"ᐅᓂᒃᑳᕋ ᑎᒍᔭᕆᐊᖃᕐᓂᕈᒃᑯ, ᖁᕕᐊᓱᖕᓂᐅᓇᔭᖅᑐᖅ ᐊᒻᒪ ᐅᐃᒻᒪᒃᓴᕋᐃᓪᓗᓂ, ᓄᑕᕋᑯᓗᒃ ᑕᕐᓂᖃᕈᓐᓃᓚᐅᖅᑐᖅ ᖃᓄᕐᓗ ᓇᓂᓐᓂᕐᒪᖔᒍ ᓄᓇᓕᐸᐅᔭᕐᒥ." ᑕᐃᓇ ᒫᓚᑦ, ᐳᐊᑦ ᔫᓂᐊᓐᑯᓐᓂᑦ, ᐋᓐᑎᐅᕆᐅᒥᑦ, ᓱᕈᓯᐅᔪᖅ ᔮᒪᓐ ᐊᓈᓇᖓᓂᑦ ᐊᒻᒪᓗ ᐊᒥᐊᖅᓯᒪᔪᖅ ᕗᑦᓚᓐ ᒥᑕᔅ ᐊᑖᑕᖓ ᐅᖃᐅᓯᖃᓚᐅᖅᑐᖅ ᐱᕈᑉᐸᓪᓕᐊᓂᖏᓐᓂᑦ ᐊᒻᒪᓗ ᖃᓄᖅ ᐅᓪᓗᒥᒧᑦ ᑎᑭᓐᓂᖏᓐᓂᑦ.

lemonade−ᑯᓐᓂᙶᖅᑐᖅ ᐊᒻᒪ ᐸᐃᕆᔨᑦ ᓂᕆᔭᖅᑐᕐᕕᖕᒧᑦ ᐊᒻᒪ ᑭᖑᓂᐊᒍᑦ ᓂᕆᔭᖅᑐᖅᖢᑎᒃ, ᑕᐃᓇᐅᑉ ᐊᖅᑯᑎᒋᓂᐊᖅᑕᖓ ᑭᒡᒐᖅᑐᐃᔾᔪᑕᐅᓚᐅᖅᐳᖅ, ᓇᖕᒥᓂᖅ ᐱᕙᓪᓕᐊᓪᓗᓂ, ᐊᒻᒪ ᐃᓕᑦᑎᓐᓇᖅᖢᓂ ᐱᔪᒃᓯᓂᕆᔭᕐᓂᒃ ᐊᒻᒪ ᑭᖑᓂᐊᒍᑦ ᓯᕗᒻᒧᐊᒃᐸᓪᓕᐊᓂᕐᒥᒃ, ᑭᓯᐊᓂ ᑭᖑᓂᐊᒍᑦ ᐊᔾᔨᒌᒃᑎᑦᑎᓂᕐᒥᒃ. ᑕᐃᓇ ᑕᖃᓪᓗᓂ ᐱᒋᐊᕐᓂᖓᓂ ᓄᖅᑲᖓᓚᐅᑲᒃᖢᓂᓗ ᑕᐅᑐᒃᓗᓂ.

"ᓄᑖᖑᒍᕕᑦ ᐃᓅᒍᕕᑦ, ᐱᒋᐊᕈᑎᑦ ᐊᓕᐊᓇᐃᑦᑐᓐᓇᖅᑐᑦ ᐃᓕᖕᓄᑦ, ᑭᓯᐊᓂ ᑕᖃᓚᐅᖅᑐᖓ ᐃᑲᔪᖅᓱᖅᑕᐅᓚᐅᙱᓐᓇᒪ ᑐᓗᖅᑕᕈᑎᖃᓚᐅᙱᓐᓇᒪᓘᓐᓃᑦ ᐱᕈᖅᐸᓪᓕᐊᓂᐅᑉ ᒥᒃᓵᓄᑦ. ᐅᕙᓐᓄᑦ ᐱᒻᒪᕆᐅᓕᓚᐅᖅᑐᖅ ᐃᓱᒪᒋᓂᐊᕐᓗᒍ ᖃᓄᖅ 7-ᓂᒃ ᐅᑭᐅᓕᒃ ᓇᖕᒥᓂᖅ ᐃᓱᒪᓇᔭᕐᒪᖔᑦ ᓂᒡᓕᓇᕐᓂᖓᓂᒃ."

ᑕᐃᓇ ᖃᐅᔨᓚᐅᖅᑐᖅ ᖁᕕᐊᓱᖕᓂᕐᒥ ᐃᖅᑲᓇᐃᔭᕐᓂᕐᒥ ᓂᕐᔪᑎᓂ ᑲᒪᒋᔭᖃᖅᑐᓂ ᓂᕐᔪᑎᓂᑦ, ᒪᒥᒃᑲᓐᓂᕐᖢᓂ ᐊᕚᕐᓂᕐᒥ ᓄᓇᕐᔪᐊᒥ ᖃᓂᒻᒪᒍᑕᐅᕙᓪᓕᐊᑎᓪᓗᒍ ᖃᕋᓴᐅᔭᒃᑯᑦ ᐃᓕᑦᑎᓂᕐᒧᑦ ᐱᕕᒃᓴᐅᔪᓂᑦ ᓇᖕᒥᓂᖅ ᓴᓇᓚᐅᖅᑕᖏᓐᓂ, "ᐅᖃᕆᐊᖃᓚᐅᙱᑦᑐᖓ ᑭᓇᑐᐃᓐᓇᕐᒥᑦ ᓴᖅᑭᑎᓪᓗᒍᓘᓐᓃᑦ ᐃᓐᔅᑕᒍᐊᒻᒥ. ᐅᕙᓐᓄᑐᐊᖑᓚᐅᖅᑐᖅ ᐊᒻᒪᓗ ᐊᔾᔨᒌᖏᓐᓂᖃᓚᐅᖅᑐᖅ ᑕᐃᒪᓐᓇᓗ ᖁᕕᐊᓱᓕᓚᐅᖅᑐᖓ."

ᓄᑖᖅ ᐃᖅᑲᓇᐃᔮᓄᑦ ᐱᕙᓪᓕᐊᓂᖅ ᒪᓕᒐᔭᖅᑐᖅ ᕈᐃᐅᓪ ᐹᓐᒃᒥ ᐃᓚᒋᔭᐅᓗᓂ ᓄᓇᖃᖅᑳᖅᓯᒪᔪᓄᑦ ᐃᓄᖕᓄᑦ ᐱᕙᓪᓕᐊᓂᕐᒧᑦ ᐱᓕᕆᐊᓂᑦ, ᒪᕐᕉᓐᓄᑦ-ᐊᕐᕌᒍᓐᓄᑦ ᐱᓕᕆᐊᖅ ᓂᑭᑦᑖᖅᑎᑦᓯᓂᕐᒥᑦ ᐃᖅᑲᓇᐃᔭᕐᓂᕐᒥᑦ ᑮᓇᐅᔭᒃᑯᕕᒻᒥᑦ ᑮᓇᐅᔭᓕᐅᕋᓱᐊᖏᑦᑐᓂᓪᓗ, ᐊᑐᐃᓐᓇᐅᑎᑦᓯᓂᕐᒥᑦ ᐊᔾᔨᒌᖏᑦᑐᓂᑦ ᐃᓱᒪᒋᔭᖏᓐᓂᑦ ᓴᓂᒨᖓᔪᓂᓪᓗ ᐃᖅᑲᓇᐃᔮᖃᕐᓂᕐᒧᑦ ᐊᐅᓚᓂᖏᓐᓂᑦ.

"ᐃᓚᐅᖃᑕᐅᖏᓐᓇᐅᔭᖅᑐᖓ ᐃᓅᖃᑎᒌᖕᓂᕐᒧᑦ ᐊᒃᑑᑎᔪᓂᑦ ᐊᐅᓚᓂᕐᓂ. ᕈᐃᐅᓪ ᐹᓐᒃ-ᑯᑦ, #IamRemarkable, ᐃᓕᓐᓂᐊᖅᓯᓐᓈᑦ ᑲᑎᒪᓯᓐᓈᑦ ᐃᓕᓐᓂᐊᖅᑎᑦᑎᓪᓗᑎᒃ ᐃᓄᖕᓂᒃ ᐅᖃᓪᓚᒍᓐᓇᕐᓂᕐᒥᒃ ᐊᓂᒍᖅᑎᓯᒪᔭᖏᓐᓂᒃ ᐊᒻᒪ ᖁᓱᔪᓐᓃᖅᐹᓪᓕᖅᑎᑦᑎᓪᓗᑎᒃ ᐃᖅᑲᓇᐃᔭᕐᕕᖕᒥ."

ᐃᓚᒋᔭᐅᑦᑎᐊᕐᒥᔪᑦ Royal Eagles−ᑯᓐᓄᑦ, ᑭᒡᒐᖅᑐᐃᓪᓗᑎᒃ ᐅᔾᔨᕆᔭᐅᓕᖅᑎᑦᑎᓂᕐᒥᒃ ᒪᕐᕉᖕᓂᒃ−ᑕᐅᑐᒐᖃᙱᑦᑐᓂᒃ ᑕᑯᔪᓐᓇᖅᓯᓗᑎᒃ ᐊᑐᐃᓐᓇᕈᖅᑎᑦᑎᓗᑎᒡᓗ ᓄᓇᖅᑲᑎᒌᓂᒃ ᓄᓇᖃᖅᑳᖅᓯᒪᔪᓂᒃ ᕈᐃᐅᓪ ᐹᓐᒃᒥ.

ᑕᐃᓇ ᐃᓕᑦᑎᓚᐅᖅᑐᖅ ᕿᒥᕐᕈᔨᐅᓂᕐᒥᒃ, ᓲᕐᓗ ᐱᓕᕆᐊᒃᓴᓄᑦ ᐊᐅᓚᑦᑎᔨᐅᓪᓗᓂ ᐱᓕᕆᔾᔪᑎᓄᑦ ᐊᒻᒪᓗ ᑲᓇᑕᒥ ᕉᑦᔅ ᑕᐅᖅᓰᓂᕐᒧᑦ ᑮᓇᐅᔭᓕᐅᕋᓱᐊᙱᑦᑐᓄᑦ ᐃᓚᒋᔭᐅᓪᓗᓂ ᕈᐃᐅᓪ ᐹᓐᒃ-ᑯᓐᓄᑦ ᓂᑭᑦᑖᖅᖢᑎᒃ, ᑕᐅᑐᓪᓗᐊᑕᖅᑐᖅ ᓄᓇᖃᖅᑳᖅᓯᒪᔪᓂᒃ ᖃᐅᔨᓴᕐᓂᕐᒥᒃ, ᐊᑐᐊᒐᓂᒃ ᐊᒻᒪᓗ ᐃᓱᒪᒃᓴᖅᓯᐅᕈᓐᓇᑦᑎᐊᕐᓂᐅᔪᓂᒃ. ᐊᖅᑯᑎᐅᙱᖦᖢᓂ ᑕᐃᓇᐅᑉ ᐃᖅᑲᓇᐃᔮᖓᓄᑦ ᓇᖕᒥᓂᖅ ᐊᑑᑎᖃᖅᑐᓂᒃ ᐃᓕᑦᑎᔾᔪᑕᐅᓚᐅᖅᐳᖅ.

"ᖁᕕᐊᓱᖃᑦᑕᖅᓯᒪᔪᖓ, ᑭᓯᐊᓂ ᑐᕌᖅᑎᑦᑎᓯᒪᓪᓚᕆᖕᒪᑦ ᐃᓕᖅᑯᓯᖃᑎᒌᙱᑦᑐᓂᒃ ᓴᖅᑭᔮᕐᕕᐅᓂᕐᒥᒃ ᑕᒪᐃᓐᓂᒃ ᐱᐅᓯᑐᖃᓐᓂᒃ ᐊᒻᒪ ᐊᔾᔨᒌᙱᑦᑐᓂᒃ ᓴᓇᕝᕕᐊᓗᖕᓂ ᐱᓕᕆᐊᕆᖃᑦᑕᖅᓯᒪᔭᓐᓂᒃ ᐃᓕᑦᑎᕙᓪᓕᐊᖏᓐᓇᐅᔭᖅᖢᖓᓗ ᐃᓱᒪᒥᒃ."

ᓄᖅᑲᕐᓂᖅ ᐃᓕᓐᓂᐊᕐᕕᐊᓗᒻᒥᑦ ᐊᑦᑐᐃᓂᖃᓚᐅᖅᑐᖅ ᐅᑉᐱᕈᓱᓐᓂᕐᒥᑦ, ᓴᖅᑭᑎᑦᓯᓂᕐᒥᑦ ᓴᙱᓂᖃᖏᓐᓂᕐᒥᑦ ᒪᒥᑉᐸᓪᓕᐊᓂᕐᒥᓪᓗ ᑲᙳᓵᕆᓂᕐᒥᑦ ᐃᓕᓐᓂᐊᕐᓂᒃᑯᑦ. ᑕᐃᓇ ᐃᖅᑲᐅᒪᔪᖅ, "ᐱᓇᓱᐊᖅᓯᒪᓪᓚᕆᒃᑲᒪ ᐱᕕᒃᓴᐅᔪᓂᑦ ᐃᓕᓐᓂᐊᕋᔭᖅᑕᓐᓂᑦ, ᐃᑲᔪᕋᔭᕐᖢᓂᓗ ᐅᕙᓐᓂᒃ ᑭᒡᒐᖅᑐᐃᔪᓐᓇᕐᓗᖓ ᐊᓯᓐᓄᑦ." Hackathons ᐊᒻᒪ ᐊᐅᓚᐅᓯᕆᓂᕐᒧᑦ ᑲᑎᒪᓃᑦ ᐃᓕᓐᓂᐊᖅᑎᑕᐅᓚᐅᖅᐳᑦ ᑕᐃᓇ ᖃᓄᐃᓕᐅᖅᑎᑦᑎᑎᓪᓗᒋᑦ ᐸᕐᓇᐃᓂᕐᒥᒃ, ᓂᐅᕐᕈᑎᖃᕐᓂᕐᒥᒃ ᐊᓯᖏᓐᓂᒡᓗ ᐊᔪᖅᑕᐅᙱᑦᑐᓂᒃ.

"ᐃᓕᓐᓂᐊᖅᑎᑦᑎᓂᓪᓚᑦᑖᒥᒃ ᓄᖅᑲᖓᑎᑦᑎᑦᑕᐃᓕᒋᑦ ᓲᖃᐃᒻᒪ ᐃᓛᓐᓂᒃᑯᑦ ᐃᓅᖃᑎᒌᓄᑦ ᒪᑭᑕᓇᓱᐊᕐᓂᕐᒧᓪᓗ ᐱᔾᔪᑎᖃᓲᖑᖕᒪᑕ ᐅᐸᒍᓐᓇᙱᑕᕐᓂᒃ ᐃᒻᒪᖄᓘᓐᓃᑦ ᐃᓕᓐᓂᐊᕐᕕᓪᓚᑦᑖᑎᑐᑦ ᐃᓕᓐᓂᐊᕐᕕᐅᖅᑰᔨᙱᖦᖢᓂ. ᖃᓄᐃᙱᖦᖢᓂᓗ."

ᐅᖃᐅᔾᔪᐃᓂᖏᑦ ᒪᒃᑯᒃᑐᑦ ᓄᓇᒥᓂᒃ ᐊᐅᓪᓚᖁᔨᓪᓗᑎᒃ ᓯᓚᑦᑐᖅᓴᕐᕕᒡᔪᐊᒧᑦ? "ᐱᔭᕐᓂᕐᓴᖅᑎᑦᑎᔨᑦ, ᐱᖃᓐᓇᕆᔭᑎᑦ ᐅᖃᖃᑎᒋᓗᒋᑦ, ᓄᓇᓖᑦ ᖃᐅᔨᓗᒋᑦ ᐊᔾᔨᐸᓗᖏᓐᓂᒃ ᐱᒻᒪᕆᐅᒋᔭᖃᖅᑐᑦ ᐅᕝᕙᓘᓐᓃᑦ ᖁᕕᐊᒋᔭᖃᖅᑐᑦ. ᖃᐅᔨᓚᐅᖅᑐᖓᓕ ᐊᑕᖃᑎᒌᑦᑎᐊᕋᑦᑕ, ᐱᓗᐊᖅᑐᒥᒃ ᓄᓇᖃᖅᑳᖅᓯᒪᔫᓪᓗᑕ ᐅᕝᕙᓘᓐᓃᑦ ᐊᕐᓇᐅᓪᓗᑕ ᐅᕝᕙᓘᓐᓃᑦ ᐃᓄᐃᑦ ᐅᖃᑐᐃᓐᓇᕐᓗᑎᒃ, ᖃᓄᐃᓐᖏᑦᑐᖅ. ᓄᓇᓕᑦᑕᖃᐃᓐᓇᕐᓂᐊᖅᑐᖅ ᐃᓕᓐᓄᑦ. ᕿᓂᑐᐃᓐᓇᕆᐊᖃᖅᑕᐃᑦ."

ᑕᐃᓇ ᐃᓕᑦᑎᒃᑲᓐᓂᓚᐅᖅᑐᖅ ᓄᓇᓖᑦ ᓴᙱᓂᖏᓐᓂᒃ. "ᖃᐅᔨᓪᓚᕆᓚᐅᖅᑕᕋᓕ ᐃᖏᕐᕋᓂᕆᔭᖓᑦ ᐃᓄᑑᔭᕆᐊᖃᙱᓐᓂᖓᓂᒃ ᐅᕝᕙᓘᓐᓃᑦ ᐃᓄᑑᔭᕆᐊᖃᙱᓐᓂᖓᓂᒃ. ᓄᖅᑲᖓᓚᐅᑲᒍᓐᓇᖅᑎᑕᐅᕗᑎᑦ. ᑕᐃᒪᓐᓇᓗ, ᐅᖃᐅᑎᓇᔭᒻᒪᕆᒃᑕᒋᑦ ᐃᓄᐃᑦ ᐃᓅᓯᕐᓂ ᑕᕐᕋᖅᑐᕐᓗᒋᑦ ᑕᑯᑎᓪᓗᒋᓪᓗ ᖃᓄᑎᒋ ᓴᙱᑎᒋᖕᒪᖔᖅᐱᑦ."

ᐱᔪᓐᓇᖅᑐᑎᑦ, ᑭᓯᐊᓂ ᑐᓂᔪᓐᓇᕐᒥᔭᑦ, ᑕᐃᓇ ᓇᓗᓇᐃᖅᓯᓗᓂ, "ᐴᑦ ᑕᑖᖅᐸᑦ, ᐱᖃᓐᓇᕆᔭᐃᑦ ᐃᕐᖑᓯᕐᒥᒃ ᐲᖅᑎᑦᑎᔪᓐᓇᖅᑐᖅ ᐴᕐᒥᒃ ᐃᓕᖕᓄᑦ ᐃᑲᔪᕐᓗᑎᓪᓗ ᐃᖅᑲᐃᓯᓗᑎᑦ ᖃᓄᑎᒋ ᓴᙱᑎᒋᖕᒪᖔᖅᐱᑦ. ᐃᓄᑐᐃᓐᓇᐅᒐᑦᑕ, ᐊᒃᓱᕈᖅᑐᐃᓐᓇᐅᒐᑦᑕ. ᐊᒻᒪᓗ ᑕᒪᓐᓇ ᑕᐃᒪᐃᓕᖓᕗᖅ: ᒫᓐᓇ ᑕᐃᒪᐃᓕᖓᔪᑦ. ᐃᓕᖕᓂᒃ ᓄᑦᑐᕈᓐᓇᙱᒃᑯᕕᑦ, ᐊᐱᕆᓗᑎᑦ ᑭᓇᒥᑭᐊᖅ ᐃᑲᔪᖅᑕᐅᔪᒪᓗᑎᑦ, ᖃᓄᐃᙱᑦᑐᖅ ᑕᐃᒪᐃᓕᐅᕆᐊᒃᓴᖅ."

"ᐊᐱᕆᒋᑦ. ᐱᐅᙱᓛᖓ ᓴᖅᑭᕐᓂᐊᖅᑐᖅ ᐋᒡᒑᖅᑐᖃᕐᓂᐊᖅᑐᖅ, ᖃᓄᐃᒐᓂᓗ, ᐊᓯᓐᓄᑦ ᐊᐱᕆᑐᐃᓐᓇᕈᓐᓇᕋᕕᑦ. ᓄᓇᑐᐃᓐᓇᕐᒥ ᐃᖏᕐᕋᓂᐅᖕᒪᑦ ᐊᖏᕐᕋᒧᑦ ᐊᐅᓪᓚᕐᓂᐊᕐᓗᓂ, ᑭᓯᐊᓂ ᖁᕕᐊᓇᑦᑎᐊᖅᑐᖅ. ᐃᓄᐃᑦ ᐊᑐᖁᑐᐃᓐᓇᖅᑕᒃᑲ ᖁᕕᐊᒋᔭᒥᓐᓂᒃ ᐊᒻᒪᓗ ᓇᓪᓕᒋᔭᒥᓐᓂᒃ ᐊᒻᒪᓗ ᐱᔾᔪᑎᖃᓕᕐᓗᑎᒃ ᐊᖏᕐᕋᕋᐃᒻᒪᑕ, ᑕᒪᓐᓇ ᖁᕕᐊᓇᕐᒪᑦ. ᓇᓂᓯᓗᑎᑦ ᓄᓇᓕᖕᒥ ᑕᖅᑳᓂ ᐃᑲᔪᕈᒪᔪᒥᒃ ᐃᓕᖕᓂᒃ ᐊᒃᓱᕈᕐᓇᖅᑐᒃᑰᖅᑎᓪᓗᑎᑦ ᓲᖃᐃᒻᒪ ᐃᓄᐃᑦ ᐃᑲᔪᕈᒪᖕᒪᑕ." “

ᑕᐃᓇᐅᑉ ᑲᔪᖏᖅᓴᐃᔨᖓ ᑐᕋᕗᐅᑉ ᐅᖃᐅᓯᖏᑦ ᐃᑲᔪᓚᐅᕐᒥᔪᑦ, "ᑖᓇ, ᖃᐅᔨᒪᖏᑦᑐᖓ ᑭᖑᓪᓕᖅᐹᒥ ᐅᖃᖅᑐᖃᕐᓂᕐᒪᖔᑦ ᐃᓕᓐᓄᑦ, ᑭᓯᐊᓂ ᐊᑕᖏᖅᑐᑎᑦ, ᐊᒻᒪ ᐊᑑᑎᖃᖅᑐᑎᑦ." ᑖᒃᑯᐊ ᐅᖃᐅᓰᑦ ᐊᑯᓂᐊᓗᒃ ᐊᒃᑐᐃᓂᖃᓚᐅᖅᑐᑦ, ᑕᐃᓇ ᐅᖃᐅᓯᖃᓚᐅᖅᑐᖅ, "ᖃᐅᔨᒪᓚᐅᙱᑦᑐᖓ ᑕᐃᔅᓱᒪᓂ ᐊᐳᒻᒥᒃ ᐊᒃᑐᐃᓂᖃᕐᓂᐊᕐᓂᖓᓂᒃ ᐅᕙᓐᓄᑦ, ᑭᓯᐊᓂ ᑕᐃᒪᐃᓚᐅᖅᑐᖅ. ᐃᓅᓪᓗᑕ ᐃᓕᓐᓂᐊᖅᑎᑕᐅᖃᑦᑕᕋᑦᑕ ᐱᕈᖅᐸᓪᓕᐊᖏᓐᓇᕐᓂᕐᒥᒃ ᐱᕈᖅᐸᓪᓕᐊᔪᒪᓂᕐᒥᒡᓗ, ᐳᐃᒍᕐᓗᑎᓪᓗ ᖃᓄᐃᖖᒋᓐᓂᕐᓂᒃ."

"ᐊᒃᓱᕈᕐᓇᖅᑐᒦᓕᕈᕕᑦ ᐅᕝᕙᓘᓐᓃᑦ ᐊᑦᑎᒃᑐᒦᒃᑯᕕᑦ, ᐅᑎᕐᓗᑎᑦ ᐊᑐᒐᔪᒃᑐᓄᑦ, ᐊᓂᖅᑎᕆᓗᑎᑦ, ᐃᒥᕐᓗᑎᑦ, ᓂᕆᑎᓪᓗᑎᑦ, ᑎᒦᑦ ᐊᐅᓚᑎᓪᓗᒍ. ᑕᒪᓐᓇ ᐃᖃᐃᓕᓴᕈᑕᐅᔭᕆᐊᖃᙱᑦᑐᖅ. ᒧᒥᕐᓂᐅᔪᓐᓇᖅᑐᖅ, ᐃᙱᕈᓐᓇᖅᑐᖅ, ᑭᓯᐊᓂ ᐃᓕᖕᓂᒃ ᓴᖅᑭᑎᑦᑎᔾᔪᑎᒋᔪᓐᓇᖅᑕᑦ."

ᑕᐃᓇᐅᑉ ᑐᐊᕕᕐᓇᖅᑐᓄᑦ ᐊᐅᓚᑦᑎᓂᕐᒧᑦ ᐃᑲᔫᑎᒃᓴᖏᑦ ᑕᑯᒃᓴᐅᑎᑦᑎᔪᑦ ᒪᔅᓘᑉ ᖁᑦᑎᒃᓯᕙᓪᓕᐊᓂᖏᓐᓂᒃ ᐱᔭᕆᐊᓕᖏᓐᓂᒃ ᑭᓯᐊᓂ ᐊᑐᓕᖁᔨᖕᒥᔪᑦ ᐱᖅᑯᓯᑐᖃᒃᑯᑦ ᖃᐅᔨᒪᓂᕐᒥᒃ ᓲᕐᓗ ᐃᓱᒪᒥᐅᑕᖃᑦᑎᐊᕐᓂᕐᒥᒃ, "ᑕᐅᑐᒐᖃᓪᓗᐊᑕᕐᓗᑎᒃ ᒥᑭᑦᑐᓂᒃ ᐃᓱᒪᒥᐅᑕᖃᑦᑎᐊᕐᓂᕐᒥᒡᓗ. ᓱᒃᑲᐃᒡᓕᕚᓪᓕᕐᓗᑎᑦ ᐃᓕᖕᓂᒃ ᐃᑲᔪᖅᖢᓂᓗ... ᐱᔪᒃᓯᑎᑦᑎᑦᑎᐊᑲᑕᙱᒃᑯᕕᑦ, ᐃᓱᒪᒥᐅᑕᖃᑦᑎᐊᙱᓪᓗᑎᑦ, ᓄᖅᑲᕐᓗᑎᑦ ᐊᒻᒪ ᓲᕐᓗ ᓯᕿᓐᓂᖅᑎᓪᓗᒍ ᐅᓐᓄᐊᒃᑯᑦ ᐅᕝᕙᓘᓐᓃᑦ ᓄᓇᕋᙳᐊᕐᒥᒃ ᓇᐃᑲᑕᒡᓗᑎᑦ, ᐱᓱᔪᒡᓗᑎᑦ ᐅᖄᓚᓗᑎᓪᓗ ᓇᒃᓴᑲᑕᙱᓪᓗᑎᑦ, ᓈᓚᒡᓗᑎᑦ ᓄᑖᒥᒃ podcast−ᒥᒃ ᐊᒻᒪ ᐃᔩᒃᑭᒃ ᒪᑐᓗᒋᑦ ᓈᓚᑐᐃᓐᓇᕐᓗᑎᓪᓗ. ᐃᓱᒪᒃᓴᖅᓯᐅᕆᑦ."

ᑕᐃᓇᐅᑉ ᐅᖃᐅᓯᒃᓴᕐᔪᐊᖓ ᓄᓇᕐᔪᐊᕐᒧᑦ ᑎᓕᐅᕆᔾᔪᑕᐅᖃᑕᐅᕗᖅ. "ᑭᒃᑯᓕᒫᑦ ᖃᐅᔨᒪᖁᑐᐃᓐᓇᖅᑕᒃᑲ ᐊᖏᖅᑕᐅᓯᒪᑦᑎᐊᕐᓂᖏᓐᓂᒃ ᑕᐃᒪᐃᒻᒪᑕ ᐊᒻᒪ ᓇᓂᓯᓂᐊᕐᒪᑕ ᐃᓂᒃᓴᒥᓂᒃ ᓄᓇᕐᔪᐊᕐᒥ. ᐃᓱᒪᐃᑦ ᑕᐅᑐᓪᓗᐊᑕᕐᓗᒍ, ᑎᒥᖕᓄᑦ, ᑕᕐᓃᑦ, ᐱᔾᔪᑎᒋᔭᐃᓪᓗ ᐊᒻᒪ ᑕᐃᒃᑯᐊ ᖃᐅᔨᒪᔾᔪᑎᑎᑦ ᐋᖅᑭᒃᓯᒪᑎᓪᓗᒋᑦ."

ᑕᒪᓐᓇ ᖁᕕᐊᓱᖕᓂᕆᔭᐅᔪᖅ ᐊᒻᒪᓗ ᓂᑲᒍᓱᒃᓴᕋᐃᖦᖢᓂ ᓄᑕᕋᑯᓗᒃ ᐊᓯᐅᔨᓚᐅᖅᑐᖅ ᑕᕐᓂᒥᓂᒃ ᐊᒻᒪᓗ ᓇᓂᓪᓗᒍ ᓄᓇᓕᐸᐅᔭᕐᒥ ᓱᓕᓪᓗᓂ ᓄᓇᖃᖅᑳᖅᑐᓄᑦ ᑲᔪᖏᖅᓴᐃᔨᐅᔪᖅ ᐊᒻᒪᓗ ᖃᐅᒪᑎᑦᑎᓪᓗᓂ ᐊᓯᒥᓄᑦ ᓯᓚᑐᓂᖏᓐᓄᑦ. ᑕᐃᓇ ᒫᓚᑦ ᖃᐅᔨᒪᓂᖃᑦᑎᐊᖅᑐᖅ ᑐᓴᖅᑎᑦᑎᓂᕐᒥᒃ ᓄᓇᕐᔪᐊᒥ ᐆᒻᒪᑎᒥᓂᒡᓗ ᓄᓇᖃᖅᑳᖅᓯᒪᔪᓄᑦ ᒪᒃᑯᒃᑐᓄᑦ.

ᖁᔭᓐᓇᒦᑦᑎᐊᕐᒥᔭᕋ ᐋᓕᓴᓐ ᑎᐊᑦᕗᑦ ᑦᓵᑦ ᑎᑎᕋᓚᐅᕐᓂᖓᓄᑦ ᑖᔅᓱᒥᖓ.