"ᐃᓕᓐᓂᐊᕐᓂᖅ ᑕᐃᒫᒃ ᑭᓯᐊᓂᐅᒻᒪᑦ. ᑕᐃᒫᒃ ᑭᓯᐊᓂ ᐃᓅᒍᓐᓇᕋᑦᑕ ᓄᓇᖃᖅᑳᖅᓯᒪᔪᑦ ᐃᓅᓯᖏᓐᓂᒃ ᐃᓕᓐᓂᐊᖅᑎᑕᐅᓗᑕ ᐊᒻᒪᓗ ᑕᐃᒫᒃ ᐃᑲᔪᕈᓐᓇᖅᑐᒍᑦ ᐃᓄᖁᑎᑦᑎᓐᓂᒃ. ᒪᕐᕉᓐᓂᒃ ᓄᓇᕐᔪᐊᕐᒦᒋᐊᖃᑦᑐᒍᑦ ᑭᓯᐊᓂ ᐃᓕᓐᓂᐊᖅᓯᒪᓪᓗᑕ, ᐅᕙᑦᑎᓐᓂᒃ ᓇᔅᓴᕈᓐᓇᖅᑐᒍᑦ," ᓲᓵᓐ ᐴᓱ-ᕼᐊᓇ ᐅᓂᒃᑳᖅᑐᖅ. ᕗᐊᑦ ᕗᐊᑦ ᕗᐊᑦᒥᑦ, ᐃᓚᒋᔭᐅᔪᖅ ᑎᓂ ᑯᕼᐆᑉ ᓄᓇᖃᖅᑳᖅᓯᒪᔪᓄᑦ. 

ᖃᑕᙳᑎᖏᑦ ᕌᑦᓱ ᕆᕗᒦᙶᖅᐳᑦ, ᓄᓇᓕᖓᑦ ᐃᓂᖃᕈᓐᓃᓚᐅᖅᑐᖅ ᑭᓯᐊᓂ ᐅᑎᕆᐊᖃᓚᐅᕐᒪᑦ ᐊᓈᓇᑦᑎᐊᒃᑯᒥᓂᑦ/ᐊᑖᑕᑦᑎᐊᒃᑯᒥᓂᑦ ᒥᑭᒋᐊᕐᓂᐊᖅᑎᐅᓚᐅᖅᑐᓂᑦ. ᓯᕗᓪᓕᐅᑦᔭᐅᖁᔭᒥᓂᒃ ᐋᖅᑭᒃᓱᐃᓚᐅᖅᑐᑦ ᐊᒻᒪᓗ ᐅᑎᖅᑐᑎᒃ ᓄᓇᓕᓐᓄᑦ ᐃᓕᓐᓂᐊᕆᐊᕈᓐᓇᕐᓂᐊᕐᒪᑦ, ᐊᐅᔭᒃᑯᑦ ᐊᐅᓚᑦᑎᓪᓗᓂ ᐃᓄᐃᑦ ᓄᓇᓕᕋᓛᖏᓐᓂᒃ ᓱᕈᓯᕐᓄᑦ. 12-ᖑᓚᐅᖅᐳᑦ ᐊᓯᖏᑦ ᓱᕈᓰᑦ ᐃᓚᒥᓐᓂ ᐊᒻᒪᓗ ᓱᕈᓯᐅᓚᐅᖅᓯᒪᓪᓗᓂ ᓄᓇᒥ ᐊᒻᒪᓗ ᐊᑕᖃᑎᒌᑦᑎᐊᖅᑐᓂ.  

ᐊᕐᕌᒍᑦ 20 ᐊᓂᒍᖅᓯᒪᓕᖅᑐᑦ, ᐴᓱ-ᕼᐊᓇ ᐊᓂᒍᐃᓚᐅᖅᓯᒪᕗᖅ ᓄᓇᒥᙶᖅᑐᓂᒃ ᐱᓕᕆᔾᔪᑎᓂᒃ ᐊᒻᒪ ᐱᓕᕆᔪᓐᓇᖅᓯᓪᓗᓂ ᓄᓇᒥᐅᑕᓕᕆᔨᐅᓂᖓᓂᒃ ᐊᕐᕌᒍᒧᑦ. ᐱᔭᕇᖅᓯᓚᐅᖅᑐᖅ ᓇᓗᓇᐃᒃᑯᑕᕐᒥᑦ ᐊᐅᓚᑦᑎᓂᕐᒧᑦ ᐃᓕᓐᓂᐊᓂᕐᒥᑦ ᐊᒻᒪ ᑭᖑᓂᐊᒍᑦ ᐱᓕᕆᖃᑎᖃᖅᑐᓂ ᒥᕐᖑᐃᓯᕐᕕᓕᕆᔨᒃᑯᑦ ᐱᓕᕆᕕᖓᓐᓂᑦ ᐊᒻᒪ ᐊᖅᑯᑎᑯᑖᒥᑦ ᖃᐅᔨᓴᖅᑎᒥᑦ.  ᐃᓕᓐᓂᐊᕆᐊᒃᑲᓐᓂᓚᐅᖅᑐᖅ ᐱᔭᕇᖅᓯᔾᔪᓯᐊᖅ ᓯᕗᓪᓕᖅ ᐆᒪᔪᕐᓂᐊᖅᑎᐅᓂᕐᒧᑦ ᐊᑐᕐᖢᑎᒃ ᑭᒃᓕᓯᓂᐊᕈᑎᓂᒃ, ᐱᔭᕇᖅᓯᓪᓗᓂ ᐱᖓᔪᖓᓂ ᐊᕐᕌᒍᒥ ᑐᕌᑦᑎᐊᕐᖢᓂᓗ ᓄᓇᒥ ᐃᓕᓐᓂᐊᕈᑎᒥᒃ. 

ᑕᐃᑲᖓᑦ, ᐃᖅᑲᓇᐃᔮᖃᓕᓚᐅᖅᑐᖅ ᓄᓇᓕᐸᐅᔭᒃᑯᓐᓂᑦ ᓄᓇᓕᓐᓂ ᒪᓕᑦᑎᑦᑎᔨᐅᓪᓗᓂ ᐃᖅᑲᓇᐃᔭᖅᑐᓂ ᐅᑎᕋᓱᐊᕐᓂᖓᓂ ᐱᔭᕇᕋᓱᐊᖅᑐᓂ ᑭᖑᓪᓕᖅᐹᖓᓂ ᐊᕐᕌᒍᒥ ᐃᓄᑑᓪᓗᓂ ᐊᖓᔪᖅᑳᖑᓪᓗᓂ ᒪᕐᕉᓐᓄᑦ ᕿᑐᕐᖓᖏᓐᓄᑦ. ᐱᔭᕇᕋᒥ, ᐃᖅᑲᓇᐃᔮᖅᑖᓚᐅᖅᓯᒪᔪᖅ ᕼᐊᐃ ᕆᕗᒥ ᐊᒻᒪᓗ ᐱᖓᓱᑦ ᐊᕐᕌᒍᐃᑦ ᓈᓕᖅᑐᑦ ᐊᓯᔾᔩᓚᐅᖅᓯᒪᔪᖅ ᐃᖅᑲᓇᐃᔮᓂᒃ ᐊᐅᓚᑦᓯᔨᐅᓂᕐᒧᑦ ᐃᒥᐊᓗᓐᓂᒃ ᒪᓕᑦᑎᑦᓯᔨᓄᑦ ᓄᓇᕗᒻᒥ, ᐊᓯᔾᔨᖅᑐᒻᒪᕆᒻᒥᒃ ᐊᒻᒪᓗ ᖁᕕᐊᒋᔭᒥᓂᒃ. 

ᐅᖃᐅᔾᔪᐃᒋᐊᖅᓯᒪᔪᖅ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑎᖏᓐᓂᒃ ᓄᓇᒥᓂᒃ ᐊᐅᓪᓚᕆᐊᖃᓲᓂᒃ ᓇᖕᒥᓂᖅ ᐊᑐᖅᓯᒪᔭᖏᑦ ᒪᓕᒃᖢᒋᑦ, ᐊᓯᔾᔨᕆᐊᒃᓴᖅ ᑲᑉᐱᐊᓱᒃᑎᓪᓗᒍ, ᖃᐅᔨᒪᔭᐅᙱᑦᑐᖅ ᐊᒻᒪ ᓇᖕᒥᓂᖅ ᐊᐅᓪᓚᖅᖢᓂ. ᐃᓱᐊᓂᑦ, ᖃᐅᔨᓚᐅᖅᑐᖅ ᐊᒥᓱᓂᑦ ᓄᑖᓂᑦ ᐊᑐᕐᓯᒪᔭᓂᑦ ᖁᕕᐊᓱᑦᑎᐊᕐᖢᓂᓗ, ᐱᖃᓐᓇᕆᔭᖅᑖᖅᖢᓂ ᓄᑖᓂᒡᓗ ᐃᓕᓐᓂᐊᖅᖢᓂ. ᐊᓯᔾᔨᕐᔪᐊᓚᐅᖅᑐᖅ ᐃᓕᓐᓂᐊᕐᑕᐅᔭᕆᐊᖃᖅᑐᓂᑦ ᖃᐅᔨᓚᐅᕐᑕᖏᓐᓂᑦ ᖁᑦᑎᓛᓂᑦ ᐃᓕᓐᓂᐊᕐᕕᖕᒥᑦ ᐱᕕᖃᖅᖢᓂᓗ ᐱᓇᓱᐊᕆᐊᒃᓴᖅ ᐱᔪᒪᔭᓂᑦ ᐃᓄᖕᓄᑦ. 

ᓇᖕᒥᓂᖅ ᐃᓕᓐᓂᐊᖅᑎᓪᓗᒍ, ᓴᖅᑭᔮᕐᕕᐅᓚᐅᖅᑐᖅ ᐊᔾᔨᒌᙱᑦᑐᓄᑦ ᓄᓇᕐᔪᐊᕐᒥ ᐃᓱᒪᒋᔭᐅᔪᓄᑦ ᐊᒻᒪ ᐃᓱᒪᒋᔭᐅᔪᓄᑦ ᓄᓇᖃᖅᑳᖅᓯᒪᔪᑐᐊᓄᑦ ᐱᓕᕆᐊᖑᔪᒧᑦ ᓚᑦᐳᕆᔾᒥ ᐊᑐᑦᑎᐊᕐᓂᕐᒧᑦ ᐊᑐᓕᖅᑎᑦᑎᓂᕐᒧᑦ. ᐃᓕᑦᑎᓪᓗᓂ trophy ᐊᖑᓇᓱᖕᓂᕐᒥᒃ, ᐃᓱᒪᒋᔭᐅᔪᒥᒃ ᑐᓴᓚᐅᖅᓯᒪᙱᖦᖢᓂ ᐱᕈᖅᓴᓚᐅᖅᑎᓪᓗᒍ ᐃᓕᓴᐃᓂᒃᑯᑦ ᓂᕐᔪᑎᓕᒫᑦ ᓂᕆᔭᐅᔭᕆᐊᖃᕐᓂᖏᓐᓂᒃ ᐊᒻᒪᓗ ᐃᒋᑕᐅᔭᕆᐊᖃᙱᖦᖢᑎᒃ. ᓇᖕᒥᓂᖅ ᐃᓕᓴᐃᔪᓐᓇᓚᐅᖅᑐᖅ ᐃᓕᓐᓂᐊᖃᑎᒥᓄᑦ ᐅᖃᐅᓯᕆᔪᓐᓇᖅᖢᓂᒋᑦ. 

ᐸᓂᖓ ᒪᓕᓚᐅᖅᑐᖅ ᐆᑦᑑᑎᒥᓂᒃ ᐊᒻᒪᓗ ᐊᔪᖏᓐᓂᖃᑦᑐᓂ ᐃᓕᓐᓂᐊᕐᕕᔾᔪᐊᒥ ᐃᓕᓐᓂᐊᖅᑐᓂ ᐃᓄᓕᕆᓂᕐᒥᒃ. ᐴᓱ−ᕼᐊᓇᐅᑉ ᓄᑕᕋᖏᑦᑕ ᐃᓕᓐᓂᐊᕐᓂᖏᑦ ᓅᑦᑐᒪᔾᔪᑎᒋᓚᐅᖅᐸᐅᒃ, ᖃᐅᔨᒪᓚᐅᖅᐳᖅ ᕿᑐᕐᖓᖏᑦ ᐊᓂᒍᐃᓇᔭᕐᓂᖏᓐᓂᒃ ᐊᖓᔪᒃᖡᑦ ᐃᓕᓐᓂᐊᕐᕕᖕᒥ. ᐃᕐᓂᖓ ᐱᕈᖅᓴᓯᒪᔪᖅ ᐱᖃᓐᓇᕆᔭᖃᕐᖢᓂ ᓂᕆᐅᒃᖢᓂᓗ ᐃᓕᓐᓂᐊᕌᓂᓛᕆᐊᒃᓴᖅ ᑕᐃᑲᓂ. 

ᐊᕐᓇᐅᓪᓗᓂ ᐃᖅᑲᓇᐃᔭᖅᖢᓂ ᐊᖑᑎᓂᒃ−ᐱᓕᕆᔨᐅᔪᓂᒃ ᓴᓇᕝᕕᖕᓂ, ᐴᓱ−ᕼᐊᓇ ᐃᓱᒪᓚᐅᖅᑐᖅ ᐊᒃᓱᕈᒃᑲᓐᓂᕆᐊᖃᕐᓂᕐᒥᓂᒃ ᖃᐅᔨᒪᓂᖅᓴᐅᓪᓗᓂᓗ ᐊᖑᑎᐅᖃᑎᒥᓂᒃ ᐃᓱᒪᒋᔭᐅᑦᑎᐊᕐᓂᐊᕐᓗᓂ. "ᐊᒃᓱᕈᕐᓇᖅᑐᒻᒪᕆᐅᓚᐅᖅᑐᖅ, ᑭᓯᐊᓂ ᖃᐅᔨᒪᔭᓐᓂᒃ ᐱᓕᕆᑲᑕᐃᓐᓇᓚᐅᖅᑐᖓ," ᐃᖅᑲᐅᒪᔪᖅ. ᑭᒡᒐᖅᑐᐃᕙᓚᐅᖅᑐᖅ ᐅᒃᐱᕆᔭᒥᓂᒃ ᓈᒻᒪᒐᓱᒋᔭᒥᓂᒃ, ᐃᑲᔪᖅᑕᐅᔭᕆᐊᓕᖕᓄᑦ, ᐊᖑᓇᓱᒃᑎᓄᑦ, ᐊᒻᒪ ᒥᑭᒋᐊᕐᓂᐊᖅᑎᓄᑦ.  ᐊᐳᖅᑕᕈᑎᖃᖃᑦᑕᓚᐅᕐᒥᔪᖅ ᓄᓇᖃᖅᑳᖅᓯᒪᔪᓂᑦ ᐊᒻᒪ ᐊᑐᓕᖅᑎᑦᑎᔨᐅᓪᓗᓂ ᐱᕈᖃᑎᒋᖃᑦᑕᓚᐅᖅᑕᖓᓂᑦ. 

ᖃᐅᔨᓇᓱᒃᖢᓂ ᐊᔪᕐᓇᕐᓂᖏᓐᓂᒃ ᐊᑐᓕᖅᑎᑦᑎᓂᐊᕐᓗᓂ ᓄᓇᒥᓂ, ᐴᓱ−ᕼᐊᓇ ᐱᓇᔪᓚᐅᖅᐳᖅ ᐃᓄᖕᓂᒃ ᑲᑎᖃᑎᖃᕋᓱᒃᖢᓂ ᐃᖅᑲᓇᐃᔮᖓᓗ ᐊᔪᕐᓇᙱᓐᓂᖅᓴᐅᑎᖦᖢᒍ. ᒪᓕᒍᓐᓇᖅᓯᑦᑎᐊᓚᐅᖅᑐᖅ ᐃᓄᓐᓂᒃ ᑲᒪᓪᓗᓂ ᐃᒻᒥᓂᒃ ᑲᒪᒋᔪᒪᔭᒥᓂᒃ, ᐃᖅᑲᒍᓱᑦᑎᐊᕐᓂᒃᑯᑦ. ᐱᓕᕆᐊᖓ ᐃᑲᔪᓚᐅᖅᑐᖅ ᐃᔾᔪᓂᖅᓴᒥᑦ ᐅᕕᓂᒻᒥᑦ ᑭᓯᐊᓂ ᖁᕕᐊᒋᔭᖃᖅᑐᖅ ᖃᓄᐃᓕᐅᕐᓂᖓᓄᑦ ᐊᒻᒪ ᓇᒥ ᐱᓕᕆᒻᒪᖔᖅ.

‍

ᑐᓴᖅᑎᑦᑎᔪᓐᓇᕈᓂ ᒪᒃᑯᖕᓂᖅᓴᒧᑦ ᐃᓕᖕᓄᑦ, "ᐊᓂᒍᐃᓂᐊᖅᑐᑦ. ᐊᔾᔨᒌᖏᓐᓇᔾᔮᙱᑦᑐᑦ. ᐊᒃᓱᕈᕐᓇᖅᑐᖃᕐᓂᐊᖅᑐᖅ, ᑭᓯᐊᓂ ᐊᓂᒍᕐᓂᐊᖅᑐᖅ." ᐃᖅᑲᐅᒪᔪᖅ ᕿᐊᖃᑦᑕᓚᐅᖅᓯᒪᔪᓂᒃ ᒪᒃᑯᒃᑎᓪᓗᒍ ᐊᒻᒪᓗ ᐅᓪᓗᐃᑦ ᖃᔅᓯᐊᕐᔪᐃᑦ ᐊᓂᒍᖅᑎᓪᓗᒋᑦ ᐋᖅᑭᒍᓐᓇᓕᓚᐅᖅᑐᖅ. 

"ᐱᐅᙱᑦᑐᑦ ᓴᖅᑭᑦᑕᕌᖓᑕ, ᐱᕈᖅᐸᓪᓕᐊᓂᑐᐃᓐᓇᐅᖕᒪᑦ ᐃᓕᑦᑎᒃᑲᓐᓂᑐᐃᓐᓇᖅᖢᓂᓗ."

ᓇᓕᒧᒌᒃᑎᓐᓇᓱᒃᓗᒍ ᐃᓱᒪᖓ ᖃᓄᐃᙱᑦᑎᐊᕐᓂᖓᓗ, ᐴᓱ−ᕼᐊᓇ ᐃᓕᑦᑎᓪᓗᓂ ᐃᖕᒥᓂᒃ ᑭᓱᓪᓗ ᐊᑑᑎᖃᕐᒪᖔᑕ ᐃᓅᓯᓕᕆᓂᒃᑯᑦ. ᐃᑲᔪᖅᑕᐅᑐᐃᓐᓇᖅᐸᓚᐅᙱᑦᑐᖅ ᐊᔪᕐᓇᖅᑐᒃᑰᖅᑎᓪᓗᒍ, ᑕᑯᒐᔪᓚᐅᖅᑕᖓ ᐱᓕᒻᒪᒃᓴᐃᔨ ᐊᒻᒪ ᓱᓕ ᐊᑐᖅᐸᒃᖢᓂᒋᑦ ᐅᓪᓗᒥ ᐃᓕᑕᖏᑦ. ᐊᓯᐊ ᐃᓕᓚᐅᖅᑕᖓ ᓇᖕᒥᓂᖅ ᑲᒪᒋᔪᓐᓇᖅᓯᓪᓗᓂ. ᐊᑐᙱᖔᕐᓗᓂ ᐃᒥᐊᓗᖕᒥᒃ ᕿᓄᐃᓵᕈᑎᒋᓗᒍ, ᖃᓄᐃᓕᐅᕋᔭᖅᑐᖅ ᐊᑲᐅᓯᕚᓪᓕᖅᑎᑦᑎᓇᔭᖅᑐᖅ ᐱᔭᕇᖅᑎᓪᓗᒍ, ᓲᕐᓗ ᐋᖅᑭᒃᓱᐃᓗᓂ ᐱᖁᑎᓂᒃ ᓴᓗᒻᒪᖅᓴᐃᓗᓂᓘᓐᓃᑦ ᐃᒡᓗᕈᓯᖓᓂᒃ. ᐱᕙᓪᓕᐊᑦᑎᐊᕐᓂᖅ ᐱᒻᒪᕆᐅᔪᖅ ᑖᔅᓱᒧᖓ. 

ᑲᔪᖏᖅᓴᐃᔭᕆᐊᖃᖅᑎᓪᓗᒍ, ᐊᓈᓇᑦᑎᐊᒃᑯᒥᓂᒃ ᐊᓈᓇᑦᑎᐊᒃᑯᒥᓂᒡᓗ ᑕᐅᑐᓕᖃᑦᑕᖅᐳᖅ ᐊᒻᒪ ᐊᓈᓇᓪᓚᑦᑖᒥᓂᒃ ᓯᓚᑦᑐᖅᓴᕐᕕᒡᔪᐊᓕᐊᓚᐅᖅᓯᒪᔪᒥᒃ ᐃᒥᐊᓗᒃᑐᕈᓐᓃᖅᖢᓂ. ᐊᑖᑕᑦᑎᐊᒃᑯᖏᑦ ᐃᓕᓴᖅᓯᒪᔪᑦ ᐱᖅᑯᓯᑐᖃᕐᒥᓂᑦ ᐊᒻᒪᓗ ᑭᓱᑐᐃᓐᓇᕐᒥᑦ ᐱᓇᓱᐊᕈᒪᒍᓂ, ᓇᒻᒥᓂᖅ ᐱᓕᕆᒋᐊᖃᓚᐅᖅᑐᖅ. ᕿᑐᕐᖓᖏᑦ ᐃᖏᕐᕋᑦᑎᐊᕈᓐᓇᖃᑦᑕᕐᒪᑕ ᑲᔪᓯᑦᑎᐊᖁᓪᓗᒋᑦ ᐊᒻᒪᓗ ᐱᕈᖅᓴᓪᓗᓂ ᐸᓂᒥᓂᒃ ᐱᕈᖅᓴᐃᓪᓗᓂ. 

ᐃᖅᑲᓇᐃᔮᖅᑖᖅᐸᓪᓕᐊᑎᓪᓗᒍ, ᓲᓵᓐ ᐴᓱᕐ ᐃᓕᑦᑎᓯᒪᕗᖅ ᐃᓕᓐᓂᐊᕐᓂᖅ ᐊᖅᑯᑎᑐᐊᑦᑎᐊᖑᓂᖓᓂᒃ ᐊᒻᒪ ᑭᓯᐊᓂ ᐃᓅᔪᓐᓇᕐᓂᖓᓄᑦ ᓄᓇᖃᖅᑳᖅᓯᒪᔪᑦ ᐃᓅᓯᖏᓐᓂᒃ. ᐃᒻᒥᓂᒃ ᐃᓕᓐᓂᐊᖅᑎᖦᖢᓂ, ᐃᓄᖁᑎᒥᓂᒃ ᐃᑲᔪᕈᓐᓇᖅᑐᖅ, ᒪᕐᕉᖕᓂᒃ ᓄᓇᕐᔪᐊᕐᒥᐅᑕᐅᖃᑕᐅᓪᓗᓂ ᐊᒻᒪ ᐃᒻᒥᓂᒃ ᓇᒃᓴᒃᑲᓐᓂᖅᐸᒃᖢᓂ. ᓄᓇᖃᖅᑳᖅᓯᒪᓪᓗᓂ ᐊᕐᓇᐅᓪᓗᓂ ᐊᑐᓕᖅᑎᑦᑎᔨᐅᓪᓗᓂ, ᐃᓕᑦᑎᓯᒪᔪᖅ ᐅᖁᒃᓯᒪᔪᖅ ᓱᕋᒃᓯᓂᕐᒥᒃ ᐊᒻᒪ ᖃᓄᖅ ᐱᓕᕆᔪᓐᓇᕐᒪᖔᑦ ᐃᒻᒥᓂᒃ ᓱᓕᔫᓂᕐᒥᓂ. ᐊᓯᒥᓂᒃ ᑲᒪᒋᔭᖃᖅᖢᓂ ᑲᒪᒋᔭᐅᔪᒪᑎᓪᓗᒍ, ᐃᒃᐱᒋᔭᐅᑦᑎᐊᖅᐳᖅ ᐊᒻᒪ ᐅᑎᖅᖢᓂ ᐊᓯᔾᔩᖃᑕᐅᑎᓪᓗᒍ ᓄᓇᓕᖕᓂ ᓇᒡᓕᒋᔭᒥᓂᒃ. 

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.