"ᐅᓄᙱᒻᒪᑕ ᓄᓇᖃᖅᑳᖅᓯᒪᔪᑦ ᐊᕐᓇᐃᑦ ᓇᖕᒥᓂᖃᖅᑐᑦ, ᐃᓕᓐᓂᐊᑦᑎᐊᖅᓯᒪᓪᓗᑎᒃ. ᐊᓕᐊᓇᐃᒋᑦᑎᐊᖅᐸᕗᑦ ᑕᑯᔭᕆᐊᒃᓴᖅ ᐊᔾᔪᒥᓇᖅᑐᓂᒃ ᑕᑯᒃᓴᐅᑎᑦᑎᔪᓂᒃ ᑭᓇᐅᓂᑦᑎᓐᓂᒃ ᓄᓇᖃᖅᑳᖅᓯᒪᓪᓗᑕᓗ ᐊᕐᓇᐅᓪᓗᑕ, ᑲᑎᓯᓪᓚᕆᓚᐅᖅᓯᒪᙱᖦᖢᖓ ᐊᕐᓇᓂᒃ ᓇᖕᒥᓂᕆᔭᐅᔪᓂ ᑭᓯᐊᓂ ᓯᓚᑦᑐᖅᓴᕐᕕᒡᔪᐊᒧᐊᕈᒪ," ᑎᐅᕈ ᑎᐅᕗ ᐃᖅᑲᐅᒪᔪᖅ, ᑕᒪᓐᓇᓗ ᐊᓯᔾᔨᕈᒪᓪᓗᓂᐅᒃ. 

ᓛᒃ ᓯᓪ ᓄᓇᖃᖅᑳᖅᓯᒪᔪᓂᙶᖅᑐᖅ 2-ᒦᖦᖢᓂ ᐋᓐᑎᐅᕆᐅ ᐅᐊᖕᓇᖓᓂ. ᑎᐊᕗᕐ Objibwe-ᖑᓪᓗᓂ ᐱᕈᖅᓴᓚᐅᖅᑐᖅ ᐅᐃᓂᐹᒡᒥ ᐊᒻᒪᓗ ᐃᓕᓐᓂᐊᖅᑎᐅᓪᓗᓂ ᐋᔅᐳ ᐃᓕᓐᓂᐊᕐᕕᖕᒥ ᓇᖕᒥᓂᖃᕐᓂᕐᒥᒃ. ᑎᓴᒪᒋᓕᖅᑕᖓᓂᒃ ᐊᕐᕌᒍᒦᓕᖅᑐᖅ ᒪᕐᕈᐃᖅᓱᖅᖢᓂ ᓄᓇᖃᖅᑳᖅᓯᒪᔪᓂᒃ ᓇᖕᒥᓂᖃᕐᓂᕐᒧᑦ ᐃᓕᓐᓂᐊᖅᖢᓂ, ᐊᒻᒪ ᐃᖅᑲᓇᐃᔭᖅᑐᓕᕆᓂᕐᒧᑦ ᐊᐅᓚᑦᑎᓂᕐᒥᒃ ᐊᒻᒪ ᓴᓇᕝᕕᐊᓗᖕᓂ ᐱᓕᕆᖃᑎᒌᓂᒃ. 

"ᐃᓕᓐᓂᐊᕐᕕᒃ ᐊᓕᐊᓇᐃᒋᓂᖅᐹᕆᖃᑦᑕᖅᑕᕋ, ᓲᖃᐃᒻᒪ ᓇᒡᓕᒋᑦᑎᐊᕋᒃᑯ ᐊᕙᓗᔭᐅᓯᒪᓪᓗᖓ ᐃᓄᖕᓄᑦ ᐊᓕᐊᓇᐃᒋᑦᑎᐊᖅᖢᒍᓗ ᐅᖃᓕᒫᕆᐊᒃᓴᖅ ᑎᑎᕋᕐᓂᒃᑯᓪᓗ," ᐃᖅᑲᐅᒪᔪᖅ. ᐱᕈᖅᐸᓪᓕᐊᓪᓗᓂ, ᐅᖃᓕᒫᕆᐊᒃᓴᖅ ᐊᓕᐊᓇᐃᒋᑦᑎᐊᓚᐅᖅᑕᖓ ᐃᓕᓐᓂᐊᕐᕕᐊᕈᓯᖓᑕ ᐊᑭᓐᓇᖓᓂ, ᐱᔪᒃᓯᑦᑎᐊᖏᓐᓇᖅᖢᓂ ᐃᓕᓐᓂᐊᖅᑕᒥᓂᒃ ᐊᓂᒍᐃᔪᓐᓇᖅᑎᖦᖢᒍ.  "ᑐᕌᒐᖃᐃᓐᓇᐅᔭᖅᑐᖓ ᐃᓱᒪᒥᐅᑕᖃᖅᖢᖓ ᐱᓂᕐᒥᒃ ᓯᓚᑦᑐᖅᓴᕐᕕᖕᒥ ᓯᓚᑦᑐᖅᓴᕐᕕᒡᔪᐊᒥᓘᓐᓃᑦ ᐊᓂᒍᐃᔾᔪᑎᒥᒃ, ᑕᐃᒪᐃᓕᐅᖅᓯᒪᓪᓗᖓᓗ ᑕᒪᐃᓐᓂᒃ," ᑲᔪᓰᓐᓇᖅᖢᓂ. 

ᓄᑲᖅᑎᐅᓂᕐᓴᓂ ᐃᓕᓐᓂᐊᖅᕕᐊᓗᒥ ᐊᒻᒪ ᐃᓕᓐᓂᐊᖅᕕᐊᓗᖕᒥ, ᑎᐅᕗ ᑖᖅᑐᒃᑰᓚᐅᕐᓱᓂ. "ᐃᓛᓐᓂᒃᑯᑦ ᖃᓄᐃᑦᑐᖃᑐᐃᓐᓇᓲᖅ ᐊᒻᒪ ᐃᓅᓯᖅ ᐃᒋᑦᑎᓪᓗᓂ ᐊᖅᓴᕋᓛᓂᒃ − ᐊᐅᓚᑦᑐᓐᓇᙱᑕᑎᑦ. ᐅᑎᑐᐃᓐᓇᕋᔭᖅᑐᖓ ᐱᓇᔪᐃᓐᓇᕐᓗᖓᓗ, ᑭᓯᐊᓂ ᐱᔭᕇᕋᓱᖕᓂᓐᓂ ᐱᔭᕇᕐᓂᕐᒧᑦ ᐃᓐᓇᐅᓂᕐᓄᑦ ᐃᓕᓐᓂᐊᖅᑎᓄᑦ ᐱᔭᕇᕈᓯᐊᖅ," ᐃᖅᑲᐅᒪᔪᖅ. 1930-ᖏᓐᓂ, ᑎᐅᕗ ᐃᓕᓐᓂᐊᕆᐊᒃᑲᓐᓂᕈᒪᓕᓚᐅᖅᑐᖅ ᐊᑕᐅᓯᐊᒃᑲᓐᓂᖅᖢᓂ ᒫᓐᓇᓗ ᐃᓕᓐᓂᐊᕌᓂᓕᖅᖢᓂ ᐃᓱᒪᒥᓂᒃ ᐊᒻᒪ ᐃᓕᓐᓂᐊᕌᓂᙱᖦᖢᓂ ᐊᓂᒍᐃᔪᓐᓇᙱᖦᖢᓂ.  ᐃᓕᓐᓂᐊᕌᓂᒃᑯᓂ, ᓇᖕᒥᓂᖃᖅᑎᐅᔪᒪᓕᓲᖅ ᐅᕝᕙᓘᓐᓃᑦ ᐃᓕᓴᐃᔨᒻᒪᕆᐅᔪᒪᓕᕐᖢᓂ.  

ᓂᕈᐊᓚᐅᖅᑐᖅ ᓇᖕᒥᓂᖃᖕᓂᖕᒥᑦ ᖃᐅᔨᓴᖅᖢᓂ ᐃᖅᑲᓇᐃᔮᓂᑦ ᕿᓂᖅᖢᓂ ᐃᖅᑲᓇᐃᔭᕐᕕᖕᒥᑦ. ᐱᓇᔪᖃᑦᑕᖅᓯᒪᓂᖓ ᓯᓚᑦᑐᖅᓴᕐᕕᒡᔪᐊᒥ ᐅᐃᒻᒪᒃᓯᒪᓚᐅᙱᑦᑐᖅ ᑭᓯᐊᓂ ᐃᒡᓗᒥᒃ ᑲᒪᔨᐅᓚᐅᖅᖢᓂ, ᓂᕿᑦᑎᐊᕙᓕᕆᓚᐅᖅᖢᓂ ᐊᒻᒪ ᐃᓕᓴᐃᔨᐅᑉ ᐃᑲᔪᖅᑎᒋᓪᓗᓂᐅᒃ, ᐃᖢᐊᖅᓴᐃᔨᙳᕈᒪᓕᓚᐅᖅᑐᖅ ᐃᓕᓴᐃᔨᙳᕈᒪᓕᓚᐅᖅᖢᓂᓘᓐᓃᑦ. ᐋᖅᑭᒃᓱᐃᓕᓚᐅᖅᑐᖅ ᓇᖕᒥᓂᖃᕐᓂᕐᒧᑦ ᐃᓕᓐᓂᐊᕐᕕᖕᒥ ᐊᒻᒪᓗ ᖁᕕᐊᒋᓪᓗᓂᐅᒃ ᓄᓇᓕᖕᒥ ᓇᓂᔭᖓ ᐃᓕᓐᓂᐊᖅᑕᖓᓂ. ᐊᔾᔨᐅᖏᑦᑐᓂᑦ ᑲᑐᔾᔨᖃᑎᒌᓂᑦ ᐱᑕᖃᖅᑐᖅ ᓄᓇᖃᖅᑳᖅᓯᒪᔪᓂᑦ ᓇᒻᒥᓂᖃᖅᑎᐅᔪᓂᑦ ᐃᓕᓐᓂᐊᖅᑎᓂᑦ ᐱᓕᕆᖃᑎᒌᓐᓂᖏᓐᓂᓪᓗ ᐃᑲᔪᖅᓯᒪᔪᖅ ᐊᒥᓱᓄᑦ ᖃᓂᒻᒪᓐᓇᐅᑎᓪᓗᒍ. ᐃᓚᒋᔭᐅᖕᒥᔪᖅ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑎᑦ ᑲᑐᔾᔨᖃᑎᒌᓄᑦ. 

ᓯᓚᑖᓂ ᐃᓕᓐᓂᐊᖅᑕᖓᑕ, ᐊᖓᔪᖅᑳᑉ ᐃᓕᓐᓂᐊᖅᑎᓄᑦ ᓯᕗᓕᖅᑎᐅᓂᕐᒧᑦ ᐃᓕᓐᓂᐊᒐᒃᓴᖓᓂ, ᓂᕈᐊᖅᑕᐅᓚᐅᖅᑐᖅ. ᐱᓕᕆᐊᒧᑦ ᐃᓚᐅᖃᑕᐅᔪᑦ ᐱᓕᕆᐊᖃᖃᑦᑕᖅᑐᑦ ᓄᓇᓕᖕᓂ ᐱᓕᕆᐊᖑᔪᒃᓴᒥᒃ ᑭᖑᓪᓕᖅᐹᖓᓂ ᐊᕐᕌᒍᒥ ᐊᒻᒪᓗ ᐃᓚᒋᔭᐅᑉᓗᓂ 30-ᓄᑦ ᐃᓕᓐᓂᐊᖅᑎᓄᑦ ᐃᑲᔪᐃᓂᖃᖃᑦᑕᖅᑐᖅ ᓄᓇᓕᖏᓐᓂᑦ ᐱᐊᓂᓚᐅᖏᓐᓂᖏᓐᓂᑦ. ᐅᓇᑕᖅᑐᑦ ᐱᓕᕆᐊᖓ ᐅᔾᔨᕈᓱᑦᑎᑦᓯᓂᕐᒥᑦ ᐊᑭᓐᓇᕐᒥᐅᑕᓂᑦ ᐱᒻᒪᕆᐅᔪᓄᑦ ᐅᓪᓗᓄᑦ ᐊᔾᔨᒌᖏᑦᑐᓂᑦ ᐃᓕᖅᑯᓯᓕᓐᓂᑦ ᐃᓱᒫᓘᑕᐅᔪᓂᓪᓗ ᐱᒻᒪᕆᐅᔪᓂᑦ ᓄᓇᖃᖅᑳᖅᓯᒪᔪᓄᑦ ᓄᓇᓕᓐᓄᑦ. 

ᕿᑎᕈᔪᐊᓂ, ᐱᕈᖅᓴᐃᖃᑦᑕᕐᒥᔪᖅ ᕿᑐᕐᖓᒥᓂᒃ, ᑲᒪᓪᓗᓂ ᐃᓚᒥᓂᒃ, ᓂᕿᓕᐅᕐᓂᕐᒥᒃ, ᓴᓗᒻᒪᖅᓴᐃᓂᕐᒥᒃ, ᐊᒻᒪᓗ ᐊᖏᕐᕋᒥᓂᒃ ᑲᒪᓂᕐᒥᒃ. ᐃᖅᑲᓇᐃᔭᖃᑦᑕᕐᒥᔪᖅ ᐅᓪᓘᑉ ᐃᓚᐃᓐᓇᖓᓄᑦ ᐊᕐᓇᐃᑦ ᓇᒻᒥᓂᖃᖅᑎᐅᓂᕐᒧᑦ ᖃᐅᔨᒪᓂᕐᒧᑦ. ᐃᒻᒥᓂᒃ ᑲᒪᒋᑦᑎᐊᕋᓱᒃᓗᓂ, ᓄᔭᖏᑦ ᑯᑭᖏᓪᓗ ᐱᔭᕇᕐᖢᓂᒋᑦ, ᐱᓱᒃᓗᓂ, ᓈᓚᒃᓗᓂ ᑐᓴᕐᓈᕐᓂᕐᒥᒃ ᐅᓪᓚᖕᓂᕐᒥᒡᓗ. ᐃᒻᒥᓂᒃ ᐊᓯᐅᔨᔪᒪᖃᑦᑕᖅᑐᖅ ᑕᕐᕆᔮᒃᓴᓂᑦ, ᐱᓗᐊᖅᑐᒥᑦ ᑎᔅᓯᓈᕿᔪᓂᑦ. ᓄᓇᖃᖅᑳᖅᓯᒪᔪᑦ ᐃᓄᐃᑦ ᐃᒡᓚᕈᒪᑦᑎᐊᖅᑐᑦ. ᖃᐅᔨᒪᔪᖓ," ᖁᖓᖦᖢᓂ.

ᓂᕆᐅᒋᔭᖃᖅᐳᖅ ᑕᒪᒃᑯᐊ ᓄᓇᖃᖅᑳᖅᑐᑦ ᒪᒃᑯᒃᑐᑦ ᐱᓇᔪᒃᐸᒃᑐᑦ ᓇᖕᒥᓂᖃᕐᓂᕐᒧᑦ ᐊᔪᕈᓐᓃᖅᓴᕐᓂᕐᓂᒃ ᑐᑭᓯᐅᒪᓗᑎᒃ ᐅᖃᐅᔾᔪᖅᓱᖅᑕᐅᓂᕐᒥᒃ ᐃᓕᓐᓂᐊᕐᕕᖕᒥᒃ, ᐃᖅᑲᓇᐃᔭᕐᓂᕐᒥᒃ ᐃᓚᒌᓂᒡᓗ, ᑭᓯᐊᓂᑦᑕᐅᖅ ᖃᐅᔨᒪᓪᓗᓂ ᐱᕚᓪᓕᕈᑕᐅᕙᒃᑐᓂᒃ ᐃᓕᓐᓂᐊᕐᓂᖅ ᓴᖅᑭᑎᑦᑎᕙᖕᓂᖓᓂᒃ. "ᐱᕕᒃᓴᖃᑦᑎᐊᖅᑐᑎᑦ ᐱᔭᕇᕋᓱᒃᓗᒍ. ᑭᓯᐊᓂ ᐊᑑᑎᖃᖅᑐᖅ ᐃᓱᐊᓂ, ᓲᖃᐃᒻᒪ ᐃᓅᓯᑦᑎᐊᕙᐃᑦ ᐱᐅᓯᕚᓪᓕᖅᑎᑦᑐᓐᓇᕋᕕᐅᒃ ᐃᓕᓐᓂᐊᕐᓂᒃᑯᑦ," ᓇᓗᓇᐃᖅᓯᓪᓗᓂ. 

ᑎᐅᕗᕐ ᐊᑐᓕᖁᔨᖕᒥᔪᖅ ᐃᖅᑲᓇᐃᔭᓕᒻᒪᓴᕐᔪᐊᖁᔨᓗᓂ ᐊᒻᒪ ᐃᓄᖕᓂᒃ ᑲᑎᖃᑎᖃᖃᑦᑕᖁᔨᓗᓂ ᐊᔪᕐᓇᙱᓐᓂᓕᒫᖓᓂ. "ᖃᐅᔨᒪᓚᐅᖅᓯᒪᙱᑦᑐᑎᑦ ᓇᑭᙶᕐᓂᐊᕐᒪᖔᑦ ᐃᖅᑲᓇᐃᔮᑦ," ᐅᖃᐅᔾᔨᓪᓗᓂ. ᓇᓂᓯᓪᓗᓂ ᖃᐅᔨᓴᖅᑎᐅᑉ ᐃᑲᔪᖅᑎᖓᓂᒃ ᐃᖅᑲᓇᐃᔮᖓᓂᒃ ᑲᑎᖃᑎᖃᓚᐅᖅᑎᓪᓗᒍ ᑭᓇᒥᑭᐊᖅ ᖃᐅᔨᔭᐅᑎᖦᖢᒍ ᐃᖅᑲᓇᐃᔭᓕᖅᑎᑦᑎᓂᕐᒧᑦ ᐊᐅᓚᑦᑎᔨᒧᑦ. 

ᐊᒃᓱᕈᖅᖢᓂ ᐃᓕᓐᓂᐊᖅᑎᓪᓗᒍ, ᓯᓂᑦᑎᐊᑲᑕᙱᖦᖢᓂ ᐃᓱᒪᒋᓚᐅᖅᑕᒥᓂᒃ, ᐊᓂᓗᐊᙱᖦᖢᓂᓗ. ᑎᐅᕗ ᐃᓕᓐᓂᐊᕐᕕᒃ ᓯᕗᓪᓕᐅᔾᔭᐅᓚᐅᖅᐳᖅ ᐊᓯᖏᓐᓂᑦ ᐊᑭᓕᖅᑕᐅᓪᓗᓂ. ᓯᓐᓇᑦᑑᒪᔪᖅ ᓂᐅᕕᕈᒪᓪᓗᓂ ᐃᓪᓗᒥᒃ ᐱᒻᒪᕆᐊᓗᒻᒥᒃ ᐱᑦᔪᑎᖃᑦᑐᓂ. "ᑕᒪᕐᒥᑦᑎᐊᖅ ᑭᖑᕚᕇᓄᑦ ᐊᔪᖅᓴᙱᓐᓂᖅ ᐱᑕᖃᑦᑎᐊᙱᓐᓂᕐᓗ, ᑐᕌᒐᕆᔭᕇᓐᓇᐅᔭᖅᑕᕋ ᐅᓪᓗᕐᒧᑦ ᐊᑕᐅᓯᕐᒧᑦ ᓇᖕᒥᓂᖅ ᐃᒡᓗᖃᖅᑎᓪᓗᖓ," ᓴᖅᑭᔮᖅᑎᑦᑎᔪᖅ. 

ᐃᓚᐅᖃᑕᐅᓪᓗᓂ ᒥᑭᑦᑐᒥ ᓄᓇᓕᖕᒥ ᓄᓇᖃᖅᑳᖅᓯᒪᔪᓄᑦ ᐊᕐᓇᓄᑦ ᐃᓕᓐᓂᐊᖅᑎᐊᖅᓯᒪᑦᑎᐊᕐᓂᕐᒧᑦ ᐱᓯᓂᓯᒧᑦ, ᓇᓂᓯᓪᓗᓂ "ᐊᖏᕐᕋᒥᒃ" ᐱᓯᓂᓯᒧᑦ ᐃᓕᓐᓂᐊᕐᕕᖕᒥ ᓂᕆᐅᒃᖢᓂ ᑐᕌᕐᓂᐊᕐᓂᖓᓂᒃ ᓄᑖᒧᑦ ᐊᖏᕐᕋᒧᑦ ᓇᖕᒥᓂᖅ. ᑲᑎᖃᑎᖃᓚᐅᖅᓯᒪᙱᑦᑐᖅ ᓄᓇᖃᖅᑳᖅᓯᒪᔪᓂᒃ ᐊᕐᓇᓂᒃ ᓇᖕᒥᓂᖃᕐᓂᕐᒥᒃ ᑭᓯᐊᓂ ᓯᓚᑦᑐᖅᓴᕐᕕᒡᔪᐊᕐᒧᐊᕋᒥ ᒫᓐᓇᓗ ᑎᐅᕈ ᑎᐅᕗᕐ ᐊᑕᐅᓯᐅᓕᖅᖢᓂ. ᖃᐅᔨᒪᓪᓗᓂ ᖃᓄᑎᒋ ᐱᒻᒪᕆᐅᑎᒋᓂᖓᓂᒃ ᐊᔾᔪᒥᓇᖅᑐᓂᒃ ᐃᔾᔪᐊᒐᒃᓴᖃᕐᓂᐊᕐᓗᓂ ᑭᓇᐅᓂᑦᑎᓐᓂᒃ ᑕᑯᒃᓴᐅᑎᑦᑎᔪᓂᒃ, ᐊᓂᒍᐃᔪᓂᒃ ᐃᓕᓐᓂᐊᕈᒪᔪᖅ ᓂᕆᐅᒃᖢᓂ ᐃᒻᒥᓂᒃ ᐱᓕᕆᓕᕐᓂᐊᕐᓂᖓᓂᒃ, ᓯᕗᒻᒧᐊᒃᐸᓪᓕᐊᓗᓂ. 

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.