"ᑖᓐᓇ ᐃᖏᕐᕋᓂᕆᔭᕋ ᐃᓄᑑᓪᓗᓂ. ᑎᑎᕋᕐᑎᐅᔪᖓ ᐃᖏᕐᕋᓂᓐᓄᑦ. ᖃᓄᖅ ᐋᖅᑭᒃᓯᒪᖕᒪᖔᑦ ᐅᕙᓐᓄᑦ," ᐅᖃᖅᑐᖅ ᕌᔪ ᒪᒃᑖᓄᑦ−ᑳᒻᑉ. ᐅᐃᓂᐹᒡᒥ ᓄᓇᖃᖅᑐᖅ ᒫᓂᑑᐸᒥ ᓄᓇᖃᖅᑐᖅ ᐊᒻᒪ ᓄᓇᖃᖅᑳᖅᑐᓄᑦ ᐱᔨᑦᑎᕋᖅᑏᑦ ᑲᓇᑕᒥ ᓄᓇᖃᖅᑐᖅ. ᐃᖅᑲᓇᐃᔭᖅᑎᓪᓗᒍ, ᑲᒪᒋᔭᖃᖃᑦᑕᖅᑐᖅ ᑎᑎᖅᑲᓕᒫᓂᑦ ᒫᓂᑑᕙᒥᑦ, ᐊᑦᑕᓇᖏᑦᑐᒦᖁᓪᓗᒋᑦ ᐊᒻᒪ ᑐᖅᑯᖅᑕᐅᓯᒪᑦᑎᐊᕐᓗᑎ, ᖃᕋᓴᐅᔭᒃᑰᖓᓗᑎ ᐊᒻᒪ ᐊᑐᐃᓐᓇᐅᓗᑎ ᐃᓚᒋᔭᐅᔪᓄᑦ ᐃᓄᓐᓄᑦ ᐱᔨᑦᑎᖅᑕᓄᑦ. 

ᐱᓕᕆᐊᖃᓕᓚᐅᖅᑐᖅ ᒐᕙᒪᑐᖃᒃᑯᑦ ᐃᓕᓐᓂᐊᖅᑎᑦ ᐃᖅᑲᓇᐃᔭᓕᒻᒪᒃᓴᖅᑎᑕᐅᓂᖏᓐᓄᑦ ᐱᓕᕆᐊᒃᑯᑦ (FSWEP), ᑲᑎᑎᑦᓯᓂᕐᒧᑦ ᐱᓕᕆᐊᖅ ᐃᓕᓐᓂᐊᖅᑎᓂᒃ ᐃᓄᓐᓂᒃ ᐱᔨᑦᓯᕋᕐᓂᕐᒧᑦ ᖁᑦᓯᓂᖅᓴᓄᑦ ᐃᓕᓐᓂᐊᕐᕕᒻᒥ ᓯᓚᑦᑐᓴᕐᕕᔾᔪᐊᕐᒥᓪᓗ. ᒪᒃᑖᓄᑦ-ᑰᒻᑉ ᖃᐅᔨᓴᕐᓂᖓ ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ ᐊᒻᒪᓗ FSWEP-ᒧᑦ ᐱᓕᕆᐊᖅ ᐱᕕᒃᓴᑦᑎᐊᕙᐅᓯᒪᔪᖅ ᑖᔅᓱᒧᖓ ᐊᒻᒪᓗ ᐱᕈᖅᐸᓪᓕᐊᓯᒪᓪᓗᓂ ᖃᐅᔨᓴᖅᑕᒥᓂᒃ ᒫᓐᓇᒧᑦ ᑎᑭᖦᖢᒍ. 

ᒪᒃᑖᓄᑦ-ᑳᓚᒻ ᐊᒃᓱᕈᓚᐅᖅᑐᖅ ᐃᓕᓐᓂᐊᕐᕕᐊᓗᒻᒥ ᑭᓯᐊᓂ ᐱᖓᓱᑦ ᐆᑦᑐᓚᐅᖅᑎᓪᓗᒋᑦ, ᐱᔭᕇᓚᐅᖅᑐᖅ. ᐃᑲᔪᖅᑐᐃᓪᓗᓂ ᐊᒻᒪᓗ ᑎᓕᐅᕆᓪᓗᓂ ᐊᔭᒥᓂᒃ ᐅᖃᐅᔾᔨᓚᐅᖅᑐᖅ ᐃᓕᓐᓂᐊᕆᐊᕆᐊᖃᕐᓂᕐᒥᓂᒃ ᐅᕝᕙᓘᓐᓃᑦ ᐃᖅᑲᓇᐃᔭᕆᐊᕆᐊᖃᕐᓂᕐᒥᓂᒃ. ᐱᔭᕇᕋᒥ ᐃᓕᓐᓂᐊᕐᕕᐊᓗᒻᒥ, ᐅᖃᓚᐅᖅᓯᒪᔪᖅ ᓱᓇᒃᑯᑖᓂᒃ ᑐᓂᓯᓂᐊᕐᓂᕋᖅᑐᓂ ᓯᓚᑦᑐᓴᕐᕕᒻᒨᖏᓐᓇᕈᓂ ᐊᒻᒪᓗ ᐱᔪᒪᓕᕐᓂᕈᓂᐅᒃ. 

ᑖᓐᓇ ᐱᔾᔪᑎᒋᓪᓗᒍ ᐊᔪᕆᖅᓲᔾᔭᐅᑦᑎᐊᓚᐅᖅᑐᖅ ᓇᓖᕌᕈᑎᓂᒃ ᑐᓂᓯᓚᐅᕐᒪᑦ, ᐃᒪᓐᓇ ᐱᓕᕆᖁᓐᖏᖦᖢᓂᐅᒃ. ᑎᑎᕋᕐᑎᐅᓪᓗᓂ ᓇᒧᙵᐅᕙᓪᓕᐊᓂᕆᔭᒥᓂᒃ, ᓇᖕᒥᓂᖅ ᓂᕈᐊᕈᓐᓇᖅᓯᓚᐅᖅᑐᖅ. ᑕᐃᒪᓐᓇ ᐃᒻᒥᓂᒃ ᐊᐅᓚᒍᓐᓇᖅᓯᑎᓕᓚᐅᖅᑐᖅ ᐊᖅᑯᑎᒃᑰᕈᓐᓃᖅᖢᓂ, ᓲᖃᐃᒻᒪ ᓂᕈᐊᓚᐅᕐᒪᑦ ᐊᖅᑯᑎᑦᑎᐊᕙᖕᒥᑦ ᐃᓱᒪᖅᓱᖅᖢᓂ. 

ᓯᓚᑦᑐᖅᓴᕐᕕᖕᒥ, ᐃᓕᓐᓂᐊᓚᐅᖅᓯᒪᕗᖅ ᓄᓇᖃᖅᑳᖅᓯᒪᔪᑦ ᐊᐅᓚᑦᑎᔾᔪᓯᖏᓐᓂᒃ ᐊᒻᒪ ᓇᖕᒥᓂᖃᕐᓂᕐᒥᒃ ᓯᓚᑦᑐᖅᓴᕐᕕᒡᔪᐊᕐᒥ ᐅᑭᐅᖅᑕᖅᑐᒥ, ᐱᒋᐊᖅᑎᑦᑎᓚᐅᖅᓯᒪᕗᖅ Bachelor of Business Administration−ᒥ ᐃᓕᓐᓂᐊᖅᑕᒥᓂᒃ ᐅᐃᓂᐹᒡ ᓯᓚᑦᑐᖅᓴᕐᕕᒡᔪᐊᖓᓂ. ᓂᕈᐊᓚᐅᖅᑐᖅ ᒥᑭᔪᒥᑦ ᐊᑲᐅᙱᓪᓕᐅᕈᑎᓂᑦ ᐋᖅᑭᖃᑎᒌᒐᓱᖕᓂᖕᒥᑦ, ᓅᖦᖢᓂ ᒪᕐᕈᐃᓕᖓᔪᒧᑦ ᐊᑲᐅᙱᓕᐅᕈᑎᓄᑦ ᐋᖅᑭᒃᓯᓂᖕᒥᑦ ᓇᖕᒥᓂᖃᖕᓂᖕᒧᓪᓗ. ᑕᐃᑲᙵᑦ, ᐱᓇᓱᐊᓕᓚᐅᖅᑐᖅ ᒪᕐᕉᖕᓂᒃ ᐱᔭᕇᕈᓯᐊᕐᒥᒃ ᐃᓕᓐᓂᐊᒐᒃᓴᓂᒃ, ᐱᔭᕇᖅᓯᔾᔪᓯᐊᖅ ᓯᕗᓪᓕᖅ ᓴᓇᙳᐊᕐᓂᕐᒧᑦ ᐃᓕᓐᓂᐊᕌᓂᒍᓯᐊᖅ ᐊᑲᐅᙱᓕᐅᕈᑎᓄᑦ ᐋᖅᑭᒃᓯᓂᕐᒧᑦ, ᐱᔭᕇᕐᖢᓂ, ᐱᓯᓂᓯᒧᓪᓗ ᑎᑎᕋᕐᕕᖕᒥᐅᑕᓕᕆᔾᔪᑎᓂᒃ ᐃᓕᓐᓂᐊᕌᓂᒍᓯᐊᖅ, ᓄᖅᑲᖓᑎᑕᐅᔪᖅ ᐱᓇᓱᒃᑎᓪᓗᒍ ᐃᓕᓐᓂᐊᕌᓂᒍᓯᐊᕐᒥᒃ ᓇᖕᒥᓂᖃᕐᓂᕐᒧᑦ ᓯᓚᑦᑐᖅᓴᕐᕕᒃᔪᐊᒥ ᒫᓂᑑᐸᒥ.

ᑎᓕᐅᖅᑕᐅᓚᐅᖅᑐᖅ ᓇᔭᖓᓄᑦ, ᑕᑯᔪᒪᓚᐅᖅᑐᖅ ᑲᔪᓯᑎᓪᓗᒍ ᑐᕌᒐᕆᔭᒥᓄᑦ. ᐃᓅᔪᓐᓃᓚᐅᖅᑐᖅ ᑳᓐᓱᒥᒃ ᐊᒻᒪᓗ ᐃᑲᔪᖅᑐᖅᑕᐅᓪᓗᓂ ᐃᓅᑎᓪᓗᒍ ᐊᒃᓱᐊᓗᒃ ᑐᑭᖃᓚᐅᖅᑐᖅ. ᐃᓕᓐᓂᐊᕐᓂᕐᒧᑦ ᐅᖃᐅᔾᔨᒋᐊᖅᑎᖓ ᓯᓚᑦᑐᓴᕐᕕᕐᔪᐊᕐᒥ ᐃᑲᔪᓚᐅᖅᐳᖅ ᓯᕗᓪᓕᖅᐹᒥ F-ᒥᑦ ᐱᓚᐅᖅᑎᓪᓗᒍ, ᐅᖃᐅᑎᓪᓗᓂᐅᒃ ᐊᓯᔾᔩᔪᓐᓇᕐᓂᕋᖅᑐᓂ ᖁᑦᑎᓐᓂᖏᓐᓂᑦ ᐱᐅᓂᖅᓴᒥᑦ ᐃᓕᓐᓂᐊᕈᓐᓃᑎᑦᑎᒍᓂ. ᐃᑲᔪᖅᑐᐃᓂᕐᒥᓂᒃ ᐊᒧᓯᓚᐅᖅᑐᖅ ᐊᒻᒪᓗ ᑕᐃᒪᐃᑐᐃᓐᓇᓚᐅᖅᑐᖅ, ᐱᔭᕇᑦᑎᐊᓚᐅᖅᑐᓂ ᐃᓕᓐᓂᐊᖅᑕᒥᓂᒃ ᐊᒃᓱᕈᕈᑎᒋᓚᐅᖅᑕᒥᓂᒃ. 

ᒪᒃᑖᓄᑦ−ᑳᒻᑉ ᑕᒪᒃᑯᓂᖓ ᐊᒃᓱᕈᕐᓇᖅᑐᖃᖃᑦᑕᖅᓯᒪᕗᖅ ᐃᓕᓐᓂᐊᕐᕕᖕᒥ ᐃᓅᓯᕆᔭᐅᔪᒥᓗ ᐃᓅᓪᓗᓂ ᖃᔅᓯᑲᓪᓚᖕᓂᒃ ᕿᓗᖅᓯᓇᖅᑐᓂᒃ.  "ᐃᓚᖏᑦ ᐅᓪᓗᐃᑦ ᐊᔪᕐᓇᕐᓂᖅᓴᐅᓲᑦ ᐊᓯᖏᓐᓂᑦ," ᐅᖃᖅᑐᖅ, ᐃᓱᒪᒋᔭᖃᕐᓂᕐᒥᑦ ᐱᔭᕆᐊᑐᓂᖓᓂᑦ ᐃᓅᒐᓱᐊᕐᓂᕐᒥᑦ ᐋᓐᓂᐊᖏᓐᓇᖅᑐᓂᑦ. ᐃᓚᐅᖃᑕᐅᖃᑦᑕᖅᑐᖅ ᖃᕋᓴᐅᔭᒃᑯᑦ ᐃᑲᔪᖅᓱᐃᔨᓂᑦ ᐃᑲᔪᕋᓱᒃᓗᓂ ᐆᒻᒪᕆᖕᓂᖏᓐᓂ ᐱᔪᒪᓕᖅᑎᑦᑎᑦᑎᐊᕐᖢᓂᓗ ᐅᓂᒃᑳᓂᑦ ᐊᓯᖏᓐᓄᑦ ᐋᓐᓂᐊᕕᓕᐊᖅᓯᒪᔪᓄᑦ. ᐊᒻᒪᓗ ᑖᓐᓇ ᑲᔪᖏᖅᓴᐃᓯᒪᒻᒥᔪᖅ ᓄᓇᓕᓐᓂ ᓯᕗᓕᖅᑎᐅᔪᓂᒃ, ᐃᑲᔪᖅᑐᐃᓂᐊᕐᓂᕋᖅᑐᓂ ᐃᓕᓐᓂᐊᕆᐊᕈᓂ ᐊᒻᒪᓗ ᐱᔭᕇᕈᓂ ᐃᓕᓐᓂᐊᖅᑕᒥᓂᒃ. ᐊᑎᓕᐅᕐᓂᖅ ᑳᓐᑐᕌᒃᒥᑦ ᐱᔭᕇᖅᓯᓂᕐᒧᑦ ᐃᓕᓐᓂᐊᖅᑕᒥᓂᒃ ᐱᔪᒪᓕᕈᑎᒋᓚᐅᖅᐸᐅᒃ A's ᐊᒻᒪ B's-ᒥᑦ. 

ᐃᓕᓐᓂᐊᕐᕕᒃ ᐊᒃᓱᕈᕐᓇᓵᕐᒪᑦ, ᑭᓯᐊᓂ ᐊᓂᒍᐃᕙᓪᓕᐊᓕᖅᑐᖅ. ᐊᐅᓚᓐᓂᐊᕐᓗᒍ ᐃᓱᒪᖓ ᐊᒻᒪᓗ ᑕᒫᙵᑦ ᓄᓇᕐᔪᐊᕐᒥ ᖃᓂᒻᒪᒍᑕᐅᕙᓪᓕᐊᑎᓪᓗᒍ, ᒪᒃᑖᓄᑦ−ᑰᒻ ᐃᒻᒥᓂᒃ ᐃᓕᓐᓂᐊᖅᑎᖦᖢᓂ ᒥᖒᑎᒥᒃ. ᑎᑎᕋᖃᑦᑕᓚᐅᖅᐳᖅ ᑎᑎᖅᑐᒐᖅᑎᐅᓪᓗᓂᓗ ᐱᕈᖅᐸᓪᓕᐊᔪᑎᑐᑦ. ᐅᖃᓕᒫᕈᒪᕙᓚᐅᖅᑐᖅ ᐊᒻᒪᓗ ᑎᑎᕋᐅᔭᖅᑐᓂ ᓱᕈᓯᐅᑎᓪᓗᒍ ᐊᒻᒪᓗ ᐃᒻᒥᓂᒃ ᐃᓕᓴᐃᓪᓗᓂ ᓄᔭᓕᕆᓂᕐᒥᒃ. 

ᖁᕕᐊᒋᖃᑦᑕᓚᐅᖅᑕᖏᑦ ᑭᖑᓂᑦᑎᓐᓂᑦ ᐊᔅᓱᕈᕐᓇᖅᑐᒃᑰᖃᑦᑕᖅᓯᒪᑎᓪᓗᒋᑦ, ᓇᒻᒥᓂᖅ ᓯᕗᓂᔅᓴᖃᖅᑎᓪᓗᒍ, ᐃᓱᒪᕙᒻᒪᑦ ᐃᓕᓐᓂᐊᖅᑎᐊᖅᓯᒪᑦᑎᐊᕐᓂᕐᒧᑦ ᑐᕌᒐᖏᓐᓂᑦ ᐊᒻᒪ ᖃᓄᖅ ᑲᔪᓯᑦᑎᐊᕈᒪᒻᒪᖔᖅ ᖁᑦᑎᓂᖅᐹᒥᑦ ᐃᓕᓐᓂᐊᕋᔅᓴᕐᒥᑦ. ᓯᕗᓂᒃᓴᖓᓄᑦ ᓄᓇᖃᖅᑳᖅᓯᒪᔪᑦ ᒪᒃᑯᒃᑐᑦ, ᓂᕆᐅᒃᑐᖅ ᐱᔪᒃᓯᑎᑕᐅᓂᐊᕐᓂᖏᓐᓂᒃ ᓯᕗᓕᖅᑎᓂᑦ ᓄᓇᕐᔪᐊᒥ ᓱᕋᐃᔪᓂᒃ ᑐᓗᕈᑎᓂᒃ ᑕᐃᒃᑯᓄᖓ ᐱᓗᑎᒃᓗ ᐃᓕᑕᖏᓐᓂ ᑕᐃᒪᐃᓐᓂᐊᕐᖢᑎᒃᓗ ᐃᓐᓇᑐᖃᖏᓐᓄᑦ, ᐊᕕᒃᑐᕐᓗᒋᑦ ᑐᓗᕈᑎᑦ ᑕᐃᒪᐃᓕᖓᐃᓐᓇᖅᑐᓄᑦ. 

ᒪᒃᑖᓄᑦ-ᑰᒻᑉ ᐅᖃᐅᓯᖃᖅᑐᖅ ᓯᓚᑐᓂᕐᒥᒃ ᓂᕆᐅᒋᓪᓗᓂᒋᑦᑕᐅᖅ ᐱᔪᒪᓕᖅᑎᓐᓂᐊᕐᒪᒋᑦ. ᐅᖃᖅᑐᓂ, "ᐊᒃᓱᕈᕐᓇᖅᑐᒃᑰᕐᓂᐊᕋᔅᓯ, ᐃᓅᓯᕐᓗ ᐊᒃᓱᕈᕐᓇᕐᓂᐊᕆᓪᓗᓂ... ᐃᓅᓯᒃᑰᖃᑦᑕᕋᑦᑕ ᐊᒻᒪᓗ ᐊᑐᖅᐸᑦᑕᕗᑦ ᑭᓇᐅᓂᑦᑎᓐᓂᒃ... ᑕᐃᑲᓃᓪᓗᓂ ᐊᓯᖕᓄᑦ. ᑕᐃᒪᓐᓇ ᐋᖅᑭᒃᓯᒪᓂᖃᖅᑐᒍᑦ."

ᑎᑎᕋᕐᑎᐅᓪᓗᓂ ᐃᖏᕐᕋᓂᕆᓚᐅᖅᑕᖓᓄᑦ, ᕌᔪ ᒪᒃᑖᓄᑦ-ᑲᓚᒻ ᖃᐅᔨᒪᔪᖅ ᖃᓄᖅ ᐋᖅᑭᒃᓯᒪᓂᖃᕐᒪᖔᑦ ᐃᓱᒪᒥᓂᒃ. ᐃᖏᕐᕋᓂᕆᔭᖓ ᐃᓄᑑᓪᓗᓂ ᐃᖏᕐᕋᓂᕆᔭᖓ, ᑭᓯᐊᓂ ᑲᔪᓯᑎᑉᐸᐅᒃ ᓂᕆᐅᖕᓂᕆᔭᒥᓂᒃ ᒪᒃᑯᒃᑐᓄᑦ ᓄᓇᓕᖕᒥᓂ. ᐃᖅᑲᓇᐃᔭᖅᖢᓂ ᑎᑎᕋᖅᑕᐅᓯᒪᔪᓂᒃ ᐊᐅᓚᑦᑎᓂᕐᒥᒃ, ᓇᓗᙱᑦᑎᐊᕋᓱᒃᐸᒃᐳᖅ ᑕᒪᒃᑯᐊ ᑎᑎᕋᖅᓯᒪᔪᑦ ᖁᐊᖅᓵᕐᓇᙱᑦᑐᒃᑯᑦ ᑐᖅᑯᖅᑕᐅᓯᒪᒐᓗᐊᕐᒪᖔᑕ ᓴᐳᔾᔭᐅᓯᒪᒐᓗᐊᕐᒪᖔᑕᓗ, ᑕᐃᒪᐃᓕᐅᖅᐸᓪᓕᐊᑎᓪᓗᒍᓗ ᐊᓂᒍᐃᓂᕐᒧᑦ ᐊᔪᕈᓐᓃᖅᓴᕐᓂᕆᔭᐅᔪᑎᒍᑦ, ᓇᓗᙱᑦᑎᐊᕋᓱᒃᐸᒃᐳᖅ ᓯᕗᓂᒃᓴᖓ ᖁᐊᖅᓵᕐᓇᙱᒃᑲᓗᐊᕐᒪᖔᑦ.