ᐃᓚᖏᑦ ᐃᓄᐃᑦ ᐃᓕᑦᑎᑦᑎᐊᓛᖑᓲᑦ ᐃᓕᓐᓂᐊᕐᕕᐊᕈᓯᕐᒥ. ᐊᓯᖏᑦ ᐃᓄᐃᑦ ᐃᓕᑦᑎᕚᓪᓕᓲᑦ ᑲᑎᒪᕝᕕᖕᒥᑦ. ᕋᐃᔭᓐ ᔅᑑᓐ ᔪᕐᒪᐃᓐ ᐅᐱᒍᓲᑎᖃᖅᑐᖅ ᒥᑎᔅ ᖃᖓᑕᓲᒃᑯᑦ ᓇᒻᒥᓂᖃᖅᑎᐅᓪᓗᓂ ᐱᒋᐊᓚᐅᖅᓯᒪᔪᖅ ᓯᕗᓪᓕᖅᐹᒥ ᓇᒻᒥᓂᖃᕐᓂᕐᒥᑦ ᓄᓇᒥᑦ 17-ᓂ ᐊᕐᕌᒍᓕᓐᓂᑦ ᓄᖅᑲᖅᓯᒪᒐᓂᓗ ᐃᓕᓐᓂᐊᓂᕐᒥᑦ. ᑕᐃᒪᓐᖓᓂᓪᓕ, ᐊᒥᓱᒃᑲᓐᓂᐅᓕᖅᑐᑦ, ᐱᖃᓯᐅᑎᓪᓗᒋᑦ ᖃᐅᔨᒪᐅᑎᓕᕆᓂᕐᒧᑦ ᑲᒻᐸᓂᐅᔪᑦ ᐊᒻᒪᓗ ᐃᖅᑲᓇᐃᔭᓄᑦ ᑲᑎᒪᔨᐅᔪᑦ. ᐃᓕᓐᓂᐊᖅᑎᑦᑎᐊᕙᐅᓚᐅᙱᑦᑐᖅ ᑭᓯᐊᓂ ᐊᓯᐊᒍᑦ ᐊᖅᑯᑎᒃᓴᖅᓯᐊᖅᓯᒪᔪᖅ ᑲᔪᓯᑦᑎᐊᕐᓂᕐᒧᑦ... ᓯᕗᓪᓕᖅ ᐱᒋᐊᓚᐅᖅᑐᖅ ᒪᓕᒐᕐᓂᐊᖅᑎᒥᑦ. ᒫᓐᓇ, ᓯᕗᓕᖅᑎᐅᓕᖅᑐᖅ ᐊᖏᕐᕋᖃᖅᖢᓂ ᖃᔅᓯᐊᕐᔪᖕᓂ ᑲᒻᐸᓂᐅᔪᓂ, ᐃᓕᓐᓂᐊᖅᑎᑦᑎᓪᓗᓂ ᓄᓇᖃᖅᑳᖅᓯᒪᔪᓂ ᐱᒋᐊᖅᑎᑦᑎᔨᓂᑦ, ᐱᓕᕆᖃᑎᖃᖅᖢᓂᓗ ᑲᑎᙵᖃᑎᖃᖅᖢᓂ ᓂᐅ ᕙᓐᓱᔅ−ᑎᒍᑦ ᐊᒻᒪ ᑐᓗᒐᕐᓄᑦ ᐊᑭᑐᔫᑎᓄᑦ. ᐃᖅᑲᓇᐃᔭᖃᑦᑕᖅᑐᖅ ᓄᓇᕐᔪᐊᕐᒥ ᑮᓇᐅᔭᖃᖅᑎᑕᐅᓪᓗᓂ ᐱᒋᐊᕈᑎᓂᒃ, ᐃᓕᓴᐃᓪᓗᓂ ᖃᓄᖅ ᐱᒋᐊᖅᑎᑦᑎᔪᓐᓇᕐᒪᖔᑦ ᐊᒻᒪ ᐅᖃᐅᔾᔨᒋᐊᕈᓐᓇᖅᖢᓂ ᑲᒻᐸᓂᐅᔪᓂᒃ.

ᓴᐃᓐᑦ ᔪᕐᒪᐃᓐ ᐱᓇᓱᐊᕈᓯᕐᓂᒃ 6-ᓂᒃ ᐅᑭᐅᖃᓕᖅᑎᓪᓗᒍ, ᐊᑖᑕᑦᓯᐊᖓ ᐊᑦᑐᐊᓚᐅᖅᑐᖅ ᐊᓪᓚᓄᑦ ᐃᓚᒥᓄᑦ ᐃᓄᐊᖅᑕᐅᓚᐅᕐᒪᑦ. ᐊᕐᕌᒍᓂ ᐊᓂᒍᓵᖅᑐᓂ, ᐊᐱᖅᓱᖃᑦᑕᖅᓯᒪᖕᒪᑦ ᐃᓚᒥᓂᒃ ᖃᐅᔨᒪᓕᒃᑲᓐᓂᖅᐸᒃᖢᑎᒡᓗ ᐊᓪᓚᖓᔪᖁᑎᖏᑕ ᐱᐅᓯᑐᖃᖏᓐᓂᒃ. ᐱᒋᐊᖅᑎᑦᑎᓚᐅᖅᐳᖅ ᐱᓕᕆᖃᑎᒌᒃᑐᓂᒃ ᑕᐃᔭᐅᔪᓂᒃ ᓄᓇᖃᖅᑳᖅᑐᑦ ᐱᓕᕆᔾᔪᑎᓄᑦ ᐊᖕᒪᓗᖅᓯᓯᒪᔪᑦ ᑖᒃᑯᐊᓗ ᐃᓚᖃᖅᖢᑎᒃ 300−ᓂᒃ ᓄᓇᖃᖅᑳᖅᑐᑦ ᐱᓕᕆᔾᔪᑎᓪᓚᕆᖕᓂᒃ ᑲᓇᑕᓕᒫᒥ ᐊᒥᐊᓕᒃᑲᓂᓗ. ᖃᐅᔨᓚᐅᖅᑐᖅ ᑲᑎᖃᑎᖃᕈᒪᓕᕋᒥ ᓄᓇᖃᖅᑳᖅᓯᒪᔪᓂᑦ ᐱᓕᕆᔨᒻᒪᕆᖕᓂᑦ ᐅᖃᐅᔾᔭᐅᓪᓗᓂᓗ ᐱᑕᖃᙱᓐᓂᕋᐃᓪᓗᓂ. "ᐅᓂᒃᑳᖅ ᑐᓴᖅᑕᐃᑦ, ᐊᒻᒪᐃᓛᒃ ᓱᓕᓪᓗᓂ ᖁᕕᐊᓲᑎᒋᔪᒪᑦᑎᐊᖅᑕᒃᑲ ᑲᔪᓯᑦᑎᐊᖅᑐᑦ ᐱᓯᒪᔭᕗᑦ," ᐅᖃᖅᑐᖅ.

ᐱᓕᕆᖃᑎᒌᑦ ᑐᕌᒐᕆᔭᖏᑦ ᐱᒻᒪᕆᐅᒋᔭᖏᓪᓗ ᐋᖅᑭᒃᑕᐅᓵᓚᐅᖅᑐᑦ ᑐᙵᕕᖃᕐᖢᑎᒃᓗ ᐊᔾᔨᒌᒃᑎᑦᑎᔪᓂᒃ ᖃᓄᐃᓕᖓᔾᔪᑎᓂᒃ ᓄᓇᖃᖅᑳᖅᓯᒪᔪᓄᑦ ᐃᓄᖕᓄᑦ ᐊᑐᕐᖢᑎᒃ ᖃᕆᑕᐅᔭᓕᕆᔾᔪᑎᓂᒃ. ᑕᒪᓐᓇ ᓲᕐᓗ ᖃᐅᔨᒪᖃᑦᑕᐅᑎᓂᖅ ᐊᒻᒪᓗ ᖁᕝᕙᖅᑎᖃᑦᑕᐅᑎᓂᖅ ᓴᓇᕕᐅᔪᓂᒃ ᐊᒻᒪᓗ ᓴᖅᑮᓗᓂ ᐱᕕᒃᓴᖃᕝᕕᐅᒍᓐᓇᖅᑐᓂᒃ ᑲᔪᖏᖅᓴᐃᓂᕐᒧᑦ ᐊᒻᒪᓗ ᑐᑭᒧᐊᑦᑎᑦᑎᓂᕐᒧᑦ ᑭᖑᕚᕆᓂᐊᖅᑕᑎᓐᓄᑦ ᓴᓂᓕᕆᖁᓪᓗᒋᑦ ᐊᒻᒪᓗ ᓴᖅᑮᓗᑎᒃ ᓄᓇᐅᑉ ᐊᑖᓂ ᐱᓕᕆᔨᓄᑦ ᑐᓴᐅᒪᖃᑦᑕᐅᑎᖃᑎᒌᒍᑎᓂᒃ ᓴᖅᑮᓗᑎᒃ ᑭᒡᒐᖅᑐᐃᓂᕐᒥᒃ ᑲᑎᒪᔨᓂᒃ ᐊᒻᒪᓗ ᐊᑐᐃᓐᓇᖃᕐᓗᑎᒃ ᑮᓇᐅᔭᓂᒃ. 0.004%−ᖏᑦ ᑮᓇᐅᔭᑦ ᒫᓐᓇ ᓄᓇᖃᖅᑳᖅᓯᒪᔪᓄᑦ−ᐊᐅᓚᑕᐅᔪᓄᑦ ᓇᖕᒥᓂᓕᖕᓄᑦ, ᐊᓯᔾᔩᔭᕆᐊᖃᖕᒪᑕ ᓴᐃᓐᑦ ᔪᕐᒪᐃᓐ ᓂᕆᐅᖕᓂᖏᓐᓂᑦ ᑲᑎᙵᐅᖅᑐᓂᑦ ᓲᕐᓗ ᓄᓇᖃᖅᑳᖅᓯᒪᔪᑦ ᐱᓕᕆᔾᔪᑎᖏᓐᓄᑦ.

"ᐱᕕᒃᓴᖅᑕᖃᖅᑐᖅ ᑭᖑᕚᒃᓴᑦᑎᓐᓄᑦ ᐱᒋᐊᖅᑎᑦᑎᓂᕐᒧᑦ ᑲᒻᐸᓂᓂᒃ ᑭᓇᑐᐃᓐᓇᕐᓗ ᐊᖏᖅᑕᐅᔭᕆᐊᖃᙱᖦᖢᓂ"

ᐃᑲᔪᖅᓱᐃᓂᖅ ᓇᖕᒥᓂᖃᖅᑎᐅᔪᓂᒃ ᓂᕈᐊᕆᔭᐅᑦᑎᐊᓚᐅᖅᑐᖅ St. Germaine-ᒧᑦ. "ᖁᕕᐊᒋᑐᐃᓐᓇᖅᑕᒃᑲ ᐱᒋᐊᕈᑏᑦ. ᐅᕙᓐᓄᓪᓕ, ᐃᓕᑉᐸᓪᓕᐊᓂᐅᒻᒪᑦ. ᓇᖕᒥᓂᖃᓕᕌᖓᒪ, ᐃᒪᓐᓇᐅᓯᒪᕗᖅ, ᑭᓱᒥᒃ ᐃᓕᑦᑎᔪᒪᓇᔭᖅᐳᖓ?" ᐊᓕᐊᓇᖅᑐᓂᒃ. ᑭᓇᑐᐃᓐᓇᖅ ᖁᕕᐊᒋᔭᖃᓚᐅᙱᑦᑐᖅ ᐃᓕᓐᓂᐊᖅᑎᑕᐅᓂᕐᒥᑦ ᐃᓕᓐᓂᐊᕐᕕᒻᒥᑦ, ᓇᒻᒥᓂᖃᕈᒪᓂᖅᓴᐅᓚᐅᖅᑐᖅ ᐊᒻᒪ ᐱᒋᐊᖅᑎᑦᑎᓪᓗᓂ ᐊᒥᓱᓂᑦ ᓇᒻᒥᓂᕆᔭᐅᔪᓂᑦ ᑲᔪᓯᖃᑦᑕᖏᓐᓂᖏᓐᓂᑦ ᑲᔪᓯᑦᑎᐊᖃᑦᑕᖏᓐᓂᕐᒥᑦ. ᐃᓕᓐᓂᐊᖅᑎᓪᓗᒍ BCIT−ᒥ ᐃᓕᑦᑎᓂᕐᒧᑦ ᐊᔪᙱᓐᓂᕐᓂ ᓲᕐᓗ HTML ᐊᒻᒪ ᓂᐅᕐᕈᑎᖃᕋᓱᐊᕐᓂᖅ, ᐱᐊᓂᒃᓯᓚᐅᙱᑦᑐᖅ ᑕᒪᒃᑭᖅᑐᒥᒃ ᐊᔪᙱᔾᔪᑎᒥᒃ. ᓱᓕ ᐃᓱᒪᓕᐅᓚᐅᓐᖏᓚᖅ ᓄᖅᑲᕐᕕᒃᓴᖓᓄᑦ ᑭᓯᐊᓂ ᒫᓐᓇᒧᑦ, ᖁᕕᐊᑦᑐᖅ ᐃᓕᒋᐊᖓ ᓄᑖᓂᒃ ᖃᐅᔾᔨᑎᑖᕆᐊᖓ ᑕᒫᓂ. ᐃᖅᑲᓇᐃᔮᖓᑕ ᑲᑎᒪᔨᖏᑦ ᓂᐅᕕᖅᑕᐅᒻᒪᑕ ᓇᒻᒥᓂᖃᖅᑎᐅᔪᓄᑦ, ᐃᓅᓯᖓ ᐊᓯᔾᔨᓚᐅᖅᑐᖅ. "ᑐᓴᖅᑎᑦᑎᔪᒪᓪᓚᕆᒃᑲᒪ ᐊᓯᓐᓄᑦ ᑕᑯᑎᑦᑎᔪᒪᓂᕐᒧᓪᓗ ᐃᓄᖕᓂᒃ ᖃᓄᖅ ᓴᖅᑭᑎᑦᑎᔪᓐᓇᕐᒪᖔᑕ ᐊᒃᖢᙱᓐᓂᕐᒥᒃ, ᖃᓄᖅ ᑕᒪᒃᑯᐊ ᓄᓇᖃᖅᑳᖅᑐᑦ ᐃᓄᐃᑦ ᓴᖅᑭᑎᑦᑎᔪᓐᓇᕐᒪᖔᑕ ᑭᖑᕚᕇᓄᑦ ᑮᓇᐅᔭᓕᐅᕐᓂᕐᒥᒃ ᓴᖅᑭᑎᑦᑎᔪᓐᓇᖅᖢᑎᒡᓗ ᐃᓱᒪᖅᓱᕈᓐᓇᕐᓂᕐᒥᒃ ᓇᖕᒥᓂᖅ ᓇᖕᒥᓂᖃᕐᓂᒃᑯᑦ," ᑲᔪᓰᓐᓇᖅᐳᖅ.

ᑐᓗᖅᑕᕈᑎᖃᓕᕋᒥ, ᓴᐃᓐᑦ ᔪᕐᒪᐃᓐ ᐊᐳᖅᑕᕈᑎᖃᓗᐊᓚᐅᙱᑦᑐᖅ ᓄᓇᖃᖅᑳᖅᓯᒪᔪᑦ ᓇᖕᒥᓂᖃᖅᑎᑦ ᓵᖓᒐᔪᒃᑕᖏᓐᓂᒃ. ᑭᓇᑐᐃᓐᓇᖅ ᖃᑕᙳᑎᖃᓚᐅᖅᑐᖅ ᑮᓇᐅᔭᖃᕈᓐᓃᓚᐅᖅᑐᖅ 1980-ᖏᓐᓂ ᑭᓯᐊᓂ ᓴᓇᒃᑲᓐᓂᓚᐅᖅᑐᖅ ᑮᓇᐅᔭᖁᑎᒥᓂᒃ ᐱᑎᑦᑎᔪᓐᓇᖅᑎᖦᖢᒍ ᐱᕈᖅᓯᐊᒃᓴᒥᓂᒃ ᐊᑭᑐᔪᓄᑦ, ᓇᖕᒥᓂᕐᒥᓂᒃ ᓴᓇᔪᓐᓇᖅᓯᓚᐅᖅᑐᖅ ᐃᓚᒥᑎᒍᑦ ᐊᒻᒪᓗ ᓂᑲᒍᓱᖕᓂᒃᑯᑦ. ᐊᒥᓱᑦ ᓇᖕᒥᓂᖁᑎᓖᑦ ᑮᓇᐅᔭᖅᑖᖅᓵᓕᕙᖕᒪᑕ ᐱᖃᓐᓇᕆᔭᖏᓐᓂᑦ ᐃᓚᖏᓐᓂᒡᓗ ᐊᑐᐃᓐᓇᐅᖏᓐᓇᖅᐸᙱᖦᖢᓂᓗ ᓄᓇᖃᖅᑳᖅᓯᒪᔪᓂᑦ ᓇᖕᒥᓂᖃᖅᑎᐅᔪᓄᑦ, ᓴᐃᓐᑦ ᔪᕐᒪᐃᓐ ᐊᐱᕆᕗᖅ ᐊᒥᓱᓂᑦ ᓄᓇᖃᖅᑳᖅᓯᒪᔪᓂᑦ ᓇᖕᒥᓂᖃᖅᑎᐅᔪᓂᑦ, "ᖃᓄᖅ ᐱᙱᓕᐅᕈᓐᓇᖅᐱᑕ ᑲᔪᓯᑦᑎᐊᖏᓐᓇᕈᓐᓇᖁᓪᓗᑕ, ᖃᓄᕐᓕ ᐊᔭᐅᖅᑐᕈᓐᓇᖅᐸᕗᑦ ᑐᓗᖅᑕᕈᑏᑦ ᐊᓯᔾᔨᕐᓗᒋᓪᓗ?"

ᐆᑦᑑᑎᒃᑲᓐᓂᐅᔪᖅᑕᐅᖅ ᓯᓚᑖᒎᖅᑐᖅ ᓇᒻᒥᓂᖅ ᐅᓂᒃᑳᖓᑕ ᑕᑯᓯᒪᔭᖓ ᐹᐱ ᕋᓵᑦ ᒍᕉᔅ ᒎᕋᔅ ᓄᖅᑲᖅᑎᑕᐅᓚᐅᖅᑐᖅ ᐅᖅᓱᐊᓗᓕᕆᔨᓂᑦ ᐊᒻᒪᓗ ᑲᒻᐸᓂᖓ $2-ᒥᓕᐊᓄᑦ ᑮᓇᐅᔭᖅᑖᓚᐅᕋᓂ. ᐊᓯᖏᑦ ᑲᒻᐸᓃᑦ ᑮᓇᐅᔭᖃᖅᑎᑕᐅᔪᑦ ᑐᓗᒐᒃᑯᑦ ᐊᑭᑐᔫᑎᓄᑦ ᐊᔾᔨᒐᓚᖏᓐᓂᑦ ᐅᓂᒃᑳᖃᓲᑦ, ᑐᓂᓯᓲᖅ.

ᐅᖃᐅᔾᔪᐃᓂᖓ ᓄᓇᖃᖅᑳᖅᓯᒪᔪᓄᑦ ᐃᓕᓐᓂᐊᖅᑎᓄᑦ ᐃᓱᒪᒋᔭᖃᖅᑐᓄᑦ ᓇᖕᒥᓂᖃᕐᓂᕐᒥᒃ ᐅᓇᐅᕗᖅ, "ᐊᑖᒎᕐᓗᑎᑦ ᓴᓇᓗᑎᓪᓗ. ᖁᕕᐊᓱᑐᐃᓐᓇᕆᑦ. ᓇᖕᒥᓂᖃᕐᓂᖅ ᖁᕕᐊᓇᕆᐊᓕᒃ. ᐃᓕᓐᓂᐊᕐᓂᖅ ᖁᕕᐊᓇᕆᐊᓕᒃ. ᐆᒃᑐᕈᒪᒍᕕᑦ, ᐆᒃᑐᕐᓗᒍ." ᐃᓕᓴᖅᓯᔪᖅ ᐊᑐᐃᓐᓇᐅᓂᖅ ᐱᔾᔪᑕᐅᔪᓐᓇᖅᑐᖅ ᑭᓯᐊᓂ ᑎᓕᐅᕆᔪᖅ ᒪᒃᑯᒃᑐᓂᑦ ᕿᓂᕐᓗᑎᒃ ᐱᑕᖃᖅᑐᓂᑦ ᓄᓇᓕᖕᒥᓗ ᓇᖕᒥᓂᖃᖅᑎᐅᔪᑦ ᐊᒥᖅᑳᕈᑎᖃᕈᒪᓗᑎᒃ ᐊᑐᕐᓂᑯᖏᓐᓂ. "ᓴᓇᕐᕈᑎᖃᓕᕈᕕᑦ, ᐃᑭᐊᖅᑭᕕᒃᑰᕈᓐᓇᐅᑎᖃᕈᕕᑦ, ᐊᑭᖃᙱᑦᑐᓂᑦ ᐊᑐᒐᒃᓴᖅᑕᖃᖅᐳᖅ ᖃᓄᐃᓕᐅᕈᓐᓇᖅᑕᓕᒫᖕᓂᑦ ᐱᒋᐊᕐᓂᖓᓂᑦ. ᓇᖕᒥᓂᖃᓕᕈᓐᓇᖅᑐᑎᑦ $0−ᒧᑦ ᑮᓇᐅᔭᓕᐅᕈᓐᓇᖅᓯᓗᑎᓪᓗ ᐊᖏᔪᒥᒃ ᑮᓇᐅᔭᒃᑯᕕᖃᙱᓪᓗᑎᑦ ᐅᕝᕙᓘᓐᓃᑦ ᐃᑲᔫᑎᒃᓴᖃᙱᓪᓗᑎᑦ ᐃᓕᖕᓄᑦ," ᐅᖃᖅᖢᓂ. ᓴᐃᓐᑦ ᔪᕐᒪᐃᓐ ᑎᓕᐅᕆᕗᖅ ᒪᒃᑯᒃᑐᓂᑦ ᐱᓕᕆᐊᒃᓴᒥᖕᓂᑦ ᒪᓕᒃᑲᓗᐊᕆᐊᒃᓴᖏᓐᓂᑦ ᐋᓐᓂᖅᑕᐃᓕᓗᑎᒡᓗ ᑭᓯᐊᓂ ᐅᖃᕐᓗᓂ ᐱᒋᐊᕈᓐᓇᙱᓐᓂᕋᖅᖢᑎᒃ ᐅᓪᓗᒥ.

ᓯᕗᓂᒃᓴᕗᑦ ᑕᐅᑐᒡᓗᒍ, ᓴᐃᓐᑦ ᔪᕐᒪᐃᓐ ᐊᑐᖅᑐᐊᖅᑐᖅ ᔨᕝ ᐅᐊᑦᒥᑦ ᐊᓂᒥᑭᒥᑦ ᐅᖃᖅᖢᓂᓗ ᑐᓴᕈᒪᓂᕋᖅᖢᓂ ᐃᓄᖕᓂᑦ ᐅᖃᐅᓯᖃᖅᑐᓂᑦ ᓄᓇᖃᖅᑳᖅᓯᒪᔪᑦ ᐱᓕᕆᔾᔪᑎᖏᓐᓂᑦ ᓇᖕᒥᓂᖃᖕᓂᖕᒥᑦ ᓄᑖᓂᒡᓗ ᐅᖃᕐᓗᓂ "ᓄᓇᖃᖅᑳᖅᓯᒪᔪᑦ ᐃᓄᐃᑦ ᑲᒪᓇᖅᑐᒻᒪᕆᐅᖕᒪᑕ, ᐱᔪᓐᓇᑦᑎᐊᖅᖢᑎᒡᓗ ᐊᓯᒥᓂᒡᓗ ᖄᖐᓪᓗᑎᒃ." ᓇᒻᒥᓂᖅ ᐊᐅᓪᓚᕐᓯᒪᓪᓗᓂ ᐳᐊᑐᒍᓪᒧᑦ ᐸᕐᓇᓯᒪᔪᖅ ᐊᒻᒪᓗ ᖃᐅᔨᒪᔪᒻᒪᕆᐅᓪᓗᓂ ᐸᕐᓇᓯᒪᔪᖅ ᖃᓄᐃᓕᐅᕋᓱᐊᖏᓐᓇᕐᓂᐊᕋᒥ. ᑮᓇᐅᔭᓂᒃ ᐅᓄᖅᓯᕙᓪᓕᐊᖏᓐᓇᖁᔨᕗᖅ ᓄᓇᖃᖅᑳᖅᓯᒪᔪᑦ−ᐊᐅᓚᑕᐅᔪᑦ ᑲᒻᐸᓂᐅᔪᓄᑦ, ᐱᔪᒃᓯᑦᑎᐊᖅᐸᒃᖢᓂ ᖃᐅᑕᒫᑦ ᐱᓕᕆᐊᕆᒋᐊᒃᓴᖅ.

ᒪᑐᓕᕐᓗᒍ, ᐱᔪᒃᓯᓕᖅᑎᑦᑐᒪᓪᓗᒋᑦ ᓄᓇᖃᖅᑳᖅᑐᑦ ᒪᒃᑯᒃᑐᑦ, St. Germaine−ᑯᑦ ᐅᖃᐅᑎᔪᒪᕙᖏᑦ, "ᐊᑏᒎᖅ. ᐃᓱᒪᕗᑦ ᐅᖃᐅᔾᔨᓂᐊᖅᑐᑦ ᐅᕙᑦᑎᓐᓂᒃ ᖃᓄᐃᓕᐅᕈᓐᓇᖏᓐᓂᑦᑎᓐᓂᒃ ᑭᓱᑐᐃᓐᓇᕐᒧᑦ ᐱᑦᔪᑎᖃᕐᓗᑕ. ᖃᓄᐃᖏᑦᑐᖅ ᑕᒪᒃᑯᐊ ᐃᓱᒪᒋᒐᓗᐊᕐᓗᒋᑦ ᐊᒻᒪᓗ ᑕᒪᒃᑯᐊ ᐃᑉᐱᓐᓂᐊᓃᑦ ᐊᒻᒪᓗ ᓱᖁᑎᒋᓐᖏᓪᓗᒋᑦ, ᐊᒻᒪᓗ ᓯᕗᒧᐊᖏᓐᓇᕐᓗᑕ, ᐊᑕᐅᓯᐊᕐᓗᑕ. ᑕᐸᐃᕋᔭᖅᑐᑎᑦ ᖃᐅᔨᓚᐅᙱᓐᓂᕐᓂ 5-10−ᓂᒃ ᐊᓪᓗᕆᐊᕈᕕᑦ, ᑕᐸᐃᕋᔭᖅᑐᑎᑦ ᑭᓱᓂᒃ ᐱᐊᓂᒃᓯᔪᓐᓇᕐᒪᖔᖅᐱᑦ ᑭᓱᓂᒡᓗ ᐃᓕᑦᑎᖃᑦᑕᕐᒪᖔᖅᐱᑦ. ᑕᒪᓐᓇ ᑲᔪᓯᙱᓚᖅ ᑲᔪᓯᙱᓚᕐᓘᓐᓃᑦ. 'ᑭᓱᒥᒃ ᐃᓕᑦᑎᕕᑦ ᐅᓪᓗᒥ?' ᖃᖓᑐᐃᓐᓇᖅ ᐱᔪᒪᙱᑐᐊᕈᕕᑦ ᓇᓗᓇᐃᔭᐅᑎᒃᑲᓐᓂᕐᓂ ᐃᑲᔪᕐᓂᐊᖅᑐᓂᒃ ᐃᓕᖕᓂᒃ ᓯᕗᓂᒃᓴᕐᓂ."

ᐃᓚᖏᑦ ᐃᓄᐃᑦ ᐃᓕᑦᑎᑦᑎᐊᓛᖑᖃᑦᑕᕋᓗᐊᖅᑎᓪᓗᒋᑦ ᐃᓕᓐᓂᐊᕐᕕᐊᕈᓯᕐᒥ ᐊᓯᖏᓪᓗ ᐃᓕᑦᑎᕚᓪᓕᖅᐸᒃᖢᑎᒃ ᑲᑎᒪᕝᕕᖕᒥ, ᕋᐃᔭᓐ ᓴᐃᑦ ᔪᕐᒪᐃᓐ ᓇᓗᓇᐃᖅᓯᖕᒪᑦ ᑭᓱᑦ ᐱᒻᒪᕆᐅᓛᖑᖕᒪᖔᑕ ᓄᖅᑲᓚᐅᖅᓯᒪᙱᖦᖢᑎᒃ ᐃᓕᓐᓂᐊᕐᓂᕐᒥᒃ ᓇᒧᙵᐅᒐᓗᐊᕈᕕᑦ. ᓴᓇᓂᖅ ᑲᒻᐸᓃᑦ ᕿᑦᑐᒐᐅᔭᓂᑦ ᐃᑲᔪᕐᓗᒋᓪᓗ ᐊᓯᖏᑦ ᐊᔾᔨᑐᐃᓐᓇᖏᓐᓂᑦ, ᐱᕈᖅᓴᐃᖕᒥᔪᖅ ᓄᓇᖃᖅᑳᖅᓯᒪᔪᓂᑦ ᐱᓕᕆᔾᔪᑎᓂᑦ ᐱᕈᖅᓴᐃᓂᖕᒥᑦ ᓄᓇᖃᖅᑳᖅᓯᒪᔪᑦ ᐱᓕᕆᔾᔪᑎᖏᓐᓂᑦ ᐊᔪᙱᑦᑐᓂᑦ. ᓯᕗᓂᒃᓴᑦᑎᓐᓂ ᑕᐅᑐᒃᖢᓂ ᐊᒻᒪ ᐃᓕᑦᑐᒪᓪᓗᓂ, ᑖᓐᓇ ᖁᕕᐊᓇᙱᖦᖢᓂ, ᐃᑲᔪᖅᓱᐃᔪᖅ ᖃᖓᑕᓲᒃᑯᑦ ᓇᖕᒥᓂᖃᖅᑎᐅᔪᖅ ᐃᓱᒪᖃᖅᐳᖅ ᐱᒋᐊᕈᑎᒃᓴᓂᒃ ᐊᒻᒪ ᐆᒻᒪᑎᒥᒃ ᐃᓅᖃᑎᖃᐃᓐᓇᕈᓐᓇᕐᓂᕐᒥᒃ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.