"ᐱᓕᕆᔨ ᓴᖅᑭᑎᑦᑎᕙᒃᐳᖅ ᐊᖅᑯᓯᓂᕐᒥᒃ ᐃᓕᖕᓄᑦ ᐊᒃᓱᕈᕐᓗᑎᑦ ᐱᓕᕆᑐᐊᕈᕕᑦ," ᐃᒪᓐᓇ ᐅᖃᖅᖢᓂ, ᓲᓪ ᒪᒪᒃᕙ, ᐃᓚᒋᔭᐅᔪᖅ ᑭᖕᕕᓱ ᑕᓯᕐᒥ ᓄᓇᖃᖅᑳᖅᑐᓄᑦ, ᖃᖓᑕᓪᓗᓂ ᓄᓇᓕᖕᓂ ᐅᐊᖕᓇᖅᐸᓯᐊᓂ ᐋᓐᑎᐅᕆᐅᒥ ᑕᐃᑲᓂ ᐱᕈᕐᕕᒋᓚᐅᖅᑕᖓᓂ. ᐅᐱᒍᓱᓐᓂᕋᖅᑐᖅ ᑭᓇᐅᓂᕐᒥᓂᒃ. "ᐃᓱᒪᒋᔭᕋ ᐊᔾᔨᐅᙱᑦᑑᓂᖓᓂᒃ ᐃᓕᖅᑯᓯᑦᑕ, ᑭᓇᐅᓂᑦᑎᓐᓂ. ᐃᓕᓐᓂᐊᖅᑎᑦᑎᓂᖅᑕᖃᖅᑐᖅ ᐅᖃᐅᓯᕐᒥᑦ ᐊᒻᒪᓗ... ᑎᔅᓯᓈᕿᔪᖃᐃᓐᓇᐅᔭᖅᑐᖅ,... ᖃᓄᐃᒃᑲᓗᐊᕈᑦᑕ, ᐅᐱᓐᓇᕋᓂ ᐱᒻᒪᕆᐅᒻᒪᑦ ᐃᒡᓚᕐᓗᑕ. ᑖᓐᓇ ᐃᓚᒋᕚ ᑭᓇᐅᓂᑦᑎᓐᓄᑦ," ᓇᓗᓇᐃᖅᑕᖓ.

"ᓴᖅᑭᔮᖅᑐᖅ ᐊᖅᑯᓯᐅᓲᖅ ᐃᓕᖕᓄᑦ ᐊᒃᓱᕈᑐᐊᕈᕕᑦ."

ᓱᕈᓯᐅᓪᓗᓂ, ᐃᓕᓐᓂᐊᕆᐊᖅᐸᓚᐅᖅᑐᖅ ᐃᖅᑭᓖᑦ ᐅᓪᓗᕆᑎᓪᓗᓂᐅᒃ ᐊᒻᒪᓗ ᐃᓕᓐᓂᐊᕆᐊᖅᐸᓚᐅᖅᓯᒪᓪᓗᓂ ᐃᓕᓐᓂᐊᕐᕕᕐᔪᐊᒧᑦ. ᐃᓕᓐᓂᐊᕆᐊᖅᓯᒪᓪᓗᓂ ᐊᒻᒪᓗ ᖁᑦᑎᓂᖅᓴᒧᑦ ᐃᓕᓐᓂᐊᕆᐊᖅᑐᓂ, ᐱᔭᕇᓚᐅᖅᑐᖅ ᐊᒻᒪᓗ ᐊᖏᕐᕋᖅᑐᓂ ᐊᕐᕌᒍᒐᓚᓐᓄᑦ ᐃᓕᓐᓂᐊᕆᐊᓚᐅᕋᓂ. ᐃᓕᓐᓂᐊᖃᑕᐅᓚᐅᖅᑐᖅ ᑕᐃᔭᐅᔪᒥᒃ ᑭᒃᑯᑐᐃᓐᓇᕐᓄᑦ ᐊᐅᓚᑦᑎᓂᕐᒧᑦ ᐊᐅᓚᑦᑎᓂᕐᒥᒃ ᐊᒻᒪᓗ ᐃᓕᑦᑐᓂ ᖃᓄᖅ ᑭᒃᑯᑐᐃᓐᓇᕐᓄᑦ ᐊᑐᐊᒐᖅ ᓴᖅᑭᑕᐅᓲᖑᒻᒪᖔᖅ. 

ᐊᕐᕌᒎᑉ ᓇᑉᐸᖓᓂᒃ ᐱᕈᖅᐸᓪᓕᐊᑎᓪᓗᒍ, ᐊᖓᔪᖅᑳᖏᑦ ᓇᒃᓴᓚᐅᖅᓯᒪᖕᒪᒋᑦ ᓄᓇᒧᑦ, ᐊᒃᑐᐊᓂᖃᑦᑎᐊᓕᖅᖢᓂ ᓇᑭᙶᕐᒪᖔᑦ ᐊᒻᒪ ᐃᓕᓴᐃᓪᓗᓂ ᐱᐅᓯᕆᕙᓚᐅᖅᑕᖏᓐᓂᒃ ᐊᒻᒪ ᐃᓅᓯᕆᓚᐅᖅᑕᖓᓂᒃ. ᐃᓕᓚᐅᖅᑕᖓ ᓄᓇᒦᖏᓐᓇᖅᖢᓂ. "ᓄᓇᖃᕆᐊᖃᖅᑐᒍᑦ, ᓄᓇᒥᒃ ᑲᒪᔨᐅᒐᑦᑕ, ᓄᓇᓗ ᐱᔭᕆᐊᖃᖅᑕᕗᑦ ᐃᓕᑦᑎᔭᕆᐊᖃᖅᖢᑕᓗ ᑭᓇᐅᓂᑦᑎᓐᓂᒃ," ᐅᖃᑦᑎᐊᓲᖅ. ᓱᓕ ᐅᖃᓪᓚᒃᐳᖅ ᐅᖃᐅᓯᕐᒥᓂᒃ, ᓇᓗᓇᐃᖅᓯᓪᓗᓂ, "ᐱᐅᕗᖅ ᐅᖃᓪᓚᒃᑎᓪᓗᑕ ᐅᖃᐅᓯᕐᒥᒃ ᑯᕇᑕᐅᑉ ᑐᓂᓯᒪᔭᖓᓂᒃ." 

ᒫᓐᓇ ᑐᒡᓕᕆᓕᖅᑕᖓᓂ ᑲᑎᒪᔨᐅᓂᕐᒧᑦ ᐃᓚᒋᔭᐅᓕᖅᖢᓂ ᐊᕕᒃᓯᒪᓂᕐᓂ ᒪᓕᒐᓕᐅᕐᕕᒡᔪᐊᒥ, ᓂᕈᐊᖅᑕᐅᓚᐅᖅᓯᒪᕗᖅ ᐅᑯᓄᖓ, Kiiwetinoong−ᒧᑦ ᓂᕈᐊᖅᑕᐅᕝᕕᒋᓯᒪᔭᒥᓄᑦ 2018−ᖑᑎᓪᓗᒍ, ᐊᓐᑎᐅᕆᐅᒥ ᐊᖏᓛᑦᑎᐊᖑᓪᓗᓂ ᓂᕈᐊᖅᑕᐅᕝᕕᒋᓯᒪᔭᒥᓄᑦ. 31-ᖑᔪᑦ ᐃᖅᑭᓖᑦ ᓄᓇᕗᒻᒥ ᑭᒡᒐᖅᑐᖅᑕᖏᑦ, 24-ᖑᔪᑦ ᖃᖓᑕᔪᑦ. ᒐᕙᒪᓕᕆᓂᖅ ᐃᓚᒋᔭᐅᓚᐅᖅᓯᒪᙱᑦᑐᖅ ᐸᕐᓇᐅᑎᖓᓄᑦ ᑭᓯᐊᓂ ᐃᖅᑲᓇᐃᔭᓚᐅᖅᓯᒪᔪᖅ ᐋᓐᓂᐊᖅᑐᓕᕆᓂᕐᒧᑦ ᐊᑐᐊᒐᕐᓂ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐅᖃᐅᔾᔨᒋᐊᖅᑎᐅᓪᓗᓂ ᓂᔅᓈᐱ ᐊᔅᑭᒧᑦ ᐊᕐᕌᒍᓄᑦ ᖃᑦᓯᒐᓛᓄᑦ. ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ 20%−ᖑᒐᔪᒃᑐᑦ ᑮᓇᐅᔭᑦ ᓄᓇᓕᖕᓂ ᐱᔭᖏᑦ, ᖃᐅᔨᒪᓚᐅᖅᑐᖅ ᐅᖃᓪᓚᒍᓐᓇᕐᓂᐊᕐᓂᖓᓂᒃ ᐃᓄᖕᓄᑦ ᐱᔾᔪᑕᐅᓲᓂᒃ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ, ᓲᕐᓗ ᐃᓕᓐᓂᐊᖅᑐᓕᕆᓂᖅ, ᐃᒡᓗᓕᕆᓂᖅ, ᑭᒡᒐᖅᑐᖅᑕᐅᓗᐊᕐᓂᖏᑦ ᓄᓇᖃᖅᑳᖅᓯᒪᔪᑦ ᐃᓄᐃᑦ ᐊᓄᓪᓚᒃᓰᕕᖕᒥ ᐊᒻᒪ ᓄᑕᖅᑲᑦ ᑲᒪᒋᔭᐅᔾᔪᓯᖏᓐᓂᒃ. ᑕᐃᒪᓐᓇ ᓂᕈᐊᓚᐅᖅᑐᖅ.  

ᐃᓕᓐᓂᐊᕐᓂᓕᕆᓂᒃᑯᑦ, ᒪᒻᒪᒃᕙ ᐊᔾᔨᒋᙱᑕᖓᓂᒃ ᐃᓱᒪᖃᓚᐅᖅᑐᖅ ᐃᓅᓯᐅᑉ ᒥᒃᓵᓄᑦ, ᐅᓪᓗᒃᑯᑦ ᐃᓕᓐᓂᐊᕐᕕᐅᑉ ᐊᑐᖅᓯᒪᔭᖏᑦ ᐊᒻᒪᓗ ᓄᓇᕐᔪᐊᖅ ᓯᓚᑖᓂ. ᓇᒻᒥᓂᖅ ᐃᓱᒪᒋᔭᒥᓂᒃ ᐅᖃᐅᓯᖃᓚᐅᖅᑐᖅ, ᐅᖃᐅᓯᖃᖅᑐᓂ, "ᐱᒻᒪᕆᐅᒻᒪᑕ, ᐃᓕᓐᓂᐊᓪᓚᑦᑖᖑᒐᓗᐊᖅᑲᑦ ᐊᒻᒪᓗ ᐃᓅᓯᕆᒐᓗᐊᕈᑦᑎᒍ, ᖃᓄᐃᓕᐅᖃᑦᑕᕐᓂᕗᑦ, ᓄᓇᖃᖅᑳᖅᓯᒪᔪᖑᓪᓗᑕ... ᐱᒻᒪᕆᐅᒻᒪᓪᓕ ᑕᒪᒃᑯᐊ ᐃᓕᒋᐊᖃᖅᑕᕗᑦ ᐅᐱᓐᓇᕋᓂ ᒪᕐᕉᒃ ᓂᐊᖁᖏᒃ ᐱᐅᓂᖅᓴᐅᒻᒪᑎᒃ ᐊᑕᐅᓯᕐᒥᒃ. ᑕᐃᒪᓐᓇ ᐃᓕᓐᓂᐊᕐᓂᓕᕆᓂᖅ ᑕᐃᒪᐃᓕᐅᓲᖅ."

ᒐᕙᒪᓕᕆᓂᖅ ᐸᕐᓇᐅᑎᒋᓚᐅᙱᒻᒪᒍ, ᐊᑐᖅᐹᖑᓚᐅᖅᐳᖅ. "ᐱᓕᕆᐊᖃᖅᑎᓪᓗᑎᑦ, ᓇᓃᒃᑲᓗᐊᕈᕕᑦ, ᐊᒃᓱᕈᕐᓗᑎᑦ ᐱᓕᕆᓗᑎᑦ. ᓇᓃᒃᑲᓗᐊᕈᕕᑦ, ᖃᓄᑐᐃᓐᓇᖅ ᐱᓕᕆᒐᓗᐊᕈᕕᑦ, ᐱᔪᓐᓇᕐᓂᓕᒫᒃᑯᑦ ᐱᓕᕆᓇᓱᖃᑦᑕᖅᐳᑎᑦ ᓈᒻᒪᙱᑦᑐᓂᒃ ᐱᓕᕆᓇᓱᒡᓗᑎᑦ ᐱᓕᕆᔾᔪᓯᑦᑎᓐᓂ, ᐅᕝᕙᓘᓐᓃᑦ ᐃᓚᖏᓐᓂᒃ ᓄᖅᑲᖅᑎᑦᑎᔪᓐᓇᖅᑕᑦᑎᓐᓂ," ᐅᖃᐅᓯᕆᕙᖏᑦ. ᐊᑐᖃᑦᑕᖅᑕᖏᑦ ᐃᓕᑦᑎᒃᑲᓐᓂᕐᖢᓂ ᐊᐱᖅᓱᕐᓂᒃᑯᑦ ᐃᓚᓯᓪᓗᓂᓗ ᑲᒪᒋᔭᕆᐊᖃᖅᑕᖏᓐᓂ ᐃᓕᑦᑎᕙᓪᓕᐊᑎᓪᓗᒍ. ᕿᒪᐃᓪᓗᓂ ᓄᓇᓕᒥᓂᒃ ᐃᓚᒋᔭᐅᓚᐅᖏᑦᑐᖅ ᐸᕐᓇᒍᑎᖓᓄᑦ, ᐃᖃᓗᒐᓱᐊᖏᓐᓇᕈᒪᓪᓗᓂ ᐊᒻᒪᓗ ᓄᓇᑐᐃᓐᓇᕐᒥ ᑭᓯᐊᓂ ᐃᓕᓚᐅᖅᑐᖅ ᑕᐃᒪᐃᒍᓐᓇᕐᓂᕐᒥᓂᒃ ᐊᓯᖏᓐᓂ ᓄᓇᓕᓐᓂ. 

ᐅᖃᐅᔾᔪᐃᓂᖓ ᓄᓇᖃᖅᑳᖅᓯᒪᔪᑦ ᒪᒃᑯᒃᑐᖏᓐᓄᑦ ᐃᓱᒪᔪᑦ ᐊᔾᔨᑐᐃᓐᓇᖓᓂᑦ, "ᓄᓇᖃᖅᑳᖅᓯᒪᔫᓪᓗᑕ, ᑲᒪᒋᔭᖃᐃᓐᓇᐅᔭᖅᑐᒍᑦ ᐅᕕᓂᖃᑎᒋᙱᑕᒥᑦ, ᖃᓪᓗᓈᖑᖃᑎᒌᙱᓐᓂᖕᓂᑦ, ᐃᓱᒪᑦᑎᐊᙱᓐᓂᖕᓂᓪᓗ... ᐃᓅᓯᕐᓂᑦ ᐊᓯᐅᔨᑦᑕᐃᓕᒋᑦ, ᐅᖃᐅᓯᕐᓂᑦ ᐊᓯᐅᔨᑦᑕᐃᓕᒋᑦ. ᐳᐃᒍᖅᑕᐃᓕᒃᑭᑦ ᐃᓄᐃᑦ ᓇᑭᙶᕐᒪᖔᖅᐱᑦ, ᑭᓯᐊᓂᑦᑕᐅᖅ ᐃᓕᑦᑎᓗᑎᑦ ᐅᖃᐅᓯᖅᑕᒥᒃ ᐊᓯᖕᓄᑦ... ᐃᓕᓐᓂᐊᖅᑐᓕᕆᓂᕐᒧᑦ ᐊᐅᓚᓂᕐᒨᕐᓗᑎᑦ." ᐅᖃᐅᓯᐅᑉ ᐆᒻᒪᖅᑎᑕᐅᒃᑲᓐᓂᕐᓂᖓᓄᑦ, ᒪᒻᒪᒃᕙ ᐅᒃᐱᕈᓱᙱᑦᑐᖅ ᐃᓕᓐᓂᐊᕐᕕᖕᓂ ᑕᑎᖃᕐᓂᕐᒥᒃ. "ᐃᓘᓐᓇᑕ ᐅᕙᑦᑎᓐᓄᓕᒫᖅ ᑕᑎᖃᖅᑐᖅ. ᒪᒃᑯᒃᑐᑦ, ᐃᓐᓇᐃᑦ ᐊᒻᒪ ᐊᖓᔪᖅᑳᕆᔭᐅᔪᑦ, ᐊᓈᓇᑦᑎᐊᑦ/ᐊᑖᑕᑦᑎᐊᑦ, ᐊᐃᓯᒪᓪᓗᑎᒃ ᐱᒋᐊᓲᖑᕗᑦ," ᐅᖃᖅᐳᖅ.

ᑲᓇᑕᐅᑉ ᒪᓕᒐᓕᐅᕐᕕᔾᔪᐊᖓᓂ, ᐊᓪᓚᓄᑦ ᑭᒡᒐᑐᖅᑎᑑᒻᒪᑦ ᐊᒻᒪᓗ ᐅᖃᕈᓐᓇᕆᐊᖃᕋᓂ ᐅᖃᐅᓯᕐᒥᓂᒃ ᑲᑎᒪᕕᒻᒥ. "ᑕᑯᖃᑦᑕᕋᔅᓯ ᖃᓪᓗᓈᖑᖃᑎᒌᙱᑦᑐᓂᒃ, ᑲᖐᒋᔭᖃᖅᑐᓂᒃ, ᐊᒻᒪ ᐅᕕᓂᖃᑎᒋᙱᑕᒥᒃ ᐊᑭᕋᖅᑐᖅᑐᓂᒃ ᖃᐅᑕᒫᑦ ᐱᓕᕆᔪᓂᒃ ᖃᐅᔨᒪᒐᒪ ᐱᓕᕆᔾᔪᓯᐅᔪᖅ ᐅᕙᓃᑦᑐᖅ ᓴᓇᔭᐅᓚᐅᖅᓯᒪᙱᑦᑐᖅ ᐅᕙᑦᑎᓐᓄᑦ. ᓴᓇᔭᐅᓚᐅᖅᓯᒪᙱᑦᑐᖅ ᐅᕙᓐᓄᑦ, ᐃᓄᓐᓄᑦ ᐅᕙᓐᓄᑎᑐᑦ, ᐅᕙᖓᐅᖅᑰᔨᔪᖅ. ᐱᒻᒪᕆᐅᒻᒥᔪᖅ ᐃᓚᒋᔭᐅᓗᓂ ᑕᒪᑐᒧᖓ ᑐᑭᓯᓂᐊᕋᕕᑦ ᖃᓄᐃᓕᐅᖅᑐᖃᓕᕐᒪᖔᖅ. ᓇᓃᒃᑲᓗᐊᕈᕕᑦ, ᑭᓇᐅᒐᓗᐊᕈᑦᑕ, ᑭᓱᑐᐃᓐᓇᓂᒃ ᐊᓂᒍᐃᔪᓐᓇᖅᐳᒍᑦ," ᐅᖃᑦᑎᐊᓲᖅ. 

ᐊᑐᐃᓐᓇᖃᓐᖏᓗᐊᕐᓂᖅ ᐃᓕᓐᓂᐊᕐᓂᕐᒥᒃ ᓄᓇᓕᓐᓂ, ᓂᖀᑦ ᐊᑭᑐᓗᐊᕐᓂᖏᑦ, ᐃᓄᒋᐊᓗᐊᕐᓂᖅ, ᐃᒻᒥᓃᖃᑦᑕᕐᓂᖅ ᐊᒻᒪᓗ ᐃᓱᒪᒃᑯᑦ ᐋᓐᓂᐊᖃᕐᓂᖅ ᐊᒻᒪᓗ ᐊᒃᓱᕈᕐᓇᖅᑐᑦ ᓄᓇᓕᓐᓂ, ᑕᒪᒃᑯᐊ ᒪᒻᒪᑯᕙᐅᑉ ᐊᐱᖅᑯᑎᒋᕙᖏᑦ ᒐᕙᒪᒃᑯᓐᓂᑦ.  "ᐱᕐᕈᓗᐊᕿᓂᐅᙱᑦᑐᖅ, ᑕᒪᒃᑯᐊ ᓴᖅᑭᓲᑦ. ᑖᒃᑯᐊ ᐋᖅᑭᐅᒪᔪᑦ ᐱᓕᕆᑦᓯᐊᖅᑐᑦ ᓴᓇᒻᒪᐅᓯᖏᓐᓂᒃ, ᐲᖅᓯᒍᑕᐅᑦᓱᑎᒃ ᐱᔪᓐᓇᐅᑎᖏᓐᓂᒃ ᐃᓄᐃᑦ ᓄᓇᓄᑦ ᐊᒻᒪᓗ ᓱᓇᒃᑯᑏᑦ ᑕᑉᐹᓃᑦᑐᑦ," ᐅᖃᖅᑐᖅ.  

"ᐃᓛᓐᓂᒃᑯᑦ ᖃᐅᑕᒫᑦ ᐃᓅᑎᓪᓗᑕ, ᖃᐅᔨᓕᑕᐃᓐᓇᓲᖑᒐᔅᓯ ᐊᖏᕆᐊᒃᓴᖅ ᑕᐃᒪᓐᓇᑐᐃᓐᓇᐅᖕᒪᑕ. ᑕᐃᒪᐃᓕᖓᔪᖅ... ᑕᐃᒫᒃ ᖃᓪᓗᓈᖑᖃᑎᒌᙱᑦᑐᑦ ᐊᒻᒪᓗ ᓂᑲᒍᓱᓐᓂᐅᔪᑦ ᐊᐅᓚᓂᖃᖅᑯᑦ, ᑕᒪᓐᓇ ᑕᐃᒪᐃᓕᖓᑎᒐᓱᓪᓗᒍ, ᐅᐱᓐᓇᕋᓂ ᐃᓅᓪᓗᑕ ᒪᑭᒋᐊᖃᓐᖏᓇᑦᑕ. ᓂᑯᕕᒋᐊᖃᖏᑦᑐᒍᑦ ᓄᓇᓕᕐᔪᐊᖑᓪᓗᑕ. ᑕᐃᒪᓐᓇ ᐊᓂᒍᐃᔭᕆᐊᖃᖅᐳᒍᑦ, ᐃᓱᒪᒥᐅᑕᖃᕐᓗᑕ ᐊᔪᕐᓇᙱᓐᓂᖓᓂᒃ," ᑲᔪᓰᓐᓇᖅᐳᖅ. 

ᑐᓴᖅᑎᑦᑎᒍᓐᓇᖅᐸᑦ ᒪᒃᑯᓐᓂᖅᓴᒧᑦ, "ᑎᑎᕋᕐᓗᒋᑦ ᐃᓄᐃᑦ, ᐃᓐᓇᑐᖃᐃᑦ, ᐊᖓᔪᖅᑳᓐᓄᑦ, ᐃᓕᓴᐃᓂᖅᑕᖃᒻᒪᑦ ᐊᒻᒪᓗ ᐅᓂᒃᑳᖅᑕᖃᑦᑐᓂ ᑕᐃᑲᓂ. ᐱᒻᒪᕆᐅᕗᖅ ᓈᓚᒋᐊᒃᓴᖅ ᑕᒪᒃᑯᓂᖓ." ᐅᖃᐅᓯᖃᕋᔭᕐᒥᔪᖅ ᐱᒻᒪᕆᐅᓂᖓᓂᒃ ᓄᓇᒥ, ᐱᕈᖅᓴᔪᓐᓇᑦᑎᐊᓚᐅᖅᑐᖅ. 

ᐃᓱᒪᖓ ᖃᓄᐃᙱᑦᑎᐊᖏᓐᓇᖁᓪᓗᒍ, ᓈᓚᒃᐸᒃᖢᓂ ᓂᐱᓂᒃ ᐅᖓᓯᓗᐊᖅᑎᓪᓗᒍ ᐃᓚᐅᔭᕆᐊᒃᓴᖅ ᓄᓇᒥ−ᑐᙵᕕᓕᖕᒥᒃ ᐊᑐᖅᑕᐅᕙᒃᑐᓂᒃ ᓲᕐᓗ ᐊᖏᕐᕋᒥᓂ, ᓲᕐᓗ ᐃᖃᓪᓕᐊᕐᓂᕐᒥᒃ, ᐅᒥᐊᖅᑐᕐᓂᕐᒥᒃ ᐊᖑᓇᓱᖕᓂᕐᒥᒡᓗ. ᐃᓚᒥᓂᒃ ᐱᖃᑎᖃᐃᓐᓇᓲᖅ ᐊᒻᒪᓗ ᐅᐊᔭᒨᖅᑐᓂᒃ ᐊᑐᕋᓱᐊᖅᐸᒃᑭᓪᓗᓂ ᐃᓅᓯᖓᓂ. ᐊᐅᓪᓚᕌᖓᑦ, ᐱᔪᒃᓯᑎᑕᐅᕙᒃᐳᖅ ᓄᓇᒥ, ᐃᒐᓛᒃᑯᑦ ᑕᑯᓪᓗᓂ ᓯᓚ ᐱᐅᓂᖓᓂᒃ ᐊᑖᓂ. ᐊᒻᒪᓗ ᑕᐃᒃᑯᐊ ᑭᒡᒐᑐᖅᑕᖏᑦ. ᒪᒻᒪᑯᕙ ᐊᑐᐃᓐᓇᐅᖃᑦᑕᕋᓗᐊᖅᑎᓪᓗᒍ ᓂᕈᐊᖅᑕᐅᓯᒪᔪᓄᑦ, ᐅᖃᓘᓯᕆᖃᑦᑕᖅᑕᖓ ᐅᖄᓚᖃᑦᑕᖅᑐᓂ ᐊᒻᒪᓗ ᐳᓚᕋᖃᑦᑕᖅᑐᓂ ᐃᓄᓐᓂᒃ ᓄᓇᓕᓐᓂ, ᑕᐃᓐᓇ ᐱᔪᓐᓇᕐᓂᓪᓚᕆᒋᒻᒪᒍ. 

ᖃᐅᔨᒪᓪᓗᒍ ᑖᓐᓇ ᐊᖅᑯᑎᐅᒍᓐᓇᕐᒪᑦ ᐊᒃᓱᕈᓚᐅᓱᖓᕈᕕᑦ, ᓲᓪ ᒪᒪᒃᕙ ᑕᐃᒪᐃᓕᐅᖃᑦᑕᖅᓯᒪᖕᒪᑦ ᑭᒡᒐᖅᑐᖅᖢᓂᒋᑦ ᓂᕈᐊᖅᑎᖏᑦ ᒪᓕᒐᓕᐅᖅᑎᕐᔪᐊᓄᑦ. ᐃᓕᓴᐃᑦᑎᐊᖅᓯᒪᓗᓂ ᐊᒻᒪ ᐃᓕᓴᐃᑦᑎᐊᖅᐸᒡᓗᓂ, ᐅᒃᐱᕈᓱᒃᐳᖅ ᒪᕐᕉᒃ ᓂᐊᖁᖏᒃ ᐱᐅᓂᖅᓴᐅᓂᖏᓐᓂᒃ ᐊᑕᐅᓯᕐᒥᒃ ᐊᒻᒪ ᐱᔪᓐᓇᕐᓂᖃᖅᖢᑎᒃ ᐃᓄᐃᑦ ᐱᓕᕆᖃᑎᒌᒃᑳᖓᑕ. ᐃᖅᑲᓇᐃᔭᖅᖢᓂ ᐱᓕᕆᔾᔪᓯᕐᒥᒃ ᓴᓇᔭᐅᓯᒪᙱᑦᑐᒥᒃ ᑖᔅᓱᒧᖓ, ᓄᓇᒥᒃ ᓯᓚᑐᔫᑎᑦᑎᕗᖅ ᐃᓄᖏᓐᓂᒡᓗ ᓂᕆᐅᒃᖢᑎᒃ ᐱᐅᓯᒋᐊᖅᑎᑦᑎᔪᒪᓪᓗᑎᒃ ᖃᓄᐃᓕᖓᓂᕆᔭᖏᓐᓂᒃ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.