"ᐊᓯᔾᔨᖅᓯᒪᕐᔪᐊᖅᑐᖓ ᑕᐃᒪᙵᑦ ᓯᓚᑦᑐᖅᓴᕐᕕᒡᔪᐊᙳᓚᐅᖅᓯᒪᑎᓪᓗᖓ. ᐃᑲᔪᖅᓯᒪᔪᖅ ᐅᕙᓐᓄᑦ ᕿᒪᕉᑎᓪᓗᓂ ᐅᓄᖅᑐᓂᑦ ᐅᓗᕆᐊᓇᖅᑐᓂᑦ ᐊᓯᔾᔨᓵᕐᖢᓂᓗ ᑭᓇᐅᓂᓐᓂᑦ ᐃᓅᓪᓗᖓ," ᐅᖃᖅᑐᖅ ᓗᔮᓐ ᐊᔅᑳᑉ, ᐃᓅᓯᓕᕆᓂᖅ ᐱᕐᔪᐊᒻᒪᕆᒃ ᓯᓚᑦᑐᖅᓴᕐᕕᒃᔪᐊᒥ ᐳᕆᑎᔅ ᑲᓚᒻᐱᐊᒥᙶᖅᑐᖅ ᓵᔅᑲᑑᓐᒥᙶᖅᑐᖅ, ᓴᔅᑳᑦᓱᐊᓐᒥ. ᑭᖑᓂᑦᑎᓐᓂ, Osecap ᓯᓚᑦᑐᖅᓴᕐᕕᒡᔪᐊᓕᐊᓚᐅᖅᓯᒪᕗᖅ ᐋᓪᐴᑕᒥ ᐊᕐᕌᒎᖕᓄᑦ ᒪᕐᕉᖕᓄᑦ ᓯᓚᑦᑐᖅᓴᕐᕕᒡᔪᐊᒧᓪᓗ ᓵᔅᑳᑦᓱᐋᓐᒥ ᑎᓴᒪᓄᑦ. ᐃᓕᓐᓂᐊᓕᓵᖅᑎᓪᓗᒍ, ᐃᖢᐊᖅᓴᐃᔨᙳᕈᒪᓚᐅᖅᑐᖅ ᐅᕝᕙᓘᓐᓃᑦ ᑐᐊᕕᕐᓇᖅᑐᓕᕆᔨᙳᕈᒪᓚᐅᖅᐳᖅ ᐱᕈᖅᐸᓪᓕᐊᓪᓗᓂᓗ, ᒪᓕᒐᓕᕆᔨᙳᕈᒪᓚᐅᖅᑐᖅ. 

ᑕᐃᒪᓕ, ᒥᖦᖢᓂ ᐃᓕᓐᓂᐊᕐᖢᓂ ᐃᓅᖃᑎᒌᓂᑦ ᐃᓕᖅᑯᓯᓕᕆᓂᕐᒥᑦ ᐃᖕᒥᓂᒃ ᐱᐅᖖᒋᖦᖢᓂ ᓱᓕᙱᑦᑐᓂᒃ ᐅᒃᐱᕆᔭᖏᓐᓂ ᐊᑐᓕᖅᑎᑕᐅᔪᓂᒃ ᑖᔅᓱᒧᖓ ᑕᐃᓐᓇ ᐊᕐᓇᖅ ᐃᓄᐃᓪᓘᓐᓃᑦ ᑲᒪᒋᔭᖃᕐᓂᖓᓂᒃ ᐱᓂᕐᓗᒃᑕᐅᓂᕐᒥᒃ ᐊᑐᓚᐅᖅᑕᖓᓂᒃ ᐃᓕᑦᑎᒃᑲᓐᓂᕐᖢᓂᓗ ᐊᑐᖃᑦᑕᖅᑐᓄᑦ ᐱᔾᔪᑎᓄᑦ ᐅᕕᓂᖃᑎᒋᙱᑕᒥᒃ ᐊᑭᕋᖅᑐᕐᓂᕐᒧᑦ. ᒐᓴᓖᒥᒃ ᖃᐅᒻᒪᒃᓴᐃᔪᒪᓚᐅᕐᒪᑦ, ᐃᓚᐃᓐᓇᖅᓯᐅᕐᓂᕐᒥᒃ ᐊᒻᒪ ᐃᓱᒪᓪᓗᓂ ᖃᓄᖅ ᐱᐅᙱᑦᑑᓂᖓᓂᒃ ᐊᒻᒪ ᑐᑭᓯᓪᓗᓂ ᓇᑭᙶᕐᒪᖔᑦ. 

ᐃᓕᓐᓂᐊᕐᕕᑦᑎᐊᕙᐅᖏᓐᓇᐅᔭᖅᑐᖅ, ᓯᓚᑦᑐᖅᓴᕐᕕᒡᔪᐊᓕᐊᕐᓂᖅ Osecap−ᑯᑦ ᐸᕐᓇᐅᑎᒋᓚᐅᖅᑕᖓ ᐱᒋᐊᕐᓂᖓᓂ. ᑭᐱᙳᓇᑦᑎᐊᖅᑐᖅ ᐊᒻᒪ ᐊᑭᑦᑐᕋᐅᑎᒃᑲᐅᓛᖑᓪᓗᓂ, ᐃᓕᓐᓂᐊᕐᕕᖕᒥ ᐊᓕᐊᓇᐃᒋᑦᑎᐊᓚᐅᖅᑕᖓ ᐊᒻᒪ ᑲᔪᓯᑦᑎᐊᕈᒪᓚᐅᖅᖢᓂ, ᑮᓇᐅᔭᓕᐅᖅᖢᓂ ᐊᒻᒪ ᐊᓯᔾᔩᔪᓐᓇᖅᖢᓂ. 

"ᐊᓯᔾᔨᕈᒪᓚᐅᖅᑐᖓ ᓲᖃᐃᒻᒪ ᖃᐅᔨᒪᓚᐅᕋᒪ ᐱᔪᓐᓇᕐᓂᖃᕐᓂᓐᓂᒃ ᐱᓕᕆᔭᕆᐊᒃᓴᖅ ᓴᙱᔫᖅᑰᔨᓪᓗᓂᓗ ᐊᖅᑯᑎ. ᑕᐃᒪᓐᓇ ᐱᓇᔪᓚᐅᖅᑐᖓ," ᓇᓗᓇᐃᖅᓯᓪᓗᓂ. 

6-ᖑᔪᑦ 1960-ᖑᔪᑦ ᐃᓅᓂᑯᐃᑦ ᑎᒍᐊᕆᔭᐅᓚᐅᖅᑐᖅ ᖃᑯᖅᑕᓄᑦ ᐃᓄᓐᓄᑦ ᐊᓈᓇᒥᓂᒃ ᐃᓅᔪᒥᓂᐅᓪᓗᓂ 16-ᖑᑐᐃᓐᓇᖅᑎᓪᓗᒍ, ᓱᕈᓯᐅᓂᖓ ᓂᖓᖅᑕᐅᓚᐅᖅᑐᖅ ᑎᒍᐊᖅᑖᒥᓄᑦ ᐊᓈᓇᒥᓄᑦ. ᐱᕈᖅᓴᓚᐅᖅᑐᖅ ᑯᕆᔅᑎᐊᓐᒥᑦ ᓴᔅᑳᑦᓱᐋᓐᒥᑦ, ᐊᓂᑎᑕᐅᓚᐅᖅᑐᖅ ᑎᒍᐊᙳᐊᕆᔭᐅᓪᓗᓂᓗ ᒪᒃᑯᒃᓯᓕᓵᖅᑎᓪᓗᒍ, ᐃᓐᓇᕈᖅᐸᓪᓕᐊᓪᓗᓂ ᐊᖏᕐᕋᖃᕈᓐᓃᖅᖢᓂᓗ. ᑕᒪᒃᑯᓇᓂ ᐊᒃᓱᕈᕐᓇᖅᑐᓂ, Osecap ᐃᓕᓐᓂᐊᕐᕕᓕᐊᖏᓐᓇᓚᐅᖅᑐᖅ, ᐊᑦᑕᕐᓇᙱᑦᑐᒥ ᐃᓂᒥᒃ ᖃᐅᔨᑎᑦᑎᔪᓐᓇᕐᖢᓂ ᐊᑑᑎᖃᕐᓂᖓᓂᒃ ᖁᑦᑎᖕᓂᓕᕇᓄᑦ ᐱᓗᓂᓗ ᐃᓕᓐᓂᐊᑦᑎᐊᖅᓯᒪᓂᕐᒧᑦ ᐱᕚᓪᓕᕈᑎᓂᒃ ᐲᖅᑕᐅᔪᓐᓇᙱᑦᑐᓂᒃ.  

23-ᖑᑎᓪᓗᒍ, Osecap ᐊᓈᓇᙳᓚᐅᖅᑐᖅ ᐃᓚᒋᔭᐅᓪᓗᓂ ᐋᓐᓂᖅᑎᕆᓂᕐᒧᑦ ᐊᐃᑉᐸᕇᖕᓂᕐᒥ ᐊᐅᓪᓚᓕᓚᐅᖅᑐᖅ ᓯᓚᑦᑐᖅᓴᕐᕕᒡᔪᐊᓕᐊᖅᖢᓂ. ᐃᑲᔪᖅᑎᖃᙱᖦᖢᓂ ᐅᕝᕙᓘᓐᓃᑦ ᑲᔪᖏᖅᓴᐃᔨᖃᙱᖦᖢᓂ, ᐊᒃᓱᕉᑎᖃᓚᐅᖅᑐᖅ ᐅᕕᓂᖃᑎᒋᙱᑕᒥᓂᒃ ᐊᑭᕋᖅᑐᖅᑐᓂᒃ ᐃᓄᖕᓂᒃ ᐊᑦᑕᑕᖅᑎᑦᑐᒪᔭᖏᓐᓂᒃ. ᐃᓕᓐᓂᐊᕋᓱᒃᑎᓪᓗᒍ ᐊᔭᐅᖅᑐᕈᑎᒋᔪᓐᓇᓚᐅᖅᐸᐅᒃ ᐅᖁᒃᑎᑦᑐᒪᙱᖦᖢᒍ. "ᐅᕙᖓ, ᐱᓗᐊᖅᑐᒥᒃ, ᐅᕙᖓᐅᔪᒪᓚᐅᖅᑐᖓ ᑕᑯᔭᐅᓗᖓᓗ ᑭᓇᐅᓂᓐᓄᑦ, ᐊᒻᒪ ᐅᕙᓐᓂᒃ ᐱᔪᒪᓚᐅᙱᖦᖢᖓ," ᑕᑯᒃᓴᐅᑎᑦᑎᔪᖅ. 

ᓯᕗᒻᒧᑦ ᐱᓇᔪᒃᖢᓂ ᓴᖅᑭᑕᐅᔪᒪᓚᐅᖅᐳᖅ, ᐱᓕᕆᖃᑕᐅᔪᒪᓪᓗᓂ ᐱᒋᐊᖅᑎᑦᑎᔪᓂᒃ ᐊᒻᒪ ᐱᔪᓐᓇᕐᓂᖅᑖᕐᓗᓂ ᐱᕈᖅᐸᓪᓕᐊᑦᑎᐊᙱᖦᖢᓂ. ᐅᖃᓕᒫᕆᐊᒃᓴᖅ ᐊᓕᐊᓇᐃᒋᑦᑎᐊᓚᐅᖅᑕᖓ ᑎᑎᕋᕈᒪᓪᓗᓂᓗ. "ᓂᐱᒐ ᑐᓴᖅᑕᐅᖁᑐᐃᓐᓇᓵᖅᑕᕋ ᐃᓄᐃᓪᓗ ᑐᑭᓯᑎᓪᓗᒋᑦ ᖃᓄᖅ ᓄᓇᕐᔪᐊᖅ ᑕᑯᖕᒪᖔᒃᑯ," ᐅᖃᙳᐊᖅᑐᖅ. ᐃᓱᒪᑎᓪᓗᒍ ᓴᓐᖏᔪᓂᒃ ᐃᓄᓐᓂᒃ ᑕᐅᑐᑦᑕᒥᓐᓂᒃ ᐱᕈᑉᐸᓪᓕᐊᔪᓂᒃ, ᑕᑯᓚᐅᖏᑕᖏᑦ ᐊᑐᖅᑐᒋᑦ ᐱᐅᔪᒧᑦ ᐊᒻᒪᓗ ᑎᓕᐅᕆᒍᒪᓪᓗᓂ ᐱᐅᓂᖅᓴᒥᒃ ᑎᑎᕋᕐᓂᒃᑯᑦ, ᓴᓇᓂᒃᑯᑦ ᐊᒻᒪᓗ ᒪᓕᒐᖅᑎᒍᑦ, ᐊᒻᒪᓗ ᓴᓐᖏᓕᖅᐹᓪᓕᖁᓪᓗᒋᑦ ᐃᓄᐃᑦ ᓇᒻᒥᓂᖅ ᐃᓱᒪᓕᐅᕈᓐᓇᖁᓪᓗᒋᑦ. ᐃᓄᑑᓪᓗᓂ ᐊᓈᓇᐅᓪᓗᓂ ᓯᓚᑦᑐᖅᓴᕐᕕᒡᔪᐊᒃᑰᕐᖢᓂ, ᑎᑎᕋᕈᓐᓇᖅᓯᕙᙱᑦᑐᖅ ᐅᖃᓕᒫᒐᕐᒥᒃ ᑭᓯᐊᓂ ᐱᔪᒪᔭᒥᓂᒃ ᐅᓪᓗᕐᒧᑦ ᐊᔪᙱᑕᒥᓂᒃ. 

ᐃᓕᓐᓂᐊᖅᓯᒪᓂᖓᓄᑦ, ᐅᔅᑳᑉ ᐱᓕᕆᐊᖃᖅᓯᒪᔪᖅ ᓯᓐᓇᑦᑑᒪᓪᓗᓂ ᒪᓕᒐᓕᕆᔨᕈᕈᒪᓪᓗᓂ ᑭᓯᐊᓂ ᑐᓴᖃᑦᑕᖅᓯᒪᒻᒪᑦ ᐱᑕᖃᓗᐊᕆᐊᖓᓂᒃ ᓂᐅᕐᕈᑎᖃᕐᓂᕐᒥᒃ ᐊᒻᒪᓗ ᓇᒻᒥᓂᖅ ᐃᓱᒪᓕᐅᓕᖅᑐᓂ ᖃᓄᖅ ᐊᑲᐅᓐᖏᓪᓕᐅᕈᑕᐅᒻᒪᖔᖅ ᐊᐅᓚᓂᖃᕐᓗᓂ ᐃᖅᑲᑦᑐᐃᕕᒻᒥ ᐋᖅᑭᒃᓯᒪᖏᑦᑐᒥᒃ ᐃᖅᑲᑦᑐᐃᕕᓕᕆᓂᕐᒥᒃ. ᓴᓇᙳᐊᖅᑎᐅᓪᓗᓂ ᐊᒻᒪ ᑎᑕᒃᑎᐅᓪᓗᓂ, ᐅᓄᖅᑐᓂᒃ ᓴᖅᑭᑦᑎᔪᒪᖕᒪᑦ ᐊᒻᒪ ᓂᕆᐅᒃᖢᓂ ᐊᔪᙱᓐᓂᕐᒥᓂᒃ ᐊᑐᖃᑦᑕᕈᒪᓪᓗᓂ ᓄᓇᓕᖕᓂ ᖃᓄᐃᓕᐅᖅᑐᓂᒃ. ᓂᔾᔭᐅᓯᔭᕐᓂᖓ ᓂᕈᐊᒐᕆᔭᐅᕗᖅ, ᓂᔾᔭᐅᓯᔭᖃᑦᑕᖅᑐᓂ ᐊᖅᑯᑎᒃᑯᑦ ᑮᓇᐅᔭᒧᑦ, ᓂᔾᔭᐅᑎᓪᓗᓂ ᐊᒻᒪ ᓂᔾᔭᐅᑎᓪᓗᓂ ᕙᓯᒧᑦ ᑲᓇᑕᓕᒫᒥ. ᐊᔾᔨᒋᙱᓐᓂᕆᔭᖓ ᑕᐃᑲᙵᑦ ᐃᓅᓯᐅᑉ ᐃᓕᓐᓂᐊᕐᓂᐅᑉ ᐱᐅᒍᓐᓃᖅᓯᒪᒻᒪᑦ. 

ᓯᓚᑖᓂ ᒪᓕᒐᖅᑎᒍᑦ ᐃᖅᑲᓇᐃᔮᖃᕐᓂᖅ, Osecap ᐊᓯᐊᓂᒃ ᑐᕌᒐᖃᖅᓯᒪᔪᖅ. "ᐱᓇᓱᐊᖃᑦᑕᖅᓯᒪᔪᖓᓕ, ᐱᓗᐊᖅᑐᒥᑦ, ᐃᓕᓐᓂᐊᖅᑕᓕᒫᕋ ᓈᒻᒪᖏᒻᒪᑦ ᐊᐅᓚᑦᑎᓂᕐᒥᑦ ᐊᒻᒪ ᓄᓇᖃᖅᑳᖅᓯᒪᔪᑦ ᓄᓇᓕᖓᑦ ᓂᕆᑎᑕᐅᓯᒪᔪᖅ, ᑕᒪᒃᑯᐊ ᖃᐅᔨᖃᑦᑕᖅᓯᒪᔭᒃᑲ ᐃᓅᓯᓐᓂᑦ. ᑕᒪᓐᓇ ᑐᓂᔪᒪᖅᑰᔨᒋᒐᒃᑯᑦᑕᐅᖅ ᐊᓯᖏᓐᓄᑦ ᓄᓇᖃᖅᑳᖅᓯᒪᔪᓄᑦ. ᓇᓂᓯᒋᐊᖃᕋᒪ ᓈᒻᒪᑦᑐᒥᒃ, ᐅᕙᖓᓘᓐᓃᑦ ᓴᓇᐅᒐᒃᑯᑦ, ᓂᔾᔭᐅᑎᒃᑯᑦ, ᐅᕝᕙᓘᓐᓃᑦ ᒪᓕᒐᖅᑎᒍᑦ, ᐅᕝᕙᓘᓐᓃᑦ ᐃᓱᒪᒋᔭᖃᖅᓯᒪᓪᓗᖓ ᐃᓅᓕᓴᐅᑎᓂᒃ. ᓇᓕᐊᑐᐃᓐᓇᖅ ᐃᖅᑲᓇᐃᔮᖅ, ᐅᖃᖅᑲᐅᒐᒪ, ᐱᔪᓐᓇᓂᕐᐹᖑᑎᑦᑎᓂᐊᖅᑐᖅ ᐅᕙᓐᓂᒃ, ᓱᓕ ᖃᐅᔨᓇᓱᐊᖅᑐᖓ," ᐅᖃᑦᑎᐊᖏᑦᑐᖅ. 

ᐃᒻᒥᓂᒃ ᑲᒪᒋᑦᑎᐊᕈᒪᓪᓗᒍ, Osecap−ᑯᑦ ᓇᓗᓇᐃᖅᓯᒃᑲᓐᓂᖅᓯᒪᕗᑦ ᐱᓕᕆᖃᑎᖃᖅᐸᖕᓂᕐᒥᓂᒃ ᐃᒥᐊᓗᖕᒧᑦ ᓱᐴᖅᑐᒐᕐᒧᓪᓗ ᐊᑕᐅᑦᑎᒃᑰᖃᑎᖃᖁᓪᓗᒍ ᑐᕌᕆᔭᒥᓄᑦ, ᐃᓕᓐᓂᐊᕐᓂᕐᒧᑦ ᐊᖓᔪᖅᑳᑦᑎᐊᕙᐅᓂᕐᒧᓪᓗ ᓯᕗᓪᓕᖅᐸᐅᔾᔭᐅᓯᒪᔪᓄᑦ ᐃᓅᓯᕐᒥᓗ ᓂᕈᐊᕆᔭᐅᓕᕈᓐᓇᖅᑐᓄᑦ. smuds and prays, ᓇᖕᒥᓂᖅ ᐅᒃᐱᕐᓂᓕᕆᓪᓗᓂ ᐱᕈᖅᓴᓚᐅᖅᑎᓪᓗᒍ ᐅᒃᐱᕐᓂᒃᑯᑦ ᖁᐊᖅᓵᖅᓯᒪᓂᕐᒥᒃ, ᑎᒍᐊᕆᔭᐅᓯᒪᓪᓗᓂ ᐊᔪᕆᖅᓱᐃᔨᓄᑦ. ᐅᒃᐱᕐᓂᖅ ᐊᒻᒪ ᐅᒃᐱᕐᓂᓕᕆᓂᖅ ᐊᑐᖅᑕᐅᓯᒪᑎᓪᓗᒍ ᖃᓪᓗᓈᖑᖃᑎᒌᙱᑦᑐᓄᑦ, Osecap−ᑯᑦ ᑕᑯᕗᑦ ᐃᑲᔫᑕᐅᔪᓐᓇᖅᑐᓂᒃ ᐅᒃᐱᕐᓂᒃᑯᑦ ᐊᒃᑐᐊᓂᖃᖅᑐᓂᒃ ᐱᒻᒪᕆᐅᓇᓱᒋᔭᖏᓐᓂᒃ ᐃᓅᖃᑕᐅᓗᓂ. 

ᐱᔭᕇᕈᑎᒋᓗᒍ, Osecap−ᑯᑦ ᑖᒃᑯᓂᖓ ᐅᖃᐅᓯᖅᑕᓂᒃ ᐊᑐᐃᓐᓇᐅᑎᑦᑎᕗᑦ ᓂᕆᐅᖕᓂᖃᕐᓂᕐᒥᒃ ᐊᒻᒪ ᑎᓕᐅᕆᓂᕐᒥᒃ, ᑐᓴᖅᑎᑦᑎᓂᕐᒥᒃ, "ᐃᒪᐃᒃᑲᓗᐊᖅᑎᓪᓗᒍ ᖃᓪᓗᓈᖑᖃᑎᒌᙱᑦᑐᑦ ᖃᓄᐃᓕᐅᖅᓯᒪᖕᒪᖔᑕ ᐃᓄᖁᑎᑦᑎᓐᓄᑦ, ᑕᒪᓐᓇ ᖃᓪᓗᓈᖑᖃᑎᒌᙱᑦᑐᑦ ᑲᑉᐱᐊᓱᖕᓂᖅᐹᖑᕗᑦ ᐅᕙᑦᑎᓐᓂᒃ ᐅᒃᐱᕈᓱᐃᓐᓇᕐᓂᕐᒥᒃ ᐅᕙᑦᑎᓐᓂ ᐊᒻᒪ ᐅᕙᑦᑎᓐᓂᒃ ᐱᓇᔪᐃᓐᓇᕐᓗᑕ ᓴᙱᓂᕐᒥᒃ. ᓄᓇᖃᖅᑳᖅᓯᒪᔪᑦ ᐱᔪᓐᓇᕐᓂᖃᕐᓂᖏᑉᐸᑕ, ᓇᒻᒥᓂᖅ ᐱᔪᓐᓇᖏᑉᐸᑕ ᖃᓪᓗᓈᖑᖃᑎᒌᓂᑦ ᐊᑐᕐᓂᓪᓗᑦᑕᐅᓯᒪᔪᓂᑦ, ᐱᒡᒐᓇᖅᑐᒻᒪᕆᐅᒐᔭᖅᐹ ᐅᕙᑦᑎᓐᓄᑦ ᑲᑕᑦᑎᒐᓱᐊᕆᐊᖓ? ᑕᐃᒪᓕ, ᑕᐃᒪᓕ ᑮᓇᐅᔭᓂᒃ ᐊᑐᖅᑐᐃᓐᓇᐅᒐᔭᓚᐅᓐᖏᓚᑦ ᐃᒻᒥᓂᕿᑎᑦᑎᓇᓱᐊᕐᓗᑕ ᐊᒻᒪᓗ ᐱᓇᓱᐊᕐᓗᑕ ᓇᒻᒥᓂᖅ ᑐᕌᕋᓱᐊᖅᑕᑎᓐᓂᒃ, ᐱᔾᔪᑎᒋᓪᓗᒍ ᐊᒥᓱᒻᒪᑕ ᑮᓇᐅᔭᐃᑦ ᐊᒻᒪᓗ ᐊᒃᓱᕈᖅᑐᒻᒪᕆᐅᓪᓗᑎᒃ ᑕᒪᒃᑯᐊ ᓄᓇᖃᖅᑳᕐᓯᒪᔪᑦ ᑲᑕᒃᓯᒪᑎᓐᓇᓱᐊᕐᓗᒋᑦ. ᐅᓇᑕᐃᓐᓇᕈᕕᑦ ᐊᒻᒪᓗ ᑲᔪᓯᓗᑎᑦ ᐱᐅᓂᖅᐹᒥᒃ ᓇᒻᒥᓂᖅ, ᑕᒪᓐᓇ ᒥᑭᓪᓕᑎᕆᒻᒪᑦ ᖃᓪᓗᓈᖑᖃᑎᒌᑦ ᐱᔪᓐᓇᕐᓂᖏᓐᓂᒃ ᐊᒻᒪᓗ ᐃᓚᓯᓪᓗᓂ ᑭᓱᓕᒫᓄᑦ ᓴᓇᓯᒪᔭᑦᑎᓐᓄᑦ ᓄᓇᓕᐅᓪᓗᑕ ᐊᒻᒪᓗ ᐃᓚᓕᐅᑎᓪᓗᓂ ᐃᖅᑲᐅᒪᔭᓐᓄᑦ."

ᓯᓚᑦᑐᖅᓴᕐᕕᔾᔪᐊᖅ ᐊᓯᔾᔩᓯᒪᔪᖅ ᓗᔭᓐ ᐆᔅᑳᑉ ᐊᒻᒪᓗ ᒫᓐᓇ ᐊᓯᔾᔩᓇᓱᐊᓕᖅᑐᖅ ᓄᓇᕐᔪᐊᕐᒥᒃ ᓴᓇᐅᒐᕐᓂᒃᑯᑦ, ᓂᔾᔭᐅᓯᔭᕐᓂᒃᑯᑦ, ᑎᑎᕋᕐᓂᒃᑯᑦ ᐊᒻᒪᓗ ᐊᖅᑯᑎᓕᐅᕐᓂᒃᑯᑦ ᐃᖅᑲᑦᑐᐃᕕᓕᕆᓂᕐᒧᑦ. ᒪᒥᓴᕈᒪᓕᓚᐅᖅᑐᖅ ᐃᓄᖕᓂᑦ ᐋᓐᓂᐊᓯᐅᑎᓂᑦ ᑭᓯᐊᓂᓕ ᒪᒥᓴᕈᒪᓕᓚᐅᖅᑐᖅ ᐋᓐᓂᕈᑕᐅᕙᒃᑐᓂᑦ ᓄᓇᖃᖅᑳᖅᓯᒪᔪᓂᑦ ᐅᖃᐅᔾᔭᐅᓯᒪᔪᑦ ᐅᕕᓂᖃᑎᒋᙱᑕᒥᓂᒃ ᖃᓪᓗᓈᖑᖃᑎᒌᙱᑦᑐᓂᒡᓗ. ᐃᓕᓐᓂᐊᕐᕕᒃ ᐃᓂᑦᑎᐊᕙᐅᓚᐅᖅᓯᒪᔪᖅ ᖃᐅᔨᔾᔪᑎᒋᔪᓐᓇᖅᑕᖓ ᐊᑑᑎᖃᕐᓂᖓᓂᒃ ᐊᒻᒪᓗ ᓇᓂᑭᐊᖅ ᐃᓕᑦᑎᓪᓗᓂ ᐊᑑᑎᖃᐃᓐᓇᐅᔭᖅᑐᖅ ᐊᒻᒪᓗ ᐅᓇᑕᖅᑐᒃᓴᓕᒫᑦ ᑕᑯᓵᓕᔪᓐᓇᓚᐅᖅᑕᖏᑦ. 

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.

‍