ᐃᓱᒪᓚᐅᕐᒪᑦ ᐊᔪᓕᖅᓯᒪᓇᓱᒋᓪᓗᓂ ᖃᓄᐃᓕᐅᖅᑕᒥᓂᒃ ᐊᒻᒪᓗ ᐃᓕᓐᓂᐊᕆᐊᒃᑲᓐᓂᕈᓐᓇᐃᓕᓪᓗᓂ. ᖃᐅᔨᓚᐅᖅᑐᖅ ᑕᐃᒪᐃᓚᐅᖏᓐᓂᖓᓂᒃ. "ᐃᓱᒪᔪᖓᓕ ᐱᑕᖃᐃᓐᓇᐅᔭᕐᓂᖓᓂᒃ ᓂᕈᐊᕆᔭᐅᕙᒃᑐᓂᒃ. ᐃᒻᒪᖃ ᐸᕐᓇᓐᓂᑐᐃᓐᓇᐅᕗᖅ ᖃᓄᖅ ᓇᒧᙵᕈᒪᒻᒪᖔᖅᐱᑦ. ᑭᓱᑐᐃᓐᓇᖅ ᐃᓱᒪᒋᔭᐃᑦ ᐊᔪᕐᓇᙱᑐᐃᓐᓇᕆᐊᓕᒃ. ᐃᓱᒪᒋᙱᓪᓗᒋᑦ ᑕᐃᒃᑯᐊ ᐱᕕᒃᓴᐃᑦ," ᓛᕋᓐᔅ ᐃᖖᒍᐊᑦ. ᐊᓐᑎᐅᕆᐅᑉ ᐅᐊᖕᓇᖓᓂᙶᖅᑐᖅ, ᐊᖏᕐᕋᖓ ᐊᑦᑎᖅᑕᐅᓯᒪᕗᖅ ᐃᓚᒥᓄᑦ, ᐱᐅᔪᐊᓘᓚᐅᖅᑎᓪᓗᒍ, ᐊᑖᑕᑦᑎᐊᕚᓗᒃ ᐃᑲᔪᓚᐅᖅᑐᖅ ᓲ ᓵᓐᕗᑦ ᕝᓚᒥᖕ ᐃᑳᖅᑎᓪᓗᒍ ᓄᓇᕗᒻᒥ. ᐅᐱᒋᓪᓗᒍ ᐊᔪᖏᓐᓂᖓ, ᐊᑦᑎᖅᓯᓚᐅᖅᑐᑦ ᓄᓇᓕᖓᑕ ᑭᖑᓂᐊᒍᑦ ᐊᒻᒪᓗ ᐃᓚᖏᑦ ᓄᓇᖃᖅᓯᒪᓕᖅᑎᓪᓗᒋᑦ ᑕᐃᒪᙵᓂᒃ.

ᐅᓪᓗᒥᐅᓕᖅᑐᖅ, ᐃᒡᓇᔅ ᐱᓕᕆᐊᖃᖅᐳᖅ Ph.D.-ᒥᑦ ᓯᓚᑦᑐᖅᓴᕐᕕᒡᔪᐊᒥᑦ ᕕᒃᑑᕆᐊᒥᑦ ᐊᕙᑎᓕᕆᓂᕐᒧᑦ ᖃᐅᔨᓴᖅᑐᓂᑦ. ᓂᕈᐊᖅᑎᓪᓗᒍ ᐃᓕᓐᓂᐊᕐᓂᐊᖅᑕᒥᓂᒃ ᐊᒻᒪᓗ ᑭᓇᐅᒻᒪᖔᖅ ᐃᓅᓪᓗᓂ, ᐊᓈᓇᖓ ᐊᒻᒪᓗ ᐊᓈᓇᑦᑎᐊᖓ ᐊᒃᓱᐊᓗᒃ ᐊᒃᑐᐃᓂᖃᓚᐅᖅᑐᖅ. ᑕᒪᕐᒥᒃ ᐊᕐᓇᓂᒃ ᒥᑭᒋᐊᕐᓂᐊᖅᑎᓂᒡᓗ ᓴᙱᔪᒻᒪᕆᐊᓗᓐᓂᒃ ᐃᓅᔪᖃᓚᐅᖅᑐᖅ ᓄᓇᒥ.

ᐊᖏᕐᕋᓕᐅᖅᓯᒪᔪᖅ ᓇᒻᒥᓂᖅ ᐅᐊᐃᑦᕼᐅᐊᔅᒥ ᐊᒻᒪᓗ ᓂᕈᐊᖅᑐᓂ ᐃᓕᓐᓂᐊᕐᕕᔾᔪᐊᖓᓂᒃ ᑕᕝᕙᓂᒃᓴᐃᓐᓇᖅ ᐃᓪᓗᖓᓃᒍᒪᓪᓗᓂ.

ᐃᖐᓇᐃᑦ ᐃᑲᔪᖅᑐᐃᔪᒥᑦ ᐊᖓᔪᖅᑳᖃᖅᐳᑦ, ᐃᓱᒪᒋᔭᖓ ᐊᑑᑎᖃᕋᓱᒋᓪᓗᓂᐅᒃ ᐃᓱᓕᑦᑎᓂᐊᕐᓗᓂ ᐃᓕᓐᓂᐊᕐᑎᑦ ᑲᔪᓯᑦᑎᐊᖕᓂᖏᓐᓂᑦ ᒥᑭᓐᓂᕐᓴᓂᒡᓗ ᐃᓕᓐᓂᐊᕐᕕᖕᒥᑦ ᐊᒥᓱᓂᑦ ᐱᕕᖃᕈᑕᐅᓪᓗᓂ ᐃᓕᓐᓂᐊᕐᓂᖕᒧᑦ. ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑎᑦ ᐃᑲᔪᖅᑎᖏᑦ ᐃᓚᖃᖅᐳᑦ ᑲᑐᔾᔨᖃᑎᒌᓂᒃ ᐃᑲᔪᓲᓂᒃ ᐃᓕᓐᓂᐊᖅᑎᓂᒃ ᐃᓕᓐᓂᐊᕈᑎᖏᓐᓂᒃ ᐱᕕᒃᓴᖏᓐᓂᒡᓗ ᓯᓚᑦᑐᖅᓴᕐᕕᖕᒥ. ᐃᓕᓐᓂᐊᕐᕕᖕᒧᑦ ᐅᑎᕐᓗᓂ ᐊᔪᕐᓇᙱᓐᓂᖅᓴᐅᓚᐅᖅᐳᖅ ᖃᐅᔨᒪᓪᓗᓂ ᖃᓄᖅ ᑐᕌᒐᖃᖅᑎᒋᖕᒪᖔᑕ ᐋᖅᑭᒋᐊᕈᑎᓄᑦ ᐱᕕᖃᕈᑕᐅᔪᓐᓇᖅᑐᓂᒡᓗ ᓄᓇᖃᖅᑳᖅᓯᒪᔪᓄᑦ ᑭᒡᒐᖅᑐᖅᑕᐅᑦᑎᐊᙱᑦᑐᓄᑦ ᐱᓕᕆᐊᖏᓐᓂᒃ.

ᐋᕿᒋᐊᕈᑎᖃᕐᓂᖅ ᐱᒻᒪᕆᐅᔪᖅ ᐃᑭᑎᑦᓯᓂᕐᒥᑦ ᑭᓇᒥᑭᐊᖅ ᖁᐊᖅᓵᖅᓇᖅᑐᒥᑦ ᐱᕈᖅᓴᔪᒥ ᐱᔾᔪᑎᒋᑦᓱᒍ ᑭᖑᕚᕇᓄᑦ ᖁᐊᖅᓵᖅᓯᒪᓂᕐᒧᑦ ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᓄᑦ. ᖃᑕᙳᑎᖏᑦ ᐃᑲᔪᖅᑐᐃᓚᐅᙱᒻᒪᑕ ᐃᓕᓐᓂᐊᕐᓂᕐᒥᒃ ᐊᒻᒪᓗ ᐊᒥᓱᐊᖅᑎᖅᑐᓂ ᓇᓂᓯᓇᓱᐊᖃᑦᑕᓚᐅᕐᒪᑦ ᐊᑦᑕᓇᖏᑦᑐᓂᒃ ᐃᓂᒃᓴᓂᒃ ᓇᒻᒥᓂᖅ, ᓇᓂᔭᒥᓂᒃ ᐱᓐᖑᐊᕐᓂᐅᔪᓂ. ᕚᔅᑭᑦᐹᓪ, ᕚᓕᐹ, ᖃᓄᐃᑦᑐᑐᐃᓐᓇᖅ ᐱᙳᐊᕈᑏᑦ ᐊᑐᐃᓐᓇᐅᔪᑦ, ᐱᙳᐊᕐᓃᑦ ᐃᑲᔪᓚᐅᖅᐳᑦ ᐃᓕᓐᓂᐊᕐᕕᕐᔪᐊᒃᑰᖅᑐᓂ. ᐱᔭᕇᕋᒥ, ᐊᐅᓪᓚᕆᐊᖃᓕᓚᐅᖅᑐᖅ ᓄᓇᓕᕋᓛᒥᓂᒃ ᐊᒻᒪᓗ ᓅᑦᑐᓂ ᑐᕌᓐᑐᒧᑦ ᔪᐊᒃ ᐃᓕᓐᓂᐊᕐᕕᔾᔪᐊᖓᓄᑦ. 

ᖃᑕᙳᑎᖏᑦ ᐊᓕᐊᓇᐃᒍᓱᓗᐊᓚᐅᙱᑦᑐᑦ ᐅᖓᓯᒃᑐᒦᑦᑕᕆᐊᒃᓴᖅ ᐃᓕᖅᑯᓯᒃᑯᓪᓗ ᖁᒃᓴᓪᓚᒃᖢᓂ ᒥᑭᑦᑐᒥᑦ ᓄᓇᓕᖕᓂᙶᖅᖢᓂ ᐅᐸᑲᑕᙱᖦᖢᓂ ᖁᙱᐊᕆᐊᕐᕕᖕᒧᑦ ᖁᙱᐊᕆᐊᕐᕕᐅᓪᓗᓂ ᐊᒻᒪ ᐃᓚᐅᔪᓂᑦ ᖃᓄᕈᓘᔮᓗᒡᓗ ᖃᓄᐃᓕᐅᕈᑎᓂᑦ ᐊᒃᓱᕈᕐᓇᖅᑎᑦᑎᓪᓗᓂ ᑕᐅᑐᑦᑎᐊᕆᐊᒃᓴᖅ ᐃᓕᓐᓂᐊᕐᕕᖕᒥ. ᐱᖓᔪᖓᓂ ᐊᕐᕌᒍᒥ, ᖃᐅᔨᓚᐅᖅᑐᖅ ᖃᓄᐃᓕᐅᕆᐊᖃᕐᓂᕐᒥᓂᒃ ᑲᔪᓯᑦᑎᐊᖁᓪᓗᒍ, ᐃᓱᒪᓕᐅᓚᐅᕋᓗᐊᖅᑎᓪᓗᒍ ᐃᖅᑲᓇᐃᔭᕐᓂᐊᕐᓗᓂ ᐊᒻᒪᓗ ᖃᐅᔨᓴᕐᓗᓂ ᐊᑕᐅᑦᑎᒃᑯᑦ ᐊᒃᓱᕈᒃᑲᓐᓂᓕᓚᐅᖅᑐᖅ ᑖᒃᓱᒧᖓ. ᑕᒪᒃᑮᓐᓂᒃ ᐱᓇᓱᐊᕐᓂᖅ ᐃᓱᒪᒋᕙᐅᒃ ᑕᒻᒪᖅᑐᒥᓂᐅᒋᐊᖓ.

ᒪᒃᑯᒃᑐᓄᑦ ᐃᓱᒪᔪᓄᑦ ᓄᓇᒥᓂᒃ ᕿᒪᐃᔪᒪᓪᓗᑎᒃ ᐃᓕᓐᓂᐊᕐᓗᑎᒃ ᓇᓂᑭᐊᖅ ᓄᑖᒥᒃ, ᐃᖖᒋᓴᒃ ᐅᖃᐅᓯᓕᒃ ᐅᖃᐅᔾᔨᒋᐊᕈᑎᓂᒃ. "ᑲᑉᐱᐊᓱᙱᓪᓗᑎᑦ. ᓂᕈᐊᕐᕕᖃᐃᓐᓇᐅᔭᕋᑦᑕ ᐊᒻᒪᓗ ᐃᓚᖏᑦ ᐱᔭᕆᐊᑐᓂᖅᓴᐅᕙᓪᓚᐃᔪᑦ ᐊᓯᖏᓐᓂᒃ. ᑭᓯᐊᓂᓕ ᐅᕙᓐᓄᑦ, ᑕᒪᓐᓇ ᓈᒻᒪᓚᐅᖅᐸ. ᑭᖑᒧᑦ ᑕᑯᒋᐊᓕᖅᑯᖓ ᐊᒻᒪᓗ ᑕᑯᓪᓗᖓ ᐅᐊᓐᓇᖅᐸᓯᖓ ᐋᓐᑎᐅᕆᔪ ᓱᓕ ᐊᒃᓱᕈᕐᒪᑦ. ᑭᐅᔾᔪᑎᑕᖃᙱᓚᖅ ᖃᓄᖅ ᐋᖅᑮᒋᐊᕈᓐᓇᕐᒪᖔᖅ ᐊᒥᓱᓂᒃ ᖃᓄᐃᓐᓂᐅᔪᓂᒃ. ᑕᒪᓐᓇ ᐲᖅᓯᖏᒻᒪᑦ ᓱᓕ ᓇᓪᓕᒋᒐᒃᑭᑦ ᐃᓚᒃᑲ, ᐊᒻᒪᓗ ᐊᒃᑐᐊᓂᕆᔭᒃᑲ ᐃᓕᖅᑯᓯᓐᓄᑦ ᐊᒻᒪᓗ ᑭᓱᓕᒫᓄᑦ ᑕᐃᑲᓃᑦᑐᑦ. ᑭᓯᐊᓂ ᐱᕕᒃᓴᑦᑎᐊᕙᐅᓇᓱᒋᔭᕋ ᐊᑦᑕᕐᓇᖅᑐᖅ ᐃᓕᓐᓂᐊᖃᑎᒋᓗᒋᓪᓗ ᐃᓱᒪᒥᐅᑕᕆᓗᒍ ᐅᑎᖅᑎᑦᑎᔪᓐᓇᕐᓂᐊᕐᓂᕐᓂᒃ ᐊᒥᓱᓂᒃ ᐊᔾᔨᒌᙱᑦᑐᓂᒃ ᐃᓱᒪᔪᓐᓇᕐᓂᕐᓂᒃ ᑭᓱᑐᐃᓐᓇᓂᒃ, ᐊᒻᒪ ᐱᓕᕆᔪᓐᓇᕐᓗᓂ ᐱᐅᔪᓂᒃ ᐱᓕᕆᔾᔪᓯᕐᓂᒃ ᓄᓇᔅᓯᓐᓂ," ᑕᑯᒃᓴᐅᑎᑕᖓ.

ᒪᑭᑕᑦᑎᐊᖏᓐᓇᕋᓱᒃᓗᓂ ᐊᒃᓱᕈᕐᓇᖅᑐᒃᑰᖅᑎᓪᓗᒍ, ᓲᕐᓗ ᑎᑎᕋᕐᓗᓂ ᐊᑕᖐᑦᑎᐊᖅᑐᓂᑦ ᖃᐅᔨᓴᕈᑎᓂᑦ, ᐃᖐᓇᔅ ᐹᔅᑭᑦᐹᓪ, ᕚᓕᐹᕐᓂᖅ ᐊᓂᓇᓱᒃᐸᒃᓗᓂᓗ ᐊᒃᓱᓪᓘᓐᓃᑦ ᐊᑕᐅᓯᐊᕐᓗᓂ ᐅᓪᓗᕐᒥ ᓯᕿᓐᓂᖅᑎᓪᓗᒍ. ᐃᓄᖕᓂᒃ ᑲᑎᖃᑎᖃᕋᓱᓲᖅ ᐊᒻᒪ ᖃᓄᖅ ᐃᓱᒪᒋᔭᖃᐃᓐᓇᕋᓱᒃᐸᖕᒪᖔᑦ ᑭᓱᑦ ᐱᒻᒪᕆᐅᓛᖑᖕᒪᖔᑕ. ᓯᓂᑦᑎᐊᖃᑦᑕᕐᓂᖅ, ᑕᐅᑐᓪᓗᐊᑕᕐᓂᖅ ᐊᒻᒪ ᐱᑕᖃᕐᓂᖅ, ᖁᕕᐊᒋᔭᖏᓐᓂᒃ ᐱᓕᕆᓗᓂ ᖃᓂᒋᔭᖓᒍᓪᓗ ᐃᑲᔪᕐᓗᖏᑦ ᐃᓄᐃᑦ ᐊᒥᖅᑳᕈᑎᖃᖅᑐᑦ ᑐᕌᕆᔭᖏᓐᓂ ᐊᓪᓗᕆᐊᕈᑎᑦᑎᐊᕙᐅᖕᒥᔪᑦ ᖃᓄᐃᙱᑦᑎᐊᖏᓐᓇᕋᓱᒃᓗᓂ.

ᑭᖑᓂᐊᒍᑦ ᐃᓕᓐᓂᐊᖅᑎᐅᓪᓗᓂ, ᐃᓕᖅᑯᓯᑐᖃᖅᑎᑐᑦ ᐊᖅᑯᑎᖃᖅᓯᒪᙱᓚᖅ ᐱᔭᕇᖅᓯᓂᕐᒧᑦ ᐃᓕᓐᓂᐊᕐᓂᕐᒥᓂᒃ. ᐃᖅᑲᓇᐃᔭᓚᐅᖅᓯᒪᔪᖅ ᑲᓇᑕᐅᑉ ᒐᕙᒪᒃᑯᖏᓐᓂᑦ ᐊᒻᒪᓗ ᑲᓇᑕᒥ ᐊᕕᒃᑐᕐᓯᒪᔪᓂᒃ ᒐᕙᒪᐅᔪᓂᒃ ᐊᒻᒪᓗ ᐊᓪᓚᓄᑦ ᑲᑎᒪᔨᐅᔪᓂᒃ. ᐃᓚᖓᑦ ᐊᒃᓱᕈᐊᕆᓚᐅᖅᑕᖓ ᐱᓱᖃᑦᑕᕐᓂᐅᔪᖅ ᒪᕐᕉᓐᓂᒃ ᓄᓇᕐᔪᐊᓂᒃ ᐃᖅᑭᓖᑦ ᕿᓂᖅᑎᓪᓗᒋᑦ ᐃᓄᒻᒪᕆᐅᔪᓂᒃ. "ᐃᓱᒪᒋᔭᕋᓕ ᓇᖕᒥᓂᖅ ᐸᕐᓇᐅᑎᖃᙱᒃᑯᕕᑦ, ᖃᐅᔨᔭᐅᒐᔪᖕᓂᐊᖅᑐᑎᑦ," ᐅᖃᖅᖢᓂ. ᓇᒻᒥᓂᖅ ᐃᖅᑲᓇᐃᔭᓚᐅᖅᑐᖅ, ᐊᕙᑎᒥᓂᒃ ᐊᒻᒪᓗ ᐃᓄᓐᓂᒃ ᐱᒻᒪᕆᐅᔪᓂᒃ ᐃᖅᑲᓇᐃᔭᕐᓂᐊᕐᓗᓂ ᖃᐅᔨᔭᒥᓂᒃ.

ᐊᕐᕌᒍᑦ ᐊᕙᑎᑦ (20) ᐊᓂᒍᖅᑐᓂᒃ, ᑕᑯᖃᑦᑕᖅᓯᒪᕗᖅ ᖃᔅᓯᐅᓂᖏᓐᓂᒃ ᓄᓇᖃᖅᑳᖅᓯᒪᔪᑦ ᐃᓄᐃᑦ ᐃᖅᑲᓇᐃᔭᖅᑐᑦ ᐊᕙᑎᒧᑦ ᐱᔾᔪᑕᐅᔪᓂᒃ ᑲᓇᑕᒥ ᐱᕈᖅᐸᓪᓕᐊᑐᐃᓐᓇᖅᑐᓂᒃ 100-ᖏᓐᓃᑦᑐᓂᒃ. "ᑕᑯᒃᓴᐅᑎᑦᑎᕗᖅ ᐅᕙᑦᑎᓐᓂᒃ ᐃᓄᐃᑦ ᐃᓚᐅᓂᖅᓴᐅᓕᕐᓂᖏᓐᓂᒃ, ᐃᓄᐃᑦ ᐃᓱᒪᒋᔭᖃᕐᓂᖏᓐᓂᒃ ᐱᔪᒃᓯᑎᑦᑎᓪᓗᑎᒡᓗ ᓄᓇᓕᑦᑎᓐᓂᒃ ᕿᓂᖁᓪᓗᒋᑦ ᑭᓱᑐᐃᓐᓇᓂᒃ ᐊᔾᔨᒋᙱᑕᖏᓐᓂᒃ. ᐅᖃᓐᖏᑦᑐᖓ ᑕᒪᒃᑯᐊ ᓄᓇᓕᐅᔪᑦ ᑕᒪᒃᑯᓂᖓ ᓯᕗᓪᓕᐅᓯᒪᐃᓐᓇᖃᑦᑕᖏᓐᓂᖏᓐᓂᒃ. ᑭᓯᐊᓂ ᒫᓐᓇ ᓴᖅᑭᔮᕐᓂᖅᓴᐅᓕᖅᑐᖅ," ᓇᓗᓇᐃᖅᓯᓪᓗᓂ. ᑕᑯᓯᒪᔪᖅ ᓄᓇᓕᓐᓂᑦ ᓯᕗᓪᓕᐅᔾᔨᓂᕐᒥᑦ ᐊᕙᑎᒥᑦ ᒫᓐᓇᐅᓕᖅᑐᒥᑦ ᐊᒻᒪᓗ ᐅᖃᖃᑎᒌᓐᓂᕐᒥᑦ ᑲᑎᑎᑦᓯᔪᓂᑦ ᐃᓄᓐᓂᑦ ᐱᐅᔪᒥᑦ.

"ᑕᒪᕐᒥᑦᑎᐊᖅ ᐃᓄᐃᑦ ᐱᓕᕆᖃᑎᒌᒋᐊᖃᖅᐳᒍᑦ ᑕᐅᑐᒡᓗᑕᓗ ᐊᓂᒍᖅᑎᑦᑎᔪᒪᓂᕐᒥᒃ ᑐᕌᕆᔭᐅᔪᓂᒃ ᐃᓱᒪᒋᔭᐅᓯᒪᔪᓂᒡᓗ ᓄᓇᓕᖕᓂ. ᑕᐃᒪᓐᓇᐅᖅᑰᖅᑐᒍᑦ ᐊᒻᒪᓗ ᐃᓕᖅᑯᓯᑐᖃᖅᑎᒍᑦ, ᑕᐃᒪᓐᓇᖃᐃ ᐃᓱᒪᓕᐅᓚᐅᖅᑐᒍᑦ ᐊᒻᒪᓗ ᖃᓄᖅ ᐃᑲᔪᖅᑐᐃᓚᐅᕐᒪᖔᑦᑕ ᓄᓇᓕᑦᑎᓐᓂᒃ ᐊᒻᒪᓗ ᖃᐅᔨᓪᓗᑕ ᓇᐅᒃᑯᑦ ᐱᔭᕆᐊᖃᕐᒪᖔᑦᑕ," ᑲᔪᓯᓪᓗᓂ.

ᐱᔭᕇᕈᑎᒋᓗᒍ, ᓛᕋᓐᔅ ᐃᖖᒋᐊᖅᑎᑦᑎᔪᖅ ᑎᓕᐅᕆᓂᕐᒥᑦ. "ᐃᓱᒪᐃᑦ ᒪᑐᐃᖓᑎᓪᓗᒍ. ᐃᓛᓐᓂᒃᑯᑦ ᐃᓱᒪᓗᐊᓕᖃᑦᑕᖅᑰᖅᑐᒍᑦ ᓇᓖᕌᕐᕕᒃᓴᖅᑕᖃᙱᓐᓂᖓᓂᒃ, ᐅᕝᕙᓘᓐᓃᑦ ᑖᒃᑯᐊ ᐊᑐᖅᑕᐅᖔᕈᓐᓇᖅᑐᑦ ᐅᕙᑦᑎᓐᓄᑦ ᑐᕌᖓᙱᖦᖢᑎᒃ," ᐃᓅᓯᓕᕆᔨᐅᔪᖅ. ᑕᒪᓐᓇ ᖃᐅᔨᒪᕙᐅᒃ, ᐅᐱᓐᓇᕋᓂ ᐃᓱᒪᓚᐅᕐᒪᑦ ᐊᔪᕋᓱᒋᓪᓗᓂ ᖃᓄᐃᓕᐅᖅᑕᒥᓂᒃ ᐊᒻᒪᓗ ᐅᑎᕈᓐᓇᐃᓕᓪᓗᓂ ᐃᓕᓐᓂᐊᕐᕕᖕᒧᑦ. ᖃᐅᔨᓚᐅᖅᑐᖅ ᑕᐃᒪᐃᓚᐅᖏᓐᓂᖓᓄᑦ ᐊᒻᒪᓗ ᑕᒪᓐᓇ ᖃᐅᔨᔾᔪᑕᐅᓚᐅᖅᑐᖅ ᐃᓕᓐᓂᐊᖅᑕᒥᓂᒃ ᐱᔭᕇᖅᑐᓂ ᕕᒃᑐᐊᕆᐊᒥ. ᐃᓕᓐᓂᐊᖅᖢᓂ ᐊᕙᑎᑦᑎᓐᓂ ᑲᒪᑦᑎᐊᕈᓐᓇᕐᓂᕐᒥᒃ, ᖃᐅᔨᓚᐅᖅᐳᖅ ᐊᕙᑎᒥᒃ ᐃᒻᒥᓂᒃ ᑲᒪᒋᔪᓐᓇᖅᓯᓪᓗᓂ ᐊᒃᑐᐃᔪᓐᓇᕐᓂᐊᕐᒪᑦ ᓂᕈᐊᕆᔭᐅᔪᓂᒃ 7-ᖑᓂᐊᓕᖅᑐᓂᒃ ᑭᖑᕚᒃᓴᑦᑎᓐᓂ ᓴᐳᔾᔨᓇᓱᒃᑎᓪᓗᒍ ᐊᓈᓇᒥᓂᒃ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.