ᖃᐅᔨᓚᐅᖅᑐᖅ ᖁᕕᐊᒋᔭᖃᕐᓂᕐᒥᓂᒃ ᒐᕙᒪᓕᕆᓂᕐᒥᒃ ᖃᐅᔨᓴᖅᑐᓕᕆᓂᕐᒥᒃ ᐊᒻᒪᓗ ᐊᖅᑯᑎᒋᓂᐊᖅᑕᖓᓂᒃ ᒪᓕᒐᓕᕆᓂᕐᒧᑦ ᐃᖅᑲᓇᐃᔮᕆᔪᒪᔭᒥᓂᒃ ᖁᕕᐊᒋᔭᒥᓄᑦ, ᑭᒡᒐᖅᑐᐃᓪᓗᓂ ᓄᓇᒥᒃ ᐊᒻᒪᓗ ᑕᐃᒎᓯᖅᑖᕐᓂᕐᒧᑦ ᐱᔪᓐᓇᐅᑎᒋᔭᐅᔪᓂᒃ ᐊᒻᒪᓗ ᓴᓇᙳᐊᕐᓂᕐᒥᒃ ᐊᖅᑯᑎᒃᓴᒥᒃ ᓄᓇᖃᖅᑳᖅᑐᓄᑦ ᒪᓕᒐᓕᕆᔨᓄᑦ ᒪᓕᒍᓐᓇᖅᑕᖏᓐᓂᒃ. ᕉᓴᓕ ᔮᓯ ᐅᐊᔅᐹᖕᒃ ᓄᓇᖃᖅᑳᖅᓯᒪᔪᓂᑦ ᐃᓚᒋᔭᐅᕗᖅ ᒪᓕᒐᓕᕆᔨᐅᓪᓗᓂᓗ ᒪᓕᒐᓕᕆᔨᐅᓪᓗᓂ ᐅᑳᓇᒐᓐ ᓄᓇᖃᖅᑳᖅᓯᒪᔪᑦ ᑲᑐᔾᔨᖃᑎᒌᖏᓐᓄᑦ. ᐃᒃᓯᕙᐅᑕᐅᑉ ᑐᒡᓕᕆᖕᒥᔭᖓ ᐳᕆᑎᔅ ᑲᓚᒻᐱᐊᒥ ᓄᓇᖃᖅᑳᖅᓯᒪᔪᑦ ᒪᓕᒐᓕᕆᓂᕐᒧᑦ ᑲᑎᒪᔨᖏᓐᓄᑦ. ᑖᓐᓇ ᐱᖁᔭᕐᔪᐊᖅ ᑐᓐᖓᕕᔾᔪᐊᕐᒥᒃ ᐃᓕᓐᓂᐊᓚᐅᖅᑐᖅ ᑎᑎᕋᓚᐅᖅᑐᖅ ᐸᐃᑉᐹᒥᒃ ᐃᓚᖓᓂ 35-ᒥ, ᐊᒻᒪᓗ ᐱᔪᒪᓪᓗᓂ ᐅᓇᑕᕈᒪᓪᓗᓂ ᓄᓇᓂᒃ ᐊᒻᒪᓗ ᑕᐃᒎᓯᖏᓐᓂᒃ.

ᓯᓚᑦᑐᓴᕐᕕᕐᔪᐊᕐᒨᕋᑖᖅᑎᓪᓗᒍ, ᐊᔾᔨᒌᙱᑦᑐᓂᒃ ᐃᓕᓐᓂᐊᕋᓱᐊᖅᐸᓚᐅᖅᐳᖅ ᖃᐅᔨᒋᐊᖅᑐᓂ ᖃᓄᖅ ᐊᔪᐃᓐᓇᕆᐊᒃᑲᓐᓂᕐᒪᖔᖅ. ᕿᓂᓚᐅᖅᑐᖅ ᐃᖅᑲᓇᐃᔭᕐᓂᕐᒥᒃ ᒪᒃᑯᒃᑑᓪᓗᓂ ᐊᓈᓇᐅᓪᓗᓂ ᐃᓕᓐᓂᐊᕌᓂᒍᓯᐊᖏᓐᓂ ᐊᒻᒪ ᐋᖅᑭᒃᓯᓪᓗᓂ ᖃᐅᔨᒋᐊᕐᓗᓂ ᖃᓄᐃᓕᐅᕋᔭᕐᒪᖔᑦ ᒪᓕᒐᓕᕆᓂᕐᒧᑦ ᐃᓕᓐᓂᐊᕐᕕᖕᒧᐊᕐᓗᓂ. ᐱᓇᔪᓚᐅᖅᐳᖅ LSAT−ᒥᒃ ᐊᓈᓇᖓᑕ ᐊᐅᒃᑕᔫᖓᓂᒃ ᐱᑎᖦᖢᒍ, ᓂᐅᕕᖅᖢᓂᓗ LSAT−ᒧᑦ ᖃᐅᔨᓴᕐᓂᕐᒧᑦ ᒪᒃᐱᖅᑐᒐᕐᒥᒃ ᐱᕙᒌᔭᕐᓂᐊᖅᑕᒥᓂᒃ.

ᔮᓯ UBC-ᑯᑦ ᒪᓕᒐᖓᓄᐊᓚᐅᖅᑐᖅ ᑕᐃᔅᓱᒪᓂ ᐃᑲᔪᖅᑕᐅᓗᐊᙱᖦᖢᑎᒃ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑎᑦ ᐊᒻᒪ ᓄᖅᑲᖓᓚᐅᑲᒋᐊᖃᓕᖅᖢᑎᒃ. ᐃᖅᑲᓇᐃᔭᓚᐅᖅᑐᖅ ᑲᑐᔾᔨᖃᑎᒌᓄᑦ ᐳᕆᑎᔅ ᑲᓚᒻᐱᐊᒥ ᐊᓪᓚᓄᑦ ᐊᒻᒪᓗ ᐃᓕᓐᓂᐊᖅᑎᑕᐅᓪᓗᓂ ᒍᕌᓐ ᓯᑑᐊᑦ ᐱᓕᑉᒧᑦ. ᐊᕐᕌᒎᒃ ᒪᕐᕉᒃ ᐊᓂᒍᖅᐸᑎᒃ, ᐅᑎᕈᒪᓕᓚᐅᖅᑐᖅ ᐱᔭᕇᖅᓯᔪᒪᓕᕐᖢᓂᓗ ᒪᓕᒐᓕᕆᓂᕐᒧᑦ ᐊᓂᒍᐃᓂᕐᒧᑦ ᓇᓗᓇᐃᒃᑯᑕᕐᒥᓂᒃ, ᐅᖄᓚᕕᐅᓪᓗᓂᓗ ᐃᒥᕐᕕᖕᒧᑦ ᑭᖑᓂᑦᑎᐊᖓᒍᑦ.

ᐆᑦᑑᑎᑦᑎᐊᕙᐅᓪᓗᓂ ᐃᕐᓂᖓ ᐱᕈᖅᓴᑎᓪᓗᒍ ᓴᓐᖏᔫᓪᓗᓂ ᑲᔪᖏᖅᓴᐃᔨᐅᔪᖅ ᔮᓯᒧᑦ. ᓂᖏᐅᖓ, ᓲᐱ ᐅᐃᓪᓴᓐ, ᓴᙱᔪᒥᑦ ᑭᒡᒐᖅᑐᐃᓚᐅᖅᑐᖅ ᐃᓕᓐᓂᐊᕐᓂᕐᒧᑦ. ᐃᓚᖓᑦ ᐊᓈᓇᑦᑎᐊᖓᑕ ᐋᓐᓂᐊᓯᐅᖅᑎᕈᓚᐅᖅᑐᖅ ᐊᒻᒪᓗ ᐊᐃᑉᐸᖓ ᖁᑦᑎᓂᖅᐹᒥ ᐸᐃᑉᐹᖃᑦᑐᓂ ᐃᓄᓕᕆᔨᐅᓂᕐᒧᑦ. ᐊᑖᑕᑦᓯᐊᖓ ᐃᓕᑕᕆᔭᐅᔾᔪᑎᖃᓚᐅᖅᑐᖅ ᓄᓇᖃᖅᑳᖅᓯᒪᔪᓄᑦ ᐱᕙᓪᓕᐊᔪᓕᕆᓂᕐᒧᑦ. ᐊᑖᑕᑦᑎᐊᒃᑯᖏᑦ ᐃᓕᓐᓂᐊᕆᐊᒃᑲᓐᓂᓚᐅᖅᐳᑦ 1950-ᖏᓐᓂᑦ, ᑕᒪᓐᓇᓗ ᑲᔪᓯᒍᒪᓐᓇᖅᑐᓂ ᐃᓕᓐᓂᐊᕐᓂᖓᓄᑦ ᓱᓕ ᒪᒃᑯᑦᑑᑎᓪᓗᒍ.

ᐊᔪᕐᓇᙱᑎᑦᑎᓚᐅᖅᑐᖅ ᑲᔪᓯᑦᑎᐊᕐᓂᕐᒧᑦ ᐃᓕᓐᓂᐊᕐᕕᖕᒥ ᐊᖓᔪᖅᑳᖏᑦ ᑲᒪᒋᔭᖃᕐᖢᑎᒃ ᐃᕐᓂᖓᓂᒃ ᐃᓕᓐᓂᐊᖅᑎᓪᓗᒍ. ᔮᓯ ᐃᓱᒫᓗᒋᐊᖃᓚᐅᙱᑦᑐᖅ ᐸᐃᕆᔨᒥᑦ ᖃᐃᔪᓐᓇᓚᐅᕐᖢᓂᓗ ᐳᓛᕆᐊᕐᖢᓂᐅᒃ ᐅᑲᓈᒐᓐ ᐱᓇᓱᐊᕈᓯᐅᑉ ᓄᙳᐊᓂᑦ. ᑕᒪᓐᓇ ᐃᓕᖅᑯᓯᑐᖃᕐᒥᒃ ᐊᑐᖅᖢᓂ, ᓯᓐᓇᒃᑑᒪᔭᒥᓂᒃ ᐱᓇᔪᒍᓐᓇᖅᑎᖦᖢᓂᒋᑦ ᐃᕐᓂᖓᓗ ᖁᕕᐊᓱᓚᐅᖅᐳᖅ ᐊᓈᓇᑦᑎᐊᒃᑯᒥᓂᒃ/ᐊᑖᑕᑦᑎᐊᒃᑯᒥᓂᒃ ᑲᒪᒋᔭᐅᔪᓐᓇᕋᒥ.

ᐅᓪᓗᒥᐅᓕᖅᑐᖅ, ᔮᓯᐅᑉ ᐱᓕᕆᐊᖏᑦ ᑎᑎᕋᕆᐊᙵᖅᓯᒪᔪᑦ, ᐋᔩᖃᑎᒌᓐᓂᕐᒧᑦ ᐊᖏᖃᑎᒌᒍᑎᓂᑦ, ᐅᖃᓕᒪᓂᕐᒥᑦ ᑲᑎᒪᔪᓂᑦ, ᑲᑎᒪᖃᑕᐅᖃᑦᑕᖅᓱᓂ, ᐅᖃᐅᓯᖃᖅᓱᓂ ᐊᕕᑦᑐᖅᓯᒪᔪᓂᑦ ᒪᓕᒐᓕᕆᓂᕐᒧᑦ ᖃᓄᐃᓕᐅᕈᑕᐅᔪᒪᔪᓂᑦ ᐅᐸᖃᑦᑕᕐᓂᕐᒥᓪᓗ ᖁᑦᓯᑦᑐᓂᑦ ᖃᓄᐃᓕᐅᕐᓂᐅᔪᓂᑦ. ᐅᓪᓗᑯᑖᖑᖕᒪᑦ ᐃᒻᒥᓂᒃ ᐃᖅᑲᐃᓯᔭᕆᐊᖃᖅᖢᓂ ᐃᒻᒥᓂᒃ ᑲᒪᒋᑦᑎᐊᕆᐊᖃᖅᖢᓂ. ᑎᒥᒃᑯᑦ ᐃᖃᐃᓕᓴᖃᑕᐅᖃᑦᑕᕐᒥᔪᖅ ᓄᓇᓯᐅᑎᒃᑯᑦ ᐱᕐᕈᓗᐊᕿᔪᖃᕐᓂᖓᓄᑦ.  

ᐱᔪᒃᓯᑎᑦᑎᔪᒪᓕᕌᖓᑦ, ᔮᓯ ᒍᕌᓐ ᔅᑑᐊᑦ ᐱᓕᑉ−ᒧᑦ ᑕᐅᑦᑐᖃᖅᐳᖅ, ᐱᓕᕆᑦᑎᐊᖅᓯᒪᓂᖓᓄᑦ ᓯᕗᓕᖅᑎᐅᑦᑎᐊᕐᓂᖓᓄᓪᓗ. ᐅᖃᖅᑕᐃᓕᒪᔪᒪᑎᓪᓗᒍ ᐊᑯᓂᐊᓗᒃ ᐃᖅᑲᓇᐃᔭᕈᒪᓕᕋᒥ ᐅᖃᐅᑎᓚᐅᖅᐹ, "ᓈᒻᒪᙱᓗᐊᕐᒪᑦ ᐅᖃᓪᓚᒋᐊᒃᓴᖅ. ᐱᓱᒋᐊᖃᖅᑐᑎᑦ." ᑐᑭᓯᓚᐅᖅᑐᖅ ᓯᕗᓕᖅᑎᐅᔭᕆᐊᖃᓚᐅᖅᑐᖅ ᓲᕐᓗ, ᐃᓅᖃᑕᐅᙱᖦᖢᓂ ᐊᒻᒪ ᐃᒻᒥᓂᒃ ᖃᓄᐃᑦᑐᓐᓃᖅᐸᓪᓕᐊᓪᓗᓂ ᐊᕐᕌᒍᓄᑦ 17-ᓄᑦ. ᐊᓂᒍᐃᓂᖅ ᐱᔭᕆᐊᖃᒻᒪᕆᓚᐅᖅᑐᖅ ᑲᔪᓯᑦᑎᐊᕐᓂᖓᓄᑦ ᒪᓕᒐᓕᕆᓂᕐᒧᑦ ᐃᓕᓐᓂᐊᕐᕕᖕᒥ ᒪᓕᒐᓕᕆᔨᒻᒪᕆᖕᓄᓪᓗ ᐱᓪᓗᒍ ᑕᖃᓇᕐᓂᖓ.

ᖃᖓᑦᑎᐊᓵᒃᑯᑦ, ᔮᓯᐅᑉ ᐱᔪᒃᓯᑎᑕᐅᓯᒪᕗᖅ ᑭᒡᒐᖅᑐᐃᓪᓗᓂ ᒪᒃᑯᒃᑐᓂᒃ, ᑕᑯᓚᐅᙱᑕᒥᓂᒃ ᐅᓪᓗᒥ, ᖃᓄᕐᓗ ᓅᑉᐸᓪᓕᐊᖕᒪᖔᑕ ᑭᖑᕚᕇᓄᑦ ᖁᐊᖅᓵᕐᓇᖅᑐᒃᑰᖅᓯᒪᔪᓄᑦ ᑭᖑᕚᖏᓐᓄᑦ. "ᐊᖓᔪᖅᑳᕗᑦ ᐃᑦᑐᕗᓪᓗ ᓂᐱᕗᑦ ᐊᑐᕆᐊᖃᖅᑎᑕᐅᓚᐅᙱᑦᑐᑦ. ᑕᐃᒃᑯᐊ ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᑦ. ᑕᑯᕙᓪᓕᐊᖃᑦᑕᕋᒪ ᑭᖑᕚᒃᓴᑦᑎᓐᓂ, ᑐᓴᕈᒪᑦᑎᐊᖅᐳᖓ ᒪᒃᑯᒃᑐᓂᒃ ᓱᓕᔪᓂᒃ ᐅᖃᓪᓚᒃᑎᓪᓗᒋᑦ ᐊᒻᒪ ᓱᓕᙱᑦᑐᓂᒃ ᐅᖃᐅᓯᖃᖅᑎᓪᓗᒋᑦ ᑭᓇᐅᓂᕐᒥᓂᒃ," ᑕᑯᒃᓴᐅᑎᑦᑎᔪᖅ. ᑕᐃᒪᐃᒻᒪᑦ ᐊᒃᓱᕉᑎᖃᖅᐳᖅ ᐃᑲᔪᖅᑐᐃᓂᕐᒥᒃ ᒪᒃᑯᒃᑐᓂᒃ ᒪᒃᑯᒃᑐᓂᒡᓗ ᓄᓇᖃᖅᑳᖅᓯᒪᔪᓂᒃ ᐊᕐᓇᓂᒃ ᑲᔪᖏᖅᓴᐃᔨᖃᕐᓗᑎᒃ ᐊᒻᒪ ᐱᕕᒃᓴᖃᖅᑎᑕᐅᕙᒡᓗᑎᒃ. ᐊᑭᓕᕐᓗᒍ ᓯᕗᒻᒧᑦ ᐃᖏᕐᕋᑎᖃᑦᑕᖅᑕᖓ ᐊᔪᕐᓇᖅᓯᒑᖓᑦ.

ᐃᓱᒪᒋᓪᓗᒍ ᓂᕆᐅᒋᔭᖓ ᓯᕗᓂᒃᓴᒧᑦ, ᔮᓯ ᓂᕆᐅᒃᐳᖅ ᑕᑯᙱᖔᕐᓗᓂ ᐊᒥᓱᓂᑦ ᓄᓇᖃᖅᑳᖅᓯᒪᔪᓂᑦ ᑎᒍᔭᐅᒪᔪᓂᑦ ᑕᑯᒃᑲᓐᓂᕋᓱᒡᓗᑎᒃ ᓄᓇᖃᖅᑳᖅᓯᒪᔪᓂᑦ ᐃᖅᑲᓇᐃᔭᖅᑐᓂᑦ ᐱᕋᔭᖕᓂᖕᒧᑦ ᒪᓕᒐᓕᕆᓂᖕᓂᑦ ᒪᓕᒐᓕᕆᔨᐅᓗᑎᒃ, ᐃᖅᑲᖅᑐᐃᔨᐅᓗᑎᒃ, ᐃᖅᑲᖅᑐᐃᕕᖕᒥᓪᓗ ᐸᓖᓯᐅᓗᑎᒃ. ᑕᑯᒃᑲᓐᓂᕈᒪᔪᖅ ᐃᓕᖅᑯᓯᖅᑎᒍᑦ ᐊᑦᑕᓇᐃᖅᓯᒪᓂᕐᒥᒃ ᒪᓕᒐᓕᕆᓂᕐᒧᑦ ᐃᓄᐃᑦ ᐅᖃᖃᑎᖃᕈᓐᓇᕐᓂᐊᕐᒪᑕ ᐃᓄᓐᓂᒃ ᑐᑭᓯᐅᒪᔪᓂᒃ ᐃᓱᒫᓘᑎᖏᓐᓂᒃ ᐊᒻᒪᓗ ᖃᓄᐃᓐᓂᕆᔭᖏᓐᓂᒃ. ᑎᓕᐅᖅᑕᐅᕗᖅ ᐊᓯᔾᔨᖅᑕᐅᓂᒃᑯᑦ ᒪᓕᒐᖅᑎᒍᑦ ᐃᓕᓐᓂᐊᖅᑐᓕᕆᔾᔪᑎᒧᑦ ᓴᖅᑭᑦᑎᕙᓪᓕᐊᑐᐃᓐᓇᖅᖢᓂ ᐱᕕᒃᓴᒃᑲᓐᓂᕐᓂᒃ ᓄᓇᖃᖅᑳᖅᓯᒪᔪᑦ ᓴᐳᓐᓂᐊᖅᑎᖏᓐᓄᑦ ᓂᕆᐅᒃᐳᕐᓗ ᑐᓗᖅᑕᕈᑕᐅᓲᑦ ᐃᓕᓐᓂᐊᕆᐅᖅᓴᔪᓄᑦ ᐃᓕᓐᓂᐊᖅᑎᓄᑦ ᓴᖅᑭᑕᐅᕙᓪᓕᐊᖏᓐᓇᕐᓂᐊᕐᓂᖏᓐᓂᒃ. ᓂᕆᐅᒃᑭᕗᖅᑕᐅᖅ ᑲᔪᓯᔪᒥᒃ ᐱᕙᓪᓕᐊᓂᖃᖅᑐᒥᒃ ᐃᓕᓴᕆᔭᐅᓂᖓᓂᒃ ᓄᓇᖃᖅᑳᖅᓯᒪᔪᑦ ᑕᐃᔭᐅᔾᔪᓯᖏᓐᓂᒃ ᐊᒻᒪᓗ ᐱᔪᓐᓇᐅᑎᖏᓐᓂᒃ ᐳᕆᑎᔅ ᑲᓚᒻᐱᐊᒥ.

ᑲᔪᖏᖅᓴᐃᔪᓕᕆᓂᖅ ᔮᓯᐅᑉ ᐅᒃᐱᕆᑦᑎᐊᖅᑕᖓ ᐊᒻᒪ ᐊᑦᑕᑎᒋᔭᐅᔪᒪᑦᑎᐊᕈᒪᔪᖅ ᓄᓇᖃᖅᑳᖅᓯᒪᔪᑦ ᒪᓕᒐᓕᕆᓂᕐᒧᑦ ᐃᓕᓐᓂᐊᖅᑎᖏᓐᓄᑦ. ᐅᖃᖅᖢᓂ ᐃᓚᐅᖃᑦᑕᖁᔨᓪᓗᓂ ᒪᒃᑯᒃᑐᓂᒃ, ᓄᓇᓕᖕᓂ ᑲᑐᔾᔨᖃᑎᒌᒡᕕᖕᓂ, ᐊᒻᒪ ᐱᖃᓐᓇᕆᔭᖃᕐᕕᖕᓂ. ᐃᑲᔪᖅᑕᐅᔪᒪᓪᓗᓂ, ᐅᖃᖃᑎᖃᖁᔨᖃᑦᑕᕆᕗᖅ ᐱᖃᓐᓇᕆᔭᖏᑕ ᐊᖓᔪᖅᑳᖏᓐᓂᒃ, ᓯᓚᑦᑐᖅᓴᕐᕕᖕᒥ ᐅᖃᐅᔾᔨᒋᐊᖅᑎᓂᒃ, ᐃᓐᓇᕐᓂᒃ ᐊᒻᒪ ᓄᓇᓕᖕᒥᐅᓂᒃ, ᐊᖓᔪᖅᑳᒥᒃ ᐊᒻᒪ ᑲᑎᒪᔨᓂᒃ.

"ᑕᐃᒪᓕ ᐃᒡᓗᒌᑦᑎᐊᕐᓇᙱᑦᑐᖅ."

ᐃᒡᓗᒌᒃᑎᓐᓇᓱᒃᓗᒍ, ᔮᓯ ᖁᕕᐊᒋᔭᖃᖅᑐᖅ ᓴᐸᖓᓕᕆᓪᓗᓂ ᐊᒻᒪ ᑐᓕᒫᙳᐊᓕᐅᖅᖢᓂ. ᐃᓕᑦᑎᓚᐅᖅᑐᖅ ᖃᓄᖅ ᓴᐸᖓᓕᕆᔭᕆᐊᒃᓴᖅ ᔫᑑᑉᒥᑦ, ᓴᐸᖓᑯᑖᒦᙶᕋᓗᐊᖅᖢᓂ. ᓴᓇᑎᓪᓗᒍ, ᐱᓇᓱᐊᖃᑦᑕᙱᑦᑐᖅ ᓈᒻᒪᑦᑎᐊᕐᓂᕐᒥᑦ, ᐱᓕᕆᐊᖃᑐᐃᓐᓇᕐᖢᓂ ᑎᒥᒃᑯᑦ ᐃᓚᐅᑎᑦᑎᔪᒥᒃ ᓴᓇᑐᓂᕐᒥᒃ.  ᐅᖃᐅᔾᔪᐃᓂᖓ ᓴᐸᖓᓕᕐᓇᖅᑐᓄᑦ, "ᐃᓱᒪᒋᓗᐊᙱᓪᓗᒍ. ᑎᒍᑐᐃᓐᓇᕐᓗᒍ. ᐱᐅᓗᐊᕋᔭᓐᖏᑦᑐᖅ ᖃᓄᑭᐊᖅ, ᑭᓯᐊᓂ ᐱᐅᓯᕙᓪᓕᐊᑎᑕᐃᑦ."

ᒧᒥᕐᓂᕐᒥᒃ ᖁᕕᐊᒋᔭᖃᖅᐸᓚᐅᖅᑐᖅ, ᐅᓂᒃᑳᖅᖢᓂ, "ᖃᓂᓛᒥᒃ ᐃᒃᐱᒍᓱᓲᖑᔪᖓ ᒧᒥᕐᕕᐅᑉ ᓇᑎᐊᓂ, ᑕᐃᒪᐃᖏᓐᓇᐅᔭᖅᑐᖓᓗ." ᐱᓕᕆᔪᒻᒪᕆᐅᓕᓚᐅᕐᒥᔪᖅ ᐃᓕᓐᓂᐊᕐᕕᒻᒥ, MBA-ᒥᑦ ᐱᓪᓗᓂ SFU-ᒥᑦ, ᒧᒥᓚᐅᖏᑦᑐᖅ. ᐊᓯᐊᒍᑦ, ᖁᙱᐊᕆᐊᕈᒪᖃᑦᑕᕐᖢᓂ, ᐊᐅᓪᓚᕐᓗᓂ ᐊᒥᐊᓕᒐᑦ ᓂᒋᖅᐸᓯᐊᓄᑦ ᐊᖏᕐᕋᖏᓐᓄᑦ ᓈᕙᔫ ᐅᐃᖓᓄᑦ.

ᐱᔭᕇᓕᖅᖢᒍ, ᐅᖃᐅᔾᔪᐃᓂᖓ ᓄᓇᖃᖅᑳᖅᑐᓄᑦ ᒪᒃᑯᒃᑐᓄᑦ ᖃᓄᑐᐃᓐᓇᖅ ᐱᓇᔪᒍᒪᔭᒥᓄᑦ ᐅᓇᐅᕗᖅ, "ᐃᑲᔪᖅᑕᐅᔪᒪᓗᑎᑦ. ᐊᐱᖅᓱᕆᑦ. ᐃᓱᒫᓗᓗᐊᙱᓪᓗᑎᑦ ᖃᓄᖅ ᐃᓄᐃᑦ ᐃᓱᒪᖕᒪᖔᑕ... ᓇᓂᓗᒋᑦ ᐊᑦᑕᑎᑦ ᓄᓇᓕᔅᓯᓐᓂ, ᐊᒃᑲᒋᔭᓪᓘᓐᓃᑦ ᑕᐃᒃᑯᐊᓘᓐᓃᑦ ᐃᓄᐃᑦ ᐃᑲᔪᕈᓐᓇᖅᑐᑦ ᐃᓕᖕᓂᒃ. ᐊᒻᒪᓗ ᑲᔪᓯᑦᑎᐊᕐᓂᖅ, ᐃᓱᒪᔪᖓ, ᓄᓇᖃᖅᑳᖅᓯᒪᔪᓄᑦ, ᑲᑐᔾᔨᖃᑎᒌᑦᑎᐊᕐᓂᐅᔪᖅ. ᓇᒻᒥᓂᖅ ᐱᓕᕆᕙᙱᑦᑐᒍᑦ. ᐱᓕᕆᖃᑎᒌᒐᐃᒐᑦᑕ, ᐱᕕᖃᑦᑎᐊᓂᖅᓴᐅᕙᑦᑐᒍᑦ ᑲᔪᓯᑦᑎᐊᕐᓂᕐᒧᑦ ᐃᓚᒋᔭᐅᓗᑕ ᑕᒪᑐᒧᖓ. ᑕᒪᓐᓇ ᐱᐅᔪᒻᒪᕆᐅᖃᑕᐅᕗᖅ ᓄᓇᓕᑦᑎᓐᓂᑦ ᐃᑲᔪᖅᑐᒻᒪᕆᐅᒐᑦᑕ ᐃᓄᓐᓂᑦ. ᐱᖃᑕᐅᔪᒪᒐᑦᑕ. ᐊᒃᓱᕈᖅᑎᓪᓗᑎᑦ, ᑲᑉᐱᐊᓱᙱᓪᓗᑎᑦ ᐃᑲᔪᖅᑕᐅᔪᒪᔭᕆᐊᒃᓴᖅ."

ᕈᓴᓕ ᔮᓯ ᖃᐅᔨᒐᒥ ᖁᕕᐊᒋᔭᖃᕐᓂᕐᒥᓂᒃ ᒐᕙᒪᓕᕆᓂᕐᒥᒃ ᖃᐅᔨᓴᕐᓂᕐᒧᑦ ᐃᓕᓐᓂᐊᖅᑐᓂ, ᐊᖅᑯᑎᒋᓕᖅᖢᓂᐅᒃ ᒪᓕᒐᓕᕆᓂᕐᒧᑦ ᐃᖅᑲᓇᐃᔮᖃᕐᓂᕐᒥᒃ ᖁᕕᐊᒋᔭᒥᓂᒃ. ᐱᕕᖃᕐᖢᓂ ᑭᒡᒐᖅᑐᐃᓪᓗᓂ ᓄᓇᒥᒃ ᑕᐃᒎᓯᖅᑖᕐᓗᓂᓗ ᐱᔪᓐᓇᐅᑎᖏᓐᓂ ᓴᓇᙳᐊᕐᖢᓂᓗ ᐊᖅᑯᑎᒥᒃ ᓄᓇᖃᖅᑳᖅᓯᒪᔪᑦ ᒪᓕᒐᓕᕆᔨᖏᓐᓂ ᒪᓕᒍᓐᓇᖅᑕᖏᓐᓂᒃ, ᐋᖅᑭᒃᓯᓗᓂᓗ ᐆᒃᑑᑎᒥᒃ ᐃᕐᓂᖓ. ᓇᓂᓯᓪᓗᓂ ᐅᑎᖅᑎᑦᑎᓂᕐᒥᒃ ᐃᑲᔪᕐᖢᓂ ᐱᔭᕆᐊᖃᖅᑕᖏᓐᓂ ᐱᐅᔪᒃᑯᑦ, ᐃᑲᔪᕐᖢᓂ ᐱᔭᕆᐅᖅᓴᑎᑦᑎᓂᕐᒥ ᓂᕆᐅᒃᑐᖅ ᐊᑭᓖᓂᕐᒥᒃ ᓯᕗᒻᒧᑦ ᖃᐅᑕᒫᑦ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᓂᖓᓄᑦ ᑖᔅᓱᒥᖓ ᑎᑎᕋᖅᓯᒪᔪᒥᒃ!