"ᐃᓕᓐᓂᐊᕐᕕᒃ ᐊᒃᓱᕈᕐᓇᖅᑐᒻᒪᕆᐅᓚᐅᖅᐳᖅ ᐅᕙᓐᓄᑦ, ᓲᖃᐃᒻᒪ ᐃᓅᓚᐅᕋᒪ ᐱᕈᖅᓴᓪᓗᖓᓗ ᖃᓪᓗᓈᓂ. ᐅᖃᐅᓯᖃᕌᖓᑦᑕ ᓄᓇᖃᖅᑳᖅᓯᒪᔪᑦ ᐃᓄᖏᓐᓂᒃ ᐊᒻᒪ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᕈᑎᖏᓐᓂᒃ, ᑕᑯᓪᓚᕆᓚᐅᖅᓯᒪᙱᑦᑐᖓ ᐃᓕᓴᕐᓇᐅᑎᓐᓂᒃ ᑕᑯᒃᓴᐅᔪᓂᒃ ᐃᓕᓐᓂᐊᕐᕕᖕᒥ, ᐃᓅᑉ ᓇᑉᐸᕆᓪᓗᓂᐅᒃ," ᑲᐃᑦᓕᓐ ᕼᐆᓴᒃ ᐅᓂᒃᑳᖅᑐᖅ. ᖃᐅᔨᒪᓇᔭᙱᑦᑐᑎᑦ ᐃᓕᓐᓂᐊᕐᕕᒃ ᐊᔪᕐᓇᕐᓂᖓᓂᒃ 

ᒫᓐᓇ ᐃᓕᓐᓂᐊᖅᑎᓪᓚᕆᐅᓕᖅᑐᖅ ᓯᓚᑦᑐᖅᓴᕐᕕᒡᔪᐊᖓᓂ ᕕᒃᑐᐊᕆᐊᒥ. 

"ᐱᐅᔪᒻᒪᕆᐊᓘᖕᒪᑦ ᐃᓕᓐᓂᐊᕐᓂᓕᕆᓂᕐᒥ ᐊᔾᔨᒌᙱᑦᑐᓂᒡᓗ ᖃᐅᔨᒪᓂᕐᓂ ᖃᓄᐃᓕᐅᕐᓂᕐᓂᒃᓗ ᐊᔾᔨᒋᖏᑕᖓᓂᒃᓗ ᐱᓪᓗᑎᒃ ᐊᔾᔨᒌᖏᑦᑐᓄᑦ ᐃᓄᖕᓄᑦ. ᐱᐅᙱᑦᑐᒥᒃ ᖃᐅᔨᒪᓂᖃᙱᓚᖅ."

ᐃᓅᓪᓗᓂ ᐊᑖᑕᖓᑕ ᓴᓂᐊᓃᑦᑐᖅ, ᐋᑕᒻᔅ ᑲᖏᖅᖠᓂᕐᒥᐅᖅ. ᐃᖅᑲᓇᐃᔮᖓᓄᑦ ᐃᓕᓐᓂᐊᕐᓂᓕᕆᓂᕐᒧᓪᓗ ᐊᖅᑯᑎᖓ ᐱᓯᒪᔪᖅ ᖃᑕᙳᑎᒌᓄᑦ ᐃᑲᔪᖅᓱᐃᓂᕐᒥ ᐃᖅᑲᓇᐃᔮᒥ ᐱᔭᕇᖅᓯᔾᔪᓯᐊᖅ ᓯᕗᓪᓕᖅ ᒪᓕᒐᓕᕆᓂᕐᒧᑦ ᐃᓕᓐᓂᐊᕈᑎᓄᑦ, ᒫᓐᓇᓗ ᐃᓕᓐᓂᐊᓕᖅᖢᓂ ᓄᓇᒥᒃ, ᑕᐅᑐᒃᖢᓂ ᓄᓇᖃᖅᑳᖅᓯᒪᔪᑦ ᒐᕙᒪᓕᕆᔾᔪᓯᖏᓐᓂᒃ ᐊᑐᒐᒃᓴᖏᓐᓂᒃᓗ ᖃᐅᔨᒪᓂᕐᓂ ᓄᓇᒦᓐᓂᕐᒥᓗ ᐃᒪᕐᒥᒃᓗ ᐃᓗᐊᓂ ᑖᓐᓴᓂᐊ. ᐃᖅᑲᓇᐃᔮᖓᑦ ᑲᑎᑎᑦᑎᕗᖅ ᒪᓕᒐᕐᓂᑦ, ᐊᑐᐊᒐᕐᓂᑦ, ᐊᒻᒪ ᓄᓇᓕᖕᓂᑦ ᐱᕈᖅᓴᐃᓂᕐᒥᑦ.

2016−ᒥ, ᕼᐆᓴᒃ ᐃᓚᐅᓚᐅᖅᐳᖅ ᓄᓇᕐᔪᐊᓕᒫᒥ ᐱᓕᕆᐊᖃᖅᐸᖕᓂᕐᒧᑦ ᐱᓕᕆᐊᖑᕙᒃᑐᒥ ᓄᓇᕐᔪᐊᓕᒫᒥ ᓄᓇᖃᖅᑳᖅᑐᓄᑦ ᒪᒃᑯᒃᑐᓄᑦ ᐃᖅᑲᓇᐃᔭᖅᑎᕈᖅᓴᓂᕐᒧᑦ ᐱᓕᕆᐊᖑᕙᒃᑐᒧᑦ. ᓄᓇᖃᓚᐅᖅᑐᖅ ᐊᒻᒪᓗ ᐃᖅᑲᓇᐃᔭᖅᓯᒪᓪᓗᓂ ᑲᓚᒻᐸᐊᒥ ᑕᖅᑭᓄᑦ ᑎᓴᒪᓄᑦ ᐊᒻᒪᓗ ᐃᓕᓐᓂᐊᖅᑐᓂ ᓄᓇᕐᔪᐊᕐᒥ ᐱᕙᓪᓕᐊᓂᐅᔪᓂᒃ ᐊᒻᒪᓗ ᓴᓂᓕᕇᓂᒃ ᖃᓪᓗᓈᖑᖃᑎᒌᓂᒃ ᑲᓇᑕᒥ ᐊᒻᒪᓗ ᓯᓚᕐᔪᐊᒥ ᖃᓪᓗᓈᑦ ᓄᓇᖓᓐᓂ ᑕᒪᒃᑯᑎᒎᓇ ᑮᓇᐅᔭᖃᖅᑎᑕᐅᓂᒃᑯᑦ.

ᐅᑎᕋᒥ ᑲᓇᑕᒧᑦ, ᖃᐅᔨᒪᓗᐊᓚᐅᙱᑦᑐᖅ ᖃᓄᐃᓕᐅᕈᒪᖕᒪᖔᑦ. ᐊᓈᓇᖓᑕ ᐃᓱᒪᒋᔭᖓᓂ, ᐱᔭᕇᖅᓯᓪᓗᓂ ᖁᓕᓄᑦ ᑕᖅᑭᓄᑦ ᓄᓇᖃᖅᑳᖅᓯᒪᔪᓄᑦ ᖃᑕᙳᑎᒌᓄᑦ ᐃᑲᔪᖅᑎ ᐱᓕᕆᐊᒃᓴᒥ. ᐱᔭᕇᖅᓯᓚᐅᖅᑐᖅ ᒪᕐᕉᓐᓂᒃ ᐱᓕᕆᓪᓗᓂ ᐊᒻᒪᓗ ᐃᓚᐅᖃᑕᐅᓪᓗᓂ ᑲᑎᒪᕕᒻᒥ. ᒪᓐᒃᑕᓐᒥ ᓄᓇᖃᓚᐅᖅᑐᖅ, ᓂᐅ ᐳᕋᓐᔅᐅᐃᒃᒥ ᐊᒻᒪ ᓴᑦᐳᕆ ᐋᓐᑎᐅᕆᐅᒥ ᑕᖅᑭᓄᑦ 6-ᓄᑦ ᐊᒻᒪ ᐱᔭᕇᖅᓯᓪᓗᓂ ᐱᓕᕆᐊᒃᓴᓂᒃ 11-ᓂᒃ ᐃᒡᓗᕈᓯᖃᖃᑎᒋᔭᒥᓂᒃ. 

ᐅᑎᖅᑎᓪᓗᒍ ᐳᕆᑎᔅ ᑲᓚᒻᐱᐊᒥᑦ, ᐃᓚᐅᓕᓚᐅᖅᑐᖅ ᕖᑎᐊᒥᑦ, ᐃᑲᔪᖅᖢᓂ ᐊᐅᓚᑦᑎᓪᓗᓂ ᓄᓇᕐᔪᐊᒥᑦ ᓄᓇᖃᖅᑳᖅᓯᒪᔪᑦ ᒪᒃᑯᒃᑐᓄᑦ ᐃᖅᑲᓇᐃᔭᖅᓯᓐᓈᑦ ᐃᓕᓐᓂᐊᖅᑐᓂᑦ Zambia−ᒧᑦ ᐅᒐᓐᑕᒧᓪᓗ.  ᐱᓕᕆᖃᑎᖃᖅᓯᒪᔪᑦ 150-ᑲᓴᓐᓂᒃ ᓄᓇᖃᖅᑳᖅᓯᒪᔪᓂᒃ ᐃᓅᓱᒃᑐᓂᒃ ᑲᓇᑕᓕᒫᒥᒃ. ᕼᐆᓴᒃ ᐱᓕᕆᐊᖓ ᓴᓇᕙᓪᓕᐊᕗᖅ ᓄᓇᑐᖃᕆᙱᑕᒥᓄᑦ ᐃᓕᓐᓂᐊᕐᓂᕐᒧᑦ ᖃᐅᔨᒪᓂᕐᒧᑦ ᐊᑐᖅᑕᐅᔪᓐᓇᖅᑐᓂᒃ ᑲᑐᔾᔨᖃᑎᒌᓄᑦ ᖃᐅᔨᒪᙱᑦᑐᓄᑦ ᓇᑭᑦ ᐱᒋᐊᕆᐊᒃᓴᖅ ᑕᒪᒃᑯᓄᖓ ᓄᓇᑐᖃᕆᙱᑕᒥᓄᑦ ᐋᖅᑭᒃᓯᒪᓕᖅᑎᑦᑎᓂᕐᒧᑦ ᑲᔪᓯᓂᕆᕙᒃᑕᖓᓄᑦ. 

ᐱᔭᕇᖅᓯᓚᐅᖅᑎᓪᓗᒍ ᐱᔭᕇᖅᓯᔾᔪᓯᐊᖅ ᓯᕗᓪᓕᖅ ᓇᓗᓇᐃᒃᑯᑕᖅᑖᕐᓂᕐᒧᑦ ᐱᓕᕆᐊᒃᓴᒥ ᕈᐃᔪᓪ ᐊᖅᑯᑎᖏᓐᓂ, ᓄᖅᑲᖓᓚᐅᑲᒍᒪᓚᐅᖅᑐᖅ ᑭᓯᐊᓂ Master's Program description ᐅᖃᓕᒫᕐᖢᓂᐅᒃ ᐅᑎᕈᒪᓕᕐᖢᓂ ᐃᓕᓐᓂᐊᕐᕕᖕᒧᑦ ᐊᑕᐅᓯᐊᒃᑲᓐᓂᕐᖢᓂ. "ᑲᔪᓯᑎᓪᓗᒋᑦ ᑖᒃᑯᐊ ᐱᓕᕆᖃᑎᒌᖕᓃᑦ ᑭᓇᑐᐃᓐᓇᕐᒧᑦ ᓄᖅᑲᖓᔾᔪᑕᐅᖏᓐᓇᐅᔭᕐᓂᐊᖅᑐᖅ ᓲᖃᐃᒻᒪ ᐅᒃᐱᕈᓱᖕᒪᑕ ᐃᓕᖕᓂᒃ ᑕᑯᓪᓗᑎᒡᓗ ᑭᓱᒥᑭᐊᖅ ᐱᑐᐃᓐᓇᕆᐊᖃᙱᑕᕐᓂᒃ ᐃᓕᖕᓂᒃ, ᑕᐃᒪᓐᓇᐅᓇᓱᒋᔭᕋ," ᐅᖃᖅᑐᖅ, ᓴᖅᑭᔮᖅᑎᑦᑎᔪᖅ ᑎᓕᐅᕆᓂᕐᒥᒃ ᐃᓕᓴᐃᔨᓂᒃ ᓄᓇᓕᖕᒥᓗ ᐱᓕᕆᖃᑎᖏᓐᓂᒃ ᐃᑲᔪᖅᓯᒪᔪᓂᒃ ᐱᓇᓱᐃᓐᓇᕐᓂᕐᒥᒃ.

‍

ᐃᓕᓐᓂᐊᓪᓚᑦᑖᕐᓂᖅ ᐃᑲᔪᖅᓯᒪᔪᖅ ᐱᕈᐃᓂᕐᒥᒃ ᐃᖅᑲᓇᐃᔮᒥᒃ ᓈᒻᒪᑦᑎᐊᖅᑐᒥᒃ, ᑭᓯᐊᓂ ᓇᓗᓇᐃᖅᓯᔪᖅ ᐃᓕᑦᑎᓂᓗᒃᑖᖑᖃᑦᑕᙱᓐᓂᖓᓂᒃ ᐃᓕᓐᓂᐊᕐᕕᖕᒥᑦ. "ᐃᓕᓐᓂᐊᕐᕕᒃ ᐱᒻᒪᕆᐅᕗᖅ. ᑭᓯᐊᓂᑦᑕᐅᖅ, ᐃᓕᑦᑎᕙᓪᓕᐊᓂᖅᓴᐅᓕᕐᒪᑕ ᐃᓕᓐᓂᐊᕐᕕᐅᑉ ᓯᓚᑖᓂ, ᓲᕐᓗ ᐃᓕᓐᓂᐊᕐᕕᐅᑉ ᓯᓚᑖᓂ. ᐱᒻᒪᕆᐅᒋᕗᖅᑕᐅᖅ ᑕᒪᒃᑯᐊ ᑯᐊᐸᒃᑯᓐᓄᑦ ᐱᕕᒃᓴᐃᑦ ᐊᑐᕐᓂᐊᕐᓗᒋᑦ, ᑕᒪᒃᑯᐊ ᐃᖅᑲᓇᐃᔭᖅᓯᓐᓈᑦ ᐃᓕᓐᓂᐊᖅᑐᑦ ᐱᕕᒃᓴᐃᑦ," ᐅᖃᐅᓯᖃᑦᑎᐊᖅᐳᖅ. 

ᓯᓚᑦᑐᖅᓴᕐᕕᔾᔪᐊᕐᒥ ᐊᑐᓚᐅᖅᑕᖓ ᐃᖏᕐᕋᑎᐊᓚᐅᖏᒻᒪᑦ. ᐃᓕᓐᓂᐊᖅᑕᖓ ᐱᒻᒪᕆᐅᑎᙱᖦᖢᒍ ᐊᑕᐅᓯᐊᖅᖢᓂ ᐃᓕᓐᓂᐊᑦᑎᐊᖅᓯᒪᓂᕐᒧᑦ ᓇᐅᑦᑎᖅᓱᖅᑕᐅᑦᑎᐊᓕᓚᐅᖅᑐᖅ. ᕼᐆᓴᒃ ᐊᓂᑲᐃᓐᓇᓚᐅᖅᑐᖅ ᐅᑎᖅᖢᓂᓗ, ᓴᙱᒃᑎᒃᑲᓐᓂᖅᖢᓂ. ᖃᐅᔨᓚᐅᖅᑐᖅ ᐃᓚᖏᓐᓂᒃ ᐃᓅᖃᑎᖏᑕ ᐊᒃᑐᐊᖃᑦᑕᐅᑎᓂᖏᓐᓂᒃ. "ᐱᖃᓐᓇᕆᔭᒻᒪᕆᐊᓗᖕᒦᓚᐅᖅᑐᖓ ᐱᖃᓐᓇᕆᔭᖃᖅᖢᖓᓗ ᐅᕙᓐᓂᒃ ᐅᑎᕈᑎᒋᓪᓚᕆᓚᐅᖅᑖᖓ ᐃᓅᓪᓗᖓ ᐱᔪᒪᔭᓐᓂᒃ," ᐃᖅᑲᐅᒪᔪᖅ. "ᐃᓕᓐᓂᐊᖅᑎᓪᓗᑎᑦ ᐱᕈᖅᐸᓪᓕᐊᑎᓪᓗᑎᑦ, ᑭᒃᑯᓕᒫᑦ ᐃᓚᐅᔪᓐᓇᙱᒻᒪᑕ ᐃᖏᕐᕋᑎᓪᓗᑎᑦ," ᑲᔪᓯᔪᖅ.

ᒪᒃᑯᒃᑐᓄᑦ ᐊᖏᕐᕋᐅᔾᔨᔪᒪᔪᓄᑦ ᐃᓕᓐᓂᐊᕆᐊᕐᓗᑎᒃ ᐃᖅᑲᓇᐃᔭᕆᐊᕐᓗᑎᒃᓘᓐᓃᑦ, ᐅᖃᐅᔾᔨᓲᖅ, "ᖃᓄᐃᙱᑦᑐᖅ ᐊᖏᕆᐊᒃᓴᖅ ᐱᕕᒃᓴᓄᑦ. ᑕᒪᓐᓇ ᑐᑭᖃᙱᓚᖅ ᐃᓄᐃᑦ ᓄᓇᔅᓯᓐᓂ ᐃᓕᔅᓯᓐᓄᑦ ᐱᒻᒪᕆᐅᒍᓐᓃᕐᒪᑕ. ᖃᓄᐃᙱᑦᑐᖅ ᐊᖏᕐᕋᖅᓯᒪᓚᐅᑲᒋᐊᒃᓴᖅ ᐅᑎᓚᐅᑲᒋᐊᒃᓴᖅ. ᑕᒪᒃᑯᐊ ᖃᓄᐃᙱᑦᑐᑦ ᐊᒻᒪᓗ ᑎᓕᐅᖅᐸᒃᓯ, ᑲᑉᐱᐊᓱᒃᑲᓗᐊᖅᐸᑕ ᐊᒻᒪᓗ ᐊᑲᐅᒃᓴᕈᓐᓃᖅᑎᐊᕐᔪᓪᓗᒋᑦ. ᓲᖃᐃᒻᒪ ᑕᕝᕙ ᐱᕈᑦᑎᐊᓛᖑᖕᒪᑦ."

ᐱᕕᖃᓕᕋᒥ, ᕼᐆᓴᒃ podcast−ᖃᕐᖢᓂ ᐃᒡᓗᕈᓯᖃᕐᖢᓂ ᐃᓕᖅᑯᓯᒃᑯᑦ ᐅᑎᖅᑎᑦᑎᓂᕐᒥᒃ ᐆᒻᒪᖅᑎᑦᑎᒃᑲᓐᓂᕐᓂᕐᒥᒡᓗ, ᒥᖒᑎᓂᒃ ᑎᑎᕋᕐᖢᓂᓗ. ᐱᖅᑯᓯᑐᖃᒃᑯᑦ ᕿᔪᑯᑖᖃᕐᖢᓂ ᑲᑭᖅᑯᐊᓂᒃᓗ ᑲᑭᖦᖢᓂ ᐊᒡᒐᒥᓄᑦ ᐊᓯᖏᓐᓄᓪᓗ ᑲᑭᑕᐅᓪᓗᑎᒃ ᐅᔾᔨᕐᓇᕐᔪᐊᖅᑐᑦ ᑖᔅᓱᒧᖓ, ᑭᓯᐊᓂ ᖃᑕᙳᑎᖏᑦ ᐊᐱᕆᓪᓗᑎᒃ ᑮᓇᖓᑕ ᑲᑭᑕᖏᓐᓂᒃ ᐊᑐᖁᙱᖦᖢᒍ. ᐃᓕᖅᑯᓯᖓ ᑕᑯᒃᓴᐅᕗᖅ ᐅᕕᓂᖓᒍᑦ ᐊᒻᒪ ᐃᖏᕐᕋᓂᕆᖃᑦᑕᖅᑕᖓ ᓄᓇᕐᔪᐊᓕᒫᒥ, ᐃᑲᔪᖅᐸᒃᖢᓂ ᐃᓕᓐᓂᐊᕐᕕᖕᓂ ᐱᔨᑦᑎᕋᑦᑎᐊᕐᓂᖅᓴᐅᖁᓪᓗᒋᑦ ᐃᓕᓐᓂᐊᖅᑎᓂᒃ. 

ᐊᖅᑯᑎᒋᔭᐅᔪᖅ ᐃᓚᒌᓄᑦ ᐃᑲᔪᖅᑐᐃᓂᕐᒧᑦ ᐱᓕᕆᓂᕆᔭᐅᔪᒥ ᒪᓕᒐᓕᕆᓂᕐᒧᑦ ᖃᐅᔨᓴᕐᓂᕆᔭᐅᔪᓄᑦ ᓄᓇᒧᑦ ᓄᓇᖃᖅᑳᖅᑐᓄᑦ ᐊᐅᓚᑦᑎᕝᕕᖃᖅᐸᖕᓂᕐᒧᑦ ᐃᓕᓐᓂᐊᕐᓂᓕᕆᓂᕐᒧᓪᓗ ᑐᑭᓕᐊᑦᑎᐊᓚᐅᖅᑐᒃᓴᐅᙱᖦᖢᓂ, ᑭᓯᐊᓂᓗᑦᑕᐅᖅ ᐃᓕᓐᓂᐊᕐᕕᖕᓂ ᐃᓕᓐᓂᐊᕌᓪᓚᓚᐅᕐᓗᓂ ᐃᓕᓐᓂᐊᒃᑲᓐᓂᕐᓂᖓ ᐊᔪᙱᓐᓂᖃᕐᓂᖅᓴᐅᕗᖅ ᓄᓇᙳᐊᓕᐅᕈᓐᓇᕐᓂᕐᒥᒃ ᓇᒧᙵᐅᕙᓪᓕᐊᓂᕆᔭᐅᔪᒥᒃ ᑲᔪᓯᓂᖃᑦᑎᐊᕐᓂᕐᒧᑦ ᑐᑭᖃᑦᑎᐊᖅᑐᒧᓪᓗ ᐊᒃᑐᖅᓯᓂᕆᓇᔭᖅᑕᖓᓄᑦ. ᓄᓇᕐᔪᐊᕐᒧᑦ ᐊᐅᓪᓚᓚᐅᖅᑎᓪᓗᒍ, ᖃᐅᔨᓚᐅᖅᑐᖅ ᐃᓂᑦᑎᐊᕙᐅᓂᖅᓴᐅᓕᖁᓪᓗᒍ, ᐊᔾᔨᐅᙱᑦᑐᒥᒃ ᑕᐅᑐᒃᑕᒥᓂᒃ ᐊᒻᒪ ᓴᙱᓂᕆᔭᖏᓐᓂᒃ ᓄᓇᓕᖕᒥᐅᑦ ᐅᒃᐱᕆᔭᖏᑦ. ᑲᐃᑦᓕᓐ ᕼᐆᓴᒃ ᑕᑯᙱᑐᐃᓐᓇᕆᐊᓕᒃ ᑭᒡᒐᖅᑐᖅᑕᐅᔪᒥᒃ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᕐᓂᓕᕆᓂᖏᓐᓂ ᐱᕈᖅᐸᓪᓕᐊᑎᓪᓗᒍ, ᑭᓯᐊᓂ ᓴᖅᑭᓕᖅᑐᖅ ᐊᓯᔾᔨᕐᓂᕐᒧᑦ ᒫᓐᓇ ᓴᖅᑭᔮᕐᓂᖓᓗ ᓴᙱᔫᓪᓗᓂ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.