Warrior Moccasins: Theodora Warrior Healy ᐱᓱᒃᖢᓂ ᐊᖅᑯᑎᒃᑯᑦ ᑮᓇᐅᔭᓕᕆᓂᕐᒧᑦ ᐅᖃᓕᒫᕈᓐᓇᑦᑎᐊᕐᓂᕐᒧᑦ
"ᑮᓇᐅᔭᓕᒫᑦ ᓄᓇᕐᔪᐊᕐᒥ ᓱᖁᑕᐅᙱᑦᑐᑦ ᖃᐅᔨᒪᙱᒃᑯᕕᑦ ᖃᓄᖅ ᐅᕝᕙᓘᓐᓃᑦ ᐱᔪᓐᓇᕐᓂᖃᕋᓗᐊᕈᕕᑦ ᑲᒪᒋᓂᐊᕐᓗᒋᑦ ᑐᑭᓯᓗᒋᓪᓗ ᐱᓕᕆᖃᑎᒌᒍᓯᑦ ᑮᓇᐅᔭᑎᒍᑦ," ᐅᖃᖅᐳᖅ ᑎᐊᑐᐊᕋ ᕕᐅᕆᐋᓐ. Blackfoot Confederacy-ᒥ ᓄᓇᖃᖅᑐᖅ ᐊᒻᒪ ᑳᓪᒍᕆᒥ ᓄᓇᖃᖅᖢᓂ. ᐃᓱᒪᖅᓱᕐᖢᓂ, ᐃᓕᓴᐃᓲᖅ. "ᖁᕕᐊᒋᔭᖃᓪᓚᕆᒃᑲᒪ ᑮᓇᐅᔭᓕᕆᓂᕐᒧᑦ ᐅᖃᓕᒫᕈᓐᓇᑦᑎᐊᕐᓂᕐᒥᒃ ᐊᒻᒪ ᐃᑲᔫᑎᒃᓴᓂᒃ ᓇᒃᓴᖅᐸᒃᖢᖓ ᐊᒻᒪ ᐊᒃᑐᐊᓂᖃᖅᑐᓂᒃ ᐃᓄᖁᑎᑦᑎᓐᓄᑦ, ᐊᒻᒪ ᓄᓇᖅᑲᑎᑦᑎᓐᓄᑦ," ᓇᓗᓇᐃᖅᓯᓪᓗᓂ. ᐅᐊᕆ ᕼᐄᓕ ᑐᓴᐅᒪᑎᑦᑎᖃᑦᑕᖅᑐᖅ, ᑲᓲᒪᖃᑎᖃᖅᖢᓂ ᐃᓄᖕᓄᑦ ᑐᓴᐅᒪᔾᔪᑎᓂᑦ ᐃᓚᒋᔭᐅᓕᖅᐸᒃᖢᓂᓗ ᓄᓇᓕᖕᓄᑦ ᐃᓄᐃᑦ ᖃᐅᔨᒪᓂᐊᕐᒪᑕ ᓇᒧᙵᐅᔭᕆᐊᒃᓴᖅ ᐃᓕᑦᑎᔭᕆᐊᒃᓴᖅ ᑮᓇᐅᔭᓂᑦ ᐱᓕᕆᐊᖓᓂᑦ ᑕᐃᔭᐅᔪᖅ ᐅᐊᕆ ᒧᑲᓯᓐᔅ: ᓄᓇᖃᖅᑳᖅᓯᒪᔪᑦ ᑮᓇᐅᔭᑎᒍᑦ ᖃᓄᐃᙱᑦᑎᐊᖕᓂᖏᑦ. ᐃᑲᔪᖅᓱᖅᖢᒍ ᐱᓇᓱᐊᖅᑕᖓ ᐃᓕᓐᓂᐊᖅᑎᑦᑎᔪᒪᓪᓗᓂ ᓄᓇᖃᖅᑳᖅᓯᒪᔪᓂᒃ ᑮᓇᐅᔭᓂᒃ ᐅᖃᓕᒫᕈᓐᓇᕐᓂᕐᒥᒃ/ᐅᖃᓕᒫᕈᓐᓇᕐᓂᕐᒥᒃ, ᖃᖓᑦᑎᐊᖅ ᐱᑎᑕᐅᓚᐅᖅᐳᖅ ᐃᓕᑕᕆᔭᐅᔾᔪᑎᒥᒃ ᐃᓕᑕᕆᔭᐅᓯᒪᔪᒥᒃ ᑮᓇᐅᔭᓕᕆᔨᓄᑦ ᑲᓇᑕᒥ.
ᐅᐊᕆᐋᓐᑎ ᓇᒻᒥᓂᖅ ᐱᕈᖅᓴᓚᐅᖅᑐᖅ ᐊᔪᖅᓴᓂᕐᒥᑦ ᓴᓂᕐᕙᑦᑕᐅᓯᒪᔪᓂᑦ ᐊᑦᓱᕈᖃᑦᑕᖅᓱᓂᓗ ᑮᓇᐅᔭᑎᒍᑦ ᐊᕐᕌᒍᐃᑦ ᑕᓪᓕᒪᑦ ᓈᓕᖅᑐᑦ ᖃᐅᔨᒐᒥ ᑮᓇᐅᔭᓕᕆᓂᕐᒧᑦ ᐅᖃᓕᒫᕈᓐᓇᓂᕐᒥᑦ. ᓯᕗᓂᐊᒍᓪᓕ, ᑐᑭᓯᐅᒪᑦᑎᐊᓚᐅᙱᑦᑐᖅ ᑮᓇᐅᔭᒃᑯᕕᓕᕆᓂᕐᒥᒃ ᖃᓄᕐᓗ ᑮᓇᐅᔭᖏᑦ ᐊᒃᑐᐃᖕᒪᖔᑕ ᖃᑕᙳᑎᖏᓐᓂᒃᓗ. ᐃᓕᑉᐸᓪᓕᐊᓂᖅ ᑮᓇᐅᔭᖅᑖᕈᑕᐅᔪᓂᒃ, ᑮᓇᐅᔭᖅᑖᕈᑕᐅᔪᓂᒃ, ᐊᑭᓕᒃᓴᓂᒃ, ᑎᒥᒥᒍᑦ ᐊᔪᕈᑎᓕᖕᓄᑦ ᑖᒃᓯᓄᑦ ᐃᓚᙵᖅᓯᒋᐊᕈᑎᓂᒃ ᐊᓯᖏᓐᓂᒡᓗ ᐊᑐᐃᓐᓇᐅᔪᓂᒃ ᐱᔾᔪᑎᒃᓴᓂᒃ ᐃᓅᓯᖓᓂ ᐊᓯᔾᔨᓚᐅᖅᐳᖅ. ᑕᑯᔪᖅ ᓯᓚᑐᔫᓂᖓᓂᒃ ᓄᓇᓕᖕᓄᑦ ᐱᔨᑦᑎᕈᓐᓇᖅᖢᓂ ᑮᓇᐅᔭᓕᕆᓂᕐᒧᑦ ᐅᖃᓕᒫᕈᓐᓇᑦᑎᐊᕐᓂᕐᒥᒃ ᐃᓕᓐᓂᐊᖅᑎᑕᐅᓚᐅᙱᖦᖢᓂ ᐃᓕᓐᓂᐊᕆᐊᖅᑎᑕᐅᕙᓚᐅᖅᓯᒪᔪᓄᑦ.
ᐊᓈᓇᖓ ᑕᑯᓪᓗᒍ ᑭᓇᒥᒃ ᐃᒃᐱᒍᓱᖕᒪᖔᑦ, ᐃᓕᓐᓂᐊᖅᓯᒪᑦᑎᐊᖅᑐᖅ ᐊᒻᒪ ᖃᐅᔨᒪᑦᑎᐊᖅᑐᖅ ᐊᕐᓇᖅ ᐃᓐᓇᐅᓗᐊᓕᕐᓂᕐᒧᑦ ᓄᖅᑲᓛᕐᓂᕐᒧᑦ ᐸᕐᓇᐅᑎᖃᓚᐅᙱᑦᑐᖅ ᐊᒻᒪ ᑮᓇᐅᔭᑎᒍᑦ ᖃᐅᔨᒪᙱᖦᖢᓂ, ᐃᓱᒪᓪᓗᓂ ᖃᓄᖅ ᐱᕈᖅᓴᓚᐅᖅᓯᒪᖕᒪᖔᑦ ᐊᔪᖅᓴᕐᓂᕐᒥᒃ, ᐊᒻᒪ ᑕᑯᓪᓗᓂ ᐊᔪᖅᓴᕐᓂᕐᒥᒃ ᐅᓄᖅᑐᓂ ᓄᓇᓕᖕᓂ, ᖃᑕᙳᑎᒌᓂᒃ ᐊᒻᒪ ᐃᓅᓯᖃᑦᑎᐊᙱᓐᓂᖅ ᐅᓄᖅᑐᓂᒃ ᐃᓐᓇᕐᓂᒃ ᖃᐅᔨᖃᑦᑕᖅᓯᒪᔭᖏᓐᓂᒃ, ᐅᐊᕆᐋᓐᑎ ᖁᕕᐊᒋᔭᖃᓕᓚᐅᖅᑐᖅ ᐱᓕᕆᐊᕆᔭᒥᓂᒃ. ᐊᑕᐅᓯᖅ ᒪᕐᕉᖕᓂ ᓄᓇᖃᖅᑳᖅᓯᒪᔪᓂ ᕿᑐᕐᖓᖃᖅᖢᓂ ᐊᔪᖅᓴᖅᑐᓂᒃ ᐱᕈᖅᓴᖃᑕᐅᓯᒪᓪᓗᓂᓗ, ᐱᓕᕆᐊᒃᓴᒥᓂᒃ ᑲᔪᓯᑎᑦᑎᕙᒃᖢᓂ ᐃᓕᖅᑯᓯᕐᒥᓂ ᐱᒻᒪᕆᐅᒋᔭᖏᓐᓂᒃ ᓂᕆᐅᖕᓂᖃᖅᑎᑦᑎᓪᓗᓂᓗ ᓯᕗᓂᒃᓴᑦᑎᓐᓂ.
ᑭᓱᒥᓪᓕ ᐱᔪᒪᓕᓚᐅᖅᐸ ᑕᒪᑐᒧᖓ ᐊᖅᑯᑎᒧᑦ ᖃᐅᔨᓪᓗᓂ ᑐᓴᐅᒪᔾᔪᑎᒃᓴᓂᑦ ᑖᒃᑯᓂᖓᓕᒫᖅ ᑮᓇᐅᔭᓕᕆᓂᕐᒧᑦ ᐃᓗᓕᖏᓐᓂ ᐊᒥᖅᑳᕈᑎᒋᔪᒪᓪᓗᓂᐅᒡᓗ ᓄᓇᓕᖓᓄᑦ. WarriorHealy−ᑯᑦ ᐱᔪᒃᓯᑎᑕᐅᓚᐅᖅᐳᑦ ᖃᐅᔨᔪᒪᓪᓗᑎᒃ ᖃᓄᖅ ᑕᐅᕗᙵᕈᓐᓇᕐᒪᖔᑦ ᓯᐊᒻᒪᒃᑎᕐᓗᒍᓗ ᐅᖃᐅᓯᖅ. ᓈᓴᐃᕙᓪᓕᐊᓕᓚᐅᖅᑐᖅ ᖃᑦᓯᐅᓂᖏᓐᓂᒃ ᓄᓇᖃᖅᑳᖅᓯᒪᔪᑦ ᐃᓄᐃᑦ ᐅᐱᓐᓇᕋᓂ ᐱᕈᕐᐸᓪᓕᐊᔪᕐᔫᔮᓕᓚᐅᕐᑑᔮᖅ ᐃᓱᒪᓚᐅᕐᓯᒪᒻᒪ ᒥᓕᐊᙱᓐᓃᒋᐊᖓ ᐊᒻᒪ ᖃᐅᔨᓚᐅᕐᓱᓂ ᖃᑦᓯᓐᓇᑯᓗᓐᓂᒃ ᐱᑕᖃᕆᐊᖓ ᑲᓇᑕᒥ. ᑕᒪᓐᓇ ᖁᕕᐊᓇᙱᓈᖅᓯᑎᓪᓗᒍ, ᑭᒡᒐᖅᑐᐃᓚᐅᕆᕗᖅ ᐊᓂᒍᖅᑎᒐᒃᓴᐅᔪᒥᒃ ᑐᕌᕆᔭᐅᔪᒥᒃ ᐃᓄᖕᓄᑦ ᑎᑭᐅᑎᔪᒪᓪᓗᑎᒃ.
"ᑕᑯᔭᕋ ᑖᓐᓇ ᑐᕌᒐᖅ ᐃᓅᓯᓐᓂ ᑮᓇᐅᔭᓕᕆᓂᕐᒧᑦ ᓴᙱᓂᖃᖅᑎᑦᓯᓂᕐᒧᑦ ᐱᓕᕆᖃᑎᒌᓐᓂᕐᒥᑦ ᑲᓇᑕᓕᒫᒥᑦ, ᐊᒻᒪ ᑲᓲᒪᓂᕐᒥᑦ ᑮᓇᐅᔭᒃᑯᕕᓐᓂᑦ ᐊᑐᕆᐊᖃᖅᑕᖏᓐᓂᑦ ᐱᐅᔪᒥᓪᓗ ᐃᓅᖃᑎᖃᕐᓂᕐᒥᑦ ᐊᑲᐅᑦᓴᓂᕐᒥᑦ ᖁᓱᖏᓐᓂᕐᒥᓪᓗ ᐃᓱᒪᓕᐅᕐᓂᕐᒥᑦ ᑮᓇᐅᔭᓕᕆᓂᕐᒧᑦ," ᐅᐊᕆᐋᓐ ᓯᓐᓇᑦᑑᒪᖏᑦ ᓂᐱᖃᕐᓗᑎᒃ.
ᐅᓂᒃᑳᖅᑐᖅ ᐊᓯᒥᓄᑦ ᐱᔪᒃᓯᑎᑦᑎᔪᒪᓪᓗᓂ. ᑰᖕᒧᑦ ᐊᐅᓚᑦᑎᔨ, ᐃᓕᓐᓂᐊᕐᕕᐊᕈᓯᖅ ᐊᑕᐅᓯᖅ ᐊᖁᑎ, ᐅᐱᒍᓱᓚᐅᖅᑐᖅ ᑮᓇᐅᔭᓕᐅᕆᐊᒃᓴᖅ $6,000 ᑕᖅᑭᑕᒫᑦ. ᖃᐅᔨᒐᒥ ᑮᓇᐅᔭᒃᑯᕕᒻᒥ ᐊᐅᒃᑕᔫᒥᓂᒃ ᐊᓯᐅᔨᓐᓂᕆᐊᖓ ᐊᒻᒪᓗ ᐅᖃᐅᓯᕆᓚᐅᕐᓇᓂᐅᒃ ᔭᒐᐃᔪᒥᓂᐅᓂᕋᑦᑐᓂᐅᒃ ᑎᓪᓕᑦᑕᐅᒐᓂᓘᓐᓃᑦ, ᐅᑎᖅᑎᑦᑎᔪᓐᓇᓚᐅᖏᒻᒪᑦ $7,000 ᑮᓇᐅᔭᒃᑯᕕᖓᓂ ᐊᒻᒪᓗ ᑭᓱᓕᒫᓂᒃ ᔭᒐᐃᓪᓗᓂ. ᐊᖏᕐᕋᖃᕈᓐᓃᕋᒥ ᓄᓇᓯᐅᑎᒥᓄᑦ ᐊᑭᓕᒃᓴᓂᒍᓐᓇᐅᑎᑦ ᐊᐅᒃᑕᔫᑦ ᐊᖏᒃᓕᑎᒋᐊᖅᑎᖦᖢᓂᒋᑦ, WarriorHealy−ᑯᑦ ᐃᒻᒥᓂᒃ ᓇᓂᓯᓕᓚᐅᕆᕗᑦ ᓴᓂᕐᕙᒃᑕᐅᓯᒪᑎᓪᓗᒍ ᐸᓂᖓ ᓂᖃᐃᓱᖅᑎᓪᓗᒍ. ᐊᕐᕌᒍᓄᑦ ᑕᓪᓕᒪᓄᑦ ᐊᑭᓕᒃᓴᒥᓂᒃ ᑲᑕᒃᑎᑦᑎᓇᓱᓚᐅᖅᑐᖅ ᐊᒻᒪ ᐊᑭᓕᒃᓴᖃᓗᐊᒧᑦ ᓱᓇᐃᕈᑎᓪᓗᓂ ᑭᓯᐊᓂ ᐃᓕᑦᑎᔪᒻᒪᕆᐅᓚᐅᖅᑐᖅ.
ᐅᖃᐅᔾᔪᐃᓂᖓ ᓄᓇᖃᖅᑳᖅᓯᒪᔪᓄᑦ ᐃᓕᓐᓂᐊᖅᑎᓄᑦ, "ᐱᒐᔪᙱᒻᒪᕆᒃᐳᒍᑦ. ᑕᐃᒪᐃᒻᒪᑦ ᑕᐃᑲᓃᒋᐊᖃᖅᐳᒍᑦ. ᐅᐱᓐᓇᕋᓂ ᐅᕙᒍᑑᒐᑦᑕ ᓇᑭᙶᕐᓯᒪᒐᑦᑕ. ᑕᐃᒪᓕ ᑭᓱᑐᐃᓐᓇᖅ ᐃᖅᑲᓇᐃᔭᖅᑎᐅᓂᖅ, ᑮᓇᐅᔭᓕᕆᓂᐅᒐᓗᐊᖅᐸᑦ ᐅᕝᕙᓘᓐᓃᑦ ᐋᓐᓂᐊᖅᑐᓕᕆᓂᕐᒧᑦ, ᐱᑕᖃᕆᐊᖃᓪᓚᕆᑦᑐᑎᑦ. ᓲᖃᐃᒻᒪ ᓄᓇᕐᔪᐊᖅ ᑐᑭᓯᐊᑦᑎᐊᙱᒻᒪᑦ ᖃᓄᐃᓕᐅᖅᐸᖕᒪᖔᑦᑕ." WarriorHealy ᑎᓕᐅᕆᔪᖅ ᒪᒃᑯᒃᑐᓂᑦ ᕿᒥᕐᕈᖁᓪᓗᒋᑦ ᑮᓇᐅᔭᓕᕆᓂᖕᒥᑦ ᐃᖅᑲᓇᐃᔮᕆᓗᓂᐅᒃ ᓲᖃᐃᒻᒪ ᐱᔭᕆᐊᖃᒻᒪᕆᖕᒪᑦ ᑕᐅᕙᓂ ᐊᒻᒪᓗ ᑮᓇᐅᔾᔭᒃᓴᑐᐃᓐᓇᕆᐊᓖᑦ ᓇᓪᓕᐅᒃᑯᒻᒫᓂᑦ $600,000−ᖑᔪᓐᓇᖅᑐᑦ ᐊᕐᕌᒍᒧᑦ. ᑕᒪᓐᓇ ᐅᖃᓚᐅᖅ, ᑎᓕᐅᕆᔪᖅ ᐃᓕᓐᓂᐊᖁᔨᓪᓗᓂ ᑮᓇᐅᔭᓕᕆᓂᕐᒧᑦ ᐅᖃᓕᒫᕈᓐᓇᑦᑎᐊᕐᓂᕐᒥᒃ ᐊᐅᓚᑦᑎᓂᐊᕐᓗᓂ ᑮᓇᐅᔭᓂᒃ. "ᐅᓄᙱᑦᑐᓂᒃ ᐱᓕᕆᔾᔪᑎᓂᒃ ᐊᑐᕈᖕᓇᖅᑐᑎᑦ," ᓇᓗᓇᐃᖅᐳᖅ.
ᐃᓚᖓᑦ ᐊᕝᕕᐊᕈᑎᐅᔪᖅ ᐊᖅᑯᓵᓚᐅᖅᑕᖓ ᓴᖅᑮᓇᓱᐊᖅᑐᓂ ᐊᑦᑕᓇᙱᑦᑐᒥᒃ ᐃᓂᒃᓴᒥᒃ ᐃᓕᓐᓂᐊᖅᑎᖏᓐᓄᑦ. ᐱᔾᔪᑎᒋᓪᓗᒍ ᐅᐊᕆᐋᓐᐋᓐᑎ ᐃᓕᓐᓂᐊᖅᑎᑦᑎᑐᐃᓐᓇᓲᖑᖕᒪᑦ ᓄᓇᖃᖅᑳᖅᓯᒪᔪᓂᒃ, ᓄᓇᖃᖅᑳᖅᓯᒪᙱᑦᑐᓂᒃ ᐃᓕᓐᓂᐊᖅᑎᑦᑎᕙᙱᒻᒪᑦ ᐃᓕᓐᓂᐊᕐᕕᐊᕈᓯᖏᓐᓂᒃ. ᖃᐅᔨᓪᓗᓂ ᐆᒻᒪᖅᑯᑎᐅᑉ ᐊᓯᔾᔨᕐᓂᖓᓂᒃ ᐃᓂᖏᓐᓂ ᓄᓇᖃᖅᑳᖅᓯᒪᔪᑐᐊᖑᙱᑦᑐᓂᒃ ᖃᐅᔨᒪᓪᓗᓂᓗ ᐅᖃᐅᓯᖃᕐᓂᖅ ᑮᓇᐅᔭᓂᒃ ᐊᔪᕐᓇᕈᓐᓇᕐᓂᖓᓂᒃ. "ᑭᒃᑯᓕᒫᑦ ᐃᓅᓚᐅᙱᑦᑐᑦ ᖃᐅᔨᒪᑐᐃᓐᓇᖅᖢᑎᒃ ᖃᓄᖅ ᑮᓇᐅᔭᒥᑦ ᑲᒪᒋᔭᖃᕆᐊᒃᓴᖅ. ᐃᓕᑦᑎᓯᒪᔪᐃᓐᓇᐅᔪᒍᑦ ᑭᓇᑐᐃᓐᓇᕐᒥᑦ ᐃᓕᓴᐃᔪᒥᑦ ᐅᕙᑦᑎᓐᓂᑦ ᐅᕝᕙᓘᓐᓃᑦ ᓇᖕᒥᓂᖅ ᐊᒃᓱᕈᖅᖢᑕ ᐃᓕᑦᑎᔾᔪᑎᑦᑎᓐᓂᑦ. ᐃᓕᖕᓂᒃ ᐃᓕᑦᑎᕚᓪᓕᕐᓗᑎᑦ ᓄᑖᒥᒃ ᐊᔪᙱᓐᓂᕐᒥᒃ ᐱᓕᕆᐊᖃᕐᓗᑎᓪᓗ ᑐᕌᒐᒃᓴᓄᑦ, ᓲᖃᐃᒻᒪ ᑎᑭᐅᑎᔪᓐᓇᕋᕕᒋᑦ," ᑎᓕᐅᕆᔪᖅ.
ᑐᓴᖅᑎᑦᑎᔪᓐᓇᕈᓂ ᒪᒃᑯᖕᓂᖅᓴᒧᑦ ᓇᖕᒥᓂᖅ ᐃᒪᐃᓐᓇᔭᖅᑐᖅ "ᐱᓇᔪᒃᑕᐃᓕᒋᑦ ᐊᑭᓕᒃᓴᖅᑖᕈᓐᓇᐅᑎᒥᒃ ᐊᑭᓖᔪᓐᓇᙱᑕᕐᓂᒃ. ᑕᐅᑐᒡᓗᒍ ᐊᑏᑦ, ᑕᐅᑐᒡᓗᒍ ᓴᓇᔪᓐᓇᐅᑎᕕᑦ ᓈᓴᐅᑖ, ᑲᒪᒋᓗᒍᓗ ᐊᐅᒃᑕᔫᑦ." ᐃᓕᓐᓂᐊᖅᑎᑦᑎᖃᑦᑕᖅᐳᖅ ᑮᓇᐅᔭᓂᒃ ᐊᒻᒪ ᑮᓇᐅᔭᖅᑖᕈᓐᓇᐅᑎᓂᒃ ᓲᕐᓗ ᖃᑦᑎᕆᔨᓂᒃ ᐊᒻᒪ ᐃᒪᕐᒥᒃ ᓇᓕᒧᒌᒃᑎᑕᐅᔭᕆᐊᓕᖕᓂᒃ ᐊᒻᒪ ᐃᒃᐱᒋᔭᐅᑦᑎᐊᕆᐊᓕᖕᓂᒃ. ᑭᖑᒧᑦ ᑕᑯᓗᒍ, ᑐᑭᓯᖁᔨᔪᖅ ᖃᓄᖅ ᐱᔪᒪᓂᖃᕐᒪᖔᑦ ᐊᒻᒪᓗ ᖁᕝᕙᕆᐊᕈᑎ ᐃᓅᓯᓕᒫᒧᑦ.
ᐃᓱᒪᖓ ᖃᐅᔨᒋᐊᖃᑦᑕᖁᓪᓗᒍ, WarriorHealy ᐃᖅᑲᐅᒪᔪᖅ Blackfoot Express−ᒥᒃ ᑐᑭᓕᐅᕆᔪᒥᒃ ᐃᒪᓐᓇ, "ᓄᖅᑲᕐᓂᖅᑕᖃᙱᑦᑐᖅ, ᐊᔪᕐᓇᕐᓂᖅᓴᖅᑕᖃᕋᓱᑐᐃᓐᓇᖅᐳᖅ." ᐊᐅᓚᑦᑎᖃᑦᑕᕆᕗᖅ ᐅᒃᐱᕆᔭᖃᖅᖢᓂ ᓇᖕᒥᓂᖅ ᐃᒃᐱᒋᔭᒥᓂᒃ ᐊᐅᓚᑦᑎᓂᖓᓂᒃ ᐊᒻᒪ ᐊᕙᑎᖓ ᐊᒃᑐᐃᙱᓐᓂᖓᓂᒃ ᐱᓕᕆᕝᕕᖕᒥᓂ ᐱᐅᑐᐊᖅᐸᑦ.
ᐱᔪᒃᓯᓕᕐᓇᕌᖓᑦ, ᐅᐊᕆᐋᓐᑎ ᐊᓈᓇᒥᓄᑦ ᑕᐅᑐᒃᐳᖅ. ᐃᓅᖃᑦᑕᖅᓯᒪᓪᓗᓂ ᐊᒥᓱᓂᒃ ᓲᕐᓗ ᐃᓕᓐᓂᐊᕆᐊᖅᑎᑕᐅᕙᓚᐅᖅᓯᒪᔪᓄᑦ ᐊᒻᒪᓗ 1960-ᓂᒃ ᕿᑐᕐᖓᒥᓂᒃ ᐱᖃᑎᖃᖅᑐᓂ ᐊᒻᒪᓗ ᐳᑐᒍᖏᑦ ᔭᒐᐃᑐᐃᓐᓇᖅᑐᑎᒃ ᕿᒪᑦᑕᐅᑎᓪᓗᒍ ᑐᖁᖓᓪᓗᓂ, ᐃᒻᒥᓂᒃ ᑲᑕᓚᐅᖅᓯᒪᙱᑦᑐᖅ ᐊᔪᕈᑎᖃᕋᓗᐊᖅᑎᓪᓗᒍ. ᐊᓈᓇᖓᓂᑦ ᐃᓕᑦᑎᓚᐅᖅᑐᖅ ᓇᖕᒥᓂᖅ ᓂᕈᐊᕆᔪᒪᔭᒥᓂᒃ ᐊᒃᓱᕈᕐᓇᖅᑐᒃᑯᑦ, ᑕᐅᑐᒃᖢᓂ ᐃᓅᓯᖓᓂ ᐃᓄᑦᑎᐊᕙᐅᓪᓗᓂᓗ ᐊᒃᓱᕈᕐᓇᖅᑐᒃᑰᓚᐅᖅᑎᓪᓗᒍ.
ᐱᔭᕇᕈᑎᒋᓗᒍ, ᐅᐊᕆᐋᓐᑎ ᐱᔪᒪᓕᖅᑎᑦᑎᔪᒪᕗᖅ ᓄᓇᖃᖅᑳᖅᑐᑦ ᒪᒃᑯᒃᑐᖁᑎᖏᓐᓂᒃ ᐃᒪᓐᓇ ᐅᖃᖅᖢᓂ, "ᐃᓕᖕᓂᒃ ᐅᒃᐱᕆᑦᑎᐊᕐᓗᑎᑦ ᐊᓯᓕᒫᔅᓯᓐᓂᓕᒫᖅ ᑕᐃᒪᐃᒐᔪᙱᓐᓂᑦᑎᓐᓄᑦ. ᐱᒻᒪᕆᐅᔪᒍᑦ. ᑕᒪᓐᓇ ᓇᒻᒥᓂᖅ ᓇᓪᓕᒋᓂᖅ ᑐᓂᓂᐊᕋᕕᐅᒃ ᐃᓚᓕᒫᓐᓄᑦ ᓄᓇᖅᑲᑎᓐᓄᓪᓗ. ᑕᐃᒪᐃᑦᑐᐃᓐᓇᐅᒍᑦᑕ, ᑕᑯᓐᓇᙳᐊᕐᓗᑕ ᖃᓄᑎᒋ ᖁᕝᕙᖅᑎᒍᓐᓇᕐᒪᖔᑦᑎᒍ ᓄᓇᓕᕐᔪᐊᖑᓪᓗᑕ ᑕᒫᓂ ᐅᐊᓕᓂᕐᒥ.
ᐃᓕᓚᐅᖅᑐᖅ ᑮᓇᐅᔭᓕᒫᑦ ᓄᓇᕐᔪᐊᕐᒥ ᓱᖁᑕᐅᙱᖦᖢᑎᒃ ᖃᐅᔨᒪᙱᒃᑲᓗᐊᕈᕕᑦ ᖃᓄᖅ ᐅᕝᕙᓘᓐᓃᑦ ᐱᔪᓐᓇᕐᓂᖃᕋᓗᐊᕈᕕᑦ ᑲᒪᒋᔭᖃᕆᐊᒃᓴᖅ ᑐᑭᓯᐅᒪᓕᕐᓗᑎᓪᓗ ᐱᓕᕆᖃᑎᖃᖅᐸᖕᓂᕐᓂᒃ ᑮᓇᐅᔭᓂᒃ. ᒫᓐᓇ ᑎᐅᑐᐊᕋ ᐅᐊᕆᐋᓐᑎ ᑖᒃᑯᓂᖓ ᐃᓕᓐᓂᐊᖅᑕᒥᓂᒃ ᐃᓕᓐᓂᐊᖅᐳᖅ ᐊᒻᒪ ᐅᑎᖅᑎᖦᖢᒋᑦ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓄᑦ ᑲᔪᓯᑦᑎᐊᖁᓪᓗᒋᑦ. ᐊᑦᑕᕐᓇᙱᑦᑐᓂᒃ ᐃᓂᒃᓴᓕᐅᖅᖢᓂ ᐅᖃᖃᑎᒌᒃᑎᑦᑎᓂᐊᕐᓗᓂ, ᑐᙵᕕᖃᑦᑎᐊᓕᖅᐸᓪᓕᐊᕗᖅ ᑮᓇᐅᔭᑎᒍᑦ ᓯᕗᓂᒃᓴᑦᑎᐊᕙᖕᒧᑦ ᐅᐊᕆ ᒫᑲᓯᓐᔅ−ᒧᑦ.
ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.
