ᔭᐃᒥᓯ ᓛᐱᓐ ᐃᓅᓯᑦᑎᐊᕙᒻᒪᕆᐅᓯᒪᕗᖅ. ᓛᐱᓐ ᐱᕈᖅᓴᓚᐅᖅᓯᒪᕗᖅ Newmarket−ᒥ, ON−ᒥ, ᐱᓕᕆᖃᑎᖃᖅᖢᓂᓗ Royal Bank−ᑯᓐᓂ ᑲᓇᑕᒥ ᐱᓕᕆᔾᔪᑎᓄᑦ ᐊᐅᓚᓂᕐᓄᓪᓗ, ᖃᖓᑦᑎᐊᓵᕐᓗ ᐃᓚᓕᐅᑎᓚᐅᖅᖢᓂ ᖃᓄᐃᓕᐅᖅᑕᐅᔪᒪᔪᓄᑦ ᐊᓯᔾᔨᖅᐸᓪᓕᐊᓂᕐᒧᓪᓗ ᐱᓕᕆᖃᑎᒌᒃᐸᒃᑐᓄᑦ ᔫᓂᐅᑎᓪᓗᒍ.

ᐱᕈᖅᓴᓪᓗᓂ, ᓛᐱᓐ ᐃᓱᒪᓚᐅᖅᓯᒪᙱᒻᒪᕆᖕᒪᑦ ᑮᓇᐅᔭᒃᑯᕕᖕᒥ ᐃᖅᑲᓇᐃᔭᕐᓂᕐᒥᒃ ᐊᒻᒪ ᓄᑕᕋᐅᓂᕐᒥᓂᒃ ᒪᒃᑯᒃᑐᓂᒡᓗ ᕼᐋᑭᖃᑕᐅᖃᑦᑕᓚᐅᖅᐳᖅ.

ᓯᕗᓪᓕᖅᐹᒥ ᐃᖅᑲᓇᐃᔭᓚᐅᖅᓯᒪᔪᖅ ᓄᓇᓯᐅᑎᒥ ᐊᒻᒪᓗ ᓅᑦᑐᓂ ᓄᓇᒧᑦ ᑕᓪᓕᒪᓄᑦ ᐊᕐᕌᒍᓄᑦ. ᑕᐃᔅᓱᒪᓂ, ᓛᐱᓐ ᓱᓕ ᐃᓕᓐᓂᐊᕐᕕᕐᔪᐊᕐᒦᓚᐅᖅᑐᖅ ᕼᐋᑭᖅᑎᐅᓪᓗᓂ ᐊᒻᒪᓗ ᖃᐅᔨᓪᓗᓂ, ᐊᖏᔪᑦᑎᐅᓕᓚᐅᕐᒪᑦ ᕼᐋᑭᕐᓂᖅ ᐊᔪᑐᐃᓐᓇᕆᐊᖃᕐᒪᑦ.

"ᖃᓄᐃᓕᐅᕆᐊᒃᓴᖅ ᓇᓗᑦᑎᐊᓚᐅᖅᑐᖓ. ᑕᐃᒪᐃᓕᐅᓚᐅᖅᑐᖓ, ᐊᒻᒪᓗ ᑐᔪᕐᒥᕕᓕᐊᓚᐅᖅᑐᖓ ᐃᓕᓐᓂᐊᕐᕕᐊᓗᒻᒥ, ᕼᐊᑭᕆᐊᖅᑐᖅᑐᖓ. ᓴᓂᓪᓕᕋ ᑐᔪᕐᒥᕕᐅᑉ ᓴᓂᐊᓂ ᓯᐹᓂᔅ," ᐅᖃᖅᑐᖅ ᓛᐱᓐ.

ᖃᓂᔅᓴᓕᓚᐅᖅᑐᖅ, ᐊᒻᒪᓗ ᕼᐋᑭᖅᑎᐅᓚᐅᕐᒥᔪᖅᑕᐅᖅ. ᐊᐱᕆᓚᐅᕐᒪᑦ ᖃᓄᖅ ᐱᓕᕆᖃᑎᒌᑦ ᖃᓄᐃᑦᑑᓚᐅᕐᒪᖔᑕ ᓯᐸᐃᓐᒥ, ᐅᖃᐅᔾᔭᐅᓪᓗᓂᓗ ᐱᓕᕆᔨᒻᒪᕆᑦᑕᖃᕐᓂᖓᓂᒃ ᑕᐃᑲᓂ ᓇᑉᐸᕐᓗ ᐅᖃᙳᐊᖅᑐᒥᒃ ᐊᐱᕆᔭᐅᓪᓗᓂ ᖃᓄᖅ ᐆᒃᑐᕆᐊᒃᓴᖅ.

ᓛᐱᓐ ᐅᖃᖃᑎᖃᓚᐅᖅᑐᖅ ᑲᒪᔨᒥᒃ ᐃᓕᒌᓄᑦ ᑕᕝᕙᓂᒃᓴᐃᓐᓇᖅ ᐱᓇᓱᐊᕈᓯᕐᒥ, ᐊᒻᒪᓗ ᑕᖅᑭᓪᓗᐊᒥᒃ ᐊᐅᓪᓚᖅᑐᓂ ᓯᐸᐃᓐᒧᑦ, ᐆᑦᑐᖅᑐᓂ, ᐃᓕᒌᓄᑦ, ᐊᒻᒪᓗ ᐊᐅᓪᓚᕈᓐᓃᖅᑐᓂ.

"ᐅᑭᐅᖕᓄᑦ ᒪᕐᕉᖕᓄᑦ ᓯᐱᖅᓯᒪᓕᓚᐅᖅᑐᖓ. ᑕᒪᓐᓇ ᓱᓕᓚᐅᖅᐳᖅ ᐱᔭᕇᕋᒪ ᐃᓕᓐᓂᐊᕐᕕᕐᔪᐊᕐᒥᑦ. 18-ᖑᓕᓚᐅᖅᑐᖓ. ᖃᐅᔨᒪᓚᐅᙱᓐᓇᒪ ᓯᐹᓂᔅ ᒥᒃᓵᓄᑦ. ᖃᐅᔨᒪᓚᐅᖏᑦᑐᖓ ᐅᐃᕖᑎᑐᑦ. ᖃᐅᔨᒪᓗᐊᓚᐅᙱᑦᑐᖓ ᖃᓄᐃᓕᐅᖕᒪᖔᕐᒪ," ᐅᖃᖅᑐᕕᓂᖅ ᓛᐱᓐ.

ᐅᖃᖅᑐᓂ ᑐᐹᖅᓯᒐᓚᓐᓂᕋᐃᓪᓗᓂ ᓯᐸᐃᓐᒧᑦ, ᑭᓯᐊᓂ ᑭᓱᓕᒫᓂᒃ ᐱᓪᓗᓂ ᐱᓇᓱᐊᕈᓯᕐᒥᒃ. ᐃᓕᓐᓂᐊᕆᐊᓕᓚᐅᖅᑐᖅ ᑕᐃᑲᓂ ᐊᒻᒪᓗ ᐃᓕᓐᓂᐊᕆᐊᖅᑐᓂ ᓯᐹᓂᔅᒥ, ᐃᓕᓐᓂᐊᖅᑐᓂ ᖃᓄᖅ ᐅᖃᕈᓐᓇᕐᒪᖔᕐᒥ ᐊᕐᕌᒎᑉ ᐃᓗᐊᓂ.

ᓛᐱᓐ ᒪᕐᕉᓐᓂᒃ ᕼᐋᑭᖃᑦᑕᓚᐅᖅᐳᖅ ᓯᐸᐃᓐᒥ ᐅᖃᖅᑐᓂᓗ 'ᐃᓅᓯᖓ' ᐊᒻᒪ ᑐᐹᖅᑕᐅᓚᐅᕐᒪᑦ, ᐃᖃᐃᓕᓴᕆᐊᖅᑐᖅᑐᓂ, ᐱᙳᐊᕐᕕᒻᒨᖅᑐᓂ ᐊᒻᒪ ᑭᖑᕐᖓᒍᑦ, ᑦᓯᐅᓪ ᐊᒻᒪ ᖁᕕᐊᒋᓪᓗᒍ ᓯᔾᔭᖓ ᐅᓪᓗᓕᒫᖅ.

ᑭᓯᐊᓂ ᐊᕐᕌᒍ ᐃᓱᓕᓕᖅᑎᓪᓗᒍ ᐃᓱᒪᓕᓚᐅᖅᑐᖅ ᖃᓄᐃᓕᐅᕐᓂᐊᕐᒪᖔᕐᒥ.

"ᐃᒪᓐᓇᐅᖅᑰᔨᓚᐅᖅᑐᖓ, "ᑕᐃᒪᓕ, ᖃᓄᐃᓕᐅᕐᓂᐊᖅᐳᖓ? ᐃᓅᓯᓕᒫᓐᓂ ᐃᓅᔪᓐᓇᙱᓐᓇᒪ ᕼᐋᑭᑐᐃᓐᓇᕐᓗᖓᓗ ᓯᒡᔭᒥᐅᑕᐅᓗᖓ." ᑕᐃᒪᓐᓇ ᐊᖓᔪᖅᑳᒃᑲ ᑕᐃᒪᐃᓕᐅᕐᓂᐊᕋᓱᒋᓚᐅᙱᑕᒃᑲ," ᓛᐱᓐ ᐅᖃᖅᑐᖅ.

ᐃᓕᓐᓂᐊᕈᓐᓃᓚᐅᖅᑎᓐᓇᒍ, ᐱᓇᓱᐊᓚᐅᖅᑐᖅ ᐊᒥᓲᖏᑦᑐᓄᑦ ᓯᓚᑦᑐᓴᕐᕕᕐᔪᐊᓄᑦ ᐊᒻᒪᓗ ᐊᖏᖅᑕᐅᓪᓗᓂ ᑯᐃᓐ ᐃᓕᓐᓂᐊᕐᕕᔾᔪᐊᖓᓄᑦ. ᑕᐃᑯᖓ ᐊᐅᓪᓚᓕᓚᐅᖅᑐᖅ, ᐊᒻᒪᓗ ᑭᖑᓂᐊᒍᑦ ᐊᕐᕌᒍᐃᑦ ᐊᒥᓲᖏᑦᑐᑦ ᐃᓱᒪᓕᐅᓕᓚᐅᖅᑐᖅ ᐃᖅᑲᓇᐃᔭᓕᒻᒪᒃᓴᒃᑲᓐᓂᕆᐊᔅᓴᖅ.

ᐃᖅᑲᓇᐃᔭᓚᐅᖅᓯᒪᔪᖅ ᐃᓗᐊᓂ ᑎᑎᕋᐅᔭᕐᓂᕐᒧᑦ ᐱᒋᐊᖅᑐᓂ ᐅᑭᐅᓐᓂᒃ ᒪᕐᕈᓐᓂᒃ, ᐅᑎᖅᑐᓂ ᓄᓇᒧᑦ ᑮᓇᐅᔭᖃᕆᐊᖃᕐᓂᖓᓄᑦ.

"ᖁᕝᕙᖅᓴᐃᒐᓚᓚᐅᖅᑐᖓ ᐅᕙᓐᓂᒃ ᓄᓇᓕᕆᑎᓪᓗᖓ. ᑎᑎᕋᐅᔭᖅᓯᒪᓂᖅᓴᐅᓚᐅᖅᑐᖓ, ᐅᕙᓐᓂᒃ ᐊᔾᔨᒌᒍᓐᓃᖅᑎᑦᑎᓇᓱᖃᑦᑕᓚᐅᖅᑐᖓ, ᐊᒻᒪᓗ ᒫᓐᓇᐅᔪᖅ ᐱᒋᐊᓚᐅᖅᑐᖓ, ᑎᑎᕋᐅᔭᖅᓯᒪᓂᓐᓂᒃ ᐊᒻᒪᓗ ᓴᓇᐅᒐᕐᓂᒃ ᖁᕕᐊᒋᔭᖃᖅᑐᖓ ᐊᓐᓄᕌᑎᒍᑦ," ᐅᖃᖅᑐᖅ ᓛᐱᓐ.

ᑕᐃᒪᓕ ᓛᐱᓐ ᐱᒋᐊᓕᓚᐅᖅᑐᖅ ᐱᓕᕆᓂᕐᒥᒃ, ᐅᓪᓗᒥᒧᑦ ᓱᓕ ᑲᔪᓯᓪᓗᓂ, ᓄᐊᑦᑎᓪᓗᓂ ᐊᓐᓄᕌᓂᒃ ᐊᒻᒪᓗ ᐊᔾᔨᓕᐅᕆᓪᓗᓂ ᐊᓐᓄᕌᓂᒃ ᐋᖅᑭᒃᓱᐃᔨᐅᔪᓂᒃ.

ᐱᓇᓱᐊᖅᑎᓪᓗᒍ ᓄᓇᓕᕆᓂᕐᒥᑦ ᐊᒻᒪ ᓴᓂᐊᒍᑦ ᓇᒻᒥᓂᖃᕐᓂᕐᒥᑦ, ᐱᓇᓱᐊᑦᑎᐊᓚᐅᖅᑐᖅ ᐃᖅᑲᓇᐃᔮᓕᒫᓂᑦ ᓴᓇᒪᓂᖓᓄᑦ, ᓴᓇᒻᒪᖓᓄᑦ, ᐊᒻᒪ ᓴᓇᑐᓂᖓᓄᑦ ᑐᑭᒧᐊᒍᑎᒥᑦ.

ᓛᐱᓐ ᐱᓕᕆᖃᑎᖃᓯᒋᐊᓚᐅᖅᑐᖅ ᐊᖑᒻᒥᒃ ᐊᖏᕐᕋᖓᓂ ᑮᓇᐅᔾᔭᒃᓴᕋᓱᐊᖅᑎᐅᙱᖦᖢᓂ ᑕᐃᔭᐅᔪᒥᒃ ᓴᓇᙳᐊᕐᓂᕐᒧᑦ ᐃᑲᔪᕐᓂᕐᒥᒃ, ᑖᓐᓇᓗ ᓴᖅᑭᑎᑦᑎᕙᒃᖢᓂ ᐃᓱᒪᑐᔪᓂᒃ ᓄᓇᓕᖕᓂᒃ ᑲᑎᑎᑦᑎᕙᒃᖢᓂ ᐃᑲᔪᖅᐸᒃᖢᓂᓗ ᐃᓄᖕᓂᒃ ᓴᓇᙳᐊᖅᑎᓂᒃ, ᑎᑎᕋᐅᔭᖅᑎᓂᒃ, ᑎᑕᒃᑎᓂᒡᓗ.

ᐊᑕᐅᓯᐊᖅᑐᓂ ᐅᖄᓚᕕᐅᓪᓗᓂ ᕈᐃᐅᓪ ᐹᓐᒃ-ᑯᓐᓂᑦ, ᐊᒥᓱᓂᒃ ᐊᐱᖅᓱᕈᑕᐅᓕᓚᐅᖅᑐᖅ ᐊᒻᒪᓗ ᑐᓂᔭᐅᓪᓗᓂ ᐃᖅᑲᓇᐃᔮᒥᒃ, ᒫᓐᓇᐅᔪᖅ ᑕᐃᒪᐃᓕᖓᓕᖅᑐᖅ.

"ᐃᓕᑦᑎᕙᓪᓕᐊᓲᖑᔪᖓ ᐊᔾᔨᒌᙱᑦᑐᓂᒃ ᐱᓕᕆᔾᔪᑎᓂᒃ, ᐃᒡᓗᕐᔪᐊᓕᐅᕈᑎᒃᓴᓂᒃ ᐊᒻᒪ ᐱᓕᕆᐊᒃᓴᓂᒃ ᐱᓇᔫᑎᓂᒃ. ᐊᑐᓕᕈᓐᓇᖅᓯᒐᔭᕐᒥᔭᒃᑲ ᓴᓇᒻᒪᐅᓯᑦᓴᒃᑲ ᐊᒻᒪᓗ ᐱᓕᕆᐊᖃᕐᓗᖓ ᑐᓴᕈᒥᓇᖅᑐᓂᒃ ᑮᓇᐅᔭᒃᑯᕕᐅᑉ ᐱᒋᔭᖏᓐᓂᒃ ᐊᒻᒪᓗ ᓴᓇᑐᐃᓐᓇᐸᑦᑐᖓ ᐱᔪᒐᖅᓴᐅᑎᓂᒃ. ᖄᖅᑎᑦᑎᓂᐅᒻᒪᑦ. ᓇᒡᓕᒍᓱᒃᑐᖓ ᒫᓐᓇᒧᑦ," ᐅᖃᖅᑐᕕᓂᖅ ᓛᐱᓐ.

ᓛᐱᓐ ᐃᖏᕐᕋᔪᒻᒪᕆᐅᓯᒪᒐᓗᐊᖅᑎᓪᓗᒍ, ᐃᓚᖓᑦ ᐊᕝᕕᐊᕈᑎᐅᔪᖅ ᓇᒻᒥᓂᖅ ᐱᔪᓐᓇᓚᐅᖅᑐᖅ.

ᕼᐋᑭᖅᑎᐅᓪᓗᓂ ᐊᒻᒪᓗ ᑭᓇᑐᐃᓐᓇᖅ ᑮᓇᐅᔭᓕᐅᓚᐅᖅᑐᖅ ᐱᙳᐊᖅᑐᓂ, ᐃᓅᒋᐊᖃᓚᐅᖅᑐᖅ ᓱᓕᔪᒥᒃ ᐱᙳᐊᖅᑎᐅᖏᓐᓇᕈᓐᓇᖏᓐᓇᕕᑦ ᐊᒻᒪᓗ ᐅᖃᖅᑐᓂ ᑲᑉᐱᐊᓇᕐᓂᖓᓂᒃ.

"ᐅᓪᓗᖅ ᐊᑕᐅᓯᖅ, ᐃᖅᑲᐅᒪᔪᖓ ᐃᖅᑯᒻᒪᓚᐅᖅᓯᒪᒐᒪ, ᐃᒪᓐᓇᓗ, "ᑕᐃᒪᐃᖏᓐᓇᕈᓐᓇᔾᔮᙱᓐᓇᒪ." ᑖᓐᓇ ᐊᕝᕕᐊᕈᑎᒋᓂᖅᐹᕆᓚᐅᖅᑕᕋ, ᓇᒻᒥᓂᖅ 'ᖃᓄᐃᓕᐅᕐᓂᐊᓕᖅᐳᖓ? ᐃᖅᑲᓇᐃᔭᑐᐃᓐᓇᕐᓂᐊᖅᐳᖓ ᐊᑭᑭᓛᒥᑦ ᑮᓇᐅᔾᔭᒃᓴᖅᑕᐅᕙᒃᑐᒥᑦ, ᑮᓇᐅᔾᔭᒃᓵᓂᑦ ᐊᑭᓕᖅᑕᐅᓂᕐᒧᑦ?'"

ᑭᓯᐊᓂ ᖁᔭᓕᔪᖅ ᐊᓈᓇᖓᓂᒃ ᐱᔪᒃᓯᑎᑦᑎᓂᖓᓄᑦ ᑖᔅᓱᒥᖓ − ᐊᔪᙱᓐᓂᖃᓕᕐᖢᓂ ᑎᑎᕋᖅᑎᒥᑦ ᑎᑎᕋᐅᔭᖅᑎᒧᑦ, ᖃᑕᙳᑎᒥᓂᒃ ᐱᕈᖅᓴᐃᓪᓗᓂ, ᑲᒪᑦᑎᐊᕐᖢᓂ ᐃᒡᓗᒥ, ᓂᕿᓕᐅᕐᓂᕐᒥᒃᓗ ᐅᓐᓄᑕᒫᑦ.

ᐃᓱᒪᓚᐅᕐᒪᑦ ᑕᐃᒪᐃᒍᓐᓇᖅᑐᒋᓪᓗᓂ, ᓱᒻᒪᑦ ᐱᔪᓐᓇᕋᔭᓐᖏᓚᖅ ᐱᔪᒪᔭᒥᓂᒃ?

"ᐃᒻᒥᓂᒃ−ᐃᓱᒪᒋᑦᑎᐊᙱᖦᖢᒍ ᓈᒻᒪᒐᓱᒋᙱᖦᖢᒍ, ᖃᓄᐃᓕᐅᓚᐅᖅᓯᒪᙱᓐᓇᒪ. ᑕᒪᓐᓇ ᐱᐅᙱᒻᒪᑦ, ᖃᓄᐃᒻᒪᑦ ᐃᓱᒪᒐᔭᖅᐳᖓ, ᐱᔾᔪᑎᒋᓪᓗᒍ ᒪᕐᕈᐃᓕᖅᑲᖓᒻᒪᑦ ᐊᖏᖅᑎᑕᐅᓯᒪᔪᖅ "ᖃᓄᐃᓕᐅᓚᐅᖅᓯᒪᙱᓚᖓ. ᑭᓇ ᐅᖃᕋᔭᖅᐸ ᐊᔪᕐᓂᕋᕐᓗᖓ?'"

ᐊᒻᒪᓗ ᖃᓄᑐᐃᓐᓇᖅ ᐅᖃᐅᔾᔨᒍᓐᓇᖅᐸᑦ ᐃᓕᓐᓂᐊᖅᑎᓂᒃ ᐃᓱᒪᔪᓂᒃ ᕿᒪᐃᒍᒪᓗᑎᒃ ᓄᓇᒥᓐᓂᒃ ᐊᖏᓂᖅᓴᓂᒃ, ᑕᐃᒪᐃᓕᐅᕈᒪᓐᓂᕈᑦᓯ.

"ᐃᓱᒪᒋᑦᑎᐊᖅᐸᒋᑦ ᐱᕕᒃᓴᖃᕈᕕᑦ ᐱᔪᒃᓯᓂᕆᔭᕐᓂᒃ ᐊᖏᕐᕋᕕᑦ ᓯᓚᑖᓂ ᒪᒃᑯᒃᑎᓪᓗᑎᑦ, ᐅᖃᕋᔭᖅᐳᖓ ᐱᔾᔪᑎᑕᖃᙱᓐᓂᖓᓂᒃ ᐅᐸᒋᐊᖃᙱᑕᕐᓂᒃ."

ᖁᔭᓐᓇᒦᑦᑎᐊᕐᒥᔭᕋ ᔮᔅᒥᓐ ᑲᐸᑕᐃ ᑎᑎᕋᓚᐅᕐᓂᖓᓄᑦ ᑖᔅᓱᒥᖓ.