ᓄᓇᖃᖅᑳᖅᓯᒪᔪᑦ: ᑭᐅᕈ ᐋᓐ ᕼᐃᐅᓪᑕᓐ ᐱᕈᖅᓴᐃᕗᖅ ᓄᓇᖃᖅᑳᖅᓯᒪᔪᑦ ᒪᑭᒪᓇᓱᐊᕈᑎᖏᓐᓂᑦ

ᑭᐅᕈ ᐋᓐ ᕼᐃᐅᓪᑕᓐ ᐅᖃᐅᓯᖃᓚᐅᖅᐳᖅ "ᓄᓇᖃᖅᑳᖅᓯᒪᔪᓂᒃ" ᐊᒻᒪ ᐅᑎᖅᑎᓪᓗᒍ ᐃᑲᔪᖃᑦᑕᖅᓯᒪᓪᓗᓂ ᓄᓇᖃᖅᑳᖅᓯᒪᔪᓂᒃ ᓇᖕᒥᓂᖃᖅᑎᐅᔪᓂᒃ ᐊᒻᒪ ᓄᓇᓕᖕᓂ ᑮᓇᐅᔭᒃᑯᕕᓕᐅᖅᐸᒃᑐᓂᒃ ᑮᓇᐅᔭᓕᐅᕋᓱᖕᓂᕐᒧᑦ ᐃᓚᐅᓂᒃᑯᑦ. ᓅ−ᓵᓪ−ᓚ−ᒥᒃ ᐊᑎᖃᖅᖢᓂ ᐃᒪᓐᓇ ᑐᑭᖃᖅᖢᓂ, "ᐊᖏᔪᖅ" ᑐᙵᕕᖃᖅᖢᓂᓗ Hesquiaht Nation−ᒥ, ᕼᐃᐅᓪᑕᓐ ᐊᐅᓚᑦᑎᔨᓪᓗᐊᑕᐅᕗᖅ ᐱᒋᐊᖅᑎᑦᑎᓚᐅᖅᓯᒪᓪᓗᓂᓗ ᑲᒻᐸᓂᒋᔭᐅᔪᒥᒃ ᐃᒪᓐᓇ ᑕᐃᔭᐅᓪᓗᓂ, Indigenomics Institute, ᑕᐃᑲᓂᓗ ᑲᔪᓯᑎᑦᑎᕙᒃᖢᓂ ᑲᔪᓯᑎᑦᑎᕙᒃᖢᓂᓗ ᐅᓂᒃᑲᐅᓯᖃᕐᓂᕐᒥᒃ ᓄᓇᖃᖅᑳᖅᑐᑦ ᑮᓇᐅᔭᓕᐅᕋᓱᒃᐸᖕᓂᕐᒧᑦ ᓴᙱᓂᕆᔭᖏᓐᓂᒃ.

ᕼᐃᐅᓪᑕᓐ ᕿᒥᕐᕈᔪᖅ ᐱᕈᖅᐸᓪᓕᐊᔪᒥᒃ ᒪᑭᒪᓇᓱᐊᕈᑎᓄᑦ ᐱᔪᓐᓇᕐᓂᕐᒥᒃ ᓄᓇᖃᖅᑳᖅᓯᒪᔪᑦ ᐃᓄᖏᓐᓄᑦ, ᒪᑭᐅᒪᐃᓐᓇᕈᑎᒃᓴᓄᑦ ᐋᖅᑭᒃᓯᒪᓂᖏᓐᓂ ᖃᓄᓪᓚᑦᑖᕐᓗ ᒪᑭᐅᒪᐃᓐᓇᕈᑎᒃᓴᓄᑦ ᐱᔪᓐᓇᖅᑎᑦᑎᓂᖅ ᓄᓇᖃᖅᑳᖅᓯᒪᔪᓄᑦ ᐃᓄᖕᓄᑦ ᑕᐅᑦᑐᖃᕐᒪᖔᑦ ᑲᓇᑕᒥ ᓄᓇᕐᔪᐊᒥᓗ. ᐱᔪᒪᓂᖃᖅᑐᖅ ᑐᑭᓯᐅᒪᓂᕐᒥᑦ ᐊᓂᒍᐃᓂᕐᒥᓪᓗ ᓇᒻᒥᓂᖃᕐᓂᕐᒧᑦ ᐊᑦᓱᕉᑕᐅᔪᓂᑦ ᓴᖅᑭᑎᑦᓯᓂᕐᒥᑦ ᐋᖅᑭᒋᐊᕈᑎᑦᓴᓂᑦ ᐊᖅᑯᑎᓂᓪᓗ ᓇᒻᒥᓂᖃᖅᑎᐅᔪᓄᑦ ᓄᓇᓕᓐᓄᓪᓗ ᓇᒻᒥᓂᖁᑎᓕᐅᕐᓂᕐᒧᑦ. 

"ᓇᓕᒧᒌᒃᑎᑦᑎᓂᖅ ᐃᓱᒪᓕᐅᕆᓂᕐᒧᑦ ᐊᐅᓚᑦᑎᓂᕐᒥᒃ ᐊᒻᒪ ᓇᖕᒥᓂᖃᕐᓂᕐᒥᒃ ᐱᓕᕆᔾᔪᓯᒃᑯᑦ, ᑕᐃᒪᐃᓕᐅᖃᑦᑕᖅᑐᖓ ᑲᒻᐸᓂᓐᓂ." 

ᑕᒪᓐᓇ ᐃᑲᔪᖅᑰᔨᒻᒪᑦ ᓄᓇᓕᓐᓂᑦ ᐋᖅᑭᔅᓱᐃᑎᓪᓗᒋᑦ ᒪᑭᒪᒐᓱᐊᕐᓂᕐᒧᑦ ᐸᕐᓇᐅᒻᒥᑦ ᐊᒻᒪ ᐋᖅᑭᔅᓯᒪᓂᖏᓐᓂᑦ, ᐃᑲᔪᖅᓱᖅᑐᑎᒃ ᓇᒻᒥᓂᖁᑎᖃᖅᑐᓂᒃ ᐊᒻᒪ ᐱᒋᐊᕈᑎᓂᒃ ᑮᓇᐅᔭᖅᑖᕈᓯᐊᕐᓂᕐᒧᑦ, ᐅᖃᐅᔾᔨᒋᐊᕐᓂᕐᒧᑦ ᓇᒻᒥᓂᖁᑎᖃᖅᑐᓂᒃ ᖃᓄᖅ ᐱᓕᕆᖃᑕᐅᔪᓐᓇᕐᒪᖔᑕ ᐃᖅᑭᓖᑦ ᓄᓇᓖᑦ ᐊᒻᒪ ᐃᓄᐃᑦ ᐊᒻᒪ ᐊᒥᓱᓂᒃ ᒪᑭᒪᒐᓱᐊᕐᓂᕐᒧᑦ ᐸᕐᓇᐅᑎᓂᒃ ᐊᒻᒪ ᐱᕙᓪᓕᐊᑎᑦᑎᔪᓂᒃ. 

ᐱᓕᕆᖃᑎᖃᖅᑎᓪᓗᒍ ᐃᑲᔪᖅᑕᐅᔭᕆᐊᓕᖕᓂᒃ, ᕼᐃᐅᓪᑕᓐ ᐱᕙᓪᓕᐊᔪᓕᕆᓂᕐᒧᑦ ᐸᕐᓇᐃᖃᑦᑕᖅᑐᖅ ᓄᓇᓕᖕᓄᑦ, ᑕᑯᑎᖦᖢᓂᒋᑦ ᖃᓄᖅ ᑮᓇᐅᔭᓂᒃ ᐃᓯᖅᐸᓪᓕᐊᔪᓐᓇᕐᒪᖔᑦ ᐊᕐᕌᒎᖕᓄᑦ ᒪᕐᕉᖕᓄᑦ. ᐱᓕᕆᖃᑎᖃᖅᐸᒃᑭᕗᖅ ᓇᖕᒥᓂᖃᖅᑎᐅᔪᓂᒃ ᓄᓇᓕᖕᓂᓗ ᐊᑐᐊᒐᕆᔭᐅᔪᓂᒃ ᐊᖏᒡᓕᒋᐊᖅᑎᑦᑎᔪᒪᓪᓗᓂ ᐊᑐᕈᓐᓇᕐᓂᕐᒥᒃ ᐃᓄᖁᑎᒥᓂᒃ ᓇᖕᒥᓂᖅᑖᖅᐸᓪᓕᐊᖁᓪᓗᒋᑦ. ᐃᑲᔪᖃᑦᑕᖅᑐᖅ ᓄᓇᓕᕐᔪᐊᓂᑦ ᓇᒻᒥᓂᖅ ᐱᔪᓐᓇᓂᕐᒥᑦ ᑮᓇᐅᔭᓕᐅᕈᓐᓇᓂᕐᒥᑦ ᐊᑦᑐᐃᓂᖃᑐᐃᓐᓇᖏᓪᓗᓂ ᓄᓇᓂᑦ ᓇᒻᒥᓂᖃᕐᓂᒃᑯᑦ. 

ᒫᓐᓇ ᐃᓱᒪᒋᔭᐅᓕᖅᑐᖅ ᓯᕗᓕᖅᑎᐅᓪᓗᓂ ᓄᓇᖃᖅᑳᖅᓯᒪᔪᑦ ᓇᖕᒥᓂᖃᕐᕕᖏᓐᓂ, ᕼᐃᐅᓪᑕᓐ ᐱᒋᐊᓚᐅᙱᑦᑐᖅ ᑖᔅᓱᒥᖓ ᐃᓕᓐᓂᐊᕈᑎᒥᒃ. ᓯᕗᓪᓕᕐᒥ ᐃᓱᒪᓚᐅᖅᑐᖅ ᐃᓄᓕᕆᔪᒪᓂᕐᒥᓂᒃ ᐊᒻᒪ ᓄᓇᓕᖕᓂ ᖃᓄᐃᙱᑦᑎᐊᕐᓂᕐᒧᑦ ᐱᓕᕆᓪᓗᓂ ᑭᓯᐊᓂ ᖃᐅᔨᓚᐅᖅᑐᖅ ᐊᐅᓚᑦᑎᔨᑦᑎᐊᕙᐅᓂᖅᓴᐅᓂᖓᓂᒃ. ᕼᐃᐅᓪᑕᓐ ᐃᓕᓐᓂᐊᕇᖅᓯᒪᙱᑦᑐᓄᑦ ᐃᓕᓐᓂᐊᕌᓂᒍᓯᐊᖃᕐᖢᓂ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᕈᑎᖏᓐᓂ ᑭᓯᐊᓂ ᓂᕈᐊᖅᑕᐅᓚᐅᖅᑐᖅ ᐱᓯᓂᓯᒧᑦ. 

"ᐱᒻᒪᕆᐅᒋᓚᐅᖅᑕᕋᓕ, ᑕᐃᔅᓱᒪᓂᓘᓐᓃᑦ, ᑐᑭᓯᐅᒪᑦᑎᐊᙱᖦᖢᑎᒃ ᓄᓇᖃᖅᑳᖅᓯᒪᔪᑦ ᐃᓄᖁᑎᖏᓐᓂᒃ ᐅᕝᕙᓘᓐᓃᑦ ᐱᕈᖅᐸᓪᓕᐊᔪᒥᒃ ᓴᙱᓂᕐᒥᒃ ᓄᓇᖃᖅᑳᖅᓯᒪᔪᑦ ᓇᖕᒥᓂᖁᑎᖏᓐᓂᒃ ᐅᓪᓗᒥ ᑕᑯᕙᓪᓕᐊᔭᑦᑎᓐᓂᒃ."

ᑭᖑᓂᐊᒍᑦ ᑲᔪᓯᓚᐅᖅᐳᖅ ᓄᓇᕐᔪᐊᓕᒫᒥ MBA−ᒧᑦ ᐅᑯᑎᒎᓇᖅ, ᓯᓚᑦᑐᖅᓴᕐᕕᒡᔪᐊᒥᑦ Hertfordshire−ᒥ ᑕᐃᑲᓂᓗ ᐅᓄᙱᑦᑐᓂᒃ ᓄᓇᖃᖅᑳᖅᑐᓂᒃ ᐃᓕᓐᓂᐊᖅᑎᑕᖃᖅᐸᒃᖢᓂ ᓇᖕᒥᓂᕆᔭᐅᔪᒥ. ᖃᐅᔨᓴᕆᐊᓐᖓᓚᐅᖅᑕᖓ, ᓯᕗᓪᓕᖅᐹᒥ ᓄᓇᖅᔪᐊᕐᒥ ᐱᕙᓪᓕᐊᔪᓕᕆᓂᕐᒧᑦ ᐱᒻᒪᕆᐅᕗᖅ. ᑕᐃᑲᙵᑦ ᐃᓱᒪᒋᔭᐅᔪᒥᑦ, ᓴᖅᑭᑦᑎᓚᐅᖅᐳᖅ ᑕᒪᐃᓐᓂᒃ ᐃᓱᒪᒋᔭᐅᔪᒥᑦ ᑕᐃᔭᐅᔪᒥᑦ ᐃᓄᙳᖅᓯᒪᔪᑦ, ᐱᕙᓪᓕᐊᔾᔪᑕᐅᓇᓱᐊᖅᖢᓂ ᓄᓇᖃᖅᑳᖅᓯᒪᔪᓂᑦ ᓄᓇᕐᔪᐊᒥᑦ. ᕼᐃᐅᓪᑕᓐ ᐊᐅᓚᑦᑎᓚᐅᖅᑐᖅ ᓇᓗᓇᐃᒃᑯᑕᕐᒥᑦ ᐃᖏᕐᕋᓂᓕᒫᖓᓄᑦ ᐊᒻᒪᓗ ᒫᓐᓇ ᓴᓇᕙᓪᓕᐊᓕᖅᑐᖅ ᓄᓇᕐᔪᐊᕐᒥᐅᓄᑦ.

"ᐱᓕᕆᓂᖅ ᑲᓇᑕᓕᒫᒥ, ᐃᓚᖓᑦ ᑕᑯᔭᕋ ᐱᑕᖃᕐᓂᖓᓂᒃ ᑖᔅᓱᒥᖓ ᐅᔾᔨᕐᓇᑦᑎᐊᖅᑐᒥᒃ ᑕᐅᑐᒃᑕᐅᔪᒥᒃ ᑕᑯᓂᐊᕐᓗᓂ ᓄᓇᖃᖅᑳᖅᑐᓂᒃ ᐃᓄᖕᓂᒃ ᐊᒃᓱᕈᕐᓇᖅᓯᓂᖓᓂᒃ ᑮᓇᐅᔭᓄᑦ ᐊᑐᖅᑕᐅᕙᒃᑐᒧᑦ, ᐃᒪᓐᓇᖔᕐᓕ, ᑕᑯᒍᑦᑕ ᐊᖏᒡᓕᕙᓪᓕᐊᓂᕆᔭᐅᔪᒥᒃ ᓄᓇᖃᖅᑳᖅᑐᑦ ᓇᖕᒥᓂᕆᔭᖏᓐᓂᒃ ᓇᖕᒥᓂᖃᖅᑎᐅᔪᓂᒡᓗ, ᓴᖅᑭᑎᑦᑎᓪᓚᕆᒃᑲᑦᑕ ᐃᓚᐅᓪᓗᑕᓗ ᑲᓇᑕᐅᑉ ᑮᓇᐅᔭᓕᐅᕋᓱᒃᐸᖕᓂᕆᔭᖏᓐᓂ, ᑕᒪᓐᓇᓗ ᐊᑭᑐᐃᓐᓇᕆᙱᖦᖢᑎᒍᑦ, "ᐅᖃᓚᐅᖅᑐᖅ.

"ᑕᐃᒪᓕ, ᑮᓇᐅᔭᓕᐅᕋᓱᐊᖅᑎᓪᓗᑕ, ᒪᑭᒪᔪᓐᓇᕐᓗᒋᑦ ᓄᓇᓕᕗᑦ ᑕᐃᒪᐃᓕᐅᕐᓗᑕᓗ ᑕᐅᑐᓪᓗᐊᑕᕐᓗᑎᒃ ᐱᓯᓂᓯᓂᑦ ᐃᑲᔪᕐᓗᑎᒍᑦ ᐃᓐᓇᑐᖃᕗᑦ ᐃᑲᔪᕐᓗᒋᓪᓗ ᐃᓕᖅᑯᓯᕗᑦ, ᐃᑲᔪᖅᓱᕐᓗᒍ ᐅᖃᐅᓯᕗᑦ, ᐊᔾᔨᒋᙱᖦᖢᓂᐅᒃ ᐱᓕᕆᐊᒃᓴᓪᓗᐊᑕᖓᑕ," ᑲᔪᓯᓪᓗᓂ. ᕼᐃᐅᓪᑕᓐ ᐅᖃᐅᓯᖃᖅᑐᖅ ᓇᖕᒥᓂᖃᕐᓂᕐᒥᒃ ᐊᑐᒐᒃᓴᐅᓂᖓᓂᒃ ᐃᓕᖅᑯᓯᕐᓄᑦ ᓴᖅᑭᑎᑦᑎᒃᑲᓐᓂᕐᓂᕐᒥ ᑲᑐᔾᔨᖃᑎᒌᒃᖢᑎᒃᓗ ᖃᓄᐃᙱᑦᑎᐊᕐᓂᕐᒥ. 

"ᐊᕐᕌᒍᑦ 15 ᐊᓂᒍᖅᓯᒪᓕᖅᑐᑦ MBA−ᓕᕆᑎᓪᓗᖓ, ᓄᓇᖃᖅᑳᖅᓯᒪᔪᑐᐊᖑᓪᓗᖓ ᐃᓕᓐᓂᐊᕐᕕᐊᕈᓯᕐᒥ, ᐃᓱᒪᒋᓚᐅᖅᑕᕋᓕ ᐃᓚᓕᐅᔾᔭᐅᑦᑎᐊᙱᓐᓂᖓᓂᒃ ᑐᑭᓯᐊᔭᐅᓗᑎᒃ ᓄᓇᖃᖅᑳᖅᓯᒪᔪᑦ ᐃᓄᐃᑦ ᑎᑭᑉᐸᒃᑐᑦ ᑲᓇᑕᒥ ᐊᒻᒪ ᐱᔾᔪᑕᐅᔪᑦ ᐊᓯᔾᔨᕐᔪᐊᖅᓯᒪᓕᖅᖢᑎᒃ ᐅᓪᓗᒥ."

ᐃᓕᓐᓂᐊᖅᑎᓪᓗᒍ ᓴᓂᐊᓂᑦ ᐃᓕᓐᓂᐊᖅᑏᑦ ᓴᐃᓇᒥᑦ, ᔭᐹᓐᒥᑦ, ᑯᕇᐊᒥᑦ, ᐃᓐᑎᐊᒥᑦ, ᐊᒥᐊᓕᑲᒥᑦ ᐊᒻᒪᓗ ᒪᒃᓯᑰᒥᑦ, ᓄᓇᕐᔪᐊᕐᒥᑦ ᑕᐅᑐᕋᓐᓈᖅᑎᑦᑎᓚᐅᖅᑐᑦ ᐃᓕᓐᓂᐊᕐᕕᐊᕈᓯᕐᒥᑦ. ᖃᐅᔨᓚᐅᖅᑐᖅ ᐊᒃᑐᖅᑕᐅᕐᔪᐊᖅᓯᒪᓂᖓᓂᒃ ᓄᓇᖃᖅᑳᖅᓯᒪᔪᑦ ᓄᓇᕐᔪᐊᕐᒥᐅᓄᑦ ᐃᓱᒪᒋᔭᐅᓪᓗᓂ ᐃᓱᒪᔾᔪᓯᖓ ᖃᓄᖅ ᐊᑐᕈᓐᓇᕐᒪᖔᑦ ᐱᓯᓂᓯᓄᑦ ᓄᓇᖃᖅᑳᖅᓯᒪᔪᓄᓪᓗ ᓄᓇᓕᖕᓄᑦ. 

"ᐃᖅᑲᓇᐃᔮᕋᓕ ᐅᓄᖅᑐᒻᒪᕆᐊᓗᐃᑦ, ᑐᓴᖅᑎᑦᑎᕙᓪᓕᐊᓪᓗᖓ ᖃᓄᖅ ᐱᒻᒪᕆᐅᑎᒋᖕᒪᖔᑕ ᓄᓇᖃᖅᑳᖅᓯᒪᔪᑦ ᓇᖕᒥᓂᖃᕐᕖᑦ, ᖃᓄᖅ ᐱᒻᒪᕆᐅᑎᒋᖕᒪᖔᑕ ᐱᓕᕆᖃᑎᒌᒍᓯᑦ ᐊᒻᒪ ᖃᓄᖅ ᐱᒻᒪᕆᐅᑎᒋᖕᒪᖔᑦ ᓄᓇᖃᖅᑳᖅᓯᒪᔪᑦ ᐃᓄᖕᓄᑦ ᓇᖕᒥᓂᖃᓕᕈᓐᓇᖅᑰᔨᓗᑎᒃ." 

ᐊᐱᕆᓪᓗᒋᑦ ᓈᔅ ᕚᓕᒥᐅᑦ ᓇᖕᒥᓂᖃᓕᑐᐃᓐᓇᕆᐊᖃᕐᓂᖏᓐᓂᒃ, ᐅᖃᐅᔾᔭᐅᓚᐅᖅᑐᖅ,"ᐱᑎᑦᑎᔪᓐᓇᖅᑐᓯ ᑖᒃᑯᓂᖓᓕᒫᖅ ᓇᖕᒥᓂᓕᖕᓄᑦ ᐊᑐᒐᒃᓴᓂᒃ. ᐅᖃᐅᑎᒍᓐᓇᖅᐱᑎᒎᑦ ᖃᓄᖅ ᐋᖅᑮᔪᓐᓇᕐᒪᖔᖅ ᐱᓕᕆᐊᕐᒧᑦ ᐸᕐᓇᐅᒻᒥᑦ, ᖃᓄᖅ ᓂᐅᖅᑯᑎᖃᕋᓱᐊᕆᐊᖓ, ᑮᓇᐅᔭᓕᕆᓂᖅ, ᑕᒪᒃᑯᐊᓕᒫᑦ. ᑭᓯᐊᓂ ᐃᖅᑲᓇᐃᔭᕐᕕᑦᑕ ᖃᓄᐃᓕᖓᓂᖓ ᐱᒻᒪᕆᐅᓛᖑᔪᖅ ᖁᓱᙱᓐᓂᑦᑎᓐᓂᒃ."

"ᐃᓱᒪᒋᔭᕋ ᐱᒻᒪᕆᐅᓛᖑᖃᑕᐅᓇᓱᒋᓪᓗᒍ ᐅᔾᔨᕈᓱᒃᓗᓂ ᐃᑲᔪᖅᓱᖅᑕᐅᔪᓐᓇᕐᓗᓂᓗ ᐱᓯᓂᓯᒧᑦ ᖁᓱᔪᓐᓃᖅᑎᑦᑎᕙᓪᓕᐊᓗᓂ ᑐᑭᓯᐅᒪᓗᓂᓗ ᖃᓄᖅ ᐱᒻᒪᕆᐅᑎᒋᖕᒪᖔᑦ ᓇᖕᒥᓂᖃᕐᓂᕐᒥᒃ, ᐊᒻᒪ ᐱᓯᓂᓯᒧᑦ ᑕᒪᒃᑭᕐᓗᒍ." 

ᕼᐃᐅᓪᑕᓐ ᐃᑲᔪᖃᑦᑕᖅᑐᖅ ᓄᓇᓕᓐᓂᑦ ᐱᕈᖅᐸᓪᓕᐊᓂᕐᒥᑦ ᓯᕗᓂᑦᓴᕐᒧᑦ ᑐᙵᕕᒋᓗᒋᑦ ᐃᓕᓯᒪᔭᖏᑦ ᑭᖑᓂᑦᑎᓐᓂᑦ. ᐱᕈᖅᓴᔭᐅᓪᓗᓂ ᑲᒪᒋᔭᐅᓂᕐᒧᑦ ᐃᑲᕐᕋᖏᓐᓂ ᐊᖏᕐᕋᖓᓂ ᓄᓇᓕᖓᓂ, ᑲᑎᒃᑲᓐᓂᕐᖢᓂ 16−ᖑᓕᕋᒥ. ᑭᖑᒧᑦ ᑕᑯᒋᐊᖅᖢᓂ, ᐊᑲᐅᓂᖅᓴᒃᑯᑦ ᐅᓚᕕᓴᐃᔪᓐᓇᕈᒪᓚᐅᖅᑐᖅ ᐱᐅᙱᑦᑐᓂᒃ ᐅᒃᐱᕆᔭᐅᔪᓂᒃ. "ᐃᓚᖓ ᑐᑭᓯᔪᒪᓇᔭᖅᑕᒪ ᐃᓅᓯᓐᓂ ᐊᕕᒍᓐᓇᓚᐅᕋᒃᑯ ᐅᒃᐱᕆᔭᕋ ᐊᑐᖃᑦᑕᖅᑐᖅ ᑲᑎᑦᑐᓐᓇᕐᓗᒍᓗ ᐱᔨᑦᑎᑦᑎᐊᕐᓂᒃᑯᑦ," ᐊᔾᔨᖃᕐᖢᓂ. ᑕᒪᓐᓇ ᑕᐅᑐᒐᖃᓪᓗᐊᑕᖅᐳᖅ ᐃᓱᒪᒥᐅᑕᖃᕐᓂᕐᒥᒃ ᐃᑲᔪᕐᓂᕐᒥᒃ ᑮᓇᕐᒥᓂᒃ ᓇᒧᙵᕈᓘᔭᖅᑐᒥᒃ ᓇᒧᙵᕈᓘᔭᖅᑐᒥᒃ. 

"ᖃᐅᔨᒪᑦᑎᐊᖅᑐᖓ ᐅᖃᖃᑎᒌᒃᑎᓪᓗᖓ ᐃᓚᐅᓂᕆᔭᓐᓂᒃ ᑭᓱᓪᓗ ᐱᒻᒪᕆᐅᖕᒪᖔᑕ ᒫᓐᓇ ᐃᓅᓯᓐᓂ ᓴᐃᓕᓕᕐᓗᖓ. ᑕᐃᒪᓕ ᐅᕙᓐᓄᑦ ᑕᒪᓐᓇ ᐅᕙᓐᓄᑦ ᑐᑭᖃᕐᒪᑦ ᓈᓚᓗᐊᖏᓪᓗᑕ ᐱᕙᓪᓕᐊᔪᓂ ᐊᒻᒪᓗ ᐃᓚᐅᖃᑦᑕᖏᓪᓗᑕ ᑲᑉᐱᐊᓱᓗᐊᖅᑐᓂᒃ."

ᕼᐃᐅᓪᑕᓐ ᑕᐅᑐᓪᓗᐊᑕᕐᖢᓂ ᑭᓱᓂᒃ ᓴᓇᖕᒪᖔᑦ ᓄᖅᑲᖓᓚᐅᑲᒃᖢᓂᓗ ᐊᐅᓪᓚᕐᓂᕐᒥ ᐱᕕᖃᕐᓂᖅᓴᐅᓪᓗᓂᓗ ᐊᖏᕐᕋᖓᓂ ᐱᔪᓐᓇᖅᑎᖦᖢᓂᐅᒃ ᑕᐅᑐᓪᓗᐊᑕᕐᓗᓂ ᓯᕗᒻᒧᐊᒃᑎᓪᓗᒍ ᓇᖕᒥᓂᕆᔭᖓ ᓯᕗᒻᒧᑦ, ᓯᕗᒻᒧᐊᒃᓗᓂ ᖃᖓᒃᑰᕐᕕᒃᓴᖏᓐᓂ ᐸᕐᓇᒃᑕᐅᓯᒪᔪᓄᑦ ᐊᑐᓕᖅᑎᑕᐅᔪᓄᑦ ᐊᕐᕌᒍᒐᓴᖕᓄᑦ. ᐃᑲᔪᕐᒥᔪᖅ ᐊᓯᖏᓐᓂᒃ ᓇᖕᒥᓂᓕᖕᓂᒃ ᑭᐅᒋᐊᖅᑐᓂᒃ ᖃᓄᐃᓐᓂᐅᔪᒧᑦ, ᒪᓂᒪᑎᑦᑎᓪᓗᓂ ᐃᑲᔪᖅᓱᐃᓂᕐᒥᒃ ᐊᑐᒐᒃᓴᓂᒃᓗ ᑕᐅᑐᓪᓗᐊᑕᕐᓗᓂᓗ ᑭᓱᑦ ᐱᒻᒪᕆᐅᖕᒪᖔᑕ ᖃᓄᐃᓕᐅᕐᓂᐊᕐᒪᖔᓪᓗ. 

ᑭᐅᕈ ᐋᓐ ᕼᐃᐅᓪᑕᓐ ᐊᑎᖃᖅᑐᖅ "ᐊᖏᔪᖅ" ᓴᖅᑭᔮᖅᑎᑦᑎᓪᓗᓂ ᐊᓯᖏᓐᓂᑦ ᓄᓇᖃᖅᑳᖅᓯᒪᔪᓂᑦ ᓇᖕᒥᓂᖁᑎᓕᖕᓂᑦ ᓄᓇᓕᖕᓂᓪᓗ ᓯᕗᒧᐊᒍᑎᒃᓴᓂᑦ ᓇᖕᒥᓂᖃᖕᓂᖕᒥᑦ. ᑖᓐᓇ ᐃᓕᖅᑯᓯᑎᒍᑦ ᐆᒻᒪᖅᑎᑦᑎᒃᑲᓐᓂᕋᓱᒃᑐᖅ ᐊᒻᒪᓗ ᑮᓇᐅᔭᓂᒃ ᐊᑐᖅᖢᓂ ᓄᓇᓕᖕᓂ ᑮᓇᐅᔭᐅᑉ ᐅᖓᑎᓗᐊᖓᓄᑦ. ᓄᓇᖃᖅᑳᖅᓯᒪᔪᑦ ᓄᓇᕐᔪᐊᕐᒥ ᑕᑯᓐᓈᖅᑕᐅᑎᓪᓗᒋᑦ ᑮᓇᐅᔭᓕᐅᕋᓱᐊᕈᑎᓄᑦ, ᐃᓄᒐᓇᐃᑦ ᐃᓅᓚᐅᖅᓯᒪᔪᑦ ᐊᒻᒪ ᕼᐃᐅᓪᑕᓐ ᖃᐅᔨᒪᔭᒥᓂᒃ ᖃᐅᔨᒪᔭᒥᓂᒡᓗ ᑐᓴᖅᑎᑦᑎᑎᓪᓗᒍ, ᓇᖕᒥᓂᖃᕐᓂᕐᒥᒃ ᖁᓱᔪᓐᓃᕐᓗᓂ ᐊᒻᒪ ᐃᓅᓯᖓ ᑎᑭᑉᐸᓪᓕᐊᓕᕐᒥᓗᓂ. 

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.