ᐃᓅᓯᖅ ᐊᒻᒪ ᐊᓯᐅᔨᓂᖅ ᐱᒋᐊᕐᓂᖃᓚᐅᖅᑐᖅ ᑭᓯᐊᓂ ᓄᑖᒥᒃ ᐱᓯᓂᓯᒥᒃ ᐱᓪᓗᓂ ᓄᑕᐅᙱᑦᑐᒥᒃ ᑭᓯᐊᓂ ᓄᑖᖅ ᑖᔅᓱᒧᖓ... ᕿᕕᐅᑦ. ᐊᖅᑯᑎᐅᔪᖅ ᐊᓄᕌᖅᑎᓪᓗᒍ. ᑕᓂᔅ ᐊᑯᑐᖅ ᓯᒻᑉᓴᓐ ᐃᓄᕕᐊᓗᐃᑦ ᓴᑦᓴᔅ ᓴᓪᔅ ᓴᓪ ᐊᒻᒪᓗ ᐃᓅᕕᒻᒥ, ᓄᓇᑦᓯᐊᕐᒥ ᐊᒻᒪᓗ ᐃᓕᓴᐃᔨᐅᓂᕐᒧᑦ ᐸᐃᑉᐹᑖᓚᐅᖅᑎᓪᓗᒍ 2011-ᒥ, ᐃᓕᓴᐃᒋᐅᓚᐅᖅᓯᒪᔪᖅ ᒥᑭᔫᑕᐅᓂᖅᓴᓄᑦ ᐃᓕᓐᓂᐊᕐᕕᒻᒥ ᓴᑦᓯᒥ, ᔨᐊᓗᓇᐃᒥᓗ. ᐃᐊᑦᒪᓐᑕᓐᒧᑦ ᓅᒻᒪᑦ, ᐃᖅᑲᓇᐃᔭᓚᐅᖅᓯᒪᔪᖅ ᑭᓯᐊᓂ ᐊᓂᖓ ᐅᖃᕋᒥ ᓇᒻᒥᓂᖃᓕᖁᔨᓪᓗᓂ, ᕿᕕᐅᑦ ᕙᐃᐳ ᒥᐅᓪ. ᒫᓐᓇ ᐱᕕᒃᓴᖃᓕᖅᐳᖅ ᐃᓕᓐᓂᐊᖅᑎᑦᑎᔪᓐᓇᕐᓂᕐᒥᒃ ᐃᓕᖅᑯᓯᑐᖃᕐᒥᓂᒃ, ᑕᐃᒪᐃᓐᓂᖓᓄᓪᓗ ᐃᓕᓴᐃᔪᓐᓃᖅᓯᒪᙱᖦᖢᓂ ᑐᓄᑦᑎᐊᖓᓂ, ᑭᓯᐊᓂᓗᑦᑕᐅᖅ ᐱᔪᒃᓯᑦᑎᐊᖅᐳᖅ ᑕᒪᑐᒥᖓ ᓄᑖᒥᒃ ᐱᓕᕆᐊᒃᓴᒥᒃ.   

ᓇᖕᒥᓂᖓᓂ, ᓯᒻᑉᓴᓐ ᐊᒻᒪ ᐊᓂᖓ ᓂᐅᕕᖅᐸᒃᖢᑎᒃ ᐅᒥᖕᒪᐅᑉ ᐊᒥᖏᓐᓂᒃ ᐊᖑᓇᓱᒃᑎᓂᑦ ᐅᑭᐅᖅᑕᖅᑐᒥ, ᐲᕐᓗᒋᑦ ᕿᑦᑐᕆᐊᑦ ᐊᒥᖏᓐᓂᒃ ᐊᒻᒪ ᓄᕕᖅᓵᙳᖅᑎᖦᖢᒍ. ᑖᓐᓇ ᓄᕕᖅᓵᒃᓴᖅ, ᑲᑭᖅᑯᐊᓕᐅᓲᑦ, ᑯᑭᓕᐅᖅᖢᑎᒃ, ᖁᖓᓯᕈᓕᐅᖅᖢᑎᒃ, ᐊᒻᒪ ᖁᖓᓯᒃᑯᑦ ᐅᖅᑰᓯᓴᐅᑎᓕᐅᖅᖢᑎᒃ. ᓂᐅᕐᕈᑎᖃᕋᐃᒻᒪᑕ ᓂᐅᕕᐊᒃᓴᒥᓂᒃ ᐊᓕᒎᔭᕐᓂᒃ ᐅᕝᕙᓘᓐᓃᑦ ᓴᓇᐅᒐᕐᓂᒃ, ᐊᒥᓱᑦ ᐃᓄᐃᑦ ᑲᑎᑉᐸᒻᒪᑕ ᖃᐅᔨᒪᕙᙱᒻᒪᑕ ᐃᓄᕕᐊᓗᐃᑦ ᒥᒃᓵᓄᑦ ᐅᑭᐅᖅᑕᖅᑐᒥᓘᓐᓃᑦ. ᐃᓚᒋᓪᓗᓂᐅᒃ ᓴᖅᑭᔮᖅᑎᑦᑎᓂᖏᑕ, ᐅᓗᖃᕐᖓᑕ ᐊᒻᒪᓗ ᐊᓯᖏᓐᓂ ᐅᑭᐅᖅᑕᖅᑐᒥ ᓴᓇᐅᒐᕐᓂᑦ, ᐅᖃᐅᓯᖃᖅᑐᑎᑦ ᐅᑭᐅᖅᑕᖅᑐᒥ ᐃᓅᓯᐅᑉ ᒥᔅᓵᓄᑦ. 

ᓯᒻᑉᓴᓐ ᐊᓂᖓ ᐱᔪᒃᓯᑎᑦᑎᓚᐅᖅᐳᖅ ᓇᖕᒥᓂᕆᔭᐅᔪᒥᒃ ᐊᕐᕌᒍᑦ 20-ᑲᓴᐅᓕᖅᑐᑦ, ᑕᑯᒐᒥ ᕿᕕᐅᑦ ᓴᓂᕐᕙᒃᑕᐅᔪᓂᒃ ᐃᓚᒋᔭᐅᓪᓗᓂ ᐊᕐᕌᒍᓕᒫᒧᑦ ᐅᒥᖕᒪᒐᓱᒃᐸᖕᓂᕐᒧᑦ. ᐊᓯᖓᓂᒃ ᒥᓗᒃᓯᔪᖃᕐᓂᕐᒪᑦ ᑕᐃᒪᐃᖃᑦᑕᓕᕐᒪᑦ. 2018−ᒥ, ᓂᐅᕕᓚᐅᖅᑐᖅ ᐊᓛᔅᑲᒥ ᐊᓕᒎᔭᕐᓂᒃ ᓂᐅᕕᐊᒃᓴᕆᔭᐅᓂᐊᖅᑐᒥᒃ ᐊᐱᕆᓪᓗᓂᐅᒡᓗ ᓇᖕᒥᓂᕆᔭᒥᓄᑦ ᓴᓇᖃᑎᖃᖁᓪᓗᒍ ᓄᕕᖅᓵᒃᓴᓕᐅᕆᐊᖅᑐᕐᓗᓂ ᕿᕕᐅᑦᒥᑦ. ᐃᓱᒪᓚᐅᖅᑐᖅ ᐃᓱᒪᑦᑎᐊᕚᓘᓇᓱᒋᓪᓗᓂᐅᒡᓗ ᐊᒻᒪ ᓄᕕᖅᓴᖅᓯᒪᙱᖦᖢᓂ ᓄᕕᖅᓵᒃᓴᓕᖅᓯᓪᓗᓂ ᑖᒃᑯᓂᖓ ᓴᓇᕝᕖᑦ ᐊᐅᓚᐅᑎᖏᓐᓂᒃ 1940-ᖏᓐᓂ ᐊᒻᒪ 50-ᖏᓐᓂ. ᐊᔪᕆᖅᓲᔾᔭᐅᓯᒪᓇᑎᒃ ᐊᐅᓚᐅᑎᓄᑦ, ᓇᓂᓯᓚᐅᖅᑐᑦ ᑭᓇᒥᑭᐊᖅ ᐃᓕᓴᐃᔪᓐᓇᖅᑐᒥᒃ ᖃᓄᖅ ᐊᐅᓚᑦᑎᔪᓐᓇᕐᓂᕐᒥᒃ. ᐃᓱᒪᒋᔭᐅᑦᑎᐊᓚᐅᖅᑐᖅ, ᐃᖅᑲᓇᐃᔭᙱᖦᖢᓂ ᐊᓈᓇᒥᓂᒃ ᐊᒃᑲᖃᕈᓐᓃᕋᒥᓗ. ᑕᐃᑲᙵᑦ, ᖁᕕᐊᓱᐊᑎᑕᐅᓚᐅᖅᑐᖅ ᐃᓄᐃᑦ ᑲᑎᖃᑦᑕᓚᐅᖅᑕᖏᑦ ᓂᐅᕐᕈᑎᖃᕋᓱᐊᕐᓂᕐᒥᑦ ᐊᒻᒪᓗ ᐃᓕᓐᓂᐊᖅᑐᓂ ᐃᓕᖅᑯᓯᖓᓂᑦ. 

ᕿᕕᐅᑦ ᐅᒥᖕᒪᐅᑉ ᐊᑖᓃᑉᐳᖅ. ᐃᒍᑦᑎᖅᑕᐅᓲᖅ ᐊᒥᖓᓂᒃ ᓂᕿᒧᑦ ᐱᔭᐅᓚᐅᖅᑎᓪᓗᒍ. ᐅᖅᑰᓂᖅᓴᐅᓪᓗᓂ ᓯᐴᑉ ᐃᐸᕋᖓᓂᑦ, ᐊᒻᒪᓗ ᐊᕿᓐᓂᖅᓴᐅᓪᓗᓂ ᑮᓇᐅᔭᒥᑦ, ᐱᔪᒥᓇᕐᓂᖅᓴᐅᕗᖅ. ᕿᕕᐅᑦ ᑕᑯᓕᒪᓇᙱᖦᖢᓂ ᓂᐅᕕᐊᒃᓴᕆᔭᐅᕙᒃᐳᖅ ᑐᕌᖓᓪᓗᐊᑕᖅᖢᓂᓗ ᐅᑭᐅᖅᑕᖅᑐᒧᑦ. ᑕᐅᑐᒃᖢᓂ ᐃᓄᖕᓂᒃ ᐃᒃᐱᒍᓱᖕᓂᖓᓂᒃ ᐊᕿᑦᑑᓂᖓᓂᒃ ᐅᖅᑰᓂᖓᓂᒃᓗ ᖃᓄᑎᒋᓗ ᖁᕕᐊᒋᑎᒋᖕᒪᖔᒍ ᐃᓕᑦᑎᓂᖅ ᐃᓕᖅᑯᓯᖓᑕ ᒥᒃᓵᓄᑦ ᖁᕕᐊᓱᖕᓂᖅᓴᐅᓕᕐᖢᓂ ᑖᔅᓱᒥᖓ ᓄᑖᒥᒃ ᐱᓕᕆᐊᒃᓴᒥᒃ. ᐱᓕᕆᐊᖃᖅᖢᓂ ᐃᓕᖅᑯᓯᑐᖃᒃᑯᑦ ᐱᖁᑎᓂᒃ ᐊᒃᑐᐊᓂᖃᖅᑐᓂᒃ ᓄᓇᒧᑦ ᒪᒥᓴᕈᑕᐅᖃᑦᑕᖅᓯᒪᕗᖅ ᑖᔅᓱᒧᖓ.  

ᐅᖃᐅᔾᔪᐃᓂᖓ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑎᑦ ᓄᓇᒥᓂᒃ ᐊᐅᓪᓚᕐᓂᐊᖅᑎᓪᓗᒋᑦ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᕆᐊᕐᓗᑎᒃ ᐱᕙᒌᔭᖅᓯᒪᔭᕆᐊᖃᖅᐳᑦ. ᐃᓕᓐᓂᐊᖁᔨᕗᖅ ᓄᓇᓕᑖᓵᒥᓂᒃ, ᐃᖏᕐᕋᔾᔪᑎᖏᓐᓂᒃ, ᐊᒻᒪ ᐃᑲᔪᖅᑐᐃᔾᔪᑎᓂᒃ ᐊᑐᐃᓐᓇᐅᔪᓂᒃ ᐃᓱᒪᒥᒍᑦ ᐊᔪᕈᑎᓕᖕᓄᑦ, ᐃᓕᖅᑯᓯᕐᒧᑦ, ᐊᒻᒪ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ. ᑲᑎᖃᑎᖃᕐᓂᖅ ᐃᓕᖅᑯᓯᑐᖃᕐᓄᑦ ᐱᓕᕆᖃᑎᒌᓂᒃ ᐃᓚᐅᓂᐊᕐᓗᓂ ᐱᓕᕆᐊᖑᔪᓄᑦ ᓇᓂᓯᓗᓂᓗ ᓄᓇᓕᖕᓂᒃ ᐊᓯᒋᓪᓗᓂᐅᒃ ᐅᖃᐅᓯᕆᔭᖓ. "ᑐᕌᒐᕆᔭᑎᑦ ᐳᐃᒍᖅᑕᐃᓕᒃᑭᑦ ᐊᒻᒪ ᓇᑭᙶᕐᒪᖔᖅᐱᑦ... ᖃᐅᒪᔪᒻᒪᕆᐊᓗᐃᑦ ᓄᓇᓕᐸᐅᔭᐅᑉ ᖃᐅᒪᖏᑦ ᐱᐅᔪᐊᓘᖕᒪᑕ ᐊᒻᒪᓗ ᓄᓇᓕᐸᐅᔭᐅᑉ ᐃᓅᓯᖓ ᐃᓇᖏᖅᓯᔪᓐᓇᖅᖢᓂ," ᖃᐅᔨᒪᔭᒥᓂᒃ ᖃᐅᔨᕈᓘᔭᖅᖢᓂ. ᐳᐃᒍᖅᓴᕋᐃᓐᓇᙱᑦᑐᖅ ᑐᙵᑦᑎᐊᕆᐊᒃᓴᖅ ᓇᓂᓯᓇᓱᒃᓗᓂᓗ ᐊᑦᑕᕐᓇᙱᑦᑐᓂᒃ ᐃᓂᓂᒃ ᐊᑲᐅᒋᔭᕐᓂᒃ. ᐃᖅᑲᐅᒪᓗᑎᑦ ᑭᓇᐅᓂᕐᓂ ᐱᒻᒪᕆᐅᓂᔅᓯᓐᓂᒃ.  

ᐃᓅᓯᖓᓂ, ᓯᒻᑉᓴᓐ ᐊᒥᓱᓂᒃ ᑐᓗᖅᑕᕈᑎᖃᓚᐅᖅᑐᖅ. 1990-ᖏᓐᓂ, 1990-ᖏᓐᓂ, ᐃᒥᖃᑦᑕᓕᓚᐅᖅᑐᖅ ᐊᒻᒪᓗ 1930-ᖏᓐᓂ, ᐃᒥᐊᓗᓗᐊᓕᓚᐅᖅᑐᖅ. ᐊᐃᑉᐸᕇᖕᓂᖓ ᐃᓱᓕᒻᒪᑦ, ᐊᒃᑲᖓ ᐊᓈᓇᖓᓗ ᐃᓅᔪᓐᓃᕐᖢᓂ, ᐃᒥᕐᓂᖅᓴᐅᓪᓗᓂ. ᐅᑭᐅᓂᑦ ᐱᖓᓱᓂᑦ ᐊᕝᕙᖓᓂᓪᓗ ᓱᓐᓂᐅᒪᓚᐅᖅᓯᒪᙱᑦᑐᖅ, ᑭᓯᐊᓂ ᐃᒥᐊᓗᒃ ᕿᓄᐃᓵᕈᑎᒋᖃᑦᑕᓚᐅᖅᓯᒪᔭᖓ. "ᐊᖅᑯᑎᖃᑦᑎᐊᕈᓐᓇᖅᑐᑎᑦ ᐃᓅᓯᑦᑎᐊᕆᒍᓐᓇᖅᑐᓯᓗ ᑭᓱᓕᒫᓪᓗ ᐃᖏᕐᕋᑦᑎᐊᕈᓐᓇᖅᖢᑎᒃ. ᑭᓯᐊᓂ ᐊᔪᕐᓇᙱᑦᑐᑯᓘᖕᒪᑦ ᐃᓅᓯᕐᓄᑦ ᐃᓯᕆᐊᒃᓴᖅ ᐊᒻᒪ ᑲᒪᖔᓕᕐᓇᖅᖢᓂ ᐊᐅᓚᑦᑎᔪᓐᓇᖅᖢᓂᓗ ᖃᓄᓕᒫᖅ ᐃᓅᓯᕐᓂ," ᐅᖃᐅᓯᕆᕙᒃᐸᐅᒃ.

ᐊᓯᐊᑦᑕᐅᖅ ᐊᕝᕕᐊᕈᑎᒋᓚᐅᖅᑕᖓ ᐃᓅᔪᓐᓃᓚᐅᖅᑐᖅ ᖃᐅᔨᔭᐅᓪᓗᓂ ADHD−ᒥᑦ. ᐃᓕᓐᓂᐊᕐᕕᖕᒥ ᐊᒃᓱᕈᖅᖢᓂ ᐊᒻᒪ ᐃᒻᒥᓂᒃ ᐱᐅᒋᓚᐅᖅᓯᒪᙱᖦᖢᓂ, ᑭᐅᔭᐅᓕᑕᐃᓐᓇᓚᐅᖅᑐᖅ ᖃᓄᐃᓕᐅᓕᕐᒪᖔᑦ ᐊᑯᓂᐊᓗᒃ. ᑎᓕᐅᕆᔪᖅ ᒪᒃᑯᑦᑐᓂᑦ ᑭᒡᒐᖅᑐᐃᖁᔨᓂᕐᒥᑦ ᓇᒻᒥᓂᖅ ᐊᑲᐅᑦᓴᖏᒃᑲᓗᐊᖅᐸᑦ ᐱᐅᓂᖅᐹᒥᑦ ᐱᕕᖃᕐᓂᐊᕐᒪᑕ ᐃᑲᔪᖅᑕᐅᓂᕐᒧᑦ ᑲᔪᓯᓂᖃᑦᓯᐊᕐᓂᕐᒧᓪᓗ. "ᑭᓇᑐᐃᓐᓇᖅ ᓂᐸᐃᒋᐊᖃᖏᑦᑐᖅ," ᑎᓕᐅᕆᔪᖅ. 

ᐋᖅᑭᒃᓯᒪᐃᓐᓇᖁᓪᓗᒍ ᐃᓱᒪᖓ ᖃᓄᐃᙱᑦᑎᐊᕐᓗᓂ, ᓯᒻᓴᓐ ᐅᖃᓪᓚᒃᐳᖅ ᐱᓕᒻᒪᒃᓴᐃᔨᒧᑦ ᐅᖃᓘᑎᒃᑯᑦ. ᓇᓂᓯᓯᒪᔪᖅ ᐱᓕᕆᖃᑎᖃᕐᓂᕐᒥᒃ ᓄᓇᖃᖅᑳᖅᓯᒪᔪᓄᑦ ᒪᒥᓴᐃᔨᓂᑦ ᐃᑲᔫᑎᖃᓛᖑᓇᓱᒃᓗᓂ. ᓇᖕᒥᓂᖅ−ᐅᔾᔨᕈᓱᖕᓂᖅ ᐃᒃᐱᒋᔭᒥᓂᒃ ᐃᑲᔪᕐᓂᖃᖅᓯᒪᒋᕗᖅᑕᐅᖅ, ᐊᒻᒪᑦᑕᐅᖅ, ᐃᓕᑦᑎᕙᓪᓕᐊᓪᓗᓂᓗ ᖃᖓ ᐱᓱᒍᓐᓇᕐᓂᕐᒥᒃ ᐊᐅᓚᑦᑎᓂᐊᕐᓗᓂ ᐃᒃᐱᒋᔭᒥᓂᒃ. ᐊᒃᓱᕈᕐᓇᕐᓂᖓ ᐃᓕᓐᓂᐊᖅᑎᑦᑎᓂᐊᕐᓗᓂ ᐊᓯᒥᓂᒃ ᐅᖁᒪᐃᑦᑑᔪᓐᓇᖅᑐᖅ ᐃᓛᓐᓂᒃᑯᑦ ᐊᒻᒪᓗ ᐊᓂᓯᒪᓗᓂ ᐃᑲᔪᕈᓐᓇᖅᑐᖅ. ᑲᑎᖃᑎᒋᓗᒋᑦ ᐱᔭᕆᐊᖃᖅᑕᖏᑦ, ᐃᓄᑑᒐᓗᐊᕈᓂ ᐃᓗᐊᖅᓴᕐᓗᓂᓘᓐᓃᑦ ᓂᕿ ᐱᒻᒪᕆᐅᓯᒪᒃᐸᑦ, ᐱᖃᑎᖃᕐᓗᓂᓗ ᐃᓄᖕᓂᒃ ᐊᓂᐊᕝᕕᒋᔪᓐᓇᖅᑕᖏᓐᓂᒃ ᐃᓂᓄᓪᓗ ᑲᓲᑎᔪᓐᓇᖅᑕᖓ ᐃᓕᖅᑯᓯᖏᓐᓄᑦ ᐊᓯᖏᓐᓄᓪᓗ ᓄᓇᖃᖅᑳᖅᓯᒪᔪᑦ ᐃᓕᖅᑯᓯᖏᓐᓄᑦ. 

ᐱᔪᒃᓯᑎᑦᑎᔭᕆᐊᖃᓕᕌᖓᑦ, ᓯᒻᓴᓐ ᐃᓚᒥᓄᑦ ᑕᐅᑐᓕᓲᖑᕗᖅ. ᐃᓕᓐᓂᐊᖃᑦᑕᖅᓯᒪᔪᖅ ᓯᕗᓕᕆᓚᐅᖅᑕᒥᓂᒃ, ᐊᓈᓇᑦᑎᐊᒥᓄᑦ ᐊᒻᒪᓗ ᐃᓕᖅᑯᓯᑐᖃᕐᒥᓂᒃ. ᐃᑲᔪᖃᑦᑕᕐᓂᖅ ᐃᓄᖕᓂᒃ ᐱᔪᒃᓯᑎᑦᑎᕐᔪᐊᖅᓯᒪᔪᖅ ᑖᔅᓱᒧᖓ ᐊᒻᒪ ᖃᓄᐃᒻᒪᑦ ᐃᓕᓴᐃᔨᙳᓚᐅᕐᒪᖔᑦ. ᐃᓕᓴᐃᔨᓄᑦ ᑭᒍᑎᓯᐅᖅᑕᐅᖃᑦᑕᕐᓂᐅᔪᖅ ᐊᓯᔾᔩᔪᒪᓚᐅᖅᐳᖅ ᐊᒻᒪ ᐃᒻᒥᓂᒃ ᐱᓕᕆᑦᑎᐊᕐᓂᖅᓴᐅᔪᒪᓪᓗᓂ. 

"ᓇᖕᒥᓂᖅ ᐊᑐᕐᓂᑯᒃᑲ ᐱᔪᒃᓯᑎᑦᑎᖕᒥᔪᑦ ᐅᕙᓐᓂᒃ ᐃᓕᑦᑎᓂᕐᒥᒃ ᐊᒻᒪᓗ ᐃᓕᓐᓂᐊᖅᑎᑦᑎᓂᕐᒥᒃ ᐊᓯᓐᓂᒃ ᖃᓄᖅ ᐊᓂᒍᐃᔪᓐᓇᕐᓂᕐᒥᑦ ᑭᓱᑐᐃᓐᓇᓂᒃ ᐊᒻᒪᓗ ᑲᔪᓯᑏᓐᓇᕋᓱᑐᐃᓐᓇᕐᓗᒋᑦ ᐊᒻᒪᓗ ᓴᐱᓕᓚᐅᖅᓯᒪᙱᓪᓗᑎᒃ ᑐᕌᒐᕆᔭᕐᓂᒃ ᐊᒻᒪᓗ ᓯᓐᓇᒃᑑᒪᔭᖕᓂᒃ ᖃᓄᖅ ᐊᔪᕐᓇᖅᑎᒋᒐᓗᐊᖅᐸᑦ," ᐅᖃᐅᓯᖃᑦᑎᐊᖅᑐᖅ. 

ᐱᔭᕇᕈᑎᒋᓗᒍ, ᓯᒻᓴᓐ ᐅᖃᖅᑐᖅ, "ᐃᓕᖕᓂᒃ ᐅᒃᐱᕆᓗᑎᑦ ᐅᒃᐱᕈᓱᒃᓗᑎᓪᓗ ᑐᕌᒐᕆᔭᑎᑦ ᐊᔪᕐᓇᙱᓐᓂᖏᓐᓂᒃ ᐱᔪᒪᔭᑎᓪᓗ ᐊᔪᕐᓇᙱᓪᓗᑎᒃ... ᓴᙱᔪᓂᒃ ᐃᓄᓐᓂᒃ ᐱᖃᑦᑕᕋᑦᑕ, ᑕᒪᒃᑯᐊᓕᒫᑦ ᐊᑐᖅᑕᐃᓐᓇᕆᓯᒪᓪᓗᑎᒍ, ᐊᒻᒪᓗ ᓱᓕ ᐅᕙᓃᑉᐳᒍᑦ ᐅᓪᓗᒥ. ᐊᒥᓲᔪᒍᑦ ᐱᕙᓪᓕᐊᑐᐃᓐᓇᖅᑐᒍᑦ. ᐃᑲᔪᖃᑦᑕᐅᑎᔪᒪᔪᐃᓐᓇᐅᖕᒥᒐᑦᑕ... ᑕᐅᕗᙵᖅᐸᓪᓕᐊᕗᒍᑦ, ᐊᑦᑐᐃᓂᖃᖅᑐᒻᒪᕆᐅᕙᓪᓕᐊᕗᒍᑦ ᓯᓚᕐᔪᐊᕐᒥ. ᓄᓇ ᐅᑎᖅᑎᑉᐸᕗᑦ, ᐃᓕᖅᑯᓯᑐᖃᕗᑦ ᐅᑎᖅᑎᑉᐸᕗᑦ, ᐊᒥᓱᓂᑦ ᐱᓕᕆᒐᑦᑕ. ᑭᖑᕚᒃᓴᕗᑦ ᑕᐃᒪᐃᓕᐅᖏᓐᓇᕆᐊᖃᕐᓂᐊᖅᑐᒍᑦ." ᑎᓕᐅᕆᔪᖅ ᒪᒃᑯᑦᑐᓂᑦ ᓇᓂᓯᖁᔨᓂᕐᒥᑦ ᓱᓇᓂᑦ ᖁᕕᐊᓱᑦᑎᑦᓯᖃᑦᑕᕐᒪᖔᑕ, ᐊᕙᓗᓯᒪᑦᓱᑎᒃ ᐃᑲᔪᖅᑐᖅᑐᓂᑦ ᐃᓄᓐᓂᑦ ᑎᑭᐅᑎᑦᓱᑎᓪᓗ ᐱᕐᓕᕋᖅᑎᓄᑦ.  

ᐃᓅᓯᖓ ᐊᒻᒪ ᐃᓅᔪᓐᓃᖅᑎᓪᓗᒍ, ᑕᓂᔅ ᐊᑯᑦᑐᖅ ᓯᒻᑉᓴᓐ ᓄᑖᒥᒃ ᓇᒻᒥᓂᖃᓕᓚᐅᖅᑐᖅ ᐊᒻᒪ ᐊᒡᒐᒻᒥᓂᒃ ᑎᒍᓯᒐᓱᐊᖅᑐᓂ ᐱᑐᖃᕐᒥᒃ ᑭᓯᐊᓂ ᓄᑖᑦᑎᐊᖑᓪᓗᓂ. ᕿᕕᐅᑦ ᖃᕆᑕᐅᔭᓕᕆᔪᓐᓇᐅᑎᙳᓚᐅᖅᑐᖅ ᐊᒃᑐᐊᓂᖃᖅᖢᓂ ᐃᓕᖅᑯᓯᕐᒥᓄᑦ, ᑭᖑᓂᖔᖓᓄᑦ, ᓄᓇᓕᖓᓄᑦ ᐊᒻᒪ ᓄᑖᒥᒃ ᓯᕗᒻᒧᐊᒍᑎᒃᓴᒥᒃ. ᐃᓕᓐᓂᐊᕐᕕᐊᕈᓰᑦ ᓴᓇᐅᒐᕐᓂᒃ ᑕᑯᒃᓴᐅᑎᑦᑎᑎᓪᓗᒋᑦ, ᓱᓕ ᐃᓕᓴᐃᔨᐅᔪᖅ ᐊᖅᑯᑎᒋᖃᑦᑕᖅᑕᖓᒍᑦ, ᐃᓕᓐᓂᐊᖅᑕᐅᔪᑦ ᐊᔾᔨᒋᙱᑐᐃᓐᓇᓕᖅᑕᖏᑦ ᒫᓐᓇ. 

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.