"ᐅᑭᐅᑭᓵᖅᖢᖓ, ᐊᒃᓱᕈᖅᑎᑕᐅᓪᓚᕆᓚᐅᖅᑐᖓ ᓇᖕᒥᓂᖃᕐᓂᕐᒥᒃ... ᓱᓕᓪᓗᖓ ᓇᖕᒥᓂᖅ ᑕᑯᓚᐅᙱᓐᓇᒪ ᖃᓄᐃᓕᐅᕐᓂᕐᒥᒃ, ᓲᖃᐃᒻᒪ ᐱᐅᒋᒐᒃᑯ ᐃᓱᒪᒋᔭᐅᓂᖓ," ᐅᖃᐅᓯᖃᖅᐳᖅ ᑕᐃᕖᓇ ᒪᒃᓚᐅᑦᒥᒃ. ᐃᓅᓚᐅᖅᓯᒪᔪᖅ ᐊᒻᒪᓗ ᐱᕈᖅᓴᓪᓗᓂ ᐊᒃᓚᕕᒃᒥ, ᓄᓇᑦᓯᐊᕐᒥ 15-ᖑᕋᓱᐊᕐᓂᖓᓂ, ᓅᒻᒪᑦ ᐅᐊᐃᑦᕼᐅᐊᔅᒧᑦ ᐃᓕᓐᓂᐊᕆᐊᖅᑐᓂ ᐊᒻᒪᓗ ᕼᐋᑭᕆᐊᖅᑐᖅᑐᓂ. ᑖᓐᓇ Gwichin ᐊᒻᒪᓗ ᐃᓄᕕᐊᓗᐃᑦ, ᐱᕈᖅᓴᓚᐅᖅᑐᖅ ᓇᒻᒥᓂᕋᓛᖁᑎᓕᓐᓄᑦ ᐅᖁᒪᐃᑦᑐᓂᒃ ᓄᓇᓯᐅᑎᓂᒃ ᐃᖅᑲᓇᐃᔭᖃᑦᑕᖅᑐᓄᑦ. ᐱᕈᖅᓴᓪᓗᓂ, ᐃᖅᑲᐅᒪᔪᖅ ᐊᓈᓇᖓ ᑭᐳᖓᓃᖃᑦᑕᕐᓂᖓᓂᒃ ᐸᐃᑉᐹᓂᒃ ᐊᒻᒪ ᓇᖕᒥᓂᖅ ᑭᐳᖓᓃᖦᖢᓂ ᐊᓕᓚᔪᕐᓂᒃ ᐱᓯᒪᓪᓗᓂ ᐊᓈᓇᒥᓂᒃ.

ᒪᒃᑯᒃᑑᓪᓗᓂ, ᒪᒃᓚᐅᑦ ᐊᖓᔪᖅᑳᒥᓄᑦ ᐃᖅᑲᓇᐃᔭᓚᐅᖅᓯᒪᕗᖅ ᑭᖑᓂᐊᒍᓪᓗ ᐱᔭᕇᖅᓯᔾᔪᓯᐊᖅᖢᓂ ᓇᖕᒥᓂᖃᕐᓂᕐᒧᑦ ᐊᐅᓚᑦᑎᓂᕐᒥᒃ ᐊᐅᓚᑦᑎᓂᕐᒥᒡᓗ. "ᑐᓴᕈᒪᑦᑎᐊᓚᐅᖅᑐᖓ ᖃᓄᖅ ᑐᑭᖃᕐᒪᖔᑦ ᓄᓇᖃᖅᑳᖅᓯᒪᔫᓗᓂ, ᖃᓄᐃᓕᐅᕈᓐᓇᖕᒪᖔᓪᓗ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓄᑦ," ᐃᖅᑲᐅᒪᔪᖅ. ᐅᓪᓗᒥ, ᐃᖅᑲᓇᐃᔭᖃᑦᑕᖅᑐᖅ ᓄᓇᓕᖕᓂ ᐱᓕᕆᖃᑎᖃᕐᓂᕐᒧᑦ ᐊᐅᓚᑦᑎᔨᐅᓪᓗᓂ ᐊᒻᒪ ᑎᑎᕋᕐᕕᖕᒥ ᐊᐅᓚᑦᑎᔨᐅᓪᓗᓂ Casino Mining Corporation-ᑯᓐᓄᑦ ᐊᒻᒪ ᐅᓪᓘᑉ ᐃᓚᐃᓐᓇᖓᓄᑦ ᐱᓕᕆᕙᒃᖢᓂ ᖃᐅᔨᓴᖅᑎᐅᑉ ᐃᑲᔪᖅᑎᖓᓄᑦ ᑯᐃᓐ ᓯᓚᑦᑐᖅᓴᕐᕕᒡᔪᐊᖓᓂ ᐊᒻᒪ ᓄᓇᖃᖅᑳᖅᓯᒪᔪᑦ ᕼᐋᑭᖅᑎᖏᓐᓂᒃ ᖃᐅᔨᓴᕐᓂᕐᒧᑦ ᐱᓕᕆᖃᑎᒌᓂᒃ.

ᕼᐋᑭᕐᓂᖅ ᐃᓚᒋᔭᐅᕐᔪᐊᖅᓯᒪᔪᖅ ᒪᒃᓚᐅᑦ ᐃᓕᓐᓂᐊᕐᓂᖓᑕ ᐃᖏᕐᕋᓂᕆᔭᖓᓄᑦ. ᓄᓇᓕᕋᓛᒥᙶᖅᖢᓂ 600-ᑐᐃᓐᓇᕐᓂᒃ ᐃᓄᖕᓂᒃ, ᐃᓕᓐᓂᐊᑦᑎᐊᓚᐅᙱᑦᑐᖅ ᐊᒻᒪ ᐃᓱᒪᓪᓗᓂ ᑐᖁᖓᖅᑰᔨᓪᓗᓂ. ᐃᓕᓐᓂᐊᕆᐊᖃᑦᑕᕈᓐᓃᓚᐅᖅᑐᖅ ᒍᕋᐃᑦ 9-ᒥ ᑭᓯᐊᓂ ᐃᓕᓴᐃᔨᑦ ᐊᖓᔪᖅᑳᖓᑦ ᐅᖃᐅᔾᔨᒃᐸᑦ ᕼᐋᑭᕈᓐᓇᙱᓐᓂᕋᖅᖢᓂ ᑭᓯᐊᓂ ᐃᓚᐅᒃᐸᑦ. ᑕᐃᒪᓕ, ᐊᖓᔪᖅᑳᒥᓂᒃ ᐃᒃᓯᕙᓪᓗᓂ ᐊᒻᒪᓗ ᐅᖃᐅᑎᓪᓗᓂᒋᑦ ᕼᐋᑭᕈᒪᓂᕋᖅᑐᓂ ᐊᒻᒪᓗ ᐃᓕᓐᓂᐊᕈᒪᓂᕋᖅᑐᓂ ᐊᓯᐊᓂ. ᐅᐊᐃᑦᕼᐅᐊᔅ ᓈᒻᒪᑦᑎᐊᓚᐅᖅᑐᖅ ᐊᒻᒪᓗ ᐃᓕᓐᓂᐊᕇᕋᒥ, ᐃᓱᒪᓚᐅᖅᑐᖅ ᐃᖅᑲᓇᐃᔭᕆᐊᒃᓴᖅ ᐊᕐᕌᒍᒧᑦ ᑭᓯᐊᓂ ᓇᔭᖓ ᐃᑲᔪᓚᐅᖅᑐᖅ ᐱᓇᓱᐊᖅᑎᓪᓗᒍ ᓯᓚᑦᑐᖅᓴᕐᕕᒡᔪᐊᓄᑦ ᐊᒻᒪᓗ ᑎᓕᐅᕆᓪᓗᓂ ᐊᕐᕌᒍᒧ ᐆᒃᑐᕐᓗᓂ.

ᕼᐋᑭᖃᑕᐅᓕᓚᐅᖅᑐᖅ ᐊᒻᒪᓗ ᐃᓕᓐᓂᐊᕆᐊᖅᑐᓂ NAIT-ᒥ ᐃᐊᑦᒪᑕᒥ ᐊᒻᒪᓗ ᖁᕕᐊᒋᒻᒪᕆᑦᑕᖓ. ᐃᓕᑕᕆᔭᐅᔾᔪᑎᑖᓚᐅᖅᑐᖅ ᐊᒻᒪᓗ ᑲᔪᓯᔪᒪᓕᓚᐅᖅᑐᖅ, ᖃᐅᔨᒪᓪᓗᓂ ᐃᓕᓐᓂᐊᕐᕕᔾᔪᐊᒥ ᕼᐊᑭᐃᓐᓇᕈᓐᓇᕐᓂᕐᒥᓂᒃ. ᓯᓚᑦᑐᖅᓴᕐᕕᔾᔪᐊᕐᒥ ᐃᓕᓐᓂᐊᖅᑕᖏᑦ ᒪᓕᑦᑎᐊᓚᐅᕐᒪᑕ ᐱᔪᒪᔭᖏᓐᓂᒃ ᐱᔪᒃᓯᑎᑦᑎᓚᐅᕐᒥᔪᑦ ᐃᓕᓐᓂᐊᒃᑲᓐᓂᕈᒪᓪᓗᓂ.

ᐊᖏᕐᕋᒧᑦ ᐊᐅᓪᓚᑲᑕᓚᐅᖅᑎᓪᓗᒍ ᐃᖅᑲᓇᐃᔭᕆᐊᖅᖢᓂ ᐊᒻᒪ ᐃᓕᓐᓂᐊᕐᕕᖕᒥ, ᐅᖃᐅᔾᔪᐃᓂᖓ ᒪᒃᑯᒃᑐᓄᑦ ᐃᓱᒪᔪᓄᑦ ᑕᐃᒪᐃᓕᐅᕈᒪᓪᓗᓂ ᐃᑲᔪᖅᑕᐅᔪᒪᓪᓗᓂ ᓄᑖᒥ ᓄᓇᒥᓂᒃ ᐊᒻᒪ ᑲᑎᙵᓂᕆᔭᖏᑦ ᐊᖏᕐᕋᒧᑦ ᓴᙱᑏᓐᓇᕋᓱᒃᖢᒋᑦ. ᖃᐅᔨᒪᔪᖅ ᐊᐅᓪᓚᕐᓂᖅ ᓰᕐᓇᕈᓐᓇᖅᑑᒐᓗᐊᖅ ᑭᓯᐊᓂ ᖃᐅᔨᒪᓪᓗᓂ ᐊᖏᕐᕋᖓ ᐅᑕᖅᑭᓚᐅᕐᓂᖓᓂᑦ ᐊᔾᔨᒋᓇᔭᖅᑕᖓᓗ ᐅᑎᕈᓂ ᐃᖢᕐᕆᓕᕋᒥ. ᐃᓕᓐᓂᐊᕆᐊᕐᓗᓂ ᐅᑎᕈᓐᓇᖅᓯᓂᐊᕐᒪᑦ ᐃᑲᔪᖅᑕᐅᔭᖅᑐᕐᓗᓂᓗ. ᐃᓱᒪᓪᓗᓂ ᕿᑦᑕᐃᖓᓂᖓ ᓇᓂᓚᐅᖅᑕᖓ ᑮᓇᖓᓂ ᖃᐅᔨᒪᓚᐅᖅᑕᖓ ᑕᑯᐃᓐᓇᖃᑦᑕᕐᓂᐊᕐᓂᕐᒥᓂᒃ ᓄᓇᓕᖕᒥ, ᐅᑎᕈᒪᑦᑎᐊᕐᖢᓂ ᐊᓯᒥᓄᓪᓗ ᑕᑯᔭᐅᔪᒪᓕᕐᖢᓂ.

ᐱᕈᖅᓴᔭᐅᓪᓗᓂ ᓄᓇᖃᖅᑳᖅᓯᒪᔪᓂ ᓄᓇᓕᖕᓂ, ᐃᓂᖃᑦᑎᐊᓚᐅᖅᑐᖅ ᐊᒻᒪ ᓅᑦᑐᓐᓇᖅᓯᓪᓗᓂ ᓄᓇᓕᐸᐅᔭᕐᒧᑦ ᐅᓄᙱᓐᓂᖅᓴᐅᓕᖅᖢᓂᓗ ᐋᖅᑭᒋᐊᖅᑕᐅᓚᐅᖅᐳᖅ. ᒪᒃᓚᐅᑦ ᐅᐸᒃᑕᐅᑦᑕᐃᓕᒪᔭᕆᐊᖃᓚᐅᖅᑐᖅ ᐊᒻᒪ ᓲᖑᓵᖅᖢᓂ ᐱᕙᒌᔭᖅᓯᒪᙱᖦᖢᓂ. ᐃᓕᓐᓂᐊᕆᐊᖅᓯᒪᑎᓪᓗᒍ ᖃᓪᓗᓈᑦ ᓄᓇᖓᓐᓄᑦ ᐊᖏᕐᕋᖅᓯᓪᓗᓂ ᑐᙵᓱᑦᑎᑕᐅᑦᑎᐊᕋᓂᓗ, ᑭᓯᐊᓂ ᐊᔭᐅᖅᑕᐅᓚᐅᖅᑐᖅ ᐊᒻᒪ ᐃᓕᑕᕆᔭᐅᔾᔪᑎᑖᖅᑐᓂ, ᑲᑎᖃᑎᖃᖅᑐᓂ ᐃᓄᓐᓂᑦ ᐊᒻᒪ ᓄᑖᓂᑦ ᐊᑐᖅᓯᒪᓪᓗᓂ ᐊᒻᒪ ᖁᕕᐊᑦᑐᒻᒪᕆᐅᓪᓗᓂ ᐊᔅᓱᕈᖃᑦᑕᓚᐅᕐᒪᑦ ᐊᔅᓱᕈᕐᓇᖅᑐᒃᑰᕋᓗᐊᖅᑎᓪᓗᒍ.

ᓯᕗᓪᓕᕐᒥ, ᒪᒃᓚᐅᑦ ᑲᑉᐱᐊᓱᓚᐅᖅᑐᖅ ᐃᑲᔪᖅᑕᐅᔪᒪᓪᓗᓂ ᐃᓕᖅᑯᓯᓕᕆᕝᕕᖕᒥᑦ ᐃᓕᓐᓂᐊᕐᕕᖓᓂᑦ ᐅᑭᐅᖅᑕᖅᑐᒥᙶᕋᓱᒋᓚᐅᖕᒪᑦ ᐃᓂᒃᓴᐅᙱᖦᖢᓂ ᐊᓯᖏᓪᓗ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑎᑦ ᐊᔾᔨᒋᙱᑦᑎᐊᖅᖢᓂᐅᒃ. ᑐᓴᕋᒥ ᐅᖃᖃᑎᖃᖅᑐᒥᒃ ᐊᔾᔨᑦᑎᐊᖓᓂᒃ, ᖃᓱᖓᓕᓚᐅᖅᑐᖅ. ᑭᖑᒧᑦ ᑕᑯᓪᓗᓂ, ᐳᐃᒍᕋᓱᒋᔪᖅ ᖃᓄᖅ ᑐᙵᓱᒃᑎᑦᑎᓂᕐᒥᒃ ᓄᓇᖃᖅᑳᖅᓯᒪᔪᓂᒃ ᐊᒻᒪ ᐃᑲᔪᕈᒪᑦᑎᐊᕐᓂᖓᓂᒃ ᐊᒻᒪ ᑐᙵᓇᕐᓂᖓᓂᒃ ᓂᕆᐅᒍᓐᓇᕐᓂᖓᓂᒃ ᐃᖕᒥᓂᒃ ᑕᖅᑲᐅᖓᖅᓯᑦᑎᐊᕈᓂ ᑲᓲᑎᓂᕐᒧᑦ.

ᑐᓴᖅᑎᑦᑎᔪᓐᓇᕈᓂ ᒪᒃᑯᖕᓂᖅᓴᓄᑦ ᓇᖕᒥᓂᖅ ᐊᓐᓇᒍᓐᓇᕋᔭᕐᑐᖅ. ᐅᖃᐅᔾᔨᓯᒪᖁᔨᔪᖅ ᖃᓄᐃᖏᑦᑐᖅ ᖃᓄᐃᖏᑦᑐᖅ ᐊᒻᒪ ᓄᒫᓱᓪᓗᓂ, ᐃᓚᑎᑦ ᐃᓚᐃᖅᑐᕐᓗᒋᑦ. "ᓴᐱᓕᖅᓴᕋᐃᒋᐊᖃᙱᑦᑐᑎᑦ ᓴᙱᔫᔭᕆᐊᖃᙱᑦᑐᑎᓪᓗ ᑭᓱᓕᒫᓪᓗ ᑕᐃᒪᙵᓕᒫᖅ. ᒪᒃᑯᒃᓯᓕᓵᖅᑎᓪᓗᑎᑦ ᐃᓐᓇᕈᓕᖅᑎᓪᓗᑎᑦ ᐊᒻᒪᓗ ᐊᖏᓗᐊᕌᓗᒋᐊᖃᙱᖦᖢᑎᑦ ᓴᙱᔫᔭᕆᐊᖃᙱᖦᖢᑎᓪᓗ," ᒪᒃᓚᐅᑦ ᐅᖃᐅᔾᔨᓪᓗᓂ. ᑎᓕᐅᕆᔪᒪᓇᔭᖅᑐᖅ ᐃᓄᑦᑎᐊᕙᐅᓂᕐᒥᒃ ᐃᖕᒥᖕᓄᑦ ᓇᓂᓯᓗᓂᓗ ᖃᓄᐃᙱᑦᑎᐊᕐᓗᓂ ᕿᓄᐃᓵᕐᓂᕐᒧᑦ ᖃᓄᐃᓕᐅᕈᑕᐅᔪᒪᔪᓂᑦ.

ᐊᖏᖃᑎᖃᙱᒃᑲᓗᐊᖅᖢᓂ ᐊᒃᓱᕈᖅᑎᑕᐅᓂᕐᒥᒃ ᓴᐱᓕᖅᓴᕋᐃᙱᓐᓂᕐᒥᒃ, ᐱᔪᒃᓯᑎᑕᐅᕗᖅ ᓴᐱᓕᖅᓴᕋᐃᙱᓐᓂᕐᒥᒃ ᐃᓄᖁᑎᒥᓄᑦ ᓵᑦᑎᐊᕐᒥᐅᑕᖃᓕᕌᖓᒥ ᖃᓪᓗᓈᖑᖃᑎᒌᙱᑦᑐᓂᒃ. ᒪᒃᓚᐅᑦ ᐱᔪᒃᓯᑎᑕᐅᕙᒃᑭᕗᖅᑕᐅᖅ ᒪᒃᑯᒃᑐᓄᑦ−ᐱᔨᑦᑎᕋᖅᑎᓄᑦ ᑲᑐᔾᔨᖃᑎᒌᓄᑦ, ᓄᓇᖃᖅᑳᖅᑐᓄᑦ ᑲᑐᔾᔨᖃᑎᒌᓄᑦ, ᐃᑦᑐᒃᑯᖏᑕᓗ/ᐊᑖᑕᑦᑎᐊᒃᑯᖏᓐᓄᑦ ᓱᓕ ᐊᓂᕙᒃᑐᓂᒃ ᐸᑎᐅᔭᕐᓂᒡᓗ ᖃᐅᑕᒫᑦ. "ᐃᓚᒃᑲ ᑕᑯᕙᒃᑕᒃᑲ ᐊᒻᒪ ᓄᓇᖃᖅᑳᖅᓯᒪᔪᑦ ᓄᓇᖏᑦ ᑭᒃᑯᓕᒫᓪᓗ ᓱᓕ ᐆᒪᐃᓐᓇᖅᑐᑦ. ᑕᒪᓐᓇ ᑐᓱᓇᖅᑐᒻᒪᕆᐅᓱᒋᕙᕋ, ᐃᓄᐃᑦ ᐊᔅᓱᕈᖅᑐᒻᒪᕆᐅᕙᒻᒪᑕ ᐊᒻᒪ ᓱᓕ ᑎᒍᓯᔪᓐᓇᖅᑐᑎᒃ, ᓇᒻᒥᓂᖅ ᓴᓇᓪᓗᑎᒃ ᐊᒻᒪ ᑭᖑᕐᖓᓐᓂᑦ. ᐱᔪᒃᓯᑎᑕᐅᖏᓐᓇᐅᔭᖅᑰᖅᑐᖓ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓄᑦ ᐊᕙᑎᑦᑎᓐᓃᑦᑐᓄᑦ," ᐅᖃᙳᐊᖅᑐᖅ.

ᖃᐅᑕᒫᑦ ᐃᖅᑲᓇᐃᔭᖅᑎᓪᓗᒍ, ᒪᒃᓚᐅᑦ ᓄᓇᓕᖕᓄᐊᖃᑦᑕᖅᑐᖅ ᐅᖃᐅᓯᖃᕆᐊᖅᑐᖅᖢᓂ ᐃᖅᑲᓇᐃᔭᕐᕕᖓᑕ ᐱᓕᕆᐊᒃᓴᖓᓂ ᑭᒃᑯᓕᒫᓂᒡᓗ ᑐᓴᐅᒪᑎᑦᑏᓐᓇᖅᖢᓂ ᖃᓄᐃᓕᐅᓕᖕᒪᖔᑦ. ᐊᕝᕙᐃᓐᓇᖓᓂ ᕿᒪᐃᓯᒪᑎᓪᓗᒍ ᓵᒥ ᐅᖃᐅᓯᖃᖅᑐᓂ ᑲᑐᔾᔨᖃᑎᒌᓐᓂᕐᒥᑦ ᐊᒻᒪ ᓴᖅᑭᑎᑦᑎᓪᓗᓂ ᐱᕕᔅᓴᐅᔪᓂᑦ ᐃᖅᑭᓖᑦ ᓄᓇᓕᖏᓐᓄᑦ ᐃᖅᑲᓇᐃᔭᓂᕐᒧᑦ ᐊᒻᒪ ᐃᓚᖏᑦ ᓵᖓᓃᑦᑐᑦ ᐊᐅᓚᑦᑎᑦᑎᐊᖏᓐᓇᓂᕐᒥᑦ. ᐊᔾᔨᐅᙱᑦᑐᒥᑦ ᐃᓱᒪᒋᔭᖓᓂᑦ ᑐᓂᓯᕗᖅ ᓇᖕᒥᓂᖁᑎᓕᖕᓂᑦ ᐊᔾᔨᒌᙱᑦᑑᑎᓂᑦ.

ᐊᐅᓚᓐᓂᐊᕐᓗᒍ ᐃᓱᒪᒃᑯᑦ ᖃᓄᐃᙱᑦᑎᐊᕐᓂᖓ ᑎᒥᒃᑯᓪᓗ ᖃᓄᐃᙱᑦᑎᐊᕐᓂᖓ, ᖁᕕᐊᒋᔭᖃᖅᑐᖅ ᓂᒡᓚᓱᒃᑐᒥ ᕐᑳᖓᓂ ᐊᒻᒪ ᐅᕕᓂᖕᓂᐊᕐᓂᕐᒥᒃ ᐃᑲᔪᕐᖢᓂ ᓯᕘᕋᓂᕐᒥᒃ ᐅᐃᒻᒪᒃᓴᕋᐃᓐᓂᕐᒥᓂᒡᓗ. ᓄᕙᖕᓂᐅᔪᖅ ᐃᑲᔪᖃᑦᑕᖅᑐᖅ ᐃᓱᒪᖓ ᑎᒥᖓᓗ ᐋᖅᑭᒃᑲᓐᓂᖅᖢᓂᐅᒃ.  ᒪᒃᓚᐅᑦ ᐊᓃᓚᐅᑲᖃᑦᑕᕐᒥᔪᖅ ᐱᓱᒋᐊᖅᑐᖅᐸᒃᑭᓪᓗᓂ. ᐅᖃᖃᑎᖃᕐᒥᔪᖅ ᐃᓱᒪᓕᕆᔨᒻᒪᕆᖕᒧᑦ, ᐃᑲᔫᑎᖃᕐᓂᖓᓂᒃ ᓇᓂᓯᓪᓗᓂ, ᖁᔭᓕᒐᓗᐊᖅᖢᓂ ᐅᖃᖃᑎᖃᕈᓐᓇᕐᓂᕐᒥᓂᒃ ᐱᖃᓐᓇᕆᔭᒥᓄᑦ ᖃᑕᙳᑎᖏᓐᓄᓪᓗ. "ᐃᓄᖕᒧᑦ ᖃᓂᓐᓂᖅᓴᒧᑦ ᐅᖃᓪᓚᖕᓂᖅ ᖃᑯᒍᒃᑲᓐᓂᐅᙱᖔᖅᑐᖅ ᐱᐅᔪᒻᒪᕆᐅᕗᖅ ᖃᓄᐃᓕᐅᖅᑕᐅᔪᒪᓪᓗᓂ ᐊᑐᓕᖅᑎᑦᑎᓂᐊᕐᓗᓂ ᐃᓅᓯᕐᓄᑦ," ᑎᓕᐅᕆᕗᖅ.

ᐊᓯᖏᑎᑐᑦ ᐊᒃᓱᕈᕐᓂᖅᓴᐅᖅᑰᔨᖕᒪᑕ ᑕᐃᒪᐃᒻᒪᑦ ᐱᔾᔪᑎᑕᖃᙱᓚᖅ ᐃᑲᔪᖅᑕᐅᔪᒪᓗᓂ ᒪᒃᓚᐅᑦ ᑎᓕᐅᕆᔾᔪᑕᐅᕗᖅ ᐃᓄᖕᓄᑦ ᐊᔭᐅᖅᑐᐃᓂᕐᒧᑦ ᑭᖑᓂᑦᑎᓐᓂᑦ ᐃᑲᔪᖅᑕᐅᔪᒪᓗᑎᒡᓗ. "ᑭᓇᑐᐃᓐᓇᑦᑎᐊᒥᒃ ᐊᑐᖅᑐᖃᐃᓐᓇᐅᔭᕐᓂᐊᖅᑐᖅ ᐱᐅᙱᓐᓂᖅᓴᒥᒃ ᐃᓕᖕᓄᑦ. ᑕᒪᓐᓇ ᐱᔾᔪᑎᐅᖅᑰᖏᒻᒪᑦ ᐃᒻᒥᓂᒃ ᑲᒪᒋᓇᓱᙱᖦᖢᓯ ᐱᔪᓐᓇᕐᓂᓕᒫᕐᓂᒃ, ᐃᑲᔫᑎᒃᓴᖃᕈᕕᑦ," ᒪᓂᒪᑎᑦᑎᔪᖅ. ᐃᒻᒥᓂᒃ ᑲᒪᒋᑦᑎᐊᕐᓗᓂ, ᑕᑯᑎᑦᑎᔪᓐᓇᖅᐳᖅ ᖃᓄᖅ ᐱᓕᕆᐊᕆᔪᒪᖕᒪᖔᕐᒥᓂ ᐃᓅᖃᑎᒥᓂᒡᓗ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.