Beauty and Brains: ᐅᓖᐱᑲ ᓴᖕᕙᐃᔅ' ᐃᖅᑲᓇᐃᔮᖃᕐᓂᖅ ᖁᑦᑎᖕᓂᖅᓴᒥ ᐃᓕᓐᓂᐊᕐᓂᕐᒧᑦ ᓴᓇᔪᓐᓇᕐᓂᕐᒧᓪᓗ ᓴᓇᙳᐊᖅᑎᐅᓂᕐᒥᒃ
"ᐅᓂᒃᑳᕐᕕᒋᔪᒪᔭᕋ ᐱᔪᒃᓯᑎᑦᑎᔪᒪᓪᓗᖓᓗ ᒪᒃᑯᒃᑐᖁᑎᑦᑎᓐᓄᑦ ᑭᖑᕚᒃᓴᑦᑎᓐᓄᑦ ᐊᒡᒋᖅᑐᓄᑦ," ᐅᖃᖅᑐᖅ ᕆᐱᑲ ᓴᖕᕙᐃ. ᓇᓪᓕᐅᓂᖅᓯᐅᕐᓂᖓ ᐊᑎᖓ ᐅᓪᓛᒃᑯᑦ ᐊᒻᒪᓗ ᑯᕇ ᐊᒻᒪᓗ ᓵᓪᑑ ᓴᔅᑳᑦᓱᐊᓐᒥ ᓄᓇᖃᖅᑳᕐᓯᒪᔪᑦ. ᐱᕈᖅᓴᓚᐅᖅᑐᖅ ᓴᑭᒥ ᓄᓇᖃᖅᑳᖅᓯᒪᔪᓂᑦ ᐊᒻᒪᓗ ᓴᓂᕐᕙᒃᑕᐅᓯᒪᔪᒥᑦ, ᓅᓚᐅᖅᓯᒪᔪᖅ ᕆᔾᔭᐃᓇᒧᑦ ᓄᓇᖃᖅᖢᓂ ᐊᕐᕌᒍᓄᑦ ᖁᓕᓄᑦ ᓅᓚᐅᕋᓂᑦ ᕚᓐᑰᕗᒧᑦ. ᐊᕐᕌᒍᓄᑦ 7-ᓄᑦ 8-ᓄᑦ ᐃᖅᑲᓇᐃᔭᖅᓯᒪᓕᖅᑐᖅ ᓯᓚᑦᑐᖅᓴᕐᕕᖕᒥ ᐱᓕᕆᓪᓗᓂ ᖁᕕᐊᓇᖅᑐᖅ. ᖁᕕᐊᒋᔭᖃᖅᑐᖅ ᐃᑲᔪᖅᑐᓂᕐᒥᑦ ᐃᓕᓐᓂᐊᖅᑎᓂᑦ ᑐᓂᓯᓂᕐᒥᓪᓗ.
"ᐅᓂᒃᑳᕐᕕᒋᔪᒪᕙᕋ ᐱᔪᒃᓯᑎᑦᑎᔪᒪᓪᓗᖓᓗ ᒪᒃᑯᒃᑐᖁᑎᑦᑎᓐᓄᑦ ᑭᖑᕚᒃᓴᑦᑎᓐᓄᑦ ᐊᒡᒋᖅᑐᓄᑦ."
ᐱᕈᖅᐸᓪᓕᐊᓪᓗᓂ, ᐊᖓᔪᖅᑳᖏᑦ ᐊᔭᐅᖅᑐᕐᖢᑎᒃ ᐃᓕᓐᓂᐊᑦᑎᐊᕐᓂᕐᒥᓂᒃ, ᐱᔪᒪᑦᑎᐊᕐᖢᓂ ᒧᒥᕐᓂᕐᒥᒃ ᐊᓗᒡᕕᖕᒧᐊᕐᓗᓂ ᐊᔪᙱᒃᑯᓂ ᓂᖅᑐᐃᑦᑎᐊᕐᖢᓂᓗ. ᓴᖕᕙᐃᓐ ᑎᑎᕋᖃᑦᑕᐅᑎᖃᑕᐅᓚᐅᖅᐳᖅ ᓄᓇᖃᖅᑳᖅᓯᒪᔪᑦ ᑮᓇᐅᔭᓕᕆᔨᑦ ᑲᑐᔾᔨᖃᑎᒌᓄᑦ ᐊᒻᒪ ᓵᓚᒃᓴᖅᖢᑎᒃ ᒪᓐᑐᕆᐋᓪᒧᑦ ᑲᑎᒪᔭᖅᑐᖅᖢᑎᒃ. ᖃᕋᓴᐅᔭᒃᑯᑦ ᑲᓱᖃᑎᒌᓚᐅᖅᑐᖅ ᐊᒻᒪᓗ ᐃᓕᓐᓂᐊᖅᑎᑕᐅᓪᓗᓂ ᐊᒻᒪᓗ ᓇᒻᒥᓂᖃᕐᓂᕐᒧᑦ ᐃᓕᓐᓂᐊᕐᕕᒻᒨᕈᒪᓕᓚᐅᖅᑐᖅ. ᐱᔭᕇᖅᓯᓚᐅᖅᑐᖅ ᓇᖕᒥᓂᖃᕐᓂᕐᒧᑦ ᓇᓗᓇᐃᒃᑯᑕᕐᒥᒃ ᐊᓪᓚᐃᑦ ᓯᓚᑦᑐᖅᓴᕐᕕᒡᔪᐊᖓᓂ ᑲᓇᑕᒥ ᐃᖅᑲᓇᐃᔭᓕᓚᐅᖅᓯᒪᓪᓗᓂᓗ ᓯᓚᑦᑐᖅᓴᕐᕕᒡᔪᐊᒥ ᕆᔭᐃᓇᒥ ᖃᐅᔨᓴᕐᓂᕐᒧᑦ ᐃᑲᔪᖅᑎᐅᓪᓗᓂ ᐊᒻᒪᐃᓛᒃ ᓄᓇᖃᖅᑳᖅᑐᓄᑦ ᐃᖅᑲᓇᐃᔭᖅᑎᑦᑎᓂᕐᒧᑦ. ᐅᑭᐅᓐᓂᒃ ᒪᕐᕈᓐᓂᒃ ᐊᐅᓪᓚᕐᓯᒪᓕᕐᒪᑦ ᓴᓇᙳᐊᖅᑎᕈᕋᓱᐊᖅᑐᓂ ᑭᓯᐊᓂᓕ ᓯᓚᑦᑐᓴᕐᕕᕐᔪᐊᒥ ᐃᓕᓐᓂᐊᕐᓯᒪᒻᒥᔪᖅ.
ᐅᓄᕐᓂᖅᓴᑦ ᐃᖅᑲᓇᐃᔮᖓᑦ ᐃᓕᓐᓂᐊᕌᓂᒍᑕᖅᑖᕐᓂᕐᒧᑦ. ᐃᖅᑲᓇᐃᔭᖅᓯᒪᔪᖅ ᓄᓇᖃᖅᑳᖅᓯᒪᔪᓄᑦ ᐃᓕᓐᓂᐊᖅᑎᓄᑦ ᐅᐸᒐᕐᒥᑦ ᓅᕋᑖᓚᐅᖅᑐᖅ ᓄᓇᖃᖅᑳᖅᓯᒪᔪᓄᑦ ᓇᒻᒥᓂᖃᕐᓂᕐᒧᑦ ᓯᕗᓕᖅᑎᐅᓂᕐᒧᑦ ᓯᕗᓕᖅᑎᓄᑦ MBA ᐱᓕᕆᐊᒧᑦ ᐃᑲᔪᖅᑐᕈᓐᓇᕐᓂᖓᓄᑦ ᐱᔭᕇᖅᓯᓂᕐᒧᑦ ᐃᓕᓐᓂᐊᖅᑎᓂᑦ. ᑐᓵᓪᓗᓂ ᑭᒃᑯᓕᒫᑦ ᐅᓂᒃᑳᖏᓐᓂᒃ ᐃᓚᒋᔭᐅᓪᓗᓂᓗ ᓄᓇᓕᖕᒧᑦ, ᖁᕕᐊᒋᑦᑎᐊᖅᑕᖓ ᐃᖅᑲᓇᐃᔮᖓ ᑕᑯᓇᒃᓗᓂ ᐱᕙᓪᓕᐊᓂᖓᓂᒃ ᐃᓄᑑᔾᔨᓗᓂ ᐃᓕᓐᓂᐊᕐᓂᖅ. ᒫᓐᓇᒫᕈᓗᒃ, ᐃᓚᐅᓛᖅᑐᖅ ᓄᓇᖃᖅᑳᖅᓯᒪᔪᑦ ᑮᓇᐅᔭᓕᕆᔨᑦ ᑲᑐᔾᔨᖃᑎᒌᑦ ᑲᑎᒪᓂᖏᓐᓄᑦ ᐊᑕᐅᓯᐊᕐᓗᓂ.
ᓄᖅᑲᖓᑲᐃᓐᓇᕐᓂᖅ ᐃᓕᓐᓂᐊᕐᓗᓂ ᓴᓇᖑᐊᖅᑎᙳᖅᑎᓪᓗᒍ. ᐃᒻᒥᓂᒃ ᓴᓇᓪᓗᓂ ᐱᖃᓐᓇᕆᔭᒥᓂᒡᓗ ᐊᓕᐊᓇᐃᒋᔭᖃᐃᓐᓇᐅᔭᖅᑐᖅ. ᐱᓚᐅᖅᑐᖅ ᓄᓇᕐᔪᐊᓕᒫᒥᑦ ᓴᓇᔭᖅᑐᖅᓯᒪᓂᕐᒧᑦ ᐃᓕᓴᕆᔭᐅᔾᔪᑎᒥᒃ ᑉᓛᓐᓯ ᒪᒃᑖᓄᑦ ᐊᒻᒪᓗ ᐱᓕᕆᓯᒪᓪᓗᓂ MAC Cosmetics-ᒥᑦ ᒪᕐᕉᖕᓄᑦ ᐊᕐᕌᒎᖕᓄᑦ. ᓱᓕ ᓂᑲᒍᓱᖃᑦᑕᖅᑐᖅ ᐃᓛᓐᓂᒃᑯᑦ, ᓇᓪᓕᒍᓱᑦᑐᓂ ᐊᒻᒪᓗ ᐃᓚᒋᔭᐅᖃᑦᑕᖅᑐᓂ ᐅᓪᓗᓕᒫᖅ. ᖁᕕᐊᒋᔭᖃᖅᑐᖅ ᐃᑲᔪᕆᐊᑦᓴᖅ ᐃᓄᓐᓂᑦ ᐊᓯᔾᔨᖅᑐᐃᓂᕐᒥᑦ, ᖁᓱᖏᓐᓂᖅ ᐱᐅᓂᖓᓂᓪᓗ ᑐᓵᓂᕐᒥᓪᓗ ᐅᓂᒃᑳᖏᓐᓂᑦ.
ᑲᙳᓱᖃᑦᑕᓚᐅᖅᓯᒪᔪᖅ ᐊᒻᒪᓗ ᓴᓂᕐᕙᒃᑕᐅᓯᒪᔪᓂ ᐊᒻᒪᓗ ᒫᓐᓇ ᐃᓄᖕᓂᒃ ᑲᑎᖃᑎᖃᖅᐸᓕᖅᖢᓂ ᖃᐅᑕᒫᑦ, ᐃᓅᖃᑎᒌᓕᖅᐸᓪᓕᐊᓪᓗᓂ ᐊᒻᒪᓗ ᑐᓴᐅᒪᖃᑎᒌᓕᖅᐸᓪᓕᐊᓪᓗᓂ. ᐃᑲᔪᓚᐅᖅᑐᖅ ᓯᐅᕈᓪᒥᑦ ᐃᖅᑭᓖᑦ ᓯᓚᑦᑐᓴᕐᕕᕐᔪᐊᖓ ᑲᓇᑕᒥ. ᐃᓕᓐᓂᐊᕐᓂᖅ ᐊᓯᖏᓐᓂᑦ ᓄᓇᖃᖅᑳᖅᓯᒪᔪᓂᑦ ᐃᓕᓐᓂᐊᕐᑎᓂᑦ ᐱᙳᐊᕈᑎᓂᑦ ᐊᓯᔾᔩᔨᐅᓚᐅᖅᐳᖅ. "ᓇᓂᑭᐊᖅ ᐅᕙᑦᑎᓃᒍᓐᓇᓚᐅᖅᑐᒍᑦ. ᐊᒃᓱᕈᕆᐊᖃᓚᐅᙱᑦᑐᒍᑦ ᐃᓂᒃᓴᓕᐅᕋᓱᐊᖅᑐᑕ. ᐅᓇᑕᕆᐊᖃᓚᐅᙱᑦᑐᒍᑦ ᑕᑯᔭᐅᔭᕆᐊᒃᓴᖅ ᑐᓴᖅᑕᐅᔭᕆᐊᖃᙱᖦᖢᑕᓘᓐᓃᑦ," ᐃᖅᑲᐅᒪᔪᖅ. ᐃᓂᑦᑎᐊᕙᖕᒥᒃ ᐃᓂᖃᖅᖢᓂ, ᐃᓐᓇᐃᑦ, ᓄᓇᖃᖅᑳᖅᓯᒪᔪᑦ ᐃᓕᓴᐃᔨᒻᒪᕇᑦ, ᖁᕕᐊᓲᑎᖃᖅᑐᑦ ᐊᒻᒪ ᓴᓇᕐᕈᑎᖏᑦ ᐱᔪᓐᓇᕐᓂᖅᑖᖅᑎᖦᖢᒍ, ᐊᓯᔾᔨᖅᑕᐅᓚᐅᖅᐳᖅ. "ᓴᓇᓵᑦᑎᐊᓵᖅᑕᕋ ᑭᓇᐅᓂᓐᓄᓪᓗ," ᓴᖕᕙᔅ ᓴᖅᑭᔮᖅᑎᑦᑎᕗᖅ.
ᐅᖓᑖᓄᑦ ᐱᔭᕇᕈᓯᐊᖅ, ᐱᓪᓗᓂ ᓄᓇᓕᖕᒥ ᐱᓕᕆᔨᓄᑦ ᑐᓴᐅᒪᖃᑦᑕᐅᑎᖃᑎᒌᒍᑎᓂᒃᓗ. ᑖᓐᓇ ᐃᓕᓐᓂᐊᕌᓂᖕᓂᕐᒧᑦ ᐱᓕᕆᐊᖑᔪᖅ ᐃᑲᔪᖅᑐᖅᑕᖓ ᒫᓐᓇ ᐃᒃᐱᒍᓱᒃᑐᒻᒪᕆᐅᓕᖅᐳᖅ ᐃᓕᓐᓂᐊᕐᕕᖕᒥ ᐊᓂᒍᐃᓂᕐᒧᑦ ᓄᓇᓕᖕᓂ ᐱᕈᖅᓴᐃᓂᕐᒧᑦ ᐱᓕᕆᖃᑦᑕᖅᓯᒪᓂᖓᓄᑦ ᐊᔾᔨᒋᙱᖦᖢᓂᐅᒃ. "ᑕᐃᒪᐃᑕᐅᓂᐊᓚᐅᖅᑐᖅ! ᓇᓃᑦᑕᕆᐊᖃᖅᑰᔨᔪᖓ!" ᐅᖃᖅᖢᓂ.
ᐃᖏᕐᕋᑎᐊᓚᐅᖏᑦᑑᒐᓗᐊᖅ, ᑭᓯᐊᓂ. ᓯᕗᓪᓕᖅᐹᒥ ᐃᓕᓐᓂᐊᕆᐊᖅᑐᖅ ᓯᓚᑦᑐᓴᕐᕕᕐᔪᐊᕐᒧᑦ ᐃᓚᖏᓐᓂ, ᖃᐅᔨᒪᓚᐅᙱᓚᖅ ᐃᑲᔪᖅᓱᕈᑎᓂᒃ. ᐃᓕᓐᓂᐊᖅᑕᒥᖕᓂᒃ ᑲᔪᓯᑎᑦᑎᙱᖦᖢᓂ, ᓄᓇᓕᐸᐅᔭᕐᒥ ᐃᓅᓯᕆᓚᐅᖅᑕᖓᓂ, ᒥᖦᖢᓂ, ᐊᒻᒪ ᐅᖁᒪᐃᑦᑐᓂᒃ ᐃᓕᓐᓂᐊᖅᖢᓂ ᐊᒃᑐᐊᓂᖃᙱᖦᖢᓂ ᓴᙱᓂᖏᓐᓄᑦ. ᐃᓕᓐᓂᐊᖅᑎᐊᖅᓯᒪᑦᑎᐊᕐᓂᕐᒧᑦ ᖃᐅᔨᓴᖅᑕᐅᓂᕐᒧᑦ, ᓅᑕᐅᓚᐅᖅᑐᖅ ᓇᒻᒥᓂᖃᕐᓂᕐᒥᒃ ᐊᒻᒪᓗ ᓴᓇᙳᐊᕐᓂᕐᒧᑦ ᐊᕐᕌᒍᒧᑦ. ᐃᓕᓴᐃᔨᒥᒃ ᐃᑲᔪᓚᐅᖅᑐᖅ ᐅᑎᖅᖢᓂ. ᐊᓯᐅᔨᑲᓴᓚᐅᖅᑐᖅ ᑎᑕᒃᑎᒥᓂᒃ ᑮᓇᐅᔭᓂᒃ ᑭᓯᐊᓂ ᑎᑭᐅᑎᔪᓐᓇᓚᐅᖅᑐᖅ ᑐᕌᒐᕆᔭᒥᓄᑦ.
ᓄᓇᓕᐸᐅᔭᕐᒧᑦ ᓅᑉᐸᓪᓕᐊᓂᖅ ᐊᒃᓱᕈᕐᓇᓚᐅᖅᐳᖅ ᐅᓂᒃᑳᖅᖢᓂᓗ ᐊᓯᒥᓄᑦ ᑎᓕᐅᕆᔪᒪᓪᓗᓂ. "ᐊᔪᙱᒃᑯᒪ, ᑕᐃᒪᐃᑦᑐᓐᓇᖅᑐᑎᑦ," ᐅᖃᖅᐳᖅ. ᑐᓴᖅᑐᒋᑦ ᑕᒪᒃᑯᐊ ᐊᐳᖅᑕᕈᑏᑦ ᐊᒻᒪ ᐊᔅᓱᕈᕐᓇᑐᒃᑰᖃᑦᑕᖅᑐᑦ, ᐊᓯᖏᑦ ᐱᐅᓐᖏᓕᕙᓐᖏᒻᒪᑕ ᐊᔅᓱᕈᕈᑎᖃᖅᑎᓪᓗᒋᑦ. ᐅᖃᐅᔾᔪᐃᓂᖓ ᒪᒃᑯᒃᑐᓄᑦ ᐃᓱᒪᔪᓄᑦ ᓄᓇᒥᓂᒃ ᕿᒪᐃᔪᒪᓪᓗᑎᒃ ᓇᓂᓯᔪᒪᓂᐅᕗᖅ ᐊᑕᓂᕆᔭᐅᔪᒥᒃ ᓇᓂᑐᐃᓐᓇᑦᑎᐊᕐᓗ, ᐱᖃᓐᓇᕆᔭᖃᕐᓂᕐᒧᑦ ᐃᓂᒃᑯᑦ ᓄᓇᖃᖅᑳᖅᑐᓄᓪᓘᓐᓃᑦ ᐃᓕᓐᓂᐊᖅᑎᓄᑦ ᐃᓂᒋᔭᐅᔪᒥ. "ᐃᓄᐃᑦ ᑕᐃᑲᓃᑦᑐᑦ ᑐᙵᕕᖃᖅᑐᑦ, ᐅᑕᖅᑭᑐᐃᓐᓇᕐᖢᑎᒃᓗ ᑐᙵᓱᒃᑎᑦᑕᕆᐊᒃᓴᖅ ᒪᑐᐃᖓᓗᑎᒃ. ᐃᑲᔪᖅᓱᖅᑕᐅᔪᒻᒪᕆᐅᕗᑦ ᑕᖅᑳᓂ. ᓇᓂᑐᐃᓐᓇᕐᓗᒍ ᓄᓇᓕᓯ. ᐱᔾᔪᑎᒋᔭᐃᑦ ᓇᓂᓂᐊᖅᐸᐃᑦ ᐊᒻᒪ ᑲᑎᙵᖅᑰᔨᓕᕐᓂᐊᖅᐳᑎᑦ ᐊᒻᒪ ᑐᙵᓂᖅᓴᐅᖅᑰᔨᓗᑎᑦ," ᐅᖃᖅᐳᖅ.
ᕆᔾᔭᐃᓇᒧᑦ ᓅᖦᖢᓂ, ᓴᖕᕙᐃ ᖁᕕᐊᓱᓚᐅᖅᐳᖅ ᑕᕐᕆᔭᐅᓯᐅᖅᑕᐅᓪᓗᓂ ᐊᒻᒪ ᑕᕐᕆᔭᐅᓯᐊᖅᖢᓂ ᐊᒻᒪ ᑎᔅᓯᓈᕿᓐᓇᖅᖢᓂ. ᐅᖃᕐᖢᓂ ᐅᐸᒍᑎᓗᓂ ᖃᐅᔨᒪᓕᖅᑎᑕᐅᒃᑲᓐᓂᕐᓂᕐᒧᑦ ᐅᓪᓗᖓᓂ ᑲᑎᖃᑎᖃᕐᓗᓂ ᐊᓯᖏᓐᓂᒃ ᐃᓄᖕᓂᒃ ᑲᙳᓱᑐᐃᓐᓇᕆᐊᖃᖅᑐᓂᒃ ᐊᒃᑐᐊᓂᖃᕈᓐᓃᕐᓗᑎᒃᓗ. "ᓄᓇᓯ ᓇᓂᓂᐊᖅᑕᐃᑦ," ᓇᓗᓇᐃᖅᐳᖅ.
ᑐᓴᖅᑎᑦᑎᔪᓐᓇᕈᓂ ᒪᒃᑯᖕᓂᖅᓴᒧᑦ ᓇᖕᒥᓂᖅ ᑭᖑᕚᕇᓄᑦ ᓯᓚᑐᓂᖓᓄᑦ ᐊᒻᒪᓗ ᓇᖕᒥᓂᖅ−ᐱᔪᓐᓇᖅᑕᒥᓂᒃ ᓴᒃᑯᓪᓗᓂᐅᒃ. "ᒪᒃᑯᒃᑐᖁᑎᓐᓄᑦ ᐅᖃᓪᓚᖃᑎᒋᔪᓐᓇᕈᒃᑭᑦ ᓄᖅᑲᑐᐃᓐᓇᕋᔭᕋᒪ ᓇᓗᓈᕿᓗᖓ ᐅᖃᕈᓐᓃᕐᓗᖓᓗ, 'ᓈᒻᒪᒋᙱᑕᕋ. ᑕᕝᕙᓃᒋᐊᖃᓐᖏᒃᑲᓗᐊᖅᑐᖓ. ᓯᓚᑐᙱᓗᐊᕋᒪ.' ᑕᒪᓐᓇ ᐃᑲᔪᕐᓂᖃᓪᓚᕆᒃᑲᔭᖅᑐᖅ ᐊᒻᒪᓗ ᐃᕿᑐᐃᓐᓇᕐᓗᖓ ᐊᒻᒪᓗ ᐅᕙᓐᓂᒃ ᐅᑉᐱᕈᓱᓕᕐᓗᖓ ᑯᒃᑭᖐᔭᕆᐊᖃᕐᓂᓐᓂᒃ... ᖁᓱᙱᓪᓗᑎᑦ, ᖁᓱᔪᓐᓃᕐᓗᑎᓪᓗ," ᐅᖃᙳᐊᓲᖅ.
"ᐃᓅᓯᖅ ᒪᑭᑉᐸᒃᖢᓂ ᐊᒻᒧᒋᐊᖅᖢᓂᓗ, ᑭᓯᐊᓂ ᐃᖃᐃᓕᓴᕐᕕᓕᐊᕋᓱᐃᓐᓇᐅᔭᖅᑐᖓ."
ᐃᓱᒪᖓ ᖃᐅᔨᓴᖅᑕᐅᖏᓐᓇᖁᓪᓗᒍ, ᓴᖕᕙᐃ ᐃᓕᓐᓂᐊᓚᐅᖅᑐᖅ ᒧᒥᕆᐅᖅᓴᓪᓗᓂ ᐊᒻᒪ ᐃᓚᐅᓪᓗᓂ ᖁᕕᐊᓲᑎᖃᖅᑎᓪᓗᒋᑦ ᓲᕐᓗ ᐊᐅᒪᔮᕐᓂᕐᒥᒃ. ᐊᑕᖐᓪᓗᓂ ᐱᓕᕆᓯᒪᔪᖅ ᐃᓕᑦᑎᕙᓪᓕᐊᓂᕐᒥᒃ, ᐱᖃᓐᓇᕆᔭᒥᓂᒡᓗ ᐱᓕᕆᖃᑎᖃᖅᐸᒃᖢᓂ ᐋᖅᑭᒃᓱᐃᕙᓪᓕᐊᔪᒪᓪᓗᓂ ᓄᓇᓕᖕᓂᒃ ᐊᒃᑐᐊᓂᖃᖅᑐᒥᒃ ᐃᓕᖅᑯᓯᑐᖃᕐᒥᓄᑦ. ᐃᓅᓯᓕᕆᖃᑕᐅᖃᑦᑕᖅᑐᖅ, ᐃᓄᒋᐊᓂᑦ, ᐃᖃᐃᓕᓴᖃᑦᑕᖅᑐᖅ, ᐃᖃᐃᓕᓴᖃᑦᑕᖅᑐᖅ ᐊᒻᒪ ᐊᓯᒥᓐᓂᑦ ᑲᑐᔾᔨᖃᑎᖃᖃᑦᑕᖅᑐᖅ ᐊᑐᖃᑦᑕᖅᓯᒪᔭᖏᓐᓂᑦ ᐃᓄᑑᑎᑕᐅᙱᖔᖅᑐᓂ.
ᑲᔪᖏᖅᓴᐃᓂᕐᒧᑦ, ᓴᖕᕚᔅ ᑕᐅᑐᖃᑦᑕᖅᑐᖅ ᑲᔪᖏᖅᓴᐃᓂᕐᒧᑦ ᐱᕕᖃᕐᓂᐅᔪᓂᑦ ᐃᓕᓐᓂᐊᖅᑎᓄᓪᓗ ᐱᓕᕆᐊᖏᓐᓂᑦ ᓯᕗᓕᖅᑎᐅᓂᕐᒧᓪᓗ ᐊᔪᙱᑕᖃᕐᓂᖏᓐᓂᑦ ᐱᐅᓕᑦᓯᓯᒪᓂᕐᒥᓪᓗ. ᑲᔪᖏᖅᓴᐃᔭᕆᐊᖃᓕᕌᖓᑦ ᐃᖃᐃᓕᓴᕐᕕᖕᒥ ᐃᓱᒪᓲᖅ ᐃᒻᒥᒃᑰᕈᒪᓂᕐᒥᒃ ᐆᒻᒪᕆᒍᒪᓂᕐᒥᒃᓗ ᑭᖑᓂᐊᒍᑦ ᐃᓅᓯᖓᓂ ᖃᓄᕐᓗ ᐃᖅᑲᐅᒪᐃᓐᓇᕈᒪᖕᒪᖔᑦ ᖃᑕᙳᑎᖏᓐᓂ. ᖁᕕᐊᒋᔭᖃᖅᑐᖅ ᖃᓄᐃᖏᑎᐊᕐᓂᕐᒥᒃ ᐊᒻᒪᓗ ᐊᑕᖐᓪᓗᓂ ᐊᒻᒪᓗ ᑲᔪᓯᑏᓐᓇᖅᑐᓂᐅᒃ.
ᐱᔪᒃᓯᓕᖅᑎᑦᑐᒪᓪᓗᒋᑦ ᓄᓇᖃᖅᑳᖅᑐᑦ ᒪᒃᑯᒃᑐᑦ, ᓴᖕᕚᐃ ᐅᖃᐅᑎᔪᒪᕙᖏᑦ, "Just going... ᐱᐅᓂᖅᐹᖅ ᓱᓕ ᖃᐃᓗᓂ, ᓱᓕᓂᕋᖅᑐᖓ. ᐅᓪᓗᑲᒻᒪᐅᒻᒪᑦ. ᑕᒪᓐᓇ ᐊᓂᒍᕐᓂᐊᖅᑕᕗᑦ. ᐊᒥᓲᒻᒪᑕ ᐃᓄᐃᑦ. ᐃᓕᓴᐃᓗᑎᑦ. ᐃᓄᒃᑕᖃᖅᐳᖅ ᐃᑲᔪᖅᑐᐃᔪᓂᒃ ᓇᒡᓕᒍᓱᖕᓂᕐᒥᒡᓗ ᐃᓕᖕᓂᒃ. ᑐᕌᒐᓕᐅᕐᓗᑎᑦ. ᓯᓚᕐᔪᐊᓕᒫᒦᒻᒪᑦ ᐅᑕᖅᑭᔪᖅ ᐃᓕᓐᓂᒃ ᑕᖅᑲᐅᖓᕆᐊᖓ ᐊᒻᒪᓗ ᖃᐅᔾᔨᑎᑖᕋᓱᐊᕐᓂᕐᒥᒃ. ᐊᐅᓪᓚᕐᓂᖅ."
ᐅᓂᒃᑳᕈᒪᔪᖅ ᑲᔪᖏᖅᓴᐃᔨᐅᓗᓂᓗ ᒪᒃᑯᒃᑐᓄᑦ ᑭᖑᕚᒃᓴᑦᑎᓐᓄᑦ ᐊᒡᒋᖅᑐᓄᑦ ᑕᐃᒪᐃᓐᓂᖓᓄᓪᓗ ᐅᓖᐱᑲ ᓴᖕᕙᐃᓐ ᐊᓯᔾᔩᕗᖅ ᓯᓚᑦᑐᖅᓴᕐᕕᖕᒥᑦ. ᐊᑐᖅᓯᒪᔭᒥᓂᒃ ᐅᖃᐅᓯᖃᖅᖢᓂ, ᐱᐅᔪᒥᒃ, ᐱᐅᙱᑦᑐᒥᒃ ᐊᒻᒪ ᑭᓱᑐᐃᓐᓇᓂᒃ ᐊᑯᓐᓂᖏᓐᓂᒃ, ᑐᙵᓱᒃᑎᑦᑎᕗᖅ ᐃᓄᖕᓂᒃ ᐃᓄᐃᑦ ᖃᐅᔨᖃᑦᑕᖅᓯᒪᔭᖏᓐᓂᒃ ᐊᒻᒪ ᓴᖅᑭᑎᑦᑎᓪᓗᓂ ᐃᓂᒃᓴᒥᒃ ᐃᒃᐱᒍᓱᖕᓂᕐᒧᑦ ᐊᒻᒪ ᑐᑭᓯᐅᒪᓂᕐᒧᑦ. ᐃᑲᔪᖃᑦᑕᕐᓂᖅ ᐃᓄᖕᓂᒃ ᐊᓯᔾᔨᖅᑎᕆᓂᕐᒥᒃ ᓴᓇᓂᒃᑯᑦ ᐃᓕᓐᓂᐊᕐᓂᒃᑯᓪᓗ, ᑕᓯᐅᖅᑎᐅᕗᖅ ᐊᔪᙱᓐᓂᕐᒥᓂᒃ ᖃᐅᔨᒪᓂᕐᒥᓂᒃ ᖃᐅᔨᒪᓕᖅᑎᑦᑎᓪᓗᓂᓗ ᑭᓇᐅᔪᓐᓇᕐᓂᕐᒥᓂᒃ.
ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.
ᓯᕗᓂᒃᓴᒥ ᐊᖅᑯᓯᓂᕆᔭᐅᕙᒃᑐᑦ ᖃᑦᑎᕆᓂᕐᒧᑦ ᐊᑐᖅᑕᐅᖃᑦᑕᓛᓕᖅᑐᑦ ᐱᓕᕆᐊᖑᕗᑦ TakingITGlobal's Connected North-ᒧᑦ ᐱᓕᕆᐊᖑᕙᒃᑐᒧᑦ.
ᑮᓇᐅᔭᖃᖅᑎᑕᐅᔪᑦ ᕈᐃᐅᓪ ᐹᓐᒃ ᑐᙵᕕᐊᓄᑦ ᐃᑲᔪᖅᑐᐃᓪᓗᑎᒃ ᕈᐃᐅᓪ ᐹᓐᒃ ᓯᕗᓂᑦᑎᓐᓂᑦ ᓴᖅᑭᑕᐅᓛᖅᑐᓂᑦ, ᑲᓇᑕᐅᑉ ᒐᕙᒪᒃᑯᖏᓪᓗ ᐃᑲᔪᖅᑐᐃᓪᓗᑎᒃ ᐃᓕᓐᓂᐊᕐᑎᑦ ᐃᓕᑦᑎᕙᓪᓕᐊᓂᖏᓐᓄᑦ ᐱᓕᕆᐊᒃᓴᓂᑦ.