ᖁᑭᐅᑎᖃᕐᓗᓂ ᐊᖑᓇᓱᒃᑎᐅᓪᓗᓂ ᐅᕝᕙᓘᓐᓃᑦ ᐊᔾᔨᓕᐅᕈᑎᖃᕐᓗᓂ ᐆᒪᔪᓂᒃ ᐊᔾᔨᓕᐅᕆᔨᐅᓗᓂ, ᔭᐃᓴᓐ ᓴᑦᓗᕙᓂᒃ ᖁᕕᐊᒋᔭᖃᖅᑐᖅ ᑎᒃᑯᐊᕆᐊᒃᓴᖅ ᖁᑭᕆᐊᕈᒪᓗᓂᓗ. ᐃᖃᓗᖕᓂ ᓄᓇᖃᖅᑐᖅ, ᓄᓇᕗᒻᒥ ᑭᓯᐊᓂ ᐱᕈᖅᓴᓚᐅᖅᓯᒪᔪᖅ ᒥᑦᑎᒪᑕᓕᖕᒥ ᐊᒻᒪ ᖃᐅᓱᐃᑦᑐᒥ. ᐃᓅᓯᓕᒫᖓᓂ, ᑲᓇᑕᓕᒫᒥ ᓄᓇᖃᖅᓯᒪᔪᖅ ᐅᓇᑕᖅᑐᒃᓴᐅᖃᑕᐅᓪᓗᓂ, ᑲᓇᑕᒥ ᐅᓇᑕᖅᑐᒃᓴᒃᑯᓐᓂ. ᓂᖅᑐᕐᓇᖅᑐᒥᑦ ᐊᓂᑎᑕᐅᓚᐅᖅᑎᓪᓗᒍ, ᐊᖏᕐᕋᓚᐅᖅᑐᖅ ᐃᖃᓗᓐᓄᑦ. ᑕᐃᒪᓕ ᕿᒪᐃᓯᒪᓕᕐᒪᑦ ᐅᓇᓕᒃᓴᐅᔪᓂᒃ, ᓱᓗᕕᓂᒃ ᐃᖅᑲᓇᐃᔭᓕᖅᑐᖅ ᓄᓇᕗᑦ ᒐᕙᒪᒃᑯᖏᓐᓄᑦ ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ ᐊᐅᓚᑦᑎᔨᐅᓪᓗᓂ, ᑕᒪᓐᓇ ᑲᒪᒋᔭᐅᓯᒪᓕᖅᑐᖅ ᐅᑭᐅᓄᑦ 7-ᓄᑦ. 

ᓯᓚᑖᓂ ᐃᖅᑲᓇᐃᔭᕐᓂᖓᑕ, ᐃᓱᒪᖅᓱᖅᑐᓂ ᐊᔾᔨᓕᐅᕆᖃᑦᑕᖅᑐᖅ, ᐊᔾᔨᓕᐅᕆᓪᓗᓂ ᑲᓇᑕᐅᑉ ᓯᓚᑖᓄᕈᓐᓇᐅᑎᓄᑦ, ᖁᑭᐅᑎᓄᑦ ᓚᐃᓴᓄᑦ, ᓄᓇᖃᐃᓐᓇᓂᕐᒧᑦ ᐊᐅᑦᑕᔫᓂᑦ ᐊᒻᒪᓗ 3d-ᓂᑦ ᐱᖁᑎᒋᔭᐅᔪᓂᑦ ᐳᓚᕋᑦᑐᓂ. ᐃᖅᑲᓇᐃᔮᖓᑕ ᐊᑯᓐᓂᖓᓂ ᐊᒻᒪ ᓇᖕᒥᓂᓕᕆᖃᑦᑕᖅᑕᖏᓐᓄᑦ, ᐱᓕᕆᐊᒃᓴᖃᐃᓐᓇᖅᐳᖅ. ᐃᓱᒪᖅᓱᖅᖢᓂ ᐱᓕᕆᓂᖓ ᑮᓇᐅᔭᖅᑐᖅᐳᖅ ᓴᑦᓗᕙᓐᒥᒃ ᐃᓱᒪᖅᓱᖅᖢᓂ ᐊᒻᒪ ᓇᖕᒥᓂᖅ ᐃᓂᒃᓴᓕᐅᕈᓐᓇᖅᖢᓂ, ᑭᓯᐊᓂ ᑐᓐᓂᖅᑯᓯᐊᑦ ᐊᑭᖃᓲᖑᕗᑦ ᐊᒻᒪ ᐊᑦᑕᕐᓇᖅᑐᓂᒃ. 

ᕿᒪᐃᓚᐅᖅᓱᑎᒃ ᐅᓇᓕᑦᓴᔭᓂᒃ, ᓴᑦᓗᕙᓂᒃ ᐃᖅᑲᓇᐃᔭᑲᐃᓐᓇᖃᑦᑕᓚᐅᕐᑑᒃ ᐃᖅᑲᓇᐃᔮᓐᓂᒃ ᑭᓯᐊᓂ ᐃᖅᑲᓇᐃᔭᓚᐅᙱᒻᒪᑕ ᑕᐃᒪ ᐃᖅᑲᓇᐃᔮᖅᑖᕋᓱᐊᓯᑦᑕᖅᑯᖅ ᐃᖅᑲᓇᐃᔭᕈᒪᑦᓱᓂ ᑕᐃᒪᙵᓪᓗ ᑕᐃᒪᐃᑦᓯᒪᓕᖅᓱᓂ. ᕿᓚᒥᐊᓗᒃ ᑎᒍᓪᓗᓂᐅᒃ. ᐊᔾᔨᓕᐅᕆᓂᖅ ᑎᑭᐅᑎᓚᐅᖅᑕᖓ ᓄᓇᕐᔪᐊᒥ ᖃᓂᒻᒪᒍᑕᐅᕙᓪᓕᐊᑎᓪᓗᒍ, ᓄᓇᒦᓪᓗᓂ ᐊᒻᒪ ᑕᑯᓚᐅᖅᑕᒥᓂᒃ ᑐᓴᖅᑎᑦᑎᔪᒪᓪᓗᓂ. ᐊᑭᑐᓂᖏᓐᓄᑦ ᐊᔾᔨᓕᐅᕈᑏᑦ ᐊᒻᒪᓗ ᐅᑭᐅᖅᑕᖅᑐᒥ ᐃᓅᓇᓱᐊᕐᓂᖅ, ᐊᔾᔨᓕᐅᕈᑦ ᓴᓇᔭᐅᑎᓪᓗᒍ ᐃᓱᒪᓕᐅᕈᑕᐅᓚᐅᖅᑐᖅ ᑮᓇᐅᔭᓕᐅᕈᑕᐅᓂᖅᓴᐅᓪᓗᓂ ᐃᓚᒥᓄᑦ. "ᐊᓕᐊᓇᒍᓱᙱᑦᑐᖓ. ᐊᓕᐊᓇᐃᒍᓱᒃᑐᖓ ᒪᓕᓚᐅᕋᒃᑯ," ᐊᓕᐊᓇᖅᐳᖅ. 

ᐅᖃᐅᔾᔪᐃᓂᖓ ᒪᒃᑯᒃᑐᓄᑦ ᐃᓱᒪᔪᓄᑦ ᓄᓇᒥᓂᒃ ᕿᒪᐃᔪᒪᓪᓗᑎᒃ ᐃᖅᑲᓇᐃᔭᕆᐊᕈᒪᓪᓗᑎᒃ ᐃᓕᓐᓂᐊᕐᕕᖕᒥᓪᓘᓐᓃᑦ ᐃᓕᓴᖅᓯᕗᑦ ᐊᖏᕐᕋᐅᔾᔨᔪᓐᓃᕐᓗᓂ, ᐃᓕᖅᑯᓯᑐᖃᕐᓂᒃ ᖁᐊᖅᓵᖅᑎᑦᑎᔪᓐᓇᕐᓂᖓᓂᒃ, ᐃᓚᒥᓂᒡᓗ ᐱᖃᓐᓇᕆᔭᒥᓂᒡᓗ ᕿᒪᒃᓯᓯᒪᔪᓐᓇᕐᓂᖓᓂᒃ. "ᑕᐅᕗᖓᓕᒫᕆᐊᖃᙱᑦᑐᖅ, ᐅᑎᖏᓐᓇᕈᓐᓇᖅᑐᑎᑦ. ᐱᕚᓪᓕᕈᓐᓇᖅᑐᑎᑦ ᐱᒻᒪᕆᐅᔪᓂᒃ ᐊᔪᙱᓐᓂᕐᓂ, ᐊᑐᕐᓂᑯᖕᓂᑦ, ᐃᓕᓐᓂᐊᖅᓯᒪᔭᕐᓂᒃᓗ, ᐊᖏᕐᕋᐅᑎᓗᒍᓗ ᐃᓕᖕᓄᑦ. ᐊᒃᓱᕈᕐᓇᖅᑐᖃᕐᓂᐊᖅᑐᖅ, ᑭᓯᐊᓂ ᑐᓐᓂᖅᑯᓯᐊᑦ ᑕᐃᑲᓃᒻᒥᔪᑦ," ᐱᖁᔨᔪᖅ. 

"ᐱᕚᓪᓕᕈᓐᓇᖅᑐᑎᑦ ᐱᒻᒪᕆᐅᔪᓂᒃ ᐊᔪᙱᓐᓂᕐᓂ, ᐊᑐᕐᓂᑯᖕᓂᑦ, ᐃᓕᓐᓂᐊᖅᓯᒪᔭᕐᓂᒃᓗ, ᐊᖏᕐᕋᐅᑎᓗᒍᓗ ᐃᓕᖕᓄᑦ. ᐊᒃᓱᕈᕐᓇᖅᑐᖃᕐᓂᐊᖅᑐᖅ, ᑭᓯᐊᓂ ᑐᓐᓂᖅᑯᓯᐊᑦ ᑕᐃᑲᓃᒻᒥᔪᑦ."

ᓇᒻᒥᓂᖅ ᐃᓅᓯᕐᒥᓂᒃ ᓂᕈᐊᖃᑦᑕᑎᓪᓗᒍ, ᐅᒡᒍᐊᖏᑦᑐᖅ ᐃᓚᐅᓕᕋᒥ ᐅᓇᓕᔅᓴᓄᑦ, ᖁᕕᐊᓱᒃᑲᓗᐊᖅᑐᓂ ᐃᓚᒋᔭᐅᒍᓐᓃᕐᒪᑦ. ᖁᔭᓕᔪᖅ ᐊᔪᙱᓐᓂᖏᓐᓄᑦ ᐊᒻᒪᓗ ᐃᓂᖅᑎᖅᑕᐅᓂᕐᒧᑦ ᐱᓚᐅᖅᑕᖓᓄᑦ ᐱᕙᓪᓕᐊᑎᓪᓗᒍ ᐊᒻᒪᓗ ᖃᓄᖅ ᑕᒪᒃᑯᐊ ᐃᓚᔭᐅᓯᒪᖕᒪᖔᑕ ᐃᓅᓯᖓᓄᑦ. "ᐅᑎᕐᓗᖓ, ᓇᒧᑐᐃᓐᓈᓗᒃ ᐱᓕᕆᓇᔭᖅᐳᖓ," ᑕᐃᒪᓐᓇ ᐅᖃᖅᖢᓂ. 

ᐅᓇᑕᖅᑐᒃᓴᓂ, ᑕᒪᒃᑯᐊ ᐊᐳᖅᑕᕈᑕᐅᔪᑦ ᐊᓂᒍᖅᑎᒍᓐᓇᓚᐅᕐᒪᒋᑦ ᐱᓕᕆᖃᑎᖃᑦᑎᐊᕐᓂᒃᑯᑦ ᒪᓕᒐᓕᐅᖅᑎᐅᖃᑎᒥᓂᒃ. ᐅᖃᐅᓯᖃᖅᑐᖅ ᐊᒃᑐᐊᓂᖏᓐᓂᒃ ᐱᓕᕆᖃᑎᖏᑦ ᓄᑲᕇᖑᓂᕐᒧᑦ ᑕᐃᒪᓐᓇᓗ ᐃᑲᔪᕐᖢᓂ ᐊᒃᓱᕈᕐᓇᖅᑐᒃᑰᓕᕐᖢᓂ. ᐃᓂᖅᑎᕆᓂᖅ ᐊᒻᒪᓗ ᐋᖅᑭᒃᓯᒪᓂᖅ ᐃᑲᔪᓚᐅᕐᒥᔪᖅ, ᐊᒻᒪᓗ ᖁᔭᓕᓪᓗᓂ ᐊᑭᑭᓐᓂᖅᓴᐅᓂᖓᓂᒃ ᐃᓅᓇᓱᐊᕐᓂᖅ ᐊᒻᒪᓗ ᐱᔭᕆᐊᑭᑦᑐᒥᒃ ᐊᑐᐃᓐᓇᖃᕐᓂᖅ ᐊᓯᖏᓐᓄᑦ ᓄᓇᓕᓐᓄᑦ ᖃᓪᓗᓈᓃᑎᓪᓗᒍ.

ᒪᒃᑯᓐᓂᖅᓴᐃᑦ ᓇᒻᒥᓂᖅ ᐅᖃᐅᔾᔨᒋᐊᕈᓐᓇᖅᐸᑕ ᐃᓕᓐᓂᐊᕐᓂᖓ ᐱᒻᒪᕆᐅᓂᖅᓴᐅᒐᔭᖅᐳᖅ. ᒫᓐᓇᐅᔪᖅ, ᓴᓪᓗᕕᓂᖅ ᐱᓇᓱᐊᖅᑐᖅ ᐱᔭᕇᖅᓯᔾᔪᓯᐊᖅ ᓯᕗᓪᓕᖅ ᓂᐅᕕᖃᑦᑕᕐᓂᕐᒧᑦ ᐋᑕᐹᔅᑲ ᓯᓚᑦᑐᖅᓴᕐᕕᔾᔪᐊᖓᑎᒍᑦ. ᑕᒪᓐᓇ ᖁᕕᐊᒋᖃᑦᑕᕐᒪᒍ ᐃᖅᑲᓇᐃᔮᖓᓄᑦ, ᐃᓚᖏᓐᓄᑦ ᐊᒻᒪᓗ ᓇᒻᒥᓂᖁᑎᖓᓄᑦ, ᐱᒋᐊᖅᓴᕋᐃᒍᒪᕗᖅ. ᒫᓐᓇ 39−ᖑᓕᖅᑐᖅ ᐃᖅᑲᓇᐃᔭᕐᕕᒋᔭᖓ ᐊᑭᓖᓪᓗᓂ ᐃᓕᓐᓂᐊᕐᓂᖓᓄᑦ, A-ᒥᒃ ᐃᓕᓐᓂᐊᓕᓵᖅᖢᓂ. 

ᐃᒡᒑᒃᑐᒻᒪᕆᐅᓪᓗᓂ, ᓴᑦᓗᕙᓂᒃ ᓯᕗᓪᓕᐅᑎᔭᕆᐊᓖᑦ. ᓯᕗᓪᓕᕐᒥ, ᑲᒪᒋᔭᖃᓪᓗᐊᑕᖅᐸᒃᐳᖅ ᐊᖑᒻᒪᑎᔪᒪᓪᓗᓂ ᐃᒡᓗᒥᐅᑕᐅᖃᑎᒌᓂ ᐱᔭᐅᔭᕆᐊᓕᖕᓄᑦ ᑮᓇᐅᔭᑎᒍᑦ ᐃᑲᔪᖅᐸᒃᐳᕐᓗ ᐃᒡᓗᒥᐅᑕᓂᒃ ᐱᓕᕆᐊᖃᕐᓂᕐᒥᒃ ᐃᓚᒌᓂᒡᓗ ᑲᒪᒋᔭᒃᓴᕆᔭᐅᔪᓂᒃ. ᑭᖑᕙᖅᑐᓂ, ᐃᓕᓐᓂᐊᖅᑕᒥᓂᒃ ᐱᓕᕆᖃᑦᑕᖅᑐᖅ ᓇᒻᒥᓂᖅ. ᐃᓕᓐᓂᐊᖅᑕᖏᑦ ᑕᖅᑭᓄᑦ 6-ᓄᑦ ᐃᓱᓕᕝᕕᖃᕐᒪᑕ ᐊᒻᒪᓗ ᐅᖓᕙᕆᐊᖅᑕᐅᔪᓐᓇᖅᑐᑎᒃ. ᑕᒪᓐᓇ ᑲᒪᒋᔭᐅᑎᓪᓗᒍ, ᖁᕕᐊᒋᔭᖃᖅᐸᑉᐳᖅ ᓲᕐᓗ ᐊᖑᓇᓱᓐᓂᕐᒥᒃ, ᓂᕿᖃᖅᑎᑦᑎᔪᓐᓇᖅᑐᓂ ᐃᓚᒥᓄᑦ ᐱᖃᓐᓇᕆᔭᒥᓂᒃ ᐊᐅᓪᓚᖅᓯᒪᑎᓪᓗᒍ. ᑖᓐᓇ ᐊᑦᔨᓕᐅᕆᔨᐅᓪᓗᓂ ᖁᑭᕆᐊᖃᕐᒪᖔᖅ ᐊᔾᔨᓕᐅᕈᑎᒧᑦ ᐅᕝᕙᓘᓐᓃᑦ ᖁᑭᐅᑎᒧᑦ. ᐊᓯᕙᕐᓂᖅ ᐊᑭᑐᔪᐊᓘᒻᒪᑦ ᑭᓯᐊᓂ ᐱᔪᓐᓇᓂᓕᒫᒥᓂᒃ ᐱᓕᕆᖃᑦᑕᖅᑐᖅ. 

ᐱᔪᒃᓯᑎᑦᑎᓂᐊᕐᓗᓂ, ᓴᑦᓗᕙᓂᒃ ᐱᔪᒃᓯᓕᖅᑎᑕᐅᕙᒃᐳᖅ ᑲᔪᓯᓂᖃᑦᑎᐊᕐᓂᖏᓐᓄᑦ ᐊᓯᖏᑕ. ᓇᓚᐅᑦᑖᖅᓯᒪᓂᖓᑎᒍᑦ, ᑲᔪᓯᑦᑎᐊᕐᓂᖓ ᓇᓗᓇᐃᖅᑕᐅᓗᐊᖅᓯᒪᙱᑦᑐᖅ ᑮᓇᐅᔭᑎᒍᑦ ᐊᔪᖅᓴᖏᓐᓂᕐᒥᑦ ᑭᓯᐊᓂ ᐱᐅᔪᒥᒃ ᖃᑕᙳᑎᖃᕐᓂᖅ. ᐱᓕᕆᐊᖃᖅᐳᖅ ᐱᐅᓂᖅᓴᒥᑦ ᐃᖅᑲᓇᐃᔭᕐᓂᕐᒥᑦ ᓇᒻᒥᓂᖅ ᐊᒻᒪᓗ ᐃᓱᒪᖅᓱᓂᖅᓴᐅᒍᒪᓪᓗᓂ ᐃᖅᑲᓇᐃᔭᕐᓂᕐᒥᑦ ᖃᑦᑏᓐᓇᐅᓂᖅᓴᓂᑦ ᐃᑲᕐᕋᓂᑦ, ᐃᖅᑲᓇᐃᔭᖏᓐᓂᖅᓴᐅᓪᓗᓂ ᕿᑲᕐᓇᐅᑎᓪᓗᒍ, ᐃᓱᒫᓗᓐᖏᓂᖅᓴᐅᓪᓗᓂ ᐊᑭᓕᕆᐊᓕᓐᓂᑦ ᐊᒻᒪᓗ ᐃᓚᒥᓂᒃ ᐱᖃᑎᖃᕐᓂᖅᓴᐅᓪᓗᓂ. ᐃᒪᐃᒍᒪᒐᔭᖅᑐᕐᓕ ᐃᓱᒪᖅᓱᓂᖅᓴᐅᓗᓂ ᐃᑲᕐᕋᒐᓵᓗᓐᓂᒃ ᐊᔾᔨᓕᐅᕆᖃᑦᑕᕐᓗᓂ ᐆᒪᔪᓂᒃ. ᖁᔭᓕᔪᖅ ᐱᕕᖃᕈᓐᓇᓚᐅᕐᒪᑦ ᑲᓇᑕᐅᑉ ᓯᓚᑖᓅᕈᓐᓇᐅᑎᓂᒃ ᐊᒻᒪᓗ ᐱᖁᑎᓪᓚᑦᑖᓂᒃ ᐊᔾᔨᓕᐅᕆᓂᕐᒥᒃ ᑭᓯᐊᓂ ᐊᔾᔨᓕᐅᕆᒃᑲᓐᓂᕈᒪᔪᖅ ᐊᒻᒪᓗ ᑕᑯᖅᑯᑎᖃᑦᑕᕐᓗᓂᒋᑦ. 

ᐱᖃᑎᖃᕐᓗᓂ ᖁᑭᐅᑎᒥᒃ ᐊᖑᓇᓱᒃᑎᐅᓗᓂ ᐅᕝᕙᓘᓐᓃᑦ ᐊᔾᔨᓕᐅᕈᑎᖃᕐᓗᓂ ᐆᒪᔪᓂᒃ ᐊᔾᔨᓕᐅᕆᔨᐅᓗᓂ, ᔭᐃᓴᓐ ᓴᑦᓗᕙᓂᒃ ᖁᕕᐊᒋᔭᖃᖅᑐᖅ ᑎᒃᑯᐊᕋᓱᒃᓗᒍ ᖁᑭᖅᑕᐅᓗᓂᓗ. ᕿᒪᐃᓚᐅᖅᑐᖅ ᐅᓇᑕᖅᑐᒃᓴᓂᒃ ᐊᔪᖖᒋᓐᓂᖃᕐᖢᓂ ᐊᒻᒪᓗ ᐅᖃᐅᔾᔪᖅᓱᖅᑕᐅᓪᓗᓂ ᐱᓇᓱᐊᕐᖢᓂ ᐃᓄᖕᓄᑦ ᐃᓅᓯᕐᒧᑦ ᐅᑭᐅᖅᑕᖅᑐᒥ. ᐃᓚᒥᓄᑦ ᑐᓂᓯᓪᓗᓂ, ᓯᓐᓇᑦᑑᒪᒋᔭᖏᑦ ᒪᓕᒃᖢᒋᑦ, ᐊᒻᒪᓗ ᐱᓕᕆᓪᓗᓂ ᐃᓕᓐᓂᐊᕐᓂᖓᓂᒃ, ᐱᓇᓱᐊᖅᑐᖅ ᐊᖑᓇᓱᖕᓂᕐᒥᒃ, ᐊᔾᔨᙳᐊᑦᑎᐊᕙᖕᒥᒃ ᐊᒻᒪᓗ ᓇᓕᒧᒌᒃᑎᑦᑎᑎᐊᕐᓂᕐᒥᒃ ᖃᐅᑕᒫᑦ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.