"ᖁᕕᐊᒋᓚᐅᖅᑕᕋ ᐅᓂᒃᑳᖅᑐᖅ," ᐅᖃᐅᓯᖃᖅᑐᖅ ᑎᔅᓗ ᒧᔅᑯᐃᑐ. ᕿᒃᑐᕆᐊᒥᙶᖅᑲᒥ ᐊᒃᖤᐃᑦ ᓂᐊᖁᖓ ᓕᐊᓐ ᒪᓐ ᓄᓇᖃᖅᑳᖅᓯᒪᔪᓂ ᓄᓇᖃᖅᑐᖅ ᓵᔅᑲᑑᓐᒥ. ᓇᒻᒥᓂᖃᖅᑐᖅ ᐊᒻᒪᓗ ᐊᐅᓚᑦᑎᔨᒻᒪᕆᐅᓪᓗᓂ 6-ᓄᑦ ᐊᓐᓄᕌᓕᐅᖅᑎᓄᑦ, ᑲᒻᐸᓂᐅᔪᖅ ᑲᔪᓯᑦᑎᐊᕐᓂᖃᓚᐅᖅᑐᖅ ᑎᑭᓵᖑᔪᓄᑦ ᐅᑭᐅᖅᑕᖅᑐᒨᖃᑦᑕᖅᑐᓄᑦ, ᒥᐊᓕᒐᐃᑦ ᓄᓇᖓᓐᓄᑦ ᐊᒻᒪᓗ ᓂᐅ ᓰᓚᓐᒧᑦ. ᐃᖅᑭᓖᑦ ᐃᓕᓴᐃᔨᕈᖅᓴᓂᕐᒧᑦ ᐃᓕᓐᓂᐊᖃᑕᐅᓚᐅᖅᐳᖅ ᓴᔅᑳᑦᓱᐋᓐ ᓯᓚᑦᑐᖅᓴᕐᕕᒡᔪᐊᖓᓂ ᑕᐃᑲᓂᓗ ᐃᓕᑦᑎᓪᓗᓂ ᓄᓇᖃᖅᑳᖅᑐᑦ ᖃᓄᐃᓕᐅᖅᐸᓚᐅᕈᓯᖏᓐᓂᒃ ᖃᓄᕐᓗ ᑕᒪᓐᓇ ᓱᓕᖕᒪᖔᑦ ᐅᖃᐅᓯᐅᓯᒪᖕᒪᖔᑦ.

ᕿᒃᑐᕆᐊᑦ ᐃᓕᑦᑎᓚᐅᕐᒥᔪᑦ ᐅᓂᒃᑳᖅᑐᐊᑦ ᓴᙱᓂᖏᓐᓂᒃ ᐊᒻᒪ ᐃᓱᒪᔪᓐᓇᕐᓂᕐᒥᒃ ᐊᔾᔨᒌᙱᑦᑐᓂᒃ ᐅᓂᒃᑳᕈᓐᓇᖅᑕᒥᓂᒃ, ᐊᓐᓄᕌᓄᑦ ᒥᒃᖠᕚᓪᓕᖅᑎᖦᖢᒍ. ᐅᖃᐅᓯᖃᕈᒪᓚᐅᖅᑐᖅ ᓵᔅᑲᑑᓐ ᒥᒃᓵᓄᑦ, ᓄᓇᓕᖓ ᑕᑯᔭᐅᙱᒐᔪᓚᐅᖅᑐᖅ. ᑲᔪᖏᖅᓴᐃᔨ ᖃᐅᔨᓚᐅᖅᑐᖅ ᑲᑎᙵᖃᑎᖃᖅᑎᓪᓗᒍ ᑎᑎᖅᑐᒐᕐᕕᒻᒥᑦ ᐊᒻᒪ ᐅᖃᐅᔾᔨᒋᐊᖅᑐᓂ ᖃᓄᖅ ᐱᒋᐊᕈᓐᓇᕐᒪᖔᖅ. ᕿᒃᑐᕆᐊᑦ ᐃᓕᓯᓪᓗᑎᒃ ᒪᕐᕋᓂᒃ ᐃᓄᖕᓄᑦ ᑐᓴᐅᒪᔾᔪᑎᒃᑯᑦ ᓂᐅᕐᕈᑎᖃᕐᖢᑎᒃᓗ 100−ᓂᒃ ᐱᖁᑎᖏᓐᓂ ᐃᕐᖐᓐᓇᖅ.

ᐱᔪᒃᓯᓂᖃᑦᑎᐊᕐᓂᖓᓄᑦ ᐱᕈᖅᓯᒪᓂᖓᓄᑦ ᐃᓄᐃᓪᓗ ᕿᒃᑐᕆᐊᖑᔪᒪᒻᒪᕆᓚᐅᖅᑐᑦ ᐊᖏᒃᓕᒋᐊᖁᓪᓗᒋᑦ ᐊᖏᕈᑎᖏᑦ ᐅᑭᐅᖅᑕᖅᑐᒥ. ᐅᔾᔨᕈᓱᓕᖅᐹᓪᓕᖅᑎᑦᑎᓪᓗᓂ ᐅᐱᒍᓱᒃᖢᓂᓗ, ᓈᒻᒪᒃᓴᑦᑎᐊᓚᐅᖅᑐᖅ ᓇᖕᒥᓂᕆᔭᒥᓂᒃ ᐱᕈᖅᐸᓪᓕᐊᑎᓪᓗᒍ. ᐅᑎᖅᑎᑦᑎᒻᒥᔪᖅᑕᐅᖅ, ᑐᓂᓯᓪᓗᓂ ᑮᓇᐅᔭᓕᐊᓂᒃ ᓇᓗᓇᐃᖅᑕᐅᓯᒪᔪᓄᑦ ᑭᒡᒐᖅᑐᐃᔨᓄᑦ ᐅᖃᐅᓯᕆᔭᖏᓐᓄᑦ. ᐅᖃᐅᓯᖃᖅᑎᓪᓗᒍ ᐊᓯᖏᓐᓂᒃ ᐅᓂᒃᑳᓂᒃ ᐊᒥᖅᑳᕐᓂᕐᒥᒃ, ᐃᓱᒪᒥᐅᑕᖃᑦᑎᐊᖅᑐᖅ ᓈᒻᒪᒃᑐᒃᑯᑦ ᑭᒡᒐᖅᑐᐃᓇᓱᖕᓂᕐᒥᒃ ᐊᓯᖏᓐᓂᒃ ᓄᓇᓕᖕᓂ ᐱᒋᙱᑕᒥᓂᒃ.

ᐃᓕᓐᓂᐊᕐᓂᖓ ᑎᑭᒻᒪᑦ, ᒨᔅᑯᐃᑐ ᐃᓕᓐᓂᐊᕆᐊᓚᐅᖅᑐᖅ ᐊᒻᒪ ᐃᓕᓐᓂᐊᕐᕕᕐᔪᐊᒧᑦ ᓄᓇᓕᕋᓛᖑᓂᖅᓴᒥᑦ ᓯᓚᑖᓂ ᓴᓂᕐᕙᑦᓯᒪᔭᖓᑕ ᑭᓯᐊᓂ ᐃᓚᖏᑦ ᓅᑉᐸᑕ ᓵᔅᑲᑑᓐᒧᑦ. ᐊᒃᓱᕈᖃᑦᑕᓚᐅᖅᐳᖅ ᐃᓕᓐᓂᐊᕐᕕᖕᒥ ᐃᒻᒥᓂᒃ ᓇᓂᓯᓇᓱᖃᑦᑕᓚᐅᕐᒪᑦ ᐊᓯᖏᓐᓂᒃ ᐃᓕᓐᓂᐊᖅᑎᓂᒃ ᑕᐃᒪᐃᓕᐅᕋᓱᐊᖅᑐᓂᒃ. ᒍᕋᐃᑦ 11-ᒥ, ᐊᓂᑕᐅᓚᐅᖅᑐᖅ ᐃᓕᓐᓂᐊᕐᕕᑭᔅᓴᓗᐊᒧᑦ. ᐱᕈᖅᓴᔭᐅᓪᓗᓂ ᐊᑕᐅᓯᕐᒧᑦ ᐊᓈᓇᒧᑦ ᐱᒻᒪᕆᐅᒍᓱᒃᑐᒧᑦ ᐃᓕᓐᓂᐊᕐᓂᕐᒥᒃ ᐅᖃᐅᑎᓪᓗᓂᐅᒡᓗ ᖃᓄᖅ ᐱᒻᒪᕆᐅᑎᒋᖕᒪᖔᑦ ᑭᓱᓕᒫᓄᑦ, ᐱᔪᒃᓯᑎᖦᖢᓂᐅᒃ ᐃᓕᓐᓂᐊᕌᓂᖁᓪᓗᒍ. ᓅᖦᖢᓂ ᐊᓂᒥᓄᑦ ᐃᖅᑲᓇᐃᔮᖅᑖᕐᖢᓂᓗ ᕕᓐᑎᐅᑉ ᑕᖅᑭᒧᑦ ᑭᓯᐊᓂ ᐊᓈᓇᖓ ᐅᑎᖅᑎᓪᓗᒍ. ᐃᓕᓐᓂᐊᕐᕕᖕᒧᐊᖅᓯᓪᓗᓂ ᐊᖅᓴᕐᓂᕐᒧᑦ ᐱᓕᕆᐊᒃᓴᒥ ᖁᕕᐊᒋᔭᖓᓂ ᑭᓯᐊᓂ ᐊᔪᓚᐅᖅᑐᖅ ᐱᖃᓐᓇᕆᔭᖓ ᐃᓅᔪᓐᓃᓚᐅᖅᑎᓪᓗᒍ ᐃᖕᒥᓃᕐᓂᕐᒧᑦ. ᐃᓕᓐᓂᐊᕐᕕᖕᒧᐊᕈᒪᓕᓚᐅᖅᑐᖅ ᓴᓂᕐᕙᒃᓯᒪᔭᖓᓂ ᐊᓂᒍᐃᔪᓐᓇᖅᓯᓪᓗᓂᓗ.

ᐊᕐᕌᒍᓄᑦ 6-ᓄᑦ, ᕿᒃᑐᕆᐊᑦ ᐃᖅᑲᓇᐃᔭᓚᐅᖅᑐᖅ ᑭᓯᐊᓂ ᐃᓕᓐᓂᐊᕈᓐᓇᖅᓯᒐᒥ. ᐊᑕᐅᓯᐊᖅᑐᓂ, ᐸᓖᓯᕈᕋᓱᐊᓚᐅᖅᑐᖅ. ᐊᓯᐊᒍᓪᓕ, ᒪᒃᑯᒃᑐᒃᑯᕕᖕᒥ ᐃᖅᑲᓇᐃᔭᓚᐅᖅᓯᒪᓪᓗᓂ ᐊᒻᒪ ᑕᐸᐃᖅᑕᐅᓪᓗᓂ ᖃᔅᓯᓂᒃ ᒪᒃᑯᒃᑐᓂᒃ ᓄᓇᖃᖅᑳᖅᓯᒪᖕᒪᖔᑦ. ᑕᐃᑲᙵᑦ, ᐃᖅᑲᓇᐃᔭᓚᐅᖅᑐᖅ ᒪᒃᑯᒃᑐᓄᑦ ᑎᒍᔭᐅᒪᕕᖕᓂᑦ, ᓱᓕ, ᑲᒪᓇᙱᖦᖢᓂ ᖃᔅᓯᑦ ᓄᓇᖃᖅᑳᖅᓯᒪᔪᑦ ᑎᒍᔭᐅᒪᖕᒪᖔᖏᑦ. ᐃᖅᑲᓇᐃᔮᖃᕈᓐᓃᓚᐅᕐᒪᑦ ᑭᖑᕙᓗᐊᒧᑦ ᐃᖅᑲᓇᐃᔭᖅᑐᓂ ᐊᒥᓱᐊᖅᑎᓗᐊᖅᑐᓂ, ᐃᖅᑲᓇᐃᔮᖃᕈᓐᓃᖅᑐᓂ. ᐃᓕᓐᓂᐊᕆᐊᕈᒪᓚᐅᕐᒪᑦ ᑮᓇᐅᔭᖅᑖᕈᓐᓇᕐᓂᐊᕐᒪᑦ ᑎᑕᒃᑎᖁᑎᒥᓂᒃ ᐊᑭᓖᓂᐊᕐᓗᓂ ᐊᑭᓕᒃᓴᒥᓂᒃ ᐊᒻᒪᓗ ᐸᓕᓯᙳᒃᑲᓐᓂᕈᒪᓪᓗᓂ.

ᕿᒃᑐᕆᐊᑦ ᐱᓕᕆᓚᐅᖅᑐᖅ ᓂᕆᕝᕕᖕᒥᑦ ᐸᓖᓯᒃᑯᑎᒎᖅᖢᓂ ᐊᖏᖅᑕᐅᙱᖦᖢᓂᓗ. ᐱᓇᔪᒃᑲᓐᓂᕈᓐᓇᐃᓪᓕᓚᐅᖅᑐᖅ ᑭᓯᐊᓂ 2020−ᒥ ᓴᓇᖃᑕᐅᓕᓚᐅᖅᑐᖅ. ᐅᑎᓚᐅᖅᑐᖅ ᓯᓚᑦᑐᖅᓴᕐᕕᔾᔪᐊᕐᒧᑦ ᐊᒻᒪᓗ ᐃᓕᓐᓂᐊᖅᑐᓂ ITEP-ᒧᑦ. ᐱᔭᕇᕋᒥ, ᓇᒻᒥᓂᕐᒥᓂᒃ ᓴᓇᖃᑦᑕᓕᓚᐅᖅᑐᖅ, ᓂᐅᕐᕈᑎᖃᖃᑦᑕᖅᑐᓂ ᐊᒻᒪᓗ ᑮᓇᐅᔭᓕᐅᖅᑐᓂ ᐱᓇᓱᐊᕈᓯᐅᑉ ᓄᙳᐊᓂ. ᐊᒥᓱᓂᒃ ᐃᓄᖕᓂᒃ ᑲᑎᖃᑎᖃᓚᐅᖅᐳᖅ ᓴᖅᑭᑎᑦᑎᓪᓗᓂᓗ ᐊᒥᓱᓂᒃ ᖃᕆᑕᐅᔭᒃᑯᑦ ᐃᓗᓕᖏᓐᓂᒃ ᓇᓗᓇᐃᒃᑯᑕᒥᓄᑦ.

ᐱᔪᒃᓯᓕᖅᑎᑦᑐᒪᓪᓗᒋᑦ ᓄᓇᖃᖅᑳᖅᑐᑦ ᒪᒃᑯᒃᑐᑦ, Mosquito−ᑯᑦ ᐅᖃᖅᐳᑦ,

"ᐊᖏᓛᑦᑎᐊᖑᔪᖅ ᑭᓱᑐᐃᓐᓇᖅ ᒪᒃᑯᒃᑐᖅ ᐱᕙᓪᓕᐊᑎᓪᓗᒍ ᖁᓱᔪᓐᓃᕐᓂᕐᒥᒃ. ᖁᓱᙱᓐᓂᖅ ᐱᒻᒪᕆᐅᓛᖑᕗᖅ, ᓲᖃᐃᒻᒪ ᖁᓱᙱᒃᑯᕕᑦ, ᖃᓄᐃᓕᐅᕈᓐᓇᙱᑦᑐᑎᑦ. ᐅᖃᖃᑦᑕᖅᑐᑦ ᖁᓱᔪᓐᓃᕈᕕᑦ, ᓯᕗᓪᓕᖅᐹᖅ ᐃᓱᒪᒋᔭᐃᑦ. ᐃᓱᒪᔪᓐᓇᙱᑦᑐᑎᑦ ᖁᓱᙱᒃᑯᕕᑦ. ᓯᓐᓇᑦᑑᒪᔪᓐᓇᖏᑦᑐᑎᑦ ᖁᓱᖏᒃᑯᕕᑦ. ᖃᓄᖅ ᓯᓐᓇᑦᑑᒪᔪᓐᓇᖅᑭᑦ ᐃᓪᓗᑦᑎᐊᕙᒻᒥᑦ ᐊᒻᒪ ᓄᓇᓯᐅᑎᑦᑎᐊᕙᒻᒥᑦ ᐊᒻᒪ ᓄᓕᐊᑦᑎᐊᕚᓗᒻᒥᑦ ᐅᑉᐱᕈᓱᙱᒃᑯᕕᑦ ᑕᒪᒃᑯᓂᖓ ᐱᒋᐊᖓ? ᓇᑭᙶᖅᐸ ᐅᒃᐱᕆᓂᖓ? ᖃᐅᔨᒪᓗᑎᑦ ᑭᓇᐅᓂᕐᓂ ᖃᐅᔨᒪᓗᑎᓪᓗ ᓇᑭᙶᕐᒪᖔᖅᐱᑦ. ᑕᐃᒪᓐᓇ ᐱᔭᕆᐊᖃᖅᑐᑎᑦ... ᐱᔾᔪᑎᑕᖃᖅᑯ ᑕᕝᕙᓃᒻᒪᖔᖅᐱᑦ. ᐱᔾᔪᑎᒋᔭᐃᑦ ᓇᓂᔭᕆᐊᖃᖅᑕᑦ."

ᐅᓂᒃᑳᖅᑕᐅᓪᓗᓂ, ᑎᔅᓗ ᒧᔅᑯᐃᑐ ᓴᓇᓚᐅᖅᐳᖅ ᓇᓗᓇᐃᒃᑯᑕᕐᒥᑦ ᐅᓂᒃᑳᖅᖢᓂ 6-ᒥᑦ ᓄᓇᕗᒻᒥ ᓄᓇᕐᔪᐊᕐᒧᑦ. ᐃᓕᓐᓂᐊᕐᓂᖓ ᐅᔭᕋᒻᒪᕆᐅᓚᐅᖅᑐᖅ ᑭᓯᐊᓂ ᐃᓕᓴᐃᔨᙳᕈᓐᓇᖅᓯᓚᐅᖅᑐᖅ, ᐱᕈᖅᓴᓪᓗᓂ ᐊᑕᐅᓯᕐᒧᑦ ᐊᓈᓇᒧᑦ ᐃᖅᑲᐃᑎᖦᖢᒍ ᖃᓄᑎᒋ ᐱᒻᒪᕆᐅᑎᒋᖕᒪᖔᑦ ᐃᓕᓐᓂᐊᕐᓂᖅ. ᐅᑉᐱᕈᓱᓕᓚᐅᖅᑐᖅ ᓯᓐᓇᑦᑑᒪᓪᓗᓂ ᐊᓐᓄᕌᓕᐅᖅᑎᒥᒃ ᐱᑕᖃᓕᖁᓪᓗᒍ ᐊᒻᒪᓗ ᒪᑭᑉᐸᓪᓕᐊᖏᓐᓇᖅᑐᓂ ᐊᐳᖅᑕᕈᑎᖃᓕᕋᒥ ᑭᓯᐊᓂ ᖃᐅᔨᒐᒥ ᖃᓄᐃᓕᐅᕋᓱᐊᕐᓂᕐᒥᓂᒃ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᓂᖓᓄᑦ ᑖᔅᓱᒥᖓ ᑎᑎᕋᖅᓯᒪᔪᒥᒃ!