᓗᓂ ᐃᑲᔪᖅᓯᒪᓂᖓᓄᑦ ᐃᖅᑲᓇᐃᔮᖓᓄᑦ. ᐃᑲᔪᓚᐅᖅᑐᖅ ᓇᓂᓯᓪᓗᓂ ᑮᓇᐅᔭᖃᖅᑎᑕᐅᔾᔪᑎᓂᒃ ᐃᓚᐅᖃᑕᐅᓗᑎᒃ ᑐᕆᐳᓪ ᐃᖏᕐᕋᓂᕐᒥ, ᐅᓪᓗᓄᑦ ᖁᓕᓄᑦ ᖃᔭᕆᐊᒃᑰᕐᓗᑎᒃ ᑕᕆᐅᒃᑯᑦ.
ᓄᒃᑕᖅᖢᓂ ᓄᓇᖃᖅᑳᖅᑐᑦ ᓄᓇᓕᖏᓐᓄᑦ, ᐃᙱᖅᖢᓂ, ᓂᕆᕙᖕᓂᖅ ᓂᕿᓪᓚᑦᑖᓂᒃ, ᐱᖃᑎᖃᖅᖢᓂ, ᐅᖃᐅᓯᖃᖅᖢᓂ ᐃᒪᓐᓇ, "ᐱᐅᓛᖑᖃᑕᐅᓂᖓᓂᒃ ᐃᓅᓯᓐᓂ." ᐃᖏᕐᕋᓂᐅᔪᖅ ᑕᑭᔫᓚᐅᖅᑐᖅ, ᐊᓛᔅᑲᒥᑦ ᐃᖏᕐᕋᓪᓗᓂ ᐳᕆᓐᔅ ᕋᐳᑦᒧᑦ, ᕕᐅᕆᒧᑦ, ᐱᖃᓐᓇᕆᔭᒥᓂᒃ ᐱᖃᑎᖃᖅᖢᓂ ᐊᖅᑯᑎᒃᑯᑦ ᐊᒻᒪ ᖁᙱᐊᖅᖢᑎᒃ ᓄᓇᖃᖅᑳᖅᓯᒪᔪᑦ ᐃᒪᖓᑕ ᐊᖅᑯᑎᖓᑕ ᐃᓕᖅᑯᓯᖏᓐᓂᒃ.
ᑲᒪᓇᖅᑐᒻᒪᕆᐅᑎᓪᓗᒍ, ᐊᒃᓱᕈᕐᓇᓚᐅᖅᑐᖅ. "ᐱᒋᐊᓕᓵᖅᑎᓪᓗᑕ, ᐱᖓᓱᐃᓐᓇᕐᓂᒃ ᓄᑦᑑᔾᔪᐊᕈᑎᖃᓚᐅᖅᑐᒍᑦ ᐊᒻᒪ ᐅᐊᐃᓐ 8-ᓂᒃ ᓄᓗᕋᐅᑎᖃᖅᖢᑕ. ᑕᒪᓐᓇ ᐱᒡᒐᓇᖅᑐᒻᒪᕆᐅᓚᐅᖅᐳᖅ. ᑕᒪᒃᑯᐊ ᐱᒡᒐᓇᕐᓂᖅᐹᖑᓚᐅᖅᐳᑦ, ᐃᓱᒪᕗᖓ, ᓯᓚᑦᑎᐊᕙᐅᒻᒪᑦ ᐊᒻᒪ ᓇᓗᓇᙱᑦᑐᖅ, ᐱᒡᒐᓇᖅᑐᒻᒪᕆᐅᓚᐅᖅᐳᖅ ᐱᓪᓗᒍ 400-ᐸᐅᓐᓯᓂᒃ ᐅᖁᒪᐃᓐᓂᖃᕐᒪᑦ ᐱᓪᓗᒍ ᐱᕈᖅᐸᓪᓕᐊᔪᒻᒪᕆᐅᒻᒪᑦ. ᑕᐃᒪᐃᒻᒪᑦ ᐊᒃᓱᕈᕐᓇᖅᑐᒻᒪᕆᐅᓚᐅᖅᐳᖅ ᑭᓯᐊᓂ ᐅᕙᑦᑎᓐᓄᑦ ᓴᙱᓂᖅᓴᐅᓕᓚᐅᖅᐳᖅ, ᑲᑎᙵᓂᖅᓴᐅᓕᖅᖢᑕ ᐃᓚᒌᑎᒍᑦ," ᐃᖅᑲᐅᒪᔪᖅ.
ᐃᓱᒪᒋᓪᓗᒍ ᓇᖕᒥᓂᖅ ᓇᒧᙵᐅᕙᓪᓕᐊᓂᕆᔭᖓ ᑕᐃᒪᙵᓂᑦ ᖁᑦᑎᖕᓂᖅᓴᒥ ᐃᓕᓐᓂᐊᕐᕕᖕᒥ, ᔫᓕᔅ ᔭᐸᓃᓯᒥᒃ ᑕᐅᖅᓰᖃᑎᖃᖅᐸᓚᐅᖅᐳᖅ ᐊᒻᒪᐃᓛᒃ ᐱᖓᓱᓂᒃ ᐊᕐᕌᒍᓂᒃ ᐊᑐᖅᖢᓂ ᐊᓐᓄᕌᓂᒃ ᐃᓕᓐᓂᐊᕐᕕᖕᒥ ᑕᒪᓐᓇᓗ ᐃᑲᔪᖅᓯᒪᓪᓗᓂ ᐅᑎᖅᑎᑦᑎᓂᕐᒥᒃ ᓄᓇᖃᖅᑳᖅᑐᓄᓪᓗ ᐊᓐᓄᕌᓂᒃ. ᑕᐃᑲᙵᑦ, ᕖᓇᒻ ᐱᓐ, Cambodia−ᒧᑦ ᐃᓚᒋᔭᐅᓪᓗᓂ ᓄᓇᖃᖅᑳᖅᓯᒪᔪᑦ ᒪᒃᑯᒃᑐᓄᑦ ᐃᖅᑲᓇᐃᔭᖅᓯᓐᓈᑦ ᐃᓕᓐᓂᐊᖅᑐᓄᑦ ᐱᓕᕆᐊᒧᑦ ᐃᑲᔪᖅᓱᐃᓪᓗᓂ ᓄᓇᖃᖅᑳᖅᓯᒪᔪᓂᒃ ᐱᓕᕆᖃᑎᒌᓂᒃ ᑐᑭᓕᐅᕆᓂᕐᒥᒃ, ᓇᐹᖅᑐᓕᐅᕐᓂᕐᒥᒃ, ᐊᒻᒪ ᐃᓕᓴᐃᓂᕐᒥᒃ ᖃᓪᓗᓈᑎᑐᑦ. "ᑕᕝᕙᓂ ᐱᓯᒪᔭᕋ ᐃᓕᓐᓂᐊᖅᑎᑦᑎᓪᓗᖓ ᖃᓪᓗᓈᑎᑐᑦ ᐊᒻᒪᓗ ᐱᐅᔪᐊᓘᓚᐅᖅᑐᖓ, ᐊᑐᓚᐅᖅᓯᒪᙱᓪᓗᒍ ᐃᓕᓴᐃᓂᖅ ᖃᐅᔨᒪᓇᙱᑦᑐᖅ ᐅᖃᐅᓯᖅ. ᐃᒪᓐᓇᐅᓚᐅᖅᑐᖓ, 'ᖃᓄᐃᒻᒪᑦ ᑕᐃᒪᐃᓕᐅᙱᓚᖓ ᓇᖕᒥᓂᖅ ᐅᖃᐅᓯᓐᓄᑦ? ᐅᕝᕙᓘᓐᓃᑦ ᖃᓄᐃᒻᒪᑦ ᐃᓕᓴᐃᕗᖓ ᑖᔅᓱᒥᖓ ᖃᓪᓗᓈᙳᖅᑎᑕᐅᓯᒪᔪᒥᒃ ᐅᖃᐅᓯᕐᒥᒃ ᓇᖕᒥᓂᖅ ᐃᓕᑦᑎᔪᓐᓇᖅᑎᓪᓗᖓ ᐃᓕᓴᐃᓗᖓᓗ ᐅᖃᐅᓯᓐᓂᒃ ᑕᒪᑐᒧᖓ ᐊᔪᕈᓐᓃᖅᑕᐅᕙᒃᑐᓄᑦ?" ᓈᓴᐃᒃᑲᓐᓂᖅᐸᖕᒪᖔᑦ.
ᐅᖃᐅᔾᔪᐃᓂᖓ ᒪᒃᑯᒃᑐᓄᑦ ᐃᓱᒪᔪᓄᑦ ᓯᓚᑦᑐᖅᓴᕐᕕᓕᐊᕈᒪᓗᓂ ᐱᓇᔪᒍᒪᓂᐅᕗᖅ ᐃᓕᓐᓂᐊᕈᑎᒃᓴᖅᑖᕐᓂᕐᒧᑦ ᑮᓇᐅᔭᓂᒃ ᐊᑐᖅᑕᐅᔪᒪᙱᖦᖢᓂ. ᐊᑐᓕᖁᔨᖕᒥᔪᖅ ᖃᐅᔨᒪᒋᐊᕐᓗᓂ ᐃᓅᖃᑎᒌᖕᓂᕐᒧᑦ ᐃᑲᔪᖅᑕᐅᓂᕐᓂ, ᐃᓄᖕᓄᑦ ᐅᖃᖃᑎᖃᕐᓗᑎᒃ ᐊᑐᖅᓯᒪᔭᕐᓂᒃ.
ᐊᐅᓪᓚᕐᓂᐊᕐᓗᓂ, ᔫᓕᔅ ᐱᖁᔨᔪᖅ ᑮᓇᐅᔭᖃᖅᑎᑕᐅᓗᓂ ᑕᐅᖅᓰᓂᕐᒧᑦ ᐱᓕᕆᐊᒃᓴᓄᑦ ᐅᑎᖅᑎᑦᑎᓗᓂ ᐳᓚᕋᖅᑐᓄᑦ ᐊᑐᕐᓂᑯᓂᑦ. ᐃᓚᐅᖃᑕᐅᓚᐅᖅᑐᖅ ᐹᑐᓪᕕᐅᓪᔅ-ᒧᑦ ᐱᓕᕆᐊᒧᑦ ᖁᑦᑎᖕᓂᖅᓴᖅ ᐃᓕᓐᓂᐊᕐᕕᖕᒥ ᐊᒻᒪᓗ Cambodian-ᑯᑦ ᐊᐅᓪᓚᕐᓂᖏᑦ ᑮᓇᐅᔭᖃᖅᑎᑕᐅᓚᐅᕐᒥᔪᑦ. ᑕᒪᒃᑯᐊ ᐊᑐᖅᑕᐅᖃᑦᑕᖅᓯᒪᔪᑦ ᓄᓇᒧᑦ ᐊᒃᑐᐊᓂᖃᓪᓚᕆᓚᐅᖅᐳᑦ.
ᐃᓚᖏᑦ ᐊᖏᓛᑦ ᑐᓗᖅᑕᕈᑏᑦ ᐊᒃᓱᕈᒃᑲᓐᓂᕆᐊᖃᖅᓯᒪᔪᑦ ᐃᓕᓐᓂᐊᕐᕕᐊᕈᓯᕐᓂᑦ ᓯᓚᑖᓂ ᓄᓇᖃᖅᑳᖅᓯᒪᔪᑦ ᐅᖃᐅᓯᓕᕆᓂᕐᒧᑦ ᐱᓕᕆᐊᒃᓴᖏᓐᓂ ᐱᖁᓪᓗᒍ ᐃᓕᓐᓂᐊᕈᑎᐅᔭᕆᐊᓕᑦ. "ᐊᒥᓱᑦ ᑖᒃᑯᐊ ᐃᓕᓐᓂᐊᕐᕕᐊᕈᓰᑦ ᑲᔪᓯᑦᑎᐊᕈᑕᐅᕙᙱᒻᒪᑕ ᑕᐃᒪᐃᒻᒪᑦ 10−ᖏᖅᓱᓪᓗᐊᕐᓗᒍ ᐱᓕᕆᒃᑲᓐᓂᕆᐊᖃᖅᐳᑎᑦ," ᐊᓐᓄᕋᐃᓪᓗᓂ. ᐅᖃᐅᓯᐅᑉ ᐃᓕᓐᓂᐊᕐᓂᖓᓂᒃ ᐲᖅᓯᕗᖅ. ᐅᖓᑖᓄᑦ, ᐱᑕᖃᕐᓗᓂ ᐃᓂᐅᔪᓂᑦ ᐊᑦᑕᕐᓇᖖᒋᑦᑐᑦ ᓄᓇᖃᖅᑳᖅᓯᒪᔪᓄᑦ ᐊᕐᓇᓄᑦ ᐊᒃᓱᕈᕐᓇᕈᓐᓇᕐᒥᔪᖅ, ᑭᓯᐊᓂ ᐱᓕᕆᖃᑦᑕᖅᑐᖅ ᐊᓯᒥᖕᓂᒃ ᖁᒻᒧᒃᑎᑦᑎᓂᕐᒥᒃ ᐊᑦᑕᕐᓇᖖᒋᖦᖢᓂᓗ ᐊᓯᖏᓐᓄᑦ ᐃᓄᖕᓄᑦ.
ᐃᓱᒪᖓᑕ ᖄᖓᓃᖏᓐᓇᕋᓱᒃᓗᓂ, ᔫᓪᔅ ᐱᓱᖃᑦᑕᕐᖢᓂ ᕿᒻᒥᒥᓂᒃ ᖃᐅᑕᒫᑦ, ᓄᓇᒦᑉᐸᒃᓗᓂ. ᐃᓚᒥᓂᒃ ᐊᖑᓇᓱᖃᑎᖃᖃᑦᑕᖏᑉᐸᑦ ᐃᖃᓗᒐᓱᒋᐊᕐᓗᓂ ᐊᒻᒪᓗ ᐊᖑᓇᓱᒋᐊᕐᓗᓂ, ᐊᒃᓱᐊᓗᒃ ᐊᒃᑐᐃᓂᖃᕐᒪᑦ ᐊᕐᕌᒍᓕᒫᒥᒃ. ᐅᖓᑖᓄᑦ ᐃᓱᒪᖓᑕ, ᓄᓇᓕᕋᓛᑦ ᓂᕆᑎᖦᖢᓂᒋᑦ ᐅᑭᐅᒃᑯᑦ, ᐃᑲᔪᕐᖢᓂᒋᑦ ᐊᑭᓕᕈᓐᓇᕐᖢᓂᒋᑦ ᖃᓄᐃᓕᐅᕆᐊᒃᓴᖅ, ᖃᐅᔨᑎᓪᓗᒍ ᑭᓱᓂᒃ ᓂᕿᒦᒻᒪᖔᑦ ᖁᕕᐊᓲᑎᖃᕐᓂᕐᓗ ᐊᑐᕐᖢᓂᐅᒃ. "ᐱᐅᔪᒻᒪᕆᐊᓗᒃ ᑕᕐᓂᑦᑎᓐᓄᑦ ᐆᒻᒪᕆᖕᓂᑦᑎᓐᓄᑦ, ᐃᓚᒋᔭᐅᕐᔪᐊᖅᖢᓂᓗ ᓇᖕᒥᓂᖅ ᑲᒪᒋᑦᑎᐊᕐᓂᕐᒧᑦ," ᓇᓗᓇᐃᖅᓯᓪᓗᓂ. ᓄᓇᖃᖅᑳᖅᓯᒪᔪᓄᑦ ᑐᑦᑕᕐᕕᒃ ᓯᓚᑦᑐᖅᓴᕐᕕᒡᔪᐊᒥ ᐃᑲᔪᖃᑦᑕᖅᓯᒪᒋᕗᖅᑕᐅᖅ ᐱᑎᑦᑎᕙᒃᖢᓂ ᐃᑲᔪᖅᑐᐃᓂᕐᒥᒃ ᐱᔭᕆᐊᖃᖅᑕᒥᓂᒃ ᐃᓄᖕᒧᑦ ᒪᒥᓴᖅᐸᓪᓕᐊᓪᓗᓂ ᐊᒃᓱᕈᖅᖢᓂ ᐅᐃᕆᓯᒪᔾᔪᑕᐅᓕᖅᐸᒃᑐᓄᑦ.
ᑐᓴᖅᑎᑦᑎᔪᓐᓇᕈᓂ ᒪᒃᑯᖕᓂᖅᓴᒧᑦ ᐃᒪᐃᒃᑲᔭᖅᑐᖅ, "ᑲᔪᓯᖏᓐᓇᕆᑦ, ᓯᕗᒻᒧᐊᒃᐸᓪᓕᐊᖏᓐᓇᕆᑦ." ᑖᖅᑐᐊᓘᖃᑦᑕᓚᐅᕐᒪᑦ ᓯᕗᓂᒃᓴᕗᑦ ᓇᓗᓇᖅᑰᔨᓪᓗᓂ ᐊᒻᒪ ᐃᒻᒥᓂᒃ ᐅᒃᐱᕆᔭᕆᐊᖃᖅᖢᓂ. ᒥᑭᓗᐊᖅᑐᒥᒃ ᐃᓕᓴᐃᔨᖃᕐᖢᓂ, ᐊᒃᓱᕈᕐᖢᓂ ᐱᓕᕆᓚᐅᖅᑐᖅ ᓇᓗᓇᐃᖅᓯᓪᓗᓂ ᐃᖕᒥᓂᒃ ᐱᔪᓐᓇᕐᓂᕐᒥᓂᒃ ᐃᖕᒥᓂᒃᓗ ᐱᕈᖅᑎᖦᖢᒍ.
ᑲᔪᖏᖅᓴᐃᓂᕐᒧᑦ, ᔫᓪᔅ ᐃᓱᒪᖃᑦᑕᖅᑐᖅ ᐃᓄᓕᒫᓂᑦ ᑲᑎᑕᖏᓐᓂᑦ ᐅᓂᒃᑳᖓᓂᓪᓗ ᑐᓴᖅᑕᖏᓐᓂᑦ ᖃᓄᐃᓕᐅᕐᓂᐅᔪᓂᑦ ᐅᐸᑦᓯᒪᔭᖏᓐᓂᑦ ᐅᐸᑦᑕᖏᓐᓂᓪᓗ. ᐊᑐᖃᑦᑕᖅᑐᖅ ᐃᓅᖃᑎᒌᒃᑐᓄᑦ ᑐᓴᒐᒃᓴᓕᕆᓂᕐᒥᑦ ᐱᔪᒪᓕᖅᑎᑦᑎᓇᓱᒃᖢᓂ ᐊᓯᒥᓂᒃ ᐱᖃᑎᒋᕙᒃᓗᒍᓗ ᓄᑲᖓ ᒪᒃᑯᒃᑐᕐᓗ. ᖁᕕᐊᒋᔭᖃᖅᑐᖅ ᐃᓄᑐᖃᕐᓂᒃ ᐱᖃᑎᖃᕆᐊᔅᓴᖅ ᐊᓈᓇᑦᓯᐊᒥᓂᒃ ᐱᔾᔪᑎᒋᓪᓗᒍ ᑭᖑᕚᖏᑦ ᑕᐃᒪᐃᖃᑦᑕᖅᓯᒪᒻᒪᑕ. ᔫᓪᔅ ᐊᔪᕐᓇᖏᓐᓂᖅᓴᐅᑎᑦᑎᔪᒪᖕᒪᑦ ᑭᖑᕚᒃᓴᑦᑎᓐᓄᑦ ᐱᕈᖅᓴᓂᕆᓚᐅᖅᑕᒥᓂᒃ ᐊᑐᖃᑦᑕᖁᙱᖦᖢᒋᑦ, ᐊᓈᓇᑦᑎᐊᖓᑎᑐᑦ.
"ᖃᓄᑐᐃᓐᓇᖅ ᐱᓕᕆᒍᕕᑦ, ᓇᒧᙵᐅᒐᓗᐊᕈᕕᓪᓗ, ᐱᒻᒪᕆᐅᖏᓐᓇᐅᔭᖅᑐᖅ ᐅᓂᒃᑳᕆᐊᒃᓴᖅ ᐅᓂᒃᑳᕐᓗᑎᓪᓗ ᓇᑭᙶᕐᒪᖔᖅᐱᑦ."
ᑭᖑᓪᓕᖅᐹᒥ, ᐱᔪᒃᓯᓕᖅᑎᑦᑐᒪᓪᓗᒋᑦ ᓄᓇᖃᖅᑳᖅᓯᒪᔪᑦ ᒪᒃᑯᒃᑐᑦ, ᔫᓪᔅ ᐅᖃᐅᓯᖃᖅᑐᖅ ᐅᖃᐅᓯᖅᑕᒥᒃ ᑐᑭᖃᖅᖢᓂ ᖃᓪᓗᓈᑐᑦ "ᓯᕗᕚᕗᑦ ᐊᒻᒪ ᐊᓈᓇᑦᑎᐊᕗᑦ ᐅᖃᐅᓯᖅᑕᖏᑦ, ᐅᕙᑦᑎᓐᓄᑦ ᐅᖃᓪᓚᓲᑦ." ᐅᖃᕐᖢᓂ, "ᖃᓄᑐᐃᓐᓇᖅ ᐱᓕᕆᒐᓗᐊᕈᕕᑦ, ᐅᖃᐅᓯᕆᔭᑎᑦ ᓴᙱᓂᖃᕐᔪᐊᖅᑐᑦ. ᓱᓕᓗᑎᑦ ᐅᖃᓪᓚᒡᓗᑎᑦ ᓲᖃᐃᒻᒪ ᐅᖃᐅᓯᕆᔭᐃᑦ ᐊᑑᑎᖃᕐᒪᑦ. ᖃᓄᐃᓕᐅᕋᓗᐊᕈᕕᑦ, ᓇᒧᙵᐅᒐᓗᐊᕈᕕᓪᓗ, ᐱᒻᒪᕆᐅᖏᓐᓇᐅᔭᖅᑐᖅ ᐅᓂᒃᑳᕆᐊᒃᓴᖅ ᐅᓂᒃᑳᕐᓗᑎᓪᓗ ᓇᑭᙶᕐᒪᖔᖅᐱᑦ."
ᐅᖃᐅᓯᖓᓂ ᐃᓕᖅᑯᓯᖓᓂᓪᓗ, ᓯᑲᐃᑑ.û ᔫᓪᔅ ᐃᖏᕐᕋᕙᓪᓕᐊᕗᖅ ᐆᒻᒪᖅᑎᑦᑎᒃᑲᓐᓂᕋᓱᖕᓂᕐᒧᑦ. ᐸᐅᖓᓪᓗᓂ ᓇᓂᓯᓇᓱᒃᓗᓂ ᐃᖕᒥᓂᒃ ᓄᓇᓕᖕᒥᓗ, ᐃᖏᕐᕋᕙᓪᓕᐊᔪᖅ ᐃᒪᖏᓐᓂ ᐃᓅᓯᖓᑕ ᐱᔪᒪᔭᖏᓐᓂ. ᐃᓕᑦᑎᕙᓪᓕᐊᓂᖅ ᐃᓕᓐᓂᐊᖅᑎᐅᓪᓗᓂ ᐊᒥᖅᑳᖃᑎᖃᕐᓂᕐᓗ ᐃᓕᓴᐃᔨᐅᓂᕐᒥᓄᑦ, ᔫᓪᔅ ᓯᐊᒻᒪᒃᑎᕆᕙᓪᓕᐊᕗᖅ ᐅᖃᐅᓯᕐᒥᒃ ᐃᓕᖅᑯᓯᑐᖃᕐᓄᓪᓗ ᖁᕕᐊᓱᖕᓂᕐᒥᒃ ᑕᓯᓯᕙᓪᓕᐊᓪᓗᓂᓗ ᓯᕗᓂᒃᓴᒧᑦ ᑎᕆᒃ ᔫᒐ ᐃᓕᓐᓂᐊᖅᖢᓂ.
ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.
