"ᖃᑕᙳᑎᒌᑦ ᕿᑎᖓᓄᐊᖏᓐᓇᐅᔭᖅᑐᑦ ᖃᓄᐃᓕᐅᖅᑕᓐᓄᑦ: ᖃᑕᙳᑎᒃᑲ, ᐃᓕᖅᑯᓯᑦ, ᐃᓕᑦᑎᕙᓪᓕᐊᓂᕐᓗ," ᐊᒥᖅᑳᖃᑎᖃᖅᑐᖅ ᑎᓃᔅ ᕼᐋᓪᕝᑦᒥ. Wet'suwet'en, Tsimshian, ᐊᒻᒪ Gitxsan ᐊᕐᓇᖅ Northern BC-ᒥᙶᖅᑐᖅ, ᓂᐱᒥᒃ ᐱᙳᐊᖅᑎᐅᕗᖅ, ᓴᐸᖓᐅᓪᓗᓂ ᓴᓇᙳᐊᖅᑎ, ᐊᒻᒪ ᑭᒡᒐᖅᑐᐃᔨᐅᓪᓗᓂ ᐊᓯᐅᓯᒪᔪᓄᑦ ᐃᓄᐊᖅᑕᐅᓯᒪᔪᓄᓪᓗ ᓇᒡᓕᒋᔭᐅᔪᓄᑦ. ᐱᖃᖃᑕᐅᖕᒥᔪᖅ ᐊᒻᒪᓗ ᐱᒋᐊᖅᑎᑦᑎᔨᐅᓪᓗᓂ ᓈᓚᐅᑎᕋᓛᒃᑯᑦ, ᓄᓇᖃᖅᑳᖅᓯᒪᔪᓕᒫᑦ ᑐᑦᑕᕐᕕᖓ ᓄᓇᖃᖅᑳᖅᓯᒪᔪᑦ ᓂᔾᔭᐅᓯᔭᖅᑎᖏᓐᓄᑦ ᐊᒻᒪᓗ ᓂᔾᔭᐅᓯᔭᖅᑎᐅᓪᓗᓂ.

ᓈᓚᐅᑎᕋᓛᒃᑯᑦ ᐃᓅᓚᐅᖅᑐᖅ ᕼᐋᓪᕝ ᓯᓚᑎᖓᓂ ᓈᓚᓚᐅᖅᑎᓪᓗᒍ podcast−ᒥᑦ ᕈᓵᓇ ᑎᐅ ᓄᑕᕋᕐᒧᑦ ᐊᐱᖅᓱᖅᑎᓪᓗᒍ ᐃᓴᑭᒥᑦ. ᓂᔾᔭᐅᑎᒥᒃ ᐱᐅᒃᓴᓕᓚᐅᖅᑐᖅ ᐱᒋᐊᓕᓚᐅᖅᓯᒪᓪᓗᓂᓗ ᖃᐅᔨᓇᓱᒃᖢᓂ ᓄᓇᖃᖅᑳᖅᓯᒪᔪᑦ ᐃᙱᐅᓯᖏᓐᓂᒃ. ᐃᓱᒪᓚᐅᖅᑐᖅ, "ᐃᓂᑕᖃᕆᐊᖃᕐᒪᑦ ᓵᕝᕕᒋᔪᓐᓇᖅᑕᑦᑎᓐᓂᒃ ᐊᒻᒪᓗ ᓄᓇᖃᖅᑳᖅᓯᒪᔪᑦ ᓂᔾᔭᐅᓯᔭᖅᑎᖃᕆᓪᓗᑎᒃ ᐊᒻᒪᓗ ᑕᒪᓐᓇ ᐃᖏᕐᕋᓂᒃᓴᑐᐃᓐᓇᐅᙱᖦᖢᓂ." 

ᕼᐋᓪᕝ ᓯᓚᑎᖓ ᐃᓱᒪᓚᐅᖅᑐᖅ ᐱᒋᐊᕆᐊᒃᓴᖅ ᓈᓚᐅᑎᒥᑦ ᑭᓯᐊᓂ ᐃᓱᒪᒋᔭᐅᓚᐅᖅᑐᖅ ᑕᓗᕈᒃᑯᑎᓪᓗᓂ ᑲᑉᐱᐊᓱᒃᖢᓂᓗ. ᐱᒋᐊᓚᐅᖅᑐᖅ ᐃᓅᔪᓐᓃᓚᐅᖅᑎᓪᓗᒍ ᐊᓈᓇᑦᑎᐊᖓ, ᐅᖃᕈᓐᓇᑦᑎᐊᓚᐅᖅᑐᖅ ᐅᖃᐅᓯᕐᒥᓂᒃ ᐊᒻᒪᓗ ᖃᐅᔨᒪᓪᓗᓂ ᐃᓕᖅᑯᓯᕐᒥᓂᒃ ᑭᓯᐊᓂ ᑲᔪᓯᔪᒪᓚᐅᖏᑦᑐᖅ ᐱᔾᔪᑎᒋᓪᓗᒍ ᐊᑦᑐᖅᑕᐅᓂᖓ ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᑦ. ᓈᓚᐅᑎᖃᕐᕕᒃ ᐅᐱᒋᔭᐅᔭᕆᐊᖃᓚᐅᖅᐳᖅ ᐊᒻᒪ ᐅᐱᒋᓪᓗᒍ ᐅᖃᐅᓯᖅ ᐊᒻᒪ ᐃᓕᖅᑯᓯᖓ, ᐊᑦᑎᖅᑕᐅᓪᓗᓂ. ᖃᕋᓴᐅᔭᒃᑯᑦ ᑐᓴᕐᓈᖅᑎᑦᑎᓚᐅᖅᐳᖅ ᐊᒻᒪ ᑐᓴᕐᓈᖁᔨᓪᓗᓂ ᖃᕋᓴᐅᔭᒃᑯᑦ ᑭᓯᐊᓂ 1000-ᓂᒃ ᐃᙱᐅᑎᓂᒃ ᐋᖅᑭᒃᓱᐃᔪᓐᓇᖅᓯᓪᓗᓂ. ᖃᖓᑦᑕᖅᑎᑕᐅᓚᐅᖅᑐᖅ ᐊᑕᐅᑦᑎᒃᑰᖃᑎᖃᓚᐅᖅᐳᖅ ᑕᐃᑲᓂ ᐃᓪᓗᐊᕐᔪᖓ ᐊᓯᐅᓚᐅᕐᒪᑦ ᐊᖅᑯᑎᑯᑖᖓᓂ. 

ᓴᐸᖓ ᕼᐆᑉ ᓴᓴᐃᔭᑎᒃᑯᑦ ᑮᓇᐅᔾᔭᒃᓴᕋᓱᐊᖅᑎᐅᙱᑦᑐᑦ ᕼᐋᓪᕝᑯᑦ ᐊᓈᓇᖏᑦ ᓴᖅᑭᓚᐅᖅᓯᒪᕗᑦ 10 ᑭᓚᒦᑕᓂᒃ ᐅᖓᓯᒃᑎᒋᓪᓗᓂ ᐊᖅᑯᑎᑯᑖᒃᑯᑦ. ᕼᐋᓪᕝ ᐊᐅᓚᑦᑎᔨᐅᔪᖅ, ᐃᖅᑲᓇᐃᔮᕆᙱᑕᖓ ᖃᐅᔨᒪᓚᐅᙱᓐᓂᖓᓄᑦ ᖃᓄᐃᓕᐅᖅᐸᖕᒪᖔᑦ ᐱᐅᒋᙱᖦᖢᓂᐅᒡᓗ ᓂᕈᐊᒐᒃᓴᐅᔪᒪᙱᖦᖢᓂ. ᓄᓇᕋᙳᐊᓕᐅᖅᑎᐅᓚᐅᖅᓯᒪᓪᓗᓂ ᐊᒻᒪᓗ ᐸᕐᓇᒍᒪᔪᖅ, ᐱᔪᓐᓇᑦᑎᐊᓚᐅᖅᑐᖅ ᐅᓪᓗᓕᐅᕆᓂᕐᒥᒃ ᐊᒻᒪᓗ ᑮᓇᐅᔭᓂᒃ ᐊᑐᖅᑐᒃᓴᓂᒃ, ᑭᖑᓂᐊᒍᑦ ᐱᔭᕇᓕᓚᐅᖅᑐᖅ. 

ᓯᕗᓪᓕᖅᐹᒥ ᑲᔪᓯᑦᑎᐊᕐᓂᖃᓚᐅᖅᑐᑦ ᐱᓇᓱᐊᕈᓯᑦ ᐱᖓᓱᐃᓐᓇᑯᓗᐃᑦ ᑲᑎᓐᓇᓱᐊᖅᑐᒋᑦ. ᐅᓪᓚᑲᑖᓪᓚᓚᐅᖅᖢᑎᒃ, ᐃᖅᑲᐅᒪᓂᕐᒧᑦ ᐱᓱᓚᐅᖅᑐᑦ ᓂᕆᕕᒡᔪᐊᖅᖢᑎᒡᓗ. ᐱᒋᐊᖅᑐᓂ 56-ᓂᒃ ᐅᓪᓚᐅᑎᓂᑦ ᓯᕗᓪᓕᖅᐹᖓᓂᑦ ᐊᕐᕌᒍᒥ, 200-ᖑᓕᖅᑐᑎᒃ, 600-ᖑᓕᖅᑐᑎᒃ, ᑕᒪᓐᓇ ᒪᑐᐃᖅᓯᓂᐅᓚᐅᖅᑐᖅ ᖃᕋᓴᐅᔭᒃᑯᑦ. ᐊᑐᓂ ᑎᑎᕋᐅᑎᒃᑯᑦ ᐊᔾᔨᓕᐅᖅᑕᐅᔪᑦ ᐱᑕᖃᙱᑦᑐᓂᒃ ᐅᕝᕙᓘᓐᓃᑦ ᐃᓄᐊᖅᑕᐅᓯᒪᔪᓂᒃ ᓇᒡᓕᒋᔭᖏᓐᓂᒃ, ᑐᑭᓯᒋᐊᒐᒃᓴᖅᑕᖃᖅᖢᓂ ᖃᖓ ᐊᒻᒪ ᓇᑭᙶᕐᒪᖔᑕ ᑭᖑᓪᓕᖅᐹᒥ ᑕᑯᔭᐅᓚᐅᖅᑐᑦ ᓇᑭᙶᕐᒪᖔᑕᓗ. ᓯᕗᓪᓖᑦ ᑎᓴᒪᑦ ᐊᒥᕐᓂᒃ ᕿᔾᔮᖅᓯᓯᒪᔪᑦ ᑐᓴᖅᑎᑦᑎᓪᓗᑎᒃ ᓂᕆᐅᖕᓂᕐᒥᖕᓂᒃ.

"ᐊᑐᕈᒪᓪᓚᕆᓚᐅᖅᑕᕗᑦ ᐊᔾᔨᙳᐊᑦ ᐃᓄᓪᓚᕆᐅᓗᑎᒃ, ᐃᓄᑦᑎᐊᕙᐅᑎᓪᓗᒋᑦ ᑕᑯᑎᓪᓗᒋᓪᓗ ᐃᓄᐃᑦ ᖃᐅᑕᒫᑦ ᐃᓄᐃᑦ ᖃᐅᑕᒫᑦ ᐃᓅᓯᖃᓚᐅᖅᑐᑦ, ᒫᓐᓇᓗ ᐱᑕᖃᕈᓐᓃᖅᖢᑎᒃ. ᐊᖅᑯᑎᑯᑖᓄᑦ ᓇᓗᓇᐃᒃᑯᑕᐃᑦ ᐃᖅᑲᐃᔾᔪᑕᐅᕗᑦ ᐅᓪᓚᐅᑎᔪᒧᑦ ᑭᓇᒧᑦ ᐅᓪᓚᖕᒪᖔᑕ," ᓇᓗᓇᐃᖅᓯᓪᓗᓂ.

ᑐᕌᕆᔭᐅᔪᖅ ᓴᔪᖕᓂᖅ ᓂᕆᐅᖕᓂᖃᕐᓂᕐᒧᑦ ᐅᔾᔨᕈᓱᓕᖅᑎᑦᓯᓂᕐᒥᑦ ᐊᓯᐅᓯᒪᔪᓂᑦ ᐃᓄᐊᖅᑕᐅᓯᒪᔪᓂᓪᓗ ᓇᓪᓕᒋᔭᓂᑦ, ᐃᑲᔪᖅᑐᕐᓂᕐᒥᓪᓗ ᐃᓚᒌᓂᑦ." ᐊᒥᓱᐊᖅᑎᖅᑐᑎᒃ ᐃᓄᐃᑦ ᐅᔾᔨᕈᓱᓕᖅᑎᑦᓯᕙᒻᒪᑕ. ᑭᓯᐊᓂ ᐃᓱᒪᒋᓗᐊᖅᑰᙱᑕᕗᑦ ᐃᓚᒌᑦ ᐃᓱᒪᒋᓗᐊᙱᓇᑦᑎᒍ ᐱᔾᔪᑎᒋᓪᓗᒍ ᑕᑯᓐᓇᒐᖃᓗᐊᕋᑦᑕ ᐃᓚᑰᔪᓂᒃ ᐅᕝᕙᓘᓐᓃᑦ ᐃᓄᐊᖅᑕᐅᓯᒪᔪᓂᒃ ᓇᓪᓕᒋᔭᒥᓐᓂᒃ. ᑭᓯᐊᓂ ᐅᕙᑦᑎᓐᓃᑦᑕᕆᐊᖃᕐᓇᕐᒪᑦ ᑕᐃᒪᐃᒻᒪᑦ ᖃᐅᔨᒪᔪᒪᕗᒍᑦ ᑲᒪᒋᔭᐅᑦᑎᐊᕋᓗᐊᕐᒪᖔᑕ, ᖃᓄᐃᙱᑦᑎᐊᕋᓗᐊᖅᐸᑕ ᐅᕝᕙᓘᓐᓃᑦ ᖃᓄᐃᙱᑦᑎᐊᕋᓗᐊᖅᐸᑕ ᖃᓄᑐᐃᓐᓇᑦᑎᐊᖅ ᐃᑲᔪᕈᓐᓇᖅᑕᕗᑦ," ᐊᒃᑐᐊᓂᖃᖅᐳᖅ.

"ᖁᕕᐊᓇᑦᑎᐊᖅᑐᖅ, ᐅᖁᒪᐃᑦᑐᓕᕆᓪᓗᓂ ᐱᓕᕆᓐᓇᑦᑎᐊᖅᑐᖅ ᑭᓯᐊᓂ ᖁᕕᐊᓇᑦᑎᐊᖅᑐᖅ, ᐊᓯᔾᔩᔪᓐᓇᑐᐃᓐᓇᖅᖢᓂ ᑐᓴᕐᓇᖅᖢᓂᓗ ᖃᑕᙳᑎᒌᓂᒃ ᐊᓕᐊᓇᐃᒍᓱᖕᓂᖏᓐᓂᒃ ᐃᓄᑑᖅᑰᔨᙱᓐᓂᖏᓐᓂᒃ ᑭᒡᒐᖅᑐᐃᑎᓪᓗᒋᑦ ᓇᒡᓕᒋᔭᒥᓂᒃ ᕿᓂᖅᑎᓪᓗᒋᑦ," ᑲᔪᓯᓪᓗᓂ. ᖃᓄᐃᓕᐅᕐᓂᐅᔪᖅ ᐃᓚᐅᑎᑦᑎᔪᖅ. "ᓄᓇᖃᖅᑳᖅᑐᓄᑐᐊᖑᙱᑦᑐᖅ. ᑕᒪᓐᓇ ᓄᓇᖃᖅᑳᖅᓯᒪᓂᕐᒨᖏᑦᑐᖅ. ᑭᒃᑯᓕᒫᑦ ᐊᑲᐅᙱᓕᐅᕈᑎᒋᒻᒪᒍ," ᐃᓱᓕᑉᐳᖅ.

"ᐃᓐᓇᕈᖅᐸᓪᓕᐊᑎᓪᓗᑎᑦ, ᑲᑉᐱᐊᓱᙱᑦᑐᑎᑦ ᑕᒻᒪᕆᐊᒃᓴᖅ. ᑲᑉᐱᐊᓱᙱᑦᑐᑎᑦ ᑲᔪᓯᙲᓐᓇᕆᐊᒃᓴᖅ ᓲᖃᐃᒻᒪ ᑕᐃᒪᓐᓇ ᐃᓕᑦᑎᒐᑦᑕ."

ᐱᕙᒌᔭᕋᓱᒃᓗᒍ ᑖᔅᓱᒧᖓ ᐃᖅᑲᓇᐃᔮᒧᑦ ᐱᓕᕆᐊᖃᕐᖢᓂ ᐊᕐᕌᒍᒥ ᐱᓯᓂᓯᒧᑦ ᑎᑎᕋᕐᕕᖕᒥᐅᑕᓕᕆᓂᕐᒥ ᓄᓇᓕᖕᒥ ᓯᓚᑦᑐᖅᓴᕐᕕᖕᒥ ᑭᓯᐊᓂ ᖃᐅᔨᓪᓗᓂ ᑖᔅᓱᒧᖓᐅᙱᖦᖢᓂ. ᓇᖕᒥᓂᖅ ᐃᓕᓐᓂᐊᖅᑎᐅᔪᖅ, ᐃᖅᑲᓇᐃᔭᖅᑕᒥᓂᒃ ᐃᓕᓐᓂᐊᕈᒪᓂᖅᓴᐅᓲᖅ ᐊᒻᒪ ᖃᐅᔨᓇᓱᒃᖢᓂ ᐃᓄᖕᓂᒃ ᐊᐱᕆᕙᒡᓗᓂ ᐅᕝᕙᓘᓐᓃᑦ ᓂᒐᑲᑕᒡᓗᓂ. ᐱᕈᖅᑐᓂᒃ ᓴᓇᓯᒪᔪᖅ, ᓂᐱᓕᐅᕆᓂᖅ ᐊᒻᒪᓗ ᑕᕐᕆᔭᓕᐅᕐᓂᖅ ᐃᓕᑕᐃᓐᓇᕆᓚᐅᖅᑕᖏᑦ. ᓯᕗᓪᓕᖅᐹᖅ ᑕᕐᕆᔭᐅᓯᐊᖓ ᓈᒻᒪᒋᔭᐅᓚᐅᖅᑐᖅ ᓄᓇᖃᖅᑳᖅᓯᒪᔪᓄᑦ ᑕᕐᕆᔭᐅᓯᐅᖅᑎᓄᑦ Whistler Film Festival-ᒥ. 

ᐊᔾᔨᒌᙱᑦᑐᓂᒃ ᐱᓕᕆᖃᑦᑕᖅᑎᓪᓗᒍ, ᐅᓪᓘᒃ ᒪᕐᕉᒃ ᐊᓂᒍᖅᐸᑎᒃ, ᓂᐱᓕᐅᕆᒐᓗᐊᕈᓂ, ᑕᕐᕆᔮᒃᓴᓕᕆᒐᓗᐊᕈᓂ ᐅᕝᕙᓘᓐᓃᑦ ᑕᕐᕆᔭᓕᐊᒥᓂᒃ ᐱᓕᕆᒐᓗᐊᕈᓂ. ᐆᒃᑐᕈᒪᑦᑎᐊᓲᖅ ᐊᒻᒪᓗ ᖃᐅᔨᓇᓱᒃᖢᓂ ᑲᔪᓯᖕᒪᖔᑕ, ᓄᑖᓂᒃ ᐆᒃᑐᐃᓐᓇᐅᔭᖅᑐᑦ. ᖃᖓᙳᖅᐸᓪᓕᐊᑎᓪᓗᒍ ᑎᒍᐊᖅᓯᒪᒋᕗᖅ ᐃᓕᖅᑯᓯᕆᔭᐅᕙᒃᑐᒥᒃ, ᑖᓐᓇᓗ ᓇᖕᒥᓂᖅ ᐊᕙᓗᓯᒪᔪᒪᕙᒃᑭᓪᓗᓂ ᐃᓄᖕᓂᒃ ᓯᓚᑐᓂᖅᓴᐅᔪᓂᒃ ᑖᒃᑯᓂᖓ ᐃᓕᑦᑎᕝᕕᒋᔪᓐᓇᖅᑕᒥᓂᒃ. ᐃᓕᑦᑎᓯᒪᖕᒥᔪᖅ ᓂᐱᒥᓂᒃ ᐊᐱᕆᔭᕆᐊᒃᓴᖅ ᐃᑲᔪᖅᑕᐅᔪᒪᓪᓗᓂ, ᐊᒃᓱᕈᕈᑎᒋᕙᓚᐅᖅᑕᖓ, ᐱᔪᒪᙱᖦᖢᓂᓘᓐᓃᑦ ᑲᑭᑕᐅᔭᓂᒃ ᓂᕆᕝᕕᖕᒥ. 

ᑕᐃᒪᓐᓇ ᐱᔪᒪᙱᖦᖢᓂ ᐃᓱᒪᓚᐅᖅᑐᖅ ᑕᐃᒪᐃᓐᓂᖓᓄᑦ ᑎᓕᐅᕆᔪᖅ ᒪᒃᑯᒃᑐᓂᒃ ᐊᑐᖁᓪᓗᒋᑦ ᓂᐱᒥᓂᒃ, ᐃᖢᕐᕆᓂᖅᓴᐅᒃᐸᑕ ᐅᖃᓪᓚᒋᐊᒃᓴᖅ ᓂᐱᖅᑯᖅᑐᓗᑎᒃ, ᑎᑎᕋᕐᓗᑎᒃ, ᖃᓄᑐᐃᓐᓇᖅ ᐅᖃᐅᓯᕆᔭᕆᐊᒃᓴᖅ ᐃᖕᒥᖕᓂᒃ ᐊᒥᖅᑳᕈᑎᒋᓗᒍᓗ ᑕᐅᑐᒃᑕᖏᑦ. ᑎᓕᐅᕆᓪᓗᓂ ᕿᓂᖁᓗᒋᑦ ᐃᑲᔪᖅᑕᐅᔪᒪᓗᑎᒃ ᐃᑲᔪᖅᑕᐅᔪᒪᓗᑎᒃᓗ, ᓇᓗᓇᐃᖅᓯᓗᓂ ᐃᓄᒃᑕᖃᕐᓂᖓᓂᒃ ᐱᔨᑦᑎᕋᖅᑕᐅᔪᒪᔪᓂᒃ, ᐃᓄᑑᖅᑰᔨᒐᓗᐊᕈᑎᒃ. 

ᒫᓐᓇ ᓂᐱᒥᓂᒃ ᐊᑐᖃᑦᑕᓕᕋᒥ ᐃᑲᔪᖅᑕᐅᔪᒪᓪᓗᓂ ᐊᒻᒪᓗ ᐃᓅᓇᓱᒍᒪᓪᓗᓂ, ᖃᕋᓴᐅᔭᒃᑯᑦ ᐃᓕᓐᓂᐊᕈᑎᓕᐅᖅᓯᒪᔪᖅ, ᓇᓗᓇᐃᖅᓯᓪᓗᓂ ᑕᕐᕆᔮᒃᓴᓂᒃ Bones of Crows-ᓄᑦ, ᓂᐱᓕᐅᖅᓯᒪᔪᖅ Indigenomics-ᑯᓐᓄᑦ ᑭᐅᕈᓪ ᐋᓐ ᕼᐃᐅᓪᑕᓐ-ᒧᑦ, ᐊᓯᖏᓐᓄᓪᓗ. ᐊᑲᐅᒋᔭᖓᒍᑦ ᐃᓂᖃᕆᐊᒃᓴᖅ ᓂᐱᓕᒫᐸᓗᖓ ᐃᖅᑲᓇᐃᔮᖏᓐᓂ ᐱᔾᔪᑎᓕᖕᓂ ᐋᕿᒋᐊᕈᑎᖃᕐᓂᕐᒧᑦ. 

ᐃᓕᑦᑎᕚᓪᓕᖅᓯᒪᕐᔪᐊᖅᑐᖅ ᐃᓅᓯᕐᓂ ᐃᓕᑦᑎᓂᕐᒥᒃ ᐱᔨᑦᑎᕋᑦᑎᐊᕐᓂᒃᑯᑦ. "ᐃᓕᓐᓂᐊᓚᐅᖅᑐᖓ ᑰᒃᑐᒃᑰᕆᐊᒃᓴᖅ ᐊᒻᒪᓗ ᐱᕕᖃᓕᑐᐊᕌᖓᒪ ᖁᕕᐊᒋᓪᓗᒍᓗ, ᖁᕕᐊᒋᓪᓗᒍ... ᓱᓕ ᑕᒫᓃᒃᑲᑦᑕ, ᑎᑎᕋᐅᔭᖅᓯᒪᓂᒃᑯᑦᑕ, ᑕᐃᒪᐃᒋᐊᖃᖏᑦᑐᒍᑦ. ᑕᒫᓃᑉᐳᒍᑦ ᐊᓯᔾᔨᖅᓯᔪᒪᓪᓗᖓᓗ ᐱᓕᕆᐊᓕᒫᓐᓂᒃ, ᑭᓯᐊᓂ ᑕᐅᑦᑐᖃᑐᐃᓐᓇᕆᐊᓕᒃ," ᐅᖃᐅᓯᕆᖃᑦᑕᖅᑕᖓ. ᐅᖃᐅᔾᔪᐃᓂᖓ ᓄᓇᖃᖅᑳᖅᓯᒪᔪᓄᑦ ᒪᒃᑯᒃᑐᓄᑦ ᐅᓇᐅᕗᖅ, "ᑲᑉᐱᐊᓱᒃᑕᐃᓕᒋᑦ ᐆᒃᑐᕆᐊᒃᓴᖅ ᓄᑖᓂᑦ. ᑕᕝᕙᓃᒃᑲᑦᑕ ᐱᔾᔪᑎᖃᖅᑐᑕ. ᓂᐲᑦ ᐊᑐᕐᓗᒍ. ᑐᓴᖅᑕᐅᒋᑦ. ᑕᑯᔭᐅᒋᑦ." 

ᐃᓚᒌᑦ ᕿᑎᖓᓄᐊᖏᓐᓇᐅᔭᖅᑐᑦ ᖃᓄᐃᓕᐅᖃᑦᑕᖅᑕᖏᓐᓄᑦ: ᖃᑕᙳᑎᖏᑦ, ᐃᓕᖅᑯᓯᖏᑦ, ᐊᒻᒪᓗ ᐃᓕᑦᑎᕙᓪᓕᐊᓂᖏᑦ. ᑕᓃᔅ ᕼᐋᓪᕝᑦ ᓂᐱᖃᖅᑎᐅᕗᖅ, ᓴᐸᖓᐅᓪᓗᓂ ᓴᓇᙳᐊᖅᑎ, ᑕᕐᕆᔭᐅᓯᐅᖅᑎ, ᑭᒡᒐᖅᑐᐃᔨᐅᓪᓗᓂ ᐊᓯᐅᓯᒪᔪᓄᑦ ᐃᓄᐊᖅᑕᐅᓯᒪᔪᓄᓪᓗ ᓇᒡᓕᒋᔭᓄᑦ ᐊᒻᒪ ᓇᖕᒥᓂᖃᖅᑎᒧᑦ ᐊᒻᒪ ᓄᓇᖃᖅᑳᖅᓯᒪᔪᑦ ᓂᔾᔭᐅᓯᔭᖅᑎᖏᓐᓄᑦ, Frog ᓈᓚᐅᑎᒃᑯᑦ. ᐅᖃᐅᓯᖃᖅᑐᖅ ᑭᓱᑦ ᐱᒻᒪᕆᐅᖕᒪᖔᑕ ᓂᐱᒥᓂᒡᓗ ᑐᓴᖅᑎᑦᑎᓪᓗᓂ ᓄᓇᕐᔪᐊᕐᒧᑦ ᐱᕈᖅᐸᓪᓕᐊᕌᓪᓚᓚᐅᖅᖢᓂ ᐃᒻᒥᓂᒃ ᐅᖃᓪᓚᒍᒪᙱᖦᖢᓂ. ᐃᓕᑉᐸᓪᓕᐊᖏᓐᓇᐅᔭᖅᑐᖅ ᖃᓄᐃᓕᐅᕐᓂᒃᑯᑦ, ᐱᓕᕆᔪᒻᒪᕆᐊᓘᓪᓗᓂ ᐊᒻᒪᓗ ᐱᓕᕆᓗᒃᑖᖅᖢᓂ ᓄᓇᕐᔪᐊᖅ ᐱᐅᓂᖅᓴᐅᖁᓪᓗᒍ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.