ᓂᑰᓪ ᑕᐃᓗ-ᓯᑑᕆᑦ ᐅᖃᖅᑐᖅ ᖃᐅᔨᒪᓪᓗᓂ ᖃᓄᖅ ᐆᒻᒪᖅᑎᒃᑲᓐᓂᕈᓐᓇᕐᒪᖔᖅᐱᑦ ᐱᒻᒪᕆᐅᕗᖅ ᐃᓱᒪᒃᑯᑦ ᓈᒻᒪᒋᐊᖃᕐᓂᖅ ᐱᒻᒪᕆᐅᕗᖅ.

ᓂᑰᓪ ᑕᐃᓗ-ᓯᑑᕆᑦ ᓂᐅᕕᐊᒃᓴᓄᑦ ᓯᕗᓕᖅᑎᐅᕗᖅ Iskew Air−ᑯᓐᓄᑦ, ᓄᓇᖃᖅᑳᖅᓯᒪᔪᑦ ᐊᕐᓇᐃᑦ ᖃᖓᑕᓲᓕᕆᔨᐅᓪᓗᓂ, ᐱᓕᕆᐊᒃᓴᓕᕆᔨᐅᖕᒥᔪᖅ ᓄᓇᖃᖅᑳᖅᓯᒪᔪᑦ LIFT−ᑯᓐᓄᑦ ᑲᑐᔾᔨᖃᑎᒌᓄᑦ ᐊᒻᒪ ᐃᑲᔪᖅᑎᐅᖃᑕᐅᓪᓗᓂ ᓄᓇᖃᖅᑳᖅᓯᒪᔪᑦ ᐊᕐᓇᐃᑦ ᓯᕗᓕᖅᑎᑦ ᑲᑎᒪᕐᔪᐊᖅᑎᓪᓗᒋᑦ. ᐊᒻᒪᓗ ᑕᒪᒃᑯᐊ ᐱᓕᕆᐊᒃᓴᓕᒫᖏᑦ ᐱᔭᒃᓴᖏᑦ ᐊᒃᓱᕈᕐᓇᖅᓯᔭᕌᖓᑕ, ᖁᔭᓕᔪᖅ ᐱᓱᔪᒍᓐᓇᓚᐅᕐᒪᑦ.

"ᓄᓇᕐᔪᐊᒥ ᐱᐅᔪᒻᒪᕆᐊᓗᖕᒥ ᓄᓇᖃᖅᐳᖓ ᐹᓐᓂᓗ ᐊᓂᓪᓗᖓ, ᐱᓱᔪᒃᖢᖓ ᐱᓱᔪᒃᐸᒃᖢᖓᓗ ᐱᓇᔪᒃᐸᒃᖢᖓᓗ ᐊᔪᙱᓐᓂᓕᒫᓐᓂ. ᐊᓃᓚᐅᑲᒃᐸᒡᓗᑎᑦ, ᐊᓂᖅᓵᕐᓗᑎᑦ. ᑕᒪᓐᓇ ᐃᑲᔫᑎᖃᖅᑐᒻᒪᕆᐅᕗᖅ. ᐊᒻᒪᓗ ᑲᑎᖃᑎᖃᕐᓂᖅ ᐃᓄᖕᓂᒃ ᐃᓕᖕᓂᒃ ᐃᒃᐱᒍᓱᒃᑐᓂᒃ ᐊᒻᒪᓗ ᐃᒃᐱᒍᓱᒃᖢᑎᒃ ᐃᓱᒪᒃᑯᑦ ᖃᓄᐃᙱᑦᑎᐊᕐᓂᕐᒥᒃ ᐊᒻᒪᓗ ᑕᑯᒃᓴᐅᓗᐊᖏᖦᖢᓂ," ᐅᖃᖅᑐᖅ ᑕᐃᓗ-ᓯᑑᕆᑦ, ᒋᑎᒃᓴᓐ ᐊᒻᒪᓗ ᑕᕆᐅᑉ ᐊᑭᐊᓂᙶᖅᑐᖅ. 

ᐃᓚᐅᖃᑕᐅᔪᖅ ᓂᐅᕕᐊᒃᓴᖃᕐᓂᕐᒧᑦ, ᑐᓴᐅᒪᔪᓕᕆᓂᕐᒧᑦ, ᐊᒻᒪᓗ ᓂᖅᑎᐅᖅᑎᐅᓂᕐᒧᑦ ᓄᓇᕐᔪᐊᒥ. Taylor-Sterritt ᐃᓕᓐᓂᐊᖅᓯᒪᓂᖃᖅᐳᖅ ᐅᐊᐃᓂᒥᒃ, ᓂᕿᓕᐅᕐᓂᕐᒧᑦ ᓴᓇᙳᐊᕐᓂᕐᒥᒃ ᐱᓯᒪᓪᓗᓂᓗ ᓇᖕᒥᓂᖃᕐᓂᕐᒧᑦ ᓇᓗᓇᐃᒃᑯᑕᖅᑖᖅᓯᒪᓂᕐᒥᒃ. ᐊᒻᒪᓗ ᐃᑲᔪᖅᑐᐃᕙᒡᓗᓂ ᐃᓄᖕᓂᒃ ᓄᑖᓂᒃ ᐆᒃᑐᖁᓪᓗᒋᑦ ᐊᒻᒪᓗ ᓅᓪᓗᑎᒃ. 

"ᐱᕕᒃᓴᐃᑦ ᐊᔪᕐᓇᕈᓐᓇᖅᑐᖅ, ᐊᒃᓱᕈᕐᓇᕐᔪᐊᕈᓐᓇᖅᑐᖅ, ᐱᓗᐊᖅᑐᒥᒃ ᓇᖕᒥᓂᖅ ᐃᓅᑎᓪᓗᑎᑦ, ᓅᖦᖢᑎᓪᓗ ᖃᐅᔨᒪᔭᕐᓄᑦ ᑭᓇᑐᐃᓐᓇᕐᒧᑦ, ᑭᓯᐊᓂ ᐊᒃᓱᕈᕐᓇᖅᑐᒃᑰᖅᑎᓪᓗᑎᑦ, ᑕᐃᒪᓐᓇᓗ, ᐅᖃᙱᖦᖢᓂ ᐃᒃᐱᖕᓂᐊᓃᑦ ᐱᐅᔪᐊᓘᓂᖓᓂᒃ, ᑭᓯᐊᓂ ᐅᓪᓗᖅ ᐊᓂᒍᖅᑎᓪᓗᒍ ᐃᓕᑦᑎᔾᔪᑎᒋᕐᔪᐊᖅᑖᑎᑦ, " ᐅᖃᖅᑐᖅ ᑕᐃᓗ-ᓯᑑᕆᑦ.

ᓄᓇᖃᖅᓯᒪᔪᖅ ᔅᑯᐊᒥᔅ ᓄᓇᕗᒻᒥ, ᑭᓘᓇ ᐊᒻᒪ ᐃᑦᒪᓐᑕᓐᒥ. ᐊᒻᒪᓗ ᐱᒃᑯᒋᕙᕗᑦ ᓴᙱᔪᑦ ᐃᓚᒌᑦ ᐊᒻᒪᓗ ᐃᑲᔪᖅᑐᐃᔩᑦ ᐃᑲᔪᖅᖢᑎᒃ ᐊᓂᒍᐃᓇᓱᐊᖅᑎᓪᓗᒍ. 

ᑕᐃᓗ−ᔅᑑᕆᑦ ᐅᖃᖅᑐᖅ ᐊᒃᓱᕈᕐᓇᕐᓂᖅᐹᖑᖃᑕᐅᓚᐅᖅᑐᖅ ᐋᖅᑭᒃᓱᐃᓪᓗᓂ ᓄᓇᖃᖅᑳᖅᓯᒪᔪᑦ ᐊᕐᓇᐃᑦ ᓯᕗᓕᖅᑎᑦ ᑲᑎᒪᕐᔪᐊᕐᓂᕆᔭᖓᓂ ᐊᓈᓇᒥᓄᑦ. ᓯᕗᓕᖅᑎᐅᓚᐅᖅᑐᖅ ᓂᐅᕐᕈᑎᖃᕋᓱᐊᕐᓂᕐᒥᒃ, ᐃᑲᔪᖅᖢᓂ ᑐᓴᐅᒪᖃᑦᑕᐅᑎᓂᕐᒥᒃ ᐊᒻᒪᓗ ᑐᔪᖕᒥᕕᖕᓄᑦ ᑐᕌᖓᓪᓗᐊᑕᖅᖢᓂ. ᑕᐃᓗ−ᔅᑑᕆᑦ ᐅᖃᖅᐳᖅ ᐊᔪᕐᓇᕐᓂᖓᓂᒃ ᐃᖅᑲᓇᐃᔭᐃᓐᓇᕆᐊᒃᓴᖅ. 

"ᐊᖏᔪᒻᒪᕆᐊᓘᖕᒪᑦ ᐊᒻᒪ ᐊᐃᓯᒪᓪᓗᑎᑦ. ᐄ, ᑕᐃᒪᙵᓕᒫᖅ. ᑕᐃᒪᐃᒻᒪᑦ, ᑭᓯᐊᓂ ᐱᐅᔪᐊᓘᕗᖅ, ᖁᕕᐊᓇᖅᑐᒻᒪᕆᐅᓪᓗᓂ. ᐊᒻᒪᓗ ᓇᓪᓕᒋᓪᓗᒍ. ᐅᐱᒍᓱᑦᑎᐊᖅᐳᖓᓗ ᖃᓄᐃᓕᐅᖅᓯᒪᓂᑦᑎᓐᓂᒃ, ᑭᓯᐊᓂ ᐊᑭᖃᙱᑦᑐᒥᒃ ᐱᓕᕆᓐᓇᕐᒪᑦ," ᐅᖃᖅᑐᕕᓂᖅ ᑕᐃᓗ-ᓯᑑᕆᑦ. 

ᐃᓕᓐᓂᐊᖅᑎᐅᑎᓪᓗᒍ ᐸᓯᔭᒃᓴᐅᓇᓱᒋᓚᐅᖅᑐᖅ ᐃᓕᓐᓂᐊᕈᓐᓃᖅᖢᓂ ᐃᓕᓐᓂᐊᕆᐊᖃᖅᑰᔨᓪᓗᓂᓗ. ᐅᖃᐅᔾᔪᐃᓂᖓ ᒪᒃᑯᒃᑐᓄᑦ ᑕᐃᒪᓐᓇᑦᑕᐃᓐᓇᖅ ᐃᒃᐱᒍᓱᒃᑐᒃᓴᐅᓪᓗᓂ ᓂᐅᕐᔪᐊᕐᓂᕐᒥᒃ ᐅᖅᓴᒃᓯᒃᑲᓐᓂᕐᓂᕐᒥᒡᓗ ᐅᒃᐱᕆᓗᒍᓗ ᐱᕙᓪᓕᐊᓂᖓ. 

ᑕᐃᓗ−ᔅᑑᕆᑦ ᐅᖃᖅᐳᖅ ᓇᓂᓯᖃᑦᑕᕐᓂᕐᒥᓂᒃ ᐊᓯᖏᓐᓂᒃ ᓄᓇᖃᖅᑳᖅᑐᓂᒃ ᐊᕐᓇᓂᒃ ᐱᔪᒃᓯᓕᕈᑕᐅᕙᒃᑐᓂᒃ, ᑕᒪᒃᑯᐊᓗ ᓴᓕᒎᑎᓪᓚᕆᐅᓪᓗᑎᒃ. ᑭᓯᐊᓂ ᓇᓂᓯᕙᒃᑭᕗᖅᑕᐅᖅ ᒪᒃᑯᒃᑐᓂᒃ ᖁᒃᓴᒃᐸᓪᓕᐊᔪᓂᒃᑕᐅᖅ. 

"ᑕᒪᒃᑯᐊ ᒪᒃᑯᒃᑐᑦ ᐱᓕᕆᐊᕆᔭᖏᑦ ᐅᓪᓗᒥ ᐱᔪᒃᓯᑎᑦᑎᑦᑎᐊᓕᖅᐸᒃᐳᑦ ᓂᒡᓚᓱᑦᑎᐊᖅᖢᑎᒡᓗ ᐃᓱᒪᑐᑦᑎᐊᕐᓇᖅᖢᑎᒡᓗ. ᖁᔭᓕᑦᑎᐊᖅᐳᖓᓗ ᑕᐅᑐᒃᑎᐅᔪᓐᓇᕋᒪ ᑕᒪᑐᒧᖓ," ᐅᖃᖅᑐᕕᓂᖅ ᑕᐃᓗ-ᔅᑑᕆᑦ.

ᖁᔭᓐᓇᒦᒃ ᐋᔅᑳᕐ ᐸᐃᑯᕐ III ᑎᑎᕋᕋᕕᑦ ᑖᔅᓱᒥᖓ ᑎᑎᕋᖅᓯᒪᔪᒥᒃ.