ᒥᑭᑦᑐᑦ ᓄᓇᓖᑦ Big Dreams: Weston Zawada−ᑯᑦ ᐃᖏᕐᕋᓂᕆᔭᖓᑦ ᓄᓇᓕᐸᐅᔭᐅᑉ ᖃᐅᒻᒪᖅᑯᑎᖏᓐᓄᑦ ᐊᒻᒪ ᓯᕗᓂᒃᓴᑦᑎᐊᕙᖕᒧᑦ
"ᐱᓕᕆᐊᑎᑦ ᐃᓅᓯᕐᓂᑦ ᐊᖏᔪᑲᓪᓚᒻᒥᑦ ᐊᑐᖃᑦᑕᕐᒪᑕ. ᖃᐅᔨᓇᓱᒍᒪᔪᖓ ᖃᐅᑕᒫᑦ ᐃᖅᑯᒻᒪᖃᑦᑕᖅᑐᖓ, ᖃᐅᔨᒪᓪᓗᖓᓗ ᖃᓄᐃᓕᐅᕋᒪ 100-ᐳᓴᓐᑎᒥᑦ ᐃᓅᓪᓗᖓ, ᑕᐃᒪᓐᓇᓗ ᓯᕗᓂᒃᓴᖃᖁᕙᕋ," ᐅᐊᔅᑖᓐ ᔪᐋᑕ ᓯᓐᓇᑦᑑᒪᔪᖅ ᓂᐱᖃᕐᓗᓂ. ᕚᓐᑰᕗᒥ ᓄᓇᖃᖅᑐᖅ, ᐃᓕᓐᓂᐊᖅᖢᓂ ᑮᓇᐅᔭᓕᕆᓂᕐᒥᒃ ᓇᖕᒥᓂᖃᓕᕐᓂᕐᒧᓪᓗ ᑎᓴᒪᒋᓕᖅᑕᖓᓂ ᐊᕐᕌᒍᒥ ᓯᓚᑦᑐᖅᓴᕐᕕᒡᔪᐊᖓᓂ ᐳᕆᑎᔅ ᑲᓚᒻᐱᐊᒥ ᓴᑐ ᐃᓕᓐᓂᐊᕐᕕᖕᒥ ᓇᖕᒥᓂᖃᕐᓂᕐᒧᑦ. ᐃᖅᑲᓇᐃᔭᖃᑦᑕᖅᑐᖅ ᕿᐊᖦᖤᙱᓴᕐᓂᕐᒧᑦ ᐱᒋᐊᕈᑎᒥᒃ ᑕᐃᔭᐅᔪᒥᒃ ᑮᔅ ᑑᓐ. 21-ᖑᓕᕋᒥ, ᐊᒃᓱᕉᑎᖃᐃᓐᓇᖅᐳᖅ ᐊᒻᒪ ᐃᒡᓗᓂᒃ ᓂᐅᕕᐊᒃᓴᖃᖅᐸᒃᑐᓂᒃ ᐱᔪᒃᓯᑦᑎᐊᖅᖢᓂ.
ᐊᖓᔪᒃᖡᑦ ᐃᓕᓐᓂᐊᕐᕕᖕᒥ, Zawada−ᒥ ᐊᒃᓱᕈᓚᐅᖅᐳᑦ ᐃᓕᓐᓂᐊᑦᑎᐊᕋᓱᒃᖢᑎᒃ ᑭᓯᐊᓂ ᐃᓅᖃᑎᒌᑦᑎᐊᓚᐅᖅᐳᑦ. ᖃᐅᔨᒪᓚᐅᖅᑐᖅ ᖃᐅᔨᓴᕈᒪᓂᕐᒥᓂᒃ ᓇᒻᒥᓂᖃᕐᓂᕐᒥᒃ ᑭᓯᐊᓂ ᖃᐅᔨᒪᓪᓚᕆᓚᐅᖏᑦᑐᖅ ᓇᓪᓕᐊᓐᓂᒃ. ᐱᔭᕇᓚᐅᖅᑎᓐᓇᒍ, ᖃᐅᔨᓴᓚᐅᖅᑐᖅ ᐱᐅᓂᖅᐹᒥᒃ ᓇᒻᒥᓂᖃᕐᓂᕐᒧᑦ ᐃᓕᓐᓂᐊᕐᕕᒻᒥᒃ ᐊᒻᒪᓗ ᑭᓱᒥᒃ ᐱᔭᕆᐊᖃᕋᔭᕐᒪᖔᖅ ᐸᕐᓇᒍᑎᓕᐅᕐᓂᐊᕐᓗᓂ. ᐱᖃᓐᓇᕆᔭᒥᓂᒃ ᐱᖃᑎᖃᙱᖔᖅᖢᓂ, Zawada−ᒥ ᐃᓕᓐᓂᐊᓚᐅᖅᐳᖅ ᐱᓇᔪᑐᐃᓐᓇᖅᖢᓂᓗ ᐃᓕᓐᓂᐊᕆᐊᕈᒪᑐᐃᓐᓇᖅᖢᓂ ᓯᓐᓇᒃᑐᒪᔭᒥᓂᒃ. ᐃᓚᒋᔭᐅᓚᐅᕐᒥᔪᖅ ᒪᒃᑯᑦᑐᓄᑦ ᐊᐅᓚᔾᔭᒋᐊᕐᓂᕐᒧᑦ ᐱᓕᕆᖃᑎᒌᓐᓂᕐᒥᑦ, ᐃᓚᒋᔭᐅᑦᓱᓂ ᐱᓕᕆᐊᓂᑦ ᐃᑲᔫᑎᖃᕐᓂᕐᒧᑦ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓂᑦ ᑮᓇᐅᔭᓕᐅᕋᓱᐊᕐᓂᕐᒧᓪᓗ ᓄᓇᕐᔪᐊᕐᒥ ᑳᑦᑐᓄᑦ.
ᒫᓐᓇ, ᓯᓐᓇᑦᑑᒪᒋᔭᒥᓃᓕᖅᑐᖅ, ᐅᖓᓯᑦᑑᓪᓗᓂ ᐊᖏᕐᕋᖓᓂ ᑭᒻᐳᓕ, ᐳᕆᑎᔅ ᑲᓚᒻᐱᐊᒥ. ᓴᕚᑕ ᖃᐅᔨᒪᓚᐅᖅᑐᖅ ᒪᒃᑯᒃᖢᓂ ᓅᑦᑐᒪᓪᓗᓂ, ᕼᐃᐅᔅᑕᓐᒦᖦᖢᓂ, ᑎᐊᒃᓴᔅ, ᕚᓐᑰᕙ ᐊᒻᒪ ᓂᐅ ᔪᐊᒃ. ᐊᓯᔾᔩᔪᒪᓕᓚᐅᖅᑐᖅ ᐊᒻᒪᓗ ᖃᓄᑎᒋ ᐊᔭᐅᕈᓐᓇᕐᒪᖔᕐᒥᐅᒃ ᑐᕌᒐᒥᓄᑦ ᑎᑭᐅᑎᓇᓱᐊᕐᓗᓂ. ᐊᒻᒪᓗᑦᑕᐅᖅ ᐊᑭᓕᖅᓱᖅᑕᐅᓪᓗᓂ ᓄᓇᒥᓄᑦ, ᓵᓚᒃᓴᓚᐅᕐᒥᔪᖅ ᓄᓇᖃᖅᑳᖅᓯᒪᔪᓄᑦ ᐃᓕᓴᕆᔭᐅᔾᔪᑎᒥᒃ JLL Canada-ᑯᓐᓂᑦ.
ᐅᖃᐅᔾᔪᐃᓂᖓ ᓄᓇᖃᖅᑳᖅᓯᒪᔪᑦ ᒪᒃᑯᒃᑐᑦ ᐃᓱᒪᔪᑦ ᓄᓇᒥᓂᒃ ᕿᒪᐃᔪᒪᓂᕐᒥᒃ "ᑭᓱᑐᐃᓐᓇᑦᑎᐊᓂᒃ ᒪᒪᖅᓴᕆᐊᖃᕋᕕᑦ ᒪᒃᑯᒃᑎᓪᓗᑎᑦ." ᐅᔾᔨᕈᓱᒃᓯᒪᔪᖅ ᐊᒥᓱᑦ ᐃᓄᐃᑦ ᐃᓗᐊᖅᓴᓕᖃᑦᑕᕐᒪᑕ ᓄᓇᓕᕋᓛᒥᓂ, ᐋᖅᑭᒋᐊᕈᓐᓇᐃᓪᓕᖃᑦᑕᕐᒪᑕ ᓄᓇᓕᐸᐅᔭᒃᑯᓐᓄᑦ ᐃᓕᓐᓂᐊᕆᐊᕌᖓᒥᒃ ᐊᖏᕐᕋᒃᑲᓐᓂᓕᖅᐸᒃᖢᑎᒃ. ᐅᖃᖅᑐᖅ ᐃᓄᐃᑦ ᐆᑦᑐᖃᑦᑕᖅᑐᑦ ᓄᓇᓕᐸᐅᔭᐅᑉ ᐃᓅᓯᖓᓂᑦ ᑭᓯᐊᓂ ᐃᓕᑕᖅᓯᔪᖅ ᑭᒃᑯᑐᐃᓐᓇᕐᓄᑦ ᑐᕌᖓᖏᒻᒪᑦ. "ᓇᒡᓕᒋᑐᐃᓐᓇᕆᐊᖃᕋᓗᐊᕈᕕᐅᒃ ᒫᓐᓇ ᓇᓃᒻᒪᖔᖅᐱᑦ, ᖃᐅᔨᒪᙱᑦᑐᑎᑦ ᓇᒡᓕᒋᓂᐊᕐᒪᖔᖅᐱᐅᒃ ᑕᓪᓕᒪᐃᖅᓱᕐᓗᒍ ᓇᓂᑐᐃᓐᓇᖅ," ᑲᔪᓯᔪᖅ.
"ᓇᒡᓕᒋᑐᐃᓐᓇᕆᐊᖃᕋᓗᐊᕈᕕᐅᒃ ᒫᓐᓇ ᓇᓃᒻᒪᖔᖅᐱᑦ, ᖃᐅᔨᒪᙱᑦᑐᑎᑦ ᓇᒡᓕᒋᓂᐊᕐᒪᖔᖅᐱᐅᒃ ᑕᓪᓕᒪᐃᖅᓱᕐᓗᒍ ᓇᓂᑐᐃᓐᓇᑦᑎᐊᖅ."
ᐃᓄᐅᓪᓗᓂ, ᓅᖦᖢᓂ ᓇᓂᑭᐊᖅ ᖃᐅᔨᒪᓚᐅᖅᑐᖅ ᐊᒃᓱᕈᕐᓇᙱᖦᖢᓂ ᓯᕗᓪᓕᕐᒥ, ᑭᓯᐊᓂ ᐊᕐᕌᒍᑦ ᐱᖓᓱᑦ ᐊᓂᒍᖅᑎᓪᓗᒋᑦ ᖃᐅᔨᓕᕐᖢᓂ ᐃᖕᒥᓂᒃ ᑕᖅᑲᐅᖓᖅᓯᓪᓗᓂ ᑲᑎᖃᑎᖃᕐᖢᓂᓗ ᓄᑖᓂᒃ ᐃᓄᖕᓂᒃ ᑲᒪᓇᖅᑑᓂᖓᓂᒃ. ᐃᓱᒪᒥᓂᒃ ᐋᖅᑭᒃᓯᓚᐅᖅᑐᖅ ᐱᕕᒃᓴᖃᑦᑎᐊᓛᖑᔪᒪᓪᓗᓂ ᓄᓇᓕᑖᓵᒥᓂ.
ᓄᓇᒥᓄᑦ ᐅᑎᕋᔭᕈᓂ ᒫᓐᓇ, ᐱᖃᓐᓇᕆᔭᒥᓂᒃ ᐱᒋᐊᖅᑎᑦᑎᓇᔭᖅᑐᖅ ᐊᒻᒪ ᐃᖃᐃᓕᓴᕐᕕᖕᒦᓪᓗᓂ. ᐅᖃᐅᓯᖃᕋᔭᕐᒥᔪᖅ ᐃᓕᑕᒥᓂᒃ ᐊᐅᓪᓚᖅᓯᒪᓂᕐᒥᓂ, ᖃᐃᖁᔭᐅᓯᒪᓪᓗᓂ ᐃᓕᓐᓂᐊᕐᕕᑐᖃᕐᒥᓂ, ᖃᐅᔨᒪᓪᓗᓂ ᑭᒃᑯᓕᒫᑦ ᐱᓕᕆᔾᔪᑎᒃᓴᖃᙱᒻᒪᑕ ᓅᑦᑐᓐᓇᕐᓗᑎᒃ ᓄᓇᓕᐸᐅᔭᕐᒧᑦ ᐱᔪᒪᒐᓗᐊᕈᑎᒃ. ᑲᔪᖏᖅᓴᐃᔪᒪᔪᖅ ᒪᒃᑯᑦᑐᓂᑦ ᐊᒻᒪ ᐱᓕᕆᖃᑕᐅᓂᖅᓴᐅᓗᓂ ᓄᓇᓕᓐᓂᑦ. "ᐃᓅᓯᕋ ᑭᓱᑐᐃᓐᓇᐅᓯᒪᔪᖅ ᑭᓯᐊᓂ ᐊᑐᑐᐃᓐᓇᖅᓯᒪᔪᖅ ᐊᕐᕌᒎᒃ ᒪᕐᕉᒃ ᐃᓗᐊᓂ... ᓱᓕᓪᓗᓂ ᓯᓐᓇᑦᑑᒪᓂᖅ ᓱᓕᕗᖅ. ᑭᓯᐊᓂ ᐊᑦᓱᕈᓐᓇᖅᑐᖃᖅᓯᒪᔪᖅ, ᖁᒻᒧᑦ ᑲᑕᑦᓯᒪᑦᓱᓂᓗ. ᑭᓯᐊᓂ ᐃᓱᒪᔪᖓ ᑕᒪᓐᓇᐅᓚᐅᖅᑎᓪᓗᒍ, ᐃᓕᑦᑎᕚᓪᓕᖅᓯᒪᕐᔪᐊᕋᒪ ᐅᑎᖅᑎᑦᑐᒪᑐᐃᓐᓇᖅᖢᒍᓗ ᓄᓇᓕᖕᓄᑦ," ᐅᖃᖅᖢᓂ.
ᕚᓐᑰᕗᒥ, ᐊᐅᓚᑦᑎᓯᒪᔪᖅ ᐃᐊᑉ-ᒥᒃ ᐊᑯᓂᐅᖏᑦᑐᒧᑦ ᐊᑐᖅᑐᐊᕐᓂᕐᒥᒃ ᐱᖃᓐᓇᕆᔭᒥᓂᒃ ᐊᒻᒪᓗ ᓴᖅᑮᓇᓱᐊᖅᑐᓂ ᑮᓇᐅᔭᒥᒃ, ᖃᕋᓴᐅᔭᒃᑯᑦ ᐱᖁᑎᒋᔭᐅᔪᒥᒃ. ᓴᓇᔪᑦ Metaverse-ᒥᒃ ᑮᓇᐅᔭᐅᓂᐊᖅᑐᒥᒃ, ᑕᑕᓪᓗᑎᒃ VR-ᒥᒃ ᓴᓇᔭᐅᓯᒪᔪᓂᒃ ᐅᐊᔭᒨᖅᑐᓂᒃ ᓴᓇᓯᒪᔪᓂᒃ ᑎᑎᕋᐅᔭᖅᑎᓄᑦ ᒥ. "ᓯᕗᓂᒃᓴᐅᓂᐊᕋᓱᒋᕙᕋ. ᓲᕐᓗ ᐃᒡᓗᓂᒃ ᓂᐅᕕᐊᒃᓴᖃᕐᓂᖅ, ᑭᓯᐊᓂ ᑐᐊᑉᐱᖅᓱᕈᓐᓇᕐᓂᖃᕐᓂᐊᖅᑐᖅ ᐊᒻᒪᓗ ᓇᓗᓇᓐᖏᑦᑐᖅ VR ᐊᒻᒪᓗ AR-ᑯᑦ ᐱᓕᕆᔾᔪᑎᖏᑦ, ᑕᒪᓐᓇ ᐊᒃᓱᐊᓗᒃ ᐱᐅᔪᐊᓘᒻᒪᑦ," ᒥᑕᐅᑎᖓ.
ᖃᐅᑕᒫᑦ ᑲᔪᖏᕐᓴᐃᔾᔪᑎᒋᖃᑦᑕᖅᑕᖓ ᖃᓄᑎᒋ ᐊᔭᐅᖅᑐᕈᓐᓇᕐᒪᖔᕐᒥ, ᓇᑭᒃᑭᐊᖅ ᓂᕆᐅᓗᐊᓚᐅᓐᖏᑦᑐᖅ. ᑲᔪᓯᑦᑎᐊᕐᓂᖃᖅᑎᓪᓗᒍ, ᓂᕆᐅᒋᔭᐅᔪᑦ ᐊᓯᖏᓐᓄᑦ ᖁᕝᕙᕆᐊᖅᓯᒪᔪᑦ. ᐃᖅᑲᓇᐃᔮᖓ ᒫᓐᓇ ᐱᓇᓱᐊᖅᑐᑑᓕᖅᑐᖅ ᐱᔪᒪᓯᒪᒐᒥᐅᒃ ᐱᐅᓗᐊᕋᓂ ᐊᒻᒪᓗ ᑕᒪᓐᓇ ᐊᒃᓱᕈᕈᑎᒋᓯᒪᒻᒪᒍ. ᑭᖑᒧᑦ ᑕᑯᒋᐊᕈᒪᔪᖅ ᖃᐅᔨᒪᓪᓗᓂ ᐃᓱᒪᓕᐅᓚᐅᕐᒪᑦ ᓇᒻᒥᓂᖅ ᑕᑯᓚᐅᖅᑎᓪᓗᒍ ᐊᒥᓱᓂᒃ ᐃᓄᓐᓂᒃ ᓂᕈᐊᕈᓐᓇᖅᑐᓂᒃ ᐃᓚᒥᓐᓂᒃ ᐱᖃᓐᓇᕆᔭᒥᓂᓪᓗ.
ᓴᕚᑕ ᐅᐱᒍᓱᒍᒪᔪᖅ ᐃᒻᒥᓂᒃ ᑭᖑᒧᑦ ᑕᐅᑐᓪᓗᓂ ᐱᔪᓐᓇᕐᓂᓕᒫᒥᓂᒃ ᐱᓕᕆᓂᐊᕐᒪᑦ. ᓯᕗᒧᑦ ᑕᐅᑐᓪᓗᒍ, ᐊᕐᕌᒍᒥᒃ ᐊᒥᐊᒃᑯᖃᓕᖅᑐᖅ ᐃᓕᓐᓂᐊᕐᕕᒻᒥ ᐊᒻᒪᓗ ᐃᖅᑲᓇᐃᔮᖓ ᐊᒃᓱᕈᖅᑐᒻᒪᕆᐅᓪᓗᓂ. ᐱᔭᕇᖅᓯᔪᒪᕗᖅ ᓴᖅᑭᑎᑦᑎᔪᒪᓪᓗᓂᓗ ᐊᑐᖃᑦᑕᖅᓯᒪᔭᒥᓂᒃ ᐋᖅᑭᒃᓱᐃᓂᐊᖅᑐᓂᒃ ᑭᓇᐅᓂᕐᒥᓂᒃ, ᑕᒪᓐᓇᓗ ᐊᑐᑦᑎᐊᕈᓐᓇᖅᖢᓂ ᐊᔪᕈᓐᓃᖅᓯᒪᔭᒥᓂᒃ ᐊᔾᔨᒌᙱᑦᑐᓂ ᐱᔭᒃᓴᕆᔭᐅᔪᓂ. ᐱᓕᕆᖃᑕᐅᔪᒪᒻᒪᑦ ᐊᔾᔨᒌᙱᑦᑐᓂᑦ ᐊᒻᒪ ᐱᒋᐊᕋᑖᓚᐅᕐᒪᑦ ᓇᒻᒥᓂᖅ podcast-ᒥᑦ.
ᐱᕕᖃᖅᑎᓪᓗᒍ, Zawada ᐹᔅᑭᑦᐹᓪ, ᓯᐊᕐᕆᔭᐅᑎᑯᑖᒃ, ᒥᓱᒃᑕᖅᑐᑦ, ᓯᑭᑑᑦ ᐊᒻᒪ ᓛᓱ ᓂᕕᖓᑖᑦ. ᖁᕕᐊᒋᔭᖃᖅᑐᖅ ᑕᕐᕆᔭᒐᕐᓂᑦ, ᐱᖃᓐᓇᕆᔭᒥᓂᒃ ᐱᖃᑎᖃᖅᖢᓂ, ᓯᒡᔭᓕᐊᖅᖢᓂ ᐱᙳᐊᕆᐊᖅᑐᖅᖢᓂᓗ. ᐅᖃᐅᓯᖃᖃᑦᑕᕐᒥᔪᖅ ᐃᓚᒋᔭᐅᓪᓗᓂ ᓄᓇᖃᖅᑳᖅᓯᒪᔪᑦ ᐱᓕᕆᔨᖏᓐᓄᑦ UBC−ᑯᓐᓂ. ᓄᓇᖃᕐᒥᔪᖅᑕᐅᖅ ᐊᖏᕐᕋᕆᔭᐅᔪᒥ ᐊᔾᔨᖃᖅᑐᒥᒃ ᐱᐅᓯᑐᖃᕐᒥᓂ.
ᑐᓴᖅᑎᑦᑎᒍᓐᓇᕈᓂ ᒪᒃᑯᓐᓂᖅᓴᒧᑦ ᐃᓅᑲᐃᓐᓇᕐᓗᓂ. ᓱᒃᑲᓕᔪᒻᒪᕆᒻᒥᑦ, ᑲᓱᖅᓯᒪᐃᓐᓇᐅᔭᖅᑐᖅ ᐅᓪᓗᒥᐅᓕᖅᑐᖅ ᐃᓅᓯᐅᔪᒥᑦ ᐅᓚᕕᓴᖅᑕᐅᔪᖃᖅᑐᒻᒪᕆᐅᒻᒪᑦ ᐊᒻᒪᓗ ᓴᓇᕙᑦᑐᓂ ᓂᐊᖁᖓᒍᑦ ᐃᓱᒪᐃᓐᓇᖃᑦᑕᕐᓂᐊᕐᒪᑦ ᓯᕗᓂᑦᑎᓐᓂ ᐸᕐᓇᐅᑎᐅᔪᓂᑦ. ᐃᖃᐃᓕᓴᕐᕕᖕᒥ ᓴᓇᓲᖓ, ᐊᑐᖃᑦᑕᖅᑐᖅ ᐳᔫᖅᑐᒥᒃ ᐃᒡᓗᕈᓯᕐᒥᒃ, ᐃᓅᓕᓴᐅᑎᓂᒃ ᐊᒻᒪ ᓂᒡᓚᓱᒃᑐᒧᑦ ᐅᕕᓂᖕᓂᐊᕐᕕᖕᒧᐊᖅᐸᒃᖢᓂ ᐃᑲᔪᖅᐸᒃᖢᓂᐅᒃ ᑕᐃᑲᓃᖏᓐᓇᖁᓪᓗᒍ. ᒫᓐᓇ ᐃᓗᐊᓐᖏᑲᐃᓐᓇᕋᓗᐊᖅᑎᓪᓗᒍ, ᐅᐊᔭᖏᑦ ᖃᒥᑕᐅᒻᒪᑕ ᐱᔭᕇᕋᒥ.
ᐃᓚᖓᑦ ᐅᖃᐅᓯᕆᓚᐅᖅᑕᖓ ᑯᑉ ᐳᕋᐃᓐᑦ "ᐃᓱᐊᓂ, ᕿᑎᐊᓂᐅᖏᑦᑐᖅ." ᐅᑉᐱᕈᓱᑦᑐᖅ ᑮᓇᐅᔭᓕᐅᕋᓱᐊᕐᓂᕐᒥᒃ ᖃᓄᑐᐃᓐᓇᖅ ᐱᓕᕆᓇᓱᐊᖅᑕᕐᓄᑦ ᐊᒻᒪᓗ ᐱᐊᓂᒃᓯᓗᓂ ᑕᖃᓯᒪᒐᓗᐊᕈᓂ. ᐅᒃᐱᕈᓱᒃᑭᕗᖅᑕᐅᖅ ᐊᒃᓱᕈᖅᖢᑎᑦ ᐱᓕᕆᖃᑦᑕᕐᓂᕆᔭᐃᑦ ᐊᑭᓕᖅᑕᐅᕙᖕᓂᖏᓐᓂᒃ ᖃᓄᑐᐃᓐᓇᕐᓗ ᐱᓕᕆᒐᓗᐊᕈᕕᑦ, ᐊᒃᓱᕈᕐᓗᑎᑦ ᐱᓕᕆᔭᕆᐊᖃᕋᕕᑦ. ᒫᓐᓇᒫᖑᓚᐅᖅᑐᖅ podcast-ᑯᑦ ᐅᖃᐅᓯᖃᓚᐅᕐᒪᑕ ᐃᓅᓯᐅᑉ ᑐᑭᖓᓂᒃ, ᐅᖃᐅᓯᖃᓚᐅᕐᒪᑦ ᖃᓄᖅ ᐃᓱᒪᒻᒪᖔᖅ ᑕᒪᓐᓇ ᑲᔪᓯᑎᑕᐅᒍᓐᓇᕐᓂᖓᓂᒃ. ᑭᓱᑐᐃᓐᓇᑦ ᐋᖅᑭᐊᓂᒃᓯᒪᙱᒃᑲᓗᐊᖅᑎᓪᓗᒋᑦ, ᑭᖑᒧᑦ ᑕᑯᒋᐊᕈᓐᓇᖅᑐᖅ ᐃᖅᑲᐅᒪᓗᓂᓗ ᐆᒃᑐᓚᐅᖅᓯᒪᓂᖓᓂᒃ. ᑕᐅᑐᓪᓗᐊᑕᕐᖢᓂ ᑭᓱᑦ ᐱᒻᒪᕆᐅᖕᒪᖔᑕ ᑖᔅᓱᒧᖓ ᑐᓂᓗᒋᓪᓗ ᑕᐃᒃᑯᐊ ᐱᖁᑎᓕᒫᖏᑦ, ᖁᓱᙱᑦᑐᖅ ᓇᓂᓯᓂᐊᕐᓂᖓᓂᒃ ᐱᔭᕇᖅᓯᓂᕐᒥᒃ ᐱᒃᑯᒍᓱᖕᓂᕐᒥᓂᒡᓗ ᐱᔭᕇᖅᑕᖏᓐᓂᒃ.
ᖃᐅᔨᒪᓪᓗᓂ ᐃᖅᑲᓇᐃᔮᖓᑦ ᐃᓅᓯᖓᑕ ᐊᖏᔪᒻᒪᕆᐊᓘᖕᒪᑦ, ᐅᐊᔅᑕᓐ ᔭᐅᕙᑕ ᖃᐅᔨᓇᓱᖕᒪᑦ ᖃᓄᐃᓕᐅᖃᑦᑕᕐᒪᖔᑦ ᖃᐅᑕᒫᑦ ᐊᒃᑐᐊᓂᖃᑦᑎᐊᕋᓗᐊᕐᒪᖔᑦ ᑭᓇᐅᖕᒪᖔᑦ. ᓄᓇᓕᕋᓛᒦᙶᖅᓯᒪᔪᖅ ᓯᓐᓇᑦᑑᒪᒋᓂᖅᐹᒥᓂᒃ ᓯᓐᓇᑦᑑᒪᖃᖅᑐᓂ ᐊᒻᒪ ᓄᓇᓕᐸᐅᔭᐅᑉ ᐊᑐᐃᓐᓇᐅᑎᑕᖏᓐᓂᑦ ᓴᓇᓪᓗᓂ. ᖀᒥᒍᓱᖕᓂᕐᒥᓂ ᐊᒻᒪ ᐃᒡᓗᓂᒃ ᓄᓇᒥᒡᓗ ᓂᐅᕕᐊᒃᓴᖃᖅᐸᒃᑐᑦ ᐊᓕᐊᓇᐃᒋᔭᖏᓐᓂᒃ, ᓯᕗᓂᒃᓴᑦᑎᓐᓂ ᑕᑯᕗᖅ ᐱᒻᒪᕆᐅᓂᖓ ᖁᕝᕙᖅᐸᓪᓕᐊᑐᐃᓐᓇᖅᑎᓪᓗᒍ, ᓲᕐᓗ ᖃᕋᓴᐅᔭᒃᑯᑦ ᑮᓇᐅᔭᓕᕆᔾᔪᑎᑦ ᓴᖅᑭᑎᑦᑐᒪᓇᔭᖅᑕᖏᑦ.
ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.
